Briefwisseling van Hugo Grotius. Deel 1

260. [1613 Mei 9]. Aan Is. Casaubonus².

Clarissime Domine,

Hodie me spectacula, deinde negotia detinuere quo minus id facerem, quod maxime officii erat mei, ut te, domi tuae te viderem. Et quando videor mihi intelligere aut cras sub vesperam aut perendie certe futurum ut ad Regem admittamur, orare te per has literas volui, ut id quod ultro obtulisti praestes mihi beneficium, curesque aut per te aut per Reverendiss. Eliensem³, ne plane ignotus Regem accedam; quod et mea causa et negotii ergo ob quod missus sum quam maxime exopto. Dabis veniam libertati, qua ut uterer tute causam praebuisti. Ubi Regem videro, erit mihi aliquanto plus otii: quod quidem nulli rei libentius quam tuis colloquiis impendam, nisi tibi molestum id sit. Salve vir maxime. Scribebam die Mercurii sub noctem, mane postero missurus.

Tui nominis reverentissimus
H. Grotius.

2 Hs. British Museum Londen, cod. Burney 364 f. 196. Beantwoord door n^o. 261, naar mij voorkomt. De audientie bij den Koning had 15 Mei plaats, zie n^o. 262. In Mei vielen de 2e en de 9e op een Woensdag; vermoedelijk is de brief dus van 9 Mei.

3 Andrewes, zie p. 229 n. 2.