Briefwisseling van Hugo Grotius. Deel 1

16. 1600 Aug. 4. Aan Joh. Meursius³.

Salve mihi, et Musis amicissime.

Non ignoras Carmen me de Semestri priori huius anni scripsisse, cuius finis est praelii apud Neoportam eventus⁴. Nomina caesorum, et captorum hostium, qui quidem primariae alicuius dignitatis, ita uti primum hic circumferebantur, inserui. Postea illis intellexi nihil esse incertius. Eadem iterum aliter atque aliter prodierunt mirabili discrimine. Itaque Delphos profectus, cum ne illic quidem certior fiam, ad te scribo, uti mihi hac in re operam des. Suspenditur enim impressio. Poteris, nisi grave sit, certi aliquid resciscere ex Nobilissimo D.D. Oldenbarneveldio. Ubi certi quid habueris, quod quam citissime eveniat opto, quia res moram vix patitur, rogo, ad me perscribas. Salutabis meo nomine Nob. adolescentes curae tuae concreditos, Reginerum et Guilielmum Oldenbarneveldios⁵, et cum iis in mei amore perseverabis.IIII Sextilis Anno CIƆIƆC. Delphis Batavorum.

Tuus χρήσει ϰαὶ ϰτήσει
H. Grotius.

3 Hs. U.B. Leipzig, cod. 0355 f. 208. Gedr. Meursii Opera XI p. 76.

4 Mirabilium anni CIƆIƆC quae Belgas spectant semestre prius. 1600. (Rogge 291).

5 Reinier van Groenevelt en Willem van Stoutenburg, de zoons van den landsadvocaat, wier gouverneur Meursius 1600-1610 was; zie bij n^o. 1. n. 1.

Adres: Eersaeme discrete voorzyenighe Johannes Meursius ter huysen van mijn Ed. heere Mijn heere Mr. Johan van Oldenbarneveldt eerste Raedt ende Advocaet van t'ghemeene landt van Holland in den Haghe. Loont den boode.