Briefwisseling van Hugo Grotius. Deel 1

[p. 13]

15. 1600 Juli 4. Aan J.A. de Thou¹.

Illustrissime Domine

Epithalamium Regium² meum raptim exaratum tibi mitto. Invenies in eo stragis Parisiensis, et bellorum civilium descriptionem: multis ea erit ingrata, neque dubito; sed aliter Panegyris fieri non potuit, etiam Scaligeri, quem hac super re consului, iudicio. Praeterea ἀμνηστίαν subiunxi. Sed utrum id satis sit, a te iudicium exquiro. Rogo ut scribas - quanquam scio publicas curas vix pati - authorne sis edam, an supprimam. Dum literas tuas exspecto non prodibit. Alia mihi opuscula prae manu sunt, quorum unum tuo, si pateris, nomini inscribo, ut testatiorem habeas meum erga te affectum. Operam omnem, licet perexiguam, animitus tibi promitto. Interea bono tuae patriae, et humanioris studii vale, et me, nisi indignus sum, patroni loco ama. Hagae Comitatensi. IV Non. Iul. An. CIƆIƆC.

Illustriss. V.D. devotissimus
Hug. Grotius.

1 Hs. Bibl. Nat. Parijs, fonds Dupuy 836 f. 76. Gedrukt Epistolae p. 1. Beantw. d. n^o. 19.

2 Op het huwelijk van Henri IV en Maria de Medicis, Dec. 1600. Het gedicht schijnt nooit gedrukt te zijn; zie n^o. 19 en n^o. 20.

Adres: Illustrissimo domino D. Iac. Augusto Thuano Praesidi Curiae Parrhisiensis dignissimo H. Grotius Salutem.