Archives ou correspondance inédite de la maison d'Orange-Nassau (première série). Tome VIII 1581-1584

Lettre MCXXXI.
Le ministre J. Haren au Comte Jean de Nassau. Objet de sa mission.

Monseigneur. Je suis arrivé pardeçà, depuis quinze jours, pour faire entendre à Monseigneur le Duc Jean Casimir, vostre beau-frère, l'intention de Monseigneur le Prince, vostre frère. Premiérement le désire qu'il a, comme quelquefois il vous a mandé, touchant une saincte amour et affection Chrestiene entre eux deux, avec oubliance de toutes choses passées, qu'il désire infiniment unir ses conseïls et advis avec les gens de bien de pardeçà, pour nous entreaider mutuelement les uns les aultres contre nos communs ennemis; et pour faire paroistre cela par effect, il me commanda de luy représenter, et à Mon-

[p. 256]

⁺seigneur l'Électeur de Coulogne, les offres⁽¹⁾ de Messieurs les Estats-Géneraux, assemblés lors à Middelbourgh en Zeelande, pour l'ornement de leur armée; que tout le monde juge les plus justes et charitables du monde, tant d'hommes de pieds que de cheval, argent et navires armées. J'ay bien et deument faict cognoistre le tout, ce qui grandement estonyt mon dit Seigneur le Duc, vostre beau-frère, qui, pour l'assurance qu'il a de ma fidélité et affection, que j'ay tousjours porté à son Exc., luy ayant esté domestique et fidèle serviteur en ma charge, me receut aleigrement et joyeussement, et, si depuis il n'eut usé d'aultre conseil que de son mouvement et saint zèle qu'il porte aus gens de bien, certainement j'espéroye n'avoir travaillé en vain, ains avoir mis les fondemens de la milieure oeuvre du monde et pour laquelle j'ay travaillé il y a quatre ans et davantaige: mais quoy! Satan, ennemy de justice et d'équité, sème par tout de la zisanie et méchante semence par des instrumens pernitieux, que je m'asseure que Dieu juste punira un jour. Je retourne doncques chez nous, non si content que je désireroye, espérant néantmoins de n'avoir perdu du tout mes poines, selon l'asseurance que m'en a donné mon dit Seigneur l'Electeur, qui m'a promis d'envoyer tost quelques gens de bien vers.Monseigneur le Prince, vostre frère, qui très-bien m'avoit prédit les choses que j'ay cognu par effect estant icy. J'ai bien voulu représenter à vostre Seigneurie ce petit discour de mon voyaige, veu qu'il m'est impossible pouvoir me transporter à Dilenbourgh, pour à bouche pouvoir exposer le tout à vostre Seigneurie, auquelle je seraye toutte ma vie très-humble et fidèle ser-

+ 1583. Septembre.

(1) offres: p. 243.

[p. 257]

viteur, qui prie Dieu, Monseigneur, continuer vostre santé 1583. Septembre. en longue etheureuse vie. De Coulogne, ce 20^e septembre. 1583.

De vostre Seigneurie le très-humble et obéissant serviteur,

Jean Haren.

A Monseigneur, Monseigneur le Comte Jean de Nassau.