Archives ou correspondance inédite de la maison d'Orange-Nassau (première série). Tome VI 1577-1579

* Lettre DCCLXIV.
Le Prince d'Orange au Comte Jean de Nassau. Venue de l'Archiduc Matthias.

*_** Le Cardinal de Granvelle écrit de Rome le 20 nov. à D. Juan: ‘La emprisa del Archiduque Matthias... dará trabajo a v. Alt.; y aqui la sentimos en todo estremo, por antever los grandes males que desto pueden succeder. No nos faltaría otra cosa [has] tantos otros males que la division en la casa, para acavar de ruynar lo todo’aant. (MS. B. Gr. XXX. p. 110).

Monsieur mon frère. J'ay par lettres du Gouverneur de Walcheren entendu qu'avez esté aux quartiers de Zeelande, et me sera bien grand contentement de sçavoir si l'on vous y aura faict tout bon recueil, aussi comment les places et fortifications de ce quartier vous auront pleu.

[p. 196]

⁺J'espère que serez présentement arrivé en Hollande, suyvant le rapport qu'on m'en a faict ce jourdhuy, ayant à ce regard bien voulu vous faire ce mot, encores que ne s'offre guerres de matière pour vous escrire, nous estans icy encoir tousjours en mesme ambiguité d'affaires, pour n'estre encoir sur icelles prins aulcune ferme resolution, quelque debvoir que depuis ma venue en ces quartiers j'en aye faict. Cependant, à ce qu'entendons, Don Jean s'en va tousjours s'en fortifiant et amassant le plus de gens qu'il peult: il ne peust tarder que ne voyons bientost son desseing. J'ay délibéré, m'aydant Dieu, partir en brief de ceste ville, pour aller faire ung tour vers la mienne de Bréda, avecq intention d'y faire aussi venir ma femme, que, si vostre commodité s'adonne de vous y trouver pour le mesme temps, nous pourrons avecq loysir communicquer ensamble de toutes choses plus particulièrement... Escript à Bruxelles, ce 9^me jour d'octobre 1577.

Vostre¹ bien bon frère à vous faire service,

Guillaume de Nassau.

Depuis ceste escripte sont icy venus nouvelles que l'Archiducq Mathias, fils de l'Empereur défunct, vient par deçà pour gouverner ces Pays-Bas, au lieu de Don Joan: j'espère de brief vous en faire plus ample advertence. Vostre serviteur est arrivé à cest instant: si tost que j'auray communicqué avec luy, je ne fauldray à le redépescher et vous mander par luy toutes nouvelles.

A Monsieur le Conte Jean de Nassau, mon bien bon frère.

+ 1577. Octobre.

1 Vostre - service. Autographe.