Archives ou correspondance inédite de la maison d'Orange-Nassau (première série). Tome II 1566

[p. 468]

† N^o CCXXXIX^a.
Mémoire relatif à la conduite que pourroient tenir le Prince d'Orange et les Comtes d'Egmont et de Hornes. (Ce qui a esté cause que ces Seigneurs n'ont plus volu obéyr à Son Alt^e pour povoir par là conserver le pays. (Veu le temps présent l'on at envoyé cest escript à Messieurs le Prince d'Oranges, les Contes d'Egmont et de Horn, pour y avoir le regard que bon leur semblera.))

⁺*_** Le Comte de Hornes étoit retourné à Weert. Il écrivit le 20 novembre à son frère M. de Montigny. ‘Ayant rendu raison de tout mon besoigné de Tournay, j'ay requis en estre deschergé et avoir congé de me retirer en ma maison, où suis retourné le 4 de ce mois, espérant ne en partir si tost.’ Procès d'Egm. II. 496. Il n'est guères probable que dans cette disposition d'esprit il ait approuvé le projet de déclaration suivant. Sur le dos on lit: Envoyé par Mons. de Horn.

Estans dernièrement en ces troubles à Bruxelles, voyant toutes choses en confusion et en cas l'on ne y remédiat promptement, estiont apparens de tumber toutes les affaires en une totale désolation, pour la désobeyssance grande du peuple, laquelle estoit sortie hors de toutes limites de raison, ayans saccagé tous les temples, soubs umbre qu'ilz estoient (comme ilz disiont) avouez de la noblesse et d'aulcuns Seigneurs, combien qu'il fut assez cognu le contraire, furent d'advis les dit S^rs appoincter ceste noblesse, leur donnant les lettres d'asseurance, espérant, avecque leur ayde et permectant au peuple l'exercice des

+ 1566. Novembre.

[p. 469]

⁺presches, povoir le tout réduire à obéyssance, jusques à ce que les estats-généraulx fussent assemblez.

Et partirent incontinent le Prince d'Orenges vers Anvers, le Conte d'Egmont vers Flandres, le Conte de Horn vers Tournay, où ils firent si bon debvoir, que accordant l'exercice des presches avecque quelques capitulations pour les catholicques, remirent le tout en bon train, et sembloit par là povoir éviter tous inconvéniens, lesquels aviont esté si apparens et trop plus grands que ceulx de France, moyennant que l'ordre par eulx mis eust esté entretenu, ce qui advint tout au contraire.

Car estans ces S^rs absens de Son Alt^ze et empêchés à remédier à ces troubles, aulcuns de leur malvueillans estans près sa dite Alt^ze, commencharent à blasmer leurs actions, du commenchement à part et secrètement, et après en publicq et par lettres; ce qu'ils firent aussi faire à Son Alt^ze, comme l'on peult veoir par ce qui est passé à Bruxelles touchant les presches, et ce qu'elle a escript à ceulx de Haynault et Arthois, blasmant partout ce que ces S^rs faisiont pour la pacification; aussi les gens qu'elle a faict lever en Haynault et pour sa garde à Bruxelles, lesquels publioient que de brief ils chastieroient ceulx de la nouvelle religion, par où nous estions apparens tumber en une totale ruyne. Car ayans sur notre asseurance réduict le peuple à obéyssance, Son Alt^ze se armant, estoit déliberé, ayant ses forces, contrevenir à tout ce qu'avions traicté, par où venions en mespris du peuple, comme l'ayant trompé et abusé par faulses persuasions, joinct que estions tant descriez vers Sa Ma^té, comme estans autheurs de tous ces troubles, à cause d'avoir par tant de diverses fois représenté l'estat des affai-

+ 1566. Novembre.

[p. 470]

⁺res, mesmes y avoir esté en personne Monsieur d'Egmont en Espaigne, lequel avoit tant bien et prudentement négocié, que l'on espéroit ung redressement à tous les affaires⁽¹⁾, à quoy Son Alt^ze démonstroit estre fort enclin, mais l'on a cognu que ce estiont toutes dissimulations et qu'elle a tousjours adjousté foy à ceulx qui désiriont plus leur profict particulier et la bonne grâce du maître que la conservation du pays, comme l'on peult assez appercevoir par leur actions.

Et considérans, si passissions cecy, le dangier où mectrions nos personnes, biens et conséquamment notre honeur et réputation, ayant clairement cognu que sommes réputés pour personnes séditieuses et perturbateurs du repos publicq, veu ce que son Alt^ze a faict tant en Hollande, Arthois et Tournay, dont estant de besoing l'on pourra faire apparoir;

Avons nous trois S^rs déliberé à nous déclairer serviteur très humbles à Sa Ma^té et protecteurs de la Noblesse et de la Patrie, ensamble de tout le peuple, vueillans maintenir ce que a esté accordé à Bruxelles et depuis capitulé avecqz les villes où avons traictié, affin de le faire entretenir, sans souffrir y estre contrevenu par voye directe ou indirecte, estant cecy le seul moyen de povoir maintenir le pays à repos.

Déclairans en oultre tous ceulx qui nous y vouldront donner empêchement, ennemys du Roy, ensamble

+ 1566. Novembre.

(1) affaires. L'écrivain désiroit plaire au Comte d'Egmont; de là ce passage un peu inexact. L'espoir général avoit reposé plutòt sur les espérances et assurances du Comte que sur ses prudentes négociations.

[p. 471]

⁺perturbateurs et séditieux, vueillans la ruyne, désolation, et perte du pays, et ne povons d'icy en avant avoir nulle confiance en Son Alt_ze, veu qu'avons assez descouvert et cognu par expérience qu'elle ne porte aulcun zèle, ny affection à ces pays, ains tend seullement à ce qui comple pour ses affaires et la grandeur de sa maison; car l'on at assez cognu par expérience ce qui s'est passé en Parme, et scait on bien qu'elle n'aspire que de ravoir le chasteau de Plaisance, lequel Sa Ma^té ne luy a oncques volu rendre, ores qu'il aye marié son fils. Par où l'on cognoit assez la peu de confiance qu'il a d'elle, ny de sa Maison, et l'on nous peult bien estimer malheureulx, que ne luy vueillant confier une seulle place, luy a mis entre mains tous les estats de par-deçà, lesquels elle seroit contente ruyner, pour parvenir à ravoir ce seul chasteau.

En oultre l'on sçait par trop l'ennemitié que le Pape et Cardinaulx porteront à ces pays voyant le désordre advenu, joinct qu'il est assez apparent qu'ilz ne vouldront doresnavant recognoistre le Pape, ny Cardinaulx pour leurs chiefz, et ne pourront tirer les deniers qu'ils souloient¹ et crainderont que le mesme leur adviegne en Espaigne, par où ils auriont entièrement perdu toute leur authorité, scassant² comme ils sont peu respectés en Allemaigne, France et Angleterre; qui les causerat de irriter Sa Ma^té par tous moyens contre ces pays, luy offrans toute ayde, tant d'argent que des gens, et useront de tous moyens, quelz qu'ilz soient, pour parvenir à chastier ces pays, comme ung affaire dont dependt toute leur grandeur, car ne faisans ce que dessus et estans à ce aydés de son Alt^ze, du Cardinal de Granvelle, lequel a si bonne cor-

+ 1566. Novembre.

1 avoient coutume (soleo).

2 sachant.

[p. 472]

⁺respondance, estant au reste personnaige tant expérimenté aux affaires d'estat, pensent, perdant ceste occasion, ne la povoir jamais recouvrer.

Parquoy nous fault mectre notre fiance en Dieu, lequel est scrutateur des coeurs, et protestons que ne emprendrons¹ ceste protection par nulle ambition ou affection particulière, ains tant seullement pour le service de Dieu, la conservation de nostre pays, et désirons à jamais demeurer très humbles serviteurs de Sa Ma^té et de ses successeurs, et mectre corps et biens tousjours pour son service, moyennant qu'il nous veulle réputer pour ses naturelz vassaulx, se confiant de nous, et ne permectant que soyons tyrannisez, ny reduictz en servitude; car aymons trop mieulx mourir pour la deffence et liberté de nostre patrie, que de vivre avecqs toutes les richesses et mercedes que l'on nous pourroit faire soubs une telle tyrannie, que sont aulcuns aultres royaulmes et pays de Sa Ma^té; nous contentans d'une vye médiocre et tranquille, sans nous soucyer des honneurs mondains, espérans avecq le temps que tout le monde cognoistrat nos actions n' avoir oncques tendus à nulle ambition, combien que nos malvueillans nous en accusent, procurans par là nous rendre odieux à tous Princes et Potentatz de la Chrestienneté.

+ 1566. Novembre.

1 entreprendrons.