Archives ou correspondance inédite de la maison d'Orange-Nassau (première série). Tome II 1566

[p. 232]

Lettre CLXXXIX.
Le Comte H. de Bréderode au Prince d'Orange. Sur la nécessité de porter remède à l'état critique de la ville d'Amsterdam.

⁺Monsieur, comme j'antamps que la bourgoysye de Amsterdam ont dressé ungne requeste laquelle il desyrent vous présenter, pour vous supplyer byen humblement voulloyr fayre ung tour jusque à leurs vylle pour mestre ordre à ungne inffynyté d'affaires quy vont byen malle, ce sachant je n'ey voussu délesser, mons.^r, vous avertyr par ceste que, sellon que me suys apperceu tant passant par là que de ce que j'an antamps tous les jours, que sy vous n'y mestes ordre, an peus de jours l'ordre s'y mestrat et aveque ungne telle émotyon et désordre que la vylle est an danger se perdre et ruyner à james. Les gouverneurs d'ycelle ne cessent d'anchemyner leurs ambytyons et synystres desseyns, de l'aultre costé le peuples voyct à l'eur¹ d'auyourduy ung aultre monde, quy est ocasyon qu'yl haussent la teste et ne ce veuyllent lesser forcer et trecter comme du passé, de l'aultre costé leur magystrat n'ast poyn de dyscrétyon aultre que d'assouvyr leur ambytyon d'avaryce, de sorte que je leurs voys couper la gorge les ungs aus aultre, quy ny mestrat remède; et certes, mons.^r, vostre venue serast le seull remède, je n'an voys neus aultres, et à l'ocasyon que il y ast là de-

+ 1566. Août.

1 heure.

[p. 233]

⁺dans ungne infynytée de jans de byens, nos byens bons amys et antyèrement à nostre dévotyon, je vous voldreye byen supplyer humblement à la contamplatyon d'yceuls, sy au monde vous est possyble, vous y voulloyr trouver ung tour pour obvyer au dys inconvényens, desquels il an est plus que tamps; et me recommandant humblement à vostre bonne grâce pryrey le Créateur vous donner, mons.^r, an sancté bonne vye et longue, anssamble le comble de vos desyrs. De Cleff an Hollande, ce xxii^me jour d'aoust 1566.

+ 1566. Août.