Archives ou correspondance inédite de la maison d'Orange-Nassau (première série). Tome II 1566

Lettre CLXXXVIII.
B. de Malberg au Comte Louis de Nassau. Sur le refroidissement des Confédérés dans le Luxembourg, les préparatifs contre la Confédération et sa disposition à y résister.

*_** Bernard de Malberg paroit avoir été courageux et entreprenant. Il servit plus tard sous Bréderode et sous le Prince d'Orange.
La cause principale des troubles à Trèves étoit la religion. En 1559 la prédication évangélique de Gaspar Olévian, qui fut plus tard un des auteurs du Catéchisme de Heidelberg, avoit presque soustrait la ville à la domination du prélat, Jean von der Leyen, et les bourgeois renouvellèrent leurs efforts en 1566.
La lettre du bon et fidel geux est sans doute la lettre 183. C'étoit donc un gentilhomme peu connu.

Monsigneur, estans de retour en se cartier de Luxambourgh, le S.^r de Guistel et moy avons faict toutte diligense pour incontinent asambler nos confrères pour leur faire antandre nostre besongner à nostre dernière assambllée, ce que n'avons peus faire à raison qu'ilz sont tous, exseptez ung ou deux, à la suit de mons.^r de Mansfelt et du Conte Charle son fils en la ville de Trèves, au moiens de quelques troubles esmeu entre l'arsevêque et les bourgeois de la dit ville, et se à raison de quelque

[p. 226]

⁺previlège que le dit arsevecque leurs veult otter, pour à quoy obvier is bourgeois ont requis le dit Conte de Mansfelt comme gouverneur du dit Luxambourgh pour protecteur, à raison qu'is sont sous la protexsion d'ung Duc du dit pais: la porte de la dit ville de Trèves at estez refusée et fermée au dit arsevecque et les siens. Voilà l'ocasion de l'apsanse de nos dis confrères, desquieux pour le faict que dit est, ne pouvons escripre à vostre signeurie leur advis et oppinions sur se quy s'est passez à la dict assamblée. Je l'ay fait entandre à l'ung des nostre quy le trouve fort bien dresez, d'autant qu'il n'est du nombre des recrus en leurs signature: à ce que je puis entandre quant la plus part de seux de pardesà quy se soliont¹ dire des nostre, iseux ont sans son de tromppet faict la retraicte, suivant le dit Conte Charle, dont par se est à extimer² que encore qu'is fusiont pardesà tous ensemble, la plus part d'entre eux n'eusiont trouvez de bonne digestion se que avons faict; se que me semble ne leur devoir estre communiquez, puis qu'il sont sy pusillanime que de se vouloir séparer de nostre Compromis. J'ay aquis partout sestuy pais ung grant honneur par le moien de mon dit S.^r de Mansfelt, lequel ses jours pasez en plaine compaignie de seux de sa suit, dit par manière de reproche et moquerie à ung gentilhomme des nostre bon geux, que il avoit esté avecque moy en nostre dit derniere assemblée à Sainc-Tron, et que j'estois l'ung des prinsipalle geus, sur quoy le nostre luy répondit qu'il y avoit estez, et que par la say bien³, encore iroit il sitôt que l'ocasion se présanteroit, et que de moy j'estois homme de bien et le maintenoit à quiconque en vousit parler. Voilà comme je suis en la

+ 1566. Août.

1 avoient coutume de (solere).

2 estimer.

3 malgré toutes belles paroles (parla si bien)?

[p. 227]

⁺bonne grâce du dit Conte, si est que pour sela je n'espère point en amaigrir, tant que j'ores à manger. Mons.^r, je meure à demy des despit que je vois que l'on faict par tous se pais, et mêsme en la compaignie ou les sudis sont, courir ung bruit faux, méchant et malheureux; c'est que les misérable menteur disent que le bon Signeur de Bréderode at toutallement retracté et revoqués sa singnature, s'estant du tout mis hors nostre Compromis, d'avantage disent qu'il tient le nez fort hault aux anabaptist, voire il sont bien sy effronté de dire plainement que le dit S.^r de Bréderode est de sest maleureuze sext¹ et le S.^r Conte Lodevic, comme vostre signerie pourat veoir par une lettre sy joingt que ung bon et fidel geux m'escript: vous euserez² de la dit lettre suivant que trouverez convenir, vous asseurant que seluy qui me l'escript, est homme de bien et véritable. L'on ne s'at ancore adresé à moy pour me dire [iceux] faux proupos, et quant l'on me les dirat, je direz et maintiendrez à tout homme qu'il at faussement menty, car se ne sont choses à soufrir. Suivant le départ que Madame nous donnat en la présence de mons.^r d'Aiguemont, j'estimois pour le seur que toute chosez deusiont demeuré en surséanse jusque à se que eusions l'aseurance par nous demandée de son Alteze et de tous les chevaliers de l'ordre, et que nulle levée se deut faire, sinon par les trois signeur par nous desnommez, et qu'iseux sous l'autorité de son Alteze ordonneriont les cappitains pour lever souldat, si besoing estoit⁽¹⁾, et toutefois je suis adverty par ung gentilhomme dez nostre, comme ung

+ 1566. Août.

1 secte.

2 userez.

(1) Estoit. B. de Malberg auroit il pris les demandes des Confédérés pour des promesses de la Duchesse?

[p. 228]

⁺sertain Mondrgon¹ Chrestien de la nouvelle inpression en Espagne, ensamble le S.^r de Malandry, gouverneur de Mommaidis², tous deux grans cardinalist, lievent³ et font gens partout y peuvent, comme vostre signeurie connoiterat par l'advertissement que l'on m'an at faict, lequel est sy joint. Voiant que l'on euse en sest fason, il m'est advis que son Alteze nous traicte à son acoutumé, et que ses gens que l'on faict, son pour nous servire d'ung arièrebanquest en lieux de fruit, sitot que le Duc de Savoie⁽¹⁾ serat arivez. Il est, sauf vostre corection, nécesaire que convenions à tellez deserttes. Deux chevaliers de l'ordre de France, toutefois cardinalist, m'ont dit pour le seur que six mil soldat Espaignol, et huit mil soldat Itallien sont desendus à Gênes et s'achemine par le Piémont, la Franche-Contté et Loraine, puis en sestuy pais, et de là en Brabant: le dit S.^r Duc marche quant et eux comme lieutenant genéralle de sa M^té. Le Duc de Loraine est depuis six jour en sa allé au devant de la dit armée et se par la post; les mesme nouvelle nous sont donné en se cartier par marchans, tant de Lorraine que de la Bourgoinne: pouroit il bien estre que sela auroit quelque peur⁴ estonnez noz refroidis, ors qu'ainsy fut pour sela pas maille, il me samble à correction de vostre signeurie et de tous les bon geux, que debvons donner tel et sy bonne ordre à nostre fait, que ne serons surpris en nozmai-

+ 1566. Août.

1 Mondragon.

2 Montmédy.

3 lèvent.

(1) Savoie. Les Députés avoient dit aussi à la Gouvernante. ‘Nous sommes advertis que le Duc de Savoie a promis assistence à S.M. pour venir par deçà avec forces, et que pour cela il s'est trouvé à la journée Impériale vers l'Empereur, pour luy déclairer les demenées et desseins qu'il avoit sur ce Pays-Bas.’ Le Petit, 114^b.

4 pen.

[p. 229]

⁺son comme en ung chaponnie; sela ne seroit propre à seux qui i seriont ratain¹, pour à quoy obvier suis bien d'avis que nous mettions de bonne heur en campaigne et les allions trouver pour les combatre de galant homme avant qu'ilz entre dedan sestuy pais, auquelle réitérativement le dit Conte de Mansfelt m'at intitulez le grant cappitaine, chose quy ne m'est de petitte faveur pour m'avanser vers sa M_t^é. et son Alteze. Mon advis est de les conbatre, comme dit est; tous les frans geux de pardesà sont de mesme opinions, toutefois nous remetons le tout à la bonne discrétion de vostre signeurie et à selle de tous les bons signeurs de vostre compaignie, vous supliant humblement et à eux en pareille, sy pour cest foys le dit de Guistel et moy n'asistons à sest présentte journée, comme il vous at plut nous commander et enchairger de se faire; et se quoy se nous en garde, c'est que le dit Gistel m'at dit n'avoir moiens plus avant fraier pour les seux de pardesà, comme il at fait jusque à présent, sy donc en se il ne l'asistent en renbourse, joingt aussy qu'il est contrain donner ordre à ses négosses pour à l'avenir estre prèt à monter à cheval quant et les bon geux. Et quant et de moy je puis asseurer en vray verité, que m'est pour ce coup inpossible de conparoitre au jour dernier assigné, d'autant que je trouve mes négosses sy pressés que suis contrain sans plus long dilay y donner provision et remède, principallement sur le fait de lumes², duquel j'espère quelque bonne fin, et puisque l'ocasion se présente il me semble ne la failloir laisser perdre, à se que à l'advenir elle ne me puisse en rien enpêcher à randre service à sa M^té., à vostre signeurie et à toutte la noble et ver-

+ 1566. Août.

1 retenus (?).

2 2 Lumey (?). De Malberg se sert rarement de majuscules.

[p. 230]

⁺tueuze compaignie de fidelles et vaillans geux et non aux aultres. Si esse mons.^r que sy vostre dit signeurie, ensamble la noble compaignie sy dessus dit, séjournat pour nostre fait quelque jour ensamble à Bruxselles ou aultre lieux, et que par ensemble trouvassies estre de besoing que je me trouve verz la dit nostre compaignie et qu'en la congrégation ma présense i puisse servir, le m'escripvant, je ne faudrez à posposer toutes autres negossez et affaires, pour de mon pouvoir optempérer et obéir à ce qu'il vous plairat me commander, et sependant j'aprouve et advoue tout se que par vostre signeurie et les signeurs mes confrères serat faict, traité, et acordez sur nostre faict, tout ainsy que sy j'estois présen; le dit de Guistel m'a dit en faire de mesme. Mons.^r, il i at ung Berlemonnist, prévost d'Ivois, quy se jacte et menase de emprisonner et persécuter pour la religion des pauvre gens de son office et mesme satac¹ à ung gentishome de noz confrère⁽¹⁾, disant avoire chairge dudit de Mansfelt de ce faire; il ont envoié vers moy scavoir s'yl sacageront le dit prévost en quas² qu'il proséd contre eux, comme dit est: je vous supplye de me mander comme en se ils auront à se conduire. Plusieur bon souldat me font jour sus³ aultre demander sy l'on a besoing d'eux, car par les levées sy devant dit l'on les presse fort prandre partie, et par tel moiens est à craindre que quant en panserons trouver, tous les milleurs seront envoié; je ne leur sez que respondre pour les arester sans eux mestre sans seux quy les chairchent. Lesquieux font coure le bruit que s'est pour renforser les garnison, ce que ne se debveroit faire sinon par ordon-

+ 1566. Août.

1 s'attaque.

(1) Confrère. Voyez p. 209.

2 cas.

3 sur.

[p. 231]

⁺nanse de noz dit troy signeurs, et aussy n'est besoing d'en lever en telle nombre pour le dit renforsement, veux ce quy se passe. Il est bien nésessaire que soions bien sur nostre garde, car l'on ne tàche qu'à nous jouer à la fause compaignie, et est à craindre qu'il n'y en aurat beaucoup quy se disent des nostre, [venant lefext¹], et qu'il faille porter le fardeau, ils feront faux bon; se que je ne ferez jamais, Dieu aidant, tant que la vie me durerat, et si tant est que l'on traicte les geux de sortes que vostre seigneurie et la compaignie d'iselle trouve estre nésessaire pour nostre seuretez de prandre les armes, ey je supplié vostre signeurie avoire mémoire du dit Gistel et de moy, et s'il vous semble qu'en se je puise faire service pour sest effect et autres, je mourez au pietz des trois signeurs et à seux de vostre signeurie, fesant le debvoire d'homme de bien jusque au dernier soupir, et de se se peult asseurer vostre susdite singneurie, à laquelle je présente mes très humble recommendation et servise, prians à tous messigneures mes confrères me tenir en leurz bonne grasce et souvenansce. Monsigneur, je supplie le Créateur vous donner en parfaict sancté longue et eureuze vie avecque sa sainct grasce et bénédiction. De vostre maison d'Andeux ce 19 jour d'aoust 1566.

Vostre bien humble et obéisan à vous faire service,

Bernart de Malbergh.

A. Monsigneur, Mons.^r le Conte Louis de Nassau etc.

A Bruxselle ou la part où il serat.

+ 1566. Août.

1 le fait (?).