Oude zinnen. Grammaticale analyse van het Nederlands tussen 1200-1700

Regelnummers proza verbergen

[p. 37]

III. Vertaalopdracht

Der Naturen Bloeme (ca. 1266) van Jacob van Maerlant is een soort encyclopedie over de natuur. Daarin komt een passage over de Amazonen voor. Deze mythologische heldinnen staan te boek als strijdlustige vrouwen te paard die geen mannen in hun omgeving dulden.

(1)
Jacob van Vitri die seghet,
Dat in Orienten leghet
Land van wonderliken lieden.
In sinen boeken hortmen bedieden,
Ende in vele boeken mede,
Dat daer es in ene stede
Volc van vremder manieren.
Een lant belopen van rivieren,
Dat Amazonia es ghenant.
El niet dan wijfs wonen int lant,
Sonder gheselscap van manne.
Ende daer sijnder mee nochtanne
Dan .CCM. vrouwen.
Wiltijt so hare manne scouwen,
Dat si van enighen wighe keren,
Daer si seghe hebben met eeren,
So nighen si hem alle daer.
Nemmeer dan enewarf int jaer
Sone willen si te manne gaen.
Ende als si hebben kint onfaen,
Eist knapelijn, si houdent .VII. jaer,
Ende sendent den vader daer naer.
Eist maghedekijn, si houdent dan,
Dus houden si haer lant sonder man. (MAER 169-192)

Hier volgt de biografie van een van de zusters uit het Meester-Geertshuis te Deventer (1480). Deze Kunne Gunnekens stierf in 1398.

(2) Van zuster Kunne Gunnekens.

1Dese guede zuster Kunne woende hier bynae mitten alreniersten ende niet 2lange nae onsen eerweerdigen vader, meister Gerijt die Groete. Ende het 3geviel in dier fijt, dattet hier toe Deventer toemaele seer starf soedat hier des 4dages ondertijden meer dan vijftich doeden waeren. Ende want dan zuster 5Kunne vuerich ende goddienstich was, ende oer rijcke niet en was van deser 6werlt soe begeerde si ontbonden te wesen ende te wesen mit Cristo ende 7hieromme wanneer si dat hilige Sacramente hoerde gaen inder stat, soe plach 8si begeerlick te seggen: ‘Lieve Here Ihesus, wanneer wildi tot mynen huys 9comen?’ Ende dit of deser gelijc plach si dick te seggen. Ende als si dan 10aldus ene wile begeerlike geroepen hadden soe begavede si onse lieve Here 11oeck mitter pestelenciën; ende doe quam Ihesus oeck tot oer, ende visitierde 12sie. Ende aldus soe starf si, ende voer mit Ihesus hene, soe si lange hadde 13begeert. (WIL 165)