Wapenboeck ou armorial de 1334 à 1372. Deel 1. Poésies héraldiques
(1881)– Gelre (heraut)–
Auteursrechtvrij
[pagina 41]
| |
Rutgher Raetsaant.
Ga naar margenoot+ Of ich nu vergessen siin,
Zo vergees ich zelven miin;
Des ritters goet, getruwe,
Die met menlicher daet,
Manichen rit gereden haet,
Dair van siin lof bliift nuwe.
Wan hant die worme nu den liif,
Birve man ind reyne wiif
Hoort man eem derre claghen.
He was rechter dueghent vol;
Des heeft he der eeren tsol
Van juegent haer gedraghen.
Tswoor men nent doch vrouwen dry,
Zo wie he zo gebleven sy,
Zus richte iammerliche.
Zi zullent, stille ind openbaer,
Claghen over drisich iaer
Den ritter loves riche.
Die eerste vrouwe ich doe acht;
Zi wederstelt gewalt ind crachts
| |
[pagina 42]
| |
Ind is geheissen oetmoet,
Die voert den ritter in den tsoom,
Want zi is wortsel inde boom
Alre doghet in overvloet.
Ich waen ir noch nye en vergas
In wat lande dat he was;
He en was in eren beslossen:
Des gesteit eem man ind wiif,
Die bekanden zinen liif
Des ritters onverdrossen.
Die ander vrou nent man gonste;
Van yer had he die rechte conste
Dat he lude gaern eerde
Ind zatst eynen andren voort,
Dair tsoe sprach gunstliche woort
Dair man siin lof zelve meerde:
Ich have van kintlichen daghen
Dicwiil horen zaghen,
Zo wie eynen andren eert,
Dat eem eer zelve bliift
Inde waeldaet aen eem cliift,
Ind ziin lof zelve meert.
Die dridde vrou nent man doghet;
Die hadten van iongher ioghet
Getsoghen recht als eyn moeder,
Die hatten in hoor bedwanc,
Zo dat he hilt den rechten ganc.
Wi man tscif dwinct metten roeder
Woor man hin varen zulde,
Zo was hi inder doghent vloet.
Des droech he der eeren hoet,
Door met had der lude hulde.
| |
[pagina 43]
| |
Zinen rit tsertrecke
Ind sine waeldaet erwecke
Is mir leider ombecant,
Doch mach ichs gewaghen
Als van horen zaghen.
He was geweest in manich lant;
Ich horet sprechen ofenbaer:
He had drie inde viertich iaer
Tso wapene gereden,
Avanture vast gesocht
Met gansser geer des gerocht,
Al ondaet vermeden.
Tse Casselberghe in den striit,
Ga naar margenoot+ Zach man den heelt tso derre tsiit,
Bi den kuninc van Vrancriich,
Do manich Vleminc stort ziin bloet
Door eeren grossen overmoet,
Do zach man striden ritterliich.
Tso Vollenho wart he gesien,
Des die rittren helfent ghien,
Do manich Vriese lies den liif,
Do zach man inder birver scaer
Dat man ziinre wart gewaer,
Do inden herden kiif.
Zint had he mit gansser vliit
Gewandelt, eynen langen tsiit
Gesocht avanture:
Prusen inde Liiflant
Is eem dick werden becant,
Den ritter goet geure.
Tuisschen die heilich a ind hazen voet,
Leit die ritter grossen nooet,
| |
[pagina 44]
| |
Van den heiden often strande;
Do warden tso derre stont
Lude ind paert zeer gewont;
Zi moesten kiven bi bedwange,
Ich machet sprechen aen vaer.
He was ouch, binnen eiinen iaer,
Twe warf tsoden heiligen grave
Int tsoder mayt sint Katrinen,
Do he siin liif lies erscinen,
Eyns op siins zelfs have;
Die ander reyse loost siin pant
Der edel greve van Hollant,
Die in Vriesen bleif erslaghen.
Voir Utrecht man zider zach,
Do eyn greve van Holland lach
Mit eynen groossen here.
Dair no streit he tse Kirsy,
Do vil blevent der heren vry;
Durch rechter eeren ghere.
Do vergoos siin edel bloet:
Van Behem Jan der kuninc goet,
Ind vil groosser heeren,
Hertsochen, greven, dienstman,
Die ich genennen nyet en kan;
God moes die zielen eeren.
Tse Thoriins, op Haspegouwen,
Mocht man dien wirden ritter scouwen,
Doe Lwtghe ind Hoy verloren,
Do wert der heelt tso derre stont,
Ziin wirde liif zelve gewont,
Dat mocht man ofenboren.
Tusschen Prusen inde Hollant,
| |
[pagina 45]
| |
Wirt eem avanture bekant;
Opter ze dat geschach:
Ziin scif dreef in Goods gewalt,
Doen was ghein wederhalt,
Die mast van den scif tsobrach;
Des stont he aldair tse stonden,
Anderhalven dach gebonden
Opt casteel ind eynen nacht.
Doch op half die Godes cracht,
Van Holland man den ritter zach,
Opten ander halven dach,
Gewapent tse Littouwen,
Voir dat huys tse Willoen,
Do he was dat sissoen
In dienst van onser liever Vrouwen;
Voir Nyenvelt man zider zach,
Do hertsooch Willam lach,
Mit manichen stoltsen man.
Door no reit gaer yndeliieh
Bi der cronen van Vrancriich;
Voirt beses van Sint Jan
Drie zomer tse crighe lach,
Do avanturen vil gescach;
In dat lant tse Gascoongen,
Do der wairde ritter reit,
In den lande wiit ind breit;
In Noormandien ind in Santoongen,
Do die Mot gewonnen wert,
Was hi in den storme hert.
Do he zich manheit ondernam,
Des had he eer ind gewin:
Siin wimpel was ten eersten in;
| |
[pagina 46]
| |
Des mit van wapene wart gram.
Der ritter vri voir scande
Was ouch voir Miermande,
Aldo mit Fransoyser waert,
Do man wolde tso allen tsiden,
Metten Ynghelsscher do striden.
Drie daghe man hilt gescaert;
Door no, mit menlicher vliit,
Was tse Peutiers in den striit,
Do kuninck Jan nyder lach,
Die man nant van Vrancriich.
Do zach man striden vientliich,
Do hoort man manichen herden slach,
Dat is birven luden kont.
He wart ghevanghen ind gewont
Der ritter vri van moede;
Siin liif meenlichen tsoe greif
Mit eeren do gevanghen bleif,
Do bi den edelen bloede.
Der ritter goet, hues van zeden,
Haet gewandelt ind gereden
Twe ind dertich winter in Prusen;
Drie zomer tse Liiflant,
Ga naar margenoot+ Is der heelt warden bikant.
Do ofh herden reysen,
Also zoudent rittren tsiden,
Op die Goods vianden riden,
Bescermen wedwen, weysen.
Nu market man ind wiif
Ofter ritter zinen liif
Haet gearbeit ader nyet,
Men vindet noch menichen man,
| |
[pagina 47]
| |
Die eyn andren vergan
Of eeym eynich heil gesciet;
Man sprecht manich hinder woort
Scutst op die lude sciessen,
Des doch eynen mach verdriessen,
Dat man durch avegonst brenget voort.
Der ritter is gaer willichliich,
Bider cronen van Vrancriich,
Bleven gaer getruwe;
Do he gelaessen haet den liif,
Des truret siin trout zelich wiif,
Met yammer ind met ruwe.
Also doet vil manich man,
Die eem siins dodes vergan,
Durch sinen grossen ootmoet,
Durch sine gonste, durch sine doget,
Die hi haet van jongher ioget,
Haer gebracht met overvloet.
Ich wene dat of beider paert,
In langer tsiit geclaecht en waert
Also zeer eyn ritter,
Als dier birve ritter goet.
Do he vergoos siin wirde bloet,
Siin doot hem wart gaer bitter,
Bi Aerden do he bleif,
Int jaer ons Heren doe men screif
Sinen datum, al openbaer,
Dusent ioor bisondert
Inde dair toe drie hondert
Inde neghen ind tsestich iaer.
Edel verwe, tsabel vaer,
Wo zal ich dich nemen waer?
| |
[pagina 48]
| |
Du bist my gaer ontferret.
In dir van golde was gelacht
Eyn dures cruutse, no riichcher acht,
Wie zere mich des arret
Het was in eeren dick becant;
Zal dit verblicken bider want,
Dat moest man Gode claghen.
Het voerde doch die ritter goet,
Die voir laster was behoet,
Die wairheit zoldman zaghen.
Ossen hueft van adamast,
Du haefst gheleden dicwiil last
In diin hoorne van golde;
Du bist ofh den balck gesat.
He is doot, der dure scat
Die dich voeren zolde!
Bid wir God durch siin oetmoet,
Rutgher Raets, die ritter goet,
He is van live gesceiden.
Dat die ziele werde getroost,
Van alre pinen zi gheloost,
God moes zi geleiden.
Het was eyn dat hueste liif;
Des gesteit eem man ind wiif
Wnt an menichen inden.
Des geve eem God den ewighen loon,
Oven inden hoghen troon,
Dat he genade moet vinden.
|