Ecclesiasticus of de wijse sproken Iesu des soons Syrach. Nu eerstmael eurdeelt ende ghestelt in Liedekens, op bequame en ghemeyne voisen

Het LXXXI. Liedeken vvt den selfden capittel op de vvijse, Een goet nieu liet Psal. 17.

^+
+VVie hier schriftuer waernemen sal// Die
can gheen arbeyt waernemen//
Wie leeren wil hier in dit dal// En
moet sijn sinnen niet vervremen// Hoe can hy de
leere nemen waer// Die daer ploeghen moet
en egghen// Den sin is by sijn ossen
⁺ daer// Dees drijft sijn sweep doort aertrijck swaer//

+ Seer vruchbaer.

+ Van ambachts luden roep.

+ De schepper van vvint, de bouman van beesten.

[p. 155]

 

 

Anders en weet hy hier oock niet te segghen.

 

 

 

Hy heeft te dincken hier ghenoegh

 

Hoe dat sijn ackers best sullen groeyen,

 

Oock moet hy spade ende vroech ⁺

 

Het voeder gheuen sijnen koeyen,

 

Soo ist oock met den schrijnwerckers hier ⁺

 

Ende timmerluden mede

 

Die dach en nacht arbeyden schier,

 

Sy moeten dincken de manier

 

Hoe twerck best grijpen sal sijn stede.

 

 

 

Een smit moet by sijn aembeldt sijn ⁺

 

En op sijn smeden achten,

 

Hy wort van vier mat, tvalt hem pijn,

 

Arbeyt doet hem voor tsmisse schier versmachten,

 

Het helder gheclanck des hamers wreet

 

Can hem d'ooren terstont vol maken,

 

Hy dinct hoe twerck worde ghereet,

 

Het cost hem vroech en spade sweet

 

Op dat sijn werck tot een goet eyndt mach raken.

 

 

 

Een pottebacker, dese moet ⁺

 

By sijnen arbeyt wesen,

 

En oock de schijue met den voet

 

Omdraeyen niet al sonder vresen,

 

Hy moet sorghen dat twerck sy ghelijck,

 

Sijnen erm vergaert de stucken,

 

Hy maect een vat door sijn practijck

 

Van aerde ende cleyich slijck,

 

En wort hier moede door het bucken.

 

 

 

Hy moet oock dincken dan daer na

 

Al om het verghelasen,

 

Op dat hijt make dat fraey sta,

 

Ten dient niet by hem seer te rasen,

 

Elcx arbeyt men aen sijn hantwerck siet,

 

Elck die toont vlytighe seden,

+ Bouman.

+ Schrijnvvercker.

+ Een smit.

+ Potbacker.

[p. 156]

 

Men cans'int stadt onbeeren niet,

 

⁺ Maer tisser oock te doen weer iet,

 

Men schiet een ander met verstant en reden.

 

 

 

Niet wel machmen hier een ambacht

 

waernemen en ghemeynte regeren,

 

⁺ Tverstant is niet in elck gheslacht

 

Om de schrifture te hanteren,

 

Noch recht, noch oock de gherechticheyt

 

En het preken wel versinnen,

 

Ten wort oock niet recht wtgheleyt,

 

Want d'ambachts man dinct om arbeyt

 

En om sijn broot te winnen.

+ Schoemaker moeyt v met uvven leest.

+ Die regeren sal, mach gheen ampt doen.