Ecclesiasticus of de wijse sproken Iesu des soons Syrach. Nu eerstmael eurdeelt ende ghestelt in Liedekens, op bequame en ghemeyne voisen
(1565)–Johan Fruytiers–
Auteursrechtvrij
[pagina 147]
| |
Het LXXVII. Liedeken op de vvijse, Seigneur Dieu oy l' oraison. ELck raetgheuer is cloeck van rade//
Maer selden soeckense huer schade// Daerom wacht Ga naar margenoot+
v vry wat ghy doet// Bedinct v eer het is te spade//
Oft sulcken raet hier oock sy goet.
Want dese mach moghelijck dincken
Dat sulcken raet profijt can schincken,
Hy laet dat waghen en spreect milt,
Tis wel: v en mach hier niet crincken,
Nochtans merct hy oft wel gaen wilt.
En hout doch gheenen raet met desen
Daer quaet vermoeden in can wesen,
Hy raet v niet diet doet door spijt, Ga naar margenoot+
Sulcx wert int eynde seer mispresen,
Want veel quaets gheeft verborghen nijt.
Ghelijck als wanneermen een vrouwe
Om raet sou vraghen hier door trouwe,
Hoemen hier vriendlijck wesen mocht
Haer vyanden: d'antwoort is flouwe,
En sulcken raet noyt veel en docht.
| |
[pagina 148]
| |
Oft datmen hier oock de versaechde
Al vanden crijgh en oorlooch vraechde,
Oft eenen coopman hoe hy acht
V waer, en hoe sy hem behaechde,
En so raet, van v wert verwacht.
Oft eenen nijdighen van gronde,
Hoemen wel doen sla t'elcken stonde,
Oft aen een onbarmhertich man,
Hoemen ghenaemt niet met den monde,
Maer met der daet bewijsen can.
Oft oock van aerbeyt hier den luyen,
Oft loopers die west ende zuyen,
Hoemen hier moet tot arbeyt gaen,
Oft een huysknecht [bevreest voor teruyen]
Op dit volcx raet wilt niet vast staen.
Ga naar margenoot+ Maer gaet tot goede, vliet den snooden,
By huer die vreesen Godts ghebooden
Ende ghesint sy ghelijck ghy
Daer me lyen wt coemt ghevlooden,
En als ghy valt v dan staen by.
By desen rade wilt dan blijuen,
Want in al dat ghy sult bedrijuen
Ghy gheender ghetrouwer raet en vint,
Ga naar margenoot+ Tis niet te vollen te beschrijuen
Hoe veel bedrochs hier wert versint.
Oprechten raet die can verstercken,
Beter salmen den selfden mercken
Ga naar margenoot+ Dan seuen wachters scherp ghesicht,
Die hier van hooghe zien de wercken,
[Maer in als niet en sijn heel dicht.]
Ga naar margenoot+ Maer bouen al dat ick v leere
Aenroept altijt den grootsten Heere,
Dat uwen raet v wel ghelijck
En v tot schade niet en keere,
Want Godts raet laet niemant in druck.
|
|