Cronyke van Vlaenderen. Deel 3

[p. 1]

Hier beghint doorloghe van der Leye, die VI jaer⁺ lanc gheduerde tusschen Ghent ende Brugghe.

[1379]

⁺Maer, voorwaer, toccusoen van der orloghe, dat waren de zonden, die in Vlaendren regneirden onder alle staten van lieden, want sinte Gregorius zeicht: Nulla nocebit adversitas, sy nulla, dominetur iniquitas: De menschen ne zal gheen bejeghentheid toecommen, updat gheen zonde noch aercheid ne regneirt; maer in Vlaendren regneirden alomme orrible zonden, in allen staten van lieden, in de princhen ende in den⁺ heeren, ende in alle hedele, dat het ontsprekelicken es.

Eerst regneirde de moeder van allen zonden, hovaerde in dyversche ghewaden, ende dat alzoowel te lande waert als in de steden; item, dat commuun worde frisscher dan de hedele waren; die sclichte droughen ondersneden coussen ende scoens huutghehauwen met langhen pollanen, ende riemen van zelvere, woughen drie of viere maercken, mantelen met costelicken voeringhen toten hiellen toe, ende caproenen gheackelt met bordueren bewrocht, ende beverin hoeden, ghelyc princhen. Ende ooc de vrauwen te lande waerds hadden drie of vier rocx, zeere costelic, vooren met roden sindalen of groen⁺ semyt; ende, als zy ter brulocht ghinghen, zoo droughen zij surcooten ghevoedert met langhe staerten; ende in den zomer, up feestelicke daghen, zy droughen fronghen frocx, die men hiet quenen, ghecnopt met mauwen toter eerden, ende met peerlencnopen of met gheamelgierde amauzen.

Ende aldus regneirde noch vele manieren van

+ Hs. Brugge N^r 437, Fol 220, col. 1.

+ 1379

+ Col. 2.

+ Fol. 220 v^o col. 1.

[p. 2]

⁺hovaerdyen ende blasphemyen jeghens Gode, ooc dronckenscip, manslacht, mordaet. Ende, als yement zeyde of vertelde: ‘Deze of die es daer doodghesleghen’, of ‘daer es een man versleghen of vermoerd’, niement ne wasser toe bereed met compassien of theinde te zegghene: ‘God ontfaerme der ziellen.’

Dese vermaelendide quaethede was in Vlaendren⁺ anno XIIJ^cLXXIX. Vele menschen waren in Vlaendren doodghesleghen ende ghesteken in stoven ende in bordeelen, bin eenen jare mer dan xiiij^c, alzo hiervoren gheseid es.

Item, tclergiet was ooc zoo hovaerdich in sprekene ende in haerleder officien, costelic, leckere ende excessyf in hetene ende in drinckene, ghierich ende vul symonyen in woorden van pratycken te ghevene ghelt boven den biechtpenninc, pardoenghelt, busseghelt, ooc oncuusch van concubinen ende andere groote overdaden die in Vlaendren regneirden.

Daeromme was Vlaendren in vele manieren zeere gheplaecht in zommeghen Steden, als nu met brande, als nu metter vloet van den watere, ende met dieren tyde van coorne, ende met steerften, ende met grooter oorloghe die zes jaren lanc gheduerde, ende al omme tghedelf van der Leye tusschen Ghendt ende Brugghe.⁺

Ooc mede die van Ghendt namen in grooter onweertsceepen dat grave Lodewyc zovele te Brugghe was ende te Malen, daer hy gheboren was, ende zelden of lettel te Ghendt quam; nochtans dede hy maken de Posterne te Ghendt; maer hy wasser altoos met vroylicheden besich, ende met constenaers van musycken ende andere blide jonghelinghen, ende dede grooten cost; maer de hedele ende de ouderlinghen van den lande ne trac hy niet zo zeere an hem als hij wel ghemoghen hadde; maer met solace

+ 1379

+ Col. 2.

+ Fol. 221, col. 1.

[p. 3]

⁺ende ghenouchte van vrauwen brochte hy zynen tydt over. Ende, ommedat hy zoo heerlic ende zo costelic staet hilt, zo dede hy ordonneren zettinghen van ghelde bin den lande; ende dit verdroot die van Ghendt, want zij ghavent drie of vierwaerven.

Maer, int jaer XIIJ^cLXXIX, zy zeyden zy en wilden gheene zettynghe meer betalen, ende zij toochden den prince onweerdscepe. Maer die van Brugghe, als de grave Lodewyc yet an hemlieden begheerde, zy ghaven hem gheerne ende waren altoos bereet tzynen ghebode; dies beminde hy de stede van Brugghe boven allen anderen steden, ende zovele⁺ te meer dat hy te Malen gheboren was.

Ende hy sprac die van Brugghe toe, ende zeyde wanneer dat zy yet an hem begheerden, hy zoudt hem doen ende consenteeren; ende daeromme zy zy begheerden an hem dat zy mochten maken een ghedelf van Brugghe tot Deynsen toe, om te hebbene tvarssche watere vander Leye; want zy zeyden, ende het was waer, dat zy al tlandt ghecocht hadden van Brugghe tot Deynsen toe, ja den grondt, waerbij het sceen dat elc delven mocht ende scieten up zyns selfs grondt Ende de grave zeyde hemlieden dat zy zouden delven stoutelicke, ende de vaert zo wyde delven ende zoo diepe dat, al tjaer duere, twee pleyten deen by den anderen varen mochten ende keeren; ende hy ontboodt alle de bailliuen ende officieren, die die van Brugghe beletten wilden in haer delven, dat zy ze vanghen zouden ende legghen in de vanghenesse, contrarye den prince.

Item, die van Brugghe gheboden dat alle deghuene die metter spade wercken wilden, dat zy ten ghedelve ghynghen, men zoudse wel betalen. Ende als zy ghedolven hadden tot Sint Joris in Distelen, ende zij in tGhendsche delven zouden, die van Ghendt

+ 1379

+ col. 2.

[p. 4]

⁺ordonneirden c ende xx wittecapproenen, stercke⁺ vrome mannen, ende zy maecten twee capiteynen, als Aernoudt de Clerc ende Symoen Colfaert, wie se gheleeden zouden ende verbieden dat delven; ende, waert zo dat yement dolve naer dat verbot, dat men hem name zyne spade ende dadene wechgaen; ende, waert zo dat men de delvers bescermen wilde ende dat men van den wittecapproenen niet en hilde, dat men de delvers doodsloughe.

De wittecaproenen ten ghedelve commende, zy verboden delvens, ende die delvers lieten huer delven staen, ende zij quamen te Brugghe.

Dit verhoorde de prince, die doe te Brugghe was; hy beval dat men delven zoude, ende hy zant van zynen officiers ten ghedelve, omme die te vanghene, diet beletten wilden; ende, als dofficiers daer quamen, zy vonden vele delvers ghequetst ende doodtghesleghen van den wittecapproenen van Ghendt.

Dit verhoorde Wouter van Outrive, hoochbailliu vau Ghendt; hy beval eenen van den sheeren cnapen Pietre de Koene, zo waer dat men de wittecapproenen vonde binnen Ghendt, dat men se leeden zoude in⁺ sGravensteen. Dese voorseide Pietre hy vync eenen van den wittecaproenen, die zeere lude riep, dat vele lieden ute hueren huuse quamen omme den wittecapproen te helpene, maer Pietre voorseid leedene in de vanghenesse.

Des anderdaechs snuchtens, die capiteynen van den wittecapproenen, zy ghavent te kennene den deken van den wevers, dewelke beval den ambochten dat zy niet wercken en zouden, ten ware dat die wittecapproen waere uter vanghenesse, ende Pietre, de sheeren cnape, ghepugniert van zynder mesdaet. Ende hieromme liepen die van Ghendt in wapenen ende waren zeere beroerdt ter Maerct, ende riepen

+ 1379

+ Fol. 221 v^o col. 1.

+ Col. 2.

[p. 5]

⁺dat zy bliven wilden by hueren vryheden, ende wie dat benemen wilden, zy zoudent becoopen. Ende daer quamer vele met hueren banieren; ende Woutre van Outteryve, de bailliu, metsgaders der Wet van Ghendt, hy nam sgraven baniere van Vlaendren, ende zeyde, zo wie den prince van Vlaendren helpen wille ende met hem wel wesen wilden, dat zy hem volchden. Ende des princen standaert volchde de Wet van Ghendt ende noch drie ambochten, metsgaders de vleeschauwers, ende riepen ‘Vlaendren de Leeu!’. Ende dit was upden eersten maendach naer sint Gillis⁺ dach. Ende de wevers metsgaders den ghemeente sloughen doodt den upperbailliu van Ghendt, Woutre van Outteryve, die een zeere edel man was. Ende die wevers ende die ghemeente bleven vi daghen in de wapen staende, met huerlieder banieren ende standaerden.

De wevers ende de wittecapproenen die kooren eenen capiteyn Jan Yoens of Jan Koens; ende hy ghync met twee duust mannen te Deynzen ende in alle smalle steden; ende hij meende Aelst ende Denremonde te nieuten te doene, ende, in zynen wechgaende, hy verbarrende tcasteel te Wondelgheem ende alle de huusen diere by stonden. Dat voorseide vier was zo groot, dat men zach over v mylen.

+ 1379

+ Fol. 222, col. 1.

[14 Sept.]

Ende dit was up Onzer Vrauwen dach in Pietmaent ⁺anno XIIJ^cLXXIX.

Item, als Jan Yoens eene maendt uteghezyn hadde van stede te stede, zo keerde hy over Eekeloo, maer hy hadde eerst alle de casselrye van Ghendt doen zweeren metter stede van Ghendt, ende ooc de smalle steden, ende al binnen eender maendt tyds. Ende hy tEecloo commende, daer wort hy ziec ende staerf, ende hy wort daer begraven; dies was in Ghendt groeten rauwe over hem. Ende die van Ghendt

+ 14 Sept.

[p. 6]

⁺coren eenen nieuwen hooftman, hiet Jan Boele; ende⁺ was ooc een scipman, ende koos viere mannen te zynen capiteynen met hem.

In desen tydt was de grave Lodewyc in Denremonde, twelke hy themwaerts hilt met zynen edelen, ende zo dede hy ooc Aelst ende Oudenaerde.

+ 1379

+ Col. 2.

[16 Oct.]

⁺Item, upden xvj^en dach van Octobre, ommedat die van Oudenaerde niet zweeren en wilden met die van Ghendt, daeromme die van Ghendt laghen voor Oudenaerde, tot sinte Baerblen avondt toe, vj weken lanc gheduerende. Ende binnen diere tydt dede de grave Lodewyc te Denremonde een brugghe maken over Scelde, daer men over reedt ende ghync. Maer Gheeraerdsberghe hilt hem metten Ghentenaers. Ende, omme de groote coude wille, trocken die van Ghendt van voor Oudenaerde, dewelke haer ghetal zeere ghemindert vonden, want de heeren die in Oudenaerde waeren hadden hem meneghe sproncreyse ⁺ghedaen ende lieden ofghesleghen.

+ 16 Oct.

+ 1380

[1380]

[11 Febr.]

⁺Up sinte Pieters nacht in Sporkele, die van Ghendt quamen suptilicke in Oudenaerde by beleyder laghen, daer de auwetters niet up ne gloosden, ende verswymden de poorten wel te wachtene. Ende die van Ghendt die ghynghen ter Maerct, ende wonnen de stede, ende sloughen vele edele van sgraven volke⁺ doodt. Doe braken zy poorten endo mueren van Oudenaerde. Dit was al int zelve jaer XIIJ^cLXXIX.

Die van Ghendt traken ute, up den vierden dach van Meye anno XIIJ^cLXXX, tAelst, te Denremonde, te Deynze, te Thielt. Ende de Duudschen die inne Denremonde waeren, volchden de Ghentenaers tot Quaet-Atrecht toe, ende sloughender meer danne L doodt; ende de sceppers lieten daer haere baniere.

+ 11 Febr.

+ Fol. 222 v^o, col. 1.

[p. 7]

⁺Ende die van Ghendt hadden doe eenen upper hooftman ghecoren, hyet Rase van Lieukerke; ende zy trocken voor Aelst; ende de wittecapproenen liepen met waghenboomen de poorte up, ende zy quamen hem te ghenaden; maer Rase gheboot dat men nyemende mesdoen en zoude, up haer lyf te verliezene; ende die van Aelst die zwoeren met die van Ghendt.

Doe trocken die van Ghendt voor Denremonde, die hare stede zeere ghesterct hadden; zo hadden die van Oudenaerde ooc. Ende die van Ghendt ontboden alle hare casselrye te commene voor Denremonde, daer zy alle quamen, zonder Oudenaerde alleene. Ende die van Ghendt zonden een groot heercracht westewaerts, omme tlandt eendrachtich te makene, ende zy deden vele heerscips met hem⁺ zweeren. Ende zy quamen met paeyse binnen Brugghe, etende, drynckende ende betalende; ende namen oorlof omme te Ghend waerts te treckene; maer een groot ghedeel quaetdyen bleven zitten, drynckende, ende maecten groot parlament in Brugghe. Doe keerden die van Ghendt weder binnen, ende ghyngben up tZandt ter Vrindachmaerct. Ende hem volchden Ypere ende Curtrycke, ja deselve diere waren. Ende zy hadden ghezeyt dat zy te Dixmude wesen wilden; ende waren ghetrocken tote Sinte-Michiels toe; ende, wederkeerende tot uppet tZandt voorseid, zy stelden hem in batailgen.

Maer, nu zal men weten dat die van Ghendt droughen up haere mauwe dype lieubaerdtsclaeuwen, ende die van Brugghe droughen up hare mauwe drie lelyen. Ende up de Vrindachmaerct vergaderde wel alf de stede van Brugghe, ende daer was al te zeere ghevochten, want die van Ghendt worden daer meest deel alle versleghen uppet tZandt, ende eeneghe

+ 1380

+ Col. 2.

[p. 8]

⁺waren ghevanghen. Ende, ommedat die van Brugghe dese victorye hadden, zo zonghen de kindere dit naervolghende liedekin:

Claeuwaert, Claeuwaert,⁺
Wacht hu voor den Lelyaert!
Ghaet ghy niet weder thuusewaert,
Ghy later uwen tabbaert!
Al waert ghy noch zo zeere ghebaert,
Zy zullen hu maken al vervaert!

+ 1380

+ Fol. 223, r^o, col. 1.

[30 Mei.]

Ende desen stryt gheviel upden xxx^en dach van⁺Meye anno XIIJ^cLXXX.

Ende es te wetene, hoewel dat moeyte was tusschen der stede van Brugghe ende der stede van Ghendt, omme sghedelfs wille, alzo voorseid es, nochtans, omme deendrachtichede bin den lande van Vlaendren, zo waren, omme beters wille, een deel volcx van Brugghe ende een deel van den Vryen ghetrocken by die van Ghendt, ende laghen mede voor Denremonde. Ende, als dese mare int heere quam hoe dat te Brugghe vergaen was, zo scaemdens hem die van Brugghe ende die van den Vryen, ende ghynghen alle ghemeenlicke stoormen up Denremonde, ende scoter vier binnen, dat zeere beghonste te barnen, alzo dat de meeste vianden vloen ute Denremonde, ende dandere die ghaven hem up, behouden lyf ende goedt, ende ghaven ghysele die van Ghendt. Ende Denremonde was ghewonnen ende verbarrent upden eersten dach van Wedemaendt

+ 30 Mei.

[1 Juni.]

⁺anno XIIJ^cLXXX.

+ 1 Juni.

[2 Juni.]

⁺Up den anderen dach van Wedemaendt, zo waeren⁺ te Ghendt ghebrocht lieden van Brugghe ende van den Vryen, ende waren gheleyt in sGravensteen ghevanghen. Ende tUrsele was een dachvaerdt ghehouden, ende daer waeren ghewisselt de Brugghelinghen ende de Ghentenaers, die up tZandt ghevanghen waeren.

+ 2 Juni.

+ Col. 2.

[p. 9]

⁺Item, die van Brugghe beghonsten zeere te risene ende hilden hen an sheeren zyde, ende zo deden die van den Vryen ooc; maer die van Ypere waeren vervaert, die mede voor Denremonde gheleghen hadden, hoe zy thuus gheraken zouden; maer die van Ghendt deden ze gheleede tote Curtrycke toe, ende van danen tYpere.

Item, de heeren versaemden onder Cassele omme te treckene te Poperinghe, maer die van Poperynghe ontbodent tYpere, maer die van Ypere quamen Poperynghe helpen. Maer, daer was zeere ghevochten eer de heeren verdreven waeren, ende Poperinghe bleef behouden alsdoe.

Item, die van Brugghe ende die van Vryen screven an die van Ghendt, dat zy otmoedt zoucken zouden an den grave Lodewyc, zy zouden hem goede bystant doen; ende het quamen ghedeputeirde van Ghendt te Brugghe by den prince.

Ende bin der zelver tydt liepen die van Ghent⁺ weder in wapenen, ende die van Brugghe ontboden ende baden die van Ghent dat zy uter wapene gaen wilden, want de prinche zoude zelve te Ghendt commen, hadde hy zyne pelgrimage tArdenbuerch ghedaen. Doen ghynghen die van Ghendt uter wapene, want zy zouden anders te Brugghe ghecommen hebben, al ne wistent die van Brugghe niet.

+ 1380

+ Fol. 223 v^o, col. 1.

[19 Juni.]

Ende de prinche maecte den paeys, ende zy ontfynghene met processyen ende met grooter weerdichede, up den⁺ xix^en dach in Wedemaendt. Ende vij weken bleven die van Ghendt in paeyse.

+ 19 Juni.

[8 Aug.]

⁺Maer den paeys spleet ute, want up den viij^en dach van Ougst, ende alle de wevers waeren tonderghedaen, beede te Ghendt ende te Brugghe. Ende die van Ghendt verhoorden dat die bailliu uphouden wilde des heeren edele; zo bereeden zy een uutvaert

+ 8 Aug.

[p. 10]

⁺ende quamen te Dixmude up den xxvij^en dach in

+ 1380

[27 Aug.]

⁺Ougst, ende was maendach; ende alle die van Ghendt bleven daer nalix versleghen. Ende daer waren zommeghe rudders ghemaect, als mer Boudin de Ves, mer Mattheeus van Scathille, mer Fransoys van Aefskerke, ende zommeghe andere. Ende dien roof, die de Gantoysen gherooft hadden, zonderlinghe van beesten, die van Brugghe ende van den Vryen benamen hem haeren roof, ende waeren ghedreven te Brugghe upt Zandt ter Vrydachmaerct, daer zy⁺ zeere goedencoop ghegheven waeren: een scaep omme drie of omme viere groeten, een zwyn om vj of omme viij grooten. Ende de Ghentenaers die ontvlien costen van Dixmude, die vloen in Ypere; ende de grave volchde vaste naer met zijnen hedelen ende met die van Brugghe ende van den Vryen. Ende die van Ypere brochten de slotelen van der stede, ende quamen den prince te ghenaden. Daer trac de grave binnen, ende, al dat van Ghendt was, dat wort daer doodtghesleghen, ende, die niet ontvlien ne consten, die worden ghevanghen ende tsanderdaechs onthooft. Daer was groot jammere in dien tyden.

Ende, had men zo scaerpe justicie niet ghedaen, die van Ghendt zouden ghenade begheert hebben; maer nyemende ne waende tlyf behouden. Aldus, de vliende van Ghendt, die quamen te Curtrycke; daer vonden zy groot heercracht van harer casselrye, als die van Waes ende Vier-Ambochten, die zouden hemlieden ghevolcht hebben. Maer, als zy vernamen de sconfelture van die van Ghendt, zo bleven zy te Curtrycke; ende die van Ghendt die teghen huer mesval Jan Boele, hueren capiteyn, ende zy zeyden dat hy se verraden hadde; dies sclouch zine doodt te Curtricke. Ende dese sconfelture gheviel int jaer Ons Heeren XIIJ^cLXXX.

+ 27 Aug.

+ Col. 4.

[p. 11]

⁺Item, te wyle dat de grave binnen Ypere lach,⁺ so keerde an (lees al) tlandt van Vlaendren an den prinche, zonder Gheeraerdsberghe. Ende, up den tweesten

+ 1380

+ Fol. 224, col. 2.

[2 Sept.]

⁺ dach van Septembre, doe ghync de grave Lodewyc met die van Brugghe ende die van den Vryen, ende welnaer al Vlaendren volchde hem; ende hy beleyde de stede van Ghendt x weken lanc, ter Brugscher zyden waerdt, tusschen Meere ende Wondelgheem; ende tlandt van Waes ende van Vier-Ambochten ghynghen ligghen ter Langherbrugghe, contrarye den prince. Ende, duer al dat Ghendt beleyt was, die van Ghendt zonden ute, ende beleyden Aelst ende Denremonde.

+ 2 Sept.

[16 Sept.]

⁺Ende, up den xvj^en dach van Septembre trocken uut Ghendt voor Aelst, Sinte-Niclaeus prochye, daer zy eene scoone meersch zagheh, daer men met eender brugghe over de Dendre ghync. Ende van danen waenden zy de stede winnen, want twater was cleene, want die van binnen hildent in. Ende doe liepen die van Ghend in de meersch, omme an de stede te commene, maer die van binnen die wordens ghewaere, ende zy wonden hare speye up, ende verdroncken die van Ghendt. Het waeren scrinewerckers, goudsmeden, linewevers, die van diere prochye waren.

+ 16 Sept.

[6 Oct.]

⁺Ende, up den vj^en dach van Octobre, liepen die van Ghendt weder tAelstwaert met grooter memchte, ende stooremden zo foortselic up de stede, ende⁺ scoter tvier inne; het wort groot brandt, ende die van binnen vloen harer veerde, ende alzo was Aelst ghewonnen.

+ 6 Oct.

+ Col. 2.

[9 Oct.]

⁺Ende, noch up den ix^en dach van Octobre, trac Pietre van den Bussche ende Jacop van der Beerst met die van Gbendt voor Denremonde, ende die van Denremonde quamen vromelicke uut up die van Ghendt; maer die van Ghendt weerden hem zo clouc-

+ 9 Oct.

[p. 12]

⁺kelicke, dat zy hem ofsloughen mer Willem van Reyghaerdtsvliete, ende mer Jan de Ghaloys, ende mer Jan van Berghe, ende meneghen anderen vromen man, ende wonnen wimplen ende banieren; maer met pinen behilden zy tvelt, want die van binnen sloughen hem ooc vele lieden of; ende beede hare capiteynen waren zeere ghewondt, ende Jacop van der Beerst lieter zyn een ooghe.

+ 1380

[21 Oct.]

⁺Item, up den xxj^en dach van Octobre, trocken die van GIiendt te Swalmen waert; daer hadden zyt zeere steerc ghemaect jeghens den uploop van den edelen, die in Oudenaerde laghen ende in Eenam. Ende tEenam lach de heere van Watervliet ende vele Picaerden uut Rysele ende ute Beethune; ende die van Ghendt wonnen Eenam up de heeren; daer bleef mer Dieric van Watervliet, ende die van Ghendt jaechder menich, in Scelde van die van Rysele ende van Bethune.

Ende doe liepen die van Ghendt tHedelare up den⁺ berch, zonder advys, ende waeriden Oudenaerde ghewonnen hebben; maer mynheere de Aze gheboot dat het al uut trac te voet ende te peerde, ende die van Ghendt waren ommereden ende ommegaen van allen zyden; ende, als die van Ghendt hem ommerynghet zaghen,zo riepen zy: ‘Vleet (sic), vliet’! maer het was te spade, zij waren ghesleghen met zeere grooten hoopen, ende alle standaerden ende banieren bleven daer, ende lieten daer zeere vele ghevanghenen. Ende Aernout de Clerc, deken van den wittecapproenen, die was den grave ghesonden, ende hy was voor Ghendt up een rat ghestelt.

Doe ghinghen de heeren hare engienen stellen over de Scelde, ende Rase van Eerzeele trac te Zwalmen waerdt met vele lieden van Ghendt, ende quamen te baten die van Waes ende die van Vier-

+ 21 Oct.

+ Fol. 224 v^o, col. 2.

[p. 13]

⁺Ambochten. Ende daer beghonste een vreeselic strydt

+ 1380

[1 Nov.]

⁺ter Langherbrugghe, up den Alder Heleghen dach; want die van GIiendt hadden groote menichte van volke. Daer quamen de heeren van de eender zyde, ende die van Brugghe ende van den Vryen an dander zyde, ende versloughen die van Ghendt, van Waes ende van Vier -Ambochten zonder ontfaermen. Ende die van Brugghe waeren daer in zo grooter vromichede,⁺ specialicke de themmerlieden, ende maetsenaers van Brugghe, ende wynscrooders; dese drie ambochten hilden tgat van der brugghe jeghens al dat Ghendt helpen wilde. Encie daeromme ghaf hemlieden de grave Lodewyc speciale previlegen, dewelke zy noch jaerlicx useren, altoos tsondachs naer Onzer Vrauwen dach alf Ougst. In welc ghevecht de meeste menichte van drien ambochten voorseid versleghen waeren; aldus was die previlege ghecocht met hueren bloede. Ende desen stryt gheviel up den Alder Heleghen dach anno Dommi XIIIJ^cLXXX.

Ende op dien zelven dach reden de heeren zo sceerpelic voor Gheeroudsberghe, dat zyre vrienden binnen ghecreghen. Daer wort een keerynghe bin der stede, zodat de heeren van Gheeroudsberghe ter maerct quamen met sprincen banieren, ende mynheere de Haze et (lees ende) tkindt van Edinghen bereden de stede van buten. Doe vloot tcommun buter stede ende eeneghe diere binnen waeren van Ghendt; ende dandere ghaven huere stede up mynheere de Haze ende den kinde van Edynghen, up den Alder

+ 1 Nov.

+ Col. 2.

[2 Nov.]

⁺Zielendach.

+ 2 Nov.

[5 Nov.]

⁺Item, daernaer, up den v^en dach van Novembrer⁺ laghen die van Brugghe noch omtrent Evergheem; ende die van Ghendt quamen ute heymelicke by nachte, met Sinte-Michiels ende met Sint-Jacops prochyen; ende huere capiteynen waeren Pietre

+ 5 Nov.

+ Fol. 225, col. 2.

[p. 14]

⁺van den Bossche ende Rase van Heerzeele; ende zy quamen omtrent middernacht onvoorsien up die van Brugghe, ende daer waren vele lieden van Brugghe ende van den Vryen versleghen ende ghescoffiert. Ende daer bleef doodt mynheere Trystram van Halewine, ende zij vynghen zommeghe met heuren standaerden ende leeden se ghevanghen te Ghendt, ende staken de banieren ter vesten ute, ten spyte van die van Brugghe.

+ 1380

[10 Nov.]

⁺Ende up Sinte Maertins avondt, zo was den paeys ghemaect tusschen den grave Lodewyc ende alle deghuene die voor Ghendt gheleghen hadden; ende elc trac thusewaerts; ende dien paeys gheduerde omtrent xv weken int jaer XIIJ^cLXXX.

Het es wel te bemoedene dat binnen Ghendt menich scoon juweel ghevlucht was, ende ooc hadden die van Ghendt alomme groot goedt gherooft ende inneghebrocht; ende nu, alst paeys ghemaect was, deghuene diet goedt toebehoorde, die dedent arresteren⁺ metten heere, ende wilden de naeste van hueren goede zyn, alzoot recht was; ende als die van Gbendt dit zaghen, zy liepen rechtevoorts weder in de wapene,

+ 10 Nov.

+ Col. 2.

[1381]

[25 Febr.]

⁺up den xxv^en dach van Sporkele.

⁺Item, int jaer XIIJ^cLXXXJ, den vrij^en dach van

+ 25 Febr.

+ 1381

[8 Maart.]

⁺Maerte, trocken die van Ghendt weder ute, ende ne hilden van arreeste, noch van heeren, noch van wetten. Ende zy trocken te Deynze, welke stede zy manden metten vreimden volke van heurer stede.Ende zy maecten binnen heurer casselrye menich steerc renas, daer de prince ende zyne edele zeere, inne beroert waeren. Ende uut Ghendt beghonsten de wittecaproenen ute te loopene tont (lees tot) onder Curtrycke, ende vinghen ende sloughen de lieden doodt; ende wasser een deel ghevanghen, die al te Curtrycke onthooft waeren.

+ 8 Maart.

[p. 15]

⁺Ende te Ghendt was een rewaert ghemaect, hyet Rasin Mulaerdt; ende hy dede een ghebot doen, zo wie eenen ruddere vynghe zoude hebben twee ponden grooten,ende wie eenen poortere of sciltknecht sloughe of vynghe, hy zoude hebben een pondt grooten. Ende daer lieper vele uut omme wasdom te crighene, maer zy verghaten zom weder te keerne. Zy liepen tAertevelde ende zy hilden daer eenen poortere ende zynen cnape, dewelke van twiste uter stede was, ende hyet Symoen Rym; al de Ryms die⁺ hoofder an, ende hy ne was der stede noynt contrarye, nochtans zy onthoofdene, ende zynen cnape ooc.

+ 1381

+ Fol. 225 v^o col. 2.

[5 Mei.]

⁺Item, int jaer XIIJ^eLXXXJ, up den v^en dach van Meye, trocken die van Ghendt voor Curtrycke, ende verbarrenden alle de huysen die buten stonden. Ende

+ 5 Mei.

[8 Mei.]

⁺upden viij^en dach van Meye, trocken zy ten Vier-Ambochten waerts, dat zy Vier-Ambochten weder wonnen, want zy hadden zo groote multitude dat een wonder was. Ende ooc wonnen zy al tland van Waes, zonder tcasteel te Beverne ende Repelmonde, ende stelden hooftmannen in de repassen.

Doe quam hem visch ende oppenbier uut Zeelandt ende Hollandt. Ende zy manden de stede van Aelst, die woeste lach, omme de ghaten open thoudene te Brabant waert ende te Henegauwe.

Ende Rase van Lieukerke quam met die van Ghendt te Gheeraertsberghe, ende de heeren trocken ute an dander zyde, want het alomme open lach, alzoot tkindt van Edynghen ende zijne partye beghaet hadde.

In desen tydt laghen die van Ghendt uut met vyf heeren, omme huere lyfneere, tAelst, te Denremonde, in Hulst, te Deinzen ende te Gheeroudts-berghen. Ende zy ontboden alle de ballmghen, die⁺ uut Vlaendren ghebannen waeren, dat zy te Ghendt,

+ 8 Mei.

+ Col. 2.

[p. 16]

⁺ende in tGhendsche alomme vry waeren, updat zy hem te hulpen quamen; ende maecten Jan van der Elst, die te Curtrycke ghebannen was, capiteyn van den ballinghen, dewelke vele quaets deden. Zy braken thuus van Wondelgheem, ende elc drouch thuus dat hy ghecrighen conste. Ende zy braken thuus de (lees te) Vyane, ende wonnen thuus van Zottegheem, ende mandent sterckelicke. Maer mynheere de Haze quammer met crachte vooren ende hy smoorde se van den casteele, ende slouch se doodt, ende zom onthoofden.

Item, doe ghynghen alle de steden hoofden an den heere, zonder alleene Gheerdsberghe; maer Oudenaerde, Denremonde deden die van Ghendt meneghen spyt. Ende Poucke ende thuus ter Woestine ende te Hansbeke hadden meneghen vromen rutere in. Brugghe, Sluus, Ardenbuerch, Damme, dese hilden hem alle clouckelicke metten prince; ende zo deden ooc alle andere casteelen.

Item, die van Ghendt trocken uut met tween prochyen, Sinte-Michiels ende Sinte-Jans, met Jan van der Helst ende met Rase van Lieukerke, deken van der poorteryen, Lievin Walrave, deken van de weverye, ende Pietre vanden Bossche, deken van den neerynghen. Ende daernaer trocken noch twee prochyen⁺ uut, Sinte-Michiels ende Sinter-Niclaeus, ende trocken in Vier-Ambochten, daer zy groot volc vergaderden van Eekeloo, van Caprycke, van Ursele, ende uten Oost-Vryen; ende dOudenbuerch was hemlieden mede. Item, deerste partye trocken onder Curtrycke, daer zy vrienden vynden waenden; maer die van Curtrycke scoten tvier in hare voorbailyen, ommedatter die van Ghendt gheen ghemac in hebben en souden, in gheen van beeden zyden van der strate. Ende die van Ghendt namen vitailge, die in scepen

+ 1381

+ Fol. 226, col. 2.

[p. 17]

⁺te Curtrycke waert quam, ende zy voerden se in Gheridsche heer. Ende die van Ghendt die waren ghewaerscuut van eenen knecht die overswam, dat zy van viere zyden zouden bevochten zyn, bleven zy langhe daeromtrent.

Doe trocken zy te Deynse waerdts, ende sloughen hare ghetelde an de zyde te Brugghe waerts. Een water hadden zy an deen zyde, ende eene groote dicke haghe an dander zyde; ende stelden hare carinen, dat men se nit beryden en mochte dan van vooren, want zy vernamen dat de grave Lodewyc vergaderde groote moghenteyt huut Vranckerycke, uut Artoys, uut Hollandt, uut Zeelandt, huut Brabant, ute Henegauwe, ende hy hadde al theerscip meest van Vlaendren⁺, ende Brugghe, ende tVrye, ooc Ypere ende Yperambocht toter Leye, Vuerne, Dixmude, ende al twestlandt van Grevenynghe nederwaerts.

Ende die van Ghendt ontboden den tween prochyen, Sint-Jans ende Sinter-Niclaeus, dat zy volcx-ghadynghe hadden ende niet en verschoten. Ende binnen diere zelver nacht gheviel daer groote plaghe, want eeneghe van Ghendt, staken hemzelven de sturte of. Ende Rase van Lieukerke trac metten prochyen Sint-Jans ende Sinter-Niclaeus in den pas van Nevele; het waren van de voorbaersten van Ghendt, ende zy namen al de banieren van den dekens diere inne wuenden. Ende Jan van der Helst voer scarmutsen jeghens theer, dat was commen up een alve myle naer; ende hij ghaft Rase te kennene van der grooter moghenteyt van den prince; ende Rasin ontboodt Pietre van den Bussche ende Lievin Walrave, dat elc metten zynen hem te baten quame.

+ 1381

+ Col. 2.

[13 Mei]

⁺Up sinte Chervaeys dach, den xiij^en dach van Meye, ende was maendach, doe trac Rase van Lieukerke met die van Ghendt, ende tpas was achter

+ 13 Mei

[p. 18]

⁺hemlieden ghesloten; die van Brugghe wordens gheware, ende decten hare banieren int cooren, ende zenden hare rybauden voeren.⁺

Doe worden die van Ghendt ghewaere van der grooter moghenteyt; ende Rase sprac: ‘Ic wilde, wy weder binnen den passe waren.’ Ende als hy twoordt ghezeyt hadde, doe deysden zy ende vloen; ende die van Brugghe scoten up met hueren banieren, ende volchden steerckelicke naer, ende riepen den hooghen cry: ‘Vlaendren de Leu!’; ende het pas was ghesloten, daer die van Ghendt duere wilden.

Dies hadden zij de sconfelture, want de straten worden al ghevult met die van Ghendt. Ende daer bleef doodt Rase van Lieukerke, ende Jacop van der Beerst, ende Matthys Colvyn, die beleeders gheweist hadden. Ende Jan van der Helst, ende de zyne deden harde steercke weere, maer zy blever alle meestdeel doodtghesleghen. Ende Jan van der Helst liep up de kerke, ende de vianden staken tvier in Nevele ende in de kercke, daer vele volcx up gevloen was, ende de priestre mede, daer zy huere biechte jeghens spraken Maer zy versmoorden ende verberrenden eer yet lanc. Daer bleven doodt van der prochye van Sint-Jans boven den xij^c persoonen. Ende dat doorp vloot uut Nevele ende uut Vorselare, met wive ende met⁺ kinderen. Men zach den brant te Ghendt ende te Deinze. Ende Jan van der Helst die spranc boven ten thorre uut, te bakten. Desen stryt gheviel int

+ 1381

+ Fol. 226 v^o, col. 1.

+ Col. 2.

[13 Mei]

⁺jaer XIIJ^cLXXXJ, up den xiij^en in Meye, up eenen maendach.

Doe was te Ghendt gheboden, dat alle mannen uutloopen zoude te Nevele ende te Deinze, ende dat clergye hem wapenen zoude, ende dat de vrauwen de Maerct houden zouden, ende poorten ende mueren bewaren. Maer, als hem de vliende quamen int ghe-

+ 13 Mei

[p. 19]

⁺moet, keerden zy alle weder thuus, ende die buten' Deynze laghen trocken ooc al thusewaert. Menich vier zach men upghaen, want die van Ghendt wilden de doodt wreken van mer Rase van Lieukercke. Ende die van Deynse vluchteden laer beste goedt te Ghend waerts. Doe reden de heeren in Deynse ende nament, al dat zy vonden, ende ontstaken de stede ende de kerke, ende roofden de kerke. Ende die van Ghendt verbarrenden Ursele, Eekeloo, Maldegheem, Thielt, al onder Brugghe toe; ende in huerlieder wederkeeren worde Male verbarrent, up

+ 1381

[31 Mei]

⁺den laetsten dach van Meye.

Ende die van Ghendt vynghen in hueren wech⁺ xxvj eerbare mannen ende brochten se te Ghendt gheleet up de Maerct; aldaer waren zy met hamers

+ 31 Mei

+ Fol. 227 r^o, col. 1.

[12 Juni]

⁺doodtghesleghen, upden xij^en dach in Wedemaendt.

Ende die van Ghendt deden wonderlicken grooten roof van koyen, van scapen ende van peerden, die zy hadden tote onder Brugghe toe ende int Vrye. Ende twee jonckers uut Ghendt, gheheeten Raes van den Voorde ende Fransoys Ackerman, zy quamen by nachte te Boudeloo in de abdye, ende ontdeden de tresorye, ende zy namen de crootse ende andere juweelen.

Doe koren zy te Ghendt eenen Jacop de Rycke in de stede van mer Rase van Lieukerke, ende noch eenen anderen man, hiet Wouter van Huuse.

Item, die wyse mannen van Ghendt zonden twee prelaten an den prinche, omme te traittierene van paeyse; maer men wilder niet naer hooren, want zy hadden drie paeyzen ghebroken, ende ooc hilden zy ballingnen ende moordenaren binnen huerer stede. De goede van Ghendt hadden gheerne ghezien dat men de ballinghen verdreven hadden, omme te bet ten paeyse te commene, maer de ballinghen liepen

+ 12 Juni

[p. 20]

⁺up dHoochpoorte, up den huus gheheeten den Rym,⁺ ende waeren omtrent L. Daer deden zy viltailge up, want zy ne wilden liter stede niet, of men zoudse daer uteslaen. De goede ne warens niet ghelooft, want vele andere wareps hem toe, alzo dat zy noch in stede bleven.

Int zelve jaer gheschiede groote plaghe te Ghendt,

+ 1381

+ Col. 2.

[16 Juni]

⁺up den zondach van der Triniteyt, van dondere ende van blexeme ende van tempeeste, want den thor van den Jacopinen ontstac metten quaden viere, daer zy vele moyten omme hadden eer dat zyt consten gheblusschen; ende up Sinter-Niclaeus tor waren drie lieden doodtghesleghen, die de clocke luden jeghens tfelle weder, den thor was welnaer ommeghewarpen.

Item, die van Ghendt worden van sprinchen weghe zeere nauwe bedwonghen; zy ne hadden niet wel macht yeuwers ute te reysene, danne alleenlicke te Gheeraerdsberghe waerts. Ende daeromme gheboot de prinche dat men Gheeraerdsberghe te nieuten doen zoude, alzo men dede. Die van Brygghe, Ypere ende tVrye toochden zulke vromichede dat zy de stede

+ 16 Juni

[6 Juli]

⁺wonnen upden vj^en dach van Hoymaendt, ende verbarrenden de stede. Die van Ghendt waeren ute met grooter mogenthede te Arzeele, zy zouden der stede ontzet ghedaen hebben; maer zy en quamene niet, int welke zy lettel eeren beghinghen, want deen⁺ partye wilden te Gheersberghe wesen, ends dandere wilden te Ghend waerts wesen. De bloede die vloen van vare, ende scoten hare ysers int coren, die andere lieden vonden; ende dandere ne trocken niet voordt, maer zy ghynghen al te Ghendt waerts.

Item, sprinchen heer beghonste te commene naer Ghendt; twelke Jacop de Rycke vernam, deken van der poorterye te Ghendt; hy ghync ter poorte

+ 6 Juli

+ Fol. 227 v^o, col. 1.

[p. 21]

⁺ende ten muere waerts, ende hy ne vant er gheene engienen, noch gheene ghereedscepe omme weere te doene, dewelke weere sculdich was te doene Lievin Walrave, deken van der weverye. Doe ghync Jacop de Rycke innewaerd, ende hy riep vaste te wapene; ende hyzeyde voordt: ‘Onder ons beleed es een verradere!’ Doen hief elc zyne baniere ende deden eenen ommeghanc; maer Lievin Walrave, deken van der weverye, bleffer ligghende up traedhuus, ende hy meende wel van achte re ute te treckene, maer hy was zowel ghewacht van allen canten, dat hy ghevanghen was, ende ghepynt; ende hy leet int laetste dat hy de stede ghelevert zoude hebben naer zyn vermoghen. Doe was hy up Sinte Voerende plaetse onthooft; maer de wyfs die hare mans ende hare⁺ vrienden verlooren hadden, die sleiptene met coorden achtere strate voor zyn huus ende voor vader- ende moeders-huus, ende riepen: ‘Verradere ende moordenare!’

Item, de grave Lodewyc quam met zynen heercrachte ligghen te Nonnenbossche voor Ghendt, daer haer de stede steerckelic jeghens mande; ende up den

+ 1381

+ Col. 2.

[15 Juli]

⁺xv^en dach van Hoymaendt, trac tkindt van Edinghen scarmutsen voor Ghendt met zynen broedere, den bastaerdt, ende de heere van Cyn, ende de heere van der Ameye, ende de heere van Gommengys; ende hadden buten laghen gheleyt, of die van binnen utequamen.

Daer waeren knechten ende ambochtslieden, die dit van den hooghen thorre zaghen; ende daer was een, die de Meyere van Dickele hyet, met zynen wive, ende hy was een ketsmareel uten lande van Aelst; hy nam de baniere van der stede, die up de poorte stac, ende hy liep ute metter baniere onder den hoop van die van Ghendt, ende sMeyers wyf

+ 15 Juli

[p. 22]

⁺volchde mede. Item, de heere van Edinghen, den standaert ziende, hy was ute omme eere te beghane; ende hy vacht, zo vromelicke dat hy den standaert van Ghendt in de - hand ghecreech; maer sMeyers wyf ghebaerde als een duvele, ende nam ze hem weder; ende zoe riep zo fellic up die van Ghendt, dat zy⁺ tkindt van Edynghen doodsloughen, ende dandere heeren ende volc met hem, dat met hem uutquam. Ende dit was buten der Keyserpoorte. Doe vloen alle dandere, die de laghen gheleyt hadden in ha er behoudt, ende die van Ghendt namen de doode heeren ende voerden se in de stede, ende begrouven se in de cloostren.

Item, ten verzoucke van die van Ghendt, ja van den welwillende, zo zant de hertoghe Aelbrecht an den grave Lodewyc, om paeys te makene tusschen hem ende der stede van Ghendt; maer het en was niet te doene, midsdat die edel heere van Edinghen ende dandere heeren versleghen waeren. Doe dede hertoghe Aelbrecht zegghen die van Brugghe, die van Ypere ende die van den Vryen, dat zy den grave-Lodewyc bidden zouden, dat de ghedeputeirde van Ghendt die in Henegauwen waren, dat zy mochten thuus keeren, men zoude de doode heeren elc zenden te zynder stede, daer ment begheeren zoude. Ende mer Vrancke van Borssele hadde tlasf van den hertoghe Aelbrecht ende van zynder vrauwe, by der bede van die van Ghend. Ende die van Brugghe, Ypere ende twestlandt baden ommere alzo, dat de doode waren elc thuus ghezent. Ende het heer trac van voor de stede, ende de grave zandt ten cante van den lande goede rudders ende mannen, omme de ghedeputeirde te gheleedene; maer de vrienden ende maghen van den dooden hadden laghe ghemaect, omme die van Ghendt te scuttene. Doe ontboden zyt

+ 1381

+ Fol. 228 r^o, col. 1.

[p. 23]

⁺binnen Ghendt, dat zy te Gheeraerdtsberghe omme hem quamen, alzo zy deden; ende die laghen gheleyt hadden trocken harer veerde.

Daernaer trocken die van Ghendt uut, ende verbarrenden Thielt, eude namen tgoedt al daeromtrent;

+ 1381

[21 Juli.]

⁺ende, up der Magdaleenen avond, keerden zy wedere te Ghendt, ende ter kermissen was tgoedt ghevent, dat zy metten zielen cochten.

Ende tvolc van den heeren reed uut allen steden ende casteelen roven ende pilgieren. Ende binnen Ghendt was groote breke, want tcooren wordt zeere diere onder de mate lieden. Ende die van Ghendt trocken wedere huut te Ruuslede, ende verbarrenden de coorenmuelnen, waer zy ze vonden.

+ 21 Juli.

[18 Juli.]

⁺Item, up den xviij^en dach van Hoymaendt, trocken die van Ghendt wedere ute, wel de tweedeel van der stede; ende zy ghynghen te Boudeloo int cloostere, ende int cloostere van. Eekeloo, daer zyt al zacten, pacten, coren ende ander goedt, zonder godspenmnc daerof te ghevene; ende dit deden zy, al tlandt van Vierambochten duere. Ende zy hadden te vyande den prinche ende al Vlaendren, uteghedaen tcasteel⁺ te Ghavere ende tcasteel te Nieneve.

+ 18 Juli.

+ Fol. 228 v^o, cel. 1.

[13 Aug.]

⁺Up den xiij^en dach van Ougst quamen buten, voor de Keyserpoorte, vele van den heere, met Sint Jooris baniere, ende zy riepen zeere lude: ‘Vlaendren de Leeu!’, ende zy bleven, daer iiij daghen lanc, dat nyement van Ghendt zyn hooft ute en stac.

+ 13 Aug.

[17 Aug.]

⁺Item, int zelve jaer XIIJ^cLXXXJ, up den xvij^en dach van Ougst, up eenen zondach, doe zach men te Ghendt, ter Maerct, sgraven standaert staen, ende zy riepen: ‘Vlaendren de Leeu ende onze vryhede!’ ende zy deden alle de ballinghen by zonneschine uter stede bannen, up haer hooft. Doe screven zy overe den prinche, dat zy tzynder weerdicheden dit

+ 17 Aug.

[p. 24]

⁺deden, ende zonden otmoedelicke supplicacien omme te zochtene zynen moet, ende die zonden eenen eerbaren Jacopyn by den prince, ende hy verwarf een sauveconduit. Doe zonden zy an den hertoghe Aelbrecht van Beyeren ende an zyne gheselnede, omme te biddene dat zy tusschen den prince ende Ghendt mochten zenden ghedeputeirde persoonen omme te sprekene van paeyse. Ende de hertoghe dede zovele, dat te Brugghe eene dachvaerdt gheleyt was, daer al tlandt van Vlaendren jeghewoordich quam; maer de grave wilde hebben uut Ghendt v^c+ ghysele, te wetene iij^c uter weverye, j^c uter poorterye ende j^c uten neerynghen, ende dit ghetal moeste althoos vul zyn; waer eenich storve, zo zoude men andere in de stede stellen ende zenden. Maer die van Gbendt ne wilden dat niet consenteren, by denwelken die dachvaerd schiet zonder slot.

Doe trocken de heeren onder Ghendt, ende verbarrenden menich huus. Doe trocken die van Ghendt in Vier-Ambochten omme coorne, ende brochten meneghen waghen wel gheladen met coorne, ende zy brochtens ooc vele ghedreghen up hueren hals. Item, eens trocken die van Ghendt ghewapender handt in Brabant om coorne; ende int wederkeeren quamen zy in tlandt van Denremonde, ende verbarrenden daer vij doorpen, ende brachten menegher onnoosel creature ende huer goed te Ghend waerts. Dit was

+ 1381

+ Col. 2.

[17 Oct.]

⁺int zelve jaer XIIJ^cLXXXJ, up den xvij^en dach in Octobre.

Ende doe was te Ghendt capiteyn Fransoys Ackerman. Ende die van Denremonde quamen dickent tot an de mueren van Ghendt, of met eender baerghe ghevaren; ende die van Oudenaerde reysden alle daghen te voet ende te peerde; ende uut Deynsen ende uut Cortrycke ende uten casteelc van Poucke

+ 17 Oct.

[p. 25]

⁺zach men vele reysen; ende uut Brugghe, uter Sluus, uut Ardenbuerch reysde men, nacht ende dach.⁺ Hadder niet zo menich pas gheweist binnen der casselrye, die van Ghendt hadden qualicke huere stede mueghen behouden, zo nauwe waeren zy bereden; want broodt, wyn ende zoudt wasser diere zodat in Ghendt rees eene wape/nynghe, ende waeren in gheschille, want de zulke wilden altoos traitieren, ende dandere wilden altoos uuttrecken, zoverre dat zy riepen: ‘Te Deynse waert! Te Deynse waerts!’

Nu hadden de heeren de stede van Deinse zo vast ghemaect, dat zy den Ghendtenaers lettel ontsaghen; ende zy hadden een speye ghemaect over de Leye, daer zy de vesten van der stede ende de meersschen mede vloyen deden; ende haere vesten waren dobbele; ende hadden binnen goede engienen ende goede vitailge, ende eenen vromen capiteyn mer Heylaerdt van Poucke, ende goede scotters van Brugghe ende van Ypere, ende vrome serganten uut Brugghe ende uten Vryen.

⁺Ende die van Ghendt trocken ute up den xxiiij^en dach van Octobre, up eenen donderdaeh; het reynde alle den dach, ende was avond als zy daer quamen; ende zy en brochten gheen caryn. Dus laghen zy in den reghen heymelic alle den nacht; maer snuchtens deden zy hoornen ende trompetten luden omme te⁺ stoormene up de stede. Ende mynheere Heylaerdt, capiteyn van Deynsen, hy stelde zyn volc in ordonnancien, ende stelde elc te zynder stede. Ende die van Ghendt zonden een deel lieden te Petegheem, omme te wachtene dat die van binnen niet uutvlien en zouden; ende de Ghendsche sciplieden zouden hem al te watere houden, ende eene brugghe vail scepen maken; ende die van der Leye, coornebiters, backers, brauwers, trocken an de Leye, in een meersch ter stede waerts; ende Sinte-Michiels prochye metten

+ 1381

+ Fol. 229 r^o, col. 1.

+ 24 Oct.

+ Col. 2.

[p. 26]

⁺haeren zouden bestryden de Ghendsche poorte; ende Sint-Jacops prochye ende sHelichs-Kerst prochye ende Sinte-Pieters prochye metten haren zouden de Brugsche poorte bestryden; ende Sint-Jacops prochye ende Sinter-Niclaeus prochye ende vele ghezellen die van Deynse waeren, die trocken toe van in den brouc, daer zy hem de diepte wysden ende de ghe-leghenthede, maer zy moesten een mile ommetrecken eer zy quamen tharer stede. Ende die de Ghendsche poorte bestryden zouden, die zeyden, zy zouden verbeyden tot dandere anquamen, om de stede alghelycke te bestormene; maer, als zy omtrent middeweghe waeren, doe beghonste Sinte-Michiels prochye te stoormene up de stede; ende stappans ghynct waeyen, haghelen, reynen alzo zeere alst bin langhe ghedaen⁺ hadde, dat zy nauwe ghestaen en consten, de haghel-steenen maecten hemlieden pitten int aensichte.

Ende de scotters van binnen scoten zo ontzienlic met boghen, met bussen evengherynghen; ende de sciplieden in de veste traken met haken ende met bilen ende met glavien; ende de clemmers deden der stede groten pandt. Maer binnen warent rechte lieubaerden: eed man wasser tiene weerd up dien dach, want zy scoten ende zy wierpen zo viandelic, dat die van Ghendt ofkeeren moesten, ende hadden meneghen dooden ende vele ghewonde. Ende die vrome heere van Poucke reed bin der veste te peerde, omme te ziene waer den meesten nood was: daer dady de zyne jeghens trecken.

Doe quamen die van Sint-Jans prochye metten haren voor de Brugsche poorte; doe deder met haesten de capiteyn alle die van der stede daerjeghens trecken; daer weerden zy hem zo van binnen, dat die van Ghendt rumen moesten. Ende die van Sint-Jacops prochye ende van Sinter-Niclaeus, metten ghezellen

+ 1381

+ Fol. 229 v^o, col. 1.

[p. 27]

⁺van Deynze, die quamen in den houc van der Leye, ende heet de Brouc, ende woelden met v banieren duer deveste, want die van Deynze diebuyten waeren wysden⁺ hemlieden de ondiepte; maer daer was noch een veste, daer die van binnen zo groote weere deden, dat zy hem tovercommen benamen; want zy waeren qualicke ghevolcht, zy moesten de veste laten. Ende zy woeden noch eens overe, ende sleipten naer hemlieden hare doode ende hare ghewonde, ende die van binnen schoten altoos zonder uphouden naer hemlieden; ende haerlieder capiteyn Rase vanden Voorde was harde zeere ghewont.

Aldus liepen die van Ghend weder thuusewaerts, darer vele of sterven van haeren wonden als zy thuus

+ 1381

+ Col. 2.

[23 Oct.]

⁺quamen. Dit gheviel up eenen Vrindach, den xxv^en in Octobre anno XIIJ^cLXXXJ.

Doe ghync men Deynse weder repareren ende versteercken, want die van Ghendt liepen weder uut, laghen legghen onder Poucke ende elders; daer liep er ooc eene partye int Oost-Vrye, ende quamen by nachte onder Ardenbuerch; maer zy en quamen, niet uut, want zy waenden verraden zyn. Doe quamen zy reenen passe, daer zy groote weere vonden, ende daer vynghen zy vj mannen, ende dandere ghynghen vlien. Daer ghynghen zy packen ende laden, ende dreven koyen, scapen ende peerden al te Ghend waerd; ende de vrauwen liepen achtere, ende losten haere mans eer zy in Ghendt quamen.

Item, die van Ghendt wilden uutzien omme hare

+ 23 Oct.

[10 Nov.]

⁺wyntertheere. Zy trocken, up sinte Maertins avondt met zacken ende met waghenen in Vier-Ambochten.⁺

+ 10 Nov.

+ Fol. 23 r^o, col. 1.

[29 Nov.]

⁺Ende up sinte Andries avondt was te Ghendt eene groote wapenynghe, ende zy ghynghen wedere in Vier-Ambochten omme coorne; ende zy ghecreghen vele winen ende coorens, ende brochtent te Ghendt; ende men cryhierde den wyn te Ghendt om ij groeten

+ 29 Nov.

[p. 28]

⁺den stoop, met eenen beckene, want zy haeldent omme niet metter Ziele. Ende die van Ghendt wonnen ooc Oostbuerch, daer zy vele goeds uut roofden, ende daernaer verbarreudent. Item, die van Ghendt hadden in Brabant ghecocht ende gheladen met coorne iij^c waghenen, metsgaders zout ende wyn tsamen, ende

+ 1381

[25 Dec.]

⁺die brochten zy te Ghendt voor den heleghen Kestdach.

⁺Hiernaer wordt binnen Ghendt een ghescil tusschen Fransoys Ackerman ende Symoen van Vaernewyc, die sprac Fransoys an, waer dat ghelt bewaren was van den vij doorpen van Denremonde; daerof begheerde hy rekeninghe ende bewys. Fransoys hadde gheerne Symoene doodgesleghen, maer Symoen was thuus gheleet van den sciplieden. Ende tvolc liep al in waphene zeere ghestoort, ende liepen ter Maerct ende riepen: ‘Al of, ende nyement boven der wet!’

Maer Symoen zeyde tote den sciplieden, hy wiste eenen daermede den paeys belet was, die goed ghesleghen⁺ waere, ende dat was dadvocaet van Ghendt, Gillis de Muelnare. Hy was uppet Thoochuus van der stede, ende Symoen riepen nedere, maer hy en wilde niet nedere commen. Doe liepen zy up thuus, ende sloughen doodt, ende wierpen ter veinster uut.

+ 25 Dec.

+ 1382 (n.s.)

+ Col. 2.

[1382]

[2 Jan.]

⁺Dit was up den anderen, dach van Lauwe int zelve jaer.

Ende up dien zelven dach ende in die zelve wapenynghe waeren twe lieden ghevanghen ende uppet Thoochuus gebrocht, naerdat zy ghepynt wae ren. Ende Symoen van Vaernewyc dede den clerc van der stede openbaer lesen harer beeder verlyt. Daer las hy dat dese twee persoonen up toordeel van harer ziele namen dat Gillis de Muelnare ende Jacop de Rycke ende Pietre van den Bossche ende Fransoys Acherman den paeys belet hadden; ende zy storven beede in dat propoost. Maer die van der

+ 2 Jan.

[p. 29]

⁺weverye riepen dat lueghene was, ende wilden Jacop de Rycke ende Fransoys Ackerman wedere hebben, ende haelden ze beede uut haeren huuse. Ende Symoen quaem hem jeghens metten zynen, maer tvolc riep: ‘Alleens! Alleens!’, ende de Wet maecte den paeys tusschen Symoene van Vaernewycke ende Frausoys Ackennan, ende Jacop de Rycke⁺ ende Pietre vanden Bussche zouden incommen. Ende desen paeys was ghemaect tSint-Jans in de kerke. Maer dat commuun riep wrake over Gillis de Muelnaere doodt. Ende tvolc schiet in twee partyen, de weverye jeghens de sciplieden, ende zy versaemden in de Cammersstrate, ende maecten hooft, ende eeneghe beghonsten te slane; maer de vroede die belette-dent, datter nyement dood en bleef. Maer tcommuun wilde ommere correxie over Gillis de Muelnaers doodt, ende, audiencie van dien ghezeten, zo was bevonden Symoen van Vaernewyc ende iiij of v, ende zy waeren eeuwelicke uter stede ghezeyt. Doe hilt tcomuun zijne vrede.

+ 1382 (n.s.)

+ Fol. 230 v^o, col. 1.

[13 Jan.]

⁺Item, up den xiij^en dach van Lauwe, zach men eenen brief uut Myns heeren Rade commen, die de prelaten van Ghendt brochten, waert dat zy niet voordt en ghynghen up tparlement van Aerlebeke ende up de ghysele te ghevene, zo waerdt al pine verlooren dat zy vele hoopten up paeys te verwervene; dat was hemlieden ghezeyt een voor al.

⁺Up sinte Pauwels avondt, doe was te Ghendt eenen brief ghevonden ende ghelesen voor tghemeente, daerin stond, wilden zy wel varen, dat zy kiesen zouden voor huerlieder capiteyn ende regement Phelips van Aertevelde, zo zouden zy wel⁺ varen, ghelyc zy deden in den tydt van Jacop, zynen vadere, of anders zouden zy verlooren zyn. Ende hieromme schieden van der Maerct wel deen

+ 13 Jan.

+ 24

+ Col. 2.

[p. 30]

⁺helt van den volke, die daer niet an ne wilden; maer van der Maerct schieden ooc viere of v banieren, die omme Phelipse van Aertsvelde (sic) ghynghen, dien zy vonden in een stove, ende zy brochten hem up Thoochuus, ende zy deden hem zijnen eedt doen.

+ 1382 (n.s.)

[24 (?) Jan.]

⁺Ende, svrydaechs daernaer, zwoeren met hem iiij hooftmannen, die hy coos, ij uter poorterye, een uter weverye, ende een scipman; ende huut allen neeringhen koos hy lieden met hem te ghane; ende hy nam te zynen rade eenen aermen clerc, die Heindric hyet: het sceen, zach hy de lieden, hy wiste haerlieder meenynghe-wel, ende hy wrochte vele by zynen rade ende naer zyn hooft.

+ 24 (?) Jan.

[25 (?) Jan.]

⁺Ende Phelips quam tsaterdaechs toter Wet, up den xxiij^en (sic) dach van Lauwe, ende hy vraechde waeromme dat de stede oorloochde ende negheenen paeys ghecreghen; ende dadvocaet sprac: ‘Wy ne wetens niet’; maer Phelips zeyde: ‘Ghy wetet zom wel’; ende hy zeyde: ‘Moorghen moet iet zegghen’.

Doe stondt up Pietre van den Bossche ende hy sprac tot zynen medeghezellen, die scepenen van der⁺ Kuere waeren, dat zy, up den Kerstdach, metten zeghele van der stede ende ooc met haer selfs zeghelen, overghezeghelt hadden de stede van Ghendt in

+ 25 (?) Jan.

+ Fol. 231 r^o. col. 1.

[26 (?) Jan.]

⁺sheeren handen. Ende tsondaechs, ten xj hueren, was ghesleghen Symoen Bette, de voorschepene van der Kuere.

+ 26 (?) Jan.