Cronyke van Vlaenderen. Deel 2

[p. 507]

XXII. Baljuws van Dendermonde.

A. 1382 (13 Januari-7 Mei.)

Dit es de rekeninghe Mer Oliviers van Haelwijne, ruddre, bailliu van Denremonde in dien tijt, van al dat hij ontfaen heeft van der vorseider bailligien, zichtent den 13^sten dach van Laumaent int jaer 1300 een ende tachtentech, tote den 7^sten(1) van Meye int jaer -80 ende twee; ghedaen te Rijssele, den 4^en dach van Meye int jaer -83.

In teerste, ontfaen van alrande calaengen ende ghewijsden boeten, ghevallen binnen der poort van Denremonde:

Van Gillijs van Coleghem ende Janne den Groten, ghecalendiert van dat zij Gillijs Berlaer ghesleghen souden hebben metter vust in felheden, dat hij viel ter eerden, daer de boete van elken of gheweest

(1) Op doorhaling van: 4 daghe.

[p. 508]

soude hebben 5 ℔, hadt ghewijst gheweest; pays van beeden vor vonnesse, om 6 ℔.

De Quade Clays, knecht Mer Jans uten Zwane, ghecalendiert van dat hij Janne Osten ghequetst soude hebben in felheden met 1 messe, daer de boete of gheweest soude hebben 20 ℔, had se ghewijst gheweest; pays, uut fauten van orconscapen, om 5 ℔. 8 s.

Gillijs de Hert, ligghende onder den heere van Ondeschote, ghecalendiert van dat hij met 1 messe in felheden ghequetst soude hebben Mer Chamus broeder van Capple, daer de boete of gheweest soude hebben, hadt ghewijst gheweest, 20 ℔; pays vor vonnesse, ter beden van goeden lieden, om 6 ℔.

Pieter Ynghel, ghecalendiert van dat hij gheweest soude hebben in dlant van Aelst, daer een wijfken vercracht soude hebben gheweest; pays, bij rade van Mer Philipse van Massemine, om de (sic) knecht Mijnen gheduchten heere altoos wel ende ghetrouwelijc ghedient heeft, om 12 ℔.

Gillijs de Camerlinc, serjant, ghecalendiert van dat hij een mes in felheden ghetrocken soude hebben op Mechiele van Viane; pays, ter beden Mer Daneele van Haelwijne, om 5 ℔.

Mechiel van Viane, serjant, ghecalendiert van dat hij met 1 messe in felheden ghequetst soude hebben Gillijs den Camerlinc; pays vor vonnesse, uut fauten van orconscapen, om 8 ℔.

Gillijs van den Neste, ghecalendiert van dat hij met 1 messe in felheden eenen serjant ghequetst soude hebben, daer de boete of gheweest soude hebben 20 ℔, hadt ghewijst gheweest, want hijt selve kende; pays daerof, omdat hij Minen gheduchten heere ghetrouwelijc ghedient heeft, om 12 ℔ 12 s.

Gillijs uten Hove, ballinc uut Vlaendren, ende bastaert, commen van live ter doot in Brabant, een deel

[p. 509]

hebbende over sinen persoen an de butinghe van den ghevanghenen van dien van Smetlede, Mijns heeren recht vercocht Berrende van Belle, ende daerof ontfaen 6 ℔.

Jan Striman, van Gremberghen, motenare, hebbende 1 vaetsen lants ligghende te Gremberghen an tSant, Mijns heeren recht daerof, sonder meer, ombewettecht vercocht Gillijse den Beere, in manieren dat Minen heeren van Mijns gheduchts heeren edelen Rade goet ende redelic dinct, ende daerof ontfaen, 4 ℔ 16 s.

Gheraerd van den Heckene, motenare uut Denremonde, ghetrocken contrarie Minen gheduchten heere te Ghend waert, hebbende 2 huusse, staende binnen Denremonde, achter hem ghelaten, Minen gheduchten heere vorseid de vorseide huusse mits sijnre moterien toecommen, een tquaetste van den tween huussen becommert met vele renten, tsjaers erfelijc uutghaende, gheleghen in de Kercstrate neffens Claus Boels huus was; Mijns gheduchts heeren recht daerof vercocht Symoen Vaenkin, in manieren dat Minen heeren vorseit goet dinct, ende men hem daerof thove brieven gheven wille, om 70 ℔.⁽¹⁾

Heinric Arents, bastaert, ghecalendiert van dat hij Janne Couken ghebrocht soude hebben met sinen fellen wapenen van live ter doot in de prochie van S. Amants Bacerode; pays, uut fauten van orconscapen, om 40 ℔, deen derdendeel Minen heere toehorende, ende dander Minen heere van Reseghem ende Minen heere van den Gruuthuusse; ontfaen, van Mijns heeren deele, 13 ℔ 6 s.

Pieter de Brune, sculdech wesende porteren van Ghend van diversen comescepen, 7 s. 6 d. gr., die

(1) Deze post is doorgehaald.

[p. 510]

ghecalendiert, ende te Mijns heeren bouf ontfaen, 4 ℔ 10 s.

Willem de Cammere, derghelike sculdech wesende porteren van Ghend, contrarie sijnde Minen gheduchten heere, van 1 coe, 4 ℔ par., die ghecalendiert ende daerof te Mijns heeren bouf ontfaen, 4 ℔.

Gillis van Zele, sculdech wesende motenaren van Ghend 25 gr. tsjaers erfelijc, van 2 jaren tachter, daerof ontfaen te Mijns heeren bouf, 50 s.

Pieter Nesen, derghelike sculdech wesende 44 gr., ontfaen 44 s.

Gillijs van den Veere, van gheliken, ontfaen 18 s.

Pieter de Commer, sculdech wesende Janne Hillijns, contrarie sijnde Minen gheduchten heere, 12 scilde van landpachte; denghenen diet wroechde ende den bailliu te kennen dede, ghegheven terde; daerof ontfaen te Mijns heeren bouf, 9 ℔ 12 s.

Jacop de Wilde, van Laerne, sculdech wesende porteren van Ghend van 1 huus, 16 scilde ende 16 gr., ofgesleghen terde, ghegheven denghenen diet wroechde; ontfaen te Mijns heeren boef, 13 ℔ 6 s.

Pieter Tuscaens, uten lande van Aelst, sculdech wesende Bouden Heylen zone, portere in Ghend ende contrarie wesende Minen gheduchten heere, 3 ℔ 17 s. 6 d. gr., van landpachte, daerover den vorseiden Pieteren te Denremonde in vanghenessen brocht, denghenen dien vinghen ghegheven deen helft; ontfaen van Mijns heeren deele, 23 ℔ 5 s.

Heinrics broeder van den Abeele, van Sceldebelle, sculdech wesende porteren van Ghend 2 ℔ gr van pachte, derghelike daerover ghevanghen; denghenen dien vinghen, over haren arbeit hem ghegheven deen helft; ontfaen van Mijns heeren deele, 12 ℔.

Jan van Cothem, portere in Ghend, hebbende

[p. 511]

1 meersch, ligghende in de prochie van Berlaer, tsjaers verhuert om 21 scilde, afgesleghen terde, dien ghegheven diet den bailliu te kennen dede; ontfaen te Mijns heeren bouf, 16 ℔ 16 s.

Hellijn van den Putte, contrarie wesende Minen gheduchten heere, hebbende tsjaers te sinen live 1 ℔ gr. op Cornillijs Roters huus, van 2 jaren tachter, ghevallen te Lichtmesse; afgesleghen terde, wechghegheven; ontfaen te Mijns heeren bouf, 16 ℔.

Jan van der Meere, van Wettere, sculdech wesende Robbrecht van Wiese 12 scilde, van landpachte; afghesleghen terde, wechghegeven denghenen diet wroechde; ontfaen te Mijns heeren bouf, 9 ℔ 12 s.

Heinric de Vleeschouwere, van Laerne, sculdech wesende porteren van Ghend, contrarie wesende Minen gheduchten heere, van landpachte, 40 scilde, daerin deel hebbende eeneghe wesende Mijns heeren vriende; van denghenen, contrarie sijnde Minen heere, daerof ontfaen te Mijns heeren bouf, 18 ℔ 12 s.

Pieter de Jode, sculdech wesende Pieteren den Win, contrarie wesende Minen gheduchten heere, 5 mudde corens, die vercocht, ende laten quiten den vorseiden Pieteren, omdat hij mate es, om 26 ℔.

Somme, 238 ℔ 7 s.

Ontfaen van alrande calaengen ende ghewijsden boeten buten der poort in dlant van Denremonde, (sic).

Ontfaen van bastarden, dienstlieden, incommelinghen ende die ter bester haven staen.

In teerste, in Zele:

Kateline Boudijns, staende ter bester haven; achter haer bleven 1 coe, vercocht ende daerof ontfaen, 42 s.

In Gremberghen:

Neese tSchouteeten, staende ter bester haven;

[p. 512]

achter haer bleven 1 coe, vercocht ende daerof ontfaen, 3 ℔.

In Appels:

Martin van der Beke, staende ter bester haven; achter hem bleven 1 quade ghecropelde merrie, vercocht ende daerof ontfaen, 20 s.

Somme, 6 ℔ 2 s.

Ontfaen van copen van leene.

Gillijs Daneels, verstorven uut 1 leene, 1 buenre groot, gheleghen in Hamme, toecommende Janne, sinen broeder; ontfaen over de beste vrome, 6 ℔.

Somme, 6 ℔.

Ontfaen van 10^en penninghe van erven.

Eerst, in de prochie van Zele:

Lievijn de Neve, 3 dachwant lants, vercocht Coppin Clays om 32 ℔, ontfaen 3 ℔ 4 s.

Item, de vorseide Lievijn, 1 buenre heyden, vercocht Robbrecht Vaenkin om 2 ℔ gr., ontfaen 48 s.

Maes de Numan, 15 scilde tsjaers te live, vercocht Boudine Meeus om 10 ℔ 15 s. gr.; ontfaen van Mijns heeren deele, 4 ℔ 18 s.

Ontfaen van 10^en d., in Hamme:

Jan van der Denren, 1 buenre becommers lants met 1 steden, vercocht Willem Coutscuere om 33 ℔, ontfaen 3 ℔ 6 s.

Ontfaen van 10^en d. in Berlaer, niet.

Ontfaen van 10^en d. in Gremberghen, niet.

Ontfaen van 10^en d. in Lebbeke:

Andries van den Crude, 1 dachwant lants, vercocht Willem van den Crude om 5 ℔, ontfaen 10 s.

Claus van den Rode, 1 dachwant lants, vercocht Heinen Loyhacrt om 11 ℔, ontfaen 22 s.

[p. 513]

Ontfaen van 10^en d. in Opwijc.:

Heinric van Oest, 3 dachwant becommert lant, vercocht Katelinen van der Hoeven om 40 ℔., ontfaen 4 ℔.

Ontfaen van 10^en d. in Bacerode ende Vlassenbroec, niet.

Ontfaen van 10^en d. in Belle ende Zwieveke, niet.

Item, van der Voogdien van S. Baefs, niet ontfaen.

Somme, 19 ℔ 8 s.

Somme van al den sommen van den ontfanghe, sonder

Wettere ende Belle, 269 ℔ 17 s.

Item, ontfaen van Janne Wouters, bailliu van Wettere ende Scheldebelle, van al dat hij ontfaen heeft, als bailliu, van den vorseiden prochien, zichtent den vorseiden termijn, bij hem overghegheven in der manieren hierna wesende verclaert:

In teerste, in Wettere: Trijsse van den Bossche, dienstwijf; achter haer bleven onsaleghe catheyle, vercocht ende daerof ontfaen, 3 ℔.

Somme, 3 ℔.

Somme van al den sommen van den ontfanghe, 272 ℔ 17 s.

Dit es duutgheven tsforseits baillius, van sinen vorseiden ontfanghe.

Int eerste, om sijn wedden van den vorseiden termine, 26 ℔ 13 s. 4 d.

Item, om de justicie van Diedericke ende Colarde den Wolfs (sic), ghebroedere, van Zantberghe, ende waren ter doot van Mer Janne van den Moere ende te diversen steden altoos contrarie Minen gheduchfen heere, ghevanghen bij Ghend, vechtender hand, ende

[p. 514]

wel 20 daer ter stede dootghesleghen bij Roel, bastaerd van Vielgen, ende den ghesellen van der baergen van Denremonde, dewelke Roei ende sijn ghesellen de vorseide ghebroedere den bailliu overdelivrerden, die se dede justicieren; te coste ghedaen, 18 ℔ 12 s.

Item, ten beveelne van Minen gheduchten Heere, bij monde ende bij rade ende goetdinkene van eeneghen van Mijns gheduchts heeren edelen Rade, ghegheven den vorseiden Roel ende sinen ghesellen van der baergen over doverlevren van den vorseiden Wolthinghers, ende om de ghequetste te ghenesene, die de vorseide ghesellen van der bargien ter vorseider dachvaert ghecreghen, 6 ℔ gr., valent 72 ℔.

Item, om de justicie van Boudijne van der Helst, van Hoosdein, portere in Ghend, ende was tHoostborch, daer hij zeere berrende ende roofde, ende elre; ende om de justicie van Janne Haghel, van Hofsteden, Martijns cnape was van Herpe, rovere ende brandere, ghejusticijert met den zweerde ende op raderen gheleit; te coste ghedaen, 17 ℔ 14 s.

Hannekin de Porre, van S. Tentelijns, ende Hannekin van der Biest, boschwachters, ghejusticijert met den zweerde ende op raderen gheleit; te coste ghedaen, 16 ℔ 18 s.

Jan van Maldeghem, Ghendtenere, ende was te Dixmude ende te Nevele, ende ballinc uut Vlaendren, ghevanghen onder die van Ghend, ende ghejusticijert met den zweerde ende op 1 rat gheleit; te coste ghedaen, 9 ℔ 12 s.

Heinric Moenijns, van Denrehoutem, zweertcaproen te Gheraertsberghe, ende was tHoostborch ende eldre contrarie Minen Heere, ghejusticijert met den zweerde ende op 1 rad gheleit; te coste ghedaen, 8 ℔ 16 s.

Hannekin Bierlinc, ghevanghen onder die van

[p. 515]

Ghend vor Aelst, Hannekin Boyts bastaerd f. Joes Bokaerts, Steven Bierlinc, boschwachters, rovers ende brantscatters, ende Heinric van der Borch, capitain van den boschwachters, ende waren ter doot van Lancrijm ende anderen van onsen lieden, ghejusticijert metten zweerde ende op raderen gheleit; te coste ghedaen, 34 ℔ 12 s.

Hennekin de Mechelere, motenare, ghejusticijert met den zweerde; te coste ghedaen, 9 ℔ 10 s.

Hennen Glorien, van Ypre, dier van Ghend messagier, ghejusticijert met den zweerde ende op 1 wiel gheleit; te coste ghedaen, 8 ℔ 12 s.

Coppin Boudijns, portere in Ghend, caesstickere, ende Jan Ackerman, banierdragher van sinen ambachte te Ghend, uut Ghend ghaende te Lovene waert om proveanche te copene, ghevanghen op de palen van den lande, ghejusticijert met den zweerde ende op raderen gheleit; te coste ghedaen, 17 ℔ 15 s.

Item, ten beveelne van Minen gheduchten heere, bij sinen letteren ghegheven Ectoren den Langhe, over 1 hinxst die Mijn gheduchte heere van hem hadde 50 franken, tstic over 37 s. 6 d. par., valent 93 ℔ 15 s.

Matijs de Lenere, motenare van Ghend, ghejusticijert met den zweerde; te coste ghedaen, 8 ℔ 12 s.

Somme van den uutghevene, 343 ℔ 12 d.

Ende dontfanc draecht, 272 ℔ 17 s.

Aldus blijft men hem sculdich, 70 ℔ 4 s.

[Descompté en son compte ens.]

Op den rug: Compte Messire Olivier de Halewin, bailliu de Tenremonde, dou termin de Janvier, l'an -81, fait à Lilte le 4^e jour de May l'an -83.

Rol-rekening, n^r 2065.

[p. 516]

Dendermonde.
B. 1382 (7 Mei-21 September.)

Dit es de rekeninghe Mer Oliviers van Haelwijne, ruddre, bailliu van Denremonde in dien tijt, van al dat hij ontfaen heeft van der vorseider balligien, zichtent den 7^sten dach van Meye int jaer 1300 twee ende tachentich tote den 21^sten dach van Septembre int jaer vorseit; ghedaen te Rijssele, den 4^en dach van Meye int jaer -80 ende drie.

Int eerste, ontfaen van alreande calaengicn ende ghewijsden boeten, ghevallen binnen der poort van Denremonde.

Van Janne van den Wijnckele, omdat hij sijn mes trac in felheden up Andries Berthoute, ghewijst in 20 ℔.; pays, ter beden van goeden lieden, om 10 ℔.

Pieter Claeis f. Willems, omdat hij quetste met sinen messe in felheden Janne den Brievere, ghewijst in 20 ℔.; pays, ter beden van Salaerde, om 10 ℔.

Arent van der Biest, Gillis van der Biest, Pieter van der Heeven ende haerlieder ghezellen, ghecalengiert van dat sij Daneele van den Gheeme over een zoendinc belooft hadden een somme van ghelde, hem die te betaelne teenen zekeren daghe, up 100 ℔ par. verbuert, deen derdendeel tseghen Minen heere,

[p. 517]

dander tseghen Mer vrouwen van den Baren, ende terde partien; ontfaen van Mijns heeren deele, 33 ℔ 6 s. 8 d.

Daneel van Rossem, Heinric de Brukere, Jan de Keyser, f. Jans, haer hulpers ende medepleghers, ghecalengiert van dat zij in wederwraken van haren maech, die ghequetst ende ontvoet was, brochten van live ter doot eenen Heinric van den Putte; pays daerof, van dien fayte ende negheenen andren, omdat de vorseide knechte rasch ende quic sijn, altoos bereet in Mijns heeren dienste, om 100 ℔.

Gillis uter Vorst, Pieter Haeuwe ende Jan Sterrinc, poorteren van Denremonde, uut Denremonde gheruumt ende ghevloen ende niet weder incommen teenen zekeren daghe, hemlieden dat laten weten in tijts naer tbevel van Minen gheduchten heere bij sinen letteren; ende ooc omdat sij hem niet en provantcieerden ten beveelne van Heere ende Wette, elc naer sijn quanteteit ghelijc andren; pays daerof, van hem 3 om 60, deene heelft Minen Heere toehorende, ende dander der stede, om de stat daermet te versterkene; ontfaen van Mijns Heeren deele, 30 ℔.

De prochie van Zele, hebbende ligghende een ghedeel liede van haren prochien binnen Denremonde in vormen van ghisele ter tijt dat de viande van Ghent nu lest waren vor Denremonde, de vianden vorseid achterghetrocken ende afghesceeden wesende, den vorseiden ghisellen gheconsenteert up goeden zeker weder in te commene, tsbaellius vermaenne, dat sij haer vruchten mochten indoen, om een hooscheit daerof te Mijns Heeren bouf ontfaen, 48 ℔.

De lieden gheseten in de prochie van Calkine, gheconsenteert haer vruchten te ontvromene, die uutghedaen die upsetters, capyteine, ende Minen gheduchten heere contrarie hebben gheweest binnen

[p. 518]

desen lesten orloghe, ende in manieren dat de vorseide vruchten niet commen en zouden in baten noch in sustinanchien van Mijns vorseits heeren vianden, om een somme van ghelde; daerof te Mijns heeren bouf ontfaen, 96 ℔.

Der prochien van Wettre, tselve in der manieren vorscreven, zonder meer, gheconsenteert om 10 ℔ gr., daerof betaelt 4 ℔ gro., ende dander belooft te betaelne teenen zekeren daghe, up de vorseide 4 ℔ verbuert te hebbene, dies sij niet en deden; ontfaen 48 ℔.

Boudin van den Driessche, gheruumt uut Denremonde contrarie Minen gheduchten heere; achter hem ghelaten binnen Denremonde 2 huse, verhuert tsjaers elc 20 scilde, afghesleghen erfeliker renten daeruut gaende tsjaers, ende redenliken costen daeran gheleit, van eenen alven jare, te Mijns heeren bouf ontfaen, 15 ℔.

Lievin van den Oernicke, hebbende ligghende een goedeken te S. Amants Bacerode, tsjaers verpacht om 24 halster rogs ende 32 halster gheersten, die ghe[...]nveert te Mijns heeren bouf, omdat de vorseide Lievin poortre in Ghend es ende contrarie Minen gheduchten heere, ende van Mijns heeren weghen vercocht, elc halster deen mits den andren om 12 groten, heft 33 ℔ 12 s., twelke goedekin vorseid Mijn gheduchte heere heeft wechghegheven Salaerde, sinen dorwaerdere, diet vor mi ontfanghen heeft, ende bij mi derof niet gherekent, ontfaen.

Der prochien van Hamme gheconsenteert tselve in der manieren vorscreven, ghelijc dien van Zele, ende daerof te Mijns heeren bouf ontfaen, 48 ℔.

Somme, 438 ℔ 6 s. 8 d.

[p. 519]

Ontfaen van alrande calaengien, ende ghewijsden boeten, ghevallen buten der poort in dlant van Denremonde.

Int eerste, in de prochie van Zele:

Willem vern Aecten, ghecalengiert van dat hij ghequetst zoude hebben in felheden Pietren den Voghel; pays om 12 ℔.

Willem van den Brande, ghecalengiert van dat hij in tijden vorleden bij onghevalle eenen sinen naermaech, ghenaemt Mechiel de Molenare, in de prochie van Zele gebrocht soude hebben van live ter doot; pays, omdat tfayt zeere verdonckert was, ende de vorseide Willem zeer aerm was, om 24 ℔.

Somme, 36 ℔.

Ontfaen van bastaerden, dienstlieden, incommelinghen, ende die ter besier haven staen.

Int eerste, in de poort, Griele tsKeysers, bastaerde verstorven; achter haer bleven diverse onsaleghe catheyle, vercocht haren man, ende daerof ontfaen 6 ℔ 12 s.

Item, Gawein, de bastaerd van Massemine, ghestorven; achter hem bleven sine paerde ende arnasch van wapenen, omtrent wert wesende 100 ℔ par., daer tseghen sculdech blivende aermen diversen lieden van Denremonde meer dan 300 ℔ parisis, tghoent achter hem bleven overghegheven sinen broedren, om sijn scult te betaelne, ende dit ghedaen bij rade van eneghen wesende Mijns gheduchts heeren Raet, ende datter de bailliu niet afrekent, ontfaen (sic).

In Gremberghen:

Griele Berthouts, staende ter bester haven; achter haer bleven 1 merrie, vercocht pointscepenen van der prochien, ende daeraf ontfaen, 4 ℔ 4 s.

Item, Bate van Ghuyse, staende ter bester have;

[p. 520]

achter haer bleven 1 coe, derghelike vercocht ende deraf ontfaen, 3 ℔.

Line Leenen, staende ter bester haven; achter haer bleven 1 coe; vercocht ende daeraf ontfaen, 44 s.

In Berlaer:

Hannekin de Meyer, bastaerd, ende plach de scape te wachtene; achter hem bleven in sculde van dienste hem toebehorende, 2 pieters; daeraf te Mijns heeren bouf ontfaen, 4 ℔.

In Zele:

Jan Coppin Heins, staende ter bester haven; achter hem bleven 1 merie, vercocht om 3 ℔ 12 s.

In Lebbeke:

Lijsbette Martins, dien-twijf; achter haer bleven 1 verse, 1 coe, haer cleedere ende andre onsaleghe catheylen; vercocht Gillise van Rossem, ende daerof ontfaen, 10 ℔ 12 s.

In Hopwijc:

Jan van Cutserode, dienstman; achter hem bleven 2 bedden, 2 coeye, 1 paerdekin, omtrent 20 mandlen rogs ende evenen, ende andre onsaleghe diveersse catheyle, deen heelft Mijnheere toebehorende; vercocht bij pointscepenen van der prochien sinen wive, ende deraf ontfaen, 12 ℔ 12 s.

In Denrebelle:

Wouter Sterrincs wijf, bastaerde; haer have verberrent om Mijns heeren wille, deselve have die se behilt 2 bedden, haer cleedre ende andre juweele, een ghedeel corens in de scuere, deen heelft Mijnheere toehorende ende vercocht Woutren, haren man; deraf ontfaen, 9 ℔ 12 s.

In Bacerode:

Lijsbette Boes, staende ter bester haven; achter haer bleven 1 coe, vercocht ende deraf ontfaen, 3 ℔ 12 s.

Somme, 60 ℔.

[p. 521]

Ontfaen van copen van leene.

Ympin van den Aenhouwe, verstorven uut eenen vullen leene, gheleghen in de prochie van Opwijc, metter meyerien van der vorseider prochien daertoe horende, toecommen Katelinen, zijnre zuster, ontfaen 10 ℔.

Somme, 10 ℔.

Ontfaen, van 10^en penninghen van erven.

In Lebbeke:

Jan uten Andrenhove, 1 ℔ groten tsjaers te live, vercocht Janne van den Damme om 7 ℔ groten, bepant up gront van erven, houdende van diversen heeren, ontfaen 4 ℔ 10 s.

Van al den andren prochien uten lande van Denremonde, van lantcope, noch sterfcope, niet ontfaen.

Item, van der voogdien van Sente Baefs, niet ontfaen.

Item, van der baeilligien van Wettre ende Sceldebelle, niet ontfaen.

Somme, 4 ℔ 10 s.

Somme van al den sommen van den ontfanghe, 548 ℔ 16 s. 8 d.

Dit es duutgheven tsforseits baillius, van sinen vorseiden ontfanghe.

Int eerste, om sijn wedden van den vorseiden termine, 26 ℔ 13 s. 4 d.

Item, om de kerke van der Nuborch ter neder te werpene ende of te doenne, daer de vianden van Ghent in plaghen te logeerne ende vor Denremonde een sterc te makene contrarie ter stede, besteedt

[p. 522]

an Pietren den Wachtre ende andre sine hulpers, ende coste 37 scilde, valent 44 ℔ 8 s.

Item, om de justicie van Gillis Rusinc, van Asselt, ende eenen Ghiselen den Vilere, van Laerne, motenaren ende contrarie Minen heere, gheiusticieert metten zweerde; te coste ghedaen, 17 ℔ 12 s.

Claeis Voorhout, van Brugghe, ghehuert bij Pietren den Winter, om Denremonde te verradene ende te verberne, ende Gillis Cammaert, van Gremberghen, roevere ende brantscattere, ghejusticieert metten zweerde; te coste ghedaen, 16 ℔ 10 s.

Item, om de justicie van Hannijn Sneppaert, van Leuwerg-hem, motenare; Willem Coppins, vleeschauwere, van Herzele; Gillis van der Tale, ballinc uut Vlaendren ende motenare; Willem van Berghen-Henegouwe; ghehuert van den beleeders van den here vor Denremonde om Denremonde te verberrene; ghejusticieert metten zwerde; te coste ghedaen, 33 ℔ 12 s.

Item, om de justicie van Janne, den bastaard van der Heyden, capitein in dlant van Aelst, ende Gillis van den Nessche, capytein ende bailliu in dlant van Zotteghem, ghevanghen bij Aelst, daer zij trocken om tlandvolc te gader te stekene ende te commene an de Brabantsche zijde Denremonde belegghen, ghejusticieert nietten zwerde; te coste ghedaen, 18 ℔ 4 s.

Cole de Lopre, omdat hij binnen Denremonde eenen Lievin Scolle brachte van live ter doot, ende ooc sijn wijf over doot quetste so dat se ghenas van eenen doden kinde, ghejusticieert metten zwerde; te coste ghedaen, metgaders andren gheêxamineert, 10 ℔ 4 s.

Rombout van Londerzele, ballinc uut Mechelen, Symoen Cokelmoes cnape van Brugghe, ghehuert van den vorseiden Symoene ende Pietren den Winter

[p. 523]

om Denremonde te bespienne ende te besienne waert crancts (sic) ware, of best te winne; ende om de justicie van Heinrie Coene, dictus Blasere, van Denrehoutem, motenare ende beleedre van kerken ende passen te houdene, ghejusticieert metten zwerde; te coste ghedaen, 17 ℔ 8 s.

Item, om de justicie van Gillis van Bacerode, knecht Mer Rogeer van Ghistele, die zijn zelver ende ander juweele wroechde, ende verriet om ghelts wille, ghejusticieert metten zwerde, ende te coste ghedaen, 9 ℔ 12 s.

Item, om de justicie van den Quaden Pluumkine uten lande van Aelst, motenare, ende om de justicie van Gillis Hoyhaert, die ghehuert was om Oudenaerde te verberne, ghejusticijert met den zweerde; te coste ghedaen, 10 ℔ 4 s.

Somme van den huutghevene, 210 ℔ 7 s. 4 d.

Ende dontfanc draecht, 548 ℔ 16 s. S d.

Aldus blijft hij sculdech, 338 ℔ 9 s. 4 d.

Ende men was hem sculdich, alsoot blijct in sine rekeninghe, ghedaen voor dese, 70 ℔ 4 s.

Aldus blijft hi sculdech 268 ℔ 5 s. 4 d., gherekent n de rekeninghe nar dese.

Rol-Rekening, n 2067.

[p. 524]

Dendermonde.
C. 1382-1383 (21 September-13 Januari.)

Dit es de rekeninghe Mer Oliviers van Haelwijne, ruddre, bailliu van Denremonde in dien tijt, van al dat hij ontfaen heeft van der vorseider bailligien, zichtent den 20^en van Septembre int jaer 1300 twee ende tachtentech tote den 13^sten dach van Laumant int jaer vorseit. Ghedaen te Riselle, den 4^en dach van Meye int jaer 80 ende drie.

In teerste, ontfaen van alrande calaengen ende ghewijsden boeten, ghevallen binnen der poort van Denremonde.

Van Gheraerde van Papeghem, ghecalendiert van dat hij met 1 messe in felheden quetste Olivier Canfijn, daer de boete of gheweest soude hebben 20 ℔, had se ghewijst gheweest; pays,ter beden van Mer Janne uten Zwane, om 10 ℔, ontfaen 10 ℔.

Lievijn van der Gracht, ghecalendiert van dat hij met 1 messe in felheden quetste Daneel Clause; pays, uut fauten van orconscapen, omdat hij clerc was, om 3 ℔ 12 s.

Jan van Speten, ghecalendiert van dat hij werp met 1 croese in felheden Pieteren den Latere, dat hij bloedde; pays, ter beden van goeden lieden, om 5 ℔.

[p. 525]

Wouter Rogman ende Jan Pieters, sculdech wesende tsjaers te Kerssavonde eenen Maes Meyhaert, van Ghend, contrarie wesende Minen gheduchten heere, 12 ½ scilde, al noch 4 jaer lang ghedurende, jaerlecs die ghecalendiert te Mijns heeren bouf, ende daerof ontfaen 14 ℔.

Somme, 32 ℔ 12 s.

Ontfaen van alrande calaengen ende ghewijsden boeten, ghevallen buten der poort int dlant van Denremonde, niet.

Ontfaen van bastaerden, dienstlieden, incommelinghen ende die ter bester haven staen.

Int eerste, in de poort van Denremonde:

Lievijn van der Schuere, bastaert gestorven; achter hem bleven een groot ghedeel van catheylen ende huusalamme, bedden ende andere, daerof de meerre deel ghevlucht was in Brabant, daer se bleef; item, achter hem bleven omtrent 1 ½ buenren, onder land ende meersch, becommert met erfeliken renten, tsjaers daer uutghaende, ende gheleghen in diversen steden bij clenen parcelen, deen helft Minen heere toehorende ende dander sinen wetteliken wive; Mijns heeren deel vercocht bij rade van eeneghen van Mijns gheduchts heeren edelen Rade, uutghedaen eenen sac wollen, die al noch te Brugghe es, om 120 ℔ parisis, dewelke sac wollen ghearrasteert leit te Brugghe over 3 ℔ groten, daer met den ghelde om ghesonden es, afghesleghen deen helft van den vorseiden 3 ℔ groten, ghesonden te Brugghe, metghaders tsforseits Lievijns wive, ende te Mijns heeren bouf hierof alsnu ontfaen, 102 ℔.

Jan Moers bastaert; achter hem bleven een quaet huuskin, 3 dachwant, onder land ende meersch, dijc-

[p. 526]

goed, een weveghetouwe, ende andere onsaleghe diverse huusalamme, deen helft Miaen heere toehorende ende dander sinen wetteliken wive; Mijns heeren deel vercocht Janne Heebijns, in manieren dat Minen heeren van den Rade goet ende redelic dinct, daerof te Mijns heeren bouf ontfaen, 48 ℔.

Jan Schuerman, bastaert; achter hem bleven eenen vollecom met datter toehoort, een quaet huuskin ende andere onsaleghe huusalamme, deen helft Minen heer toehorende ende dander sinen wive; Mijns heeren deel vercocht sinen wive vorseid, ende daerof te Mijns heeren bouf ontfaen, 9 ℔ 12 s.

Otte Slabbaert, bastaert; achter hem bleven in sculde 4 ℔ groten, die hem sculdeeh was Robbrecht, bastaert van Massemine; die ghelaten composeren ende te Mijns heeren bouf daerof ontfaen, 36 ℔.

Jan, de bastaert van Lewerghem, ghestorven; achter hem bleven 12 sticken gouts, onder franken ende pieters, omtrent 10 sacke rogs, 2 verkine in tsout, 6 bedden met datter toehoort, 3 selverine scalen van halven merken zwaer, potte, pannen, ketele ende andere diverse huusalamme, deen helft Minen heere toehorende ende dander sinen wetteliken wive; Mijns heeren deel vercocht, present scepenen van Denremonde, sinen wetteliken wive vorseid, ende daerof ontfaen, 82 ℔.

Jan Hoste, bastaert; achter hem bleven diverse manieren van catheylen, bedden omtrent 4, met datter toehoort, ende andere diverse huusalamme, deen helft Minen heere toehorende ende dander sinen wive; Mijns heeren deel vercocht, ende daerof ontfaen, 24 ℔.

Amele, Lievijns kint uten Hove was, ghestorven te Bruessele; achter haer bleven, in ghereden ghelde, 3 ℔ 10 s. groten, die verstorven haren hoyr,

[p. 527]

motenaren van Ghend wesende; tforseit ghelt daerom ghecalendiert, ende daerof te Mijns heeren bouf ontfaen, 42 ℔.

In Berlaer:

Gillijs van der Vennen, staende ter bester haven; achter hem. bleven 1 coe; die vercocht ende daerof ontfaen, 3 ℔ 12 s.

Item, Gillijs Neels, dienstman; achter hem bleven 6 mandelen rogs ende 1 coe; die vercocht, ende daerof ontfaen, 5 ℔ 8 s.

Lijsbette Cachtels, dienstwijf; achter haer bleven 12 tielinghe, onder rogghe ende even en, 1 coe, 1 pardekin ende andere mate catheyle, deen helft Minen heere toehorende ende dander haren man; Mijns heeren deel vercocht, ende daerof ontfaen, 6 ℔ 12 s.

Bate sClercs, bastaerde; achter haer bleven 1 bedde ende haer clederkine; die vercocht, ende daerof ontfaen, 7 ℔ 4 s.

Item, Ghisel Temmermans kindere, Hannekin ende Pieterkin, bastaerde, commen van live ter doot; achter hem bleven een zekere somme van ghelde, die haer vader hemlieden gaf in ghiften, bewijst op al zijn goed, twelke goed achter hem bleven niet weerd en was boven den 9 ℔ groten; de vorseide ghifte bij den bailliu vercocht, bij den rade van eeneghen van Mijns gheduchts heeren edelen Rade, Janne Temmermanne, tsforseits Ghisels broeder was, ende daerof ontfaen, 88 ℔.

In Zele:

Lievijns zone van den Velde, staende ter bester haven; achter hem bleven terdendeel van 1 coe; dat vercocht, ende daerof ontfaen, 24 s.⁽¹⁾

(1) Die post is doorgehaald.

[p. 528]

(Gheplant omdat Mijnheere sculdech es al te hebbene).

Item, Kateline Pijls, staende ter bester haven; achter haer bleven 1 pardekin, dat vercocht ende daerof ontfaen, 3 ℔ 12 s.

In Hamme:

Griele van Caeldriesch, staende ter bester haven: achter haer bleven een coe, vercocht ende daerof ontfaen, 54 s.

Item, Kateline Steenhaerts, bastaerde; achter haer bleven haer clederkine, die vercocht ende ontfaen, 4 ℔.

Gillijs Taye, staende ter bester haven; achter hem bleven 1 coe, die vercocht ende daerof ontfaen, 3 ℔.

Aleene tsJaghers ende Jan op de Beke, staende ter bester haven; achter elken bleven 1 coe, die vercocht ende ontfaen, 5 ℔ 8 s.

In Gremberghen:

Gillijs van Gheetbrugghe, f^s Andries, staende ter bester haven; achter hem bleven een cleen coe, die vercocht ende ontfaen, 40 s.

Item, Pieter van Ghuyse, staende ter bester haven; achter hem bleven een verkin, vercocht ende ontfaen, 24 s.

In Houdeghem:

Clare van Ghinderdore, staende ter bester haven; achter haer bleven 1 coe, die vercocht ende daerof ontfaen, 54 s.

Item, Kateline van Ghinderdore, staende ter bester haven; achter haer bleven een quaet pardekin, vercocht ende daerof ontfaen, 3 ℔.

Lijsbette, Philips Clercs wijf, haefdelech; achter haer bleven omtrent 12 mandelen corens, 2 pardekine, ende clene onsaleghe andere catheyle, deen

[p. 529]

helft Minen here toehorende ende dander Philipse, haren man; Mijns heeren deel vercocht, ende daerof ontfaen, 10 ℔ 16 s.

Item, Gillijs, haer zone, verstorven ende haefdelech; deselve have, hem toecommen ende achter hem bleven, vercocht ende daerof ontfaen, 9 ℔ 6 s.

Item, Gillis Soyman, incommelinc; achter hem bleven een quaet pardekin, vercocht ende daerof ontfaen, 3 ℔ 12 s.

In Lebbeke:

Heinric van den Anderenhove, bastaert; achter hem bleven 1 hofstede, groot wesende ½ dachwant quaets becommert lants, vercocht Ram van Bugnout, ende daerof ontfaen, 7 ℔.

Item, Line ver Betten, dienstwijf; achter haer bleven in sculde van dienste 5 s. groten, daerof te Mijns heeren bouf ontfaen, 3 ℔.

Griele Pauwels kint, bastaert; achter hem bleven een tiendendeel van 1 huus, item een tiendendeel van 1 dachwand becommert lants, ende een cleen hoofkin, vercocht Arent Pauwels, ende daeraf ontfaen, 12 ℔.

Item, Heinric de Smet, dienstman; achter hem bleven 2 coye, 1 calf ende omtrent 10 mandelen rogs, deen helft Minen here toehorende ende dander sinen wive; Mijns heeren deel vercocht Moene den Smet, ende daerof ontfaen, 9 ℔ 12 s.

Item, Margriete Lauwereins, die haren man vermoorde, commen van live ter doot in Brabant; achter haer bleven een quaet halfhuus met 1 boghaerde 25 roeden groot, ½ coe, ende andere onsaleghe catheyle, vercocht haren broeder, ende daerof ontfaen, 20 ℔ 8 s.

Margriete van der Crusen, staende ter bester haven; achter haer bleven 1 coe, vercocht ende ontfaen, 3 ℔.

[p. 530]

Item, Heinric Onghenade, dienstman; achter hem bleven 10 scilde, die hem Jacop de Mol sculdech bleef van dienste, die ghecalendiert ende te Mijns heeren bouf ontfaen, 12 ℔.

In Opwijc:

Bate sPaeus, staende ter bester haven; achter haer bleven 1 coe, vercocht ende daeraf ontfaen 3 ℔.

In Belle ende Zwieveke:

Coren de Brant, bastaert: achter hem bleven 2 coye, 2 calvere ende omtrent 10 mandelen corens, deen helft Minen heore toehorende ende dander sinen wive; Mijns heeren deel vercocht ende daerof ontfaen, 6 ℔ 12 s.

Item, Marie van den Rode, dienstwijf; achter haer bleven 2 parde, 3 coye, 2 bedden, 10 mandelen rogs, ende andere diverse huusalamme; deen helft Minen heere toehorende ende dander haren man; vercocht ende daerof ontfaen, 15 ℔ 12 s.

Item, Goossin Onolf, bastaert; achter hem bleven ½ schuere, een quaet ondect huuskin, met omtrent 1 dachwant lants, daer dhuusse op staen, 1 part, 2 calvere, 1 ploch, 1 waghen, 1 quaet beddekin ende andere clene huusalamme; vercocht Daneel Braut ende daerof ontfaen, 31 ℔ 4 s.

In Overmeere:

Gillis Kerstiaens, dienstman; achter hem bleven 1 merrie, 1 voel, 1 coe, 2 calvere, 10 mandelen rogs, ende andere huusalamme, deen helft Minen heere toehorende ende dandere zinen wive; dat vercocht ende daerof ontfaen, 8 ℔ 16 s.

Denderbelle, niet.

Baesrode, niet.

Somme, 637 ℔ 18 s.

[p. 531]

Ontfaen van copen van leene.

Jan van Rossem, verstorven uut 3 vullen leenen, daerof de twee ligghen in Lebbeke ende terde in Opwijc, al noch niemen daertoe commen wesende, ontfaen van den copen te Mijns heeren bouf, 30 ℔.

Item, joncfrouw Margriete van der Beke, verstorven uut 2 vullen leenen, gheleghen in Lebbeke, toecommen Gillis van der Beke, ontfaen 20 ℔.

Jan van der Crusen, verstorven uut 1 clenen leenkine 1 ½ dachwant groot, toecommen Janne, sinen zone, over de beste vrome, daerof ontfaen 3 ℔.

Item, Gillis Stevens, verstorven uut 1 leene ½ buenre groot, over de beste vrome ontfaen, 4 ℔.

Item, Gheraerd van den Rode, verstorven uut 1 vullen leene gheleghen in Bacerode, ende deselve verstorven uut 1 clenen leenkine, omtrent ½ buenre groot, gheleghen in Berlaer; ontfaen van den copen 13 ℔.

Pieter van den Vaviere van Brugghe, verstorven uut 1 vullen leene, ende zijn tienden, gheleghen in Zaemslacht, al noch niemen toecommen; van den cope te Mijns heeren bouf ontfaen, 10 ℔.

Somme, 80 ℔.

Ontfaen van 10^en penninghe van erven.

Eerst, in de prochie van Berlaer:

Kate tsHoghen, 4 buenren lants omtrent, vercocht bij consente van haren man. Jan den Hoghen, haren hoom, ter goeder trouwen om tbehout der vorseider baten, ende dat haer man niet becommeren noch verdobblen en soude, ende daerof te Mijns heeren bouf ontfaen van cope, 12 ℔.

In al dlant van Denremonde, van lantcope noch sterfcope, niemeer ontfaen.

[p. 532]

Item, van der voogdien van Sente Baefs, niet ontfaen.

Somme, 12 ℔.

Somme van al den sommen van den ontfanghe, sonder Wetteren ende Belle, 762 ℔ 10 s.

Item, ontfaen van Janne Wouters, bailliu van Wettere ende van Sceldebelle, van al dat hij ontfaen heeft als bailliu van den vorseiden prochien, zichtent den voorsciden termijn, ghelijc ende in der manieren dat hijt den bailliu overghegheven heeft, hierna wesende verclaert.

In teerste, in Weitere:

Griele tsFalken, dienstwijf; achter haer bleven een quaet beddekin, vercocht ende daerof ontfaen, 3 ℔.

In Sceldebelle:

Margriete van der Heyden, bastaerde; achter bleven een quaet halfhuuskin en ½ boghaert, vercocht Lippine van der Heyden, ende daerof ontfaen, 10 ℔.

Item, Gillis Claus, staende ter bester haven; achter hem bleven 1 coe, vercocht ende ontfaen, 3 ℔ 12 s.

Pieter van Buten, Clare Gabriels ende haer kindere, ende Berent Claus, dienstliede; achter hemlieden bleven een dein quantiteyt van coorne in scoven, ende andere diverse clene huusalamme, vercocht Hannin Clause, ende daerof ontfaen, 16 ℔.

Item, Gillis van den Steenputte, dienstman; achter hem bleven een bedde, ½ sac corens, ende andere cleene catheyle, vercocht ende ontfaen, 6 ℔.

Lievin van den Riede, bastaert; achter hem bleven een bedde ende datter toehoort, vercocht ende daerof ontfaen, 4 ℔.

Somme, 42 ℔ 12 s.

[p. 533]

Somine van al den sommen van den ontfanghe, 805 ℔ 2 s.

Dit es duutgheven tsforseits baillius van sinen vorseiden ontfanghe.

In teerste, om de wedden van den vorseiden termine, 26 ℔ 13 s. 4 d.

Item, om de justicie van Diederic Jans zone, ende om de justicie van Pieter Hermanne, ende om de justicie van Janne van Bassenvelde, capitaine van Hulst, alle ghejusticijert met den zweerde; te coste ghedaen, 24 ℔ 12 s.

Item, om de justicie van Hughe Lievedey, capitain ende ontfanghere van Mijns heeren renten ende vischerien van Hulst, ghejusticijeert met den zweerde; te coste ghedaen, 9 ℔ 4 s.

Item, om de justicie van Janne den Ludekere, item, om de justicie van Janne Mechiels, motenare ende boschwachtere, ende om de justicie van Wouteren den Vleeschouwere, van Herzele, ghejusticijeert met den zweerde; te coste ghedaen, mitsghaders anderen gheëxamincert, 25 ℔ 12 s.

Item, om de justicie van Willem Claeuwaert, motenare, ende om de justicie van Hannekin den Pestere, Jans camerlinc van Lo, ghejusticijeert met den zweerde; te coste ghedaen, 16 ℔ 4 s.

Item, om de justicie van Hannekin van der Haghe, ende om de justicie van Coppin van der Meere, meesters van passen te makene contrarie Minen heere met Janne van Lo, ghejusticijeert met den zweerde; te coste ghedaen, 10 ℔.

Item, om de justicie van Heinric den Lathouwere, van Massemine, motenare, ende om de justicie van Mechiel Appelman, rovere ende die te Denremonde eenen serjant dootstac, ende commende binnen

[p. 534]

Denremonde sonder ghelede, ghejusticijeert met den zweerde; te coste ghedaen, 15 ℔ 12 s.

Item, om de justicie van Willem Hals, van Hulst, die halp roven tcloester te Bodelo, ende om de justicie van Janne, den bastaert van Latem, die was ter quader dachvaert te Brugghe ende eire zeere contrarie Min en heere; te coste ghedaen, 16 ℔ 8 s.

Item, om de justicie van Willem den Vos, van Munte, ende om de justicie van Christoffel Inpe, motenaren, gheconincstavelt binnen Ghend, ende waren ter zwarer dachvaert te Brugghe contrarie Minen heere; te coste ghedaen, 16 ℔ 4 s.

Item, om de justicie van Symoene van den Wijnghaerde, ende om de justicie van Janne Stoet, f. Jans, porteren in Ghend ende visschers, ghejusticijeert met den zweerde; te coste ghedaen, 16 ℔ 8 s.

Somme van den uutghevene, 182 ℔ 17 s. 4 d.

Ende dontfanc draecht, 805 ℔ 2 s.

Aldus blijft hij sculdech, 622 ℔ 4 s. 8 d.

Ende hi bleef sculdich van der rekeninghe ghedaen voor dese, 268 ℔ 5 s. 4 d.

Dus blijf (sic) hi sculdich van den tween rekeninghen, 890 ℔ 10 s.

Op den rug: Compte Messire Olivier de Haelwin, bailiu de Tenremonde, fait á Lille le 4^e jour de May, l'an -83.

Rol-Rekening, n^r 2069.

[p. 535]

Dendermonde.
D. 1383 (13 Januari-4 Mei.)

Dit es de rekeninghe Mer Oliviers van Haelwine, ruddre, Rewaerd ende bailliu van Denremonde, in dien tijt, van al dat hij ontfaen heeft van den vorseiden bailligien zichtent den 8^sten dach van Laumaent int jaer 1300 twee ende tachtentech tote den 4^en dach van Meye int jaer -80 ende drie, ghedaen te Riselle.

⁽¹⁾

(1) De ontvangsten hebben dezelfde rubrieken als voren: Calaengen en boeten: in de poort, 8, o.a.:
Arent van Bodeghem, bastard, ende scuttere wesende in de baerge van Denremonde, doe de vorseide baerge van dien van Gheud met ercrachte te Wettere beleit was, daer zij se ghesent waenden hebben met haren engienen, aldaer de vorseide Arent ghequetst ende ghescoten wart, sodat hijre ofquam van live ter doot; achter hem bleven in ghelde omtrent 20 scilde, sijn cledere, een panchier ende diverse manieren van sculden, al omtrent weert wesende 6 lib. gr., dewelke Arent vorseid achter hem liet twee kindere bastarde, de vorseide have ende scult vercocht Gillise den Beere, Arents broeder vorseit ter vorseider kinderen bouf; ende omdat hij in Mijns Heeren dienste doot bleef, daerof ontfaen 36 lib.
Otte Slabbaert, bastard, achter hem bleven een achtendeel van 1 huus gheheten de Steen van den Heecken gheleghen te Denremonde an de marct op den eenen oernic, tforseit gheheel huus becommert met eenre clener quanteteyt erfeliker renten, ende 10 scilden ende eenen sac rogs Denremonscher maten tsjaers teenen live daer uutghaende, tforseit achtendeel huns vercocht, omdat tforseit gheheel huus zeere tachter was, Gillise uter Vorst, ende daerof ontfaen 30 lib.
In Berlaer, 1; in Bacerode, 1; in Lebbeke, 1 (Daneel de Parmentier, houdende in pachte een quanteteyt lands, toehorende motenaren van Ghend); in Opwijc, 4 (derghelike); somme, 58 ℔ 4 s. - Bastaerden, enz.: in de poort, 3; in Opwijc, 2; in Lebbeke, 2 (zijn oeir, achter hem bleven, zijns ghemitten ende vryheden ofgheghaen vor wette, den meyer van Lebbeke, daerom toghende ende segghende dat hij dienstman Mijns heeren was); in Zele, 2; in Hamme, 1; somme, 83 ℔. - Copen van leene: in Lebbeke, 4; somme, 22 ℔. - Tiende penningen: in Hamme, 1; in Lebbeke, 2; in Opwijc, 1; in Bacerode en Vlassenbrouc, 1; in Belle, enz., niet; in Wettere, niet. Somme, 11 ℔ 14 s. - Somme van al den ontfanghe 291 ℔ 28.

[p. 536]

Dit es duutgheven tsforseits baillius van sinen vorseiden ontfanghe.

Int eerste, om zijn wedden van den vorseiden termine, 26 ℔ 13 s. 3 d.

Item, om de justicie van Vranken den Croec, vrient hetende, maer rovende ende brantscattende Mijns heeren vriende, ende halp roven tcloester van Bodelo met dien van Ghend; ghejusticijert met den zweerde, te coste ghedaen 8 ℔ 12 s.

Item, om de justicie van Boudine van den Bossche, die men hiet de Laghel, van S. Lievijns Hessche, motenare uut Ghend, commende hem 32 omme ind lant van Aelst ende van Denremonde te rovene ende proveanche te nemene op Mijns heeren vriende; ghejusticijeert met den zweerde, te coste ghedaen 8 ℔ 8 s.

Item, om de justichie van Vranken van Over Leye ende van Janne Gloriaert, ghevanghen vor tGhendsche here, ligghende te Nieneve, met hemlieden elc eenen sac met coorne dat zij gherooft hadden ten here waert bringhende; ghejusticijert met den zweerde, te coste ghedaen 16 ℔ 4 s.

[p. 537]

Item, om de justicie van Heinrike Ghisels, van Borst, corenhaelre, tsheeren van Herzele boschwachtere, ende plach een wompeldraghere te zijne; ende om de justicie van Heinrike den Rouc, ende van Lievijn Raes, van Velzeke, ghesellen ghevanghen in der vianden lant vechtecder hand; alle ghejusticijert met den zweerde ende op wiele gheleit, te coste ghedaen 24 ℔ 12 s.

Item, om dé justicie van Hannekin Ardijns, van bij Liere, ende om de justicie van Heinrike den Hoghen, van Roosbeke, scoemakere, ende om de justicie van Gillis van den Nieuwenhuus, wevere ende portere in Ghend, ghejusticiijert met den zweerde ende alle op wiele gheleit, te coste ghedaen, metghaders raderen, bome ende bast, 24 ℔ 8 s.

Item, ten beveine van Minen gheduchten heere, bij sinen letteren ghefineert Janne Salarde 2 waghene met 8 paerden om Mijns gheduchts heeren steecarnasch ende andere juwele die te Denremonde laghen tot Riselle te voerne, ende daermet sendende 4 enapen om de vorseide juwele te verwaerne ende te gheledene, te coste ghedaen ende daerof betaelt, 36 ℔.

Somme van den uutghevene, 144 ℔ 17 s. 4 d.

Ende dontfanc draecht, 291 ℔ 2 s.

Aldus blijft hi sculdech, 146 ℔ 4 s. 8 d.

Ende hi es sculdich, alsoe blijct bi der laetster rekeninghe, 890 ℔ 10 s.

Aldus blift hi sculdich, 1036 ℔ 17 s. 8 d.

Hieraf ontfaen bi meester Pieter van den Zipe ende Willem van Haringhe, alsoe blijct bi der cedulle van hemlieden, ghegheven te Denremonde den 3^en dach van October, darof zi sculdich zijn rekeninghe te doene, 360 ℔.

Item, bi Willem van Haringhe, alsoe blijct bi ziere cedulle, ghegheven te Denremonde den 24^en dach

[p. 538]

van November -82, darof hi sculdich es rekeninghe te doene, 500 ℔.

Item, bi den vorsciden Willem, alsoe blifct bi ziere cedulle, ghegheven te Denremonde den 23^en dach in Marte -83, darof hi sculdich es rekeninghe te doene, 550 ℔.

Somme van desen, 1410 ℔.

Dus blijft men den bailliu sculdich, 373 ℔ 5 s. 4 d.

Op den rug: Compte Messire Olivier de Halewin, capitain er bailli de Tenremonde, fait à Lille, le 4^e jour de May, l'an -83.

Rol-Rekening, n^r 2071.

[p. 539]

Dendermonde.
E. 1383 (4 Mei-21 September.)

Dits de rekeninghe Mer Oliviers van Haelwijne, ruddre ende bailliu van Denremonde in dien tijt, van al dat hij ontfaen heeft van der vorseider bailligien, zichtent de 4^en dach van Meye int jaer 1380 ende drie, tote den 21^sten daghe van September int jaer vorseit; ghedaen te Rijssele den andren dach van Marte int jaer -80 ende drie.

⁽¹⁾

(1) De outvansten hebben dezelfde rubrieken als voren: Calaengen en boeten: in de poort, 2: Gillijs uter Vorst, ghecalengiert van dat hij een zekere somme van ghelde teenen ghenoemden zekeren daghe over zekere scult, dien hij sculdech was zekeren persoenen, belaelt of onder de wet van Denremonde gheleit soude hebben, up een peine van 500 ℔ par. verbuert te hebbene, deen helft tseghen Minen heere, ende dander partien; des hij niet en dede nar de calaende van den bailliu, twelke de bailliu te wette stelde met al der wettelecheden dier toebehoorde; ende int hende, scepenen van Deniemonde dies niet so vroet en waren, zij en bevinghent tAntwerpen tharen hoofde, aldaer de bailliu vorseit sende sinen ondrenbailliu ende sinen clerc an eeneghe van Mijns vorseits heeren vrienden, om op tghedinghe raed te hebbene; ende, hemlieden relacie ghedaen van den vorseiden ghedinghe, ghehoort eude ghemerct daerof tale ende wedertale, den bailliu over dbeste rieden ter hoofscher composicien, opdat hijre van partien yet of ghecrighen mochte; ende, overmids, waert gheviele dat de sentencie den bailliu tseghenghevallen hadde, hij van Mijns heeren weghen scepenencoste van Denremonde, varende ende keerende, te Male betaelt soude moten hebben; 50 liet de vorseide bailliu den vorseiden Gillijs van der vorseider calaengen composeren, ende daeraf rekent ontfaen 20 ℔.
Bouden Moens, ind lant van Denremonde gheseten ende woenachtich, ende uut den vorseiden lande van Denremoude ghaende, nar fame, te Ghend waert, met proveanchen, ghevanghen int land van Aelst bij Janne Salden, onderbailliu van Aelst, eude andere, ende te Denremonde in vangghenessen bracht; den bailliu van Denremonde dit vernemende, begherde den vorseiden Boudine te hebbene te Mijns heeren boul van Denremonde, van denwelken Mer Philips van Massemine een accort maecte ende segghen seide, alsdat de vorseide Boudijn over de vorseide mesusancie gheven ende betalen sonde 6 ℔ gr., deen helft den bailliu van Denremonde ende dander den bailliu van Aelst; daerof de bailliu van Denremonde over deen heelft rekent ontfaent, afghesleghen der ghesellen arbeit, dien vinghen, 24 ℔. Somme, 52 ℔. In Opwijc, somme, 10 ℔. - Bastaerden, enz.: in Baserode en Vlassenbrouc, 1; in Belleen Zwieveke, 1; in Moerzele, 1; somme, 22 ℔ 4 s. - Cope van leenen: in Opwijc, 3; somme, 24 ℔. - Tiendepenninghe: in Zele, 3. - Van sterfcope, 12; in Opwijc, 1; in Baserode en Vlassenbrouc, 2; somme, 12 ℔ 9 s.
Somme van al den ontfanghe, sonder Wettere ende Belle, 120 ℔ 13 s.
Van Janne van den Velde, bailliu van Wettere ende Scheldebelle, enz., 14 ℔.
Somme van al den ontfanghe, 134 ℔ 13 s.

[p. 540]

Dits duutgheven tsforseits baillius van sinen vorseiden ontfanghe.

In teerste, om de wedden van den vorseiden termijne, 26 ℔ 13 s. 4 d.

Item, om de justicie van Hannijn van den Damme ende Gillis van Lokerne, Jans neve van Lo, ghehanghen an bome; te coste ghedaen van elken 4 ℔, heft 8 ℔.

Item, om de justicie van Hannijn van Bruessel en de Pieteren Woutijns ende noch 3 Brabanters, daertoe met hemlieden, alle 5 proveanche draghende uut Bruessel te Ghend waerd, hemlieden uut Ghend commende, ghevanghen bij den ghesellen van Den-

[p. 541]

remonde, ende derghelike alle 5 an bome ghehanghen; te coste ghedaen van elken 4 ℔, heft 20 ℔.

Item, om de justicie van Martijn Winant, van Ypere, ende lach aldore met den Inghelschen vor Ypere, ende darghelike Gillis dAmman, van Cokelaer, ghejusticijert met den zwerde; te coste ghedaen van elken vijf scilde, heft 12 ℔.

Item, om de justicie van Millecent van Overleye, motenare, ende om de justicie van Pieteren den Pape, van Calkene, wevere ende poortere in Ghend, ghejusticijert met den zwerde; te coste ghedaen van elken vijf schilde, heft 12 ℔.

Item, om de justicie van Christoffels Caesman, van Eclo, ende Pieteren den Beere, van Curterike, roevers ende altoes ghesijn hebbende contrarie Minen heere, ghejusticijert metten zwerde; te coste ghedaen van elken vijf scilde, heft 12 ℔.

Item, om de justicie van Hughe Vrient, van Hulste, ende om de justicie van Clays van Ovenackere, uten lande van Loen, ende om de justicie van Heinric Hoeden, uten Vier Ambachten, ende om de justicie van Hannekine van den Hemele, van Curterike, te zamen uut Ghend metghaders anderen om dien van Denremonde te wachtene om roeven ende moerden int afkeeren van der Antwerpscher merct ghevanghen bij den ghesellen van Denremonde, ende ghejusticijert met den zwerde; over elken te coste ghedaen vijf scilde, heft 24 ℔.

Item, om de justicie van Wouter Beellaert, van Heppeghem in Brabant, ende om de justicie van Heinric Tuun, van Hoenbeke in Brabant, motenaren, ende plaghen dien van Ghend te sustineerne van proveanchen, ende vor dit orloghe rovers ende mordenaers in Brabant ende eldere, waren ghejusticiert metten zwerde ende op raderen gheleit; over elken te coste ghedaen 4 scilde, heft 12 ℔.

[p. 542]

Item, om de justicie van Goessin Cappe, motenare ende wevere van Curterike, ghejusticijert met den zwerde; te coste ghedaen, 6 ℔.

Somme van al den uutghevene, 132 ℔ 13 s. 4 d.

Ende dontfanc draecht, 134 ℔ 13 s.

Aldus blijft de bailliu sculdech, 39 s. 8 d.

[Sommé ou compte ensivant.]

Op den rug: Compte Messire Olivier de Halewijn, bailli de Tenremonde, finissant le 21^e jour de Septembre l'an-83; fait à Lille, le second jour de March l'an dessusdit.

Rol-Rekening, n^r 2075.

[p. 543]

Dendermonde.
F. 1383-1384 (21 September-12 Januari.)

Dit es de rekeninghe Mer Oliviers van Haelwijne, ruddre, bailliu van Denremonde in dien tijt van al dat hij ontfaen heeft van der vorseider bailligien. zichtent den 21^sten dach in September, int jaer 1380 ende drie, toten 12^sten dach van Laumaend, int jaer vorseit; ghedaen te Risle, den andren dach van Marte int zelve jaer.

⁽¹⁾

(1) De ontvangsten hebben dezelfde rubrieken als voren: Calaengen en boeten: In de poort, 5, o.a.: Jan de Bloc, van Opwijc, knecht wesende. Lioens, bastaerd van Massemine, ghecalengiert van dat hij met Lioene vorseit soude helpen tasseren van ghelde ende andere zekere personen, in dland van Denremonde gheseten, ende eldere, ende oec de tassemente Lioene vorseid bespiede en toebrachte, enz. 28 ℔ 16 s. - Gillijs van den Brouke, man ende scepenen Mijns heeren, eude Gillijs van den Brouke, sijn sone, woenachtich in Wettere, ghediffameert te Ghend, dat sij de beereedste waren om Mijns gheduchts heeren settinghe te hulpen ynnen, ende haer quanteteyt selve gherne van den eersten, alst waer waes, betaelden, ende tghelt daerof binnen Denremonde brochten in Mijns heeren profij te, daermet dat diere van Ghend, nar haerlieder segghen, alremeeste viande met ghesustineert worden, alle beede ghevanghen op den Goeden Vridach snachts, ende binnen Ghend brocht, daerom si beede nalinc haer lijf verloren hadden, sodat si daer moesten composeren als van haren live, over een zekere somme van ghelde, ende sovele deden dat sij beede nar fame op goeden zeker ende cautioen uut Ghend ghequamen, altoes betalende, ghelijc voren, haren tax ende settinghe van Mijns heeren weghen te Denremonde ghelijc haren ghebueren, of bet; boven denwelken de vorseide Gillis, man ende scepenen wesende, binnen Ghend trac, sonder consent van den Heere, maer zijn zone niet, daer hi sterf; Gillis, sinen sone, dat vernemende, ten onbiedene van sijnre moeder, oec binnen Ghend trac, buten consente van den Heere, daer hij vader ende moeder doet vant; doe begherdi sijn quantenteyt van der versterften van vader ende moeder te anverdene, want hem tfierendeel verstorven was, ende daertoevoren uutheffen soude over doutste oeir; de leenen bleven, achter sinen doden vader, dies die van Ghend hem niet consenteren en wilden, hij ne moeste tgoet verhisuwen, ende hemlieden seker doen van betalene daerof tusschen den 9 en 10 lib. gr.; hem weder uut Ghend commende, anverde de versterfte van vadere ende moedere, sonder consent van den Heere; den bailliu, dit vernemende, den vorseiden daerom calengierde, ende lieten daerof composeren, midsdat hij behouden soude paysivelec sijn vierendeel ende de leene van der vorseider versterften; van welker composicien de bailliu rekent ontfaen, 100 ℔. - Somme 389 ℔. - Bastaerden, enz.: in Berlaer, 1; in Lebbeke, 2; in Moerzele, 1 (dienstwijf, ghestorven op der capittelen eerscap van Denremonde); in Sinte Amants Bacerode, 1; in dlant van Waes 3; somme, 34 ℔. - Copen van leene: in Lebbeke, 1; somme, 6 ℔. - Tiendepenninghe: in Zele, 2; in Bacerode enz., 3; somme, 5 ℔ 16 s. - Wetteren, niet. Somme van al den ontfanghe, 434 ℔ 16 s.

[p. 544]

Dits duutgheven tsforseits baillius van sinen vorseiden ontfanghe.

In teerste, om zijn wedden van den vorseiden termijne, 26 ℔ 13 s. 4 d.

Item, om de justicie van Gillis Carijn, uten lande van Schoers, motenare ende ballinc uut Vlaendren, van moorde, ghejusticijert met den zweerde; te coste ghedaen, 6 ℔.

Item, om de justicie van Roel van Bacerode, motenare, ende stac een wijf bij nachte te Meelden doot; ende om de justicie van Hannijn Neckerput, van Galmarden, ende was een capitain met dien van Ghend van 20 ghesellen, alle rovers ghevanghen vechtender hand; beede ghejusticijeert met den zweerde ende op wiele gheleit; te coste ghedaen, 12 ℔.

[p. 545]

Item, Gillis den Brukere, ghesonden met zekeren meeren, uut Ghend commende, ende oec uut Brabant an Minen gheduchten heere van Vlaendren, ende om zekere zaken anghaende sinen slote van Denremonde hem te kennen te ghevene, Minen gheduchten heere ligghende aldoe int here omtrent Greveninghen, den vorseiden Gillis ghefineert een paert; ende, hem bij den here commende, ward afgheworpen van den Bertonen, sijn, paert ghenomen, ende al naect ontcleet, sijn cleedere ende al sijn dinc ghenomen, ende zwaerlec ghequetst; twelke paert de bailliu bij den rade van eeneghen van Mijns gheduchts heeren edelen Rade betaelt heeft, ende was ghescat, mits een clener hoofscheyt, hem ghegheven in hulpen van den costen van sinen meester die sijn wonden ghenas, 3 ℔ gr., daerof betaelt 36 ℔.

Somme van den uutshevene, 80 ℔ 13 s. 4 d.

Ende dontfanc ghedraecht, 434 ℔ 16 s.

Aldus blijft hij sculdech, 354 ℔ 2 s. 8 d.

Item, es hi sculdich van den reste van ziere rekeninghe ghedaen vor dese, 39 s. 8 d.

Aldus blijft hi sculdich van deser 2 rekening hen, 356 ℔ 2 s. 4 d.

Ende men bleef hem sculdich van ziere rekeninghe ghedaen te Meye intjaer -80 ende drie, 373 ℔ 5 s. 4 d.

Aldus blijft men hem sculdich, 17 ℔ 3 s.

Op den rug: Compte Messire Olivier de Halewin, bailli de Tenremonde, du 21^e jour de Septembre l'an-83 jusque au 12^e jour de Jenvier ensivant; fait a Lille le 2^e jour de March ensivant.

Rol-Rekening, n^r 2074.

[p. 546]

Dendermonde.
G. 1384 (12 Januari-10 Mei.)

Dit es de rekeninghe Mer Oliviers van Haelwijne, ruddre, bailliu van Denremonde in dien tijt, van al dat hij ontfaen heeft van der vorseider bailligien, zichtent den 12^sten dach van Laumaent int jaer 1380 ende drie, tote den tiensten daghe van Meye int jaer -80 ende viere; ghedaen te Rissele, den 19^sten dach van September int selve jaer.

⁽¹⁾

Dit is duutg heven tsforseits baillius van sinen vorseiden ontfanghe.

In deerste, om zijn wedden van den vorseiden termijne, 26 ℔ 13 s. 4 d.

Item, om de justicie van Lievijne van der Ameyden, uut Brabant, motenare, rovere ende mordenare,

(1) De ontvangsten hebben dezelfde rubrieken als voren: Calaengen en boeten: 2, somme, 6 en 24 ℔. - Bastaerden, enz.: in de poort, 4; in Lebbeke, 6; somme, 65 ℔ 14 s. - Copen van leene: 6; somme, 50 ℔ - Tiendepenninghe: in Zele, 7; in Hamme, 2; in Berlaer. 2; in Gremberghen, 5; in Lebbeke, 2; in Opwije, enz., niet; Somme, 22 ℔ 17 s.
Somme van al den ontfanghe, (sonder Wettere ende Belle, niet), 168 ℔ 11 s.

[p. 547]

ende plach de cloesters van Brabant, ende sonderlinghe Diedelghem, te ontsegghene ende harerlieder beesten, paerde ende coye, de zennen ontwee te snidene; ende om de justicie van Hannijn Baert, Borthoen, die een wijf in dlant van Aelst vermoerde ende doetstac, om tshaers wille; ghejusticijeert met den zwerde, te coste ghedaen, 12 ℔ 12 s.

Item, om de justicie van Colijne van der Beke, ghejusticijert metten zwerde, omdat hi vermoerde ende doetstac, sonder cause, Pietren den Verwere; te coste ghedaen, 6 ℔.

Somme van den uutghevene, 45 ℔ 5 s. 4 d.

Ende dontfanc draecht, 168 ℔ 11 s.

Meer ontfaen dan uutghegheven, 123 ℔ 5 s. 8 d.

Ende men bleef den bailliu sculdech in de rekeninghe vor dese, 17 ℔ 3 s.

Rest dat de bailliu sculdech blijft, 106 ℔ 2 s. 8 d.

[Sommé et mis ou compte ensivant.]

Op den rug: Compte Messire Olivier de Halewin, bailli de Tenremonde, depuis le 12^e jour de Janvier l'an -83 jusques au 10^e jour de May l'an -84; fait à Lille, le 19^e jour de Septemore ensivant, l'an -84 devantdit.

Rol-Rekening, n^r 2077.

[p. 548]

Dendermonde.
H. 1384 (10 Mei-19 September.)

Dit es de rekeninghe Mer Oliviers van Haelwijne, ruddere, bailliu van Denremonde in dien tijt, van al dat hij ontfaen heeft van der vorseider bailligien, zichtent den tiensten dach van Meye int jaer Dusentech drie hondert vierwerf twintech ende viere, tote den 19^sten dach van September int jaer vorseit; ghedaen te Riselle den

⁽¹⁾

Dit es duutgheven tsvorseits baillius van sinen vorseiden ontfanghe.

In teerste, om zijn wedden van den vorseiden termine, 26 ℔ 13 s. 4 d.

Somme van den uutghevene, 26 ℔ 13 s. 4 d.

(1) De ontvangsten hebben dezelfde rubrieken als voren: Calaengen en boeten, 4; somme 10 ℔, 4 s., en 26 ℔. - Bastaerden, enz.: in Houdeghem, 1; in Sinte Amands Bacerode, 1; in Denrebelle, 1; somme 45 ℔ 12 s. - Copen van leene, 2; somme, 13 ℔. - Tiendepenninghen: in Zele, 3; in Hamme, 1; somme 8 ℔ 12 s. - Somme van den ontfanghe, sonder Wettere en Belle, 103 ℔ 8 s.
Van Janne Wouters, bailliu van Wettere ende Scheldebelle, somme 19 ℔ 4 s.
Somme van al den sommen van den ontfanghe, 122 ℔ 12 s.

[p. 549]

Ende dontfanc ghedraecht, 122 ℔ 12 s.

Meer ontfaen dan uutghegheven, 95 ℔ 18 s. 8 d.

Ende hij bleef sculdech van sire rekeninghe vor dese, 106 ℔ 2 s. 6 d.

Rest dat de bailliu sculdich blijft, 202 ℔ 16 d.

Op den rug: Compte Messire Olivier de Halewin, bailli de Tenremonde, fait à Lille le 19^e jour de Septembre, l'an -84.

Rol-Rekening, n^r 2079.

[p. 550]

Dendermonde.
I. 1384-1385 (19 September-9 Januari.)

Dit es de rekeninghe Mer Oliviers van Haelwijne, ruddre, bailliu van Denremonde in dien tijt, van al dat hij ontfaen heeft van der vorseider baligien, zichtent den 19^sten dach in September int jaer 1380 ende viere, tote den 9^sten dach van Laumaent int jaer vorseit; ghedaen te Rijssele, den 8^sten dach van Meye naervolghende, die men zoude hebben ghedaen in Laumaend vorleden.

⁽¹⁾

(1) De ontvangsten hebben dezelfde rubrieken als voren: Calaengen en boeten, 4; somme, 12 ℔ 10 s. en 30 ℔. - Bastaerden, enz.: in Berlaer, 1 (Line van Overmeere, besmet van den laserscepe, ende ghehouden van den heleghengheest, dienstwijf); in S. Amants Bacerode, 2; in alle andere prochien, niet: somme 19 ℔ 12 s. - Copen van leenen, 1; somme 6 ℔. - Tiendepenninghe van erven: in Zele, 6; in Hamme, 3; in Berlaer, 4; in Gremberghen, 2; in Lebbeke, 4; in Bacerode en Vlassenbrouc, 2; in Opwije, enz., niet: somme 24 ℔ 14 s. - Somme van al den somme van den ontfanghe, sonder Wettere ende Belle, 98 ℔ 15 s. - Van Gillise den Roeden, bailliu van Wettere enz., 5 ℔ 8 s. - Somme van al den sommen van den ontfanghe, 104 ℔ 8 s.

[p. 551]

Dit es duutgheven tsvorseits baillius van sinen vorseiden ontfanghe.

In teerste, om de wedden van den vorseiden termijne, 26 ℔ 13 s. 4 d.

Item, om de justicie van Berent van Tsalons, gejusticijeert metter galghen, omdat hij partdief was ende plach de snoucken uut der lieden putten te steelne; te coste ghedaen, 6 ℔.

Somme van den uutghevene, 32 ℔ 13 s. 4 d.

Ende dontfanc draecht, 104 ℔ 3 s.

Meer ontfaen dan uutghegheven, 71 ℔ 9 s. 8 d.

[Encore doit il pour le restat de son compte, fait en Septembre l'an -84 ensivant, que par le rolle de son compte appert, 202 ℔ 16 d.

Somme qu'il doit, 273 ℔ 11 s.

Somme ou compte ensivant, fait au May l'an -85.]

Op den rug: Compte Messire Olivier de Halewin, bailli de Tenremonde, de Septembre jusques en Jenvier l'an -84, fait à Lille le 8^e jour de May l'an -85.

Rol-Rekening, n^r 2082.

[p. 552]

Dendermonde.
J. 1385 (9 Januari-8 Mei)

Dit es de rekeninghe Mer Oliviers van Haelwijn, ruddre, bailliu van Denremonde in dien tijt, van al dat hij ontfaen heeft van der vorseider bailligien, zichtent den 9^sten van Laumaent int jaer 1380 ende viere, tote den 8^sten daghe van Meye int jaer 1380 ende vive; ghedaen te Rijssele.

⁽¹⁾

Dit es duutgheven tsforseits baillius van sinen vorseiden ontfanghe.

In teerste, om de wedden van den vorseiden termine, 26 ℔ 13 s. 4 d.

(1) De ontvangsten hebben dezelfde rubrieken als voren, te weten: Calaengen en boeten, niet. - Bastaerden, enz.: in de poort: Hannekin Slabbaert, bastaert, nar fame ghestorven in Ynghelant; achter hem bleven... rente up den steen van den Heecken, enz. (zie blz. 535); in Bacerode. 1; in alle andere prochien, niet; somme 4 ℔ 16 s. - Copen van leene, 1; somme, 10 ℔. - Van tiendenpenninghe: in Zele, 8; in Hamme, 6; in Berlaer, niet; in Gremberghen, 3; in Lebbeke, 1; in Opwijc, 2; in Bacerode en Vlassenbrouc, 2; in Belle en Zwieveke, 4; van der Voogdien van Sinte Baefs, niet; somme 42 ℔ 16 s. - Van der bailligien van Wettere enz., niet.
Somme van al den sommen van den ontfanghe, 57 ℔ 12 s.

[p. 553]

Item, so was te Denremonde ghevanghen een Tijskin van den Driessche, die men heet van den Berghe, ommedat hij quetste Janne Caplaens, Mijns gheduchts heeren ontfangher van Denremonde; die verborcht wert, uut goetdinkene van Mijns gheduchts heeren edelen Rade, om uut den vanghenesse te commene ende te ghane vor Mijnheeren van den Rade vorseid, doe wesende te Denremonde omme tghescil ende discort tusschen partien te slitene ende te accordeerne, opdat zij mochten, ende, waer zijs niet ghesliten en consten, so soude de vorseide Tijskin weder in vanghenessen commen in al tselve ghelijc voren, ofte verbuert te hebbene eene peyne van 400 ℔ par. te Mijns vorseits heeren bouf; twelke zekere persone over hem gheloofden ende goede borchtocht wettelic daerof deden vor scepenen van Denremonde, ghelijc zij niet en deden, want de vorseide Tijskin, daer hij hem met sinen vrienden beraden soude heymelec, wechliep in de kercke; den bailliu, dat vernemende, slouc hand an de borghen, ende vinc se, die op tstic versochten wet ende vonnesse te hebbene; twelke de bailliu, omdat zij porteren waren, doen mouste, in vierscaren hemlieden ansprekende ende heesch leverrende, partien hem daerop verantwordende in alsovelen dat zij te hulpen worden ghewijst, orconden daerof wettelic ghehoord, scepenen van Denremonde ten utersten des niet so vroet en waren, zij en beriepent tAndwerpen tharen hoofde; twelke de bailliu vervolchde, uut zekeren rade ende goeden avijse op de zaken ghehadt, ende voer met scepenen vorseit tAntwerpen om hemlieden te verwaerne van den boschwachters, rovers ende den vianden van Ghend, ende waren uut 2 daghe met 20 parden; ende, want constume es te Denremonde over recht, wie zijn zake ende

[p. 554]

tghedinghe van den hooftvonnesse wint, ghelijc partien deden, dat zij onghehouden bliven van den coste, so mouste de bailliu vorseid over de vorseide costen betalen 36 ℔ 12 s.⁽¹⁾

Somme van den uutghevene, 26 ℔ 13 s. 4 d.

Ende dontfanc es, 57 ℔ 12 s.

Aldus bliket dat de baillui, sculdich es, 30 ℔ 18 s. 8 d.

Encore doit il, ensi qu'il appert par le compte pŕecédent, 273 ℔ 11 s.

Somme qu,'il doit en fin de cesti compte, 304 ℔ 9 s. 8 d.

Op den rug: Compte Messire Olivier de Halewin, bailli de Tenremonde, fait à Lille, le 8^e jour de May l'an -85.

Rol-Rekening, n^r 2084.

(1) Die post is doorgehaald, en op den rand staat er: Plané, pour ce que Messeigneurs ne le veulent passer, pour certaines causes touchant Monseigneur.