Cronyke van Vlaenderen. Deel 2
(1900)–Jean Froissart–
Auteursrecht onbekend
[pagina 459]
| |||||
XX. Baljuws van Ninove.A. 1379Ga naar voetnoot(1) (? Januari-9 Mei.)[Dit es de rekeninghe van den bailliu van Nieneve ende van den] lande van Rotchelaer, van dat hi ontfaen ende uteghegheven heeft van den exploten van beeden den baelgien, van den tide dat men achterstwaerven rekende te Ghend (?)sten dach van Laumaend int jaer Ons Heeren 1378 toten 9sten dach in Meye; ghedaen te Male, int jaer Ons Heeren 1379. Int eerste, van dat Jan van Eeversbeke ghewijst was in 20 s., omdat sijn bier sijns ghelts niet weert en was, ontfaen 10 s. Van dat Goessijn van Raseghem ghewijst was in 20 s., omdat sijn bier sijns ghelts niet weert en was, ontfaen 20 s. Van biere, dat met haemtonnen uter poort ghevoert werd, daeraf dat Mijnheere heeft van elker tonnen 6 d., ende diere tonnen waren 34, comt 17 s. | |||||
[pagina 460]
| |||||
Boeten van twiste, van 3 ℔. Int eerste, van dat Cuerijn de Bloc ghewijst was in 3 ℔, omdat hij slouch metter vust in felheden Janne den Baers, ontfaen 3 ℔. Van dat Claus Yden ghewijst was in 3 ℔, omdat hij slouch metter vust in felheden Janne den Saghere, ontfaen 3 ℔. Van dat IIeine de Sneewere ghewijst was in 3 ℔, omdat hij slouch metter vust in felheden Janne den Baers, ontfaen 3 ℔. Van dat Hector van Mulem ghewijst was in 3 ℔, omdat hij ghelt leende om meer ghelts, ontfaen 3 ℔. Van dat Jan de Sadeleere ghewijst was in 3 ℔, omdat hij scepenen van Nieneve smadelike toesprac, ontfaen 3 ℔. Van dat Jan de Roede ghewijst was te bannene 1 jaer, op sijn 1 oere, uten heerscepe van Nieneve, van ghescelde te makene in sine ghebuerte; pais laten maken, omdat een mate knecht was, vore den roup, om 3 ℔. Van dat Jehanne Haeghmans ghewijst was te bannene 1 jaer, op haer 1 oere, uten heerscep van Nieneve, van ghescelde te makene in haere ghebuerte; pais laten maken, omdat een mate vroukijn was, vore den roup, om 3 ℔. Van dat Adam van Wiendeke ghevaen ende ghecalengiert was, van dat hij soude hebben ghestolen 1 selverine scale; pais laten maken, bij rade van Minen heere den Sovrain, omdat een mate cnape was, ende de bailliu noyt te voren negheen quaet gheruchte van hem ghehoort en hadde, om 60 ℔. Relief van leenen te Nieneve. Int eerste, ontfaen van den heere van Steenhusen, van eenen vullen leene, 10 ℔. | |||||
[pagina 461]
| |||||
Boeten van 60 ℔, niet ontfaen. In Okeghem, niet ontfaen. Somme van den exploten van Nieneve, 93 ℔ 17 s.
Dit es tverval van den mortemeine van Nieneve binnen den vorseiden termine. Int eerste, van Katelinen Aredmats te Heerlijchove, dienstwijf, so quam Minen heere 1 bedde, 1 pot, 1 ketel, 1 panne, 1 aker, 1 lize, een half zac coerens, 4 cussine, verdingt 10 ℔. Somme per se. Somme van al den ontfanghe van Nieneve, 103 ℔ 17 s.
Dit es de rekeninghe van den lande van Rotchelaer binnen den vorseiden termine. Int eerste, van dat Gillis Cricke, te Haltert, ghewijst was in 20 s., omdat hij sijn bier boven cueren vercochte, ontfaen 20 s. Van dat Jan Rombout, te Denrehoutem, ghewijst was in 20 s., omdat hij sijn bier boven cueren vercochte, ontfaen 20 s. Van dat Cuerijn Tglas tAyeghem ghewijst was in 20 s., omdat hij sijn bier boven cueren vercochte, ontfaen 20 s. Van dat Gillis Vondelman, te Haltert, ghewijst was in 3 ℔, omdat hij slouch metter vust in felheden Janne den Sadeleere, ontfaen 3 ℔. Van dat Cornillis Leins, te Denrehoutem, ghewijst was te bannene bij den mannen 1 jaer, op sijn 1 oere, uten lande van Rotchelaer, van minghelinghen te makene onder sijn ghebuers; pays laten maken, omdat een mate cnape was, vore den roup, om 6 ℔. Van dat Heinric Scadeborch, te Denrehoutem, ghewijst was te bannene bij den mannen 1 jaer, op | |||||
[pagina 462]
| |||||
sijn 1 oere, uten lande van Rotchelaer, van minghelinghen te makene onder sijn ghebuers; pays laten maken vore den roup, om 9 ℔. Van dat Willem van der Erpen, te Denrehoutem, ghewijst was te bannene bij den mannen 1 jaer, op sijn 1 oere, uten lande van Rotchelaer, van minghelinghen te makene onder sijn ghebuers; pays laten maken vore den roup, om 8 ℔. Van dat Gillis van Inghelboutsvelde, te Haltert, ghecalengiert was van dat hij ontmoete scepenenvonnesse van Haltert, daeraf dat de boete es 60 ℔; pays laten maken vore vonnesse, om 10 ℔. Van dat Pieter Seukijns, te Helderghem, ghewijst was in 60 ℔, omdat hij afhieu 1 boom op goet dat wettelijc in saisinen ghedaen was; pais laten maken om 50 ℔. Somme van den exploten van Haltert, 89 ℔.
Dit es tverval van den mortemeine van den lande van Rotchelaer binnen den vorseiden termine. Int eerste, van Gheertruden Tsluchtichs, te Haeltert, dienstwijf, so quam Minen heere 1 bedde, 1 pot, 1 panne, 1 ketel, 1 scrine, verdingt 5 ℔. Van Katelinen Winants, tAeyeghem, 1 coe over den besten hooftstoel, verdingt 5 ℔. Somme van den mortemeine, 10 ℔., van denwelken de capelaen des hospitaels van Aelst heeft den 20sten penninc, ende dat loepi 10 s.; aldus blijft Minen heere 9 ℔ 10 s.
Somme van al den ontfanghe van Nieneve ende van den lande van Rotchelaer, 202 ℔. 7 s. | |||||
[pagina 463]
| |||||
Dit is duutgheven van den vorseiden bailliu, up sijn ontfang binnen den vorseiden termine. Int eerste, Coppine, die in den karker leeght te broede ende te biere, 50 s. Item, doe men den jaercuere besat te Nieveve 2 daghe lang metter gheelre Wet, te coste ghedaen, 6 ℔. Item, van dat Eloud, de coc van Ghend, dejusticie dede ende examineerde Janne den Pleiere, dewelke ghebannen was te Ghend 10 jaer, van dieften, hem ghegheven, over sijn peerdhuere ende over sinen solaris, 6 ℔. Item, doe men de waerhede te Haltert besat met mannen ende met scepenen, verteert 54 s. Item, doe men de waerhede Denrehoutem besat met mannen ende met scepenen, verteert 48 s. Item, doe men de waerhede te Ayeghem besat met mannen ende met scepenen, verteert 44 s. Somme van den huutghevene van beeden den baeilgieden, 21 ℔. 16 s.
Ende dontfang ghedracht, 202 ℔ 7 s. Aldus blijft de bailliu sculdich, 180 ℔ 11 s.
Op den rug: Compte Riquard de Steelant, bailliu de Nieneve, fait à Male le 9e jour de May l'an -79.
Rol-Rekening, nr 2018. | |||||
[pagina 464]
| |||||
Ninove.
| |||||
[pagina 465]
| |||||
Item, Coeren Cobbout, ghewijst in zo s., omdat hi bout haelde van sdekens huus, ontfaen 20 s. Item, Steffenie Noethaex ghewijst in 3 ℔, ochte de steene te draghene, omdat soe jn felheden slouch met der vuuist Coerekene van Raesseghem, daeraf ontfaen, omdat een arm out wijf was, 40 s. Item, Jhan van Eeversbeke, ghewijst in 3 ℔, omdat hi scepenenvonnesse te na sprac, ontfaen 40 s. Item, Vranke de Bast, van peinen die hi verbuerde Gherwinninc (?) van sinen goede, Mijns heeren deel ontfaen, 3 ℔ 12 s. Item, Coereken de Grave, de stroedeckere, ghewijst in 60 ℔, omdat hi trac een mes in felheden op Joese den Wevere; pays daeraf ghemaect ter beden van vele lieden, ontfaene, 12 ℔, ende daerna ghebannen van onnutscepe 10 jaer. Item, Gheerarde de Keemerling, ghewijst in 3 ℔, omdat hi gheghaerde wolle dede te eenen lakene, daeraf dat scepenen hebben terde ende de ghezwoerne van der traperien terde, dus blijft Mijnheere 20 s. Item, datselve laken ghewijst verbuert, vercocht 12 ℔, daeraf van vollene, wiedene, oversceerene 36 s., dus blijfter 10 ℔. 4 s. Item, van Gillisse van Heersele, van dat hi vercochte sijn leen 1 ½ dachwant groet, van 10de penninghe, ontfaen 9 ℔. Item, van denselven leene, van coepe, ontfaen 6 ℔. Item, Claeus Heckerman, ghewijst in 3 ℔, van persemene, ontfaen 40 s. Summe van al den ontfanghe in Nieneve, 55 ℔ 8 s.
Ontfang int land van Rotselaer van der baillien, niet. | |||||
[pagina 466]
| |||||
Ontfang van den morten mayne binnen den lande van Rotselaer ende daerbuten. Tierst, in Helderghem, van Lijsbetten sRijs, dienstwijf, de have verdingt 24 s. Item, te Kerosine, van Jhanne den Grutere, dienstman, de have verdingt, 20 s. Item, ter Waerden, van Lijsbetten Woutelets, vochtwijf, van eenen bedde, ten besten hoeftstoele, 3 ℔. Item, in Ydderghem, van Jhanne den Hasselere, dienstman, de have verdingt, 4 ℔ 4 s. Item, in Ayenghem, van Grielen van den Boengarde, vochtwijf, eene merie ten besten hoettstoele, verdingt 7 ℔. 4 s. Item, te Vorst, in Brabant, van Gillise Stratings, vochtman, een bedde ten besten hoeftstoele, verdingt 48 s. Item, in Denrehouthem, van Callen Zeg hers, dienstwijf, de have, verdingt 45 s. Item, van Peeteren Neesen, vochtman, eene merie, ten besten hoeftstoele, verdingt 10 ℔. Somme van den mortemayne int land van Rotselaer ende daerbuten, 31 ℔. ende 5 s. Daeraf heeft de capelaen van den hospitale van Aelst den 20sten penning, comt 31 s. 3 d. Aldus blijft Mijnheere 29 ℔ 13 s. 9 d.
Summa summarum van den ontjanghe van den bailliu van Nieneve ende van den mortemayne van den lande van Rotselaer, den 20sten denier afghetrocken, loopt 85 ℔ 21 d.
Dit es duuitgheven van den bailliu vorseit. Den bailliu, van sinen weden 40 ℔ tsjaers, comt binnen den termine van deser rekeninghen 13 ℔ 6 s. 8 d. Somme van den huutgheven, 13 ℔ 6 s. 8 d. | |||||
[pagina 467]
| |||||
Ende dontfang ghedraght 85 ℔ 21 d. Aldus blijft de bailliu sculdich 71 ℔, 15 s. 1 d.
Op den rug: Compte Jehan de le Benebèke, bailliu de Nieneve, fait à Lille le 7e jour de May l'an -80.
Rol-Rekening, nr 1990. | |||||
[pagina 468]
| |||||
Ninove.
| |||||
[pagina 469]
| |||||
Item, Jhan van Pollaer, ghecalengiert van dat hi een mes ghetrocken soude hebben op Jhanne van Aspelaer; pays ghemaect, omdat hi te Audenarde lach, daer hi grote scade bi nam, om 14 ℔. Daniel de Commer, Jhan de Coeman, ghecalengiert ende te wette ghestelt alse ontfangheren van der poert van Nieneve, dat sij hem meshuzeert souden hebben in hare ontfangherscep, daer de poert scade bi nam, daeraf coeren ghehoert ende versten ghenomen; ghecomposeert jeghen de poert ende daerna jeghen den bailliu, ontfaen 48 ℔. Item, deselve Jhan de Coeman, ghewijst in 60 ℔, omdat hi eenen ghemeenen borrewech wederstoet ende verslouch den ghebueren, ontfaen 44 ℔. Item, Goesijn Dieroeghe, ghewijst in 60 ℔, om dat hi slouch met eenen ghependen stave Cornellis van den Bouchoute, ontfaen 24 ℔. Item, Meyhieu de Typ, ghewijst in 60 ℔, omdat hi een mes trac op Peeteren van den Borrekene in felheden, ontfaen 40 ℔. Item, van stroe ende van hoeye, dat ic vant in Jhans Mapmidts scuere, verdingt om 10 ℔. Item, Leins sBeyers wijf, verdingt hoey ende stroe, dat in hare scuere lach, 3 ℔ 12 s. Item, Hanneken de Drivere, Claeus sone, van dat hi gheselle was te Aelst, van 2 renderen, die weder telivereert waren bi den bailliu, ontfaen 12 ℔. Item, van Jhanne den Wenne van Riedene, omdat hi een vat hoppen ochte 2 leide in Michiels sBoenen kelre, die in saysinen ghedaen was, ontfaen 10 ℔. Item, Jhan Ysenbaert, die vore Aelst bleef verstorven, dienstman, verdingt half de have, 10 ℔. Item, van Cornillis den Graven, die te Nieneve ghebannen was, ende te Gheerardsberghe ghejusticijert, van 1 bedde dat na hem bleef, 3 ℔. | |||||
[pagina 470]
| |||||
Item, van 1 halven huus dat Mijnheere toehoert, van huushueren, 30 s. Item, in Herlijchove, van Wouteren den Meyer, van Herlijchove, van dat de bailliu sijn leen in saysinen hadde ghedaen, omdat hi lach in dierste oerloghe voer Aelst contrarie Mijnheere ende dat hi was daer Wouters huus van Langbrouc ontweeghesleghen was, ghecomposeert, ter beden van goeden lieden, om 36 ℔. Item, in Okenghem, niet ontfaen. Ontfang van leenen. Ierst, van Jhanne van Werchmes, van 1 vollen leene, gheleghen bi Rysele ende heet Templemarche, dat hem verstarf van Mer Jacope, sinen vader, 10 ℔. Item, in Houthem, van Jhanne Neesen, van 1 splete van 1 leene, dat hem verstarf van sinen vader 16 ℔. Item, ontfaen van Hanne den Costere, van 1 splete van 1 leene, dat hem verstarf in Welle, van Heinreke, sinen vader, 9 ℔. Summe van al den ontfanghe van Nieneve, 294 ℔ 14 s.
Ontfang int land van Rotselaer. In Houthem: Van Claeuse Maes, dat hi stac met 1 messe Beereken, sinen neeve, in sinen arm, dat hier af starf, hem ghevaen: pays ghemaect jeghen partien, ghecomposeert jeghen den bailliu, ter beden van Mijnheere Jhanne van Houthem, ende, omdat een arm cnecht was, ende verbidden moeste onder sine vriende, ende bi consente van Mijnhere Mijnhere Goessijn den Wilden ontfoen 60 ℔. In Helderghem: Hanneken van Overtwater, van dat hi gheselle was ane eene loedine. gote, die te Aelst huteghedaen was, daer hi 4 grote af hadde, ende den cnape sinen gote vergolden; pays ghemaect om 6 ℔. | |||||
[pagina 471]
| |||||
Item, Jhan Claeus, die de vorseide gote vercochte, omdat hi een rijc man was, ende hem qualec vouchde sulc een coeman te sine van der samelcoeperien, te Mijns heren ontfaen bouf, 14 ℔. Item, van Willekene den Keyser, den bastaerdt, van dat hi goet sonde hebben ghehaelt te Aelst, ende weder telivereerde denghenen diest was bi den bailliu, paeys ghemaect om 9 ℔. Item, Coeren Kieken, van dat hi coeman was van hinden, die te Aelst gheroeft waren, ende niet ghesegghen en coste, wie sij waren die se roefden, anders dan de Wittecraproene van Ghend, outfaen 6 ℔. Item, van Wouteren Maes, van dat hi goet soude hebben te Aelst op sinen waghen gheworpen ende thuuis ghevuuert, dwelke hi wederkeerde; daeraf pays ghemaect om 36 ℔. Summe, 131 ℔.
Ontfang van den mortemayne binnen den lande van Rotselaer. In Haeltert: Van Gillise Smoutkene, vochtman, eene coe ten besten hoeftstoele, vercocht 3 ℔. 12 s. In Helderghem: Claeus Vonke, verstorven dienstman, vercocht half de have, 9 ℔. In Liedekerke: Beatrijs sKluppels, verstorven vochtwijf, een cleet ten besten hoeftstoele, vercocht 6 ℔. 10 s. Item, ten Damme: Van Callekine Raes, verstorven vochtwijf, een cleet ten besten hoeftstoele, vercocht 42 s. Int land van Boenlaer: Claeus de Neve, verstorven voechtman, 1 coe ten besten hoeftstoele, vercocht 4 ℔, 4 s. | |||||
[pagina 472]
| |||||
In Hekelghem: Pieter Oste, verstorven vochtman, 1 coe ten besten hoeftstoele, vercocht 3 ℔. 12 s. In Denrehoutem: Van Kathelinen, Claeus sBlasers wijf, verstorven dienstwijf, verdingt de halve have, 84 ℔. Item, van Ghiselbrechte van Scoenensdale, verstorven dienstman, van sier halven haven, vercocht 9 ℔. Item, in vondenen ghelde onder sijn bedde, 74 ℔. Item, van sculde ane Jhanne Farrante, 5 sacke coerens, den sac ghepresen 40 s, summa 10 ℔. Item, in ghelde an denselven Jhanne Farrante, 6 ℔. Item, an Goesine van Daerachter, 6 ℔. Summe van den mortemayne int land van Rotselaer, 218 ℔, daerof heift de capelaen van den hospital van Aelst den 20en d., 10 ℔. 18 s. Dus blijft Minheere, 207 ℔. 2 s. Somme van al den ontfang, 632 ℔. 16 s.
Dit is duutgheven van den vorseiden bailliu binnen der termine vorseit. In dierste, van 14 daghen dat de bailliu voerscreven te Nieneve rewaerdt was, ten beveelne van Mijnheere, sdachs 3 ℔., summa 42 ℔. Item, van tween van Mijns heren banieren, die de bailliu maken dede, 4 ℔. Item, den Keyser, den heraeut, die ghesonden was in Brabant 37 s. 4 d Item, van sbaillius wedden, van 2 rekeninghen, 26 ℔ 13 s. 4 d. Item, van eere wariden ghedaen te Niderwijc (?) van scepenencosten, omdat buten poerten was, 3 ℔. Summe van al den huutghevene, 77 ℔ 10 s. 8 d. Ende dontfang es, 632 ℔, 16 s. Aldus blijft de bailliu sculdich, 555 ℔ 5 s. 4 d. (P. au receveur.)
Rol-Rekening, nr 1991. | |||||
[pagina 473]
| |||||
Ninove.
|
| Boeten van 3 ℔ niet. |
| Boeten van 60 ℔, niet. |
| Van mortemeine, niet. |
| Relief van leene, niet. |
In Okeghem, niet.
In Heerlijchove, van Heilen Dieroegs, van pachte die soe poerters van Ghend sculdich was, daeraf ontfaen 20 ℔.
Somme van den exploten van Nieneve, 20 ℔.
Dit es de rekeninghe van den lande van Aeltert, binnen den vorseiden termine.
Van exploten, niet ontfaen.
Dit es tverval van den mortemeyne van den lande Aeltert, binnen den vorseiden termine.
Int eerste, van Marke den Greyere, voegtman in Denderhoutem, so quam Minen heere eenen roc over den besten hoefstoel, verdinct 46 s.
Somme van den mortemeine, 200 ℔ 22 s., van denwelken de capellaen des ospitaels van Aelst heeft den 20sten penninc, ende dat loept 10 ℔ 13 ½ d.; aldus blijft Mijnheere 191 ℔ 22 ½ d.
Somme van al den ontfanghe, 211 ℔ 22 ½ d.
Dit es dat Gheerd de Bosch vorseit heeft uutghegheven binnen der vorseider tijt.
Int eerste, ghesonden eenen bode te Brugghe om Mijnheere doe te wetene dat die van Ghend te Nieneve waren, ende daer laghen, ende verbeiden hare provanche, die hem uut Brabant quam, ende dorschen der liede coeren uut, omtrent Nieneve; ende die bode was vier daghe op den wech met eenen parde, ende liadde 20 s. sdaegs, comt in somme, 4 ℔
Item, gheleghen op de Borch te Nieneve met den ghesellen van Nieneve, bi beveelne van Mijns
heeren Rade, 12 daghe; verteert, mitsgaders den ghesellen, 18 ℔.
Item, doe die van Ghend laghen op de Borch van Nineve, doe ghinc Gheerd de Bosch ende de ghesellen van Nineve, ende wonnen dien van Ghend de Borch af, ende deden se te nieute diere op waren; ende doe scincte Gheerd den ghesellen, overmidts dat sij seere vermoyt waren, 3 vaten biers, daeraf dat elc vat coste 40 s., comt in somme 6 ℔.
Item, ghesonden te Brugghe an Mijnheere eenen bode, om Mijnheere doen te wetene in wat manieren dat de Borch wederghewonnen was, ende de bode was vier daghe op den wech met eenen parde, ende hadde 20 s. sdaegs, comt in somme 4 ℔,
Item, bi bevele van Mijns heeren brieven, gheleghen met 20 ghesellen op den cant van Brabant achte maent, luttel men of meer, omme te nieute te doene deghene die provanche voerden ochte droe-ghen te Ghend weert, verteert, mitsgaders den ghesellen, 36 ℔.
Item, ghereden,bi bevele van Mijns heeren brieven, te Mecheme driewerven an mier Janne Vileine, ende telken gheweest, midtsgaders sinen knecht ende sinen parden, om 4 ℔ par., comt in somme, 12 ℔.
Somme van al den uutghevene, 80 ℔.
Somme van al den ontfanghe vorscreven loept 211 ℔ 22 ½ d. par.;
Ende de somme van den uutghevene loept 80 ℔, ende aldus es dontfanc meere dant uutghevene 130 ℔ 22 ½ d.
De ce, lui donné pour son salaire en courtoisie, demeure qu'il doit, 107 ℔ 22 d.
Op den rug: Compte Ghérard Bosch, bailliu de Nieneve, fait à Bruges à le renenghe -84.
Rol-Rekening, nr 1992.
- voetnoot(1)
- Nieuwe stijl. - Het bovenste deel der Rekening is gescheurd.
- voetnoot(1)
- Volgen 60 posten van beste cateilen: calf, coe, cleed, roc, enz.