Cronyke van Vlaenderen. Deel 2

(1900)–Jean Froissart– rechtenstatus

[Tweede aflevering]

XIX. Baljuws van Oudenaarde.

A. 1380 (17 September-26 November).

Dit es de rekeninghe van Goesin van Grameis, bailliu van Audenarde ende van der castelrien, zint den 17^den dach in Septembre int jaer -80 tote den 27^sten daghe in Novembre, int zelve jaer, ghedaen te Male.

Eerst, in de poort, van boeten ofte verbuerten ofte van eenegherande exploten, niet ontfaen binnen den vorseiden termine, want doe Mijns gheduchts heeren bannieren ende der stede utestaken tAudenarde, ende men doe niewerinx af wet en dede noch berechten mochte, mids der groeter vreesen doe in de stede wesende.

Van kuerechte, niet ontfaen, noch van heyghinen goede, in de castelrie.

Ontfaen van boeten ende verbzierten in de castelrie, in de prochie van Huerne, ende in al dandre prochien, niet ontfaen.

Eerst, van Pieter van Weldine, Wouter Wanten, Willem Claeus ende Janne den Tuerc, die ghecalen-

giert waren van dat zij eenen Hannin Moens, die der stede banniere van Ghend drouch te Eename met Pieter van der Olimolen, sinen neve, in contrarien van Minen gheduchten heere van Vlaendren, up Mijns heeren vriende daer vechtende; dewelke Hannin daernaer doetghesleghen wart, ende doe gheconseteert van den heere daer hi onder doet lach, ter eerden te doene, ontgrouvene weder ende brochtene tote in de Scelde in een scip, ende voerdene over, ende droughene tote Huerne up tkerchof, bi nachte grouvene daer in ondanx den pape ende met haren overwille ende zonder orlof ende consent vanden bailliu van Audenaerde ofte van eeneghen van sinen dienneeren ofte ghiselen, in wies baillie dat zijt aldus daden; daeraf dat ze de bailliu vorseit calengierde dat zij hem mesuseert hadden, van welker calange Jacop van Huerne bi haerlieder versouke den pais maecte jeghens den vorseiden bailliu omme 24 ℔.

Somme, 24 ℔.

Ontfaen van den moortemeine binnen den vorseiden termine.

Eerst, van Margrieten, spachters wijf van Eesterst, in Eestert ghestorven up theyghin Mijns heeren van Vlaendren, van hare quam eene meerie ten besten cateille, verdinght omme 21 ℔. 12 s.

Van Pieter den Bave, in Ingoedeghem ghestorven, van hem quam een coe ten besten catelle, verdinght 3 ℔. 12 s.

Van Viven Weyts, in Oeteghem ghestorven, die men hilt metter haelmoesinen, van 1 calve dat gheprijst was jeghen haer beddekin evenvele, midsdat zoe dienstwijf was ende nemmeer goeds en hadde, daeraf dat haer hoyr deelft hadde, heft Mijns heeren deel 24 s.

Van Katelinen Boeyaerds, in Ingoedeghem ghestorven up Mijns heeren heyghin, van hare quam een coe, verdinght 48 s.

Van Coppin van Waermaerde, in Waermaerde ghestorven, dat een wel mate knecht was, al zijn goedekin vercoch, galt 3 scilde, deelt toebehoerende sinen hoere, heft Mijns Heeren deel 36 s.

Van Janne den Hinne, in Ingoedeghem ghestorven up Mijns heeren heyghin, van 2 coeyen, over hem ende over zijn wijf, verdinght 6 ℔.

Van Janne den Coc, in Ingoedeghem ghestorven, daeraf dat partien zeiden dat hi stont ter Weeden te ghemitte, ende, ommedat de man afzeten was ende niet up theerscip van der Weeden en staerf, ende oec ommedat noch hanct in daudiencie, ne dorste de bailliu hem niet betoghen laten sonder mandement van boven, van hem quam eene coe ten besten cateille, verdinght 3 ℔.

Van Theeus van Heule, in Ingoedeghem ghestorven, dat een mate man was ende omme der lieder broet ghinc, van hem quam een beddekin ten besten cateille, verdinght 48 s.

Van Jans sBosschers wive, in Ansdighem ghestorven up Mijns Heeren heyghin, van hare quam 1 meerie ten besten cateille, verdinght 4 ℔.

Somme, 46 ℔.

Somme van al den ontfanghe in de castelrie 70 ℔.

Van bastaerden ende tiendenpenninghen, niet ontfaen.

Van der baillien van Haspre ende van Zinghem, niet ontfaen binnen den vorseiden termine, want daer gheen bailliu dueren mochte.

Dit es dhuutgheven up tvorseide ontfanc.

Eerst, omme de wedden van den vorseiden bailliu van den termine, heft 9 ℔ 14 s. 8 d.

Item, omme eenen bode die Wouter, de Joncheere van Heedinghen zende over dach ende over nacht te Minen gheduchten Heere met 1 brieve, te coste mids ziere pardehueren, 36 s.

Item, van eenen bode, die over nach ende over dach eenen brief voerde te Berghen, in Eenegauwe, an den upperbailliu van Mijns gheduchts heeren halven van Vlaendren, metter groeter haesten, denwelken brief brochte te middernachte tAudenarde Arent de Messagier, ende zeide den bailliu dat hem bevolen was dat hine voert gheweeghde, want hi moeste doe te Denremonde varen, te coste van den bode, mids ziere pardehueren, 3 ℔.

Item, van 2 roedecaproenen van Yppre, die men zeide dat wisten van der verraennessen van Eename, die ghevaen waren ende zwaerlike gheëxamineert, ende wat men hem dede niet an hemlieden te coste van keerssen, seelen ende andren zaken, ende der ghesellen costen dier mede waren, 40 s.

Item, bi beveelne van Wouter van Heedinghen metter mont ende bi sinen plackiette, den vorseiden bailliu ghegheven ende bevolen, dat hi betalen moeste van 12 taergen, die hi maken dede omme mede te treckene voor Gheeraerdsberghe, die costen 12 ℔.

Item, zo zende Mijn gheduchte heere eenen brief an Wouter van Heedinghen, die de vorseide bailliu gheweghen moeste te Gheeraerdsberghe, over dach ende over nacht, dien hi daer zende met 1 bode, te coste mids 1 huerparde, 36 s.

Item, bi beveelne van Wouters brieven van Heedinghen, so beleedde de vorseide bailliu 43 ghysele van Gheeraerdsberghe, ende ghebrocht ze

te Rijssle, alsoes hem bevolen was, ende daer hi lach ende ligghen moeste 4 daghe al stille, midsdat de lieutenaent van Rijssle de ghysele niet ontfaen en wilde voer hi de vanghenesse vulmaect hadde, ende daer ze hem de bailliu leveren moeste, alheer hiere hand an slaen wilde, ende van 3 daghen te vaerne ende te keerne met hemlieden, te coste van desen 7 daghen met zinen gheselscepe 28 ℔ 12 s.

Item, so ghebostere 16 ghysele van den 59 diere ghecoren waren, die int gheselscip van hemlieden niet comen en waren, daer de bailliu omme varen moeste te Brugghe, an Mijnheeren van den Rade gaf daerover zijn ghebrec, bi namen ende bi toenamen ; ende daer was hem een brief ghegheven van Mijns gheduchts heren halven vorseid, die hem bevolen was, te vaerne an den bailliu van den lande van Haelst te Gheeraerdsberghe, ende daer doen uteroupen de vorseide 16 ghysele, dat zij van Mijns gheduchts heeren halven bevolen waren weder in te commene in haer ghyselscip binnen 3 daghen naer den roupe gheseit met haren ghesellen, te Rijssle, up haer lijf ende up haer goed verbuert te zine te Mijns gheduchts heeren bouf; denwelken roup zij alsoe doen daden, ende noch niet in haer gheselscip commen en zijn; ende was de uterste derde dach nu in sente Katelinen daghe, int jaer -80; te coste van beeden desen vaerden te vaerne ende te keerne, van 6 dagen, 17 ℔ 12 s.

Item, zo voer donderbailliu voor Ghent int eere an Mijnheeren van den Rade, omme Mijns heeren liede ende vriende van Vlaendren, die verdronken waren tEename, wat men metten doden ende metten goede doen soude; ende men hem last gaf met monde, dat men de doede visschen soude ende tgoet legghen in sequeste, tsgheens bouf diet sculdich ware te

hebbene metten rechte; dwelke beede de baillius daden, ende voerent zegghen tEename, daer de moonke niet afhilden, maer zeiden, zij zouden ze graven ende selve tgoet onder hem behouden, Wouter van Heedinghem hadt hemlieden bevolen; te coste van deser vaert, 4 ℔.

Item, van dat donderbailliu voerde met ghesellen Janne Boelare, van Gavere, te Minen gheduchten heere voor Ghend, die Juffroet, Mijns heeren serjant, vinc vechtender hand ontrent der Zwalmen, dewelke Jan groetelike ghescadt was int profijt Mijns gheduchts Heeren; te coste van smans pardehueren ende van sbaillius, diene voerde met zinen ghesellen, van 3 daghen, onder varen ende keeren, ende van 1 sknechts pardehuere, diene halp leeden, 9 ℔ 18 s.

Item, zo huerde de vorseide bailliu eenen Hannekine den Bastaerd, van Zinghem, ommedat hi hem alle meeren ende alle zaken zoude vernemen in Haspre, in Zinghem ende in Huerne, midsdat doe niement van Mijns heeren officijers wel wandelen dorste; ende die overbrochte dat Jan Moenijns of Moens, die de banniere drouch tEename van dien van Ghend, ghegraven was tHeurne int kerchof, ende up de Zwalme ontgraven, ende noomde hem wie zij waren diet ghedaen hadden, ghelijc dat dontfanc boven verclaerd, 3 ℔.

Item, van dat Goessin van Grameis ghesent was int lant tusschen Maerc ende Ronne van der rowarde weghen, omme dlantvolc in te doen commene ghewapent, alsoe een cedulle hem daeraf ghegheven wel verclaert, de coste van 2 daghen, 3 ℔.

Somme, 95 ℔ 8 s. 8 d.

Ende dontfanc loept, 70 ℔.

Aldus blijc dat men den bailliu sculdich es, 25 ∔ 8 s. 8 d.

Ende hij bleef sculdich van sire rekening he vor dese, 176 ℔ 16 s. 8 d.

Aldus blijft de bailliu sculdich 151 ℔ 8 s.P. au receveur.

Op den rug: Compte Goessin de Grames, bailliu d'Audenarde, fait à Male, le 14^e jour de Janvier, l'an -80.

Rol-Rekening, n^r 1201.

Oudenaarde.
B. 1380-1381. (26 November-14 Januari).

Dit es de rekeninghe van Mer Janne van Heyle, rowaerd ende bailliu van Audenarde ende van der castelrien, zint den 26^sten dach in Novembre int jaer -80 tote den 14^sten daghe in Laumaend int zelve jaer, ghedaen te Male.

Ontfaen van boeten ende verbuerten in de poert.

Eerst, van Jacoppe van Oerembeke, die ghecalengiert was, dat hi vluchte een deel goeds met scepe omme uter poert te doen vaerne, dwelke de bailliu ondervant ende deet achterhalen ende updoen over verbuert, daeromme dat scepenen zelve volghden te menegher tijt an den rowaert omme de teliveranche, midsdat hi poerter es, ende deet an scepenen volghen, ende zeiden dat, naer den achtersten pais, gheen verbod ghedaen en was van niet te vluchtene, ende zij vermoedden hem, updats de vorseide Jacop wet hiesche, het mocht er wel nauwe mede staen ; dies hem de vorseide rowaert ende bailliu beriet met vroeden lieden ende Mijns heeren vrienden, diere hem af rieden te laten composeerne; pais van der calangen omme 24 ℔.

Somme, 24 ℔.

Ontfaen van cuerrechte in de poort, daer Mijns heeren recht af es deen derdendeel, scepenen dander, dekene, vinders, waerdeeres, ende andre officijers van der poert terde derdendeel.

Eerst, van den hallemeesters, die men heet heinsgraven, niet ontfaen.

Van der draprien meesters, 8 s.

Van der weverien, 6 s.

Van der volrien, niet ontfaen.

Van den sceeres, niet ontfaen.

Van den backers, 10 s.

Van den broetweghers, 16 s.

Van den bruwers, niet ontfaen.

Van den smeden, niet ontfaen.

Van den temmerlieden, niet ontfaen.

Van den vleeschhauwers, 12 s.

Van den waerderes van der vischmaerct, 10 s.

Van der vetterwaren ende den mostaerde, niet ontfaen.

Van den hudevetters ende curdewaniers, niet ontfaen.

Van den parmentiers, niet ontfaen.

Van den waghemakers ende scrijnmakers, niet ontfaen.

Van den zeeldraeijers, 6 s. 8 d.

Somme, 3 ℔ 8 s. 8 d.

Somme van al der poort, 27 ℔ 8 s. 8 d.

Ontfaen van heyghinen goede in de castelrie, daer Mijns heeren recht af es, 15 d. van den ponde.

Van Maseleenen sTemmermans ende Raessen, haren man, die vercochte 80 roeden heyghins in Huerne Heinric Naessins, den hoep omme 3 ℔ gr., heft de coep, 45 s.

Somme, 45 s.

Ontfaen in de castelrie, van boeten ende verbuerten.

Eerst, in de prochie van Bevere, niet ontfaen.

In Eyne, niet ontfaen.

In Huerne, ontfaen:

Van Janne den Bloc, den worem, ende Willekine zinen neve, die ghecalengiert waren, dat zij overvoeren up den donredach met 1 scepe tEename, ende vischten in de Scelde twee wambaise ende 1 clocke, ende brochtent over, ende droughent thuus, ende 1 pantchier datter Willekin Halaerds warp in haer scip sonder orlof, dat alweder haelde de bailliu van Eyne; ende, ommedat harme knechte zijn ende dat hem in onnoeselheden gheviel, liet de bailliu pais maken omme 8 scilde, valent 9 ℔ 12 s.

In Audighem, niet ontfaen.

In Nasaret, niet ontfaen.

In Husse, niet ontfaen.

In Mullem, niet ontfaen

In Lede, niet ontfaen.

In Wannedighem, niet ontfaen.

In Autem, niet ontfaen.

In Nokere, niet ontfaen.

In Ansdighem, niet ontfaen.

In Ghyselbrechteghem, niet ontfaen.

In der Vichten, niet ontfaen.

In Warighem, niet onttaen.

In Worteghem, ontfaen:

Eerst, van Bernaert Naghele, die bailliu es up theerscip shabdts van Sente Pieters, te Walem, ghecalengiert, bi Goessins tijden van Grameis, van dat hi hem ontgaen liet eenen Hannin Traen, die ghehiecht was te Ghend van 60 ℔, denwelken Hannin vorseid Lippin Scaec vinc up eene keermesse bi der hulpen van den vorseiden bailliu van Walem, die hem te goede wart alse Lippin up hem riep in

den name van den here, ende aldaer ter steden leverde Lippin vorseid den vorseiden ballinc den bailliu van Walem, omme dwelke Goessin vorseit sprac metten Ontfanghere te Brugghe, die hem beval dat menre een bezouc omme doen zoude bij den naesten ghebuers, ofte hem de ballinc ongaen ware bi meskieve, alsoes hi hem vermat, ende dat men hem ghenadelic dan liete composeeren; dwelke bezouc Mer Jan van Heyle, nu rowaerd ende bailliu, doen dede met Mijns heeren mannen van Vlaendren, ende waerre up ghehoert 14 van den naesten ghebuers, ende vonden bi haren heede dat de vorseide ballinc ghesleghen was in een paer boeyen met 1 ketenen in eenen bloc, ende de bailliu liet er bi eenen steerken knecht ghewapent, zijn wijf ende twee joncwive; ende doe quamen heymelic in de noenstonde 3 knechte ende een zijn zuster met bilen ende marteelen, ende sloughene ute, ondanx met crachte, ende leeddene och haerre straten, daer diene wachten ghesleghen worden ende ghequedst, ommedat zijt wederstonden, ende dat hem niet ghehelpen mochte, si ne leeddene och met boghem, met ghescutte, daer de bailliu doe up dien dach niet thuus wesen mochte, maer moeste wesen tAudenarde metter casterien, bi beveelne van Mijns gheduchts heeren brieven van Vlaendren, midsdat Audenarde doe wel cranc was; ende, omme de redene dat dit claerlike aldus bevonden was, liet de bailliu composeren, ter beden van Janne Cabelliauwe, Mijns heeren zone was, omme 36 ℔.

In Tydeghem, niet ontfaen.

In Castre, niet ontfaen,

In Oeteghem, niet ontfaen.

In Ingoedeghem, niet ontfaen.

In Emelghem, niet ontfaen.

In Eestert, niet ontfaen.

In Mouden, niet ontfaen.

In Auterive, niet ontfaen.

In Bosschuud, niet ontfaen.

In Waermaerde, niet ontfaen.

In Keerchove, niet ontfaen.

In Elsseghem, niet ontfaen.

In Peteghem, niet ontfaen.

In Moerighem, niet ontfaen.

In Oedeke, niet ontfaen.

Somme, 45 ℔ 12 s.

Ontfaen van den mortemeine.

Van Marien sHasen, in Lede ghestorven, die dienstwijf was Mijns heeren, al haer goed vercocht ende ghedeelt jeghen haren man galt 6 scilde, daeraf heft Mijns heeren deel 3 ℔ 12 s.

Van Heinric Bloumen, in Autem ghestorven, up Mijns heeren vri heyghin, van hem quam een bedde ten besten cateille, verdinght omme 3 ℔.

Van Willem Hostem, in Elsseghem ghestorven, up dheyghin Jans van Eestert, dat hi voert houd van Minen heere van Vlaendren, van hem quam een verkin ten besten cateille, verdinght omme 40 s.

Somme 8 ℔ 12 s.

Somme van den ontfanghe in de castelrie 56 ℔ 9 s.

Van bastaerden ende tiendenpenninghen, niet ontfaen.

Somme van den ontfanghe vorseid heft 83 ℔ 17 s. 8 d.

Ontfanc van Haspre ende van Zinghem bi Lauwers van Loe, daer bailliu zijnde, van boeten ende verbuerten.

Eerst, van Willem van Pullem, die ghecalengiert

was, dat hi zinen doetcoep verzeten soude hebben van 3 roeden heyghins, daer de boete af es 3 ℔; pais, midsdat hem in onnoesselheden gheviel ende niet en wiste dat ment van Minen heere hilt, omme 40 s.

Van Fierin Saeut, Pieter Hinghels ende Hannin Hinghels, die ghecalengiert waren dat zij overtrocken tEename met scepe, ende daer namen messeleke cleene prondelinghe, die zij daer vonden ligghende up den donredach, ende brochten over te Zinghen ende tHaspre; ende, ommedat zijs hadden zo lettel weerd was ende wel onzalich, liet de bailliu veracoorderen bi rade van sinen meester den bailliu, ter beden van den houden Janne van Speelt, omme 24 ℔.

Van Willekine van Speelt, den bastaerd, ende Gillekine Ronssen, ghecalengiert van denselven sticke, zoe omme de redene dat haerme knechte zijn ende lettel hebben, ende dat zij niet en wisten watter an ghelach, dat zijt daer up de strate vonden ligghende ende mettem brochten, ende daese knechte zijn; pais, ter beden van den heere van der Vichten, omme 12 scilde, valent 14 ℔ 8 s.

Somme, 40 ℔ 8 s.

Ontfaen van coepe ende van doctcoepe in de vorseide doorpe.

Van Janne den Tuerc, die vercochte ½ vierendeel heyghins in Zinghem Janne van den Domple, de roede 9 s., heft 28 s. 7 ½ d.

Van Moenin den Tuerc, van 1 vierendeel weedelands, daer 12 tsjaers utegaet uten bunre te renten, ende alzoevele alst verhandert van doetcoepe, heft 3 s.

Van Janne de Wagheneere, die vercochte Heinric sijnen broeder ½ vierendeel heyghins, de roede 7 s., heft de coep 22 s. 4 ½ d.

Van Janne den Wagheneere, die vercochte Hinric sinen broeder, 1 stixkin niewelands, daer 3 s. utegaet tsjaers uten bunre, ende alsoevele alst verhandert, ontfaen van coepe 2 s.

Van Jans bailliu van der Zickelen in Nasaret, die ontheerfde Boudin Quaettorve van 1 stickelkine niewelands, daer 3 s. tsjaers utegaet uten bunre, ende alsoevele alst verhandert van coepe, 2 s.

Somme 58 s.

Somme van al Haspre ende Zinghem, 43 ℔ 6 s.

Van bastaerden, ende tiendenpenninghen, ende van den mortemeinen, niet ontfaen, in de vorseide doorpen.

Somme van al den ontfanghe bovenghescreven, 127 ℔ 3 s. 8 d.

Dit es dhuudgheven up tvorseide ontfanc.

Eerst, omme de wedden van den bailliu, int avenant van den termine, heffen 6 ℔ 18 s. 8 d.

Item, van dat den bailliu bevolen was, beede metter mond ende bi brieve van Minen gheduchten heere Mijnheere van Vlaendren, dat hi vanghen ende ghecrighen zoude Coppin Bouters, den smet van Husse, ende die doen voeren te Rijssle int casteel, dwelke de bailliu doen dede ende halen tsinen huus, van sinen costen ende diene hielden ende wachten 1 dach ende 1 nacht, 24 s.

Item, van dat hi ochghevoerd was te Rijssle met 4 ghesellen met hem, daerne de lieutenant van den castelein niet ontfaen wilde sonder brief van Minen gheduchten heere, daer 3 ghesellen bi bliven moesten, ende wachten 4 daghe alheer de bailliu vorseid eenen brief ghecreech van Minen

gheduchten heere, ende daer ghesende; te coste van hemlieden, mids 2 huerpaerde, 8 ℔ 8 s.

Item, van 1 bode, die wederquam van Rijssle tAudenarde an den bailliu, ende hem de meere brochte dat men Coppin vorseit niet ontfaen wilde sonder brief, daer hine voert omme zende te Minen gheduchten heere te Brughe, ende metten brieve te Rijssle; te coste van 4 daghen, mids 1 huerpaerde dat hi met hem voerde van Oudenarde, 6 ℔.

Item, van der 4 ghesellen costen, alse zij wederquamen tAudenaerde van Rijssle, ende zine den castelain ghelevert hadden, mids 2 huerpaerde, 4 ℔.

Item, zo was ghevaen een Hannin Coene, up de Zwalme mettien van Ghend, dewelke ballinc was te Ghend, van der doet van Pieter den Smet, van Berghen-up-den-Zoem, meester Hectors cnape, denwelken Mijnheere de Souverein beval met sinen letteren dat menre justicie af dade, die gheëxamineert was; te zeelen, smeere, keerssen, ende der ghesellen costen, diere mede ghemoeyt waren, te coste, 28 s.

Item, van ziere justicien te doene, ghegheven Heynen, Mijns heeren tSouvereins hangheman, 6 ℔.

Item, van zinen costen ende ziere paerdehuere van 1 daghe, dat hi tOudenaerde beiden moeste, ende van 1 man die tgraf maecte, ghegheven, 44 s.

Item, den pape diene biechte, ghegheven 6 s.

Item, van Stevin sBeys bereedscepe, die noch ghevaen leeght tOudenaerde, daer menne gheëxamineert soude hebben, van dat tgheruchte up hem ghinc dat hi soude hebben gheroeft tEename ende int water up Mijns heeren vrienden, daer hiere eene quantiteit bedrouch voor Mijns heeren mannen van Vlaendren, dat hi se over hadde ghesien varen, maer zelve noint over en quam, alzoe hi nam

up zine ziele, dewelke coppie de bailliu overzende Minen gheduchten heere bezeghelt; te coste ghedaen, metten ghesellen diere mede ghemoeyt waren, 24 s.

Item, van dat de bailliu zende Hector van Cadzant, sinen neve, bi Minen gheduchten heere, met 1 brieve van den bedraghe van Stevin de Bey, ende omme Minen gheduchten heere te ghevene te kenne de waerhede van Jacops goede van Oerenbeke, dat de bailliu hadde doen arresteren ende updoen in zijn behoud, daeromme dat scepenen volghden an den bailliu, alsoet dontfanc boven verclaert; te coste van 4 daghen, onder varen ende keeren, ende eer hi handworde hadde van Minen gheduchten heere, 4 ℔.

Item, van 2 pijnres, die tvorseide goet updroughen ende voerden tote sbaillius, die hadden over hare pine 16 s.

ItemGa naar voetnoot(1) zo zende de bailliu bi Minen gheduchten heere 1 bode met 1 brieve, omme hem te kenne te ghevene dat de hoeftpeinters van der castelrien, die hi voor hem ontboden hadde, ommedat hem een brief commen was van beveelne van Minen gheduchten heere, dat zij pointe ende zetten zoude tghelt van 18 serjanten, van 2 maenden te voren, dat zijt niet poeinten en dorsten, zij en haddent teerst ghegheven haren prochien te kenne ende verhaelt an hemlieden, want, alsoe zij seiden, sij haddent lievere zelve te verdienne in serjantrien, met meer woorden daertoe zegghende; te coste van den bode die den brief voerde, mids eenen huerpaerde, van 4 daghen, onder varen ende keeren, ende naer den brief beiden moeste, 6 ℔.

Item, bi beveelne van Mijnheere, Mer Colaerde van den Clijte ende Mer Daneele van Haelwine ghegheven te Jan Hoens, van teeren dat Boudekin ende de meester van den tween steenbossen ende 1 loedbossen, metten poudre datter toebehoert, verteert hadden, doe sij daer laghen ende beiden ende souden hebben ghevaren ten Joncheere van Heedinghen voer Gheeraerdsberghe, daer ze Mijn gheduchte heere ghesent hadde, 6 ℔ 12 s. 6 d.

Item, bi beveelne van 1 brieve van den Ontfanghere, dat de vorseide bailliu betalen zoude Joncfrouwen Margrieten van den Temple van harre lijfrenten, die soe heeft up den moortemein, van den termine van sente Bamesse nu laest verleden, van hare nemende letteren van aquite, die heffen 12 ℔.

Somme, 61 ℔ 14 d.

Ende dontfanc loept 127 ℔ 3 s. 8 d.

Aldus blijct dat de vorseide rowaert ende bailliu sculdich blijft 66 ℔ 2 s. 6 d.

Op den rug: Compte Messire Jehan de Heile, bailliu d'Audenarde, fait à Male le 14^e jour de Janvier l'an -80.

Rol-Rekening, n^r 1202.

Oudenaarde.
C. 1381-1382. (16 September-13 Januari).

Dit es de rekeninghe van Mer Janne van Heyle, rewaert ende bailliu van Audenarde ende van der castelrien, zint den 16^den dach in Septembre int jaer -81 tote den 13^den daghe in Laumaend, ghedaen te Brucghe.

Ontfaen van toeten ende verbuertten in de poert.

Eerst, van Janne den Langhen, die men hiet den Meerlehane, die ghevaen was in de poert ende daernaer ghejusticijert van mueten; hem zo was sculdich de jonghe Jan Sturtewaghen 55 scilde, dwelke den vorseiden rewaerd ghewrought was, ende ghecreech tvorseide gheld, midsdat verbuert jeghen Minen gheduchten heere, mids ziere mesdaet, valent 66 ℔.

Van Jans Meerlehaens moeder, die brochte in Audenarde 5 ℔ gr. tornoyse van haers zoens ghelde, omme hem mede ute te copene jeghen Mer Heinrics liede van Antoengen, diene ghevanghen hadden; dwelke den vorseiden rewaert quam heymeleke ter kennessen bi eenen sinen vriend, die hi beloven moeste ende gheven over sinen salaris van desen ende van dat hi den Meerlehane oec lette in de vanghenesse, daer hi hemzelven ghescat hadde jeghen

Mer Heinrics liede van Antoengen omme 3 ℔ gr., ende soude hebben gheweest ghetelivereert; nemaer omme hem ghegheven hem 1 ℔ gr., dus bleefere 4 ℔ gr., valent 48 ℔.

Van Hinghele van den Cloestre, van Weldine, die broet utedrouch boven verbode, daeromme dat bi ghevaen was; ende galt van der mesdaet, ter beden van goeden lieden, 3 ℔.

Van Willemme den Groeten, die eenen zac met lininen gaerne utevoeren dede boven verbode, daeraf dat hi ghecalengiert was; pais van der calangen vorseit, ter beden van sheeren lieden van Weldine, omme 3 ℔.

Van Christinen Rons, van Zinghem, die coeren utedrouch boven verbode, daeromme dat soe ghevaen was; pais van der calangen, ter beden van den bailliu van Zinghem ende midsdat soe harem es, omme 3 ℔.

Van Pieter Coeren manne, die ghecalengiert was ende ghevaen van dat hi hadde uter poert ghedreghen 8 groets waerds broeds boven verbode; pais van der calaengen, ter beden van sheeren lieden van Steenhuse, midsdat hi Mijns heeren laet es, omme 3 ℔.

Somme, 126 ℔.

Van cuerrechte in de poert, niet ontfaen binnen deser rekeninghen.

Somme van al der poert, 126 ℔.

Ontfaen van heyghinen goede in de castelrie, daer Mijnheere af heeft 15 d. van den ponde.

Eerst, van Pieter Scoshier, die vercochte 1 vierendeel lands in Oedeke Fierine den Heveninen, den hoep omme 24 scilde, heft Mijns heeren coep, 36 s.

Somme, 36 s.

Ontfaen in de castelrie, van boeten ende verbuertten.

Eerst, in de prochie van Bevere, niet ontfaen.

In Eyne, ontfaen:

Van dien van Eyne, an de keldsiede, die een vermac ghemaect hadden jeghen Pieter van den Bossche ende Gillise, sinen broeder, ende jeghen die nu ligghen up thuus te Gavere, dat zij ze niet bernen zouden, ende dit omme eene somme van 20 ℔ gr., die zij hem gheven zouden; dwelke de vorseide vernam ende omboet die van Eyne voor hem, zeide hemlieden dat hem verwonderde dat sij alsoe sostineerden Mijns gheduchts heeren viande, want met ghelde men hem uterleke hoipe, ende zeide voerd dat met betren rechte Mijn gheducht heere sculdich ware te hebbene dan zij die zine viande zijn; ende, midsdat verboden was Mijns heeren viande te sostineerne, zeide dat hi alsoevele hebben wilde te Mijns gheduchts heeren bouf vorseid, ommedat zij hem alsoe sonder oriof mesuseert hadden; dwelke zij daden, ende gaven den rewaerd 20 ℔ gr. tornoys, valent 240 ℔.

In Heurne, niet ontfaen.

In Audighem, niet ontfaen.

In Nazaret, niet ontfaen.

In Mullen, niet ontfaen.

In Husse, ontfaen:

Van Janne den Besten, die sculdich was, van der sepultueren van Jan Wouters doede, der keerken van Sente Pieters ende den Frerenmineurs in Ghend, 35 scilde, bi zeggherscepe van Raessen van Heerzele in sinen tijt; ende, midsdat de rewaerd vant dat ze

Jan de Beste noch sculdich was ende zij noch Mijns heeren viande zijn, so ontfinc hi de vorseide 35 scilde, valent 42 ℔.

Item, van denzelven ontfaen van Jacop Knudden, van sinen deele van dat hijs sculdich was van der vorseider sepulturen den vorseiden keerken, dat heft 12 ℔.

Van Hannijn Mannekine, die verbuerde eene peine van 60 ℔ par., ommedat hi slouch Gillis Zeegaerde, sinen oem, metten vusten boven den paise, die damman van Audenaerde maecte Miere vrouwen bailliu van den Baren, omme twelke hi ghevaen was ende de peine overghegheven bi partien; dewelke peine was besproken te gane ende te deelne in drien, deen derdendeel Mijn here, dander Miere vrauwen van den Baren, ende terde partien, die tsegghen ende den pais wel hilden; pais van Mijns heeren deele, ommedat hi mate was, omme 15 ℔.

In Lede, niet ontfaen.

In Wannendighem, ontfaen:

Van Wille van den Hassche, die berucht was ende daernaer ghevaen bi beveelne van den rewaerd up her Jan Barnaegs heerscip te Wannendighem, ommedat hi sine twee sonen hadde ghehuust ende ghesostineert bi daghe ende bi nachte, die twee quade knechte zijn, muetemakers in Ghend wonende, ende vele quaeds ghedaen hebben in de castelrie, contrarie Minen gheduchten heere; pais, ter beden van scepenen ende van Mer Janne Barnagen, omme 3 ℔; dies ghegheven, diet voertbrochte, ende 10 ghesellen diene haelden te voet, midsdat menre qualijc rijden mochte, een pond gr., dus blijftere te Mijns gheduchts heeren bouf, 24 ℔.

In Oedeke, niet ontfaen.

In Autem, ontfaen:

Van Diedelin Barins, die ghecalengiert was ende ghevaen tAudenaerde, ommedat soe haren waghene ende parden volghede, die met coerne te Ghend voeren sonder orlof van den rewaerd; pais van der calaengen, ter beden van den bailliu van Autem, Mijns heeren bailliu van den Gruuthuse, omme 30 s. gr.; dies ghegheven denghenen diet voerd brochte, 10 s. gr., dus blijftere te Mijns gheduchts heeren bouf, 12 ℔.

Van Jacoppe van den Brouke, die ghecalengiert was ende ghevaen, ommedat hi te Ghend ghinc sonder orlof van den rewaerd, ende volghede sinen waghene met coerne, ende vercocht daer, ende brocht thuus met hem zijn gheld; pais van der calaengen, ter beden van vele goeden lieden, ende midsdat hi harem es ende met 7 cleenen kindren, omme 4 pond gr.; dies ghegheven den onderbailliu over sine pine, ende den ghesellen dier mede waren daer hi ghevaen, 1 pond gr., dus blijftere te Mijns gheduchts heeren bouf 36 ℔.

Van Arent van Mayeghem, die ghecalengiert was ende ghevaen tAudenaerde, ommedat hij sinen knape ten 4 stonden hadde ghesend met coerne te Ghend, dat die van Ghend ghenomen hadden up Mijns heeren muelnen van den Gruuthuse tAutem ende elre int doerp, ende al sonder orlof of consent van den rewaert; pais van der calaengen, ter beden van scepenen van Audenaerde, daer hi poerter es, ende den bailliu Mijns heeren van den Gruuthuse, omme 72 ℔.

Van Hosten den Vromeleken, die ghecalengiert ende ghevaen was, ommedat hi hem van den gheliken ghemesuseert hadde, ende voert coeren vercochte te Ghend, dat hem ghenomen was, ende volghede sonder orlof; pais van der calaengen, ter beden van den bailliu van Hayshove Mijns heeren van den Gruuthuse ende van velen goeden lieden, omme 84 ℔.

Van Jacop Knudden, die ghecalengiert was ende ghevaen tAudenaerde van denzelven sticken ende mesusanchen vorseid, ende dat hijt dede sonder orlof ende boven den verbode Mijns gheduchts heeren van Vlaendren, dat tAudenaerde gheboden was bi sinen brieven bevolen; dewelke Jacop poerter es tAudenaerde, ende wilde met siere poertrien quite gaen ende wet ende vonnesse daer hebben; van denwelken de rewaerd overscreef Minen gheduchten heere sine mesdaet ende mesusanchen, ende beval den rewaerd dat hine hem zenden zoude te Brugghe, alsoe hi dede tsinen commandemente, daer de vorseide zinen pais zelve maecte, van siere mesusanchen te Mijns gheduchts heeren bouf, omme 60 pond gr., valent 720 ℔.

In Ansdighem, niet ontfaen.

In Worteghem, ontfaen:

Van den borghen van den zoendinghe van der doet van Janne van den Hoede, dies dachterste paijement viel nu te sente Bamesse, daeran dat deelden in deen derdendeel Jan Boterman ende Jan Wanzele, die nu wonen in Ghend ende quade harghe liede zijn, contrarie Minen gheduchten here van Vlaendren; daermede verbuert es haer deel jeghen Minen gheduchten here vorseid, dwelke draeght 2 pond gr., die de rewaerd ontfinc, valent 24 ℔.

In Tijdeghem, Caster, Keerchove ende Waermaerde, niet ontfaen.

In Avelghem, Oeteghem, Ingoedeghem ende Eestert, niet ontfaen.

In Mouden, Wareghem, der Vichten, Ghyselbrechteghem, niet ontfaen,

In Auterive, Bosshuud, Peteghem ende Moerighem, niet ontfaen.

Somme van den ontfanghen ende verbuertten in de castelrie, 1281 ℔.

Ontfaen van den mortemeine in de castelrie.

Eerst, van Janne den Stael, in Oedeke ghestorven up Mijns heeren heyghin van Vlaendren; van hem quam een coe ten besten cateille, verdinght omme 3 ℔ 12 s.

Van Katelinen Staels, in Oedeke ghestorven up Mijns heeren heyghin van Vlaendren; van hare quam een coe ten besten cateille, verdinght omme 3 ℔.

Van Beelen van den Brouke ende van haren zoenkine, in Oedeke ghestorven up dheyghin; van hembeeden twee coye, verdinght omme 7 scilde, valent 8 ℔ 8 s.

Van Heinen van den Boengaerde, sinen vader ende ziere moeder, in Oedeke ghestorven up Mijns heeren heyghin, die men alle metter haelmoessinen houden moeste; van eenen beddekine, over hem allen verdinght, want int huus en was niet els, omme 26 s.

Van Gheenin Wanzele, in Husse ghestorven; van hem quam 1 bedde ten besten cateille, verdinght 24 s.

Van Lijsbetten Gommins, in Husse ghestorven, Pieters sBruwers wijf was, ende van Neeskine ende Kallekine, haren dochtren, ende al up dheyghin Mijns heeren van Vlaendren; ende van dat Gillis Diedericx wijf, die te Ghend woend, int goed deelachtich was, daermede dat zoet verbuert heeft jeghen Minen gheduchten here vorseid, ende es twalefte deel van Betten goede vorseid; pais ende verdinc ghemaect van al bi goeder informatien van den ghebuers, ende gheprijst omme 20 ℔.

Van Betten sKleersch, in Husse ghestorven; van hare quam 1 coe, verdinght omme 48 s.

Van der joncvrouwen Stuers, in Husse ghestorven, daer partien af zeiden dat zoe stond ter Weeden ten ghemitte, daer de rewaerd niet af en wilde houden, en hadde hem gheweest bevolen van boven, mids-

dat noch in wette hinc in daudiencie Mijns heeren van Vlaendren; van hare quam een meerikin ten besten cateille, verdinght omme 6 ℔.

Van Beatricen Forets, in Ansdighem ghestorven up Mijns heeren heyghin; van hare quam 1 meerie, verdinght omme 6 ℔.

Somme, 51 ℔ 44 s.

Somme vah al den ontfanghe in de castelrie, 1334 ℔ 13 s.

Van bastaerden ende tiendenpenninghen, niet ontfaen binnen deser rekeninghen.

Ontfaen van pachte ende van lijfrenten van poerters goeden, nu in Ghend zijnde, contrarie Minen gheduchten here van Vlaendren, daermede hare pachten ende renten verbuert zijn, die zint der rekeninghe ende te Kerssavonde nu verleden ghevallen zijn.

Eerst, in de prochie van Husse, ontfaen:

Van Daneele Hangheraven, die jaerlix sculdich es Mergrieten Hosts te haren live 4 ℔ par. telken Kerssavonde, beset up haer land ende stede te Losere, ende naer hare doet eist Daneels eerve; ontfaen van hem den vorseiden pacht, 4 ℔.

Van Feinsis Ghysels, die in pachte houd van Willem Heermanne, nu in Ghend wonende, 3 vierendeel lands in de prochie van Husse, omme 5 ℔ 7 s. tsjaers; te Kerssavonde ontfaen van hem, 5 ℔ 7 s.

Van Pieter Wallaerde, die in pachte houd van Willem Rabbijt 1 vierendeel lands in Husse, omme 30 s. tsjaers, te Kerssavonde ontfaen van hem, 30 s.

Van Diederic Bouters, die in pachte houd eene plaetse van lande van Lauwereins hoeyre van Westvoerde, omme 12 ℔ tsjaers, deen heelft te Kers-

savonde ende dander heelft te sente Jans messe; ontfaen van hem den pacht van nu Kerssavonde, 6 ℔.

Item, noch van Diederic, van sinen pachte die hi houd van Eeveraerde van Zwijnaerde ende sinen medepleghers, plaetsen van lande onghemeten, omme 30 ℔ tsjaers, daeraf dat hi ter andre rekeninghen betaelde 12 ℔, ende nu te desere 18 ℔.

Van Pieter den Stuer, die in pachte houd van Gillis Losschaerde 1 bunre lands, omme 8 scilde tsjaers, te Kerssavonde ende te sente Jans messe telken de heelft; ontfaen van hem, 4 ℔ 16 s.

Van Willem Bouters, die in pachte houd een plaetse van lande jeghen den here Lodewijc van Oesterzele, priester, die te Camerike woend, daerin dat deelen weesen van Ghend, Lauwereins hoeyr van Westvoerde, in eene cleene quantiteit, dat jaerlix heft 3 scilde, dies zij betaelden deelt ter laetster rekeninghe ende nu dander, dat heft 36 s.

Van Goessin Bouters, die van denzelven here Lodewijke ende weesen houd in pachte 1 lettel lands, dat heft 12 s.

Van Willem Royaerde, die in pachte houd 2 bunre winnendelands ende weede, omme 16 ℔ tsjaers jegheu Raes wedewe van Heerzele, te seute Jans messe ende te Kerssavonde, telken deelft; daeraf dat hi betaelde deelft te sente Jans messe ende nu dander, dat heft 8 ℔.

Van Janne den Backere, in Husse, die in pachte houd van der wedewen Raes van Heerzele 3 vierendeel lands, die brake ligghen, ende hem niet ghenaecte no zaide, mids den verbode dat ment zoude laten ligghen, up twelke land groet ghers wies, ende men consenteerde hem sine beesten daerup te doene, midsdat hi gheven zoude te Kerssavonde 5 scilde, dewelken hi gaf, valent 6 ℔.

Van Heinric Gommins, die in pachte houd van der vorseider wedewen ½ bunre meerssche omme 7 ℔, te Kerssavonde vallende tsjaers, ontfaen van hem 7 ℔.

Ende Mijnheere Daneel van Haelwine, maerscalc van Vlaendren, heeft hand ghesleghen ende ghecalengiert onder Janne Pale, Jan den Tros, Jan den Smet van Groeninghen, Willem den Witten ende onder Mergrieten sTros, den pacht van den leenen ende landen ligghende in Husse, dat men al houd van Mer Janne Villein, dat toebehoerd Mer Heinric den Jonghen, nu in Ghend wonende, die tsjaers gheld te sente Marien Lichtmesse 12 ℔ gr. tornoys, lettel min ofte meer, ende de pachters vorseid hebben hem den pacht ghegheven ofte belooft te ghevene.

Somme van Husse, sonder mer Heinrics sJonghen pacht, heft 63 ℔ 12 d.

Ontfaen in Audighem, Wannendeghem ende in Oedeke:

Van Janne Weitins, die in pachte houd eene tiende ligghende in Audighem, die toebehoerde Lauwereins hoire van Westvoerde, nu in Ghend wonende, die jaerlix pleeght te gheldene 30 ℔ par. te elken Kerssavonde; daeraf ghegheven ter laetster rekeninghen 44 s., die hi verdinghde over de vlastiende ende zaettiende; ende, midsdat nu groet belet ende scade es ghedaen aldaer de vorseide tiende loept met Mijns heeren herre, datter in vele steden doer lijden moeste, ende dat Mer Heinric sJonghen goed te Lanchacken, dat sine es tsinen live, dit jaer al verloren bleef up tvelt, dat ter vorseiden tienden toebehoort, ende midsdat sine scade groet es, pais, ter beden van scepenen daer hi poerter es, omme 18 ℔.

Van Janne van der Beke, in Wannendighem, van sinen pachte, die hi houd van Hannekine van den

Boengaerde, poerter in Ghend, 5 halster bruuns coerens van 1 lettel lands ligghende in de vorseide prochie, gheprijst elc halster 11 s., heft 55 s.

Item, houd hi noch van Hannekine vorseid 1 lettel lands, dat leeght in de prochie van Wannendeghem, dat tsjaers gheld te Kerssavonde 5 halster eevenen, gheprijst elc halster 7 s.; ontfaen van hem, dat loept 35 s.

Van Wouter van der Beken, die in pachte houd van Janne Hansselin, die men heet van Eesterbeke, ½ bunre lands ligghende in Wannendeghem, dat tsjaers gheld 42 s. te Kerssavonde, ontfaen 42 s.

Van Meeuse van den Brouke, die in pachte houd 3 vierendeel lands ligghende in Wannendeghem, van Janne van Eesterbeke of Ansselin, omme 3 scilde tsjaers te Kerssavonde, valent 3 ℔ 12 s.

Van Marien van der Gooten, die in pachte houd van der joncvrouwen van der Coorben 2 bunre ende ½ vierendeel lands, ligghende in Oedeke, omme 19 ℔ sjaers, te Kerssavonde ende te sente Jans messe vallende telken de heelft, daerof zoe betaelde 10 ℔ ter laetster rekeninghen, ende nu te Kerssavonde 9 ℔.

Ende dit es haer achterste jaer ende gaet haer pacht ute, alsoe zoe zeit.

Van Janne Meermanne, die in pachte houd van Boudin van Loe ende Janne den Hudevettere plaetsen van lande, ligghende in Oedeke onghemeten, die tsjaers ghelden ie Kerssavonde 4 scilde, valent 4 ℔ 16 s.

Somme, 42 ℔.

Ontfaen in Eyne, Worteghem, Ansdighem, Peteghem ende Elsseghem:

Ontfaen van Jan Ghuussen, den Bruecelleere, die houd ½ vierendeel lands in Eyne, dat toebehoort

Fierin van Heurne, 1 visschere in Ghend, omme 30 s. tsjaers te Kerssavonde, ontfaen van hem 30 s.

Van Janne Vlaminc, die in pachte houd 1 hofstedekin ligghende in Eyne, te Rubrouc ant Hec, jeghen joncvrouwen Hyden van Heerleghem omme 3 ℔ 10 s. tsjaers ende 2 cappoene, die gheprijst waren 7 s., vallende te Paesschen, alsoelanghe als zijn wijf leeft; ende hi brochte de vorseide rente, ende had ze alsoelief nu te betaelne alse langhere te beidene; ontfaen van hem 3 ℔ 17 s.

Ende joncvrouw Hyde vorseid heeft staende ende ligghende in de prochie van Eyne een goed, dat men heet tHeerleghem, dat groet es 13 bunre ende leeght al ledich ende stragiers, ende al datter tsjaeren up was bleef verloren ende vortte up tvelt, ende het pleeght tsjaers te gheldene 10 ℔ gr., lettel min ofte meer.

Van der wedewen Roelands van Heurne ende van haren zone ende Lijssen Voets, die bilevinghe sculdich zijn Clayse den Drayere, 1 weesen die hi in voeghdien houd, ende Katelinen van den Abbeele, die alle in Ghend nu wonen, 7 ℔ 14 s. tsjaers, te Kerssavonde vallende; ontfaen van hemlieden 7 ℔ 14 s.

Van Jacop den Scietere, die in pachte houd van Janne van Nieneve eene quantiteit van 12 bunren, ofte daeromtrent, lands in Worteghem, dat tsjaers gheld 30 ℔ par., daeraf hi betaelde deelft te sente Jans messe ende 15 ℔ te Houste, alse hijt ontvroomde, die ter laetster rekenninghen gherekent waren; ende nu van hem ontfaen te Kerssavonde tsorpluus, dat draeght 15 ℔.

Van Willekine Gavermanne, die de tiende van Worteghem dit jaer verleden gaderde, die toebehoert, deen derdendeel den prochipape, dander Janne Cabeil-

liau, Mijns heeren zone, ende terde Jueris Zoetamijs kindren, poerters in Ghend, daeraf dat ter laetster rekeninghen betaelt was tgheld van den grane, ende te sente Bamesse viel tgheld van den stroe, dat elcs deel drouch van den drien, Gavermans huere afghesleghen, diet gaderde, 10 ℔.

Van Janne van Lede, die in pachte houd van Hannekin van Lede, 1 weese in Ghend, 1 ½ vierendeel lands, ligghende in Ansdighem, omme 48 s. tsjaers te Kerssavonde; ontfaen van hem 48 s.

Van Janne van der Weeden, die in pachte houd van Jans weduwe van der Muelen, die up de Zwalme doetbleef, contrarie Minen gheduchten heere, ende van eere weesen in Ghend nu wonende, 1 plaetse van lande onghemeten, omme 15 scilde tsjaers, daeraf dat toebehoort poerters van Audenaerde ende landlieden in de castelrie deen vierendeel, ontfaen de driedeel, die Mijnheere toebehoerden, die heffen 13 ℔ 10 s.

Van Janne Ghyseline, van Worteghem, die in pachte houd 3 bunre lands, ligghende in Peteghem up dende van den Driessche, van joncvrouwen Wouborghen Cruudpennincs, elc bunre omme 7 ℔ tsjaers, te Kerssavonde vallende; ontfaen van hem den pacht vorseid, die loept 21 ℔.

Van Willem Baeuden, die sculdich was achterstellen van pachte van den goede ten Doerne, 36 ℔ par., der wedewen Pieters van den Borne, poertesse in Ghend; dies ghegheven Jan Rijme, diet voertbrochte over sinen dienst, 10 ℔, dus blijftere te Mijns heeren bouf 26 ℔.

Item, van Willem Baeuden, die sculdich was der vorseider wedewen, van harre bilevinghen up tgoed te Doerne, 3 ℔ gr., te Kerssavonde; dies gaf hi ter laetster rekeninghen 10 ℔, ommedat hi zijn coeren indoen zoude, en nu tremenant, dat heft 26 ℔.

Ende een deel van der tienden van Elssighem behoert toe Michiel Pielvaken, poertere in Ghend, ende es tsjaers weerd, alsoe men zeeght, 6 ℔ gr.; daer de rewaerd niet af ontfaen heeft, midsdat Mijn gheduchte heere beval met sinen brieven, dat ze Goessin Heinrics van Helssighem gadren ende updoen zoude, tote hiere ander bevel van hem af hebben zoude.

Somme van desen doorpen ende prochien vorseid, 126 ℔ 19 s.

Ontfaen in de prochien van Autem ende van Nokere:

Eerst, van Janne den Vlaminc, van den pachte die hi houd van Arent Cabeilliaus ende van Symoen ser Thomaes, van Ghend, daer hi deelft an deelt, 1 plaetse van lande ligghende in Autem, omme 12 scilde tsjaers te sente Bamesse; ontfaen van Symoens weghen Mijns heeren deel, 6 scilde, valent 7 ℔ 4 s.

Van Saren Stueperaerds, van den derdendeele van 3 ℔ par., die soe sculdich es Symoene ser Thomaes, tsjaers van pachte, daeran dat poerters van Audenaerde deelen de tweedeel; ontfaen zijn derdendeel 20 s.

Van Grielen sRuucs, van den pachte die soe houd van den vorseiden persoenen, daer Symoen tderdendeel an heeft, die tsjaers heft 3 scilde; ontfaen zijn derdendeel, dat heft 24 s.

Van Gillis den Vlaminc, van den pachte die hi houd van denzelven Symoen ser Thomaes vorseid, die heft zijn deels te Kerssavonde, 10 s.

Van Pieter Andries, die in pachte houd van der joncvrouwen van der Coorben 3 bunre lands in Autem, omme 20 ℔ 8 s. tsjaers, te sente Jans messe ende te Kerssavonde telken deelft, daeraf dat hi betaelde deelft te sente Jans messe, ende nu te Kerssavonde dander heelft, die loept 10 ℔ 4 s.

Van Willem ende Jacop Knudden, die in pachte houden 1 boengaerd in Autem, van der joncvrouwen van der Coorben ende van Janne, haren zone, omme 48 s. tsjaers, te sente Jans messe ende te Kerssavonde telken deelft; ontfaen van nu Kerssavonde deelft, dat heft 24 s.

Item, van den vorseiden Willem ende Jacop Knudden, van haren pachte die zij houden van der joncvrouwen van der Coorben ende van Janne, haren zone, 5 ½ vierendeel lands in Autem, omme 12 ℔ tsjaers, ten tween payementen, te Kerssavonde ende te sente Jans messe, dies zij betaelden deelft ten laester rekeninghen, ende nu te Kerssavonde dander heelft, die heft 6 ℔.

Van Gillekin van Mengau, die in pachte houd van Jans hoire van Ghend, of van Synay, 1 bunre lands ligghende in Autem, bi den hove ende vivere tHayshove, omme 7 scilde tsjaers te Kerssavonde, valent 8 ℔ 8 s.

Van Lippine van den Houte, die in pachte houd van Boudin van Loe 3 vierendeel lands in Autem, bi der molen te Hayshove ligghende, omme 3 ½ scilde tsjaers te Kerssavonde, valent 4 ℔ 4 s.

Van Goessine den Hudevettere, die in pachte houd van Pieters wedewe van den Borne 1 plaetse van lande in Autem, omme 3 scilde tsjaers te Kerssavonde, valent 3 ℔ 12 s.

Van Janne den Sloevere, die houd in pachte 1 ½ vierendeel lands in Autem, omme 3 scilde tsjaers te Kerssavonde van der vorseide wedewen; ontfaen van hem 3 ℔ 12 s.

Van Janne ende Willemme Knudden, Wouter Knuds kindre, die sculdich zijn Janne van den Brouke, den temmerman, van Ghend, 13 halster coerens te Kerssavonde te sinen live, elc halster verdinght omme 12 groeten, valent 7 ℔ 15 s.

Van Jacoppe van den Brouke, die sculdich es Janne van den Brouke vorseid tsinen live 12 ℔ parisis tsjaers te sente Marien Lichtmesse, beset up Jacops eerve vorseid in Autem; ontfaen van hem 12 ℔.

Van den kindren Knuds vorseid, die in pachte houden van Janne van den Brouke vorseit parcheelkine van lande in Autem, omme 3 scilde tsjaers te Kerssavonde, valent 3 ℔ 12 s.

Van Janne van Loe, van sinen pachte, die hi houd van Boudin van Loe 1 bunre lands in Autem, dat tsjaers gheld 6 ℔ 6 s. tsjaers, te Kerssavonde vallende; ontfaen van hem 6 ℔ 6 s.

Van Hosten den Walf, die houd in pachte van Heinric Springintgoed ½ vierendeel meersche in Autem, omme 36 s. tsjaers te Kerssavonde, ontfaen 36 s.

Van Gillis van Zevencote, die in pachte houd deelft van den goedekine ten Borne, ligghende in Autem, jeghen Hosten van der Brugghen, dat tsjaers gheld 30 s. te Kerssavonde; ontfaen van hem 30 s.

Van Gillekine den Molenmeester, die in pachte houd van Jan Pijpen ende van Janne, sinen zone, 3 vierendeel lands in Autem, dat tsjaers gheld 3 scilde te Kerssavonde, valent 3 ℔ 12 s.

Van Janne den Backere, die in pachte houd van der joncvrouwen van der Coorben drie bunre lands omme 24 ℔ tsjaers te Kerssavonde; ende, ommedat hi groete scade heeft ghehadt van dien van Ghend ende ghevaen was, hem gracie ghedaen ende verlaten, ommedat een goed cnape heet, omme 20 ℔.

Van Goessin van der Borch, die in pachte houd van Gillis den Zuttere plaetsen van lande, omme 9 ℔ 12 s. sjaers, ligghende in Autem, te tween payementen, vallende te sente Jans messe ende te Kerssavonde deelft telken; daeraf ontfaen van hem deelft ter

laetster rekeninghen ende nu dander te Kerssavonde, dat heft 4 ℔ 16 s.

Van Wouter de Muelenmeester, die in pachte houd een vierendeel lands in Autem, dat thoebehoert Heinrike Springintgoed ende sinen broeder, die vriend es Mijns heeren, dat tsjaers gheld 54 s., te sente Jans messe ende te Kerssavonde teeken de heelft; dies betaelde te sente Jans messe verleden deelft ende nu te Kerssavonde dander heelft, dat heft 13 s. 6 d.

Van Janne den Princh, die in pacht houd van Matthijs Amijs 11 bunre lands in Autem, elc bunre omme 4 scilde tsjaers, dat comt 44 scilde, te sente Jans messe deene heelft, die hi doe betaelde, ende dander te Kerssavonde vallende, daeraf hi betaelde van renten tHayshove 3 halster eevenen, elc halster gheprijst 7 s., dat loept 21 s., ende. 1 ½ hoen gheprijst 3 s., dus blijfter ontfaen te Mijns heeren bouf, 25 ℔ 4 s.

Van Willem van Maeyeghem, die in pachte houd van Clays den Bliec 1 plaetse van lande onghemeten, in Autem, omme 14 scilde tsjaers, te tween terminen vallende, te sente Jans messe ende te Kerssavonde telken deelft; ontfaen van hem de heelft te sente Jans messe, ende nu dander heelft te Kessavonde, dat heft 7 ℔ 16 s.

Van Janne den Princh, die in pachte houd van Janne den Joncheere 14 bunre lands in Autem, omme 4 ℔ gr. tsjaers, ten tween paijementen, daeraf dat de heelft betaelt was te sente Jans messe, ende nu te Kerssavonde so valt dander, dies gaetter af te renten te Hayshove, onder in evenen, hoennen ende pennincrenten ende broeden, 51 s. 6 d., dus blijftere ontfaen te Mijns heeren bouf, 21 ℔ 8 s. 6 d.

Van Jacoppe van der Varent, die in pachte houd van Janne den Joncheere vele stixkine lands onghemeten, in Autem, omme 9 scilde tsjaers, te tween

paijementen, daeraf dat hi deen galt te sente Jans messe ende nu dander te Kerssavonde, valet 5 ℔ 8 s.

Van Leins Sloeven, die in pachte houd van Pieters wedewe van den Borne 1 lettel lands in Autem omme 3 ℔ 6 s. tsjaers, ten tween paijementen, dies betaelde hi deelft te sente Jans messe, de rente afghesleghen, die drouch 6 s., die hi galt tHayshove, ende nu dander te Kerssavonde, dat heft 30 s.

Van Wouter den Molenmeester ende Janne van Weldine, die sculdich zijn Janne van der Coorben te sinen live 40 s. tsjaers te Kerssavonde, beset up ½ bunre lands in Autem, ontfaen 40 s.

Van Pieter van der Varent, die in pachte houd van Janne den Joncheere 1 quantiteit van lande in Autem, onghemeten, omme 8 ℔ tsjaers, te tween paijementen, dies betaelt deen heelft te sente Jans messe ende dander heelft nu te Kerssavonde, heft 4 ℔.

Van Goessin Tassins, die sculdich es jaerlix Janne van der Coorben 7 ℔ par. te sinen live te Kerssavonde, beset up parcheele van lande ghenoumt ligghende in Autem, ontfaen van hem 7 ℔.

Van Heinen van der Leyen, die in pachte houd van den hoere ende van der wedewen Pieters van den Borne 10 vierendeel lands in Autem omme 7 scilde tsjaers, dies der wedewen nu in Ghend wonende deene heelft in bilevinghen toebehoert, ende dander heelft den hoere, die wonen in de castelrie ende vriende zijn Mijns heeren; ontfaen der wedewen deel, dat nu viel te Kerssavonde, dat loept 4 ℔ 4 s.

Van Gillis van den Upstalle, die in pachte houd van Willem den Kimpe 1 hofstede, die leeght in Nokere, ½ bunre groet, omme 3 ℔ 18 s. tsjaers te Kerssavonde, dies ghegheven te renten 12 s., dus blijftere 3 ℔ 6 s.

Van Lijsbetten Mayhus, die in pachte houd van

Zoetin, harre dochter, 1 lettel lands in Nokere omme 10 s. tsjaers, te Kerssavonde vallende, ontfaen van hare 10 s.

Van Janne Ghyselin, in Nokere, die in pachte houd van der wedewen Pieters van den Borne 1 vierendeel lands, dat leeght in Nokere, omme 30 s. tsjaers te Kerssavonde, ontfaen van hem 30 s.

Ende, in al dander prochien in de castelrie, van pachte ende renten, niet ontfaen.

Somme van Autem ende Nokere, 193 ℔.

Somme van al den ontfanghen van den pachten ende renten vorseid, heft 425 ℔.

Ende, in de prochie van Avelghem staet een goed, dat toebehoert Heinric van Adeghem, van Ghend, ende dat jaerlix gheld in pachte omtrent 10 ℔ gr, dies Mijnheere van Steenhuse heeft ontfaen van den pachtre binaer den pacht over scult die hem Heinric vorseit sculdich es, ende dat wilt hi verhandworden, waers te doene, sal zijn, alsoe hi den rewaerd omboet bi sinen letteren tAudenaerde.

Ontfaen van den baillien van Haspre ende van Zinghem bi Lauwerze van Loe, daer bailliu zijnde, ende eerst van boeten ende verbuerten.

Van den her Pieter van den Hecke, die de cuere van Haspre heeft naer ser Gillis Smeeds, prochipapen, lijf omme 60 ℔ tsjaers tsinen live, dewelke her Gillis vorseid in Ghend es, ende zijn zone, de pape Hannekin, alsoe utenemende quaed ende contrarie Minen gheduchten here zijn, alse eeneghe in Ghend naer hare macht, alsoet blijct, want de vorseide pape Hannekin, zijn zone, heeft al dit jaer gheleghen meest int casteel te Gavere metten vianden, ende heeft

gheroeft, ghebrantscat up Mijns heeren vrienden ende holpen doetslaen, alsoe hijs hem beroumt heeft; ontfaen van zijns vader cuere van der prochien van Haspre, van nu Kerssavonde, den pacht, die draeght 30 ℔.

Van dien van Haspre ende van Zinghem, die ghedreeght waren te verbernene van dien van Gavere die int casteel ligghen, ofte zij moesten hemlieden gheven 10 ℔ gr., omme twelke zij quamen an den rewaerd tAudenaerde, ende baden hem omme orlof ofte wat zij best doen mochten, die hem verhandworde ende zeide dat hijs hemlieden gheenen orlof gheven zoude, maer verzaghen hem wat zij daden ende dies wel wachten, want, alsoevele alse si dien van Gavere gaven, die Mijns heeren viande zijn, alsoevele zo zoude hi hebben van hemlieden te Mijns heeren bouf vorseid, omme sinen viande daermede te wederstane; ende, midsdat sij tvorseide gheld dien van Gavere gheven moesten ofte haer ghere doen, alzoe zij zeiden, so ontfinc de rewaerd van hemlieden oec alsoevele, 10 ℔ gr., te Mijns gheduchts heeren bouf, valent 120 ℔.

Van dat de rewaerd vercochte een lettel vruchten, die stond up Pieters ende Ghisels land van den Bossche in Zinghem, langhe naer der prochessien van Doernike, ende waerd verloren, ende galt 6 ℔.

Somme, 156 ℔.

Ontfaen van coepe ende den moortemeine in de vorseide doorpe.

Van Jan Zeghers, die vercochte 24 ℔ par. tsjaers ten live van Betkine, Gillis Cabbelliaus dochter, der nonnen, beset up 3 bunre weedelands in Zinghem, daer 12 s. tsjaers utegaet te renten ute elken bunre, ende alsoevele alst verandert, daeraf dat de coep draeght van den vorseiden 3 bunren, 36 s.

Item, van Janne Zeghers vorseid, die vercochte 12 ℔ par tsjaers te Janen bouf, Gillis dochter van der Crayen, der nonnen, tharen live, beset up een bunre weedelands, daeraf dat de coep draeght 12 s.

Item, zo eist noch beset up een bunre heyghins in Zinghem, daer 15 d. utegaet van den ponde, gheprijst den penninc up 7, heft den coep hieraf 52 s. 6 d.

Van Martin den Wanre, in Zinghem gestorven; van hem quam 1 bedde ten besten cateille, verdinght 36 s.

Van Gillis Ronssen, in Zinghem ghestorven; van hem quam een coe ten besten cateille, verdinght omme 48 s.

Van den vijfsten deele van 8 ℔ par., dat naer sine doet bleef, dat verstaerf up Raessin, sinen broeder, die nu leegt int casteel te Gavere, dat draeght 32 s.

Van Grielen sMolenmeesters, in Zinghem ghestorven; van hare quam 1 froxkin, vercocht 24 s.

Van Gillis den Molen meester, die in Zinghem staerf; van hem quam 1 bedde ten besten cateille, verdinght omme 40 s.

Somme 14 ℔ 6 d.

Ontfaen van pachte ende van renten van poerters goeden, in Ghend wonende, in de vorseide doorpe.

Eerst, van Zegher den Heect, in Haspre, van 1 plaetse van lande die hi houd van Jacop van Wettre omme 4 ℔ tsjaers, te Kerssavonde vallende; ontfaen van hem 4 ℔.

Van Zegher Luucs, die in pachte houd van der joncvrouwe van den Steengracht 6 vierendeels lands in Zinghem omme 11 ℔ par. tsjaers, te Kerssavonde vallende; ontfaen van hem 11 ℔.

Van Gillis Kellin, die in pachte houd van Jacop Soys zone 1 weede, die leeght int goed te Ghuleke

in Haspre, omme 24 s. tsjaers, te Kerssavonde; ontfaen van hem 24 s.

Van Wouter Heusen, die in pachte houd van Symoene van der Zoorghen 6 vierendeel lands in Haspre omme 7 ℔ 4 s., vallende tsjaers te Kerssavonde; ontfaen van hem 7 ℔ 4 s.

Van Wouter van den Heede, van den pachte die hi houd van Gillis den Harden, 1 lettel lands in Haspre, omme 48 s. tsjaers, dies betaelde hi de heelft te sente Jans messe, ende nu dander heelft, die heft 24 s.

Van Pieter Hinghels, die in pachte houd van Jacop Soys zone 1 coeghers, dat leeght in Haspre int goed te Ghuleke, omme 3 ℔ tsjaers, dies galt hi deene heelft te serite Jans messe, ende nu dander helft, die loept 30 s.

Van Jan Heuzen, Berghen, die in pachte houd van Janne van Wassinhove 1 plaetse van lande onghemeten, omme 12 ℔ par. tsjaers, vallende ten tween paijementen, daeraf dat hi nu te Kerssavonde galt deene heelt 6 ℔, ende dander heelft valt te sente Lauwerens daghe; ende dit es zijn eerste pacht ende deerste jaer, alsoe hi zeeght.

Van Janne Losschaerde, die de pratrie van Haspre ende van Zinghem heeft in pachte jeghen der joncvrouwe van der Steengracht omme 24 ℔ par. tsjaers, te Kerssavonde; dies es soe hem sculdich 1 froc ende 1 capproen tsjaers, die men hem pleeght af te slane 3 ℔ par.; ende, mids der redenen dat binaer al de vrucht ende meersch in Haspre tsjaeren verloren bleef, ende daer niet en hadde van zinen rechte, ende in Zinghem lettel, ende groete scade daeraf, heeft hem gracie ghedaen, midsdat een wel mate cnape es, ter beden van goeden lieden, omme 12 ℔.

Van Gillis van der Stichelen, die in pachte houd

van Jacop Soys zone 1 lettel ghers int goen te Ghuleke tHaspre; van hem ontfaen den pacht nu te Kerssavonde, die loept 40 s.

Van Zegher Naessins, die in pachte houd van Christien Buucs 1 vierendeel lands in Zinghem; van hem ontfaen den pacht te Kerssavonde, die loept 32 s.

Van Mergrieten Luucs, die in pachte houd van der joncvrouwe van der Steengracht drie bunre lands in Zinghem omme 18 ℔ par. tsjaers, ten tween paijemente; dies gaf soe deen heelft ter laetster rekeninghen, ende nu dander te Kerssavonde, dat loept 9 ℔.

Item, van Mergrieten Luucs vorseid, die in pachte houd jeghen haer kindre 1 plaetse van lande onghemeten omme 6 scilde tsjaers, ten tween paijementen, daeraf dat soe deen betaelde ter laetster rekeninghen, ende nu dander te Kerssavonde, dat loept 3 ℔ 12 s.

Van Jan Martins, die in pachte houd van Boudine, sinen broeder, 2 bunre lands in Haspre, dat tsjaers gheld 12 scilde; dies betaelde hi ter laetster rekeninghen, van 1 lettel coerens datter up stond, 30 s., ende nu tremenant te Kerssavonde, dat loept 12 ℔ 18 s.

Item, houd hi noch in pachte van Lijskin Smessaerds 1 vierendeel lands in Haspre; van hem ontfaen den pacht die viel te Kerssavonde, die loept 32 s.

Item, houd hi noch in pachte van Symoen van der Soorghen 60 roeden lands in Haspre, daeraf hi betaelde 16 s.

Van Heinric den Wagheneere, die in pachte houd van Janne van Wassinhove 1 quantiteit van lande onghemeten in Haspre, daeraf dat hi gald den pacht nu te Kerssavonde, die heft 6 ℔.

Item, houd hi noch van Janne, sinen broeder, in pachte ⅓, bunre lands in Haspre omme 4 ℔ te Kerssavonde; ontfaen van hem 4 ℔.

Van Arende van Raetbosch, die in pachte houd van Heinric Heggherics 1 plaetse van lande omme 7 scilde tsjaers; dies gaf hi ter laetster rekeninghen deelft, ende nu te Kerssavonde dander heelft, die loept 4 ℔ 4 s.

Van Gillis Ghysels, die in pachte houd 3 vierendeel lands in Haspre van Jacop Sois zone omme 4 ½ scilde tsjaers; dies betaelde hi deelft tsente Jans messe, ende nu dander van hem ontfaen te Kerssavonde, die heft 54 s.

Van Jan Heuzen, van den Steene, die in pachte houd van Janne van Wassinhoven vele plaetsen van lande in Haspre onghemeten, die tsjaers ghelden te Kerssavonde 36 ℔ par.; ende, mids der redenen dat zijn huzinghen al verberrent waren van dien van Ghend, ende al meest zijn goed verloren bleef verberrent, ende up tvelt de vrucht, dede men hem gracie ter beden van goeden lieden, ende midsdat hi wel harem es, omme 18 ℔.

Van Gillis den Groeten, die in pachte houd van der joncvrouwe van der Steengracht eenen buelc in Zinghem, dat es eene mesteweede, omme 14 ℔ 13 s. tsjaers te Kerssavonde vallende; ontfaen van hem 14 ℔ 13 s.

Van Willem den Waghenneere, die in pachte houd van Gillis den Harden ½ bunre ende 25 roeden lands in Haspre, daeraf dat hi nu den pacht gaf te Kerssavonde, die drouch 4 ℔ 8 s.

Van Lijsbetten Bouters, die in pachte houd van Janne Ondert Marke 2 bunre lands, ligghende in Heurne deen bunre, ende dander in Zinghem, omme 6 ℔, elc bunre tsjaers; daeraf dat zoe betaelde ter laetster rekeninghen, van den bunre lands in Heurne den pacht, ende nu dander te Kerssavonde van dat leeght in Zinghem, dat heft 6 ℔.

Van Heinen Jan Heus, die in pachte houd van sinen broeder ½ bunre lands in Haspre, daeraf dat hi nu den pacht galt, die viel te Kerssavonde, die heft 30 s.

Item, van Heinen vorseid, die in pachte houd van Gillis den Harden 1 bunre lands omme 6 ℔ te Kerssavonde; ontfaen van hem 6 ℔.

Van Willem den Meyhere, die een pratrie houd in Zinghem van der joncvrouwe van der Steengracht, daeraf dat hi betaelde nu te Kerssavonde den pacht, 25 s.

Somme, 144 ℔ 6 s.

Van bastaerden, tiendenpenninghen ende steerfcoepe, niet ontfaen in de vorseide doorpe.

Somme van al Haspre ende Zinghem, 314 ℔ 6 s. 6 d.

Ultima Somme van al den ontfanghen bovenghescreven, die heffen 2200 ℔ 6 d.

Dits es dhuutgheven up tvorseide ontfanc.

Eerst, omme de wedden van den vorseiden bailliu, int avenant van den termine, 16 ℔ 13 s. 4 d.

Item, joncvrouwen Mergrieten van der Crayen, die men zeit van den Temple, van harre lijfrenten, die zoe heeft beset up den moortemein, 2 ponden groten, die hare Mijn gheduchte heere heeft ghegheven, ten tween paijementen in elc jaer, vallende tc Paessche ende te sente Bamesse; hare ghegheven van den paijemente van nu sente Bamesse verleden, van hare nemende letteren van aquite, die draghen 12 ℔.

Item, zende Mijn gheduchte heere 2 brieve, ommedat de rewaerd vanghen ende ghecrighen zoude eene

Kateline, Jans Rands wijf ofte weerdinne, omme dewelke hi boden utezende te vele steden omme die te ghecrighene; ende, alse hij ze hadde, zende eenen bode te Minen gheduchten heere, wat hire mede ghedaen wilde hebben; te coste van al desen, 4 ℔.

Item, omme de meere Minen gheduchten heere te laten wetene dat die van Ghend utetrocken den 13^en dach in October met drien prochien ende den vremden lieden, omme de coepliede te gheleedene van Brucelle, ende dat zij alle de wagbene die zij ghecrighen consten met hemlieden voerden, omme haren roef daerup te bringhene, ende oec dat Ghyselbrechts sGruters cnapen zeiden: ‘Wij begheeren den pais, ommedat wij binnen den paise meenen te doene dat wij derbuten niet ghedoen connen’; te coste van den bode, mids ziere paerdehueren, 3 ℔ 12 s.

Item, noch ghesend 1 bode bi Minen gheduchten heere metter meere, midsdat hijt bi sinen brieven beval, dat die van Ghend inquamen den 16^en dach in October met veel waghenen met alranden provanchen, ende en waren maer tote Hassche, ende van danen nederwaerd roefden zij al dland; ende, up dienzelven dach quam mester Jan van der Rake van den parlemente van Brugghe, ende toeghde hemlieden ute, dat hi goede meere brochte van der stede van Brugghe, daerm dat hi qualike loech; te coste van den bode, 48 s.

Item, van tween boden, die te Ghend hieromme ghesend waren, ende deen van den andren niet wetende, bi beveelne van Mijns gheduchts heeren brieven, den vorseiden boden ghegheven over haren dienst, 3 ℔.

Item, ghegheven Arende van Rokeghem ende Stevin Baggaert, manne Mijns gheduchts heeren, die ghesend waren te Brugghe bi beveeine van Mijns gheduchts heeren brieven, ten vonnesse van

der afwinninghen van Jans leene van der Zickelen ende van sheeren van Heerzele, bi sOntfanghers brieven bevolen, 18 ℔.

Item, omme een huerpaert te Diedrix bouf, Mijns herren messagier van Vlaendren, alse hi was ghesend te Brabant, dat hi hadde 3 daghe, elcs sdaeghs 8 s., beft 24 s.

Item, zende de rewaert vorseid, bi beveelne van Mijns gheduchts heeren brieven, 9 ℔ groten ende een half te Brugghe, die toequamen van Janne den Meerlehane, die tAudenaerde ghejusticijert was, ende van ziere moeder, die hem gheerne gheholpen hadde; dwelke gheld de bode gaf Mijnheere van den Gruuthuse ende Mijnheere Mer Joesse van Haelwine, tresoriers, ende moeste de vorseide bode bliven beidende naer sinen brief van aquite, mids den belette van der coninghinnen van Hingheland, diere doe was, 6 daghe met eenen huerpaerde; te coste van hem ende over sine pine, hem ghegheven 8 ℔ 6 s.

Ende de vorseide 9 ℔ groten ende ½ die de tresoriers ontfinghen, dies Mijnheere van den Gruuthuse eene cedulle gaf, loepen 114 ℔Ga naar voetnoot(1).

Item, bi beveelne van Mijnheere den Haze ende Mijnheere Mer Heinric van Antoengen, zende de rewaerd te Doinze twee waghene broeds, alse die van Doinze ghestreden hadden jeghen dien van Ghend up denzelven dach snavonds, midsdat zijs breke hadden ende zoere vermoyt waren, alsoe tAudenaerde de meere quam, ende twelke broet coste, onder brun ende wit, 16 ℔.

Item, ghesend 1 bode met 1 secreten brieve, die

den rewaert quam heymeleke ute Brabant, denwelken hi doe stappans sende Claise Boenine ende Janne van Namen, ommedat sine Minen gheduchten heere gheven zouden, midsdatter vele anhinc; te coste van den bode, 3 ℔.

Item, eenen bode ghesend met groeter haesten te Minen gheduchten heere metter meeren, die den rewaert quam ute Ghend, dat zij meenden corts ute te treckene heymelike bi nachte ter Sluus waerd, ende, updat zij ze ghecrighen consten, scepe te doerboerne ende die int Zwen te zinkeine, omme de stede van Brugghe mede te bedeervene, alsoe sij snachts in haren raet overeendroughen.; te coste van den bode, mids sinen huerpaerde, 3 ℔.

Item, ghesend Lauwerze, srewaerds knecht, metter meeren dat die van Ghend utetrocken te Oestborch waerd ofte ten Vrien waerd, also hem zijn bode zeide, daerne Mijn gheduchte heere hilt ligghende 5 daghe bi hem, omme andren meeren te laten wetene den rewaerd, ghelijc dat Mijns gheduchts heeren brief mencioen maect, die hi den rewaerd zende van Lauwers onsculde; te coste ghedaen 6 ℔ 12 s.

Item, zende Mijn gheduchte heere eenen brief an Mer Ghildolfe van den Gruuthuse, bailliu van den lande van Haelst, ende an Mer Janne van Heyle, rewaerd ende bailliu van Audenaerde, dat sij finieren ende bliven zouden, voor Mer Heinric van Antoengen ende voor sinen liede, van der sommen van 1156 ℔ 14 s. parisis, die zij sculdich waren in Audenaerde, in haer herbrghe van haren costen, ende daeraf nemen letteren van aquite van Mer Heinric vorseid, alsoere toebehoorden, ende Mijns gheduchts heeren tresoriers zouden ze quiten tusschen doe ende Kerstdach; daerup dat Mer Ghildolf

ende Mer Jan vorseid beloofden de vorseide somme den sculdenaers in Audenaerde, daer ment sculdich was, ende daertoe zij moesten gheven eenen brief van verbinde, onder hare zeghele, dat te betaeine tusschen doe ende Nieuwedach, of zij moesten trecken teerende inde herberghe ‘ten Drien Coninghen’, ende niet daerute te sceedene, zij en haddent betaelt; ende, met drien paerden elc, bliven teerende, alsoe de verbinde inhebben moesten, zoudens hem de sculdenaers gheloeven; ende, alse sij niet ghequijt en waren ten vorseiden daghe, moeste elc hemzelven loessen ende betalen de heelt elc van der vorseiden sommen; dies srewaerds deel drouch, dat hi ghelden moeste, 578 ℔ 7 s.Ga naar voetnoot(1)

Item, zende de rewaerd eenen bode bi Minen gheduchten heere metter meeren, dat hi Jacop Knudden ghevaen ende in handen hadde, die hem met ziere poertrien bescuden ende helpen wilde van ziere mesusanchen, daeraf dat dontfanc boven mencioen maect; ende Mijn gheduchte heere beval dat men hem Jacoppe vorseit te Brugghe stappans zenden. zoude; te coste van den bode, 3 ℔.

Item, zende de rewaerd Jacoppe vorseit te Brugghe, te Mijns gheduchts heeren beveelne, met 4 ghesellen te paerde; te coste van der vaert, mids Jacops huerpaerde, dat hi reed, ende der ghesellen costen van 3 daghen, 12 ℔ 6 s.

Item, zenden Mijnheere de Haze, de stede van Audenaerde ende de rewaert met groeter hasten Lauwerse, sinen knecht, metter meeren dat die van den Vrien quamen bi ghemeenen accoorde, die ligghen tAudenaerde serjante, ende versochten met nee-

renste, ende eens over al, dat men hemlieden gheld zoude doen hebben van dat men hem tachter ware, ofte zij zouden alle trecken thuuswaerd bi ghemeenen accoorde, ende niet langher beiden in gheenre manieren, ofte men leidze te wissele, met meer worden die zij daertoe zeiden; te coste van den bode, van 3 daghen dat hi utewas met eenen huerpaerde ende Mijnheere den brief drouch, 3 ℔ 12 s.

Item, ten beveelne van Minen gheduchten heere bi sinen brieven, zende de rewaerd tgheld van der composicien van Jacop Knudden Minen gheduchten heere te Brugghe, midsdat hijt stappans den brief ghesien emmer hebben wilde, daeraf dat dontfanc boven mencioen maect, dats was 60 ℔ groten, valent 720 ℔.

Item, omme de costen van den drien ghesellen, diet voerden, midsdat soevele ghelds duchtelic eenen man alleene te voerne was, mids eenen huerpaerde datter mede voer, verteert 6 ℔.

Item, bi beveelne van Mijnheere van den Gruuthuse, ghegheven Stevins lieden van der Kemenaden, die ligghen tAudenaerde ende diene Minen heere, in mindringhen van haren wedden ende van hemlieden ghenomen letteren van aquite van 10 ℔ groten, valent 120 ℔Ga naar voetnoot(1).

Item, beloofde de rewaerd wel te gheldene eenen secreten bode, die hi zende tHaspre, ende die ondervant ende overbrochte de rechte waerhede van den 30 ℔ parisis van der Gillis den Smet, daeraf dat dontfanc boven mencioen maect, daeraf dat hi hem gaf over sine pine 3 ℔.

Somme van den vorseiden huutghevene, 845 ℔ 13 s. 4 d.

Dit es dhuutgheven up de justicien ghedaen binnen deser rekeninghen.

Eerst, omme de justicien van Hannekine Brame ende Hannekijn Kannebiere, die ghejusticijert waren metten zweerde, van mueten ende brantscattene up Mijns gheduchts heeren vrienden, ghegheven den hangheman over sinen dienste 6 ℔.

Item, van haren costen ende die ze wachten int casteel, van keerssen, zeelen, smeere, daer men se examineerde, ende van den ghesellen diere mede ghemoyt waren, haren costen, 3 ℔ 6 s.

Item, omme de justicie van Janne den Langhen, die men hiet de Meerlehane, die ghejusticijert was metten zweerde, van mueten, ende die wel vele ghedaen hadde contrarie Minen gheduchten heere ende te veel steden ende de stede van Audenaerde breken halp, ghegheven den coc over sine pine ende dienst, 3 ℔.

Item, van sinen costen, dat hi lach ghevaen tAudenaerde 18 daghe in sammans, eer Mijn gheduchte heere omboet dat men justicijeren zoude, mids den belette datter Mijnheere Mer Heinric van Antoengen ende sine liede in maecten, diene vinghen, diene emmer bescatten wilden ende te live behouden omme sghelds wille; te sinen costen ende sammans ghelde, 4 ℔ 16 s.Ga naar voetnoot(1)

Item, omme de justicie van Gillekin Coelins, van Hoerdeghem, die ter doet was Mijns heeren van Heedinghen, ende die was ter Langherbrugghen ende te Heverghem, daer Mijns heeren vriende ghesconfiert worden, die was ghejusticijert metten zweerde

ende up een wiel gheleit up den wech te Ghend waerd, ghegheven den coc, 4 ℔.

Item, omme de justicien van Hannekine van den Zijpe, of Zijpman, ende van Pieterkine, sinen broeder, die lijeden dat zij ghehuert waren van eenen Gillise van den Vivre, eenen hackere van Ghend, die up tZand woend, elc omme een half pond groten, dies elc te voren was ghesend 1 vranke, die zij ontfinghen, ende beloofden dat, updat gheviele dat die van Ghend voor Audenaerde quamen, dat sij dan tvier in de stede steken zouden in tween steden ofte in drien, omme remour in de stede te makene; ende waren ghesleept, onthoeft up de maerct, ende daernaer uter stede ghevoert, ende elc up een wiel gheset; hieraf ghegheven den coc, over sinen dienst, 10 ℔.

Item, van keersse, smeere, cordeele, der ghesellen costen diere mede pijnden, alse men se examineerde, sleepte, onthoefde, ende de wielen holpen rechten, ende buten medegaen moesten tallen drien den justicien, 4 ℔ 18 s.

Item, van wielen, masten, spornierstaten, naghelen, zeelen ende cordeelen, die menre toe orborde te alle drien den vorseiden justicien, costen 3 ℔ 8 s.

Item, van haren costen int sammans, die zij verteerden binnen 4 daghen, ende van sammans ghelde, 54 s.Ga naar voetnoot(1)

Somme van den justicien heft 34 ℔ 12 s.

Somme van al den huudghevene vorseid heft 880 ℔ 5 s. 4 d.

Ende dontfanc loept, 2206 d.

Aldus blijct dat de vorseide rewaerd ende bailliu sculdich blijft, 1319 ℔ 15 s. 2 d.

Op den rug: Compte Messire Jehan de Heile, bailliu d' Audenarde, fait à Bruges le 14^e jour de Janvier l'an -81.

Rol-Rekening, n^r 1203.

Oudenaarde.
D. 1382. (13 Januari-5 Mei)

Dit es de rekeninghe van Mer Janne van Heyle, rewaerd ende bailliu van Audenarde, zint den 13^sten dach in Laumaent int jaer -80 ende een, ende van sinen rewaerdscepe verlaten was den 4^den dach in Maerte int zelve jaer, ende bleef doe bailliu, sonder meer, tote den vijften daghe in Meye int jaer -80 ende twee; ghedaen te Hesdin den 7^en dach van Hoymaend.

Ontfaen van boeten ende verbuertten in de stedc.

Eerst, van Willemme den Raet, die in hueringhe hadde een huus dat staet in de Heinstrate, daeran dat deelt Pieter Meiniers van zijns wijf weghen de heelft van haerre bilevinghe, ende dander heelft behoert toe wesen in Audenarde, dewelke Pieter es grout muetmakere ende wond te Dornike, ende ghelt tsjaers 32 ℔ parisis; dies gaetter ute te landcheinze 6 ℔; ende an tvorseide huus was gheleit, bi rade van scepenen, 6 ℔ 18 s., dus blijftere 19 ℔ 2 s.; ontfaen deraf Mijns heeren deel, dat viel tsente Marie messe, 9 ℔ 11 s.

Van Matten sMulres, die in hueringhe heeft een husekin staende an den Meinaert, daeran dat Heine de Hinghelssche, die nu in Ghend woend, contrarie

Minen gheduchten heere van Vlaendren, heeft de drie deel van den achten, ende ghelt tsjaers 18 ℔ parisis; dies gaetter ute te landcheinze der stede van Audenarde 4 ℔ parisis; ende an tvorseide huus was gheleit zijns deels bi beveelne van scepenen, midsdatter weesen an deelen, 43 s. 3 d.; ontfaen Mijns heeren deel, dat viel te sente Marien messe, de huushuere, die heft 3 ℔ 21 d.

Van Jan Vasteraerds goede, van den Hecke, van sinen cateillen, die ghedeelt waren jeghen zijn wijf, die menre vant alse ment wiste dat hi wech was te Ghend, contrarie Minen gheduchten heere van Vlaendren, dewelke golden zijn deel, 34 ℔.

Van Gillis Soys, van Haspre, die hem verpeint hadde up eene scult van 18 ℔ parisis, uter stede van Audenarde niet te sceedene, ende daerboven derute ghinc met ledre ende met soute, daeraf dat Jan Cabelliau, ser Goessins zone was, hadde tvorseide leder ende zout, ende de bailliu de scult, die drouch 18 ℔.

Van Jan uter Roesen, die ghevaen was ommedat hi buten tHeurne ghebrauwen hadde bier boven den verbode, daer de boete af es 3 ℔; ontfaen van hem, 3 ℔.

Van Jacope van den Brouke, van Autem, die de vorseide bailliu vant ligghende ghevaen in sammans, bi den rewaerd nu es, dewelke vercocht hadde scape eenen Gillis Cas, daer poorters van Ghend an deelden, die golden 11 scilde, 3 groten min, dwelke gheld de bailliu aresteerde te Mijns heeren bouf; ontfaen van Gillise vorseit tvorseide gheld, dat heft 13 ℔ 12 d.

Van Gheeraerd dou Paerc, eenen Wale ute Heenegauwe, die gheladen hadde 6 tonnen kaecharinx, ende zeide dat hi ze brochte van den Damme ende zouden ze voeren tHaet, daeraf hi cautioen dede ende beloofde eenen brief te bringhene van den

castellein van Haet, teenen zekeren daghe dat daer de vorseide harinc ghesleten zoude wesen, denwelken dach hi verzat 3 weken, ende niet en brochte zijn cautioen, daeromme de rewaerd ansprac sinen borghe; item, Leuwereins dou Paerc, zijn zone, ghevaen met 2 oedeleken meerien, ommedat tgheruchte up hem ghinc dat hi zoude hebben holpen voeren ute Henegauwe provanche in Ghend; pais van beeden den calangen, ter beden van goeden lieden, ommedat sij vremde waren, omme 48 ℔.

Van Gillis Caens ende Frans Caens, van Heurne, die berucht waren, ende daernaer ghevaen tAudenaerde eenen langhen tijt, ommedat sij hadden vercocht coeren tharen huus daer zij weenden, dat men te Ghend waerd voerde; ende, omme de redene dat sij al hare cateillen verloren hebben, ende dat die van Ghend hemlieden al ghenomen hebben ten drien stonden dat siere gheweest hebben, daerbi dat si nu haerme cnapen worden zijn, zo liet de bailliu hieraf composeren, ter beden van scepenen van Audenaerde, daer zij poerters zijn ende dicwilen omme ghevolght hebben, ende ter beden van Jacop Crayen ende meester Janne van den Oestende, omme 15 ℔ groten tornois; dies ontfaen 8 ℔ groten, ende tremanant zijn zij noch sculdich, twelke de bailliu niet doe ghecrighen conste, mids den zwaren belette int land wesende, valent de vorseide 8 ℔ groten 96 ℔Ga naar voetnoot(1).

Somme,...

Ontfaen van cuerrechte in de stede, daer Mijns heeren recht af es deen derdendeel, scepenen dander dekene, vinders, warderers ende andre officiers van der stede, terde derdendeel.

Eerst, van den hallemeesters, die men heet Heinsgraven.

Van der drapien meesters.

Van der weverien.

Van der volrien.

Van den sceerers.

Van den backers.

Van [den] bruwers.

Van den broetweghers.

Van den parmentiers.

Van den smeden.

Van den temmerlieden.

Van der vetterwaren ende den mostaerde.

Van den vleeschauwers.

Van den warderers van der vischmaerct.

Van den hudevetters ende scoenmakers.

Van den borsemakers ende merseniers.

Van den waghemakers ende scrijnmakers.

Van den zeeldraijers.

Somme,...

Somme van al den ontfanghe in de stede, 224 ℔ 13 s. 9 d.

Ontfaen van heyghinen lande in de castelrie, daer Mijnheere af heft 15 d. van den ponde.

Eerst, van Janne den Tavernier, van Maldighem, die vercochte 1 vierendeel ende 50 roeden heyghins, in de prochie van Audighem gheleghen, Janne van den Putte, dat galt den hoep 3 ½ ℔ groten tornois, heft Mijns heeren coep, 52 s. 6 d.

Somme, 52 s. 6 d.

Ontfaen in de castelrie, van boeten ende verbuertten.

Eerst, in de prochie van Bevere, niet ontfaen.

In Eyne ontfaen:

Van Janne Hellekiere, die ghecalengiert was van dat hi mele brochte ghemalen up sinen hals van der watermolen te Moerighem, ende dat drouch tEinewaerd boven verbode, dat verboden was, ende dat de nedercastelrie rumen zoude upwaerd, ommedatter die van Ghend niet vinden zouden eeneghe sostinachen bi te levene; pais, ommedat hi wel harem es, ter beden van goeden lieden, omme 3 ℔.

Van Pieter Lauwers, die ghecalengiert was van denzelven, dat hi oec drouch up sinen hals meele tEinewaerd boven verbode; pais, omme de bede van goeden lieden, omme 6 ℔; dies ghegheven den ghesellen die se calengierden ende snachts daeromme ute laghen, ende voertbrochten ter kennessen van de rewaerd, 3 ℔, dus blijftere te Mijns heeren bouf 3 ℔.

In Heurne ontfaen:

Van Luucs van Pullem, die berucht was ende daernaer ghevaen van dat hi soude hebben vercocht 5 muedekine coerens eenen wive van Zinghem, diet voert te Gavere drouch ter Scelden ter scepinghen; ende, ommedat hi niet en wiste dat ment daer draghen zoude, ende dat dwijf zeide dat soet zelve heten zoude met 6 kindren die soe hadde, ende midsdat de vorseide Luucs al dit jaer vele provanchen heeft brocht ter stede waerd van Audenarde, zo liet de rewaerd composeren, midsdat hi een mate knape es, omme 24 ℔.

In Audighem ontfaen:

Van der prochien van Audighem, die dien van Gavere van den casteele gheven moesten twee pond groten tornois, ofte zij hadden ze verberrent, dwelke den rewaert te kennessen quam, ende die hemlieden zeide dat hi alsevele hebben zoude te Mijns heeren bouf, ende dat zij met goeder herten gheerne daden

ontfaen van hemlieden twee pond groten tornois, valent 24 ℔.

In Husse ontfaen:

Van der prochien van Husse, die dien van Gavere van den casteele gheven moesten 4 ℔ groten tornois, ofte zij hadden ze verberrent, ende dwelke zijzelve den rewaert ter kennessen brochten, ende baden hem omme Gode dat hi alsoevele nemen wilde te Mijns gheduchts heeren bouf, want sij jonstens hem met goeden wille; ontfaen van hem, 4 ℔ groten, valent 48 ℔.

In Nazaret, niet ontfaen.

In Mullem, niet ontfaen.

In Lede ontfaen:

Van Hannekin Danins ende Daenkin Danijns, zinen broeder, die berucht waren, ende daernaer ghevaen, ommedat sij ten tween stonden hadden laten commen in haer huus bi nachte scumers van Ghend, hetende ende drinckende, ende zweghens ende gavent den rewaerd niet te kenne, dat men ze hadde moghen ghecrighen omme te doene haers weercs ghelike; pais van der calaengen, midsdat wel haerme daze knechte zijn, ter beden van vele goeden lieden, omme 25 scilde; dies ghegheven den ghesellen die ze vinghen, bespieden ende voertbrochten, 5 scilde over hare pine, ende tween ghesellen die se wachten int casteel, van haren costen ende solarien van 8 daghen, ende van der ghevanghenen costen, 4 ℔, dus blijftere te Mijns heeren bouf 20 ℔.

In Wannendighem ontfaen:

Van Wouter van Karrebrouc, ghevaen up de castelrie onder Cruusautem, ommedat hi niet ontdect en hadde noch wilde ontdecken sine huse, noch daerute rumen, alsoet bevolen ende gheboden was; pais van deser mesusanchen, omme twee pond groten;

dies ghegheven 12 ghesellen, diene haelden daer hi woende, daert wel zorghelic rijden was, over hare pine ende costen, 4 ℔, dus blijftere te Mijns heeren bouf 16 ℔.

In Cruusautem, Nokere, Worteghem, Ansdighem, niet ontfaen.

In der Vichten, Wareghem, Oeteghem, Ingoedeghem, niet ontfaen.

In Mouden, Auterive, Bosshuud, Eestert, niet ontfaen.

In Avelghem, Waermaerde, Keerchove, Tydeghem, niet ontfaen.

In Castre, Ghiselbrechteghem, Elsseghem, niet ontfaen.

In Peteghem, Oedeke, Moerighem, niet ontfaen.

Somme,...

Ontfaen van den mortemeine.

Van Trinen sWeerfs, in Heurne ghestorven up Mijns heeren heyghin van Vlaendren; van hare quam 1 coe ten besten cateille, verdinght omme 48 s.

Van Zoetin Lijsschaerds, Jans wijf, in Husse ghestorven, dat een wel mate wijf was, daer partien af zeiden dat soe stont ter Weeden te ghemitte, daer de bailliu niet af houden wilde, men had hem bevolen van hove, midsdat noch hanct in ghedinghe ter audiencien Mijns gheduchts heeren van Vlaendren; van hare quam een mate beddekin ten beste cateille, vercocht 30 s.

Van Grielen van der Straten, in Husse ghestorven up Mijns heeren heyghin van Vlaendren; van hare quam 1 calf ten besten cateille, verdinght 24 s.

Somme, 5 ℔ 2 s.

Ontfaen van pachte in de castelrie, die viel te

sente Marien Lichtmesse laest verleden, van poerters goeden, nu in Ghend wesende, contrarie Minen gheduchten heere van Vlaendren, daermede dat sij haer goet verbuert hebben.

Eerst, in de prochie van Cruusautem, van Lippin den Sloevere, die in pachte houd van Boudin van Loe, die nu in Ghend woent, eene plaetse van lande in Autem, dat ghelt 25 ℔, lichter munten tsjaers, telken sente Marien messe; ontfaen van hem den vorseiden pacht, die heft 7 ℔ 10 s.

Van Jacop Knudden, die in pachte houd van Janne Haelsbijt ende van den her Heinric van Warighem eene quantiteit van lande, ligghende in vele sticken in Autem onghemeten, den hoep omme 36 ℔ parisis tsjaers, deen heelft vallende te sente Jans mese, die hi betaelde doe ter rekeninghen, die de rewaerd daernaest rekende in Septembre, ende dander heelft te sente Marien Lichtmesse; ontfaen van hem den vorseiden pacht van sente Marien messe laestverleden, dies afghesleghen den commer die jaerlix utegaet, die draeght 3 ℔, 6 s., dus blijftere 14 ℔, 14 s.

Item, van Jacob Knudden, die in pachte houd van der joncvrouwe van der Coorben ende van Janne, haren zone, 6 bunre lands in Autem, ende met eenre meersen ligghende in Nokere, toebehoerende den goede te Zilleghem, omme 60 ℔ parisis tsjaers, daeraf dat deen paijement viel ende deene heelft te sente Jans messe verleden, dat hi doe betaelde, ende dander te sente Marien Lichtmesse nu verleden; ontfaen van hem den pacht van nu sente Marien messe, die heft 30 ℔; dies ghegheven, van renten ende datter utegaet jaerlix, 55 s. 9 d., dus blijftere 27 ℔, 4 s. 3 d.

Somme, 49 ℔ 4 s. 3 d.

Somme van den ontfanghe in de castelrie, 195 ℔ 2 s. 9 d.

Van bastaerden ende tiendenpenninghen, niet ontfaen binnen deser rekeninghen.

Somme van al den ontfanghen vorseit, 419 ℔ 16 s. 6 d.

Ontfaen van der baillie van Haspre ende van Zing hem bi Lauwerze van Loe, daer bailliu zijnde in de vorseide dorpe, van boeten ende verbuerten.

Eerst, van Janne den Bruwere, van Zinghem, die ghecalengierd was van dat zijn knape brochte een tonne biers up sinen waghen van sbruwers van Huerne te Zinghem waerd, ende onderweghe quamen die van Gavere uten casteele, ende dadent hem voeren int casteel, ende, alsoe men zeide, zoudere de vorseide Jan yet af gheweten hebben; pais van der calaengen, ommedat hi mate es, omme 20 ℔.

Van Janne van den Boemgaerde, van Zinghem, die ghecalengierd was van dat hi sinen joncwive coeren utedraghen dede, omme te voerne tAudenarde waerd, daer die van Gavere van den casteele daerjeghen waren, nament ende voerdent int casteel; daeraf gheruchte datter de vorseide Jan af zoude hebben gheweten; pais van der calaengen, ter beden van vele goeden lieden, omme 20 ℔.

Van Marien, Raes dochter van Speelt, nu in Ghend woent met haren man, van den vijfsten deele van Lijsbetten, haere moeder, goede, die nu staerf te Peteghem; haer cateillen gheprijst, ende vercocht haer vijften deel, dat galt 7 ℔ 4 s.

Ende tbeste cateil, of alsulc recht alsoere Minen gheduchten heere ancleeft, staet onverlet, omme daeraf te hebbene sijn recht, midsdat de bailliu van Peteghem zeeght dat soe up theerscip staerf, ende partien zegghen dat soe stont te ghemitte te Sente Pieters van Ghend, ende willen te ghemitte te Peteghem, tOeghem of tAudenaerde, daer ment hem consenteren sal.

Item, zo zijnre noch 10 vierendeelen lands, lettel min of meer, in Zinghem ligghende, dat som besayt es, daerin dat de vorseide Marie heeft haer vijften deel, daeran dat de vorseide bailliu hand heeft ghesleghen te Mijns gheduchts heeren bouf, over verbuert.

Somme, 47 ℔ 4 s.

Ontfaen van pochte van den moorteneine ende steerfcoepe in de vorseide dorpe.

Eerst, van Janne Martins, van sinen pachte die hi houd van spapen kindren van Neder-Eename, die in Ghend sijn, een lettel lands ligghende in Zinghem, daeraf dat de dach viel nu te sente Marien Lichtmesse, ende de pacht draeght 48 s. 6 d.

Van Katelinen van Raesseghem, van Zinghem, die staerf te Herines, midsdat de nedercastelrie rumen moeste, die stont ten besten hoefde tHaspre ende te Zinghem; van hare quam 1 hidel cleed ten besten cateille, verdinght omme 40 s.

Van Katelinen vorseid, van steerfcoepe van ½ vierendeel weedelands, daer 12 s. jaerlix gaet uten bunre, ende alsoevele alst verandert; ontfaen Mijns heeren recht 18 d.

Van Margrieten van Raesseghem, die tEyne staerf, van denzelven weedelande, dat naer haer doet up harre dochter verstaerf, ontfaen van steerfcoepe 18 d.

Item, van Gillis van Raesseghem, Gil1is sGroeten en Grielen, ziere zuster, deelen, die nu in Ghend wonen, dat hemlieden verstaerf van Katelinen cateillen van Raesseghem vorseid, dewelke Janne van den Neste, haren man, was; ende den andren ghedeelen vercocht waren, ende golden 4 ℔.

Item, esser bleven een lettel eer ven in Zinghem, daeran dat de bailliu hand heeft ghesleghen an haerlieder deel te Mijns heeren bouf, alse over verbuert.

Somme,...

Van bastaerden ende tiendenpenninghen, niet ontfaen in de vorseide doorpe binnen deser rekeninghen.

Somme van al Haspre ende Zinghem, 55 ℔ 15 s. 6 d.

Somme van al den ontfanghen boven ghescreven, die heffen 475 ℔ 12 s.

Dit es thuudgheven up tvorseide ontfanc.

Eerst, omme de wedden van den vorseiden bailliu, int avenant van den termine, 16 ℔ 13 s. 4 d.

Item, joncfrouwen Mergrieten van der Crayen, die men heet van den Temple, van harre lijfrenten van nu Paesschen verleden, die hare Mijn gheduchte heere heeft ghegheven, gheassigneert up den moortemein, alsoe hare lettere van aquijte mencioen maect, hare ghegheven 12 ℔.

Item, zende de rewaerd Lauwerze, sinen knecht, te Brugghe metter meeren bi Minen gheduchten heere, alse Philips van Artevelde was ghemaect uppercapetein te Ghend, ende Pieter van den Bossche doe ghehaelt uten casteele van Gavere ende ghemaect dekin van den cleenen neeringhen; te coste van hem met sinen parde, 3 ℔.

Item, noch Lauwerze, ghesent te Brugghe metter meeren dat Philips van Artevelde doet hadde ghesleghen Ghyselbrechte den Grutere up scepenenhuus, Jan Sleepstaf ende andre twee met hemlieden; te coste van hem, mids sinen huerparde van 3 daghen, 3 ℔ 15 s.

Item, ghesend Lauwerze te drien stonde bi Minen gheduchten heere, ende Willem den Duudschen teere ander waerf, met secreten brieven die ute Ghend quamen, ende Mijnheere emmer hebben moeste hey-

melike, alsoe hi wel weet, commende van meester Janne van Bray, daer ter eenre tijt Lauwers laten moeste 1 huerpart, dat hi brochte met groeter haesten, ende stont te Brugghe 8 daghe zeere overreden, ende daer hem de scouteete van Brugghe een ander hebben dede; te coste van allen vieren den vaerden, mids den huerparden, ende om tselve stic 4 boden te Ghend ghesent, 19 ℔ 12 s.

Item, ghesend Jan den Meyere, den beridere, metter meeren dat Mijnheere de Haze, Mijnheere zijn broeder, Mer Daneel van Haelwinne de Maerscalc, ende Mer Jan van der Muelen met haerlieder hoepen hadden gheweest ten Niewenweghe, ende ghemanghelt mettien van Ghend, ende doetghesleghe een ghedeel, ende ghequets van hemlieden, alsoe de heeren vorseid zeiden, bevalen ende wilden dat de rewaerd overscreve Minen gheduchten heere; te coste van den bode, 50 s.

Item, Lauwerze, ghesend te Brughe bij Minen heere metter meeren dat 25 ghesellen ute Audenarde utetrocke den 21^en dach in Sporkele bi avonde tote boven den Nieuwenweghe, omme provanche te wachtene, die lijden zoude te Ghend waerd, daer zij vinghen 7 persoene, onder wijf ende man, sloughere twee doet, ende brochten 21 parden met hemlieden in Audenarde, die provanchen hadde ghevoert in Ghend; ende de ghevanghene zeiden dat up dien zelven dach Philips van Artevelde doet hadde doen slaen Jacop Soys zone, den dekin van den vleeschauwers van Ghend; te coste van drien daghen, 3 ℔.

Item, zende Joes Peuter den rewaert 6 brieve bezeghelt, ende beval hem van Mijns heeren halven dat hi ze emmer zenden zoude bi eenen zekerenbode in Ghend, alsoe Mijn gheduchte heere, Mijnheere

van den Gruuthuse ende Joes wel weten, ende dwelke hi alsoe dede, ende zende Lauwerze, sinen bode, bi Minen gheduchten heere, dat alsoe ghedaen was naer dinhouden van Joes brieve vorseit; te coste van al desen, 14 ℔.

Item, noch Lauwerze, ghesend bi Mijnheere van den Gruuthuse te Bruecelle, bi sinen beveelne metter mond, ende al over Dornike daer hi lach bi hem tote hine zende te Brugghe bi Minen gheduchten heere, met brieven die hi daer voerde, daer Lauwers verteerde, alsoe eene cedulle inhoud, diere Mijnheere van den Gruuthuse hem af gaf, dat ze hem de bailliu betalen zoude, die draeght 4 ℔.

Item, bi beveelne van eeneghen van Mijns gheduchts heeren Rade ende van den Ontfanghere, zo was Lauwers ghesent, nu alse hi te Brugghe was, den 17^sten dach in Aprijlle, met brieven te Doinze ende te Audenarde, daer hi varen moeste bi nachte, ende liet sijn part staen te Brugghe, ende dede sine bedeerven, ende quam weder te Brugghe; te coste van hem ende van sinen parde, ende over sine pine hem ghegheven, 3 ℔.

Item, zende Mijn gheduchte heere eenen brief an den rewaerd vorseid, ommedat hi ondervinden zoude an Hinghel den Koker ende an Janne Torreele wie Moenkine den Poursievant vinghen, ende scattinghen van hem hebben moesten, dwelke hi overscreef wie zij waren, naer den beveelne van Mins heeren brieve, alsoe hem Hinghel zelve zeide; te coste van den bode, 40 s.

Item, ghegheven meester Janne van Troys, Mijns heeren procureerre van Vlaendren, van sinen pencioene, dat hem Mijn gheduchte heere heeft ghegheven, gheassigneerd bi sinen lettren up de baillie van Audenaerde, vallende in elc jaer tsondaeghs

naer der Helegher Crusen dach in den Meye, van hem nemende lettren van aquijte, die heffen 20 ℔.

Item, bi beveeLne van Mijns gheduchts heeren brieven van Vlaendren, dewelke brochte Lievijn van den Stalle an Mer Janne van Heyle te Dornike, omme te coepene zadelrie, alsoes Lievijn vorseid zeide ende de brief mencioen maecte, te Mijns heeren bouf vorseit, twelke hi alsoe dede ende cochte te zadelleers, ghelijc dat een brievekijn daeraf verclaerst, daer zij ghecocht waren, ende van elken hoevele, ende dies de somme heft van al, 20 ℔ 14 s. 6 d.

Item, was Mer Jan vorseid ende Jan Beurze ghesent te Namen van Mijns heeren weghen, omme zekere bedeerven, die hemlieden bevolen waren, daer zij omme ochvoeren van Rijssele den 18^sten dach in Meye, ende waren ute tote tsdonredaeghs avonts daer zij omme verteerden, alsoe de parcheelen gheëxpresseert staen in eene cedulle, gheseghelt onder meester Jans sMaerscalxs ende Gillis Van der Biest zeghele, meesters van Mijns heeren herberghe, daeraf dat de somme heft 22 ℔ 12 d.

Item, zo cochte Mer Jan vorseit ten tween waerf 44 pond pouders ende cruuds ten bossen bout, bi beveelne van Mijns gheduchts heeren brieven, omme te beseghene ende te bestierne daers te doene was, ende coste elc pond 20 s. parisis, ghecocht jeghen meester Janne Goessaerde, den boochmeester, heft de somme van den vorseiden poudre 44 ℔.

Ende van desen vorseiden poudre zende Mer Jan vorseid bi 1 bode 6 ½ ℔, ende belovet hem te draghene in Audenaerde, updat hi te live bleve, ende en dorst nemmeer bestaen te draghene te diere tijt.

Item, bi beveelne van Mijns gheduchts heeren brieven, ghegheven Mijnheere Mer Lodewijc den

Vrieseten tween tijden, ter eere tijt 120 ℔, ende ter andre tijt 100 ℔, alzoet blijct bi tween cedullen, die hi Mer Janne vorseid daeraf gaf, daeraf dat an elke zijn zeghel es gheplact, heft van den sommen vorseid 220 ℔.

Item, beval Mijnheere vorseid Mer Janne te ridene te Dornike, ende daer te wetene bi hemzelven ende bi andren boden alle meeren, ende die Mijnheere over te scrivene, daer hi omme ochvoer den 13^sten dach in Wedemaend van Heysdin, ende heeft er omme utegheweest 22 daghe, ende boden ghesent te Ghend ende int here, alle daghe twee boden, ende te 6 tijden Minen gheduchten heere heeft laten weten alle meeren die hi vernemen conste, alsoes een brievekin, datter af es ghemaect van den costen, verclaerst, die de boden daeraf ghehad hebben ende verteert, dies de somme heft 42 ℔ 11 s. 6 d.

Item, brochte Pieterkin de Scipman 2 brieve ute Audenaerde an Minen gheduchten heere, daeromme dat hem Mer Jan vorseit telivereerde 1 huerpaert, dat hi och hadde 3 daghe, elkes tsdaeghs 7 s., ter huren, heft 21 s.

Somme van den huutghevene heft 453 ℔ 18 s. 4 d.

Ende dontfanc loept 475 ℔ 12 s.

Aldus blijct dat 21 ℔ 13 s. 8 d.

Op den rug: Compte Messire Jehan de Heile, bailliu de Audenarde, fait à Hesdin, le 7^e jour de Jullet, l'an -82.

Rol-Rekening, n^r 1204.

Oudenaarde.
E. 1382-1383. (10 Mei-4 Mei).

Dit es de rekeninghe van Jan Hoefde, bailliu van Audenarde ende van den castelrien, zint den 10^en dach in Meye int jaer -82 tote den 4^en daghe in Meye int jaer -83; ghedaen te Rijssle.

Ontfaen van boeten ende verbuertten in de stede vorseit.

Eerst, van Lodin Boenins, die ghecalengiert was van dat hi slouch Matten, siere weerdinnen, metten vusten, daer de boete af wesen zoude 3 ℔, daeraf dat Mijns [heeren] recht draghen zoude 37 s. 6 d., scepenen 15 s., partien 10 s., ende de borchgrave 2 s. 6 d.; ontfaen Mijns heeren recht, dat heft 37 s. 6 d.

Van Frans Caens ende Gillis Caens, die ghevaen waren tAudenarde van 1 composicien, die sij ghemaect hadden jeghen Mer Janne van Heyle, in den tijt alse hi bailliu was tAudenarde, van den gheruchte dat up hemlieden ghinc, dat sij coeren hadden laten halen ende laden bi nachte thaerlieder huus, dat men te Ghend waerds voerde met scepe ende te parde, alsoe men zeide, daer zij af composeerden doe jeghen hem omme 15 ℔ gr., daer af dat sij betaelden Mer Janne vorseid de 8 ℔ gr., die hi rekende te Esdijn ter laetster rekeninghen, ende tsorpluus bleven sij sculduch; ont-

faen van hem beeden tremenant dat sij sculduch bleven, dat drouch 7 ℔ gr., valent 84 ℔.

Van Willem van den Walle, van Warighem, ghevaen in de stede van Audenarde, van den gheruchte dat up hem ghinc, dat hi, alsoe men zeide, wel over een jaer verleden zoude hebben vonden gheld up eene hofstede toebehoerende Clays Mijlen in de castelrie van Curterike, daer hi stond ende grouf met 1 spade, ende slichte de vorseide hotstede; pais van der calaengen, ter beden van Janne van der Scaghen, omme 24 ℔.

Van Willem den Raet, van den huus daer hi in woende, in de Eynstrate daer Pieter Nuniers wijf haer bilevinghe inhadde, ende naer hare doet eist haerre kindren, die weesen ende poorters zijn tAudenarde; ende Pieter, haer man vorseid, heeft gheweest van den eersten tote den hende, dat hi staerf nu ten wijghe te Roesbeke, een metten quaetsten muetmakers van Ghend, ende altoes daer hi mochte gheweest contrarie Minen gheduchten here van Vlaendren; daeromme dat de bailliu hand heeft ghesleghen an de vorseide huushuere, dat tsjaers gheld gheel 32 ℔ par., dies gaetter jaerlix ute te renten 6 ℔ par.; ontfaen deelft, dat sinen wive toebehoerde, dat nu es Mijns heeren, ende heft 13 ℔.

Somme, 122 ℔ 17 s. 6 d.

Ontfaen van cuerrechte in de stede, daer Mijns heeren recht af es deen derdendeel, scepenen dander, dekene, vinders, waarderers ende andre officijers van der stede, terde derdendeel.

Eerst, van der drapien meesters, die men heet heinsgraven, niet.

Van der draperien, niet.

Van der weverien, niet.

Van der volrien, niet.

Van den sceerers, niet.

Van den backers, niet.

Van den broetweghers.

Van den bruwers, niet.

Van den smeden, niet.

Van den temmerlieden, niet.

Van den parmentiers, niet.

Van den vleeschauwers, 20 s.

Van der wetterwaren ende den mostarde, niet.

Van den waerderes van der vischmaerct, 24 s.

Van den hudevetters ende scoenmakers.

Van den borssemakers ende mersseniers, niet.

Van den waghemakers ende scrijnmakers, niet.

Van den zeeldraijers, niet.

Somme, 59 s.

Somme van den ontfanghe binnen der stede, 125 ℔ 16 s. 6 d.

Ontfaen van heyghinen lande in de castelrie, daer Mijns heeren recht af es 15 d. van den Ponde.

Eerst, van den here Janne Cornullis, priester, die vercochte 75 roeden heyghins, in Keerchove gheleghen, Zegher den Tavernier, den hoep omme 18 ℔ par., heft Mijns heeren coep 22 s. 6 d.

Somme, 22 s. 6 d.

Ontfaen in de castelrie, van boeten ende verbuertte, renten ende van pachten.

Eerst, jn Bevere ontfaen:

Van Arend Raepzade, die borghe was over sinen broeder Danin Raepzaet, van eenre scuere die hem vercochte Frans van Overleye, nu vor dachterste besit omme 15 scilde, ende, midsdat nu Frans in Ghend vlou metten cere, slouch de bailliu hand an

tvorseit gheld bi verzouke van Thomaes Crempen, ende heeft eraf ontfaen 18 ℔.

In Eyne, ontfaen:

Van Janne den Vlaminc, die in pachte houd van joncfrouwen Yden van Herleghem, nu poertesse in Ghend wonende, 1 hofstede in Eyne tsinen live ende jaren te zijns wijfs live, omme 48 s. par. tsjaers; van tween tachter, ontfaen 4 ℔ 16 s.

In Heurne, niet ontfaen.

In Audeghem, ontfaen:

Van Jan Weytins, van 1 tiende, die hi houd in pachte van den kindren van Westvoerde, poerters in Ghend nu wesende, ende plach te gheldene tsjaers 30 ℔ par., ende, midsdat de vorseide Jan es ghevloen gheweest te Doernike waerd, ende hem onthouden daer, ende bin desen jare en ghecreech maer een mudde roghs up al de tiende dat zijn joncwijf ghecreech met pinen bij te levene, ende hi al es verberrent van dien van Ghend; so was hem gracie ghedaen, ende de roggbe verdinght omme 4 ℔.

In Husse, niet ontfaen.

In Nazaret, Mullem, Lede ande Wannendighem, niet ontfaen.

In Autem, ontfaen:

Van Willem van Maijeghem, die in pachte houd van Clays den Bliec, nu in Ghend zijnde, 4 sticken lands, onghemeten, omme S scilde tsjaers, te Kerssavonde ende te sente Jans messe telken deelft, ende, midsdat hem al datter up was ghenomen was van dien van Ghend, ende hi maer en behilt een lettel hoys, hem gracie ghedaen, alse van den termine van nu Kerssavonde verleden, ommedat een wel mate knape es, om 2 vranke, valent 3 ℔ 15 s.

In Nokere, niet ontfaen.

In Worteghem, ontfaen:

Van Saren, Jans wijf van den Boengaerde, die ghevaen was te Worteghem, daer soe wonende was, midsdat eeneghe gheruchten up haer ghinghen, dat soe plach te gane te Ghend bi nachte tote haren man, die hem derin nu houd, midsdat hi quaet es gheweest ende heeft de vorseide gheleghen ghevaen tAudenarde eenen langhen tijt, ende, mids groeter siecheden ende traecheden dat haer overquam, was ghetelivereert bij rade van Thomaes Crempen omme 36 ℔.

Van Janne den Zuttere, die een part cochte jeghen den bailliu van Audenarde, dat Gillis Hosts was, die een muetmaker was, alse hi leefde, ende galt 3 scilde; ontfaen van hem 3 ℔ 12 s.

Van Roegeer den Rouc, Wouter den Coninc ende Gillis den Bisscop, die in erffeleken pachte houden 7 vierendeel lands in Worteghem van Janne van Heyssam, die men heet van Eesterbeke, die doet bleef ten wijghe te Roesbeke, contrarie Minen gheduchten here van Vlaendren, ende sij zijn sculduch jaerlix telken Kerssavonde 1 halster coerens of roghs, 1 halster evenen ende twee cappoene, verdinght al omme 26 s.

Van Janne van Heurne, Marien, ziere moeder, ende Allijssen Voeds, in Worteghem, die in pachte houden bilevinghe up haers zelfs erve van Katelinen van den Abeele ende van Jaenkine Voeds, poertesse in Ghend nu wonende, thaerre beeder live, die Clays de Drayere, in Worteghem, houd ende de pacht plach te ontfane jaerlix, ende valt telken Kerssavonde, die heft 8 ℔.

In Ansdighem, ontfaen:

Van Janne van Lede, van sinen pachte dle hi houd van Ghiselbrecht den Smet, poerter in Ghend, 3 vierendeelen lands, in Ansdighem, daeraf dat de

pacht valt telken sente Marie messe, die heft 48 s.

In der Vichten, niet ontfaen.

In Wareghem, van dien van Poteghem, dat ter castelrien toebehoert, niet ontfaen.

In Oeteghem, ontfaen:

Van Roegeer van Crayennest, van sinen pachte die hi houd van Lievine van Damiaets, poerter in Ghend, van 3 bunren lands, lettel min ofte meer, ligghende in Oeteghem, dat tsjaers gheld 11 scilde in pachte, telken sente Marie messe ende sente Jans messe, telken de heelft, ontfaen van nu sente Marie messe verleden den pacht, die heft 6 ℔ 12 s.

In Ingoedeghem, ontfaen:

Van Gillekine den Cousmakere, van Ingoedeghem, die berucht was dat hi trac ten wijghe waerds te Roesbeke, ende, alst Mijn gheduchte heere ghewonnen hadde, quam weder thuus ghevloen, ende daernaer weder hi trac van huus te Henegauwe waerds, alsoe men zeeght; al sijn goed gheprijst ende ghedeelt jeghen siere moeder ende ziere zuster, de cateillen, drouch zijn deel 7 ℔ par, ontfaen 7 ℔.

Van Janne Courtin, in Ingoedighem, die in pachte houd 3 vierendeelen lands, van Grielen ziere moyen Courtins, dewelke nu corts zint Paeschen verleden es ghetrocken ende ghevloen in Ghend, omme 3 ℔ 12 s. tsjaers par., ende, alsoe ochtrac, bleef hi hare sculduch 1 halven pacht te Kerssavonde nu laetst verleden, die heft 36 s.

Ende de erve, desen tween persoenen toebehoerende, gheeft de bailliu over int pappier van den verbuerden goeden, in de vorseide prochie gheleghen.

In Mouden, Bosshuud ende Eestert, niet ontfaen.

In Auterive, niet ontfaen.

In Avelghem, ontfaen:

Van Janne van der Muelen, van Avelghem, die

houd in pachte tgoed dat men heet tHedeghem, ligghende in de prochie van Avelghem, dat groet es 7 bunre, lettel min ofte meer, dat toebehoerd Heinric van Hedeghem, poerter in Ghend, ende gheld tsjaers 100 ℔ par., te tween terminen, deen heelft te Kerssavonde ende dandere te sente Jans messe, ende, alsoe de pachtere zeeght, so ontfinc Mijnheere van Steenhuse, die nu staerf, van hem den pacht van eenen jare, ende zijn meester van den andren halven jare ende nu van den pachte van Kerssavonde, ontfaen van hem 30 ℔.

Van der doet van Stevin Heyssam, in Avelghem ghestorven, so quam ende verstaerf tsestienste deel van sinen goede dat naer hem bleef up eenen Hosten Heyssam, poerter in Ghend, an dwelke de bailliu handslouch, ende dede prijsen bi den ghebueren ende bij den serjanten Mijns heeren van Vlaendren al zijn goed, dewelke Stevin een mate knape was ende poerter tAudenarde, ende drouch tvorseide 16^ste deel dat de bailliu ontfinc, 6 ℔.

In Waermaerde, ontfaen:

Van Janne Avry, die doet bleef vor Audenarde, alse de castelrie daer commen moeste, contrarie Minen gheduchten heere ende der stede, al sijn goed ghedpelt jeghen sijn wijf, dat eene mate partie was, drouch 16 ℔ par., heft Mijns heeren deel 8 ℔.

In Keerchove, ontfaen:

Van Pieter den Dorpere, die doet bleef ten wijghe te Roesbeke, contrarie Minen gheduchten heere van Vlaendre; naer hem es bleven een leenkin, dat hi hilt van Minen heere van Ghistelle, ende es groet 3 bunre, lettel min of meer, ende houd in pachte Zegher van der Varent omme 2 mudde coerens tsjaers, telken Kerssavonde vallende, ende een pond gr. tsjaers te sente Jans messe, daeraf dat de vor-

seide bailliu ontfinc tvorseide coeren, ende deet vercoepen ter maerct, ende galt elc halster 7 s. par. heft tvorseide coeren 8 ℔ 8 s.

In Tideghem, ontfaen:

Van Janne van den Hole, van sinen pachte die hi houd van Grielen van Caelberghe ende van Gillis, haren man, die te Ghend binnen staerf, van 2 bunre lands ligghende in Tydeghem, lettel min ofte meer, daeraf dat Bussin de Hudevettere toebehoerde een half bunre, ende die int land bleven es ende vriend Mijns heeren, alsoe men zeeght, dwelke land gheld tsjaers in pachte 6 ℔ 12 s. par. ende een mudde coerens, alsulc alse up dlant staet, vallende te Kerssavonde ende te sente Jans messe, telken de heelft, daeran dat Bussin vorseid heeft dachtenste deel van den pachte, ende Jans pacht van Hole ghinc nu ute te Maerte verleden, ende heeft er hand angheslegen Bussin vorseid, ende esser pachter af; ontfaen den pacht gheel van beeden terminen, tachtenste deel afghesleghen Bussins recht, ende elc halster coerens vercocht 6 s., daeraf dat zijn deel draeght 25 s. 6 d. par., ende Mijnheere tremenant, dat heft 8 ℔ 18 s. 6 d.

Van Jacop van der Coutren, die doet bleef vor Audenarde metter castelrien, nu in dit achterste besit, al sijn goed gheprijst ende ghedeelt jeghen zijn wijf, met 4 stickelkine lands ende den cateillen, ende waren weerd vonden bi den ghebueren ende den bailliu diere mede was, Jacops deel vorseid 36 ℔ par.; ontfaen van der wedewen vorseid, 36 ℔.

In Castre, ontfaen:

Van Gillis van Bedsbrugghe, Oliviers zone, in Mouden, ende van Hannekine van Coppenhole, f. Oliviers, van Keerchove, die ghevaen waren tAudenarde, mids den gheruchte dat up hem beeden

ghinc dat sij ontleed hadden Callekine, Roegeer Banckaerds dochter, in Castre, bi nachte ute haers vader huus, haers ondankens, met crachte, ende tvorseide fait ghestellet te wette bi partien ende bi den vorseiden bailliu vor Mijns heeren manne van Vlaendre tAudenarde vor den Steenin Man, ende derup ghehouden 3 wetteleke dinghdaghe, alsoe men es gheuseert; ende, omme de redene, dat partien in gheenre manieren claghen wilden dat dmeyskin vercracht was, noch dat soe helpe riep als men ze ochleedde ende datter tlijf niet an en hinc, maer der mannen costumen ende usagen, alsoe hi claerleke gheinformeert was; pais van der calaengen, bi rade van Thomaes Crempen, ende midsdat partien onderlinghe heymelike verzoent waren, omme 120 ℔.

In Ghiselbrechteghem, Peteghen, Oedeke, niet ontfaen.

In Moerighem, ontfaen:

Van Janne den Temmerman, die poerter was tAudenarde ende staerf te Moerighem, so es vierde van sinen goede commen ende verstorven up Minen gheduchten here van Vlaendren, midsdat Willem de Temmerman, Jans broeder vorseid, nu in Ghend es ghevloen met Jan Vasteraerde, van den Ecke, dat een upzetter es ende een grout muetmakere, daermede dat hi zijn goed heeft verbuert jeghen Minen gheduchten heere, al sine cateillen vercocht bij prise daer, dat hem ghebuerde tvierde, ende golden 6 ℔.

Ende in een bunre erven, ligghende in Eyne, hadde hi zijn deel, dat de bailliu over heeft ghegheven int pappier van den verbuerden goeden.

In Elsseghem, niet ontfaen.

Somme in de castelrie heft 320 ℔ 11 s. 6 d.

Ontfaen van den mortemeine in de castelrie.

Eerst, van Wouter den Winter, in Autem ghestorven, dat een arem man was; van eenen bedde, verdinght 24 s.

Van Gillis den Molenmeester, in Autem ghestorven, ende partien zeiden dat hi stond ter Weeden ten ghemitte, daeraf dat de bailliu niet houden en wilden, men had hem bevolen van hove, midsdat Gillis vorseid afzeten was van den herscepe ende dat noch hanght in ghedinghe tusschen Minen gheduchten heere ende Miere vrauwen van den Baren; van hem quam 1 bedde ten besten cateille, verdinght 3 ℔.

Van Jacoppe van der Helst, in Elssighem ghestorven up Mijns heeren heyghin van Vlaendren; van hem quam 1 quaden peulen, vercocht 12 s.

Van Willem van der Scelden, in Elsseghem ghestorven up Mijns heeren heyghin van Vlaendren; van hem quam een meerie, verdinght omme 7 ℔ 4 s.

Van Beatricen van Kerrebrouc, in Wannendighem ghestorven, ende partien zeiden dat soe stond ten ghemitte ter Weeden, daer de bailliu up verhandworde ghelijc den andren boven; van hare quam een coe ten besten cateille, verdinght omme 40 s.

Van Kallen Lepelpots, in Wannendeghem ghestorven, ende wilden staen partien ter Weeden te ghemitte; van hare quam 1 bedde, verdinght om 28 s.

Van Janne den Hinne, in Ansdighem ghestorven, die dienstman was Mijns heeren van Vlaendren, al zijn goed ghedeelt jeghen zijn wijf, ende gheprijst Mijns heeren deel, vercocht sinen wive om 6 ℔.

Van Oliviere van den Harste, in Husse ghestorven, die dienstman was Mijns heeren van Vlaendren; naer hem en bleef niet dan een quaet beddekin, want me hiltene metter haelmoesinen, vercocht tvorseide beddekin omme 24 s.

Van Marien, Willem Raes wijf, ghestorven in Castre, ende wilden partien zegghen dat soe stond ten ghemitte te Sente Pieters te Castre, toebehoerende Daneels hoyre van Husse, daer de bailliu niet af houden wilde sonder bevel van hove; van hare quam 1 coe, die soe gheloost hadde jeghen de Bertoene voren, verdinght omme 48 s.

Van Clemencien Springhintgoed, ghestorven in Autem, ende stond te Sente Pieters te Ghend te ghemitte, alsoe partien zeiden; ende, ommedat soe niet upzeten en was up shabs ende der keerken heerscip vorseit, quam van hare een bedde, want soe wel mate was, verdinght omme 26 s.

Van Janne den Pickere, in Bosshuud ghestorven up Mijns heeren heyghin van Vlaendren; van hem quam 1 calf ten besten cateille, verdinght 36 s.

Van Gheeraerd van der Cautsieden, in Bosshuud ghestorven up Mijns heeren heyghin van Vlaendren; van hem quam een coe, verdinght omme 26 s.

Van Mergriten. Host, in Lede, ende Gillise, haren zone, ghestorven te Husse up Mijns heeren heyghin van Vlaendren; van hembeeden quam een coe ende 1 bedde, verdinght omme 3 ℔.

Van Pieter Bouters, in Lede ghestorven, daer partien af zeiden dat hi stond te ghemitte te Dronghene, daer de bailliu niet af en hilt, men had hem bevolen van hove; van hem quam een coe ten besten cateille, verdinght 36 s.

Van Hannekine van der Keltsieden ende Trijssinen, sinen wive, in Auterive ghestorven up Mijns heeren heyghin van Vlaendreu; van hembeede quam 1 scrijnkin ende 1 beddekin, verdinght omme 24 s.

Van Trijssen van den Ecke, in Castre ghestorven, ende, alsoe panien zeiden, so stond ter Weeden, daer de bailliu up verhandworde ghelijc den andren

ghemitte van der Weeden boven; van hare quam 1 froc ten besten cateille, vercocht 20 s.

Van Arnekine van Pullem, in Wannendighem ghestorven up verscaict heyghin Mijns heeren van Vlaendren; van hem quam een calf, verdinght 18 s.

Van Gheenin Liebaerds, in Castre ghestorven, ende partien zeiden dat hi behoerde ten ghemitte Daneels van Husse, descenderende van den habd van Corby, daer de bailliu niet af en hilt, hi hads ander bevel ghehad; van hem quam een coe, verdinght omme 42 s.

Van Heinric Paeschdach, in Plusse ghestorven, ende, alsoe partien zeiden, hi stond ter Weeden te ghemitte; van hem quam 1 coe, verdinght omme 38 s.

Van Gillis Piers, in Oeteghem ghestorven up Mijns heeren heyghin van Vlaendren; van hem quam 1 coe, verdinght omme 40 s.

Van Janne Ghiseline ende ziere zuster, in Wannendighem ghestorven, ende partien zeiden dat sij stonden ter Weeden te ghemitte, ende, midsdat noch in ghedinghe hanct ter audiencie Mijns heeren van Vlaendren ende midsdat partien al verberrent zijn ende niet en hebben, verdinght 1 bedde ende eenen froc, omme 40 s.

Van Grilen van der Scueren, in Ansdighem ghestorven, ende partien wilden staen te Corby, daer de bailliu niet af en hilt sonder ander bevel; van hare quam 1 coe, verdinght omme 34 s.

Van Roegeer van den Hulle, Mergriten, sinen wive, ende 5 van sinen kindren, in Castre ghestorven, ende zeiden partien dat hi stond te ghemitte te Sente Pieters te Castre, toebehoerende den habd van Corby, daer de bailliu niet af en hilt sonder ander mandament van hove; ende, midsdat de Bertoene alt goed datter int huns was namen ende ochvoerden

ende dreven, so liet de bailliu partien verdinghen omme 8 ℔.

Van Pieter Coerenmanne ende van sinen tween kindren, in Ansdighem ghestorven, ende partien zeiden dat sij stonden, de vader ter Weeden ende de kindren te Sente Pieters, daer de bailliu toe verhandworde ghelijc den andren boven, van gheliken ghemitten; ende, midsdat de Bertoene al ochhadden datter was, liet ze de bailliu verdinghen omme 3 ℔ 12 s.

Van Beelen Liebaerds, van Gheenkine ende van Gillekine Liebaerds, haren kindren, in Castre ghe- sterven, ende behoerden ter Weeden ten ghemitte, alsoe partien seiden, ende de Bertoene ne heter niet dat hem wel voughde; van 1 scrinen, 1 froc, 1 bedde, verdinght al om 3 ℔.

Van Willem Lutin, in Husse ghestorven up Mijns heeren heyghin van Vlaendren; van hem quam een blende meerie ten besten cateille, verdinght omme 40 s.

Van Raessen van den Borne, in Ansdighem ghestorven up Mijns heeren heyghin; van hem quam een meerie, verdinght omme 3 ℔ 12 s.

Van Franskine ende Marekine, Pieter Liebaerds kindren, in Castre ghestorven, ende zeiden partien dat si behoerden te Corby; van 2 besten cateillen, verdinght omme 40 s.

Van Alijssen Alaerds, ghestorven in Autem, ende zeide partien dat soe stond ter Weeden ten ghemitte; van hare quam 1 coe, verdinght 36 s.

Van Grilen Raemkins, in Autem ghestorven ter Quaderstraten, ende dienstwijf Mijns heeren van Vlaendren; van hare quam een wel mate beddekin, dat al haer goed was, want men hilt ze metter haelmoessinen, dwelke bedde vercocht was 12 s.

Van Frans Auscilt, in Husse ghestorven, ende

die dienstman was Mijns heeren van Vlaendren, ende hi ghinc om der lieder broet; van eenen quaden peluwe, dat al sijn goed was, vercocht 6 s.

Van Pieter Maes, in Oeteghem ghestorven up Mijns heeren heyghin van Vlaendren; van hem quam een quade blende merie, verdinght omme 20 s.

Van Willem Bloumen ende sinen wive, in Husse ghestorven, die men metter haelmoessinen hilt, ende, alsoe mep zeide, dienstliede beede waren; naer hemlieden bleef een bedde en 1 ketel, vercocht 22 s.

Van Kallen, Jan Vindevoghels wijf, in Husse ghestorven up Mijns heeren heyghen van Vlaendren; van hare quam een blende ende cruepel merie, verdinght om 20 s.

Van Hannekine Paeschdach, in Husse ghestorven up Mijns heeren heyghin; van 1 bedde, verdinght omme 24 s.

Van Trijssen sBackers, in Avelghem ghestorven, dat een zeere harem wijf was; van eene bedde, verdinght omme 16 s.

Van Kallen sBuden, van Eestert, die vloe van vare van den Bertoenen over Scelde in Eenegauwe, daer soe staerf; haer cateillen ghedeelt, die naer haer bleven ende die daer de Bertoene ghelaten hadden en nu daer haer broeder toezaghen, waren vercocht, Mijns heeren deel omme 3 ℔.

Van Coppin van der Tombeelen, in Auterive ghestorven, die dienstman was Mijns heeren van Vlaendren, al sijn goed ghedeelt ende gheprijst jeghen zijn wijf, met 8 roeden lands, die hi in eene hofstede hadde, elke roede gheprijst 5 s. par., heft Mijns heeren deel 4 ℔ 16 s.

Item, was vonden nu omtrent Kerssavond eene vremde lijdende meerie in de prochie van Keerchove, up een eerscip dat Gheeraerd Akenijs houd

Gheeraerd van der Donc, ende Gheeraerd voert zijn leen van Mer Jans hoyre van Audenarde, ende sij voert van den heere van Heinsberghe, dewelke merie, alsoe men zeide, dien van Ghend ontdoolt was, deed ze de bailliu halen tAudenarde, quamen partien ende seiden dat sij se bi rechte sculduch waren te hebbene, ende alse vond up haer heerscip; daerup de vorseide bailliu verhandworde ende zeide, present Mijnheer Mer Daneele van Haelwine, doe rewaerd van Audenaerde, ende Thomaes Crempen, dat de vorseide merie Mijnheere toebehoorde bi rechte, want Gheeraerd sijn leen van Mijnheere niet en hilt, ende mids den orloghe, dat de merie sinen vianden toebehoorde ende hemlieden ontloepen was, die muetmakers zijn hem contrarie; ende seide voerd dat hi niemene en kende so groeten heere in de castelrie van Audenaerde, die hi machtich kende mueterye te berechtene dan hi zelve in den name van Minen gheduchten heere; ende, bi deser redene ende bi rechte, was hem de vorseide merie an-gewijst, die hi vercochte 15 scilde, valent 18 ℔.

Van Duenen, Mijns heren Heinric sJonghen joncwijf was, die de bailliu vaen dede ende inbringhen tAudenaerde, mids den gheruchte, dat up haer ghinc, dat soe goed onder haer hadde van heren Heinrix bastaerdedochter, die hi bi hare hadde ende in Ghend staerf, dat toecommen ende verstorven es up Minen gheduchten heere; pais van der calaengen, ter beden van Gheeraert van Lederghem, omme 30 ℔.

Van Janne den Snouc, in Avelghem, die dienstman was Mijns heeren van Vlaendren; naer hem bleef 1 pot ende 1 bedde, verdinght omme 24 s.

Somme, 134 ℔.

Van bastaerden ende tiendenpenninghen, niet ont- faen binnen dese rekeninghen.

Somme van den ontfanghe in de castelrie, 455 ℔ 14 s.

Somme van al den ontfanghen vorscreven, 581 ℔ 10 s. 6 d.

Ontfaen van der bailliu van Haspre ende van Zinghem, bi Lauwerze van Loe, daer baillui zijnde.

Eerst, van boeten ende verbuerten.

Eerst, van tween coeyen, die toebehoerden Ghiselen van den Bossche, nu in Ghend wonende, die cochte Jan van Raetbosch, ende golden 6 ℔.

Van eenre coe, die oedelic was, die Jan vorseid cochte jeghen den vorseiden bailliu, die toebehoerden Truden van der Zorghen, nu in Ghend ghevloen, ende galt 24 s.

Van Jan Gheeraerts, die eene coe cochte jeghen den vorseiden bailliu, die Michiel Ghernoets was, ende was vercocht 54 s.

Item, cochte de vorseide bailliu eene olimolen, die Ghisels van den Bossche was, Janne van Raetbosch, ende galt 10 ℔.

Van Katelinen sPonteneeren, die in Ghend ghestorven es; naer haer es bleven cateilkine in Zinghem, bancke, stoele, 1 scrine, 1 bedstede ende ander cleen dinc, dat vercochte de bailliu Heinen den Tuerc, omme 3 ℔.

Van Stassin Coelins, van Haspre, die 3 coey uphilt, ende quamen daer ghedoolt, alsoe hi den vorseiden bailliu zeide, ende bij rade van hem hilt ze 40 daghe; ende niemene en quam die anverde of zochte, vercocht dese vorseide coye den vorseiden Stassine, ende golden 4 ℔.

Somme, 26 ℔ 18 s.

Ontfaen van pachte, van verbuerden goede in de vorseide dorpe, ende van renten daer toebehoerende.

Eerst, van Heinric den Costre, in Haspre, die in pachtc hilt jeghen Jan van Wassinhove 1 lettel lands, dat tsjaers gheld 40 s. telken Kerssavonde; ontfaen van hem 40 s.

Van Jan Heuzen, van den Steene, die in pachte hilt vele plecken van lande onghemeten jeghen Janne van Wassinhove omme 36 ℔ par. tsjaers, ende tvorseide land heeft al dit jaer ledich gheleghen, zonder eenen hoeybuelc, die hi tsjaren maeyhen dede, daeraf dat hi heeft ghegheven van pachte 4 ℔.

Van Heinric van der Straten, die in pachte houd 1 buelc van 3 vierendeel groet, ligghende in Zinghem jeghen Janne van Westvoerde, die doet bleef ter Zwalmen contrarie Minen heere van Vlaendren, omme 4 ℔ par., vallende telken Kerssavonde; ontfaen van hem 4 ℔.

Van Jan Roegiers, den costre, van sinen pachte die hi houd van Ghisel van den Bossche, nu in Ghend wonende, ende Ghisel houdes voert van Boudin Passcharis alsoevele, ende leeght bi den poten, ende plach te gheldene 42 s. par. tsjaers, telken Kerssavonde; ende, midsdatter de vorseide Jan wel lettel af indede ende dat hi een mate cnape es, verdinght omme 24 s.

Van Zegher den Baerdmakere, die in pachte houd van Janne Ake, poerter in Ghend, 3 vierendeel weeden in Zinghem, omme 3 ℔ 12 s. par., vallende telken Kerssavonde; ontfaen van hem 3 ℔ 12 s.

Item, van Arende van der Weeden, van 1 vierendeel lands, dat hi in pachte houd van denzelven Janne, ligghende in Zinghem, daeraf dat de pacht loept, die nu viel te Kerssavonde, 24 s.

Item, van renten die men sculdich es jaerlix Miere joncfrouwen van der Steengracht, Franssen haren

zone, Janne Ake, Janne van Wassinhove ende Gillis hoeyre van Landhuud, alle nu in Ghend zijnde contrarie Minen gheduchten heere van Vlaendren, ende valt de vorseide rente telken Kerssavonde, van elken persoen hoevele, ende waeraf ghelijc dat een pappier verclaert dat de bailliu deraf overgheeft, ende heft de somme 11 ℔ 13 s. 2 ½ d.

Somme, 27 ℔ 13 s. 2 ½ d.

Ontfaen van den morteneine ende van steerf-coefe in de vorseide doorpe.

Eerst, van Janne den Groeten, in Zinghem ghestorven; van hem quam 1 bedde ten besten cateille, verdinght 48 s.

Van Kerstinen sPelsmakers, in Zinghem ghestorven; van hare quam 1 calf, verdinght omme 22 s.

Van Willekine van den Steene, in Zinghem ghestorven; van hem quam 1 bedde, verdinght omme 36 s.

Van Lijsbetten, Zegher Naessins wijf, ende van Gheenin, haren zone, ghestorven in Haspre; van 1 coe ende 1 bedde ten tween besten hoefden, verdinght omme 3 ℔.

Van Boudin Leins, in Haspre ghestorven; van 1 coe ten besten cateille, verdinght omme 3 ℔.

Van Janne van der Stichelen, in Haspre ghestorven; van 1 coe, verdinght omme 48 s.

Van Willem van der Weeden, in Haspre ghestorven; van hem quam 1 bedde ten besten cateille, verdinght omme 40 s.

Van Gillis Pillin, in de stede van Audenarde ghestorven int besit, ende was van Haspre gheboren; van hem quam 1 bedde, verdinght omme 36 s.

Van Marien Pillins, in Zinghem ghestorven; van hare quam 1 bedde, verdinght omme 20 s.

Van Lauwers den Knijf, in Zinghem ghestorven; van eenen bedde, verdinght omme 30 s.

Van Katelinen van den Dalc, in Dickelvene ghestorven, die van auden tijden toebehoerde ten besten cateille tHaspre ende te Zinghem; van hare quam 1 bedde, verdinght omme 40 s.

Van Zegher van den Huffle, van Zinghem, die te Doernike staerf ende behoerde ten besten cateille tHaspre ende te Zinghem; van hem quam 1 bedde, verdinght omme 24 s.

Van Janne den Meyere, in Haspre ghestorven; van hem quam 1 coe, verdinght omme 40 s.

Van Janne ser Naessins, Arnekin sMessagiers vader, ghestorven tHaspre, ende van Heylen, ziere moeder, ghestorven te Huddeghem; van 2 hoeftstoelen, deen 1 coe, dander 1 bedde, verdinght omme 3 ℔.

Van Moenin van den Huffle, van Zinghem, ghestorven te Doernike; van hem quam 1 bedde ten besten cateille, verdinght omme 24 s.

Van Grilen Cruels, in Zinghem ghestorven; van hare quam 1 bedde ten besten cateille, verdinght omme 40 s.

Van Goessin Heuzen, in Haspre, van 3 vierendeel nieus lands, daer 3 s. tsjaers utegaet uten bunre, ende alsoevele alst verandert van steerfcoepe; ontfaen 2 s. 3 d.

Van Boudin Leins, van nieuwen lande; van steerfcoepe ontfaen, 16 d.

Van Willem van der Weeden, van 1 vierendeel weedelands in Zinghem, daer 12 s. utegaet uten bunre, ende alsoevele alst verandert, van steerfcoepe ontfaen 3 s.

Somme, 31 ℔ 14 s. 7 d.

Van bastaerden ende tiendenpenninghen, niet ontfaen binnen den doorpen bin deser rekeninghen.

Somme van al Haspre ende Zinghem heft 86 ℔ 5 s. 9 ½ d.

Somme van al den ontfanghen bovenghescreven heffen 667 ℔ 16 s. 3 ½ d.

Dit es dhuutgheven up tvorseide ontfanc.

Eerst, omme de wedden van den vorseiden bailliu in avenant van den termine vorseit, twelke ghedraeght 1 jaer, loopt 50 ℔.

Item, alse Mijnheere Mer Daneel van Haelwine, de rewaerd van Audenarde, doet was, dies God der zielen ghedinken moete, voer de vorseide bailliu te Minen gheduchten heere, omme te hebbene eenen andren rewaerd, daer hi omme utewas 3 daghe met 4 parden, te coste 8 ℔ 8 s.

Item, ghegheven den serjanten die de meerie vonden areesterden up Gheeraerds Ackenijs heerscip, ende brochten tAudenarde, daer dontfanc boven af mencioen maect, ende van den costen van der vorseider meerien die 8 daghe stond tAudenarde, aleer de vorseide bailliu sententie daeraf ghecreech mids vervolghe van partien, ende midsdat Mijnheere Mer Daneel zelve zeide dat se hem toebehoerde alse Maerscalc van Vlaendren; te coste van al, 3 ℔.

Item, ghegheven Janne Petijtten, omme 1 zweerd, daer men de justicien mede doet ende heeft ghedaen daghelix in Audenarde, ende buten daer men de justicien nu pleeght tedoene, 2 vranken,valent 3 ℔ 15 s.

Item, zende Mijn gheduchte heere Heinric Sanderss ende sinen meester van den tenten tAudenarde omme de tenten die bleven waren naer Mijnheere Mer Daneele, den rewaerd was, up te bindene ende te scepe te doene, ende met scepe te voerne tote

Dornike; te coste van den pijnres, die ze den meester holpen upbinden ende te scepe te voerne ende te draghene ter Meerschpoorten, 40 s.

Item, van sciphueren tween sciplieden diet voerden, ende Regauts cateillen van Gavere mede int scip te Doernike, die mede onboden waren ende hadden gheleghen tAudenarde meer dan twee jaer ende een half ser Arends Raephoefts; te coste, 6 ℔ 12 s.

Item, ghegheven den here Arend Raephoefde, priester, van huushueren van Rigauts cateillen van Gavere, dat siere laghen den tijt vorscreven, 4 ℔ 16 s.

Item, was de vorseide bailliu omboden bi eenen brieve van Minen gheduchten heere van Vlaendren te bringhene Janne van Ravelghem, die Mer Jan Bernage ghevaen hadde te Mouden, dwelke de bailliu dede ende overleverdene te Rijssele, daer hine voerde met 6 parden, metten paerde daer de ghevanghene up reed; te coste van dat hi ute was 3 daghe, verteert 10 ℔.

Item, was de bailliu noch omboden bi eenen brieve van Minen gheduchten heere, te commene te Rijssele, omme eeneghe zaken te verclaerne, toebehoerende den verbuerden goeden in Audenarde ende in de castelrie, daer hi voer ende was nte 3 daghe; te coste, 8 ℔.Ga naar voetnoot(1)

Item, alse de bailliu van Zinghem omboden hadde tAudenarde scepenen van Haspere ende van Zinghem, alsoet hem bevolen was, omme over te hebbene alle de verbuerde goede, hoevele ende wat zij tsjaers weerd waren in de vorseide prochien, daer sij over waren 2 daghe, aleer sijt vuldaden; te coste van hemlieden, 6 ℔. 12 s.

Item, zijn tAudenarde zint Dertiendach ghejusticiert 33 persoene, daeraf dat de namen up den rugghe staen ghescreven, daeraf dat den bailliu bevolen was bij Mijnheeren van den Rade Mijns gheducbts heeren van Vlaendren, dat hi de justicien ghelden zoude, ende de coste daeraf, datter up eenen donredach onthoeft waren 11 persoene tAudenarde up 1 scavaeut vor de Halle, daer present waren Mijnheeren van den Rade vorseit, Mer Jan van Haelwine, Mer Coelaerd van den Clijte, Mer Jan van Grijspere, Heinric Lippins, de Ontfanghere van Vlaendren ende Thomaes Crempe; te coste van den hangheman, van sinen dienste, van sinen handscoen, van der ghesellen costen, diere mede pijnden, holpen laden ende ontladen, ende buten der stede voerden, daer men se grouf ende de hoefde up scachte zette; van zeelen, coorden, naghelen, daermede dat men de scachte onderzette, ende van allen costen diere up ghinghen up dien dach, te coste, 36 ℔ s.

Item, van den scavaeute te makene ende te brekene, van naghelen, van stroe, ende van den hurden och te voerne, 36 s.

Item, van zeelen, cordeelen, van kerssen, smoute ende roete, up den avond dat sij ghepijnt waren, ende den costen van den ghesellen diere ghepijnt waren, 3 ℔.

Item, van den 22 andren persoenen die te voeren ende zint ghejusticiert zijn te vele stonden, ende alle up wiele gheleit; ghegheven den coc van sinen dienste, van elken 20 s., ende 2 s. over sine handscoen, heft 24 ℔ 4 s.

Item, van wielen, masten, staken, naghelen, zeelen, cordeelen, daer men se mede bant; te coste van al, 22 ℔, 7 s.

Item, van der ghesellen costen, die ze holpen examineren ende holpen rechten buten, alse zij onthoeft waren, ende dermede pijnden tallen tijden alst te doene was; te coste van hemlieden, 18 ℔.

Item, van keerssen, smeere, roete, zeelen, cordeelen, kannen ende van allen stoffen die men beseghede, alse men se alle 22 examineerde, 4 ℔ 11 s.

Item, ghegheven den pape die se biechte alle 33, van elken 5 s. par., alsoet den bailliu bevolen was bij Mijnheeren van den Rade, heft de somme 8 ℔ 5 s.

Item, was de bailliu omboden bi eenen brieve van Minen gheduchten heere, dat hi bringhen zoude te Rijssele den pape van Zulzeke ende Fierin Tornay, die tAudenarde ghevaen laghen, dwelke de bailliu dede, ende voerde met 6 parden, metten tween huerparden daer de ghevanghene up reden; te coste van hem, mids tween daghen dat hiere omme ute was, 10 ℔ 6 s.

Item, van den tween huerparden, daer sij up reden, van elken 8 s. sdaeghs, van tween daghen, heft 32 s.

Item, van den huerparde, daer Jan van Ravelghem up ghevoert was; van der huere van 2 daghen, 8 s. sdaeghs, 16 s.

Item, ghegheven Thomaes Crempen, van renten ende van pachten, die de bailliu ontfaen hadde bi parcheelen in zine baillie, bovengherekent in sinen ontfanc, ghelijc dat een pappier verclaerd datter Thomaes af heeft, daeraf dat hi den bailliu gaf eene cedulle met sinen zeghele daer gheplact, die draeght 256 ℔ 12 s.

Item, up den dach alse men de duerghinghe waerhede huutte tAudenaerde, te coste doe ghedaen mettienghenen diere mede ghepijnt waren van Mijns hoeren officijers, 6 ℔ 18 s.

Sommne van den huutghevenc vorseit heft 499 ℔ 4 s.

Ende dontfanc loept, 667 ℔ 16 s. 3 ½ d.

Aldus blijct dat de vorseide bailliu sculduch blijft 177 ℔ s. 3 ½ d.

Hierof betaelt Janne van Troyes, procurerre Mijns heren van Vlaendren in thof van Dornike, van sinen pensione van den termine te Meye int jaer -83, 20 ℔, also blijct bi ziere gnitanche.

Rest dat hi sculdich blijft, 157 ℔ 12 s. 3 ½ d.

Op den rug: Dit zijn de ghejusticierde in Audenarde ende derbuten, zint Kerssavond int jaer -82, al tote nu den.... dach in:

Eerst, Hannin van Brucelle, een helsseneere, een scoenayere.

Hannekin van Arendsdale, van Nukeerke.

Hannin van der Roest, van Denrewiendeke.

Arend de Smet, van Denrewiendeke, een parmentier.

Gheenin Soijers, van Nieneve, Pieters cnape van der Zickelen, van Ghend.

Heinric de Bels, van Wanzele, uten lande van Denremonde.

Pieter van den Hauwe of van den Hove, van Leeuwerghem.

Heinric de Bliec, van Wiendeke.

Hannin Reingoet, van Curtryke, een helsseneere, een scoenayere.

Pieter Zoetinc, een helsseneere van Durdrecht.

Gheenin Borluut, een lijninwevere van Hastine up de Leye.

Martin Soykin, van Lederne up de Leye.

Jan van Zieldeghem } beede dese van Hiseghem,

Joeskin Acket } beede dese van Hiseghem,

Jan Annaerd, een voIre van Audenarde.

Boydin van der Heule, van Denterghem.

Hanilin de Moenc, van Ghent, een pijnre ende een visschere.

Dit zijn de 11 persoene, die onthocft waren up scavaeut vor de Halle.

Eerst, Hanmn de Hoem, van Zwijnaerde.

Hannin Ghevaerd, van Husse.

Hannekin Vranx, van Zwijnaerde.

Hannekin van den Ackere, van Eeke.

Clays Zwijndau van den Keerchove, een wever van Ghend, van Zwijnaerde gheboren.

Willem Sceldeman, een wever van Ghend, van Weldine gheboren.

Jan de Dammeleere, een wever te Ghend, van Oerenbeke gheboren.

Liefkin Maes, een parmentier van Ghend.

Martin van den Damme, haer alre capitein te Zwijnaerde ten passe.

Clays Tant, van Yppre, een wevere.

Ghisel de Heghel, een visschere, van Petighem bi Doinze.

Jan van Burst, een scuttere van Ghend, die int besit ghevaen was.

Jan van Voesdonc, van Mechline,	} beede ghevaen int besit.
Woytin van Hoeleghem van Mechline,	} beede ghevaen int besit.

Matthijs van Rattepade, van Hiseghem.

Hannin van den Ecke, van Gavere, Pieters cnape ende page van den Voerde.

Op den rug: Compte Jehan Hooft, bailliu d' Oudenarde, fait à Lille le 4^e jour de May l'an -83.

Rol-Rekening, n^r 1207.

Oudenaarde.
F. 1384 (Maart-4 Augustus).

Dit es de rekeninghe van Jan Hoefde, bailliu van der castelrien van Audenarde, zint den.. dach in Maerte int jaer -83, tote den 4^den dach in Houste int jaer -84, dat hi weder bailliu zwoer van Audenarde ende van der castelrien, tote den 19^sten daghe in Septenobre, int zelve jaer. Ghedaen te Ryssele.

Ga naar voetnoot(1)

Dit es dhuutgheven up tvorseide ontfanc.

Eerst, omme de wedden van den vorseiden bailliu int avenant van den termine, heft 25 ℔ 3 s. 8 d.

Item, so heeft de bailliu van Zinghem moeten varen in zine baillie met ghesellen ghewapent te meneghen tijt, midsdat hi alleene niet riden en

dorste, daer hi de ghesellen, als zij thuus quamen, haer coste doen moeste, die met hem haer lijf gheaven-tuert hadden, dewelke coste hi dede ten alre lijde-lichten [sic] dat hi doen mochte, die loopen 12 ℔.

Item, bi beveelne van Mijns gheduchts heeren brieven van Bourgoingnen, grave van Vlaendren, so heeft de bailliu van Audenarde ende van der castelrien vorseit gheleent Ghiootte van Lompret, castelein van Petighem, bi perchelen die Ghiot van hem ghehadt ende ontfaen heeft, te provanchen bouf van den vorseiden castelle, ghelijc dat de cedulle verclaert, diere de bailliu af heeft van Ghiote vorseit, ende draeght onder al 84 ℔ 7 s.Ga naar voetnoot(1)

Item, so heeft de bailliu vorseid dicken ende menegher stond met ghesellen moeten rijden, dertoe ghebeden, in de castelrie omme te gaderne dmeeste deel van den percheelen bovenghescreven, omme hinninghe deraf te hebbene, midsdat de doorplieden niet commen en dorsten tAudenarde, midsdat sij gheroeft waren int gaen ende int keeren, ende int welke rijden vorseid de vorseide bailliu heeft belaeght ende verjaeght gheweest ten 3 stonden ofte ten 4 stonden van den vianden; daer de bailliu Jan Hoeft vorseid den ghesellen die met hem waren qualike min doen mochte dan haer costen, dewelke hi heeft ghedaen ter goeder trauwen, ende loepen 24 ℔.

Item, gheleent Ghiotte van Lompret, castellein van Petighem, onder in ghelde ghereet ende te provanchen bout van den casteele vorseid, alsoet blijct bi der cedulle dier Ghiot vorseid den bailliu deraf ghegheven heeft, die draeght 60 ℔ 9 s.Ga naar voetnoot(2)

Somme van den huutghevene heft, (205 ℔ 19 s. 8 d.) Ende dontfanc loopt, (266 ℔ 6 s.)

Aldus blijct dat de vorseide bailliu sculduch blijft (60 ℔ 6 s, 4 d.)Ga naar voetnoot(1)

Op den rug: Comfte Jehan Hooft, bailliu d'Audenarde, dou mois de Mars l'an -83 jusquies en Septembre l'an -84, fait à Lille.Ga naar voetnoot(2)

Rol-Rekening, n^r 1210.

Oudenaarde.
G. 1384-1385 (19 September-9 Januari).

Dit es de rekeninghe van Janne Hoefde, bailliu van Audenarde ende van der castelrien, zint 19^sten dach in Septembre int jaer -80 ende viere tote den 9^en daghe in Laumaend int zelve jaer. Ghedaen te Rijssele.

Ga naar voetnoot(1)

Dit es dhuudgheven up tvorseit ontfanc.

Eerst, omme de wedden van den vorseiden bailliu int avenant van den termine, 16 ℔ 13 s. 4 d.

Item, bi beveelne van Mijns heeren meesters brieven van Bourgoingen van siere herberghen, grave van Vlaendren, so voerde de bailliu Gillis Maeldrey te Atrecht in vanghenessen den 27^sten dach in Octobre, daer hi omrne ute was 4 daghe met 7 parden, midsdat hi hem bevolen was, wel verwaert te bringhene;

te coste, mids 3 huerparden, elc 8 s. sdaeghs binnen der tijt vorseid, metten ghesellencosten, 22 ℔ 16 s.

Somme, 39 ℔. 9 s. 4 d.

Huutghegheven omme de justicien binnen deser rekening hen.

Eerst, omme de justicien van Hannekin van Audenarde ende Theeukine van Coudenberghe, van Brabant, die onthoeft waren ende up wiele gheset; te coste van hem beeden van wielen, zeelen, masten, naghelen ende andren stoffen dier loegbinc, mids den dienste van den coc, 6 ℔ 12 s.

Item, van Hannin van der Ronnen, die ballinc was tAudenarde 3 jaer ute Vlaendren bi der wet van Audenarde, ende binnen sinen ballincscepe in Vlaendren ghevaen wart, ende onthoeft bi Mijnheere Mer Janne Jeumont, souverain bailliu van Vlaendren; ghegheven den coc, over sinen dienst ende van den put te makene, 42 s.

Item, van Haelkin den Grave, van Hardoije gheboren, dewelke de bailliu vorseid vinc, daer hi hem bespiet was bi nachte tAutem, in eene taveerne, dewelke Haelkin vorseid was medepleghere ende gheselle Meeus Bobbels, ende gheëxamineert, ende lijde van velen horribelen faiten ende sticken mettien van Ghend ghedaen ende in haer hulpe gheweest, ende eeneghe binnen desen vrede ghedaen, daeromme dat hi qualijc te Ghend nu was; ghegheven den coc, van siere justicien ende van den grave te doen makene 48 s.

Item, van den costen die de bailliu dede snachts, daer hine haelde tAutem met 20 ghesellen ghewapent, daer hine vant met 10 Gantoysen sitten drinkende, daer hi metten ghesellen verteerden ten tween steden, daer sij letten ende beidden tote men poerten tAudenarde onthede, te coste, 3 ℔ 8 s.

Item, omme de costen van Hannekin van Audenarde ende van Theeukine van Coudenberghe vorseid, daer sij laghen int casteel tAudenarde, aleer sij ghejusticijert waren; van 4 daghen, 8 s. sdaeghs, met die se wachten, heft 32 s.

Somme, 16 ℔ 2 s.

Somme van al den huutghevene, 55 ℔ 11 s. 4 d.

Ende dontfanc loept 156 ℔, 6 s. 6 d.

Aldus blijct dat de vorseide bailliu sculduch blijft 100 ℔ 15 s. 2 d.

Op den rug: Compte Jehan Hooft, bailliu d'Andenarde, fait à Lille le 9^e jour de Jenvier l'an -84.

Rol-Rekening, n^r 1212.

Oudenaarde.
H 1385 (9 Januari-8 Mei).

Dit es de rekeninghe van Jan Hoefde, bailliu Audenarde ende van der castelrien, zint den 9^sten dach van Laumaend int jaer -80 ende viere tote den 8^en daghe in Meye int jaer -80 ende vive; ghedaen te Rijssele.

Ga naar voetnoot(1)

Dit es dhuutgheven up tvorseit ontfanc.

Eerst, omme de wedden van den vorseiden bailliu, int avenant van den vorseiden termine, heffen 16℔. 13 s. 4 d.

Item, omme de justicie van Weitkin Kokere, die ghejuslicijert was nietten zwerde, ende teerst gheëxamineert ende een medepleghere mettien van Ghend; te coste, van den coc ende den put te doen makene, 3 ℔.

Van sinen costen dat hi lach ghevaen 14 nach int casteel, daerne een gheselle wachten moeste;

hem over sine pine ghegheven ende harer beeder costen, 48 s.Ga naar voetnoot(1)

Item, van Fierin den Hudevettere, van Autem, berucht van dat hi zoude hebben gheweest ter doet van Moenin Halfsteene binnen den eersten vrede, daeromme dattene de bailliu vaen dede ende bringhen int casteel tAudenarde, daer hij lach 3 weken, aleer men claerleke van den faite wel gheinformeert was, ende daer tenden was gheëxaminert, ende naer onthoeft; ghegheven den coc, over sinen dienst ende van den put te doen makene, 3 ℔.

Item, van sinen costen int casteel ende van diene wachten binnen den vorseiden 3 weken, 4 ℔Ga naar voetnoot(1).

Item, van Gillekine den Muldre, van Hasselt der poert, dat een uterlic quaet knecht was ende Gantoys, ghevaen bi Gheeroutsberghe bi den ghesellen van Oudenarde, ende onthoeft ende up een wiel gheset; van al datter toeghinc ende behoerde, ende den coc ghegheven over sinen dienst, 4 ℔.

Item, van Boudin Roesmonde, dat een Gantoys was ende ghevaen te Helsseghem, ende gheëxamineert, ende daernaer up een wiel gheleit; van al der stoffen diere toeghinc, ende den coc ghegheven over sinen dienst, 4 ℔.

Item, van haren costen int casteel, ende twee ghesellen die ze wachten 3 daghe, alle beede 12 s.Ga naar voetnoot(1)

Item, omme de justicie van Harekin van den Domple, dat een uterlic quaet knecht was, ende van den eersten mettien van Ghend gheweest, ende alle de muelne verberrent, die hem de 3 dekene bevalen van Ghend, ende alle der heeren goede verberrent, die ute waren met Minen gheduchten heere

van Vlaendren, wies ziele met Gode leven moete; daeraf dat hi meester was gemaect te Ghend, ende sinen heet ghedaen hadde; ghegheven den coc, die 3 daghe lach en beidde tAudenarde met 1 huerparde die van Curtryke omboden was, ende up een wiel gheleit de vorseide Arekin; over alle de coste diere toeghinghen, ende over sinen dienst, 6 ℔ 12 s.

Item, omme de justicie van Pieterkin Beydins, die ghevaen was up de Zwalme, ende een muetmaker was, zint den tijt dat Audenarde verloren was mettien van Ghend, ende onthoeft; ghegheven den hangheman, over sinen dienst ende de put te doen makene, 3 ℔.

Item, ghegheven van den costen van sanghmans parde, van 5 daghe in de herberghe, 25 s.

Somme van den huutghevene heft 41 ℔ 10 s. 4 d.

Ende dontfanc loept 197 ℔ 10 ½ d.

Aldus blijct dat de vorseide bailliu sculduch blijft 155 ℔ 10 s. 6 ½ d.

Op den rug: Compte Jehan Hoeft, bailliu d'Audenarde, fait à Lille le 8^e jour de May l'an -85.

Rol-Rekening, n^r 1214.

Oudenaarde.
I. 1385 (8 Mei-18 September).

Dit es de rekeninghe van Janne Hoefde, bailliu van Audenarde ende van castelrien, zind den 8^sten dach in Meye int jaer Ons Heeren 1380 ende vive toten 18^en daghe van Septembre int selve jaer, ghedaen te (Rijssele, present Mer Colart van de Clite, le dyen S. Donas, H. Lippin, receveur, J. Brune, maistre, et G. Basin, contrerolleur).

Ga naar voetnoot(1)

Dit es thuutgheven op tvorseit ontfanc.

Eerst, om de wedden van den vorseiden bailliu, die draghen tsjaers vichtich pond parisis, van den termine van 27 weken, liep 16 ℔ 24 s. 4 d.

Item, om de justicie van Franssen van der Beken, van Oeteghem, die was een uterlic roevere mettien van Ghend, ende een gront muetmakere, ende was up een wiel gheleit; ghegheven den hangheman over

zinen dienst, midsdat hi van Curtrike commen moeste, ende van zinre parthuren, 4 ℔.

Item, van wielen, van masten, van zeelen, van naghelen, ende van dat hi gheëxamineert was, te coste 40 s.

Somme van den huutghevene, 22 ℔ 13 s. 4 d.

Ende dontfanc loept, 194 ℔ 11 s.

Aldus blijct dat de vorseide bailliu sculdich blijft, 171 ℔ 17 s. 8 d.

Che compte fu oys à Lille le 17^eGa naar voetnoot(1) jour de Septembre l'an 1380 et chinq, présens Messire Colart de le Clite, le doyen de S^t-Donas de Bruges, Messire H. d'Espière, H. Lippin, receveur de Flandres, J. Brune, maistre des comptes, et Gille Bastin, contrerolleur.

Op den rug: Compte Jehan Hooft, bailliu d'Audenarde, fait à Lille le 17^eGa naar voetnoot(1) jour de Septembre l'an -80 et chinq.

Rol-Rekening, n^r 1216.

Oudenaarde.
J. 1385-1386 (18 September-8 Januari).

Compte de Jehan Hooft, bailliu d'Audenarde et de la chastellerie, depuis le 18^e jour de Septembre l'an -80 et ciunq, jusques au 8^e jour de Janvier en l'an dessusdit, fait à Lille, présent, Clite, S. Donas, Grijspere Spieter J. Brune ende H. Lippin.

Recheu des amendes et fourfaitueres en ladicte ville d'Audenarde.

Premiers, vendy lidis bailliu la comble d'une mayson carpentée, gisant à Pamele, laquelle appartenoit à Jehan de Coppenhole, l'escrinier, et fu lidis Jehans des complices de ceulz de Gand; pour laquelle cause adont li bailliu mist main audit comble comme fourfait enviers Mon très redoubté signeur Monsigneur de Bourgogne, conte de Flandres, et fu vendue à Jaquemaerd Hoen, dAudenarde, 12 ℔.

De Jehan Bouchoud, qui gisoit en Audenarde, comme homme d'armes, lequel navra par nuit d'une dague Goessuin de Grameis sur l'atre de Sainte Woubourc d'Audenarde, de laquelle plaie il trespassa tantost de la vie au mort; pour lequel fait lidis bailliu mist main às biens et avoirs appartenant audit Jehan Bouchoud, ou nom de Mondit

très redoubté signeur, et pour ce qu'il n'en fist requerre audit bailliu anchune franchise doudit homicide; et furent en sa mayson, qu'il avoit alloe, trouvé les cateulx chi desous nommés, et furent vendues en la manière qui s'ensieut:

Premiers, fu trouvé une petite cote de fier, qui fu vendue 5 escus, valent 6 ℔.

Item, un bachinet de fier, à tout la barbe et la visière, vendu 4 escus, valent 4 ℔ 16 s.

Item, une petite potrine de fer, vendue 40 s.

Item, une père de vieulz wans, vendu 12 s.

Item, une père de grèves de fer, vendu 40 s.

Item, de deus caudrons blancs, 24 s.

Item, un noir caudron, 3 s.

Item, une payele de kuèvre 16 s.

Item, de 2 pos de mettalle et d'un petit lijt atout un keveth, 3 ℔ 12 s.

Item, de 2 bans, une viellie renne pour tenir cappons, de 2 asselles et de 2 estaus, 20 s.

Item, de 2 espeyes, d'un pot d'estain et de demy lot d'estain, 30 s.

Item, d'une scoupe, d'une courte hupelande et d'un mauvays couvertor, d'un estraintes, de deus vieulz oseans et d'un calitz, 3 ℔ 16 s.

Item, d'un mortier, 4 coussins, demy cent de laigne, et de deus courtes nappas, 38 s.

Item, de troys fays de feyn et d'une quenyche, prisié 4 escus, valent 4 ℔ 16 s.

Item, d'un cheval blanc clochant et d'un rouge cheval pour un varlet, lesquels furent prisiés et venduz 40 escus, valent 48 ℔.

Somme, 94 ℔ 3 s.

Recheu des amendes et drois des kueres des mestiers et des aultres officijers de ladicte ville, èsquels Mon-

signeur doit avoir l'une tierche partie, eschevyns l'autre tiersch, et l'antre tierche partie doyens, arbitres et autres officijers de ladicte ville.

Premiers, des maistres de la halle, c'on appelle

Heinsgraven de la drapie.	} Riens recheut.
Des tieusserans.	} Riens recheut.
Des follons.	} Riens recheut.
Des tondeurs de drap.	} Riens recheut.
Des bollinghiers.	} Riens recheut.
Des poisseurs de pains.	} Riens recheut.
Des brasseurs de servoise.	} Riens recheut.
Des fèvres, des parmentiers.	} Riens recheut.
Des bouchiers.	} Riens recheut.
Des wardeurs au markiet de poisson.	} Riens recheut.
Des crasses denrées et de la moustarde.	} Riens recheut.
Des merssiers et bourssiers.	} Riens recheut.
Des curdewaniers et tanneurs de quir.	} Riens recheut.
Des pilletiers.	} Riens recheut.
Des carreliers et escriniers.	} Riens recheut.
Des corliers.	} Riens recheut.

Somme: riens.

Somme des receptes de toute la ville, 94 ℔ 3 s.

Recheu d'accat des frans aloesGa naar voetnoot(1), c'on dist heyghin, cant on les vent, si a Monsigneur 15 d. de la livre en ladicte chastelrie d'Andenarde, mès est à savoir que dedens ces comptes ne sont nulles vendues.

Somme: niient.

Recheu des amendes et fourfaitures en la chastellerie d'Audenarde.

Premiers, en la parroche de Bevere et Eyne, riens recheu.

En la parroche de Heurne, recheu:

Des auchuns de ladicte parroche, que hommes que femmes et jovènes basellettes, qui furent eschasiés de leur maysons et biens, des Bertons et de pluseurs autres de la route de Monsigneur de la Tremoille, que par forche eulz convenoit fuir en Gand, de grand peur et doubte de ladicte route, qu'il prisent de jour en jour leur biens et avoirs, de laquelle mesuzanche ils venoient au merchy doudit bailliu; et, pour ce que lidis bailliu fu enformé que lesdis personnes ne se melloient dou fait de ceulz de Gand, fu fait une composicion, qu'ils puissent revenir en leur maysons, en faisant comme bonnes gens et leur voisins faisoyent, par le conseil de Messire Rijfflarz de Flandres, pour 100 ℔.

En la parroche de Nazareth, riens.

En la parroche de Husse, Mullem et Audinghien, recheu:

D'aucuns desdictes parroches, que hommes que femmes et jovènes baselettes, qui furent eschachiés de leur maysons et biens, des Bourtons et de pluseurs autres de la route (et aultres et gens d'armesGa naar voetnoot(1), qui de jour en jour vinrent èsdictes parroches tuer, navrer, rueber, pillier les gens et prendre leurs biens et avoirs, que par forche leurs convenoit fuir en Gand; et, pour ce que lidis baillius fu enformé qu'ils ne avoient autre chose meffait, si les laissa lidiz bailli revenir sur leur lieux par une composicion, faite pour 100 ℔.

En les parroches de Wortinghien, Ghyselbrechtinghem, Waringhien, Autem, Nokere, Oedeke, Wannendinghien, riens.

En la parroche de Ansdinghien, recheu:

De la mort de la femme Colard Reinkins, de sa formorture et succession de la 4^e part de la moitiet de ses biens, après sa mort eskéus et revenus sur Danin Reynkin et Jorge le Bane, enfans à ladicte femme, lesquels enfants furent en Gand, et de complices; pourquoy lidis bailliu mist main adont àsdis biens comme fourfait enviers Mondit seingneur, et sont les catteulz, telles comme chi après sensieut:

Premiers, 2 lijs, 3 vaques, 1 jument, 2 veaulz, 2 pos de métal, 2 paijelles de kuèvre, un escrin, 900 garbes de bleit; tout ce, prisiet par bonnes gens et voisins par leur secrement, montoit le 4^e part de la moitiet 16 escus, valent 19 ℔ 4 s.

Et est à savoir que la moitié de tout l'avoir dessusdit appartenoit de droit à Colard Reinkin, baron de ladicte femme, et les autres 3 pars às autres bonnes genz de ladicte parroche, appartenoient de droite succession.

En les parroches de Castre, Kerchove, Tydinghien, Warmaerde et Ingodinghien, riens.

En la parroche de Oetinghien, recheu:

D'une dysme gisant en ladicte parodie, appartenant à une demisèle béghine, demorant à Gand avoic Jaquemaerd Bette, et fu vendue ladicte dysme à Jehan le Maijeur, au mi moys de Juillet, 4 escus, valent 4 ℔ 16 s.

En la parroche de Aulinghien, recheu:

De Henry dou Moullin, qui accatta audit bailliu la dysme appartenant à Heinry de Adinghien, lequel Heinry a esté toutdis avoic ceulz de Gand et de leur complices; et fu vendue ladicte dysme, parmi un bonnier de aveine semet sur la terre doudit Heinry, 3 ℔ de grros, à payer au jour de saint Martin en hyvier; laquelle somme le dit bailliu a recheu doudit Heinry dou Moallin, valent 36 ℔.

En les parroches d'Estert, Auterive, Moudes, Bosshuud, Petinghien, Elsseghem et Moringhien, riens.

Somme, 260 ℔.

Recheu de la mortemain en ladicte castellerie.

Premiers, de Laurens de le Hemele qui trespassa en la parroche de Moudes, sur la franke terre de Monsengneur de Flandres, qu'on apelle Heyghin; de lui venoit une jument à meilleur catteul, vendue 6 ℔.

De Kateline, qui fu femme à Martin Hoste, que trespassa en la parroche de Lede; d'elle venoit une povre jument à meilleur catteul, vendue 4 ℔ 16 s.

De Guillaume Coelins, qui trespassa en la parroche de Aulinghien, et fu lidis Guilliaume serf à Mondit signeur, et sans franchise auchune, par quoyGa naar voetnoot(1) ses biens doivent venir après sa mort à Mon dessusdit signeur, et furent ses biens partis encontre sa femme, ch'est à savoir: un lijt, deux linceulz, 2 coussins, 1 pot, 1 paielle, 1 escrin et 1 vaque, et prisié tout 6 ℔ 16 s., monte le droit de Mondit sengneur pour sa part, 3 ℔ 8 s.

De Gille le Kuussche, qui fu occhis des Bourtons en sa maison à Audinghien; de lui venoit une vaque à meilleur catteul, et fu vendue 3 ℔ 12 s.

De Guillaume de le Walle, qui trespassa en la parroche de Waringhien, sur la franke terre appelée Heyghin de Monsengneur de Flandres; de sa mort venoit une guyche à meilleur catteul, et fu vendue 48 s.

De Guillemine de le Walle, sa fille, laquelle trespassa en la meisme parroche, sur la franke terre de Mondit signeur; après sa mort demoroit un lijt pour le meilleur catteul, vendu 20 s.

De R[...]ege Prendal, qui trespassa en la parroche d'Eyne, et disoient ses hoirs qu'il appartenoit au deffence de eens de le Wède, douquel lidit bailliu ne osoit laissir aler sans mandement de deseure, et li bailliu d'Eyne voloit avoir le meilleur catteul pour ce qu'il trespassa desous la signorie d'Eine; de ce recheu une vake pour le melleur catteul, vendue 3 ℔ 12 s.

De Kateline sBaerdmakers, femme jadis â Gullaume Willemins, qui trespassa en la parroche de Nokere, et disoient ses hoirs, qu'elle appartenoit à deffence de cens de S^t Pière à Gand, et, parce qu'elle ne trespassa sur la signorie de S^t Pière, fist lidis bailliu prendre une vaque à melleur catteul, vendue 5 ℔.

Somme, 29 ℔ 16 s.

Somme de la recepte de toute la chastellerie, 299 ℔ 16 s.

Des bastars et le 10^me denier des fiefs, riens recheu dedens ceste terme et compte.

Somme de tout que devant est recheu, 383 ℔ 19 s.

Item, recheu de la baillie de Haspre et de Zinghem, par le main doudit bailliu, lesquelles villettes sont propre à Mondit signeur de Bourgogne par accat, que Monsigneur de Flandres les accatta, que Dieus pardoinst, encontre le signeur de Chasteaux Villein de vieulz tamps.

Premiers, recheu des amendes et fourfais en les deux dictes paroches.

De ceulz qui furent escachiéz des Bertons et du garnison de Petinghien, et fuyrent en Gand du grant tort, mal et meskéanche que eulx fu fait de jour en jour, et ausi par nuit, continuèlement, laissa lidis bailliu les composer par le conseil de

Messire Rijfflard de Flandres, et venir à leur lieux avoiq leurs voisins, en faisant comme bonne gens bonne loyaulté enviers Mon dit signeur de Bourgogne, parmi ce qu'il donront audit bailliu pour la mesuzanche dessusdicte, la somme de 30 ℔ de gros, et de ce ont il paijet 15 ℔ de gros, valent 180 ℔.

Nota: - Et le sourplus doivent il paier au Quaresme prochain venant.

D'accat de fourmortuere des biens des bastars, de 10^me denier des fiefs tenans de la dicte signourie, riens recheu dedens le terme et compte dessusdit.

Somme, 180 ℔.

Recheu de la mortemain en lesdictes parroches.

Premiers, de Jehan le Scoezuttere, qui trespassa à Zinghem; après sa mort demora une petite vaque à meilleur catteul, vendue 48 s.

De Kateline Hoykins, laquelle trespassa à Husse, et de vieulx tamps elle appartenoit à meilleur cateul à Haspre et à Zinghem; après sa mort demora un lijt à meilleur catteul, et fu vendu 48 s.

De Jehan Herpin, qui trespassa à Haspre; de lui venoit un véél après sa mort, et fu vendu 30 s.

De Thyry dou Moullin, qui trespassa à Zinghem; de lui venoit après sa mort un lijt, vendu 40 s.

De Gheertrud Libs, laquelle trèspassa à Haspre; après sa mort venoit au meilleur catteul une cote, laquelle fu vendue 16 s.

De Jehan Heuze, qui moru en Haspre; après lui demora une vaque au meilleur catteul, laquelle fu vendue 4 ℔ 16 s.

De Kateline sDekens, laquelle trespassa à Zinghem; après elle demora une vaque au meilleur catteul, et fu vendue 4 ℔ 16 s.

Somme, 18 ℔ 4 s.

Somme des receptes de tout Haspre et Zinghem, monte 198 ℔ 14 s.

Somme de toutes les receptes deseure escriptes, montent 582 ℔ 14 s.

Ce sont les mises, cous, et frais, que lidis bailli a fait dedens le terme de ces comptes.

Premiers, pour les gages dudit bailliage, lesquelles sont 50 ℔ parisis par an, monte pour ledit bailliu pour le tamps de 17 semaines, 16 ℔ 13 s. 4 d.

Item, bailliet par lettres patentes de Monsigneur de Bourgogne à Messire Rijfflard de Flandres, 200 francs, desquelles lidis bailliu montent sos lettres de quitanche de tant et de ladicte somme, valent en parisis 420 ℔.Ga naar voetnoot(1)

Item, pour 3 sergans, qui gisoient en la maison et wardoient les biens de Jehan Bouchoud, qui tua et occida Goessuin de Grameys, douquel la recepte deseure faif mencion, de 4 jours et 4 nuis, que ilz là gisoient, cascun à 6 gros le jour, montent, des 3 sergans dessusdis, 3 ℔ 12 s.

Item, de leur despens dedens les 4 jours dessusdiz, montent 4 ℔.

Item, donné dou louage d'une année, que lidiz Jehans Bouchoud devoit de sadicte maison, laquelle louage montoit 12 ℔.

Item, de prisier les catteulz qui furent en ladicte maison appartenant à lui, ansi que la recepte deseure bien devise, par les priseurs de ladicte ville

donné à eulz pour leur paine et service, et de leur frais, 3 ℔.

Item, donné às auchunes personnes secrètes envoiés à Gand, du commandement fait audit bailliu à Arras de Mon très redoubté signeur de Bourgogne, pour savoir l'estat d'eulz, 6 ℔ 14 s.Ga naar voetnoot(1)

Item, pour la justice de Coppin le Boukelaire et Hannekin, son frère, qui furent justiciés et coppé leur testes, et mis sur deux reus; donné au pendeur de sa service, paine et de l'examinacion d'eulz, des reus, arbres, bastons, cordes, claus, et pour les despens de ceulx qui aidoient au pendeur pour eulx adrèchier, par tout monte 13 ℔ 12 s.

La somme des mises, cous et frais dessusdiz montent 472 ℔ 17 s. 4 d.

Et la recepte deseure escripte montoit par tout 382 ℔ 13 s.

Ainsi apert-il que lidiz bailliu doit et est tenus de restorner à Mondessusdit signeer, 109 ℔ 15 s. 8 d.

Ce présent compte fu ouys à Lille le 8^e jour de Janvier l'an -80 et chinq, present: Messire Colart de le Clite, le doien S^t Donas, Messire Jehan đe Grijspere, Messire Henri de Spiere, J. Brune et H. Lippin, receveur.

Op den rug: Che sont les amendes jugiés par esschevins d'Audenarde dedens ces comptes.

Premiers, Hannekin de l'Arbre, jugiés en une amende de 60 ℔ par., pour ce qu'il navra par nuit Pieter le Cupere d'un couteil.

Item, Hannekin de l'Arbre, jugiés en une amende

de 11 ℔ 10 s. par., pour ce qu'il féru à terre gisant d'un baston Gillis Cas.

Item, Zegherkin de le Dale, jugiés en une amende de 11 ℔ 10 s. par., pour ce qu'il ferru à terre d'un baston ledit Gille.

Compte Jehan Hoft, bailliu d' Audenarde, fait à Lille, le 18^e jour de Janvier l'an -80 et chinq.

Rol-Rekening, n^r 1218.

Oudenaarde.
K. 1386 (8 Januari-7 Mei).

Conte de Jehan Hoeft, bailli d'Audenarde et de le chastelrie, depuis le 8^e jour de Janvier l'an -80 et cuinq dusques au 7^e jour de May l'an -80 et sijs, fait à Lille.

Ga naar voetnoot(1)

Despense.

Premiers, pour les gages dudijt baillage, lesquelles sont 50 ℔ parsijs par an, montent pour ledijt bailli, pour le tamps de 17 semaines, pour 1 tiers, 16 ℔ 13 s. 4 d.

Item, pour tenir la feste dou jour de May, à 34 compangnons à Audenarde, et pour warder d'aucun

remour, que on doutoit et qui doit avoir au d'aucuns venans à ladite feste, et par espécial que esschevins de la ville de Gand prieront audist bailli que on fuist bien pourveus des toutes choses pour les mavays, pour ce prinst lidis bailli avoic lui boins et fors compangnons, pour warder ladite feste et ville; montent les despens fais, avoic eulx à celli jour; laquelle chose le bailli a affirmés estre vraye par sèrement, pour ce, 12 ℔ 14 s.

Somme de la despense, 29 ℔ 7 s. 4 d.p.

Et le recepte monte, 237 ℔ 18 s. 7 d.p.

Reste qu'il doit, 208 ℔ 11 s. 3 d.f. Rendu à Monseigneur, pour le premier temps Jaques de Screihem et quitte.

Ce compte fu oy en la Chambre des Comptes, ordenée à Lisle, le 7^e jour de May, l'an Mil 380 et six, en la présence du Souverain bailli de Flandres, de Messire Pière de le Sijpe, Messire Henri d'Espière, chevaliers, maistres Jehan du Drac, Henry Lippin, Jehan le Brune, Thomas de la Becque et Jehan de Pacy, conseilliers et maistres de la Chambre des Comptes de Monseigneur le duc de Bourgoigne, conte de Flandres, et de Jaques de Screihem, receveur général de Flandres et d'Artois.

De Pacy.

Op den rug: Compte de Jehan Hooft, bailli d'Audenarde, rendu à Lille en Flandres, le 7^e jour de May, l'an Mil 380 et six.

Rol-Rekening, n^r 1220.

voetnoot(1): Die post is doorgehaald.

voetnoot(1): Die post is doorstreept, en op den rand staat er: Le receveur às trésoriers.

voetnoot(1): Doorstreept, met de noot: Le receveur sour les trésoriers.

voetnoot(1): Zelfde noot als boven.

voetnoot(1): Doorstreept.

voetnoot(1): Doorstreept.

voetnoot(1): Op den rand staat er: Et le demourant, qui monte 7 ℔ gros, doit il encore.

voetnoot(1): Deze post is doorgehaald.

voetnoot(1): De ontvangsten worden niet gedrukt. Zij bestaan uit dezelfde rubrieken als de voorgaande rekeningen: Van boeten en verbuerten, in de poert, 2 posten; dezelfde kuerrechten; heyghinen goede in de castelrie, boeten en verbuerten in verschillende dorpen van de castelrie, 9 posten; meestal, om geroofd goed ‘tjeghen die wan Ghend’ gekocht, of aan de ‘quade Gantoysen van Ghend’ verkocht te hebben; mortemeine, 20 posten ; koeien, meerien, enz. ten besten cateille; pachten en verbuerden granen, 28 posten; de ontvangsten binnen der baillien van Haspre ende Zinghem, 17 boeten en verbuerten en 11 mortemeine; van 17 Juni tot 19 September.

voetnoot(1): Op den rand staat er: Plané, pour ce qu'il a bailliè l'argent pour les pourvéances, et il les devoil avoir donné pour le fortification don chastel.

voetnoot(2): Idem.

voetnoot(1): Deze sommen slaan slechts in het dubbel, n^r 1211.

voetnoot(2): Le 19^o jour de Septembre 1384 (n^r 1211).

voetnoot(1): De ontvangsten worden niet gedrukt. Zij bestaan uit 4 boeten ende verbuertten in de poert, geene kuerrechten, 1 hegghinen goede in de castelrie, 8 boeten enz. aldaar, 11 mortemeine in de castelric; en, in de baellie van Haspre ende Zinghem, 4 boeten en verbuertten, en 4 mortemeine.

voetnoot(1): De ontvangsten worden niet gedrukt. Zij bestaan in de volgende posten: 4 boeten ende verbuertten in de poert, geene kuer-rechte, 1 heyghin goed in de castelrie, 9 boeten en 7 mortemcine; boeten in de baillie van Haspre ende Zinghem, enz.

voetnoot(1): Die post is doorgehaald.

voetnoot(1): Die post is doorgehaald.

voetnoot(1): Die post is doorgehaald.

voetnoot(1): De ontvangsten worden niet gedrukt. Zij bestaan uit de volgende posten: 4 boeten ende verbuertten in de poert; geene cuerrechte; 2 heyghinen goede in de castelrie; 14 boeten ende verbuertten en 30 pachten ende coerne, in verscheidene dorpen derzelve; en niets in de baillie van Haspre ende Zinghem.

voetnoot(1): In het dubbel, n^r 1217, gelijk hierboven, 18^e.

voetnoot(1): In het dubbel, n^r 1217, gelijk hierboven, 18^e.

voetnoot(1): Op doorhaling van: frances terres.

voetnoot(1): Op doorhaling van" de Monsigneur de la Trémoille.

voetnoot(1): Doorhaling van: la motiet de.

voetnoot(1): Op den rand: Ceste somme de 200 frans est rendue à Monsigneur par le compte Messire Riflart, rendur à Lille en Janvier 1386.

voetnoot(1): Die post is doorgehaald, en op den rand staat er: Par faute de lettre.

voetnoot(1): De ontvangsten worden hier niet gedrukt. Zij bevatten de volgende rubrieken: Calaenge devant les esschevins sur aucuns marchans de blet d'Audenarde, 10 posten; féru et batu, 1 post; acatet une vache, laquelle fu emblée, 1 post; navré, 1 post; amendes et drois des Cueres des Mestiers, 19 posten; des terres appellés franc aleu, quand on les vend, douquel acat Monseigneur doit avoir 15 deniers de le livre en la chastellerie d'Audenarde, 5 posten; des amendes et forfaitures en la chastellerie, 8 posten; de le mortemain dedens laditte castellerie, 5 posten. - Dezelfde rubrieken de la baillie d'Haspre et de Zinghien, 15 posten.

Vorige Volgende

Cronyke van Vlaenderen. Deel 2

[Tweede aflevering]

XIX. Baljuws van Oudenaarde.

A. 1380 (17 September-26 November).

Oudenaarde.
B. 1380-1381. (26 November-14 Januari).

Oudenaarde.
C. 1381-1382. (16 September-13 Januari).

Oudenaarde.
D. 1382. (13 Januari-5 Mei)

Oudenaarde.
E. 1382-1383. (10 Mei-4 Mei).

Oudenaarde.
F. 1384 (Maart-4 Augustus).

Oudenaarde.
G. 1384-1385 (19 September-9 Januari).

Oudenaarde.
H 1385 (9 Januari-8 Mei).

Oudenaarde.
I. 1385 (8 Mei-18 September).

Oudenaarde.
J. 1385-1386 (18 September-8 Januari).

Oudenaarde.
K. 1386 (8 Januari-7 Mei).

Over dit hoofdstuk/artikel

plaatsen

datums

[Tweede aflevering]

XIX. Baljuws van Oudenaarde.

A. 1380 (17 September-26 November).

Oudenaarde. B. 1380-1381. (26 November-14 Januari).

Oudenaarde. C. 1381-1382. (16 September-13 Januari).

Oudenaarde. D. 1382. (13 Januari-5 Mei)

Oudenaarde. E. 1382-1383. (10 Mei-4 Mei).

Oudenaarde. F. 1384 (Maart-4 Augustus).

Oudenaarde. G. 1384-1385 (19 September-9 Januari).

Oudenaarde. H 1385 (9 Januari-8 Mei).

Oudenaarde. I. 1385 (8 Mei-18 September).

Oudenaarde. J. 1385-1386 (18 September-8 Januari).

Oudenaarde. K. 1386 (8 Januari-7 Mei).

Over dit hoofdstuk/artikel

plaatsen

datums

Oudenaarde.
B. 1380-1381. (26 November-14 Januari).

Oudenaarde.
C. 1381-1382. (16 September-13 Januari).

Oudenaarde.
D. 1382. (13 Januari-5 Mei)

Oudenaarde.
E. 1382-1383. (10 Mei-4 Mei).

Oudenaarde.
F. 1384 (Maart-4 Augustus).

Oudenaarde.
G. 1384-1385 (19 September-9 Januari).

Oudenaarde.
H 1385 (9 Januari-8 Mei).

Oudenaarde.
I. 1385 (8 Mei-18 September).

Oudenaarde.
J. 1385-1386 (18 September-8 Januari).

Oudenaarde.
K. 1386 (8 Januari-7 Mei).