Cronyke van Vlaenderen. Deel 2

[p. 335]

XVIII. Baljuw van Harlebeke.

1378-1379 (4 October-16 December).

Rekeninghe Wouter Maelfeyts, bailliu van Haerlebeke, van al den goede dat hi ontfaen heeft int heersceep van Haerlebeke ende dat daertoe behoert, toebehoerende den hertoghe van Bourgonghen, zident dat hi achterst rekende, ende dat was den 4^en dach van Octobre int jaer -78, de rekeninghe ghedurende van sinte Jans daghe int jaer -78 tote sinte Jans daghe int jaer -79. Ghedaen te Machline, den 16^en dach van Decembre int jaer -79.

Eerst, so heeft de voerseide bailliu ontfaen bin der voerseider tijt, van den speyeghaten ende van den watre van der Leye van Haerlebeke, ende van den rechten ghate ende van den watre te vercoepene, sonder drecht datter her Wouter van Calon an heeft, van denwelken gate voerseit Meer Wouter heeft voeren van den 4 d. de 3, ende van den 6 d. de 3 d. heeft hi, dus blijft er 4 d., ende van desen 3 d. heeft Mer Wouter terde, ende van den watre ende van den gate te vercoepene heeft Meer Wouter terde van al sertoghen deele; dewelke parcheelen heffen 80 ℔.

[p. 336]

(Ende es te weitene dat een gheladen scip, varende upwaert of nederwaert, up sinen rechten dach, dat es swonsdages of saterdages, gheift 6 d., es het ydel, so gheift het 4 d.)⁽¹⁾

Somma van desen parcheelen, 80 ℔.

Item, heeft de voerseide bailliu ontfaen bin der voerseider tijt, van erfveliker renten, vallende te half Maerte:

Eerst, 8 mudde witter evenen, gheloest elke rasiere 9 s. 4 d., valent in ghelde 44 ℔, 16 s.

Item, 32 mudde ruwer evenen, de rasiere gheloest ende bi wette 7 s., valent in parisise 134 ℔, 8 s.

Item, van tsense, vallende in sente Stevins daghe, 17 ℔, 10 s.

Item, 33 binnen, stic gheloest 2 s., valent 3 ℔, 6 s.

Item, ontfaen van bruchghelde van der Leyebrugge, 5 ℔.

Item, van wijsschelde van der visscherie in de Leye, 4 ℔.

Somma van al desen parcheelen, 209 ℔.

Item, ontfaen ute 3 den muellenen, mes an de wintmuellene, ne deelt niemene sonder den thughe alleene, ende in de ene watermolnen heift Mijnhere Wouter van Caloen tvijfte vat, ende de kerke tellevenste, ende in dandere heift Jacob Hazaerd tvijfte, ende de kerke 11^e, ende Mijnhere heift al de costen te doene, sonder an de twee wielen binnen ende de ysere, ende den meester temmerman gheift Mijnhere 4 d. sdages, ende nemmeer, ende den muelners moeten de 5^te nes (?) ghelden.

(1) Die woorden staan op den rand.

[p. 337]

Eerst, ontfaen van den 2 watre meullenen, boven den rechte datter de kerke van Haerlebeke ende Mer Wouter ende Jacob Hasaert an deelen, ende ooc van der wintmuelne, in al, beede in taerwen ende in rogghen:

Eerst, in taerwen, van den 3 muellenen, 42 rasiere; ende in rogghe, 280 rasiere; van derwelker sommen taerwen de bailliu hevet betaelt den cloestre van Croeninghe 2 mudde, ende den profst van der capelle 1 mudde; so blijft er 6 rasieren, de rasiere vercocht 16 s., valent 4 ℔ 16 s.

Ende de somme heeft van den rogghe, 280 ras.

Dies hevet Willem de Weestelijn, de smet, van smedere an drayende werc, uten ghemeenen ghiften (7 mudden, 11 rasiere, 3 havot), ontfaen in rogghe, ontfaen van den jaren -77 ende -78, 79 rasieren, de rasiere vercocht 11 s.

Dus blijft er 15 mudde 4 rasiere 1 havot, vercocht elke rasiere 11 s., valent in ghelde 100 ℔ 26 s. 3 d.

Somme van den 3 muellenen, 106 ℔ 2 s. 3 d.

Item, ontfaen van der assise van der hoppebiere, boven der stede deelle, daer soe terde an hevet, 23 ℔.

Item, ontfaen van ute te voerne van den biere, daer de here an hevet 6 d. van den vate, 15 ℔.

Item, ontfaen van moute te maelne ter windmolen, 40 ℔.

Item, so hevet de voerseide bailliu ontfaen, boven scoutetens deele, van ghevalle ende van orlove, daer de scoutetene terde an deelt:

Eerst, so hevet de voerseide bailliu ontfaen van Willeme van Rode, van orlove van 300 lands, die hi vercochte Jhan Blancpeym, 12 s.

Item, de wedewe Boudins Outcoerens, die hevet ghemaect eenen wisselle jeghen hare stiefkindre danof ontfaen van orlove, 40 s.

[p. 338]

Item, der Gillis Dibbout hevet vercocht 1700 lands Willeme van den Leene, ende Jhan de Clerc hevet derup 12 ℔ par. sjaers, ontfaen van orlove, 40 s.

Item, Jhan Covent hevet vercocht Jhanne Meynaerde 300 lands metten cateylen, danot ontfaen van orlove, 45 s.

Item, Jhan van der Hulst hevet vercocht Grielen Loppins 300 hiets, ontfaen van orlove, 12 s.

Item, Gillis de Deken hevet vercocht Jhanne Haerlebeke 600 lands, ontfaen van orlove, 3 ℔.

Item, Aernoud de Maech hevet vercocht Jhanne den Backre 200 lands, danof ontfaen van orlove, 24 s.

Item, ontfaen van der doet Ghiselin Scaechts, van 1 leene 10 ℔.

Item, Gillis van der Merchs hevet vercocht Gheeraerde van Troys 600 mersschen, ontfaen van orlove, 3 ℔ 8 s.

Item, Willem Tfoel hevet vercocht Jhanne van der Braempt 1200 lands, ontfaen van orlove, 3 ℔ 6 s.

Item, Grielle Tsellemps hevet vercocht Boudine Brame 1400 lands, ontfaen van orlove, 50 s.

Item, Pieter de Bruwere, die hevet 1 vierendeel lands Clayse van der Strate, ontfaen van orlove, 53 s.

Item, ontfaen van orlove van Woutren van den Boeme, van 1 sourrente, 24 s.

Item, ontfaen van Jhans kindre van der Hage, van orlove, 50 s.

Item, de wedewe Stripincs hevet vercocht Roellande den Jaghere 1 vierendeel lands, danof ontfaen van orlove, 50 s.

Item, ontfaen van Gyoete, van 1400 lands om verhallinghen, deen broeder jeghen den andren, 24 s.

Item, ontfaen van Willeme van der Winne, van orlove, 50 s.

Item, ontfaen van Woutren Meynaerde, van lieden

[p. 339]

die gheclaghet hadden ende berecht waren up sinen grout, van orlove 40 s.

Somme van desen parcheelen, 123 ℔ 18 d.

Somme van al den ontfanghe, 519 ℔ 3 d.

Dit es dat de voerseide bailliu hevet uteghegheven up zijn voerseiden ontfanc.

Eerst, so hevet de voerseide bailliu ghecocht jeghen Mathise Coutrehamere 100 ellen ende 10 zeyle lakens ter wintmuelne bout, elke elle coste 3 s. 6 d., valent 19 ℔ 5 s.

Item, ghecocht 29 ℔ zeylen corden jeghen Willeme van der Kaent, elke ℔ coste 2 s., valent 58 s.

Item, ghecocht 1 windaesreep ter wintmuelne bouf, die coste 28 s.

Item, ghecocht 1 bastinenreep ter speye bouf, den vleghelle mede te houdene int groete watre, die coste 28 s.

Item, 1 windaesreep in de muelne, daer Meer van Calon an deelt, die coste 16 s.

Item, in deselve muelne 2 wederrieps; die costen 5 s.

Item, 1 wederrieps in de muelne daer Jacob Hasaert an deelt, die coste 3 s.

Item, ghewrocht an de groote Leyebrugghe in Piemaent van den naetgate noertwaert, ende daerup waren gheleyt 400 berts, elc 100 coste, al ghesaecht, 36 s., valent 7 ℔ 4 s.

Item, ghecocht jeghen Diedericke den Langhe, 7 stic houts, daer sliboeme of ghesaecht waren, elc stic coste 21 s., valent 7 ℔ 7 s.

Item, Heynin Catroel ende zijn gheselle, die de sliboeme saechden, deder toe 4 daghen ende si hadden 8 s. sdaechs, valent 32 s.

[p. 340]

Item, Dalart, de temmerman, die de brugghe maecte, deder toe 3 daghen ende hadde 7 s. sdaechs, valent 21 s.

Item, so wrochte de Stuere an de muelne daer Minheere van Calon an deelt, an dwiel dat buten loept, ende vermaechte halpen ende scuterlinge ende verscure de pinne.

Item, thout, dat hiertoe gaine, coste al ghesaecht, 24 s.

Item, de Stuere, de temmerman, deder toe 3 daghen ende hi hadde 7 s. sdaechs, valent 21 s.

Item, ghewrocht in Laumaent an de wintmuelne ende vermaecte 1 lepel van abiellen houte, die ten wielle toebehoerde, thout dat er toeghinc coste 20 s.

Item, de Stuere, de temmerman, diet maechte, deder toe 2 daghen ende hi hadde 7 s. sdaechs, valent 14 s.

Item, ghewrocht in deselve maent, daer Jacob Hasaert an deelt, tarnaechs brach, ende halpen ghinghen of, mids den groeten watre, ende thout datter anghinc, om te vermakene coste 18 s.

Item, de Stuere, de temmerman, diet vermaecte, deder toe 2 daghe, ende hi 7 s. sdaechs, valent 14 s.

Item, ghedeelt up beede de watremuelne ende derup gheleyt 300 bulstree, 100 coste 32, valent 3 ℔ 4 s.

Item, 100 latten diere toeghinghen, costen 20 s.

Item, Osto Pontuwe, diet dechte, dedere toe 5 daghe ende hadde 6 s. sdaechs, valent 30 s.

Item, Lievin Stalpart, die hem diende, ende deder toe 5 daghe, ende hi hadde 3 s. sdaechs, valent 15 s.

Item, ghewrocht in Aprijlle ende ghemaect 1 niewe brugghe voer de muelne daer Minheere van Calon an deelt, ende niewe sliboeme ende niewe berders up gheleyt, up de brugghe die gaet over de Leye voer de beede de watremuelne, ende heet de

[p. 341]

Heselbrugghe, ende te desen brugghen 103 berts, 100 coste, al ghesaecht, 36 s., valent 5 ℔ 8 s.

Item, 2 stich houts, daer sliboeme of ghesaecht waren, coste 40 s.

Item, Heynin Catroel ende sijn gheselle, die de sliboeme saechden, dader toe 1 halfven dach, die hadden 4 s.

Item, Dalart ende sijn gheselle, die de brugghe maecten, dader toe 2 daghen, ende si hadden 7 s. sdaechs elc, valent 28 s.

Item, 12 brugghenaghelle, diere anghinghen, stic coste 8 d., valent 4 s.

Item, so waren niewe halpen ghemaect an dwiel dat butenloept in Aprijlle, an de muelne daer Minheere van Calon an deelt.

Item, thout, datter toeghinc te diere muelne ende ter andre, coste 3 ℔.

Item, Heynin Catroel ende sijn gheselle, die de sliboeme saechden, deder toe 2 daghen ende si hadden 53 s. sdaechs, valent 42 s.

Somme van desen parcheelen 68 ℔ 11 s.

Item, Dalart ende sijn gheselle, die de halpen indeden in de muelne daer Minheere van Calon an deelt, deder toe 2 daghen ende si hadden 7 s. sdaechs, valent 14 s.

Ende Minheere van Calon betaelt den meester temmerman, dies hevet hi 4 d. van den hiere.

Item, ghewrocht an de wale an beede de ziden van der speye, met houte ende met erden in de Mey ende an beede de muelnen, daers te doene was, ende de straten vermaect.

Eerst, Ghiselin Boenin 14 daghen ende 1 halven, ende hi hadde 4 s. sdaechs, valent 58 s.

Item, Jhan Michunau 14 daghen, ende helken dach 4 s., valent 56 s.

[p. 342]

Item, Jhan Pancouke 17 daghen, te 4 s. sdaechs, valent 3 ℔ 8 s.

Item, Halaert Hebbrecht 12 daghen, te 4 s., valent 48 s.

Item, Boudin Coukelin 12 daghen, te 7 s., valent 48 s.

Item, Pieter Stripinc 12 daghen ende ½ te 4 s., valent 50 s.

Item, Fierin Boenin 5 daghen ende ½ te 8 s., valent 22 s.

Item, Pieter Goetkin 9 daghen, te 4 s,, valent 36 s.

Item, Zegher Baert 9 daghen, te 3 s., valent 36 s.

Item, Jhan Haerlebeke 4 daghen ende ½ te 4 s., valent 58 s.

Item, Danin van den Bossche 8 daghen ½, te 4 s., valent 24 s.

Item, Gillis de Cantere 1 dach ende ½, te 4 s., valent 6 s.

Item, Jhan Breebaert 10 daghen, te 4 s., valent 40 s

Item, Jhan Stripinc 12 daghen, te 4 s., valent 48 s.

Item, Jhan Clement 11 daghen ende ½, te 4 s., valent 46 s.

Item, Danin Pottin 5 daghen ende ½, te 4 s., valent 22 s.

Item, Jhanne van Wielsbeke, browete, met 2 brouweten ende met 1 paerde, elcs daechs 10 s., valent 10 dagen 5 ℔.

Item, Ruggeere Gense, dergelike, 5 ℔.

Somme van desen parcheelen, 42 ℔, 10 s.

Item, ghewrocht an de groote Leyebrugghe in Hoyemaent, van den naetghate zuutwaert, ende daertoe ghinghen 5 stic houts, daer sliboeme of ghesaect waren, stichs coste 24 s., valent 6 ℔.

[p. 343]

Item, 4 berts al ghesaect, 100 coste 36 s., valent 7 ℔, 4 s.

Item, Heynijne Catroele ende sinen gheselle, die de sliboeme saechden, deder toe 4 daghen ende si hadden 8 s. sdaechs, valent 24 s.

Item, Dalaert, de temmerman, die de brugghe vermaecte, deder toe 3 daghen ende hi hadde 7 s. sdaechs, valent 21 s.

Item, 25 brugghenaghelle, die ter brugghe ghinghen, stic coste 8 d., valent 16 s., 8 d.

Item, ghewrocht in Hoyemaent an de Heselbrugghe, ende verdecht met niewen berders ende niewe sliboeme upgheleyt, ende ghemaect 1 niewe brugghe over scuete, daer Jacob Hasaert an deelt, ende ghemaect 1 niewe brugghe an twintgaet daer Mer Wouter van Calon an deelt.

Item, ten voorseiden 3 brugghen ghinghen 5 stic houts, daer sliboeme of ghesaecht waren, stic coste 24 s., valent 6 ℔.

Item, daertoe ghinghen 800 berts, 100 coste 36 s., al ghesaecht, valent 14 ℔, 8 s.

Item, Heynin Catroelle ende sinen gheselle, die de sliboeme saechden, dader toe 4 daghen, 8 s. sdaechs, valent 32 s.

Item, 32 brugghenaghelle, die ten 3 brugghen ghinghen, elc coste 8 d., valent 21 s., 4 d.

Item, Dalart, meester temmerman, hadde 7 s. sdaechs, valent 28 s.

Item, sijn cnape hadde 5 s., valent 20 s.

Item, de muelneere van der wintmuelne, ghegheven van den 12 maenden, 24 s. de maent, ende 1 rasiere coerens de maent, valent 14 ℔, 8 s.

Item, ghecocht ten milewachters bouf 7 ellen lakens jeghen Heynricke Oeft, de elle coste 24 s., valent 8 ℔, 8 s.

[p. 344]

Item, den milewachters, Wouter Spangaert ende Gossin van up tHeet, elc 10 ℔ sjaers, valent 20 ℔.

Item, van sbaillius wedden, in avenante van 20 ℔ sjaers, 20 ℔.

Item, van huringe van solders, daer tcoeren up leyt, valent 6 ℔.

Item, 3 vate van sente Jhans, dar scuterlinge of ghemaect zijn, stic coste 12 s., valent 26 s.

Item, 80 speyepersen, stic coste 2 s. 6 d., valent 10 ℔.

Somme van desen parcheelen, 122 ℔, 6 s.

Somme van al den uteghevene, 233 ℔, 7 s.

Ende de somme van al den ontfanghe, 519 ℔, 3 d.

Aldus blijct dat zijn ontfanc meer loept dan zijn utegheven, 285 ℔.

Ofgherekend ende ghesomerd in de rekeninghe naer dese, 13 s. 3 d.

Op den rug: Compte Wouter Maelfeyt, bailliu de Harlebeke, pour 1 an, à le saint Jehan, l'an -79, fait à Malines, le 16 Décembre.

Rol-Rekening, n^r 1770.