Cronyke van Vlaenderen. Deel 2

[p. 303]

XVII. Baljuws van Kortrijk.

A. 1381-1382 (15 September-13 Januari).

Dits dat Philips de Jonghe, riddere, rewaert ende bailliu van der stede ende castelrie van Curtrike, ontfanghen ende utegheven heift van der voerseider ballie sint den 16^ten dach in September int jaer 1381 tote den 13^sten dach van Laumaend int selve jaer. Ghedaen te Brucghe.

Eerst, van allen manieren van kuergherechten, die bin der voerseider stede ghevallen sijn, bin der tijt voerseit, noch van verleden tiden, niet onfaen om de redene dat de stede voerseit sonder wet ghestaen heift.

Item, van den warderes van den ramen ende van den ghetauwen, bin der tijt voerseit, ende van verleden tiden, niet ontfaen bi fauten van wette, also voerseit es.

Item, van alle manieren van faiten, die behoren bi der wet van Curtrike berecht te sine, niet ontfanghen, mitsdat men gheen wet deet, also voerseit es.

Dits dat de voerseide rewaert ende bailliu ontfanghen heift van den besten kateilen ter doot van

[p. 304]

onghepoerterden lieden, ghestorven bin der castelrie van Curtrike.

⁽¹⁾

Dits dat de voerseide rewaert ende bailliu utegheven heift up den voerseiden ontfang.

Eerst, ghegheven den rewaert ende den bailliu voerseit van sinen wedden van deser rekeninghe, 16 ℔, 13 s. 4 d.

Item, ghegheven Rugger van der Woestine, castlain van den casteele van Curtrike, van sinen wedden van deser rekeninghe, 5 ℔.

Somme van den wedden voerseit, 21 ℔, 13 s. 4 d.

Item, betaelt ten bevele van Mijnheere van den Gruuthuse, Mer Josse van Haelwin ende den Ontfanghere bi Mijns gheduchts heeren brieven, 500 ℔⁽²⁾.

Item, betaelt Jaquemarde van den Vael, ten bevele van Mijns voerseits heeren brieven, om berden mede te copene, te Doinse te sendene, 144 ℔.

Item, ghecocht, ten bevele van Mijns voerseits heeren brieven, bi perchelen tote 2450 voeten berden, to 36 s. 100, heft 44 ℔, 2 s.

Item, ghegheven om de voerseide berden ten scepen te doene, ende van Curtrike te Doinse te voerne bij scepen, 5 ℔.

Somme van den parchelen voerseit, 193 ℔, 2 s.

(1) Volgens 3 posten van besten kateilen, 2 andere van composicien, 7 van tiendepenninghen in de castelrie, 5 in de XIII prochien, 13 van den poortersgoede van Ghend, ligghende bin der castelrie, onder andere Jhans van der Helst, in Belleghem, en 6 van goede bleven achter personen mettien van Ghend ghetruct, en van andere uter stede gheseit, den fugitiven toebehorende, up de boete van 50 ℔ parisis.

(2) Doorgehaalde post; op den rand: Sour les trésoriers.

[p. 305]

Item, ghegheven om 126 hurden ghesend van Mer Eustine van Aefskerke, ende 80 langhe bomen toebehorende den voerseiden hurden, om die uten scepen te doene int casteel van Curtrike, ten bevele van Mijns voerseits heeren Rade, heft 14 ℔.

Item, daerna, bi den bevele van Mijns voerseits heeren brieven, de voerseide hurden ende bomen haestelike ghesonden te Doinse waert, dat coste, mits voerne ten scepen ende den sciplieden die se voerden te Doinse, 19 ℔, 6 s.

Somme van den costen van den hurden voerseit, 33 ℔, 6 s.

Item, daerna, ten bevele van Mijns voerseits heeren brieven, ghecocht 3 varscepen ende ghesonden te Doinse, costen de 3, 61 ℔, 12 s.

Item, ghegheven om de speye ant casteel te Curtrike te vermakene, 2 temmerlieden, van 3 daghen bi fauten van der stede ende van den castlain voerseit te werkene, mitsdat men groot ghebrec van water hadde ghehad in de vesten, 3 ℔, 6 s.

Somme van den parchelen voerseit, 64 ℔, 18 s.

Item, betaelt der Stede van Curtrike van den pachte van den tiendenpeninghe, die Willem Stade, Laris Bruneris der Stede voerseit sculdich waren, als van den payemente van Kerstdach verleden, mitsdat hi vri Minen voerseiden heere bliven sal, sonder cost tote in 13 Avonde naestcommende, 100 ℔.

Somme van den tiendepeninghe voerseit, 100 ℔.

Item, ghesend, als men traytierde te Harlebeke, bi den bevele van Mijns gheduchts heeren Rade, an beeden siden van der Leyen, an elke side 4 paerden, om de stede te verwaerne up den avond datter Mijns

[p. 306]

heeren lieden quamen, ende sdaechs daerna, als men traytierde, dats te wetene: Jhan van Riemslede ende Lonis van Vaerwijc, met 4 parden, an deen side; item, de poortbailliu ende Robbrecht van Andeninghe, an dander side, met 4 parden, wanof elc part hadde 12 s. sdaghes, heft, om 2 daghen, 9 ℔, 12 s.

Item, daerna, als dander dachvart van traytiete was te Harlebeke, ghesend snavents Hughen van Busbeke ende Jhanne van Carseke, an deen side van der Leyen, met 4 paerden; item, an dander side van der Leyen, ghesend Lonis van Vaerwijc en Symoen van Bochoute, met 4 parden, ende elc pard te 12 s. sdaghes, heft, om 2 daghen, 9 ℔, 12 s.

Somme van den asscouten voerseit, 19 ℔, 12 s.

Item, daerna, als die van Ghend quamen voer Deinse, snachts uteghesend, an deen side van der Leyen, Jhan Abseloene met 2 parden; item, an dander side van der Leyen ghesend Jhan Witinghe met 2. parden, ende elc part te 12 s. sdaechs, van 2 daghen, heft 4 ℔, 16 s.

Item, daerna, als men seide dat die van Ghend te Thielt waren om te Roeslare te gane, ghesend Sanders tKinde met 2 parden, cam eenen daghe, 24 s.

Somme van den asscouten voerseit, 6 ℔.

Item, ten bevele van Mijns voerseits heeren brieven, ghereden te Dorneke, om de voerseide ghevanghenen die daer ligghen te vervolghene, te justicierne den 7^en dach in October, met 4 parden, vertert bin 3 daghen, 7 ℔, 11 s.

Item, weder ghereden te Dorneke, om de voerseide ghevanghenen te vervolghene den 13^en dach in Octobre, met 4 parden, om 3 daghen vertert, 8 ℔, 2 s.

Item, weder ghereden den 21^en dach in Octobre te

[p. 307]

Dorneke om de voerseide ghevanghenen met 5 parden, om 3 daghen vertert, 7 ℔, 16 s.

Item, noch ghereden om de voerseide ghevanghenen den 26^en dach in Octobre met 6 parden, mitsdat ic Wouterkin Cromeline medevoerde, die hemlieden hare faiten ansegghen soude ende dervoren in vanghenessen bliven, also tvonnesse van hemlieden inhilt, vertert 10 ℔, 7 s.

Item, daerna, den 8^en dach in November, weder ghereden te Dorneke, om de voerseide ghevanghenen te vervolghene, met 4 parden, vertert om 3 daghen, 8 ℔, 10 s.

Item, ter ander dachvart, die sij maecten den 17^en dach in November, ghereden te Dorneke om de voerseide ghevanghene, vertert met 4 parden, 6 ℔, 12 s.

Item, ten ander dachvart weder, die sij maecten den 24^en dach in November, ghereden met 6 parden, mits den onderbailliu, ende die dachvart stelden se ute in state, toten 28^en dach in November, vertert 8 ℔, 13 s.

Item, weder ghereden den 28^en dach in November met 5 parden te Dorneke, om de dachvart te helpene, om 2 daghen, vertert 7 ℔. 16 s.

Item, weder ghereden den 3^en dach in December om de voerseide ghevanghene te vervolghene met 5 parden; doe gaven de jureten te kenne dat alle de faiten, die men hemlieden anligghen wilde, dat men se stellen soude in ghescriften ende hemlieden overgheven; betaelt den clerc die de ghescriften maecte 6 ℔, ende van den costen van 3 daghen, 11 ℔, 7 s., heft 17 ℔, 7 s.

Item, weder ghesend, den 7^en dach in December, m[...]de dachvart te houdene, also si ons ghemaect e[...]n, den poortbailliu ende Wouteren den Heere

[p. 308]

met 3 parden, mits sekeren saken die (de bailliu⁽¹⁾ te doene hadde, betaelt van haren costen om 3 daghen, 7 ℔, 8 s.

Item, weder ghereden, den 11^en dach in December, om de voerseide ghevanghene, also si ons dachvart maecten; doe seiden si dat de faiten, die men den voerseiden ghevanghenen angheseit hadde, dat si danof informacije horen wilden bi hemlieden bin der stede van Dorneke ende el nieuwers, naer de vryheit van der stat, vertert 9 ℔, 6 s.

Item, betaelt ten bevele van Willem van der Asselt, als Mer Gherart van Raesseghem, Willem van der Asselt ende Mer Philips voerseit ghesend waren to Dorneke om de vorseide ghevanghene, mitsgaders dien van Brugghe, van Ypre ende van Curtrike, om de voerseide ghevanghen te hachtene, vertert 36 ℔, 2 s.

Somme van den costen van den dachvarden voerseit, 135 ℔, 10 s.

Item, ghesend, ten bevele van Mijns voorseits heeren brieven, de Vrauwe van den Voerde te Male, van den costen van haren waghene, 6 ℔.

Somme, 6 ℔.

Somme van al den utegheven voerseit, 579 ℔, 13 s. 5 d.

Ende tontfang draecht, 860 ℔, 12 s. 5 d.

Aldus blijft de bailliu sculdich, 280 ℔, 19 s. 1 d.

Op den rug: Compte Messire Philips le Jovène, bailliu, de Courtray, fait à Bruges le 13^e jour de Janvier l'an -81.

Rol-Rekening, N^r 1368.

(1) Op doorhaling van: ic.

[p. 309]

Kortrijk.
B. 1382 (13 Januari-5 Mei).

Rekeninghe Philips Jonghen, ridder, bailliu vander stede ende castelrie van Curtricke, van dat hi ontfanghen ende utegheven heift van der voerseider baillie sint den 13^en dach in Laumaend int jaer 1381 tote den 5^sten daghe van Meye int jaer -82. Ghedaen te Hesdin, den 7^en dach van Hoymaend int selve jaer.

Eerst, van alle manieren van kuergherechten, die bin der stede ghevallen sijn van der tijt voerseit ende van verleden tiden, niet ontfaen, mitsdat de stede sonder wet ghestaen heift.

Item, van den warderes van den ramen ende van den ghetauwen bin der tijt voerseid ende van verleden tiden, niet ontfaen, mits ghebreke van wette, also voerseit es.

Item, heift de voerseide bailliu ontfanghen van den besten kateilen ter doot van onghepoorterden lieden, ghestorven bin der castelrien van Curtricke:

Eerst, in Isenghem, van der doot van Willem Crayen, van eenen verkine, 34 s.

Item, in Rechem, van der doot van Robbin van Loe, van eenen beddekine, 40 s.

[p. 310]

Item, in Derleke, van der doot van Willem Parijn, van eenen coelkine, 53 s.

Item, in Ghelue, van der doot van Matten sRaets, van eenen blawen rocke, 25 s.

Somme van den besten kateilen voerseit, 7 ℔ 12 s.

Item, heift de voerseide bailliu, ontfaen van den personen hierna ghenomt, van den faiten ende twisten hierna ghescreven, danof sij ghecomposeert hebben.

Eerst, Jhan de Hudevettere, berucht ende ghecalengiert dat hi eenen cnijf trac op Gillis den Hond in evele, daeraf de boete es de vust, ghelaten pais maken om 48 ℔, danof parchonners hebben t6^sten deel, dus blijft er 40 ℔.

Item, Pieterkin Meysin, berucht ende ghecalengiert dat hi een mes trac in evele op Goessin Osten, ghelaten pais maken, mitsdat een arem cnecht was, om 10 ℔, daerof parchonners hebben t6^sten deel, dus blijft er 8 ℔ 7 s. 8 d.

Item, Pieterkin Bundervoet, berucht ende ghecalengiert dat hi een kint dootslouch bi groten onghevalle, ghelaten composeren ter presencije van Mijnheere van den Gruuthuse om 80 ℔, danof parchonners hebban t6^sten deel, dus blijft er 66 ℔ 13 s. 4 d.

Item, Rugge Scelpin, berucht ende ghecalengiert dat hi ghesleghen soude hebben metten vusten Pieter Louvin, ghelaten composeren om 12 ℔, danof parchonners hebben t6^sten deel, dus blijft er 10 ℔.

Item, Rugge Rolley, ghecalengiert dat hi dootslouch eenen Claikin Yweins, ghelaten pais maken, mitsdat de voerseide Rugge uten sinne was als hi tfait dede, ende noch es, om 30 ℔, danof parchonners hebben t6^sten deel, dus blijft er 25 ℔.

Item, Hannekin van Zuutackere, berucht ende

[p. 311]

ghecalengiert dat hi stac met eenen messe eenen Pieteren van Stoupeghem, danof dat hi staerf, ghelaten composeren, ter bede van goeden lieden ende dat een arem cnecht was, om 24 ℔, danof parchonners hebben t6^sten deel, dus blijft er 20 ℔.

Somme van den composicijen voerseit, 170 ℔. 12 d.

Item, heift de voerseide bailliu, ontfaen van tiendepenninghen, die toehoerde Willem Staden ende Laris Brunerisse, dewelke doot sin contrarije Minen gheduchten heere.

Eerst, in Hoedeghem, van der doet van Wouter Martins dochter, 10 ℔. 6 s.

Item, in Puthem, van der doot van Olivier sPlaesteraers dochter, 3 ℔. 17 s.

Item, in Thielt, van der doot van Willem van der Hellen, 4 ℔. 10 s.

Item, in Thielt, van den huwelike van Hannin van den Hane, 53 s. 6 d.

Item, in Winghine, van den wedue Willem Mularts, 22 s.

Item, in Puthem, van der doot van Gillis wive van den Wiele, 9 s.

Item, in Thielt, van der doot van Heinric van Riemslede, 15 ℔.

Somme van den tiendepeninghe voerseit, 37 ℔ 17 s. 6 d.

Item, ontfaen van tiendepeninghe in de XIII Prochien, toehorende Jhan van der Helst, ghestorven contrarije Minen voerseiden heere.

Item, in Lunge, van der doot van Willem Bonten, 9 ℔, 11 s.

Item, in Belleghem, van der doot van Jaqminen van der Mote, 52 s.

Somme van den tiendepeninghe voerseit, 12 ℔ 4 s.

[p. 312]

Item, heift de voerseide bailliu ontfaen van poorters goeden van Ghend, ende anderen bin Ghend wesende ter contrarije van Minen gheduchten heere:

Eerst, ontfaen van 800 schove coerens, dat toehoerde Lievin van den Hoghenhuus in Wackene, mitsdat die van Doinse thoy ende andere vruchten wech hadden, 16 ℔.

Item, ontfaen van Jhan van den Hessche, pachter joncvrouwen Katelinen Harinx, van haren goede in Olsene, van den paymente van sente Jhans messe nu naestcomende, 18 ℔.

Item, ontfaen van Gillis van den Meercke, pachter joncvrouwen Katelinen van Varwijc, van eere tiende ligghende in Wonterghem, dewelke tiende wert ghesijn hadde 36 ℔, ne hadden se die van Doinse niet ghehaelt, ontfaen 16 ℔.

Item, ontfaen van Willem den Heere, pachter joncvrouwen Janen van Varwijc, in Gotthem, van 1 ½ bunder lands, van den paymente van sente Jhans messe naestcomende, 8 ℔.

Item, ontfaen van Dierlay van Stroemberghe, pachter joncvrouwen Katelinen van Riemslede, van penincrenten streckende in Oesselghem, 14 ℔.

Item, ontfaen van Bernarde van Bostroudt, pachter Hannekin Corthals bin Ghend wesende, van sinen goede in Sente Baefs Vive, van den payemente van sente Jhans messe naest, 24 ℔.

Item, ontfaen van Kateline van Reckaenge, pachter Jhans van der Helst, van den goede te Coeyeghem, van den paymente van der Lichtmesse, 50 rasieren corens, gheloest om 21 s. de rasiere, heft 42 ℔.

Item, in Belleghem, ontfaen van Jhan Wiflen, pachter Jhans van der Helst, van den paymente van der Lichtmesse, 14 ℔ 10 s.

Item, ontfaen van Raes goede van Hersele, in

[p. 313]

Rechem, te Catstert, 14 rasieren evenen, van 2 jaren tachter, heft 28 rasieren, gheloest om 7 s. de rasiere, heft 9 ℔ 16 s.

Somme van den parcheelen voerseit, 162 ℔ 6 s.

Item, vercocht Janen van den Brouke de helt van eenen huus ende erve, staende te Curtricke (in de Papestrate), twelke Minen voerseiden heere toequam bi der versterfte van Ghiselin Davite, bastart ende onghepoertert wesende, mitsdat men hare lettren versekeren met Mijns gheduchts heeren beseghelte, om 54 ℔.

Somme van den ½ huus voerseit, 48 ℔.

Somme van al den ontfanghe voerseit, 434 ℔, 6 d.

Dits dat de voerseide bailliu, utegheven heift op den voerseiden ontfang van deser rekeninghen,

Eerst, ghegheven den bailliu van sinen wedden van deser rekeninghe, 16 ℔, 13 s., 4 d.

Item, betaelt Rugger van der Woestine, castlain van den casteele van Curtricke, van sinen wedden van deser rekeninghe, 5 ℔.

Somme van den wedden voerseit, 21 ℔, 13 s., 4 d.

Item, bi bevele van Mijns gheduchts heeren brieven, ghemaent scepenen van Curtricke, dat sij den nieuwen scepenen overgheven sauden al tgoent dat si onder hemlieden hadden, twelke doude scepenen niet doen ne wilden, si ne waren versekert van haren costen die sij daden als sij de Warede besaten, betaelt van haren costen, 25 ℔, 12 s.

Item, bi bevele van Mijns voerseits heeren brieven, vervollecht te Dorneke dat de jureten ende harlieder clerken quamen te Curtricke om tbesouk te hoerne op de 6 ghevanghenen, van haren costen van den clerken van 5 daghen, 13 ℔, 8 s.

[p. 314]

Item, betaelt meester Jhan Ballart, der Steden secretaris van Dorneke, om de ghedinghen in ghescriften te stelne tusschen onsen avocaet ende partiën, 5 franken, valent 9 ℔, 7 s., 6 d.

Item, betaelt bi bevele van Mer Gherarde van Raesseghem ende Thomaes Crempen, Jhan Odain, onsen avocaet, van sinen sollarisse ende dienste, 19 ℔, 10 s.

Item, bi bevele Mijns voerseits heeren brieven, ghereden te Dorneke den anderen dach in Spoerkle, om jureten ende scepenen te hebbene te Curtricke om tbesouk te hoerne, ghelike dat si Minen gheduchten heere angheseit hadden, vertert om 2 daghen, 8 ℔, 10 s.

Item, daerna, als sij hare besouk ghedaen hadden te Curtricke, bevalen sij mi dat ic bin 8 daghen daerna te Dorneke commen soude om sentencije te hebbene van den sticke, ende, als ic bi hemlieden was, waren sij onledich om hare Wet te vermakene, dat ic gheene deliveranche hebben mochte; vertert bin 2 daghen, 7 ℔, 16 s.

Somme van den parchelen voerseit, 84 ℔, 3 s., 6 d.

Item, ghegheven van 160 hurden ende 140 bomen, bi brieven van den balliu van Mereghem, dat si costen van Mereghem te Curtricke te bringhene bi scepen, 13 ℔.

Item, bi bevele van Mijnheere van den Gruuthuse, de hurden ende bomen haestelike ghesonden te Doinse waert, mitsdat sij verladen waren in anderen scepen, coste 21 ℔, 9 s.

Somme van den hurden ende bomen voerseit, 34 ℔, 9 s.

Item, ghegheven ten bevele van Mijns voerseits heeren brieven, te Werveke ende daerontrent, 8320 voete berden, te 36 s. 100, heft 149 ℔, 15 s., 2 ½ d.

[p. 315]

Item, betaelt van den voerseiden berden van Werveke te Curtricke te bringhene bi scepen, 4 ℔.

Item ghegheven van den voerseiden berden te verscepene ende van Curtricke te Doinse te voerne, 7 ℔, 10.

Item, ghegheven noch, ten bevele van Mijnheere van den Gruuthuuse, 5000 voeten berds, te 36 s. 100, heft 90 ℔.

Item, ghegheven van den voerseiden berden ter Leyen te voerne, ten scepen te doene ende van Curtricke te Doinse te voerne, 9 ℔, 12 s.

Somme van den voerseiden berden ende van den costen, 260 ℔, 17 s. 2 ½ d.

Item, ghevanghen een Pauwelkin Brixis, van Oestende, ende ghevoert bi nachte buten Curtricke mitsdat hi verlide dat hi eenen Gillis den Langhen, swijncopere, vermoort hadde in den Huelbosch, ghejusticijert, van den costen van den pape, van den hangheman, ende van al, 4 ℔, 10 s.

Item, ghereden, ten bevele van Mijns voerseits heeren Rade tAudenarde, om toversiene de lieden van wapenen ende serjanten, die Mijns voerseits heeren wedden hadden, vertert om 2 daghen, 8 ℔, 3 s.

Somme, 12 ℔, 13 s.

Somme van al den uteghevene voorseit, 413 ℔, 16 ½ s.

Ende tontfanc draecht, 438 ℔, 6 d.

Dus blijct dat de voerseide bailliu sculdich blijft, 24 ℔, 4 s. 5 d.

De ce avoit il payé à Henry Lippin, recheveur de Flandres, ainsi qu'il appert par la cédule doudit recheveur, plaquié de son séel, donnée à Bruges le 15^e

[p. 316]

jour de Janvier l'an -80 et un, 119 ℔, 11 d.: demeure qu'on li doit, 94 ℔, 16 s. 5 ½ d.

Op den rug: Compte Messire Philippe le Jovéne, bailliu de Courtray, fait à Hesdin le 7^e jour de Jullet, l'an 80 et deux.

Rol-Rekening, n^r 1370.

[p. 317]

Kortrijk.
C. 1382-1383. (29 December-4 Mei).

Rekeninghe Philips van Poelvoerde, ruddere bailliu van der stede ende castelrie van Curtrike jn desen tijt, van al dat hi ontfaen heift ende uteghegheven sident dat hi ghestelt ende ghemaect was, ende dat was den 29^sten dach van Decembre in tjaer 1382 tote den (4^en daghe van Meye int jaer -83. Ghedaen te Rijssele).

Ontfaen van meshusancen van denghonen die die hem meshuseirt moghen hebben jeghen Minen gheduchten heere.

Erst, Wouter Goesin, berucht ende ghecalengiert dat hi zettinghen ontfaen zoude hebben van der prochie van Gheluwe bin dien Mijn gheducht here buten lande was, denwelken ic hebbe ghelaten composeren ende pays maken, midsdien dat ic kercghebode dede doen, of hem yemen van hem beclaghen wilde, ende gheen clachten meer over hem camen, ende ter bede van goeden lieden, pais omme 96 ℔ par.

Item, Wouter van den Mortere, berucht ende ghecalengiert dat hi Mervrauwen pachtere van der Gracht belet soude hebben haren pacht te betaelne, ommedat hi liever hadde dat de rewaert van mueten

[p. 318]

ontfaen hadde, pays, ter bede van goeden lieden ende dat hi arem was, omme 36 ℔ par.

Item, Amant de Bosere aneverde eenen osse onder den beridere van den XIII Prochien, ende presenteirde in ware te doene dat hi sine was, denwelken osse hi ter maerct brochte, daer hi verkent wart van den mesnieden Rogers van der Woestine moeder, dewelke osse ende man ghecalengiert ende ghearesteirt waren, bi der redene dat Rugger vorseit presenteirde wel in ware te doene dat hi Mire joncfrouwen sire moeder ware, twelke hi dede; van den welken ic bailliu den vorseiden Amant pays liet maken omme 60 ℔ par.

Item, Bernekin Belaen, berucht ende ghecalengiert dat hi nam 2 merien den Bertoenen, ende hilt onder hem, ende hem niet toebehoorden, sonder den bailliu te kenne te ghevene, van derwelker mesdaet ic liet composeren ende pais maken omme 36 ℔ par.

Item, Zegher ende Bernaert de Coc, berucht ende ghecalengiert dat si aneverden 30 hooft scaep, dewelke ghestragiert waren, van derwelker meshusance ic, bailliu, pays liet maken ter bede van goeden lieden, (ende behilt de scaep), dat si groot verlies van den Bertoenen hadden, omme 36 ℔ par,

Item, Claeis Maes, berucht ende ghecalengiert dat hi bi vreesen van der Bertoenen in Ghent vloo, eenen dach derin wesende weder utekeerde, van derwelker mesdaet ic, bailliu, hem liet composeren ende pays maken, omdat een arem man was, omme 12 ℔ par.

Item, Jhan Ameide, berucht ende ghecalengiert dat hi beledere was ende capitein contrarie Minen gheduchten here in de prochie van Bellighem, dwelke hi doen moeste bi bedwanghe ende bi forchen, ende niet langher was dan 3 daghe, alsoot

[p. 319]

wel bevonden es, van derwelker mesdaet hi ghecomposeirt ende pais ghemaect heift bi Minen heren van den Rade omme 180 ℔⁽¹⁾.

Item, Willem de Grave, berucht ende ghecalengiert dat hi was beledere ende capitein contrarie Minen gheduchten here in de prochie van Bellighem, dwelke hi doen moeste bi forchen ende bi bedwanghe, ende niet langher was dan 3 daghe of 4, alsoot bevonden es, van derwelker mesdaet hi ghecomposeirt ende pais ghemaect heift bi Minen heren van den Rade omme 180 ℔.

Somme van de parchelen vorseit, 636 ℔ par.

⁽²⁾

Dit eist dat Philips van Poelvoorde, ruddere, bailliu van Curtrike ende dat daertoe behoort, uteghegheven heift binnen vorseiden termine.

Eerst, de wedden van den bailliu vorseit, 16 ℔ 13 s. 4 d.

Item, van den wedden van den casteleyn van den castele te Curtrike, Rugger van der Woestine, 5 ℔.

Item, van dat de bailliu ghesent was bi bevele van den Ontfanghere, uter name van Minen heere, te Molenbeke, om Ghildolve van Bedruwane te vanghene, denwelken hi vinc ende brochte te Ricele, met 8 paerden, ende hi was up den wech 3 daghen, van oosten, 12 ℔ par.

Item, de bailliu ende Gherard van Sciervelde ghesent van Mijns heren weghe met brieven te Curtrike an Mer Jhan van Jeumond ende an Mer

(1) Op doorhaling van: 100 franken.

(2) Volgen 24 posten van besten cateylen ter doot van denghenen die thuus up haer bedde ghestorven sijn: o.a.: Van der doot van den pape van Mosscheroen eene coe, vercocht 3 ℔ par. 6 s. enz.

[p. 320]

Jhan Spoorkin, om tghescille dat si onderlinghe hadden ende dat up te nemene van Ons gheduchts heren wegne, met 7 paerden, 2 daghen dertoe ghedaen, van costen 8 ℔ par.

Item, van eenen Willekine metten Gaerde, dewelke ghevanghen was te Ruumbeke. ende brocht te Werveke in de vanghenesse, daer hi lach 8 daghen, ende van danen was hi brocht te Ricele in Mijns heren vanghenesse, alsoot bevolen was, ende die was ghehanghen an eenen boom; van vanghenesghelde ende van costen, 3 ℔ 12 s. par.

Item, van Wouter Goesine, dewelke ghehaelt was ende ghevanghen bi nachte, wel met 15 ghesellen, ende ghebrocht te Werveke in de vanghenesse, was bi beveelne van Mincn heren van den Rade ghebrocht te Ricele, daer hi composeirde ende paeis maecte, alsoot voren verclaerst es; van vanghenesghelde ende van costen, 6 ℔ par.

Somme van desen utegheven, 51 ℔ 5 s. 4 d. par.

Ende dontfanc draecht, 749 ℔ 18 s.

Rest dat hi sculdich blijft, 698 ℔ 12 s. 8 d.

Op den rug: Compte Messire Philippe de Poelvorde, bailliu de Courtray, fait à Lille le 4^e jour de May, l'an -83.

Rolrekening, n^r 1373.

[p. 321]

Kortrijk.
D 1383 (3 Augustus).

Dit es tghoont dat Mer Jan van Halewine, Mer Philips van Poelvorde ende Gheeraerd van Schiervelde ontfaen hebben van den verbeurden goeden in Curtrike ende in Curtrike-Ambocht, ende datter toebehoort, uter virtuut van der commissie die zi hebben van Minen gheduchten heere, Mijnheere van Vlaendren. (Ghedaen te Rijssele den 3^en dach van Ouste int jaer -83).

Eerst, Rugger van der Kindere, van Werveke, bleef dool, contrarie Minen heere, te Comene; naer hem bleef tsestienste deel van eere stede die Casin sInghels was, tsestienste deel van eere erve ligghende bachten Willem Fierins, de heilt van 500 lands ligghende bi der Westmuelen, te Werveke, de heilt van 21 ℔ parisis sjaers in renten up Rugger sRuters stede in de Hodevaerstrate, onderhalf buunre lands ligghende te Dadisele; item, noch 500 lands, 2 perssen ende andere matelike catelen achter huse, van cleenre werde, die niet te rekenne waren; al dit vercocht Agneesen, wedewe van den vorseiden Roeger, ende hare ghegheven omme 13 ℔ 10 s. groeten, valent 162 ℔.

Item, noch vercocht der vorseider Agneesen

[p. 322]

wedewe Roegers van der Kindere vorseid, de heilt van 2 ½ buunren lands, van denwelken sijn moeder houdt de 17 te haren live, ende es magher heedland, alsoot blijct bi den papiere dat si overgheven, daer de verbeurde goede in verclaerd staen, ende hare ghegheven omme 22 ℔ par.

Pieter van der Capelle, bleef contrarie Minen heere, also si verstaen hebben, ende naer hem bleef tsestienste deel van eere stede, die gheheel ghecocht was, also men seide, in tiden verleden omme 10 ℔ groeten; item, tsestienste deel van eere andere stede, die gheheel ghecocht was omme 20 ℔ grooten, vercocht al dit Brixise van der Capelle, ende hem ghegheven omme 2 ½ ℔ grooten, valent 30 ℔.

Casin Bem, van Werveke, doot contrarie Minen heere, of te Ghend in; na hem bleef de heilt van eenen huus ende erve staende binnen Werveke, groot 1 ghemet, lettel min of meer, vercocht Christiaen Beme, sinen vader, alsoot bliken mach bi den papiere dat si overgheven, daer alle de parcheele van den verbeurden goeden in verclaerd staeu, ende dit hem ghegheven omme 5 ℔ grooten, valent 60 ℔.

Willem Pijl, van Werveke, ende sijn wijf, sijn te Ghend in, contrarie Minen heere, hadden erve ende 1 huus derup staende te Werveke, vercocht Minen heere van Zweveghem, de heilt van den vorseiden huus, alsoot bliken mach bi den vorseiden papiere, ende hem dit ghegheven omme 18 ℔ grooten, valent 216 ℔; ende es te wetene dat, als dese vorseide heilt vercocht was, so en was twijf noch in Ghend niet.

Michiel Scemijn, van Werveke, was ghesleghen van den Bortoenen, also zij verstaen hebben; naer hem bleef de heilt van 3 bedden, van 22 stringhen lininsgarens, van eere ketene linins garens, van 18

[p. 323]

cussinen, van 3 steenen vlas, van 2 branders, 1 culcr, ½ last teurve, 3 vaerweketele, dalame daertoe behorende, ende 2 spete, ghelijc dat tvorseide papier verclaerst; vercocht Michiels wedewe vorseid ende hare ghegheven al dit omme 3 ℔ groeten, valent 36 ℔.

Gillis dOude, van Werveke, bleef doot, contrarie Minen heere, ten stride te Rosebeke; naer hem bleef de heilt van desen naervolghenden goede, dats te te wetene: 2 bedden, 3 scrinen, 4 ketele, 1 pot, 2 camme, 1 yserine panne, 1 mortier, 1 lijs, 1 hanghele, 1 waferyser, drie vierden van eenen zwine, 5 haspen linins garens, 1 scolaken, 2 dwalen, 1 forchier, 37 hooft scaep, 3 coen, 1 calf, 1 stal vul hoys, 1 tas corens, 1 rasier corens, 100 scove evenen, 100 fagoten, 1 waghen, 50 gruis ende 6 buunre lands erve, alsoot blijct bi den papiere vorseid; vercocht Coline den Ouden, f. Gillis vorseid, ende hem ghegheven omme 10 ℔ grooten; daerof ontfaen in minderinghe, 4 ℔ 14 s. grooten, valent 56 ℔ 8 s.

Waleweyn de Rike, van Werveke, bleef doot, contrarie Minen heere, ten stride te Rosebeke; naer hem bleef de heilt van desen navolghenden goede, dats te wetene: 1 scrine, 3 bedden, 1 coetse, 1 vierde van eenen zwine, 3 francaerd raepsaets, 1 yserine roede, 2 coen, 43 scaep, 2 tasse corens, 1 ander tas up den vloer, 2 voeder hoys, 200 scove viteen, 500 nertsen, 1 waghen, 1 plouch, 5 cussine, 3 ½, buunre lands, ligghende onder Minen heere van Hondscoto, alsoot blijct bi den vorseiden papiere; al dit vercocht Maye sKempen, dochter van svorseits Waleweyns wive, ende hare ghegheven omme 9 ℔ grooten, valent 108 ℔.

Jan van den Hove ende sine broeders, bleven doot, contrarie Minen heere, dats te wetene Jan ten

[p. 324]

stride ende sine broeders van den Bortoenen; naer hemlieden bleef dat si ghemeene hadde onder dander goed, dat hiernaer volghet: 8 buunre lands binnen Werveke, alsoot blijct bi den papiere; vercocht dit vorseid land, niet den bomen ende houte derup staende, Willem Parolen, ende hem ghegheven omme 19 ℔ groeten, valent 228 ℔.

Item, hadden noch de vorseide Jan van den Hove ende sine broeders eene stede ghemeene, groot 12 buunre lands, lettel min of meer, met den husen ende bomen derup staende, 3 bedden, 2 scrinen, 4 coen, 3 verkine, 1 tas corens vul, eenen anderen half, 1 cleen tas hoys, 1 lettel evenen, ende andere odelike katelen achter huse; twelke al vercocht was, bi Meester Pietren van der Zipe ende Zegheren van Langmersch, Medarde den Mey, Janne van den Kerchove ende Nase den Coninc, twelke goed int papier verclaerst es ende deser rekeninghe toebehoort, midsdat in Curtrike-Ambocht gheleghen es; ende Mer Jan ende sine ghesellen, ontfanghers vorseid, als die houden wilden van werden tghoont, dat Meester Pieter ende Zegher vorseid omme dbeste in de name van Minen gheduchten heere dermede ghedaen hadden, hebben daerof ontfaen van Woutren van der Mueine, die den vorseiden coop van hem allen over heift met den laste, tghoont ende alsovele alst bi hemlieden vercocht was, ende dat was, 400 ℔ parisis.

Willem de Keyser, van Werveke, bleef doot te Comene, contrarie Minen heere; naer hem bleef: 1 scrine, 2 bedden, 100 scove corens, 2 coen, 1 calf, 100 scove vitsen, 5 buunre leens, lettel min of meer, 2 buunre rentelands, 10 s. parisis sjaers te renten up 1200 lands streckende; item, noch ½ buunre cheinslands, alsoot blijct bi den vorseiden papiere; vercocht

[p. 325]

al dit Agneesen sKeysers zuster, ende recht hoir ghesijn zoude hebben van den vorseiden Willem, haddi hem wel beleedt, ende hare ghegheven omme 16 ℔ grooten, valent 192 ℔.

Jan Bondele, van Werveke, bleef doot te Comene, contrarie Minen heere; naer hsm bleef de heilt van den goede hiernaer volghende, dats te wetene: 1 scrine, 2 bedden, 3 coen, 2 calvere, 300 scove corens, ½ zwijn, 3 havot corens, 2 ketele, 1 panne, 1 buunre lands ende 700 in de stede; daerof vercocht Mijns heeren deel, bi Meester Pietren ende Zegheren vorseid, ende daerof ontfaen, bi der redene boven verclaerst, also zij den coop ghemaect hadden, ende dat was omme 3 ℔ grooten, valent 36 ℔.

Jan van der Hamme, van Werveke, bleef doot, contrarie Minen heere, van den Bortoenen, also men seide; naer hem bleef: 1 leen, 4 buunre groot, lettel min of meer, ende een deel sculclands, also tpapier vorseid daerof verclaerst; vercocht bi Meester Pietren en Zegheren vorseid Joosse van den Hamme, ontfaen van den vorseiden Joosse, alsovele als de coop bi hemlieden ghemaect was, mids den redenen boven verclaerst, 150 ℔.

Willem de Cat, van Werveke, bleef doot ten stride te Rosebeke, contrarie Minen heere; naer hem bleef ½ husekin, staende te Werveke, met eenen kelnaerkin dertoe behorende, vercocht der wedewe, ende hare ghegheven omme 2 ℔ grooten, valent 24 ℔.

Item, van Willemme den Mol, van Werveke, van 5 balen meeden, die te Werveke vonden waren, toebehorende eenen Willem Pijl, die te Ghend in es, contrarie Minen heere, dewelke een deel ghearcht waren ende niet coopmangoed, ende woughen 1500 ℔, ontfaen daerof, boven 40 grooten, die se coste te bringhene van Werveke te Rijssele, 5 ℔, 8 s. 8 d. grooten, valent 65 ℔ 4 s.

[p. 326]

Item, van Mathise den Oosterlinc, van den ofcope van 400 scove corens ende evenen, die bleven achter Gillise den Deckere in Iseghem, dewelke doot bleef, contrarie Minen heere, ten stride te Rosebeke, ontfaen 13 ℔.

Christiaen van den Ackere, van Ghelewe, was ghesleghen van den Bortoenen, also men zeide; naer hem bleef 1 buunre lands, lettel min of meer, ende 2000 lands, die sijn moeder houdt tharen live; vercocht al dit Willemme den Knoes, Lamsine van den Brouke, Janne Poytevijn ende Willemme van den Berghe, als recht hoir sijnde van den vorseiden Christiaen, updat hi hem wel beleedt hadde, ende hemlieden ghegheven omme 38 schilde, valent 45 ℔ 12 S.

Item, noch ontfaen van den vorseiden personen, twelke bevonden was dat si den vorseiden Christiaen sculdich waren, 2 ℔ groeten, valent 24 ℔.

Hannekin Willin, van Ruumbeke, bleef doot, contrarie Minen heere, terzelver stede; naer hem bleef; dachtienste deel van 2 husen, van 2 scueren, van eenen stalle, 2 ghemete lands, magher ende oodelic, ende daerup besayt met corne de 200; item, in upgaenden houte ende in anderen odeliken catelen, gheprijst 4 ℔ parisis, also tpapier verclaerst; vercocht Lamsine van den Vivere, Woutren Nieulaet Gillise Oger ende Pietren van der Mersch, ende hemlieden ghegheven, boven haren costen die zi ghedaen hadden, ende andere omme te inquererne de verbuerde goede in de prochie van Ruumbeke in Curtrike-Ambocht, omme 30 ℔.

Heynekin van Lake, van Ruumbeke, bleef doot, contrarie Minen heere, ter vorseider stede; naer hem bleef 1500 lands, lettel min of meer, ligghende binder vorseider prochie van Ruumbeke, daerof dat deene

[p. 327]

heilt es besayt met corne, also tpapier verclaerst; vercocht Gillise van Lake, ende hem al ghegheven omme 3 ℔ grooten, valent 36 ℔.

Jan de Smet, van Ruumbeke, bleef terzelver stede, ende naer hem bleef: de heilt van 6 ymeten lands, van ½ weunhuse, van ½ scuere; item, van eenen weunhuse; item, van 36 ℔ parisis van den prise van den upgaenden houte staende up tvorseide land, also tpapier daarof inhoudt; vercocht joncvrouwen Jaqueminen, wedewe van den vorseiden Jan, ende hare ghegheven omme 72 ℔ par.

Joorkin Dael, die dalf in eene verbuerde erve in de stede van Curtrike, toebehorende eenen wevere die te Ghend in es, daerin dat hi vand in ghelde 10 ℔ grooten ende 7 ℔ parisis, also hi zelve verkende, maer hi zeide dat sire moeder toebehoort zoude hebben, daerof de contrarie bevonden was, ende dat sij Minen heere toebehorden bi verbeurten in dese achterste meute; ontfaen van Joorkin vorseid de vorseide 10 ℔ grooten ende 7 ℔ parisis, valent 127 ℔.

Item, van eenen Moenin den Hoppebrauwere, wonende in de prochie van Dotenijs, dewelke hadde te halven wasdome van Gillis Tanghen, van Curtrike, 5 ℔ grooten, dewelke te Ghend in es, contrarie Minen heere; ontfaen de vorseide 5 ℔ grooten, bi der hand van Janne van den Bussche, van Curtrike, te Mijns vorseits heeren behouf, valent 60 ℔.

Item, ontfaen van 100 ende 10 huden, onder cleene ende groot, die te Curtrike vonden waren, toebehorende eenen Woutren van den Driessche, dewelke doot es, contrarie Minen heere, of te Ghend in; dewelke vercocht waren bi Absaloene, sbaillius ghesworne knape van Curtrike, boven 5 s. ende 4 d. grooten van cleenen costen, die derup ghedaen waren, tote Ricele te bringhene ende anders, 4 ℔ 14 s. ende 8 d. grooten, valent 56 ℔ 16 s.

[p. 328]

Item; van Jan Wijffele, van Bellighem, van sinen pachte van den goede dat was Jans van der Elst, ligghende in Bellighem, hem verpacht bi Mer Philips den Jonghen als bailliu van Curtrike, omme 29 ℔ parisis sjaers, ghelijc dat tpapier van den verbeurden goeden mensioen maect; ontfaen van den payemente van der Lichtmesse int jaer -82, 14 ℔ 10 s.

Item, van Woutren van den Ackere, als borghe over de wedewe sCameels, van Curtrike, in minderinghen van 4 ℔ grooten, die soe kende dat soe ontdolven ende vonden hadde te Curtrike in eene erve, die haerre dochtere ende haerre dochter man toebehoorde, dewelke erve jeghen Minen heere verbuerd es, want de man ende soe beede te Ghend in sijn, of de man doot contrarie Minen heere; ontfaen 11 franken ende 22 groeten, valent 21 ℔ 14 s. 6 d.

Item, noch ontfaen, in vulbetalinghen van den vorseiden 4 ℔ grooten, bi der hand van Mer Janne van Jeumond, alsoot blijct, hierachter int utegheven, 14 franken, valent 26 ℔ 5 s.

Item, van Mer Janne van Jeumond, capitain van Curtrike, dewelke hi kende dat hi ontfaen hadde van den ghelde, dat vonden ende ontdolven was ute Wouters erve van Steenland in Curtrike, also hierachter blijct int huutgheven, 60 franken, valent 112 ℔ 10 s.

Item, van Jan Stradiere, van 7 coen, die hi ten beveilne van den vorseiden ontfanghers ghedeelt hadde in Ruumbeke in de name van Minen heere, die vercocht, ende daerof ontfanghen 20 ℔ 12 s.

Item, van Janne van den Hulle, van coen ende scapen, in derselver maniere bin der prochie van Zwevenzele, daerof de numer niet claerlike commen es ter kennesse van den vorseiden ontfanghers, maer hebbende belooft over te bringhene, ontfaen 25 ℔ par.

[p. 329]

Willem de Hiert ende Nijs de Hiert, sijn broeder van Ghelewe, waren ghevaen van Heinen van der Beke, zichtent dat Mijnheere achterst int land quam, ende hadde van hemlieden 58 ℔ parisis, daerof partijen voor dontfanghers vorseit camen daghen; ghehoort heesch ende andworde van beeden partijen, dochte den ontfanghers, midsdat si tvorseide gheld bi haren danke ende wille ghegheven hadden in manieren van scattinghen, dat niemene bet sculdich was toe te behoorne dan Minen heere; ontfaen van Heinen vorseit, te Mijns vorseits heeren behouf, de vorseide 58 ℔.

Jan van den Berghe, wonende tArsele, bleef doot te Rosebeke, contrarie Minen heere; naer hem bleef: 1 stede, groot 26 ymete lands, lettel min of meer, daer utegaet 1 ℔ grooten sjaers erflike, besayt 5 ghemete met corne, 1 weunhuus, 1 scuere, 1 stal ende 1 quade porte; item, de heilt van 6 ℔ parisis, over den prijs van den upgaenden houte; ende dit goed houdt men van Minen heere van den Gruuthuse in leene; item, 1 leen van 7 halster evenen sjaers, dat men houdt van Gillise van der Mersch; an twelke vorseide goed de wedewe an al houdt hare bileve, ende de heilt van den katelen, hare toebehorende; item, 1 buunre tseinslands, lettel min of meer, waerof de heilt der wedewen erve es; vercocht al dit vorseide goed, alsoverre alst Minen heere toebehoort, Marie Crempen, f. Jans, ende hare ghegheven omme 21 ℔ grooten, valent 252 ℔.

Ontfaen van tiendepenninghe in de castelrie van Curtrike.

Eerst, van eenen Roeger Leempitte, in Zwevensele, van den tiendepenninghe van den goede dat bleef naer Pieter Moritacke, die porter was ende

[p. 330]

buten staerf, twelke goed gheprijst was bi goeden lieden naer doude costume van der stede vorseid, ontfaen, naer davenant van den vorseiden prise, 1 ℔ grooten, valent 12 ℔.

Item, van den hoire ende aeldinghers van Jans wive van Crovelt, van Thielt, over den tiendepenninc van den goede dat naer hare bleef, die portighe was ende buten staerf, ontfaen, naer davenant van den prise, also vorseid es, 4 ℔ 18 s. grooten, valent 58 ℔ 16 s.

Item, van den hoire ende aeldinghers van eenen Daniel Coline, van Pithem, ontfaen in derzelver manieren, in davenant van den prise, also vorseid es, 2 ℔ 8 s. grooten, valent 28 ℔ 16 s.

Item, van Oliviers wive van Westackere, als hoir ende aeldinc van eenen vierden van den goede dat bleef naer der doot van Oliviere van der Mersch, ontfanghen in derzelver maniere, naer den prijs, 65 ℔.

Item, van Heinric Holaerde ende van Janne van Scillenbeke, van Thielt, in minderinghe van 24 scilden, die zij sculdich waren, als hoir ende aeldinghers van den goede dat bleef naer Gillise van Scillenbeke, ontfaen 16 ℔ 4 s.

Item, noch ontfaen van den vorseiden personen in vulbetalinghe van der vorseider somme, 8 scilde, valent 9 ℔ 12 s.

Item, van Hannekin Famaerde, Daniel Famaerds kint, van den tiendepenninghe van al den goede dat men bevinden can, den vorseiden Daniele toebehorende, dewelke jaer ende dach, ende meer, uter stede ende castelrie geweunt heift zonder consent, ende noch in Ingheland weunt, also men seit; ontfaen, naer davenant van den prise, also vorseid es, 100 ℔.

Item, van Pietren van Heedackere, van Thielt,

[p. 331]

in minderinghen van 36 scilden, die hi ende sijn broeder sculdich waren van thiendepenninghe, van haerre moeder doot, naer den prise, also boven verclaerd es; ontfaen van den vorseiden Pietren over de heiltscheede, 18 scilde, valent 21 ℔ 16 s.

Ende dander 18 scilden es sijn broeder sculdich die cruce no munte heift, also men seit.

Item, van den hoire ende aeldinghers van Jan Pertsen, van Thielt, van den, tiendepenninghe van al den goede dat naer hem bleef, na den prise, also vorseid es; ontfaen 26 scilde, valent 31 ℔. 4 s.

Ende es te wetene, dat Meester Pieter van der Zipe ende Zegher van Langmersch, als ontfanghers vre den verbeurden goeden in Ypere ende in Yper-Ambocht, hebben vercocht ende laten aflossen in de prochie van Werveke, in Curtrike-Ambocht, de parcheele van goede hier naervolghende, dewelke deser rekeninghe sculdich hadden ghesijn toe te behorne:

Eerst, tgoed van Olivier Riquarde, vercocht Griffoene van Massemine, omme 11 ℔ grooten; item, tgoed van Willemme den Keyser, te Werveke binnen, vercocht omme 6 ℔ grooten; item. Jan Bussaerds goed, vercocht der wedewe omme 17 ½ ℔ grooten; item, tgoed van Boudin Waloppe, vercocht Nannen, sire wedewe, omme 7 ℔. 4 s. parisis: Somme 34 ½ ℔ grooten ende 7 ℔. 4 s. par., valent over al, 421 ℔ 4 s. par.

Somme van al den ontfanghen 3126 ℔ 19 s. 36 d.

Die es duutgheven up tvorseide ontfanc.

Eerst, betaelt ende uteghegheven omme de coste van den vorseiden ontfanghers ende van Jan Bursen, bi hemlieden sijnde ten beveilne van Minen heere met 15 paerden, ende van andere hemlieden upcom-

[p. 332]

mende, van 9 daghen, endende sente Vincensis avende, 91 ℔ 19 s.

Item, betaelt ende uteghegheven omme de coste van dan vorseiden ontfanghers ende anderen, also vorseid es, ghedaen van sente Vincensis daghe tote den 29^sten daghe in Laumaend, ende beede de daghe derbinnen gherekent, dat sijn 8 daghe, 93 ℔. 4 s.

Item, betaelt ende uteghegheven omme de coste, also vorseid es, van den 30^sten daghe in Laumaend tote sondaechs grote Vastenavent, 9^en daghe in Speurcle, dat sijn 9 daghe, 117 ℔ 6 s.

Item, betaelt ende uteghegheven omme de costen van den vorseiden personen ende van andere bi hemlieden commende, also vorseid es, smaendaechs 9^en daghe in Speurkele ende sdicendaghes daerna volghende, dat sijn 2 daghe, 33 ℔.

Item, noch betaelt ende uteghegheven omme de costen van den vorseiden personen ende die met hemlieden waren, van sondaechs 15^en daghe in Speurcle tote saterdaghes daerna volghende, 21^en daghe in deselve maend, ende dien dach derbinnen gherekent, dit sijn 7 daghe, 80 ℔ 2 s.

Item, betaelt ende uteghegheven om de coste vorseid van sondaechs 22^en daghe in Speurde, tote sdicendaghes 7^en daghe in April, beede de daghe derbinnen gherekent, dat sijn 46 daghe, draecht, deen dach min en dander meer, 260 ℔ 2 s.

Item, noch betaelt ende uteghegheven omme de vorseide coste van swoensdaechs 8^en daghe in April tote swoensdaechs 22^en daghe in deselve maend, beede de daghe derbinnen gherekent, dat sijn 15 daghe, 146 ℔ 3 s.

Item, betaelt ende uteghegheven omme de coste vorseid van sdondersdaghes 2^en daghe in April tote sondaechs 19^den daghe in Meye, beede de daghe derbinnen gherekent, dat sijn 27 daghe, 175 ℔.

[p. 333]

Item, betaelt ende uteghegheven omme ghelike coste van swoensdaechs 20^en daghe in Meye tote smaendaechs den eersten dach van Wedemaend, beede de daghe derbinnen gherekent, dat sijn 12 daghe, 79 ℔.

Somme van den costen 1075 ℔, 16 s.

Item, betaelt Mer Janne van Jeumond, capitain van Curtrike, die hi ontfaen heift van ghelde dat te Curtrike vonden ende ontdolven was, dats te wetene: in de erve van de wedewe sCameels dochter 14 franken, ende in Wouters erve van Steenland 60 franken, daerof hiervoren in de rekeninghe ontfanc ghemaect es, ende sijn hem ofghesleghen van sinen wedden ende gherabatert, alsoot blijct bi zire rekeninghe, ghedaen jeghen den Ontfanghere van Vlaendren, in de name van Minen vorseiden heere, somme 74 franken, valent 138 ℔, 15 s.

Item, ghegheven Pietren den Orghelmakere, in hoofscheden te verdrinkene, dewelke brochte te kennessen dat Joorkin Dael tghelt vonden ende ontdolven hadde te Curtrike, daerof voren gherekent es in dontfanc, 2 pieters, valent 4 ℔.

Item, betaelt van 2 papieren, daer alle de verbeurde goede in ghescreven staen, 2 pieters, valent 4 ℔

Item, omme den salaris van 2 clerken, zitten scrivende wel 6 weken lang, 3 ℔ grooten, valent 36 ℔.

Item, betaelt Willem Bouchoute, van Curtrike, in minderinghen van eere meerre somme van ghelde, die Mijnheer van Vlaendere hem ende sinen ghesellen sculdich was van haren wedden die sij verdient hadden, ligghende tOudenaerde, daerof zij 1 mandement hebben van Minen vorseiden heere, 3 ℔ grooten, valent, alsoot blijct bi eere cedulle van den vorseiden Willem, 36 ℔.

[p. 334]

Item, betaelt Gillis van Dierdonc, in minderinghen van eere meerre somme van ghelde, die Mijnheere van Vlaendren hem ende sinen ghesellen sculdich was van haren wedden, die zij verdient hadden, ligghende tOudenarde, daerof zij een mandement hebben van Minen vorseiden heere, 19 ℔ grooten, valent, alsoot blijct bi eere cedulle van den vorseiden Gillis, 228 ℔.

Item, betaelt Mer Janne van Jeumont, in minderinghe van zinen wedden, 500 franken, alsoot blijct bi lettren van mandementen van Minen heere ende quitance van den vorseiden Mer Janne, valent 937 ℔ 10 s.

Item, betaelt Agneesen, wedewe Rogiers van der Kindere, alsoot blijct bi mandementen van Mijnhere 4 ℔ grooten, valent 48 ℔.

Item, betaelt Jacop den Visch, dewelke men hem sculdich was van zinen wedden, dat hi hadde gheleghen tAudenarde, alsoot blijct bi mandemente van Mijnhere ende quitance van den vorseiden Jacop, 259 ℔ 14 s.

Somme, 1691 ℔ 19 s.

Somme t(otale) de despenses, 2767 ℔ 15 s.

Reste qu'il devroit, 359 ℔. 4 s. 6 d.

Op den rug: Comple Messires Jehan de Haelwin, Messires Philippe de Poelvoerde, receveurs des biens fourfaiz à Monsingneur, à cause de meute, dedens la ville et chastellerie de Courtray, fait à Lille le 3^e jour d'Aoust l'an -83.

Rol-rekening, n^r 2593.