Logo DBNL
Cronyke van Vlaenderen. Deel 2 (1900)

Cronyke van Vlaenderen. Deel 2

(1900)–Jean Froissart–rechtenstatus Auteursrecht onbekend

Vorige Volgende

XV. Baljuws van Veurne.

A. 1382 (14 Januari-5 Mei).

Dit es de rekeninghe van Godevaert den Heeilt, bailliu van Veurne, van al den boeten, proffiten ende exploten die hij ontfaen heift ende uuteghegheven van der vorseider baillien zident den 14en dach van Loumaend, ghedaen te Brugghen int jaer een ende tachtentich, toten 5den dach van Meye -82. Ghedaen te Heddin, den 7den van Hoymaend naervolghende.

 

In de stede van Veurne, bi Gheraerd van den Aerde, poort-bailliu, - niet.

Wouter de Vust staerf, daerof de bailliu calengierde tfijfte deel van den eenen vierendeele van sinen goede over stragiers, twelke de bailliu liet losen omme 3 ℔, ontfaen 3 ℔.

Somme 3 ℔.

Ontfaen van bastaerdegoede.

Wouter Bennin, bastaert, staerf, ende bachten hem bleef tvierendeel van eenen huskene boven dat bij coste te butene, twelke vercocht was 10 ℔, 16 s, ontfaen 10 ℔ 16 s.

Somme van bastaerdegoede, 10 ℔ 16 s.

 

Somme van al der stede van Veurne, 13 ℔ 16 s.

In de Castelrye.

In de Noord-Vierscare

Duunkerke, niet
Ramscapple, niet
Pervise, niet
Egghewaerdscapple, niet
Avencappelle, niet
Steenkerke, niet
Wulpen, niet
Boostenpoort, niet
Lensele, niet
Ysemberghe, niet
Wulveringhen, niet

Houthem:

Gillis Quaerteel, berider, was ghecalengierd van dat hij liet jeghen hem composeren van dieften ende van boeten van 3 ℔., pais, ter bede van Mijnhere den bourchgrave van Veurne, omme 24 ℔.

Jane Lokins was ghecalengierd van dat zoe 2 spint cruuts te Veurne up de Maerct ghestolen zoude hebben, ommedat een aerm wijf was, pais omme 36 ℔.

Bulscamp, niet

Adenkerke, niet

Sinte Wouberghen:

Der Jan Matte, priester, gaf up Stasin den Mien ende up Clais Volcraven eenen tsaertter van 36 ℔. parisis te inne metten vijften penninghe, ontfaen van den vijften penninghe, 9 ℔.

Somme van der Noord-Vierscare, 69 ℔.

 

In de Zuud-Vierscare.

Haringhe:

Paesschin Pieter was ghecalengierd van wonden int bedecte Clais Trijstram, pais omme 56 s.

Provende, niet
Stavle, niet
Crombeke, niet

Westvleteren:

Heinric van Tsertoghenbussche, bastaerdekint, staerf, ende bachten hem bleef een quaet beddekin ende 2 linakene ende een wullen cleet, dwelke de bailliu calengierde over stragiers, ommedatter ghene aeldinghe commen omme delen, dwelke Hellin de Zac cochte omme 3 ℔, ontfaen 3 ℔.

Lammin van Lichtervelde staerf, ende bachten hem bleven de taelge van 2 linen elsts, daerof de bailliu calengierde dene helt over stragiers, ommedat niemene quam van der eer side omme delen, twelke Pieter Brixis loofde omme 3 ℔, ont-faen 3 ℔.

Oostvleteren:

Heinric van Tsertoghenbussche staerf bin der Cuere, dewelke sinen bastaerdenkinde gaf bin zinen levene 12 ℔. parisis, dwelke kint daernaer staerf bin der Cuere, twelke coste te butene 3 ℔, dus blever 9 ℔, daerof de laten Mer Vrouwen van Messine metgaders Jacob van Nordorver camen, ende droughen de 9 ℔ onder Mer Vrouwen vorseit, twelke Minvrouwe calengierde ende zeide dat bastaerdegoet was, van denwelken de bailliu Jacob vorseit calengierde ende zeide dat stragiersgoet was, ommedat de bastaert sterf bin der Cuere ende niemene cam omme delen, daerof Jacob composeerde omme 7 ℔, midsdat hij de 9 ℔ goeddede, twelke draecht 16 ℔, ontfaen 16 ℔.

Rininghe, niet
Beverne, niet

Ghieverdinchove:

Jane Bux was ghecalengierd van dat zoe Bouden Mekin 2 linakene ghenomen soude hebben, daerof de boete es 3 ℔, pais omme 40 s.

Hooftade, niet
Polinchove, niet
Lo, niet
Casekinskerke, niet
Stuvinskerke, niet
Volker Avenskinderkerke, niet
Relinscappelle, niet
Lampernesse, niet
Zoutena, niet
Alveringhen, niet
Sinte Rikers, niet
Oeren, niet

Veinchem:

Jan ver Trisen sone was ghecalengierd van dat Jane van den Walle oncleed sonde hebben, ommedat haers dancs was ende niemene derover claghede, pais omme 12 ℔.

Somme van der Zuud-Vierscare, 26 ℔, 16 s.

 

Van bastaerdegoede in de castelrije, niet.

 

Van tiendepenninghe van leene, niet.

 

Ontfanghen van zeedrechte.

Eerst, van een anckere die vonden was, dewelke was vercocht 10 ℔, daerof degone diene vonden hadden dene helt ende Mijnheere dander helt, ontfaen van Mijns heeren dele, 5 ℔.

Item, van een andren anckere, die vercocht was 6 ℔, ontfaen van Mijns heeren dele intghelike 3 ℔.

Item, van houte dat ancam drivende, dwelke vercocht was 40 s., daerof degone diet vonden hadden dene helt ende Mijnheere dander helt, ontfaen van Mijns heeren dele 20 s.

Item, cam een scepelkin allene drivende, dwelke

de bailliu calengierde, midsdat hem een man volghede, zegghende dat sin was, liet de bailliu losen omme 9 ℔.

Somme van zeedrechte, 18 ℔.

 

In de stede van Lo, bi Andries van Lo, bailliu van Lo, niet.

In de stede van Lombardien, bi Jan Maes, bailliu van Lombardien, niet.

 

In de Vaucherijen:

Upt vrie van Sint-Omaers, in Alveringhen:

Clais de Neve ende sin wijf hadden te haerre beeder live 30 ℔ sjaers, twelke wijf staerf achter alle paymente van der jaerscare, daerof de bailliu calengierde dene helt, ommedat Clais wijf vorseid bastaert was, ontfaen 15 ℔.

Somme van de Vaucherijen, 15 ℔.

 

Somme van al den ontfanghe, 142 ℔ 12 s.

 

Uuteghegheven van den ontfanghe vorseid.

Eerst, omme de wedden van den bailliu, 50 ℔.

Item, omme de wedden van Mer Janne van Chachaud, duunheerder, als van den paymente van der Heilegher crusen daghe in Meye, 8 ℔.

Item, was den bailliu bevolen met eenen brieve van Mijns gheduchts heeren weghen, te Brugghen te commen ende van daer niet te scedene vor hij ghesproken zoude hebben met Mijns gheduchts heeren Raed, terwelker vaert hij verteerde 6 ℔.

Item, was den bailliu bevolen met eenen sekeren brieve van Mijns heeren Souvereins weghe te

vaerne te Renijnghelst, daer een Diederic de Rouc ghevanghen was up theerscep Franse Belles, van dat hij te Lippins Raeds was bi nachte, ende sin duere upstac, ende wilde hebben een ℔ grote met sinen ghesellen van den vorseiden Lippin; ende, omme den vorseiden Diederic te examineren, te pijnne ende recht ende justhicie derof te doen ghesciene, alsoe behoren soude, naer den beveelne van den brieve, voer de bailliu met Mijns gheduchts heeren mannen van Vlaendren ter stede daer hij Diederic vant, ende dede alsverre als hem bevolen was; terwelker vaert hij verteerde 8 ℔.

Somme van den uutghevene, 62 ℔.

Donfanc ghedraecht, 142 ℔ 12 s.

Dus blijft de bailliu sculdich, 80 ℔ 12 s.

 

Op den rug: Compte Godevaert le Heilt, bailliu de Furnes, fait à Hedin le 7e jour de juillet l'an -82.

 

Rol-Rekening, nr 1688.

Veurne.
B. 1382-1383 (4 December-Mei).

Dit es tontfanc van den bourghgrave van Veurne, van den heers van Ekelsbeke ende van Mer Ryquaerde van der Beerst, ghedeputeerd bi commissien van Minen gheduchten heere Mijnheere van Vlaendre, daer God de ziele of hebben moete, omme ontfanghers te zine van den goede verhuurd by meuten, ende calengieres ende corigerres van dengonen die hemlieden mesdreghen hadden in dese meutetijd bin Veurne, Veurn-Ambocht, Nieupoord, Poperinghe, Berghen, Bergh-Ambocht, Dunkerke, Broucbourgh, Broucbourgh-Ambocht ënde datter toebehoord, zident den vierden daghe van Decembre int jaer -8a tote Meye int jaer -83. Ghedaen te Rijssele, (ten redeninghe -80 ende vive.)

 

Eerst, in de stede van Veurne.

Jan Heem was ghevloon van moyten, ende was medepleghere met den hoefman Willem Bollaerde, handghesleighen an een huus, daer hi woenende was, 3 cupen roeds, 60 pond keerssen, 2 keitelen, 2 sticken van tonnen met olien, 1 mostaerdsqueerve, 2 oleke beddekine metter stofferinghe, 1 morter, 2 scrinen, 1 oude lijs ende andre huusallame, ende 2 ghemeten lands in Odenkerke, int welke de vorseide Jehan dene

helt hadde ende sijn wijf dandre helt, utejelaten lozen van zinen wive van svorseits Jehans heltscede bove sculden, endc 3 ℔ sjaers die uten huus ghinghen, ende ontfanghen 108 ℔.

Jacob Thieus, die ghevloon was van moyten, handghesleighen an 2 beddekine, 2 oude scrinen, 1 scaeprade, 1 gedrawen lijssekijn, ende andre oleke huusallame, daerin de vorseide Jacob dene helt hadden ende sijn wijf dander helt, verkocht sinen wive svorseits Jacobs deel boven sculden, 9 ℔. 12 s.

Omaer Ghijs, die ooc ghevloon was van moyten, handghesleighen an drie beddekine, 2 paer linakene, 2 hullecledren, 41 manden, 8 baensten, 2 corbilgen, 1 zeitel, 4 vans, 1 lijs, 2 kisten, 6 cussine, 1 banckleed ende andre huusallame, ende 1 olec huzekijn, onderhalf iemen rente lands ligghende in Beverne, daerin de vorseide Omaer de helt in al hadde ende sijn wijf dander helt, verkocht zinen wive svorseits, Omaers helt bove sculden, 30 ℔. 12 s.

Heyne de Wapenmakere, ghevloon van moyten, handghesleighen an eene scrine, 1 lijs, ene cavie 1 scaprade, 1 scipscrine, zes drievoeds, 1 banc, 1 corbilge, 2 beddekine metter stoffie, een rooster, 1 staelyser ende andre huusallamme, dannof hi in al de helt hadde, ende sijn wijf dander helt, verkocht sinen wive, svorseits Heyns helt, ontfanghen bove sculden 9 ℔ 2 s.

 

Item, ontfanghen in Veurn-Ambocht bi my, borghgrave, als rewaerd, ghecalengierd ende handghesleighen, aleer de commissië van den vorseiden ontfangherscepe an hem cam, ende was smaendaghes eer dat de strijt was te Rozebeke.

Eerst, an 11 zacke wullen, die vonden ware te enen overdraghe by Lo, dat men heet de Vinteile, dannof de 9 toebehoorde lieden van Werveke, de-

welke zom dootbleiven contrarie Mijnheere ende zom ghevloon in Ghend, in dewelke 9 zacke Jacob de Vaerwere calengierde over sijn onderhalven zac, ende begherdene an my borghgrave te hebbene, daerup ic hem verandwoorde dat hie soude trucken te hove ende my brieve bringhen, dat ict hem delivereren sonde, ic soud gherne doen, twelke hi niet ne dede; ende vord dandre 2 zacke toebehoorden Pauwels den Vleeschauwere, Jan ende Willem den Hoghe, poorters van Ypre, dannof zij brieven van hove an my brochten, dat ic de vorseide twee zacken wullen hemlieden delivereren soude, twelke ic deide; de vorseide neighen zacken verkocht 16 ℔ de zac, maect 144 ℔ grote, valent 1728 ℔.

Item, sghelijcx vonden 4 zacke wullen te Berghen ende twee zacken in Mardijke, dewelke ghedelivereerd waren Jehanne Wale, meester Jehans neive van Heusdine, bi brieven van Minen gheduchten Here.

Item, sghelijx ghearesteerd twee scepen zouds, een te Perboombrugghe ende een ander bet naer der Nieuwerpoord, dewelke toebehoorde Jaquemaerd van Wichtene ende Jehan Berrie, van Hazebrouch, dewelke personen my volghede omme tzout te hebben ghedelivereerd, daer ic hemlieden zeide dat zij te hove daeromme volghen soude; zij, te hove volghende, ne vonden niet zulke deliverance, zi ne camen an my weider, ende hadde liever tvorseide te lossene 200 ℔, parisis danne te hove meer daeromme te volghene, ontfanghen 200 ℔.

 

Item, ontfanghen in Veurne-Ambocht bi der commissie van den vorseiden ontfangherscepe.

Ghilleyn Hughelood, van Houtheem, ghecalengierd van dat hi bi bedwanghe van shammans en

cnapen van Veurne, daer ghestelt van dien van Ghend weighe, inninghe dede up de constavelse van Houtheem van weider te ghecrighene serjanteghelt, dat hi in Mijns heeren tijd betaelt hadden den serjanten, die Mijnheere ghedient hadden, pays, ter bede van goeden lieden, omme 100 ℔.

Item, een bode, die te Ghend waert ghegaen wilde hebben, bove dat verboden was, was ghevanghen bi der abedie van den Duun ende gheexameneerd, an hem niet vonden anders dan hi te Ghend ghedraghen wilde hebben 16 ℔ parisis enen Jehan Meeuse, die in Ghend was, ontfanghen de 16 ℔.

Boudekijn de Wale, dewelke een vreimt knecht was, lach omme heure voor Oudenaerde, was daer dootghescoten, ende hi hadde in Westvleitre een onghevallich ghedeel catelen van huusallamen, metgaders ere koe, verkocht ser wedue tvorseits Boudekijns deel 12 ℔.

Somme van Veurne ende Veurn-Ambocht, 2213 ℔ 6 s.

 

Item, ontfanghen bi den vorseiden ontfangher in de Nieupoord, van denvoelken de brieven van perselen bleiven in eene scrine ter Nienwerpoord, als de strijd ghezijn hadde te Dunkerke, ende zident verloren zijn, gheëxploiteerd tote an der stond dat daerna ter Nieuwpoord de bailliu, ende Reynaud van Ruddervorde ghesend waren omme exployten te doene, also zij zeden dat haer bevelen inhadde, ende daerna so ne bewondens hem de vorseide heeren nammeer.

Michiel Weids, die staerf in den strijd te Rozebeke, contrarie van Minen gheduchten heere, sine wedue loosde ute sijn deel van den catelen die hem toebehoorde, bove sculden, 36 ℔.

Jehan de Boom staerf ghelijc, contrarie Mijnheere, sine wedue loosde svorseits Jehans deel van den catelen, bove sculden, 44 ℔.

Frans Winnooc staerf ghelijc, contrarie Mijnheere, vercocht ser wedue sijn deel van sinen huns ende van zinen catelen, boven sculden 144 ℔.

Coppijn Bonijn staerf ghelijc, contrarie Mijnheere, ziere wedue vercocht de helt van enen huus ende sine catelen, bove sculden, ontfanghen 96 ℔.

Clays Davijd, zackdraghere, ghejustichiert ter Niewerpoord, van huusallamen ende catelen, die achter hem bleiven, vercocht ser wedue, bove sculden 24 ℔.

Claykin Arnoud, ghejustichiert ter Niewerpoord, vercocht sine catelen, die achter hem bleiven, vercocht in de Merct, ende waren huusallamen, ontfanghen 8 ℔, 8 s.

Willem de Paeu, ghetruct in Ghend, vercocht ser wedue tgoed dat achter hem bleef, ende ontfanghen bove sculden 180 ℔.

Jacob Marchant, dewelke ghevloon was ende cam daerna, als onbekent gaende, te Rysele, voord daer ghevanghen ende ghejustichiert; de catelen binnen zinen huus jeghen sine wedue ghedeelt ende vercocht, 66 ℔.

Wouter Obrecht staerf in den strijd te Rozebeke, contrarie Mijnheere, vercocht ser wedue sijn deel van zinen catelen omme 12 ℔.

Clays de Ram, ghevloon te Ghend, utejelaten lozen van zinen wive van der helt van ere zoutkete, de helt van twen huzen ende andre catelen, omme 336 ℔.

Gillis Boudens soen, dewelke was ostage te Ghend, ende huwede te Ghend an Jeurdaen sher Sanders werdinne was, ende besliep se te Ghend, daer hi

poortre mede werd, also ons dochte, ghevonden ten Niewerpoord, in sijn huus, ene keuwe wijns ende 1 sterd van ere andre keuwe, die ghedaen tappen, ende ontfanghen 40 ℔.

Item, in sijn huus vonden 25 meze haringhes ende ene meze colpersoene, ghesend te Rysele ende gheleivert den meester van der hareberghe.

Clays Sceluwaerd was ghevloon in Ghend, ende sine wedue loosde alle die catelen die binne zinen huus waren omme 66 ℔.

Item, in een hoofmans huus so waren vonden twe stickelkine was, daerof dat ic, borghgrave, dede maken toorssen ende keerssen, overmids dat ic daer ghene hadde, als ic eerst cam ter Niewerpoord.

Somma van der Niewerpoord, 1056 ℔ 8 s.

 

Item, ontfanghen bi den vorseiden ontfanghers in Poperinghe, zident den vierden dagh van Decembre int jaer -82 tote den 13sten daghe van Sporkelen, dat Maes Coppin met eere commissie van Minen gheduchten heere te Poperinghe rewaerf ghesent was, hem onderwindende van den verbnerden goeden, twelke hem de vorseide heeren verboden, en de gavent te hove te kenne, ende hi ne wilts niet laten, mids denwelken de heeren hemlieden niet meer derof onderwonden.

Eerst, Clays Eremboud, die dootjesleighen was te Poperinghe van den Bertoenen, hadde twee koen, dannof de helt zer wedue toebehoorde, vercocht sine helt zer weidue 5 ℔.

Diederijc de Karrevoerre, dootjesleighen van den Bertoenen te Poperinghe, sine weduwe loosde de helt van stoelen, banken, lijsen ende andre houtine huussalamen, den vorseiden Diederijc toebehorende, 6 ℔.

Jehan Stalin, die in Ghend es ende ghevloon metten vianden, hadde te Poperinghe neighene havot zeems, vercocht 18 ℔.

Item, de vorseide Jehan hadde ghedolven zesse zelverine scalekine, zes leipelkine, eene beucle ende een zelverin smelt van svorseits Jehans rieme, twelke vonden was ende was ghedraghen te Sint Omaers, ende daer ghedaen weighen, ende woughen 4 ½ Vlaemsclie marc, vercocht 12 s. groten tmarc, beloopt 32 ℔ 8 s.

Lammin de Keitelare was dootjesleighen van den Bertoenen, ende hi hadde twee husekine staende up den houc van den Werve, vercocht sinen aeldinghen ende utejeloost, boven sculden, 30 ℔.

Willem Braem was dootjesleighen in den strijt te Rosebeke, ende hi hadde een husekin in de Belstrate buten bailgen, daer hi in plach te vulne, vercocht de helt zer weidue, 13 ℔.

Willem de Crooc was dootjesleighen te Poperinghe van den Bertoenen, ende zine weidue loosde sin deel van huusalamen omme 8 ℔.

Casin van Waes staerf te Poperinghe, ende Claise van Waes, sinen broeder, die in Ghend es, verstaerf van hem tvijftendeel van tween verbarrenden hofsteiden in de Gasthuusstrate, vercocht svorseits Clais deel ziere zuster ende ziere zusterkindren 9 ℔.

Jehan van der Mare, die in Ghend was, hadde de helt van eere kiste, van eere lijs, van eenen bedde, van stoels, bancx ende andre huusalame, dannof zinen wive dander helt toebehoorde, vercocht sinen wive 7 ℔.

Lammin de Cupere was ghejustichiert van conspiracien te Greiveninghe, handghesleighen au de helt van eere verbarrender hofsteide int Wapelgat, ende an de helt van drien ghemeten lands, vercocht Clays Lobine, sinen reszwere, 36 ℔.

Jehan de Moor, die in Ghend es, hadde twee volrescommen ende eenen hoop kaerden, daerin sin wijf de helt hadde, vercocht sinen wive svorseits Jehans helt, 6 ℔.

Item, te Pieters van der Heide, in zine hofsteide, was vonden in ghelde 91 ℔ 16 s., dannof hem toebehoorde dene helt. ende ziere weidue dander helt, ghecalengierd svorseits Pieters helt, ommedat hi dootjesleighen was te Poperinghe van den Bertoenen, ontfanghen 45 ℔, 18 s.

Hannin Scadelijn staerf in den strijt te Neivele, ende Canin Scadelijn staerf in de strijt te Rosebeke, handghesleighen an viere ghemeiten heeds in den Haghebaerthouc, dat hemlieden toebehoorde, vercocht Willem de Muelnare, 20 ℔.

Somme van Poperinghe, 241 ℔ 6 s.

 

Item, ontfanghen bi den vorseiden ontfanghers in Berghen, van den vierden daghe in Decembre int jaer -82, tote den zesten daghe van Maerte, dat viere personen, die pays ghemaect hadden jeghen de vorseide heeren van harer mesdaet, daernaer omme dezelve mesdaet sij waren ghevanghen te Berghe van Mer Jehan van Heyle, bailliu van Berghe, ende ghevoerd te Rycele; ende, ommedat de vorseide heeren zaghen dat men niet van werden hilt daizy ghedaen, ondenvondets hem niet vordere.

Jan de But, die ghevloon was in Ghend, hadde twe vate botren, daeran handghesleighen, ende vercocht in die maeret te Berghen by der vrauwe Scaeptans, 5 ℔, 12 d.

Item, in de merct te Berghe was vercocht Jan den Vey, van Sint-Omaers, 1 wardekoos jevoedert, een fostaen ende enen froc, dat toebehoorde shoofmans shersenvrauwe, 11 ℔.

Item, was vonden onder Jan den Leydeghe, die shoofmans clerc was van Berghe, Heynrics Ackermans, dewelke ghejustichiert was te Berghe van moyten, ontfanghen, 8 ℔ 4 s.

Item, van enen paerdekine, dat toebehoorde enen van shoefmans cnapen, dat vonden, was onder Hannijn Mabelijen, dat hie te hem waerd treckede, also hi seid, dat hi daerbi was daer de hoofmannen ende upzetters ghevanghen ware, hem vercocht, ende ontfanghen 10 ℔, 4 s.

Item, brochte een pape ute gheboden, die te Brugghen ghedaen ware in der heeren handen, alle maniere van goede, dat Mijns gheduchts heeren viande toebehoren mochte, alsoost hem in secrete ende beiden versochte was, 4 ℔ 9 s.

Item, ontfanghen van Karstiaens Cayms scult, die te Berghe ghejustichiert was van Lippijn Brande, 32 s.

Item, van Winnoc van Moffloon, van der scult van Karstiaene vorseid, 37 s.

Item, vercocht Clayse van Cassele een gordelkijn besleighen met zelvere, dat Heyne Ackermans shersenvrauwe was, vercocht in de marct te Berghe, 3 ℔ 16 s.

Jacob Rondeel, ghecalengierd van dat hij, smaendaghes achter dat Dunkerke tremoors jesijn hadde omme te wederstane dat sij niet tBartoeneghelt meenden te betaelne, gheseid soude hebben, ute horen segghene, dat te Dunkerke wederstaen was ende dat gheen wonder ware dat ment te Berghe ooc weyderstaen soude; pays, midsdat een oud, cranc man was ende dat hijt hadde ute horen zegghende, ende te Berghe namaels niet daerof was, omme 36 ℔.

Willekiin de Vriend, van Oudizele, ghecalengierd van dat hi ghesijn soude hebben met shoofmans lieden

van Cassele daer in Rubrouc, in Cassele-Ambocht, gherovet was 1 merie ende twe koen, omme twelke hie gheëxamineerd was, daer hi kende dat hijt doen moeste bi bedwanghe van svorseits hoofmans lieden; pays, midsdat men niet bevandt dat hiere yet of hadden, ter bede van goeden lieden, ende ommedat een jonc knecht was, omme, 36 ℔.

Gillis de Buzere, ghecalengiert van dat hi, die Mijns gheduchts heere scepene was in Berghe, in tland blivende, ghemeenscep hadde met dien van Ghend, hoofmanne ende andre, te Berghe, ende over de stede reed in harre bedaerve bin der moytetijd, bove zinen eede dat hi ghezworen hadde Mijns gheduchts heeren vianden uten lande te helpene houdene, dannof men zeide dat de vorseide Gillis doen moeste by bedwanghe van den hoofman, also hi int tlant bleef; pays omme 25 ℔ grote, dannof hi betaelde de 10 ℔ grote, ende, heer hi betaelde tremenand, so was hi ghevanghen van denzelven sticken van Mer Janne van Heyle, bailliu van Berghe, ende ghevoerd te Rysele, omme, boven der composicien vorseid bi den heeren ghemaect, also vorseid es, meer derof te hebbene, mids den welken van den 15 ℔ groten wij niet ne hadden, ontfanghen, 120 ℔.

Michiel Tant, die ooc scepene in Berghe was, bleef bin den lande onder Mijns gheduchts heeren vianden hem niewers of onderwindene, niet ghewapend zijnde, also men bevand, ommedat hi contrarie sinen eede dede, die hi ghezworen hadden, ghecalengierd; pays, ommedat hi oud was ende niet hem onderwand, ende dat hi zeide dat hi in tland cam up tghebod dat Gillis van den Casstele deide doen te Sint-Omaers, dat elc trucken mochten in tland, die wilde, updat hie hem vachtede van mesdoene, Mijn gheduchte heere ne souds hem ghenen ondanc weyten, omme 120 ℔.

Jan Suljaerd, ghecalengierd, als scepene, van gheliker mesdaet; pays, ommedat een cnape ghelast was met veile kinderen, ter beide van Jacob Scellen, die ser dochter hadde ende altoos uten lande was, ende dat hi zeide dat hie int land trac up tvorseide ghebod ghedaen te Sint-Omaers, omme 72 ℔.

Michiel Bouderavent, ghecalengierd van dat hi als scepene bin den lande bleef, contrarie sinen eede met Mijns gheduchts heren vianden; pays, ommedat hie oud van daghen was ende niewer ghewapend, omme 84 ℔.

Jan Boytac, ghecalengierd van dat hi gheselscep hadde met den hoofman Heyne Ackerman van eytene ende van drinkene, met hem te gane als Mijn gheduchte heere buten lande was; pays, midsdat een jonc gheselle was ende sijn vader bleef in Mijns heeren hulp te Poperinghe, omme 60 ℔.

Ghecalengierd onder Ameuze van Capple 14 ℔. grote, die hi sculdich was Willem van Rendelbeke, van den Damme, van wine, twelke men zeide dat Heyne Ackerman, die hoofman was van Berghe, toebehoord soude hebben; dannof ontfanghen in minderinghen 8 ℔ grote, dus blijft hij tachter 6 ℔ grote, valent de 8 ℔. 96 ℔.; ende de zes pond grote niet ontfanghen, midsdat hie gheen goed heeft. (Nota).

 

Item, ontfanghen in de castelrie van Berghe.

Ghijs van Killeem was ghejusticliiert te Berghe van moyten, handghesleighen an sine catelen te Hondscote, es te wetene: 3 bedden metter stofferinghe, 2 kisten, 2 metaels, een handvat, 1 beckijn, ene tafele, twe scraghen, 1 dwale, 4 buffetten, zes cussinen, 2 lizecledren ende andre huusallame, daerin dat hi dene helt hadde ende sine wedue dander helt, utejelaten

lozen van der wedue Ghijs vorseid, ende vercocht, bove sculden 12 ℔.

Pieter Pieremond, van Hondscote, ghecalengierd van dat hi daghelijx vele ghemeenscepen hadde met shoofmans cnapen, met hemleiden eytende ende drinkende, ende van shoofmans weghe ghezworen waerdeerre was te Hondscote van den beesten die men slouch; pays, ommedat een oud man was, omme 252 ℔.

Pieter de Crane, van Rexponde, ghecalengierd van dat hi bin den lande bleef met Mijns gheduchts heeren vianden, ende dat hi cuerer ghezworen was in Berghe-Ambocht, daer hi zwoer, Mijns gheduchts heeren vianden uten lande te helpene houdene; pays, ommedat hi zeide dat hie int land trac ute enen ghebode, dat Gillis van den Castele van Mijns gheduchts heeren weghe te Sint-Omaers deide doen, dat die weder int land trecken wilde, dat se daerin trecken soude ende hem wachten van mesdoene, Mijn gheduchte here ne souds hemleiden ghenen ondanc weiten; ommedat hi arem was, omme Waels Granen, sijns broeders, wille, die duurgaende uten lande gheweist hadde met Mijnhere van Hondscote, omme 24 ℔.

Olivier Bavelaerd, ghecalengierd van dat hi, die cuerer in Berghe-Ambocht was, int land bleef met dien van Ghend, contrarie sinen eede; pays, midsdat hi zeide dat hie int land cam uten ghebode dat Gillis van den Castele dede doen te Sint-Omaers, also vorseid es, ende een arem man was, hem niewer of onderwand, ende dat hi een wijf ende vele kinderen hadde, omme 36 ℔.

Morissis Jonghes, van Herzele, was ghevloon van moyten, handghesleighen an zine catelen, es te wetene: twe bedden metter stofferinghe, 4 cussine, 4 drievoeten, 1 koe, twe kalveren, 7 casen, 1 forchier,

ene tafele, 1 paere scraghen, 100 scove corens, 100 scove cruuds, daerin Morissis vorseid de helt hadde ende sijn wijf dander helt, vercocht Morissis deel sinen wive, boven sculden, 8 ℔.

Jan Karnau, Ghijs Bridseboud ende Winnoc Hoymile, van Quadypre, ghecalengierd van dat se verborgheden eenen Coppijn Carnauwe voer den Here te bringhene tenen zeikeren daghe in kennessen van goeden lieden cuerbroeders sijnde, up de payne van 10 ℔, daer hie niet ne cam; dewelke payne ghecaleugierd was, gheexploiterd aleer een bailliu van Berghe in de bailgie cam, an dewelke payne de borghgravinne van Berghe tarde calengierd, midsdat payne van ghelde was ende svorseits Coppijns Carnaus goed niet daermede vermindert was, ontfanghen van Miins heeren deele, 80 ℔.

Jan de Keiper van Chox, was ghevloon van moyten, handghesleighen an sijn goed, dats te wetene: 1 bedde, 2 scrinen, 1 lijs, een keitel, ene enne panne, 1 keitel, 100 scove tarwen, 200 scove cruuds ende een huusekijn, daerin de vorseide Jehan de helt hadde ende sijn wijf dander helt, vercocht sinen wive, bove sculden, 8 ℔.

Jehan de Clerc, van Biern, was ghevanghe te Berghe ende ghejustichiert int heere voor Ypre, handghesleighen an zine catelen, es te wetene: an ene ghehuusde stede, die hi hadden in Biern, ende an 5 bedden, die soberleike jes[t]offeerd waren, 3 kisten, ene lijs, een zeitel, een handvat, 1 beckijn, een keitel, 2 treipten, 12 cussinen, 2 tafelen, 2 paere scraghen, 7 koen, 3 calveren, 24 scapen, 1 zwijn, 800 scove taerwen, 700 scove ey venen, 500 scove areweten ende cruuds, 200 scove bonen, 8 ghemete taerwen an deerde, sijns wives cleder, die olec waren, drie dwalen ende andere huusallame, metgaders groenen houte; in

dewelke vorseide catelen sine wedue de helt hadde, vercocht svorseits Jehans deel ser wedue ende utejelaten lozen, boven sculden, ontfanghen 144 ℔.

Andries Vizerijc, van Crochte, ghecalengierd van dat hi, die cucrer in Bergh-Ambocht was, int land was met die van Ghend, alsser Mijn gheduchte heere ute was, ende ghegaen jeghen sinen eed, daerhi zwoer Mijns vorseits heeren vianden te helpene houdene uten lande; pays, midsdat hie zeide dat hie int land trac uten ghebode die te Sint-Omaers ghedaen waren by Gillis van den Castele, van Mijns gheduchts heeren weighe, dat die ute waren ende int land trecken wilde, dat zij daerin soude moghen trecken, hem vachtende van mesdoene, Mijn gheduchte heere zouds hem ghenen ondanc weiten, ende voord dat hem de vorseide Andries niewer of onderwant, omme 48 ℔.

Gillis Portemake, Jan Dickemantel, Arnond de Neive ende Casijn van der Brigghe, van Broukerke, ghecalengierd van dat se verborgheden Jakemijn den Bevghel, in kennessen van curebroeders, tenen zeikeren daghe vor den Here te bringhene up de payne van 20 ℔ grote, tenwelken daghe hi niet ne cam; dewelke paine vorseid ghecalengierd ende gheexployterd was aleer een bailliu te Berghe ghesend was noch in de balliagie cam, an dewelke payne de burchgravynne van Berghe tarde calengierde, midsdat payne van ghelde was ende svorseits Jaquemijns goede niet derbi vermindert was, ontfanghen van Mijns here dele, 160 ℔.

Jehan Gillis, van Spikere, was ghevloon van moyten, handghesleighen an sijn goed, es te wetene: twe koen, 3 calveren, een kachtel, 1 zeule, harnasch, 4 waghenwiele, 2 bedden soberlike jestoffeert, 1 lijs, 1 kist ende andre huusallame, ende 4 ghemeten taerwen

an deerde up chensland, int welke de vorseide Jan de helt hadde ende sijn wijf dander helt, vercocht sinen wive sine helt, bove sculden, 8 ℔.

Somma van Berghen ende van Berg-Ambocht, 1450 ℔ 3 s.

 

Item, ontfanghen bi den vorseiden ontfanghers in Mardike.

Clays de Druut, van Dunkerke, was ghevanghen te Mardyke, also hi overtrucken wilde te Calijs waert, ende ghebrocht te Berghe, ende daer ghejustichiert, ontfanghen van ghelde dat hi over hem hadde, 4 ℔ 16 s.

Somma, 4 ℔ 16 s.

 

Item, ontfanghen bi den vorseiden ontfanghers in Dunkerke, op tinhoude van onser commissie tote der tijd datter Willem van Tetingheem ghestelt was bi commissien van Minen gheditchten here, ende daernaer so ne bewondens hem de heren nammeer.

Clay Druud was ghejustichiert te Berghe van moyten, ende, als hi ghejustichiert was, so verstond men dat hie ghelt hadde ghedaen maken van sinen goede ende hadde hem gherne ghedaen lossen, twelke de heren niet doen wilde, ende trucken stappans naer der justiche te Dunkerke ende vonden van sinen ghelde 36 ½ noblen, 6 franken, 1 lewe, 1 franx mottoen ende een penninc van 44 s., twelke sij in hare handen namen te Mijns gheduchts heren bouf, beloopt in sommen 167 ℔ 17 s. 6 d.

Item, ghearesterd te Jan Bridsaerds, te Dunkerke, 4 last roods haringhes, die de hoofman van Dunkerke, van der stede weighe van Ghend ghestelt, toebehoord, ende die hi daer hadde ghedaen touwen, dewelke 4 last haringhes den vorseiden Jan deli-

vereerd waren bi brieve van Mijnen gheduchten here.

Item, ghearesteerd te Dunkerke 17 Inghelsche lakene ghehele ende zesse halve lakene, als over verbuurd, midsdat Inghelsche toebehoorde, omme dewelke lakene Mijn gheduchte here sende Jhanne van Name, die se dede bringhen te Rysele.

Item, ghearesterd te Dunkerke 2 lakene, die shomans waren, daerof hi frocken soude hebben ghedaen maken, ende eenighe cledre van shomans wive toebehorende, ende 1 ghedeele ghescepens cleeds te hare bouf ghescepen, twelke Mijn gheduchte here gaf Pieter den Pinkere ende Jaex Carsteline, over goeden dienst ghedelivereerd bi Willem van Tetingheem, also de vorseide Willem zeide.

Somme van Dunkerke, 167 ℔ 18 s. 6 s.

 

Van Broucborgh ende van Broubborgh-Ambocht, niet ontfanghen.

 

Somme van al den ontfanghe, 5133 ℔ 17 s. 6 d.

 

Dit es tuutgheiven van den vorseiden ontfanghe alre.

Eerst, in Veurne.

Omme justiche te doene van Lammijn Hovelinghe; Willem Coopmanne; Olivier Boutefu; Pauwel van Coxheide; langhe Hannin, van Watewe; Masijn de Backere, messagier van Belle; Hannijn Brandin, van Veurne; up haerlieder verlien van moyten, omme den dienst van den hangheman van Ypre, die de twe laetse justichierde, ende deerste vive waren gejustichiert bi enen die eerst shoofmans van Berghe ooc ghezijn hadde, die daernaer ghejustichiert was, ende niet hadden van der justiche van den viven, betaelt den hangheman van Ypre, 4 ℔.

Item, van tween huzen, dat Jan van den Boomghaerde toebehoorde, daeran handghesleighen was, ommedat de deuren ende veinstren ofghenomen ende wech was, so wast ghedaen vermaetsen ende de gaten verstoppen, coste met der stoffie, dewelke huzen noch te Veurne staen ende niet vercocht, 32 s. (Nota).

Item, Jan Pierijn, Pieter de Cupere ende noch een van Scoten waren ghevanghen van den bailliu van Ypre in Veurne-Ambocht, omme twelke de borghgrave ende de heer van Eykelsbeke voeren tYpre omme restitucie hemleiden te hebbene weider delivereerd in Veurn-Ambocht, dewelke hemleiden deghelivereerd waren, ende voerden se met hemlieden te Veurne in de vanghenesse, ende waerre omme ute 2 daghe ende een nacht met 20 paerden; omme haerleider costen ende omme die ghevanghene te Veurne te voerne, 22 ℔. 23 s.

Item, ten beveilne van Minen gheduchten here, so waren die drie vorseide personen ghevoerd van Veurne ghevanghe te Rysele, omme costen van Michiel van der Bourch, metgaders beriders van Veurn-Ambocht met 10 paerden, dannof up de drie de ghevanghene camen, ende bleiven met den ghevanghene ligghende vier daghe eer men van acoorde was, in wat vanghenesse men se doen soude, ende waren gheleid ghevanghe in de vanghenesse bi Sinte-Pieters, daer sij zolanghe laghe dat zij compozeerden jeghen mijn (sic) ende bortocht daden van der composicie, also wij wel vermoede dat wel gheregistereerd es; hoet dat met den paymente leiden es, ne weten wy niet, 19 ℔ 7 s.

Item, voeren de drie ontfanghers vorseid te Veurne omme te calengierne ende te overziene de verhuurde goeden in Veurne ende in Veurn-Ambocht ende waerre over bezich twe daghen met 25 paerden, verteerd 15 ℔ sdaghes, beloopt 30 ℔.

Item, cam een uuthanghende brief van Minen gheduchten here an alle officiers, dat zij allomme bin haren porprizen soude doen pubblijeren dat alle Vlaminghe, die van Vlaminghen gherovet, ghevanghen of gherenchonneerd jesijn hadde, vor oghen vor ons commen sonde te alsulken steden ende daghen, als de ghebode verclaersede, ende ons dat overbringhen in ghescriften, met denwelken uuthanghenden brieve 1 beloken brief an ons cam, ommedat de weth an alle officiers cam; ende waren ute, omme dat, de ondersoukers te Veurne ende in Veurn-Ambocht twe daghe, twelke Minen gheduchten here in ghescriften overjegheven was, omme hare costen van 2 daghen, 30 ℔.

Item, van der vuile die ten overdraghe ter Vincele ghearesteerd was, dewelke daer lach wel ene maent, ommedat ic, bourchgrave, waende dat men se soude hebben ghehad vervolghet, twelke men bin der tijd niet ne dede; coste, uten scepe te doene, van huushuren ende van wachtene, 12 ℔.

Item, was de vulle ghevoerd te Veurne, coste van sciphuren, 8 ℔.

Item, omme de vulle in de scepen te doene ende van scepen in enen kelnare te Veurne, 3 ℔.

Item, daernaer, bi rade van enen vullebreikere, so was de vulle ghedaen uten kelnare, ommedat so bi der wacheide van den kelnare arghede, ende gheleit up enen zoldre, coste 6 ℔.

Somma, 136 ℔. 11 s.

 

Item, ter Niewerpoort:

So voeren de heren vorseid omme over te hebbene in ghescriften, naer der commissie van Mijnhere ghesend an alle officiers, te doene sine vorseide hemleiden te zeikren daghe alle die van Vlaminghe gherovet, ghevanghen of ghe[ren]sonneerd ghezijn

hadde, alsoot voren bet claerlike in Veurne verclaerst staet, ende voord omme de justiche te doene van enighen die ghevanghen ware, ende omme te calengierne ende hand te slane an de verhuurde goeden ende die ute te latene lozen, omme hare costen van 2 daghen, 31 ℔ 17 s.

Somma, 31 ℔ 17 s.

 

Item, in Poperinghe:

So voeren alle drie de heren vorseid, omme te overziene de verhuurde goede, daeran hand te slane ende te calengierne die hem mesdreghen hadden in Pouperinghe, omme die te corengierne, daer sij waren enen dach ende ene nacht, verteerd 14 ℔ 13 s.

Item, voeren de heren vorseid te Pouperinghe omme de clachte over te neymene van dat Vlaminghe andren gherovet ende gherenchonneerd hadden, omme dat Mijn gheduchte here over te gheivene, also sijn bevelen inhadden, alsoot in Veurne bet verclaerst es, dat zij waren dach ende nacht, ende zident dat zijt Minen gheduchten here zelve overgave dat zij te Pouperinghe bevonden hadden, verterd 15 ℔ 4 s.

Item, voeren de bourghrave ende de here van Eykelsbeke te Poperinghe, omme te overziene de verburde goede ende te exploytere up degone die hem mesdreghen hadde, ende justiche daer te doene van enighen diere ghevanghen ware, so vonden zij daer commen Maes Coppine, met ere commissie van Mijnhere, van daer rewaert te sine ende hem onderwindende van den verhuurden goede, twelke wij hem verboden, ende gavent te kenne te hove, ende hi ne wildes niet laten, ende namaels daeromme so onderwondets hem de heren niet; omme hare costen verterd, 9 ℔ 15 s.

Somma, 39 ℔ 12 s.

Item in Berghen:

Eerst, Minen gheduchten here, ligghende int here vor Ypre, so camen hem maren dat vele hoofmannen, die int Westland jezijn hadde van dien van Ghend weighe ende hare medepleighers, ghevanghen waren te Berghe, te Bourgheborgh ende te Dunkerke; omme twelke hi beval den here van Eykelsbeke ende Mer Ryquaerde van der Beerst te vaerne te Berghe, te Brubburch ende te Dunkerke, omme de principale ende de meeste hoofmanne te bringhene tote hem tYpre ende van den andren justiche te doene, ende beval met hemleiden te neymene lieden van wapene, ende so staerc te ridene dat zij vulcommen mochte Mijns gheduchts heren bevelen, wand het quaed ghenouch was te dier tijt achter lande te ridene; ende was sondaghes vor den strijt van Rosebeke, ende waren de here van Eykelsbeke met zes glavien, Mer Rijquaerd van der Beerst ende Mer Monfrand van Eessine met 4 glavien, Mer Jhan van Pouken ende Lyomeel de Pinon met 9 glavien, de castelein van Chokes smet 3 glavien, Mijns heren lieden van Ghistele met 4 glavien, Galijen van Waevrijn met Mijns heren lieden van Waevrijn 15 glavien, ende Rogier van Morbeke met 3 glavien; ende voeren te Berghe, daer se vonden ghevanghen vele hoofmannen ende upzetters, ende daden daer justichieren Coppijn van den Knochte, Hannijn van den Wale, ballinghen ende beriders van hoofmans weighe in Berghe-Ambocht, Caratiaen Cahime ende Ghijse van Killeem, die ooc shoofmans beriders waren; Gillis van der Gavre, Rogier Hille, Williame Kinxston, bede Ingelsche, ende alle drie Heine Ackermans knapen; Jan Wadepoele, die de baniere van Ghend te Berghe hilt; Jan de Leideghe, die shoofmans clerc was, ende Pauwelijn Lavissoen, die de serjante van Ypre te Berghen brochte.

Item, zende de heeren vorseid van Berghe te Bourborgh tien glavien, ommedat me hemleiden bringhen soude Willem Bollaerde, die noorman jesijn hadden van Veurne ende Veurn-Ambocht, ende Coppijn den Blekere, die hoofman jesijn hadden van den huus te Ruescure, omme te voerne met den andren Minen gheduchten here.

Item, waren ghevoerd Minen gheduchten here tYpre PIeine Ackerman, hoofman van Berghen ende van Berghe-Ambocht; Willem Bollaerd, hoofman van Veurne ende van Venrn-Ambocht; Arnoud Coudyser, ontfanghere, van der stede weighe van Brugghen, van den goede dergonre die uten lande waren van Berghe ende van Bergh-Ambocht; Jan de Clerc, beleeddre van Brubburch ende van Brubburgh-Ambocht van Heine Ackermans weghe ende sijn raedgheivere in Bergh-Ambocht; Jacob van Heutsi, die svorseits Heine Ackermans rade was, ende steenwaerdere te Berghen; Coppijn de Blekere, die hoofman was van den huse te Ruescure; Jacob de Hond, Willem van der Elst ende Johan Gheyn, Inghelsman, alle drie cnapen van Heine Ackerman; dewelke 9 personen vorseid Mijn gheduchte here dede justichieren int here voor Ypre; omme de costen van den vorseiden heren met 43 glavien, die utewaren 2 daghen ende drie nachten, 95 ℔ 18 s.

Item, omme justiche te doene van Coppijn van den Knocke, Hannijn van den Wale, Carstiaen Caym, Ghijs van Killeem, Gillis van der Gavre, Rogier Hille, Williame Kinxston, Jan Wadepoel, Jan de Leideghe ende van Pauwelijn Lavissonne, dewelke tiene te Berghe ghejustichiert waren, omme shanghemans dienst, 20 ℔.

Item, omme de costen van 6 paerden, die de vorseide hoofmanne waren, daerup zij van Berghe

ghevoerd waren tYpre, ende bleiven tYpre staende van sdysendaghes tote svridaghes, naer den stride van Rozebeke, also men so onbeidich was van vord te truckene te Rozebeke waert, ende de zes paerden zident Minen gheduchten here gheleiverd waren, 4 ℔ 16 s.

Item, svridaghes naer den stride van Roezebeke, dat was de 28sten dach van Novembre, do zende Mijn gheduchte here int Westland den here van Eykelsbeke ende Mer Riqnaerde van der Beerst omme in confortante van Minen here den bourchgrave van Veurne, capitein van den Westlande, bi hem tsine ende justiche te helpene doen; omme hare costen van dat se camen van Rozebeke te Veurne, daer sine niet vonden, ende voeren sanderdaghes ts Dunkerke ende vord te Berghen, daer zine vonden, van 2 daghen, verteerd 12 ℔ 17 s.

Sondaghes daernaer waren de vorseide drie heren te Berghe omme enighe quadije, die in de vanghenesse was, te examinerne ende justiche daerof te doene; daer ghejustichiert waren: Jaquemijn de Hane, shoofmans beridere in Bergh-Ambocht; Willem Vlugghe, shoofmans cnape; dicke Heine, shoofmans hangheman; Clays Druut, zeman van Dunkerke, was shoomans rade ende bezautrc te Dunkerke; Charlood de Pinchenier, die over plach te vaerne van Heyne Ackermans weghe te Oye ende te Calijs, omme de aleanche; Joos de Bul, van Zeigherscapple, die ghewapent was daer Mer Jhan van den Poele ghevanghen [was]; ende Hannijn Burze, die Jans Clerx cnape was; omme den dienst van den hangheman van den vorseiden zeivenen te justichierne, 14 ℔.

Item, de costen van den vorseiden heeren, diere omme te Berghe waren enen dach ende 2 nachten, verteerden 21 ℔ 7 s.

Item, zende de vorseide heeren broeder Alaerde ende Zeigher Alquade an Minen gheduchten here te Harlebeke met enen brieve, dat zij ghene macht hadden calengieres, corigieres tsine van den verhuurden goede in Cassele, Cassele-Ambocht, Belle Belle-Ambocht, ende in de drie dorpen, dat Minen gheduchten here ghelieve wilde avijs daerup te hebbene, dannof zij brieve brochte van andworden; omme hare costen van 4 daghen, 6 ℔.

Item, waren de vorseide heren te Berghen, omme te overziene ende te calengierne de verburde goede in Berghen, Berglie-Ambocht, ende omme te calengierne die hem mesdreghen hadden, onboden se voor hemlieden, daer zij hem anieiden hare mesdaden, ende waerre mede bezich drie daghe; omme hare costen, 33 ℔.

Item, betaelt enen pape, die de 17 vorseide personen biechtede, te Berghen ghejustichiert, 4 s. van den sticke, beloept 3 ℔ 8 s.

Item, omme de 17 vorseide personen te doene delvene, 5 s. van den sticke, beloept 4 ℔ 5 s.

Item, waren de drie vorseide heren te Berghen ute enen brieve van Minen gheduchten here, ommedat vor hemlieden ghedaghet waren alle diegonen die bin der stede ende castelrie ghevanghet, gherovet of gherenchonneerd waren van Vlaminghen; twelke zij ondersochte, overnamen in ghescriften ende voordent voord Minen gheduchten here; omme hare costen van 2 daghen, 30 ℔ 9 s.

Item, daden de vorseide heren justiche doen te Eykelsbeke van Michiel den Coninc, van Zeigherscapple, die Mer Jhanne van den Poele halp vanghen, ende 7 personen van Pouperinghe te Zeigherscapple, ende leden te Cassele, omme den dienst van den hangheman, 40 s.

Omme costen die die daer verleerd waren metten paerden, 5 ℔ 15 s.

Item, waren de vorseide heeren te Berghe ende dade justichieren Jacob Kadoc, weiver van Ypre, ballinc van moyten over 34 jaer; Gillis van den Houte, ballinc van moyten; Pauwels van Stoperberghe, van onder den heere van Aerpe, Heine Ackermans; Valentijn Beyn, van Werveke, svorseits Heins cnape, ende Denijs Lodewijc, weiver van Ypre, die shammans van Ypre cnape was; omme den dienst van den hangheman van der vorseiden vijf justichen, 10 ℔.

Omme den pape, die se biechte, 20 s.

Omme hemleiden te delvene, 25 s.

Omme de costen van den drie heren, die de vorseide personen examineerden ende daden justichieren, ende vord loosinghe lieten maken van verhuurden goede, ende composicie makeden van die hemleiden mesdreghen hadden; daermeide zij bezeich waren 2 daghen, verteerd 23 ℔ 11 s.

Item, omme justiche te doene van Willem van der Mueine, die halp vanghen te Zeigherscapple Mer Jhanne van den Poele ende 7 cnapen van Pouperinghe; omme shanghemans dienst, den pape diene biechte, ende hem te delvene, 49 s.

Somma, 288 ℔ 12 s.

 

Item, in Dunkerke:

So waren de vornoomde drie heren te Dankerke omme justiche te doene van maufateurs, die daer ghevanghen waren, ende omme te overziene ende te calengierne de verhuurde goede ende te onderzoukene wie hem mesdreghen hadde in de moytetijt, dewelke zij calengierden, ende daden vanghen Gheraerd uter Meed, Winnoc van Sint-Omaers ende

Casijn van der Straet, die hem mesdreghen hadde in de dunen bin der moytetijden, ende Jan Pauweline ende Bouden den Value ende Jacob dYserijn, die hem ooc mesdreghen hadden; ende spraken ooc met die van der stede van Dunkerke, calengierde se van hare mesusanche, dannof langhe traytierd ghehouden was, sodat sij boden ende gheiven wilde Minen gheduchten here over de stede 4000 franken over der stede mesdaet: de vorseide zes personen, die ghevanghen ware, alsoot vorseid es, derbuten blivende, ende de mesdaet jeghen Mer Vrouwe van Baer mesdaen,van dat haer messagier daer onthooft was, buten ooc blivende; twelke de vorseide heren screven an Minen gheduchten here ende dannof andworde hadde, also zijn brief au hemleiden commende mencioen maecte; omme hare costen, dat sie met al den vorseiden zaken bezien waren 3 daghen, 32 ℔. 17 s.

Item, Gillis van den Ackere, jezent met brieve an Minen gheduchten here, wat dat ghetraiteerd was van dien van Dunkerke omme sinen goeden wille daerof te wetene; omme sine costen, van dat hi voer van Dunkerke te Rysele, van 3 [daghen], 3 ℔.

Item, deide de bourchgrave vorseid justiche doen te Dunkerke van Carstiaen den Witte, van Veurne, van Hannijn van Wichterne ende van Pauwel den Zomer, van conspiracien, dewelke justiche dede dicke Heine, Heine Ackermans hangheman ende die zident onthooft was te Berghe, ende niet daerof hadde.

Item, omme te Dunkerke justiche te doene van Jan Ferante, van Wachtebeke; Boudijn van der Weedhaghe, van Zonnegheem, shomans cnape van Dunkerke; Jan de Toor, Meeus Ryet, Wouter Taetse, weivers van Ypre, dewelke serjante gheleighen hadden te Cassele; Hannijn Dane, Coppijn de Witte,

Coppijn Widoen, weivers van Ypre, die laghen serjante te Sinte-Venands, ende Michiel van Wiven, weiver van Dixmude, up hare verlien van moyten, omme den dienst van den hangheman van Ypre, den Backere van den vorseiden neighen iustichen, 20 ℔.

Omme den pape, die se biechte, ende omme te delvene, 4 ℔. 12 s.

Item, so waren Mer Olivier van Jussy ende Mer Heinrijc van Spieren, metgaders den drien heren vorseid te Dunkerke, omme tghelt dat die van Dunkerke ghetaxeerd waren te Mijnhere waert van Bourgoengen, dat men hiet tBertoeneghelt, omme twelke ene wapeninghe te Dunkerke was ter contrarie van den versouke, daer enighe van Mijns heren vrienden dootghesleighen was ende ghewond waren, ende meende te hebbene ghesleighen alle die an Mijns heren zide ghesijn hadde, alsoot bleec bi desen diet verliede, Loy de Misschere, Jhan Druut, Hughe Davijd ende Frans de Gast, alle zeelieden, dewelke daeromme ghejustichiert waren, dannof Diederijc van Heuchi 10 ℔ betaelde van justichen.

Somma, 59 ℔ 18 s.

 

Item in Bourghborgh:

So voeren de vorseide drie heren te Bourghborgh omme te onderzoukene wie hem in Bourghborgh ende Brubborgh-Ambocht mesdreghe hadden in de moytetiden, omme verburde goede over te ziene ende omme te wetene wiere ghevanghen ware ende waeromme, ende vord omme over in scriften te neymene, na der commissie ende den uuthanghenden brieve van Minen gheduchten here, ende te ondersoukene wie van Vlaminghen gherovet, ghevanghen of gherensonneert was, twelke zij in ghescriften overnamen

ende Minen gheduchten overgaven, omme hare costen 12 ℔. 17 s.

Somma, 12 ℔ 17 s.

 

Item, Min gheduchte here zendde eenen brief an de vorseide heren, dat se hem bringhen souden of senden te Ryssele eene zeikere quantiteit van ghelde, omme twelke een ghedeel ghelts brocht was te Ryssele, den vorseiden borghgrave, dan te Rijssele zijnde, trac an Minen gheduchten here omme te weiten wien men tvorseide ghelt betalen soude, ende ne const van Minen gheduchten here niet gheweiten bij vier daghen, waer noch wien ment betalen zoude; so ten hende beval hijt te draghene sprofsts van Brugghen, daert Franchois van Ysighem ende Jehan Killiemin droughen, ende betaelden van den vorseiden heren weighe den here Jehan, capelaen sprofsts vorseits, 1320 ℔ parisis, diet daerna drouch in den wissel te Jehans Tulems; de vorseide here Jehan, sanderdaghes commende an den borghgrave ende an den here van Ekelsbeke int casteel, zeide dat in tvorseide ghelt was 76 ℔, 4 s., 3 d., dat in den wissel niet passavel was, gaeft den vorseiden heren weider; dus bleeffer betaelt 1243 ℔ 15 s. 9 d., dewelke vorseide somme Gillis Bazijn haelde uten wissele te Jehans [weider, metga]ders Coppin Corthalse, ende droughent in Mins gheduchts heren couffers, metgaders ander ghelt, 1243 ℔. [15 s. 9 d.]

Item, omme costen van Johannes Killiemine, die tvorseide ghelt haelde ter Nieupoort, te Veurne, te Berghen, ende brocht van danen te Ryssele, daeromme hi ute was 9 daghen, verteerd, mids der paerdehure daerup tghelt brocht was, 13 ℔.

Item, was de borghgrave vorseid ghesent van

Minen gheduchten here van Ryssele te Arie, met laste an sconinghes lieden, ende cam weider an Minen gheduchten here metter andworde te Ryssele; omme sine costen, varende ende kerende, also blijct bi eere cedule van Jacop van Screyhem, clerc van den brieven van Mijns gheduchts heren herberghe, beloopt 16 ℔ 4 d.(1).

Item was de borghgrave vorseid van den Ontfanghere van Vlaendren bewijst, te heffene up de steide van Veurne, ute eenen mandemente dat hi den Ontfanghere overgaf, de somme van 73 ℔. 19 s, dewelke hi van der stede vorseid niet ghecrighen can ende gheift tassignement weider, beloept 73 ℔. 19 s.(2)

Item, omme de costen van Mer Gherarde van Raessighem ende van den borghgrave vorseid, dat zij ghesent waren up de frontieren van der zee, alsoot blijct bi den inhoudene van den mandemente, bedraghet 97 ℔. 11 s.

Item, betaelt Mer Roegier Boeteline van wedden, dat hi lach te Oudenarde int slot, zident den 28sten daghe van Meye toten achtersten daghe van Sporkelen int jaer -83, alsoot blijct bi eenen mandemente van Minen gheduchten here ende bi zinen lettren van quitanchen, 171 ℔. 9 s.

Item, betaelt Baudet, den bastaerd van Stavle, van wedden, dat hi int slot lach te Oudenarde zident den vorseiden termine, alsoot blijct bi eenen mandemente van Minen gheduchten here ende bi zinen lettren, 235 ℔.

Item, betaelt Willem Cavreele, van der Nieuport,

van wedden, dat hi lach int slot tOudenarde zident den 30sten daghe van Meye toten achtersten daghe van [Sporkelen] int jaer -83, alsoot blijct bi eenen mandemente van Minen gheduchten here ende bi zinen lettren van quitanchen, 155 ℔. 5 s. 3 d.(1).

Item, betaelt Jacop Volkeravene, van der Nieuport, van wedden, van gheliken, alsoost blijct bi eenen mandemente van Minen gheduchten here ende bi lettren van quitanchen, 280 ℔.

Item, betaelt Martijn uten Wulghen, van Berghen, van wedden, dat hi lach int slot te Oudenarde zident den 27sten dach van Meye toten achtersten dagh van Sporkelen int vorseide jaer, ute eenen mandemente van Minen gheduchten here, dat onthilt 1915 ℔. 19 s, twelk mandement zident ghemaect es up den Ontfanghere van Vlaendren, hem betaelt in minderinghen, bi sinen lettren van quitanchen, 204 ℔.

Item, betaelt Fransoyse van Pollijnchove, van wedden, dat hij lach int slot te Oudenarde, zident den 27sten dach van Meye toten achtersten daghe van Sporkele int jaer -83, alsoot blijct bi enen mandeme ite van Minen gheduchten heere ende bi enre lettre van quitanche, gheseighelt met sheeren seighele van Zwevigheem in absence van Fransoyse zeighel vorseid, 200 ℔.

Item betaelt den Ontfanghere van Vlaendren ende van Artoys, alsoot blijct bij enre lettren van quitanchen onder sinen seighel, 75 ℔ 2 s.

Somma van desen, 2644 ℔ 7 s. 3 d.(2)

 

Somma van den uulgheivene, 3213 ℔. 3 s. 3 d.

Ende tontfanc beloept, 2123 ℔, 17 s.

Aldus bliven de vorseide heren sculdich te deser rekeninghe, 1920 ℔. 14 s.

 

Rendus (?) par le 6e et derrain compte Henry Lippin, receveur général de Flandres, en recepte, [et terminé en ordenanche et quittanche (?)].

 

Op den rug: Compte le castellain de Furnes, Messires de Hekelsbeke (?), Messires Riquard de Beerst, des biens qui sont fourfais ès villes et chastelleries de Furnes, Nieuport, Poperinghes, Berghes, Dunkerke el Bourbourgh, depuis le 4e jour de Décembre, l'an -82 [...]uisques au mois de May, l'an -83. Fait à Lille, à le renenghe (?) -80 et chinq.

 

Rol-Rekening, nr 1633bis.

Veurne.
C 1383 (15 Februari-4 Mei).

Dit es de rekeninghe van Godevaert den Helt, bailliu van Veurne, van al den boeten, proffiten ende exploten, die hij ontfanghen heeft ende uuteghegheven van der vorseider baillien, zident den 15en dach van Fevrar int jaer -82 totten 4en daghe van Meie int jaer -83.(1) Ghedaen te Rijssele.

 

In de stede van Veurne, bij Heynrijc den Pape, poortbailliu.

Lauwerkin Randolf was ghecalengierd van dat hij een mes trac bij nachte, ende eenen man daermede dede uuter stede, daerof pais ghemaect omme 36 ℔(2)

Uuteghegheven van den ontfaen vorseid.

Erst, omme de wedden van den bailliu, 40 ℔.

Item, omme de wedden van Mer Janne van Cachand, duunherder, als van den paymente van der Heyleger Crusen daghe in Meye, 8 ℔.(1).

Jan Pauwelin, van Duunkerke, was te Risele ghevoert ten beveelne van Mijnheere den borchgrave van Veurne, met twe beriders ende met eenen huurpaerde, daer hijselve up reet, dewelke drie daghen uutewaren verteert, 6 ℔.

Item, ten beveelne van Minen gheduchten heere bij monde, vinc de bailliu den prochipape van Lampernesse ende deden voeren te Risele, dewelke diene voerden verteerden, 4 ℔.

Item, was den bailliu bevolen met eenen zekeren brieve van Mijns gheduchts Heeren weghen te comene te Risele, ende wasser vier daghe eer hij telivereert mochte wordden, verteert, 8 ℔.

Item, doen de bailliu te Veurne quam, doen vant hij de doren ende de veynstren alontwe ghesleghen in de camere, in de sale ende in de cokene, ende alle de sloten die waren ewechghedraghen, dwelke de bailliu heeft doen maken, ende coste in houte 3 ℔. 8 scellinghe parisis, onder niewe ende oude sloten te vermakene, ende naghele, 40 grote, ende de timmerman van 7 daghen te timmerne 42 grote, dwelke al ghedracht, gherekent in een somme, 7 ℔. 10 s.

Arnoud Soppe was ghejustichiert bij den bailliu van Lombardien, van moiten, daerof de hangheman hadde, over soolarijs ende over costen, 54 s.

Clais van Sierijcsee was, gheboren uut Zeelant, ghevaen te Veurne ommedat hij quade worde

seide van Minen gheduchten heere van Vlaendren, ende ooc seide hij dat die van Ghent beter waren dan Mijnheere van Vlaendren, dwelke wel bevonden was dat hijt gheseit hadde, ghejustichiert metten swaerde, coste 40 s.

Somme van den uutghevene, 78 ℔. 4 s.

Dontfanc ghedracht, 421 ℔. 14 s.

Dus blijft de bailliu, sculdich, 343 ℔. 10 s.

 

Op den rug: Compte Godevard le Heilt, bailliu de Furnes, fail à Lille le 4me jour de May l'an -83.

 

Rol-Rekening, Nr 1690.

Veurne.
D 1383-1384 (2 October-2 Maart).

Dit es de rekeninghe van Godevaert den Heilt, bailliu van Veurne, ende van Dierijc van Warem, rewaerde van Veurne ende van Veurn-Ambocht, ghestellet ende ghecommitteert bij Mijns gheduchts heeren commissien, van al den boeten, proffiten ende exploten, die sij ontfaen hebben ende uuteghegheven van den vorseiden rewaertschepe, zident den andren dach van Octobaer int jaer -80 ende drie totten 2den daghe van Marte. Ghedaen te Rijssele.

 

In de stede van Veurne.

(1)

Jan de Visschere was ghejustichiert tYpre, ommedat een quaet moitmakere was, ende, van den goede dat achter hem bleef, so heift de bailliu laten losen der wedewen, van der helt van sHeeren deele, ontfaen 18 ℔ parisis.

(1)

Ysenberghe.

Loy Lotin was ghecalengierd ommedat hij conincstavel was bin der Inghelschen tiden ende ghelt onder hem hadde, dewelke hij ghepoint hadde ter Inghelschen boef, ontfaen van den ghelde, 12 ℔, par.

 

Odenkerke.

Colin de Buusschere, van der Niepoort, was ghemaect borchmeester ter Niepoort bin der Inghelschen tiden, ende hij heift bij Veurne eene stede ende lant, daerof dat men hem tachter was, van chense ende van dat men hem tachter was, so men seide, ontfaen 36 ℔ par.

Clais Gosin cochte jeghen den bailliu ende jeghen den crichoudere de versterfnesse van Lisebetten Sleix ommedatter ghene aeldinghe camen omme deelen van den eenen vierendeele, omme 20 ℔ par.

Jan Boydin was ghejustichiert ter Sluus in contrarijen Minen gheduchten heere, ende achter hem bleef al utter corens ende een bedde ende een quaet huuskin; dese catelen liet de bailliu ende de crichoudere losen der wedewen omme 24 ℔. par.

Willem Bollaerds wijf verstaerf goet van der doot van harer moeder, dewelke es met haren man ghevloen metten Ingelschen, ende achter hare bleef een stede ende een bedde, ende al utter corens ende ander quader huusalame, dwelke de bailliu ende de crichoudere lieten losen omme 48 ℔. par.

Haringhe.

Jan Morbetin was dootghesleighen van den Bertoenen, ende achter hem bleef een bedde, 2 hullecledre, eene panne, eenen ketel, 2 potte, een lavoor, taflen ende scraghen, ende 1 deel corens ende ander quader huusalame, van denwelken de bailliu ende de crichoudre laten utelosen Minsheren deel omme 15 ℔. par.

 

Stavele.

Pieter de Ghelde was conincstavel bin der Inghelscen tiden, ende onder hem bleef ghelt, dat hij ghepoint hadde ter Inghelscen boef, also men seide, ontfaen van den ghelde 28 ℔. par.

Coppin de Naghel was ghecalengierd ommedat hij ghelt vant ende dat hilt zonder den Here te kenne te ghevene, also men seide, pays omme 24 ℔ par.

 

Westvleterne.

Pieter Wilsoens vader lach ghevanghen in Risel-Ambocht in contrarijen Minen gheduchten here, ende doe quam de vorseide Pieter ende met zinen hulpers, ende dede drie van Mijns heeren Robbrechts cnechten van Huutsij verbernen in een scuere, also men seide, pays omme 48 ℔. par.

 

Hoghestade.

Jhan Willaert bleef te Rosebeke, ende achter hem bleef een quaet huuskin, 66 roeden lands, 57 bomen, een beckin, een lavoor, ene panne, teelen, tubben, 2 bedden; ende dit heift de bailliu ende de crichoudere laten losen, scult ende al ghewert, 15 ℔ par.

Relinscappele.

Jake Bonin was ghecalengierd ommedat hij hem onderwonden zoude hebben te antierne eenen Inghelschen pape, also men seide, pais omme 48 ℔ par.

 

Veincheem.

Jan Zoets goet, van dat hij deelen zoude te Maroyen Strubbes, ontfaen van tsHeeren dele 6 ℔ par.

Willem Jans sone was ghecalengierd ommedat hij dreghede sinen chensier te slane bij nachte, ende cam te sinen huus met drien of met viere Inghelschen, also men seide, pays omme 12 ℔ par.

(1)

 

Uutghegheven van den ontfanghe vorseid.

Eerst, om de wedden van den bailliu, van den twee deelen van den jare uutgaende den 3en dach van Marte int jaer -83, 40 ℔.

Item, omme de wedden van Mer Janne van Caelgant, duunherder, als van den payemente, 8 ℔.

Item, so was den balliu bevolen met Mijns gheduchts heeren brieven, daer God die ziele of hebben moete, dat hij telivereren zoude den forenteerres paerde ende ander dinc, daeraf dat sij te doene zouden hebben, omme Mijns gheduchts heeren provanche daerup te voerne te Boenen, dewelke de bailliu dede, ende vant twee paerde te huerne omme 6 groten sdaechs, ende elc ghincker tweewarven, ende bleven elc 8 daghen uute, ghedraecht 4 scilden;

ende, doen sij nemmermeer en consten ghegaen no en mochten doen, vant de bailliu een ander paert, dat hij cochte onime 16 scilden, met zadelen, met breidele, ende dat paert en mach nemmeer, ende het staet te Veurne ende en mach niet gaen, ghedraecht, midsdat hem tpaert blijft, 18 ℔.

Item, so was de bailliu bevolen met Mins gheduchts heeren brieven, daer God die ziele of hebben moete, dat hij reet te Markeem ende te Women, omme dOostbroekers te beveilne dat sij tYpre comen zouden omme te ordineerne van den waterganghe, die gaet van der Niepoort tot Ypre, die sere versant was, also Mijns gheduchts heeren brief wel verclaerst, daer de bailliu twee daghe omme utewas, verteert 6 ℔.

Item, so was den bailliu bevolen dat hij riden soude te Bourborch met eenre commissien, omme te doen pointene 120 franken, dewelke hebben souden deghene die laghen upt castel Mins heeren van Vielgen, van der maent van November; ende daernaer so was den bailliu bevolen met eene ander commissien, te doen hebbene denselven die upt castel laghen, noch 100 ende 20 franken, van der ander maent van December; ende hieromme reet de bailliu 4 waerf, dat hij altoes uutewas twe daghen, omme dwelke riden de bailliu verterde 18 ℔

Somme 90 ℔.

(1)

Van den bastaerden ter erden te doene ende wat sij coste te uutene.

Eerst, so coste de scrine van Jake Scollebons wive 20 s.; item, van den pitte te makene 8 s.; item,

van cledene 24 s.; item, van draghene 8 s.; item, van der uutvaert 40 s., ghedraecht 5 ℔ par.

Item, so coste de scrine van Maroyen Valx 20 s.; item, van den pitte te makene, 8 s.; van cledene 24 s.; item, diegone die se droeghen, verdronken daerup 40 s.; item, van der uutvaert, 40 s.; ghedraecht 6 ℔ 12 s.

Item, so coste Raes de Potters uutvaert 3 ℔.; item, 20 s. van der scrinen; item, van cledene 24 s.; item, van den pitte te makene 8 s.; item, van draghene 8 s.; ghedraecht 6 ℔.

Item, de scrine van shere Diederyes van den Aerde kint, coste 4 s.; item van cledene 4 s.; item, van den pitte te makene 4 s; item, van siere uutvaert 3 ℔.; item, van dat men hilt, doen sijn vader doot was, tote nu dat staerf; coste, 3 ℔. 6 ℔. 12 s. Somme van den costen van den bastaerden, 24 ℔. 4 s.

 

Op den rug: Die ghejustichiert zijn.

Eerst, ghejustichiert Gheerkin van den Walle, Errekin van Buggheselle, Jan Belc, Pieter Persoon, Willin Stoppelare, Jan de Stoppere, ommedat sij roefden in de castelrije, ghejustichiert metten wiele, coste elc 3 ℔. par., ghedraecht 18 ℔. par.

Mine sBaeus was ghejustichiert ommedat sij der lieder goed wroechde, doen sij uten lande waren ende Jan Borssekins wijfs cameriere was, coste 3 ℔.

Item, so wasser ghejustichiert metten wiele, van moiten, Flovent de Ruddere, Mattheus Vardebout, Jan Moyts ende Willin Abbout, coste elc 3 ℔, ghedraecht 12 ℔.

Item, so wasser ghejustichiert een Hannin Mannekin, uut Inghelant, ende een Willekin de Smic, die quamen uut Caleis ende wouden trecken tOudenaerde

waert, ghejustichiert metten zwerde, coste elc 40 s., ghedraecht 4 ℔.

Somme, 37 ℔.

 

Somme van al den uutghevene, 141 ℔. 4 s.

Dontfanc ghedracht, 1480 ℔. 13 s.

Dus blijft de bailliu, sculdich, 1329 ℔. 9 s.

 

Dans ce lui rabat on d'un prisonnier, qu'il avoit print et composé pour 42 ℔, lesquelz Monsigneur quita audit prisonnier. Encore li rabat on, lesquels il avoit payé à Monsigneur de Gruuthere, trésorier de Flandres, ainsi que par le céduled dou dit Messire de Gruuthere appert, dont il doit rendre compte, la somme de 300 ℔, demeure qu'il doit, 987 ℔. 9 s.

 

Daaronder: Compte Godevart le Heelt, bailliu de Furnes du terme de May, jusques au 2e jour de March ensuivant. Fait à Lille, le 2e jour de March.

 

Rol-rekening, Nr 1692.

Veurne.
E 1384 (2 Maart-18 September).

Dit es de rekeningbe van Godevaert den Heilt, bailliu van Veurne, van al den boeten, proffiten ende exploten, die hij ontfanghen ende uuttegheg even heift van der vorseider baillien, zident den andren daghe van Maerte, int jaer vier warf twintich ende drie totten 18en daghe van September -84. Ghedaen te Rijssele.

 

Inde slede van Veurne, bij Heinric den Pape, poortbailliu.

Jan Robene, amman Mins sheeren sborchgraeven van Veurne, ontliep een knecht uuter vanghenessen, dewelke ghevaen was van den live, daerof dat Minheere her Goossin de Wilde, souverain bailliu van Vlaendren, pais liet maken ommedat een aerm cnape was, omme 100 ℔.

Item, so ghinc deselve Jan Robin te Sinte Wouborghen in de kerke, bij nachte, metsgaders sinen medepleghers, aldaer hij uutnam den knecht die hem ontlopen was, ende leedden weder in sin vanghenesse, verstorbeerde de kerke foortselike, omme twelke dat men in de kerke restitucie doen moeste en den dienst Goods achterlaten; van welker calaengen Jan Robin

vorseid bleef ten segghene van mi ende van tween goeden cnapen, die icker toenemen soude, sodat icker toenam den crichoudere ende den poortbailliu, ende wij seiden in enen segghene dats Min gheduchte heere hebben soude, 100 ℔ parisis.

Somme, 200 ℔.

 

Jan Boidaert was ghecalengiert ommedat hij foortselike ende bij crachte ligghen wilde bij Claren Ors, also men seide, ende, ommedat pais jeghen partien was, so liet ic pais maken, ter beden van goeden lieden, omme 40 ℔.

(1)

Jan de Ram was ghejusticiert van moiten, ende bachten hem bleef een quaet huusken, staende up den gront van den kindren van sinen wive, dwelke hij in bidinghen hilt van der doot van sinen wive, ende dat liet de bailliu losen omme 24 ℔.

 

Van zeedrechte.

Erst, so wasser vonden up de zee een half tonne zeepen, daerof dat de vinder hadde deen helt ende Minheere dander helt, ontfaen van Mins sheeren deele 4 ℔,

 

Uuteghegheven van den ontfanghe vorseid.

Erst, omme de wedden van den bailliu, 40 ℔.

Item, omme de wedden van Mer Janne van

Cachand, duunherder, van den paymente van der Heilegher Crucen daghe in September, 84 ℔.(1)

Item, so was den bailliu bevolen van Mins gheduchts heeren weghen van Bourgongnen met enre openre commissien te treckene aen de goede liede van der stede ende castelrije van Veurne, van Waestene, van Belle ende van Poperinghe, omme hemlieden te segghene van Mins gheduchts heeren weghen vorseide sertain last, toucherende der submissien die sij Minen gheduchten heere doen souden ende ghelooft hadden, ende, omme dit te volcomen, so was de bailliu uute 4 daghe, vertert 40 s. sdaghes, valent 8 ℔.(2)

Item, omme de costen van der justichien van Jan Bladeline, Christiane Bollaerde ende Jaken Bollaerde, dewelke ghejusticiert waren metten wiele, van roeve, daerof dat de haneman hadde 3 ℔ van den sticke, valent 9 ℔.

Item, van Jan den Ram, die ghejusticiert was, van moiten, metten swaerde, coste 40 s.

Item, so was Mijnheere her Jan van Gemont, soverain bailliu van Vlaendren, te Veurne, ende dede daer justicieren metten swaerde Jaken Budsin, Hannin van den Eechoute ende Pieter Scroline, ommedat sij gheroeft hadden metten roevers van Ghent; ende oec so dede hij enen siner oer ofsniden, van dieften, die men hiet Jaxken de Wevere, daerof dat de bailliu de costen betaelt heeft, ten beveelne van Minen heere den souverain vorseid, ghelopen 7 ℔.

Item, omme de costen van 26 paer stivalen,

dats te wetene 19 cuerers, 5 ammans ende twe dienstmans, elk pare 24 s., ghedracht, gherekent in een some, 31 ℔ 4 s.

Somme van al den uutghevene, 97 ℔, 4 s.(1)

Dontfanc ghedraacht (sic), 845 ℔, 5 s.

Dus blijft den bailliu sculdich, 748 ℔, 12 d.

 

Op den rug: Compte Godevart le Heelt, bailliu, de Furnes, dou terme de Septembre l'an -83; fait à Lille.

 

Rol-rekening, nr 1694.

Veurne.
F 1384-1385 (19 September-9 Januari).

Dit es de rekeninghe van Godevaerde den Heilt, bailliu van Veurne, van al den boeten, proffiten ende exploten die hij ontfanghen ende uuteghegheven heft van der vorseider baillien, sident den 19sten dach van September int jaer -80 ende viere totten 9en daghe van Laumaend naervolghende. Ghedaen te Rijssele.

 

In de stede van Veurne, bij Heinrijc den Pape, poortbailliu.

Erst, Pieter de Scheluwe boette 60 ℔, ommedat hij een mes ghetrect soude hebben up Colin den Baenst, ende ommedat een wel gheboren man es ende goede liede over hem baden, so liet ic pais maken omme 12 ℔.

(1)

Steenkerke.

Willem Debbout ende Jan de Scipman hadden ghelt onder, doen dInghelsche uuten lande schieden,

dwelke sij pointen ter Inghelsche bouf, daerof ontfanghen 12 ℔.

 

Boosterpoort.

Riquaert de Breidel was sculdich enen Ledenaert den Vos een ℔ grote, dewelke es met die van Ghent, ontfanghen 12 ℔.

 

Wulveringheem.

Jan Pecsteen boette 3 ℔ van er ontalinghe jeghen Willem Bueseman, ontfanghen 52 s.

 

Bulscamp.

Jan de Bliec, de stroedeckere, was ghevaen, dies wort nu te Vastenavonde een jaer, ommedat hij conincstavel was ende een baniere van den Inghelschen plach te draghene, ende was bin Mins sheeren Philips Jonghen tiden een groot rouper ter borch te Veurne, ende halp tghedinghe beletten, waerof de bailliu den vorseiden Bliec te wetten stelde, ten yersten dat wet int land was, van der vorseider mesdaet, daerof dat cuerers twewarf haren veurst namen, ende ten derden haer beleet ten drien banken; ende de voirseide Bliec heft aldore in de vanghenessen gheleghen al siec, ende de steenwaerder dede hem gracie om sier siecheit wille, sodat hij hem ontlopen es; daerof pais ghemaect bij Minheere den Maerscalc van Bourguegnen omme 100 ℔.

 

West-Vleterne.

Clais de Somer, die men schelt Niemaert, was

sculdich Hannin Fermin 5 ℔ parisis, dewelke es met die van Ghent, ontfanghen 5 ℔.

 

Reininghe.

Jan de Wankere, Willems sone, Jan de Wankere, Robbrechts sone, Jake de Wankere, Jan van den Velde, Robin Boyt, Jan Reingot, Jan Poet ende Jake de Louf, dese vorseide personen sin verbannen ewelike uuten lande van Vlaendren, van mordaden van der doot van Aelbin Drinkebier.

 

Beverne.

Groot Simoen was ghecalengiert, ommedat hij sinen ghebuer een coe ghenomen hadde, ende een ander coe bin der Inghelsche tiden ghecreghen hadde, dewelke sin niet en was; pais van dier calaengen, ommedat een aerm man was, omme 18 ℔.

 

Hoostade.

Appollinarijs de Houc gaf over enen brief, metten wisten penninghe, up Jan Wolrijc, Clais Wolrijc ende Jan Haerwine, van 80 ℔ parisis, daerof dat de vijfte pennine ghedraacht (sic) 20 ℔, ontfanghen 20 ℔.

 

Alverincgheem.

De wedewe Michiel Carlins boette 3 ℔, van harer borchtocht niet tachtervolghene jeghen Gillis Spierinc, ontfanghen 50 s.

 

Colaert Willems sone, Tuyn de Cupere, Bouden Mekijn ende Hannin de Cupere, dese sin verbannen

ewelike uuten lande van Vlaendren, van mordaden van der doot van Willem Bru.

 

Somme van al den ontfanghe, 493 ℔ 12 d.

 

Uuteghegheven van den vorseiden ontfanghe.

Erst, omme de wedden van den bailliu, 40 ℔.

Item, omme de wedden van Mer Janne van Casant, duunherder, als van den paymente van Dartiendaghe (laetsleden), 8 ℔,

Item, so was den bailliu bevolen van Mins gheduchts sheeren weghen van Bourguengne, met enre openre commissien te treckene aen de goede lieden van der stede ende castelrije van Veurne, van Waestene, van Belle ende van Poperinghe, omme hemlieden te segghene, van Mins gheduchts sheeren weghen vorseit, sertain last toucherende der supmissien die sij Minen gheduchten heere doen souden ende beloft hadden, ende, omme dit te volcomene, so was de bailliu uut 4 daghe, verteert 40 s. sdaghes, valent 8 ℔.

Item, so was de baillin ontboden van Minheer den Maerscalc, met er lettren te Risele te comene, omme eneghe saken, die hij met hem te sprekene hadde, daerof de bailliu uut was 4 daghen, vertert 40 s. sdaghes, valent 8 ℔.

Item, so waide ontwe van den groten storme den 4den dach van Loumaent, die doen was in de muelen die Minheere toebehoort, 4 heken buten een stic van der roeden, ende de veirst van der muelen, dwelke de bailliu dede maken, coste in houte datter toeghinc 8 ℔, ende een half parisis ende 2 warclieden, diere an wrochten 4 daghen, hadden sdaghes elc 8 groten, ghedraacht (sic), al gherekent in een somme, 11 ℔ 14 s.

Somme van al den uutghevene, 67 ℔ 14 s.

Dontfanc ghedraacht (sic), 493 ℔. 12 d.

Dus blift de bailliu sculdich, 425 ℔ 7 s.

 

Op den rug: Compte Godevart le Heilt, bailli de Furnes, fait à Lille le 9e jour de Janvier -84.

 

Rol-Rekening, nr 1696.


Vorige Volgende

Over dit hoofdstuk/artikel

plaatsen


datums