Cronyke van Vlaenderen. Deel 2

[p. 213]

XIV. Baljuws van Nieuwpoort.

A. 1382 (13 Januari-4 Mei).

Dits de rekeninghe Martin Trioels, bailliu van den Nieuwerpoort in desen tijd, van al den exploten, proffiten ende baten van der vorseider bailgie ende datter toebehoort, sident den 13^sten dach in Laumaent int jaer -80 ende een, tote den 4^den dach in Meye int jaer -80 ende twee. Ghedaen te Hesdin, den 7^en dach van Hoymaend int selve jaer.

In den eersten, calaengen.

Rike Bertelmeeus, gecalengiert dat hi huussouc ghedaen soude hebben bij nachte up Betten van den Walle, waerof de boete 60 ℔ ware, waerd ghewijst, pays ende ontfaen te Mijns heeren bouf 10 ℔.

Jhan Pilgebrood, gecalengiert dat hi Quade Arnekin, den pijnre, slouch in zijn oghe, waerof de boete 3 ℔ ware, waerd gilewijst, pays ende ontfaen 36 s.

Willem van der Doorme, ghecalengiert dat hi Willem f. Clays araepte, waerof de boete 3 ℔ ware, waert ghewijst, pays ende ontfaen 32 s.

Clais Moreel, ghecalengiert dat hi poortersnerin-

[p. 214]

ghe dede, vraimdman zijnde, twelke 60 ℔ ware, waert ghewijst, cuerboete, waeran de Stede heift de heilt, pays ende ontfaen van Mijns heere deelc 12 ℔).

Jacop de Teghelare, ghecalengiert dat hi Olivier Vardeboude slouch ene wonde in zijn hooft, waerof de boete 6 ℔ ware, waerd ghewijst, pays ende ontfaen 4 ℔.

Jacop van Penaedse, ghecalengiert dat hi questste ene Trude van Holland, waerof de boete 3 ℔ ware, waerd ghewijst, pays ende ontfaen 40 s.

Maes van Zaemslacht, ghecalengiert dat hi Jhan Wijdemonde wierp ene wonde in zijn hooft, pays ende ontfaen te Mijns heeren bonf 3 ℔.

Jhan Znutvoet, g-hecalengiert dat hi wierp met eenen croese Ysman f. Nobels ene wonde in zijn voorhooft, waerof de boete 6 ℔ ware, waert ghewijst, pays ende ontfaen 3 ℔ 12 s.

Pieter van den Dike, ghecalengiert dat hi Jhan Beken araepte, waerof de boete 3 ℔ ware, waerd ghewijst, pays ende ontfaen 32 s.

Riquaerd Bertelmeeus, ghecalengiert dat hi Han den Brabandere ghesleghen soude hebben, waerof de boete 3 ℔ ware, waert ghewijst, pays ende ontfaen 40 s.

Jhan Zoetelam, ghecalengiert dat hi Floreins Paedse ghesteken sonde hebben met enen messe, waerof de boete 6 ℔ ware, waerd ghewijst, pays ende ontfaen 3 ℔ 12 s.

Casin Boterman, ghecalengiert dat hi Hannekin Zeghemanne uter stede dede met verbodenen wapine ende an hem was in evelen wille, waerof de boete 6 ℔ ware, waert ghewijst, pays ende ontfaen 3 ℔.

Clais Boterman, ghecalengiert dat hi Hannekin Zeghemanne araepte, waerof de boete 3 ℔ ware, waerd ghewijst, pays ende ontfaen 40 s.

[p. 215]

Jhan Wijdemont, Pieter Wijdemont, Hannekin Wijdemont ende Tierin Juerdaen, ghecalengiert dat zij Jhanne den Mien araepten ende uter stede daden met verbodenen wapinen en in evelen wille, pays ende ontfaen derof te Mijns heeren bouf 8 ℔.

Arnoud Hugheman, ghecalengiert dat hi Grodekine den Baermakere araepte, waerof de boete 3 ℔ ware, waerd ghewijst, pays ende ontfaen 60 s.

Coppin Zegheman, ghecalengiert dat hi ontamelike wandelde, ende ghevaen met enen messe, pays ende ontfaen 36 s.

Jhan de Coster, ghecalengiert dat hi Jhan Martine slouch in zijn oghe, waerof de boete 3 ℔ ware, waerd ghewijst, pays ende ontfaen 40 s.

Maes van Zaemslacht, ghecalengiert dat hi Jacop Reinboud uteriep, waerof de boete 10 ℔ ware, waerd ghewijst, twelke cuerboete es, daeran dat de Stede heift de heilt, ontfaen van Mijns heeren deele 4 ℔ 4 s.

Franse Herenboud, ghecalengiert dat hi ghetwist soude hebben up Hannin Habboude, waerof de boete 3 ℔ ware, waert ghewijst, pays ende ontfaen 44 s.

Jhan Meriman, ghecalengiert dat hi met zinen paerden ende waghene dootghemeint soude hebben enen Heinen den Zeelandere, van denwelken paerden ende waghene hi ter kennessen van scepenen loochende ende hem ofdrouch, dewelke ic vercochte, ende daerof ontfaen 12 ℔.

Hannin Willay, ghecalengiert dat hi Jhan Puerquaet, den scuteman, slouch metter vuust in zijn aensichte, pays ende ontfaen 40 s.

Michiel Widdaert, ghecalengiert dat hi Hannin Sconecnape ende Moenine uter stede dede met verbodenen wapinen, pays ende ontfaen 4 ℔.

Somme van desen parchelen, 89 ℔ 8 s.

[p. 216]

Dits duteghevene upt vorseide ontfanc.

In deerste, van sbaillius wedden, 10 ℔.

Item, Gheerkine ghegheven, mede tIngheland waerd te treckene, bij beveilne van den Ontfanghere, ende was ute 4 weuken ende 2 daghe, vervaren ende vertert 8 nobele, valent 30 ℔ 16 s.

Item, ghejusticijerd bij nachte eenen Heinkin van Holland, die al dese muete met dien van Ghend ghesijn hadde te Thielt, alst verberrent was, ter doot van Mer Diedericke van Watervliet, te Eenam, ende eldere te meer steden, contrarie Minen heere, ghegheven van der justicie 6 ℔.

Item, dat dOntfangher den bailliu tachter bleef ter laetster rekeninghe, 26 ℔ 6 s.

Somme van den uutghevene, 73 ℔ 2 s.

Ende dontfanc loopt, 89 ℔ 8 s.

Dus blijft de bailliu tachter boven zinen uutghevene, 16 ℔ 6 s.

Op den rug: Compte Martin Triol, bailliu de Nuefpoort, fait à Hesdin le 7^e jour de Juillet l'an -80 et deux.

Rol-Rekening, n^r 1932

[p. 217]

Nieuwpoort.
B. 1382-1383 (30 November-4 Mei).

Dits de rekeninghe Martin Tryols, bailliu van der Nieuport in desen tijd van al den exploten proffijten ende baten van der vorseider bailgie ende datter toebehoort, sident den laetsten dach in Novembre int jaer -82 tote den 4^den daghe in Meye int jaer -83. Ghedaen te Rijssele.

⁽¹⁾

Dits dhuutgheven upt vorseide ontfanc.

Eerst, van sbaillius wedden, 10 ℔.

Item, ghejusticijert enen meester Pieter van Oostbuerch, surgien ende tryakelman, gheboren van Ghend, denwelken Artevelde ghestelt [hadde] scouthetene van der Nieuport, ghegheven van der justicie 36 s.

Item, enen Michiel den Inghelschen, cordewaghencrudere, ghegheven van der justicie 36 s.

Item, enen Jhan van Zeeland, die men hiet Roode Jhan, ghegheven van der justicie 36 s.

Item, enen Clays Davijd, gheboren van der Nieuport, ghegheven van der justicie 36 s.

(1) De ontvangsten (15 posten van calaengen en 1 van bastaerdegoed), worden niet gedrukt.

[p. 218]

Item, enen Coppin f. Gillis, die rewaert was te Lombaerdien, ghegheven van der justicie 36 s.

Item, enen Hannin Maligheer, die bailliu was te Nieuwendamme, ghegheven van der justicie 36 s.

Item, enen Hannekin den Vriese, die men hiet de Clerc, de protraitture, ghegheven van der justicie 36 s.

Item, Claykin Arnauds, Artevelts duunherdere, ghegheven van der justicie 36 s.

Item, enen Hannin Bollin, van der Nieuport, ghegheven van der justicie 36 s.

Item, enen Jhan Dikaert, van Duunkerke, bij lettren van bevelle van hove, ghegheven van der justicie 40 s.

Somme van den uutghevene, 28 ℔ 4 s.

Ende dontfanc draecht, 104 ℔ 7 s.

Dus blijft de bailliu tachtere, boven zinen uutghevene, 76 ℔ 3 s.

Op den rug: Compte Martin Tryol, bailliu de Noefpoort, fait à Lille, le 4^e jour de May l'an -83.

Rol-Rekening. n^r 1935.