Logo DBNL
Cronyke van Vlaenderen. Deel 2 (1900)

Cronyke van Vlaenderen. Deel 2

(1900)–Jean Froissart–rechtenstatus Auteursrecht onbekend

Vorige Volgende

VI. Baljuws van Brugge.

A. 1383 (4 Januari-4 Mei).

Rekeninghe Willem Slijps, baillius van Brucghe, van den lande van den Vryen ende van dat daertoe behoort, van ontfanghe ende van uteghevene van der voorseider baillie, beghinnende den 4en dach van Laumaent int jaer twee ende tachtentich, dat hi bi Mijns heeren commissie ghestelt was, ende gheduerende toten 4en daghe in Meye int jaer drie ende tachtentich daernaervolghende. Ghedaen te Rijssle.

 

Ende es te wetene dat alle de boeten, die int Vrye vallen, toebehoren Minen heere van Vlaendren gheheel, uteg-hesteken cuerboeten, die te voren ghewijst waren, ende nu te nieute ghedaen sijn bi Minen gheduchten heere, daeran Mijnheere plach te hebbene deene helt ende partien dandre helt, als zij ghewijst waren.

 

Eerst, in Ysendike ambocht.

 

Aernoud, f. Willems Corten, ende Pieter, f. Pieters Gherolfs, ghecalengiert van dat zi broot

Mijns heren vianden ghevoert soude (sic) hebben, pais, omdat ment niet wel clarlike bevijnden conste, om 12 ℔.

 

Oostborch ambocht.

Boeten van 20 s., niet. } niet.
Boeten van 3 ℔. } niet.
Boeten van 10 ℔. } niet.
Boeten van 60 ℔. } niet.
Calaingnen van boeten van 60 ℔. } niet.
Boeten van 2 waerf 60 ℔. } niet.
Calaingen van boeten van 2 waerf 60 ℔. } niet.

Van messeliken calaengen.

De bailliu calengierde Clais Boitac dat hi binnen Lippins tiden van Artevelde een paert hilt berende in sine plouch daghelijx, toebehorende den kinderen Willem Stalpaerts, haers ondankens; ende, als hi gheware wort dat te kennessen van den bailliu commen was, so liet hi tpaert hemelijec wechgaen; pais van dier calaengne omme 18 ℔.

Ardenborch ambocht.

Boeten van 3 ℔. } niet.
Boeten van 10 ℔. } niet.
Boeten van 60 ℔. } niet.
Calaingnen van boeten van 60 ℔. } niet
Boeten van 2 waerf 60 ℔. } niet.
Calaingen van boeten van 2 waerf 60 ℔. } niet

Van messeliken calaingen.

De bailliu calangierde 18de deel van enen goede dat bleef achter Jacob Dint, mits datter gheene aeldinghen en quame, diet aenvaerden, pais van dien ende vercocht metten laste om 12 ℔.

In Moerkerke, niet.

 

In Oostkerke:

 

Boeten van 20 s., niet.

Boeten van 3 ℔, niet.

Boeten van 10 ℔, niet.

Boeten van 60 ℔, niet.

Boeten van 2 waerf 60 ℔, niet.

Calaingnen van boeten van 60 ℔, niet.

Calaingen van boeten van 2 waerf 60 ℔ niet.

Van messeliken calaingen, niet.

 

Somme van den Oost-Vryen 42 ℔.

 

In Duudseele ambocht, niet.
Lisseweghe ambocht, niet.
Uutkerke ambocht, niet.
Zuwenkerke, niet.
Meetkerke, niet.
Houtawe, niet.
Nieumonstre, niet.
Vlisseghem, niet.
Clemskerke, niet.
Beedeneehouc, niet.
Oudenborchhouc, niet.
Ser Woutermans ambocht, niet.

Somme van den Noort-Vryen, niet.

 

Camerlinx ambocht, niet.

Vlaerslo ambocht.

 

Van Reyfin den Deckere, ballinc van meuten, van sculden die men hem sculdich was ende van 1 scrine vercocht om 6 ℔, 12 s.

Wouwen.

Boeten van 20 s., niet.

Boeten van 3 ℔.

Pauwels van Woumen, ghecalengiert van paine van 100 ℔ parisis van dat hi Hannekin, f. Boudens f. Pieters, verborghede in vanghenessen te comene, altoos bin den darden daghe naerdats hem de bailliu vermanen soude, pais, dat een ghemate knapelkin es, om 77 ℔.

Pieter f. Boudin ende sine kindren, ende Jan Menighen ende sine bastaerde kindere, ghecalengiert dat zij deen up dandre ghetwist souden hebben om oud ocusoen, omdat men niet gheprouven conste, pais om 24 ℔.

Boeten van 10 ℔. niet.

Boeten van 60 ℔, niet.

Calaingen van boeten van 60 ℔, niet.

Boeten van tweewaerf 60 ℔, niet.

Calaignen van boeten van tweewarf 60 ℔, niet.

 

Eessine, niet.
Zarren, niet.
Bovenkerke, niet.
Coukelaer ambocht, niet.
Ychteghem, niet.
Erneghem, niet.
Artrike, niet.
Ghistele ambocht, niet.
Zerkeghem, niet.
Jabbeke ambocht, niet.
Snelleghem, niet.
Zedelghem, niet.
Lophem, niet.
Verssenare, niet.
Straten, niet.

Somme van den West-Vryen, 107 ℔ 12 s.

Somme van den drien vierscarren van den Vryen, 149 ℔ 12 s.

 

Ontfanc van diversen aventuren, niet.

Ontfanc van zeedreften bin der voorseider tijt.

De bailliu calengierde eenen mast ancommen bi Oostende metter vloet, vercocht Christiaen Moesin om 14 ℔ 8 s., daerof laet men of van lijfcope 14 s., dus blijft er 13 ℔, 14 s.

De bailliu calengierde 1 pollie van 1 crake ende 1 ghecoorven mast, ghevischt te Blankeberghe, vercocht den meester van der crake, boven 6 ℔ parisis, dat tghewant coste te voerne ter Sluus, om 26 ℔ 8 s., daerof hadden de aerbeiders delt, dus blijft er 13 ℔ 4 s.

Item, van eenen sticke van eenen ouden scepe ghespleten, 1 hout boot, vercocht, boven 30 s., diere of ghinghen van den scepe te brekene, ende van den houte te voerne, om 3 ℔ 6 s.

Item, so brac een scip an Caedsant, met wullen, daer de bailliu zendde Wouter Ribode, Jan de Baenst ende Aelkin Gherbout om te visiterne ende te doen verwaerne de voorseide wulle, die bovenmaten zeere mesmaect was ende bezeent; ende, hadde ment niet met groten nerreste wel verwaert, het was in avonturen van ghetide te ghetide, mits den groten winde ende storem al wech te vlietene; van den welken de bailliu dede den heeren van den Rade, die toe ter Sluus waren, ende den Ontfanghere doe te kenne gheven, dat hi van der wulle niet meer hebben mochte dan 45 ℔ grooten, nochtan dat hi nerrensteleke dede vraghen te Brucghe, ter Sluus ende eldere om dermede ende derof tebbene tmeeste ghelt; doe zeide dOntfanghere, naerdat men niet meer derof hebben mochte, dat men se gave; vercocht de voorseide wulle

Diederic van Alphene, f. Huughs, ute Zeelant, om 45 ℔ grooten. Item, van den verdronkinen lieden, van ghelde dat over hemlieden vonden was, 4 ℔ 17 d. grooten. Item, van den wrecke, vercocht den arbeiders om 16 s. grooten. Somme van desen partien, 49 ℔ 17 s. 5 d. grooten, daerof slaet men of de coste van den arbeiders, ende andre diverse coste diere omme ghedaen waren om tbehoud ende verwaernesse van der voorseider wulle, alsoot claerlike bliken mach in een cedulkin overghegheven te deser rekeninghe; daer al de partie vulcommelike verclaerst staen, 12 ℔ 2 s. 7 d. grooten, dus blijft er te Mijns heeren bouf ende ontfaen, 37 ℔ 14 s. 10 d. grooten, valent in parisis 452 ℔ 18 s.

Item, ontfaen van Riquaert, f. Jan Willems, de parcelen van zeedreften, daerof men de partien van elken overgheeft in een cedulekin, lopen 39 ℔ 9 s.

Item, ontfaen van Jan Kausen, van zeedreften in Camerlinx ambocht, daerof de bailliu een cedulkin, daerin de parchelen verclarst staen, overgheeft, 15 ℔ 12 s.

Somme van den zeedreften, 538 ℔ 3 s.

 

Ontfanc van den 10de penninghe van leengoede, niet.

 

Ontfanc van bastaerdengoede binnen der voorseider.

De bailliu calengierde in Ysendike ambocht tfierendeel van 1 quaden cootkine, quade nette, 3 potte, 3 pannen, die bleven naer de doot van Jan Raparde, bastaert, vercocht Wouter Bernaerd, Jacob Baselin ende Pieter Dapper, boven schulden ende utinghen, om 7 ℔.

b. De bailliu calengierde tgoed dat bleven es achter Margriete Kannes bastaerde, doot in Ysendike ambocht, dats te wetene 3 bedden, 2 poffette, 1 banc,

2 stoele ende 1 coe, ende andre prondelinghe, vercocht Jan Kanne, haren man, mitsdat hi blijft in de scult, om 12 ℔.

a. De bailliu calengierde onder Christiaen Thollin van sculden, die hi sculdich was Hannekin f. Jans, bastaert, ghestorven in Ysendike ambocht, 8 ℔ 8 s.

Item, de bailliu calengierde 18 ℔ parisis, gheassignert up een ghemete lants, lettel min of meer, licghende in Ysendike ambocht, dat toebehoorde Hannekin Everbout, f. Matthijs, doot, ende derof ontfaen te Mijns heeren bouf, 18 ℔.

De bailliu calengierde tgoed dat bleven es achter Pieter den Brabanter, bastaert, doot in Ardenboch ambocht, dats te wetene 200 scove, onder coren ende vitsen, 1 bedde, 1 ℔ grooten in ghereeden ghelde, vercocht Wouter Maes, boven sculden ende utinghen, om 24 ℔.

De bailliu calengierde 1 quaet husekin, 1 bedde ende 3 harincnette, toebehorende Zoetin van den Moere, bastaerde, doot in Ardenborch ambocht, vercocht Clais f. Pieter, boven sculden ende utinghen, om 12 ℔.

De bailliu calengierde onder Grillis Willems zone scult die hi sculdich was Jan Bloc, f. Marien, bastaert, zinen broeder, ghestorven in Caedsant, die liep 7 ℔ 4 s.

De bailliu calengierde onder de vooghden van den kindren Jan Roberts, van sculden die sij sculdich waren Heinric Willems zone, bastaert, doot tSente Pieters up den Dijc, int ambocht van Meetkerke, 6 ℔.

De bailliu calengierde tgoed bleven achter Jan Riquart, ghestoorven buten Brucghe in de prochie van Coolkerke, in eene jeghenode, die men heet de Panne, dats te wetene 5 bedden, 7 steenen vlas, 4

scrine, 4 stoele, 1 pladin nap, 2 hoet taerwen, 2 parde, 2 taffle met 2 scraghen, 1 hoet lijnzaets, 1 groot hop meeden, 3 ketele, 1 mettalin vierendeelmate, 1 schuere met hoye, vitse ende stro, 6 coyen, 2 versen, 6 ghemeten lants, lettel min of meer, vercocht sinen wive, boven sculden ende utinghen, om 120 ℔(1).

Somme, 94 ℔ 12 s.(2)

Somme van drien vierscarnen van den Vryen, diversen aventuren, zeedreften, bastaerden ende 10 penninghe van leengoede, 782 ℔ 7 s.

 

Ontfaen in de stede van Dixmude, bi Cornelis van der Beke, rewaert in de name van Minen gheduchten heere van Vlaendren, van boeten, van calaengen boven 3 ℔, daerof Mijnheere heeft de 2 deel, ende de borchgrave terde:

Boeten van 3 ℔, niet.

 

Boeten van 10 ℔, niet.

 

Boeten van 11 ½ ℔.

Eerst, van Hannin de Bleeker, slouch metter vuust Claikin den Onghereeden, also men zeide, ter herden, pais van Mijns heeren deel om 5 ℔.

Boeten van 60 ℔.

Pauwelin Bazelis, ghecalengiert dat hi ghesleghen soude hebben met ere haecx Hannekin Meyngote bi daghe, also men zeide, pais van Mijns heeren 2 deelen om 12 ℔.

Claikin dOnghereede, ghecalengiert dat hi soude hebben ghetrocken een mes in evele ende in felheden up Hannin den Bleeker, also men zeide, pais ende ontfaen van Mijns heeren 2 deel, 5 ℔.

Willem Mus, ghecalengiert dat hi ghetrocken soude hebben een mes up Hannekin Meyngote bi daghe in felheden, also men zeide, pais van dier calaenge ende ontfaen van Mijns heeren 2 deel, 8 ℔.

Jan Kiekin, ghecalengiert dat hi ghegleghen sonde hebben met ere pede, bi daghe, also men zeide, Lauwers van den Hove, pais ende ontfaen van dier calaenge van Mijns heeren 2 deele, 20 ℔.

Boeten van twee waerf 60 ℔, niet.

Calaengen van boeten van 2 waerf 60 ℔, niet

 

Van messeliken calaengen.

 

Gillekin Grijshoofd, ghecalengiert dat hi ghenomen soude hebben tOudenborch in dabdie, daer hi wonende was, eenen froc, 1 caproen ende 2 cousen, also men hem antiënde was, ommedat men hem qualike betaelde, pais van dier calaenge, ter bede van goeden lieden, om 20 ℔.

Mattheeus de Coster, van der Sluus, ghecalengiert dat hi ghenomen soude hebben Claikin Boudrete 1 maille ende 16 groeten in clenen ghelde, in zijn dronckenscip, daerot hi sanderdaechs quam, als hi nuchtren was, ende maecte sinen pais jeghen den vorseiden Claikin, bi consente van den Heere ende bi brieve van den goedelieden van der Sluus, orcondende dat 1 goet knecht was; ghecomposeert ter bede ende ter goeder relacie van dien van der Sluus, Mijns heeren tweedeel, om 12 ℔.

Lijsebette Masschels, ghecalengiert dat soe ghestolen soude hebben bi nachte te Clais Colaerds, daer zoe diende, 6 stoop wijns of 7, uten kelnare svorseids Clais, twelke zoe beterde jeghen Claise vorseit, pais van dier calaenge, van Mijns heeren 2 deel, ter bede van goede lieden, om 6 ℔.

Gillis Pinin, ghecalengiert dat hi hant slouch an tgoed Lisebetten Pinins, ziere moeyen, bin der

tijd dat Mijn gheducht heere uten lande was, ende vercocht 4 scilden, dwelke hi loghende ende daernaer bevonden was ter goeder waerheit, pais derof, van Mijns heeren 2 deel, om 20 ℔.

Van Maergrieten, Clais Maders wive, die haerzelven verdranc van vreesen van den Bortoenen, also men zeide, als Mijn gheducht heere int land quam, van 2 bedden ghestoffeert, 2 scrinen, 2 lisen, 1 scaprade, 2 tafelen, 12 sticx tens, onder scotelen ende saussieren, 2 tenin stope, 3 vierendele, 1 mottalin pot, 1 panne, 1 groot ketel, 1 mantel, 1 faille, 1 froc, 2 rocx, 2 caproenen, deen ghecnopt met amausen, een waerdecors met 1 belle; vercocht ende ontfaen van Mijns heeren tweedeel van der heltscede, boven costen ende sculden, 12 ℔.

 

Van stragiers goede, daerof Mijnhere heeft dene helt ende de burchgrave van Dixmude dandere:

Vonden eene velle ende een halve velle voeders, daer men niement vand diet calengierde noch hand deran slouch, vercocht Mijns heeren deel, ende ontfaen 4 ℔ 12 s.

 

Ontfaen van bastaerden.

 

Hannin van Steeland, muelnare, bastaerd, doot van 1 erdinen camere, staende up cheinsland, van 2 bedden, 2 scrinen, 2 mottalin potte, 1 panne, 2 tenin stope, 1 tenin flassce, 6 tenin scotelen, 4 saucieren, 1 quade faille, 1 ydel mantel, 2 rox ende 1 froc, stoelen, banken ende ander clene huushallame; ontfaen van Mijns heeren 2 deel, boven sculden ende utinghen, 6 ℔.

Van den goede van Wouter Gabriele, bastard, doot: van 1 erdinen huse up chensland, 4 bedden ghestoffert, 2 scrinen, 2 lisen, 2 lijscleedere, 1 faille, 1 mantel, 1 waerdecors ghevoedert met 1 velle, 1 froc

ghevoedert met 1 velle, 2 rox, 2 caproene, deen ghecnopt met bellen, een odelijc dobbelclocke, 2 ketels, 2 potte, 1 panne, 3 tenin vierendelen, 2 tenin stope, 8 tenin scuetelen, 6 sausieren, 1 flassce, rijse faseele, tuerve, banke, stocle, ende andre diverse huushallame; ontfaen de 2 deel te Mijns heeren bouf, van der heltscede, 28 ℔.

Van Thierin Paesselin, bastard, doot: 2 quade bedde ghestoffert, 1 scrine, 1 lijs, 2 scraghen, 1 tafele, 1 tenin stoop, 2 tenin vierendelen, 6 stic tens, onder scotelen ende sausieren, 1 mottalin pot, 1 panne, 1 clocke, 2 wambuse, 1 ketel, terdendeel van 1 erdinen camere staende up chensland, 1 ghetau, stoele, banken, rijshoud, tuerve ende ander huushallame; ontfaen de 2 deel, boven costen ende sculden, 9 ℔.

Van den goede van Lisebetten sKeizers, bastarde, doot: 1 quaet bedde gestoffert, 1 quaet scrinekin, 1 froc, 2 quade rox, 1 cuers, 2 quade caproene, 1 tafle, 2 scraghen, 1 staelyser, een tanghe; ontfaen van den 2 deelen te Mijns heeren bouf, 4 ℔.

Somme in Dixmude, 171 ℔. 12 s.

 

Ontfaen in de baillie van den Houdschen bi den bailliu, Franse den Hamer:

Van Jan Mulaerd, ghecalengiert dat hi den vianden Mins gheduchts heeren van Vlaenderen enighe soustenance ghedaen zoude hebben, also men zeide; ende, omdat ment niet clarlike bevinden coenste, so liet de bailliu pais derof maken, ter bede van goeden lieden, om 56 ℔.

Somme, 56 ℔.

 

Ontfaen in de baillie van Ziesseele.

Lamsin Broume, ghecalengiert dat hi eenen waghen ghenomen soude hebben up Beverhoutvelt, als

daer ghestoffijert was, die sine niet was, pais van dier calainge ende ontfaen te Mins heeren bouf, 60 ℔.

Somme, 60 ℔.

 

Ontfaen bi den bailliu van Blankenberghe.

Jan, f. Jans Elux, die men heet Schijt in de zee, ghecalengiert omdat hi twiste met enen stocke sonder yser up Loy den Man, pais, omdat hi een arm cnape was ende dat gheviel in de muetetijd, om 4 ℔.

Margriete Goossins, ghecalengiert ende ghevanghen van achterstellen van der stede goede, ende omdat zoe ghinc uten Steene sonder orlof van den bailliu ende consent van der stede, so was pais ghemaect ter beide van Mijnheere van Halewine, om 4 ℔.

Hannin Gast, ghevloon van dat hi berucht es al Blankenberghe duere, dat hij weynschte dat hi Minen heere van Vlaendren dootghesteken hadde, biddende Gode dat Oudenarde verzinken moeste ende al datter in ware, want het Vlaendren noch bederven soude; mits welken gheruchte de bailliu slouch hand an zijn goed, hem gheleede ghevende van allen zaken, sonder van dien, ende van desen een besouc te ghenietene bi Mijns heeren lieden, dewelke hi niet ghenieten durste; doe liet de bailliu zijn goed verdinghen, dat hi hadde binnen der Kuere van Blankenberghe, mitsdat zoe blijft in allen sculden hem altoos staende in calaenge van den faite, om 24 ℔.

Willem Eesseman, die men heet Van den Berghe, van Breda, ghecalengiert van dat hi zoude wijn ghetapt hebben in de muetetijd, dien Pietren den Smet ghenomen was van enen, hiet Braikin, diere omme ghejusticiert was; ende, ommedat men wel bevand bi enen bezouke, ghehort bi den bailliu ende scouteten van Brucghe, dat Willem vorseid den wijn

niet hilp halen te Pieters huus, so lietene de bailliu composeren, bi rade van den bailliu van Brueghe ende ter beide van de scouteten van Brueghe, om 24 ℔.

Alaerd f. Diederic, ghecalengiert van dat hi twiste ende 1 mes trac up Hannin Maes, danof pais was van partien; ende, omdat 1 arm man was ende hij dede up zijn verweren, so lietene de bailliu composeren om 8 ℔.

Zeedrefte.

Van 1 merswine anbrocht te Blankenberghe, ende vercocht Mins heeren deel bi Jan Heinrix, 42 s.

Somme van Blankenberghe, 66 ℔. 2 s.

 

Ontfanghen in de baillie van Oosthende, bi Clais Stac, bailliu.

Van Jan, f. Jans sProofst, ghecalengiert van twistene ende 1 mes te treckene up Pieroot den Wale, dwelke hi dede up zijn verweren; ende, omdat hi een arem cnape was ende dandre so quaet 1 cnecht es, so lietene de bailliu verdinghen om 6 ℔.

Hannekin Paerboom, ghecalengiert van dat hi, 2 waerf of 3, reed metten rewaerd van Oosthende; ende, omdat hi noyt met hem meer reed ende niet resident met hem wuende, ende ooc noyt en was met hem daer hi was jeghen Minen heere noch jeghen sine vriende, so lietene de bailliu composeren, omdat 1 aerm jonc knecht es, om 20 ℔.

Aernekin de Smet, ghevloon bin Oosthende, omdat hi diende met Willem Zuchte, die een stic rewaerd was tOudenborch, in de muete bi Lippin van Aertevelde tiden; ende, omdat de bailliu wel bevand ende hi noyt met hem reed noch ledich ghinc, noch ghenerande dienst dede dan sine scape wachte ende met sinen parden ghinc, so lietene de

bailliu composeren, omdat 1 aerm jonc knecht es ende niet en heeft, pais, ter bede van goede lieden, om 12 ℔.

 

Van bastaerdegoede.

Boudin de Bloc, bastaerd, doot: achter hem bleef de helt van enen husekin ende van 1 line lands, ende sine cateilen achter huze, dewelke de bailliu versach ende deid prisen, vercocht ende liet oflossen, mitsdat men Mijnheere quiten soude van allen laste ende sculden, om 60 ℔.

 

Ontfaen van zedreften binnen der vorseider stede daerof de visschers, diet anbringhen, hebben de helt.

Erst, Pieter Gorlinc vinc 1 brun visch, dewelke vercocht was 4 ℔ 16 s., lopt Mijns heeren deel 48 s.

Item, vercocht Wouter Jacobs, 1 boots anker, die ghevischt es, om 24 s., lopt Mijns heeren deel 12 s.

Item, Heinric Crusenet vinc 1 brun visch, vercocht 4 ℔ 8 s., comd Mijns heeren deel 44 s.

Wouter Woesteland brochte an tland 1 anker toebehorende Jan den Ghuuter, ende, ommedat de cnape zijn anker kende ende sine marc deran stoet, so dede hem de bailliu gracie, mitsdat hi bi node van wedere moeste laten staen, ende ontfinker of 4 ℔.

Somme van Oosthende, 107 ℔ 4 s.

 

Somme van der baillie van Blankenberghe ende ende van Oosthende, 173 ℔ 6 s.

 

Ontfaen in de baillie van Oudenborch, bi Dancarde van Straten.

Boeten van 3 ℔, niet.

Boete van 10 ℔. } niet
Calaengen van boeten van 11 ½ ℔. } niet
Boeten van 60 ℔. } niet
Calaengen van boeten van 60 ℔. } niet

Jan Rompot, bastart, doed: verkocht tgoed dat naer hem bleef bi 1 prisighe, ende daerof ontfaen 11 ℔.

Item, ghecalengiert tgoed dat bleef achter Reynier den Coc, die ghejusticiert was te Dixmude, contrarie jeghen Minen heere, danof was ontfaen van 1 stixkin lakens vonden tOudenborch, 9 ℔.

Somme, 20 ℔.

 

Ontfaen in de baillie van Ghistele.

Boete van 10 ℔. } niet.
Boeten van 11 ½ ℔. } niet.
Boeten van 60 ℔. } niet.
Calaenge van boete van 60 ℔. } niet.

Van Grielen Gasts, bastaerde, doot: van den kateilen die nar haer bleven, boven schulden ende utinghen, 15 ℔.

 

Somme, 15 ℔.

 

Somme van den smalen steden Dixmude, Outschen, Ziessele, Blankenberghe, Oosthende, Oudemborch ende Ghistele, 495 ℔. 18 s.

 

Somme van al den Vryen, diversen aventuren, zeedreften, 10 d. van leengoede ende smalen steden, 1278 ℔. 5 s.

 

Ontfaen bi Gillis Spierint, scoutheten.

Eerst, boeten van twiste van 60 ℔, daer Min here van Vlaendren of sculdich es te hebbene 51 ℔, partyen 6 ℔, ende de stede 3 ℔, niet.

Boeten van twiste van 11 ½ ℔, daer Minhere van Vlaendren of sculdich es te hebbene 7 ℔, partyen 3 ℔, ende de stede 30 s., niet.

Boeten van twiste van 3 ℔, daer Minhere van Vlaendren of sculdich es te hebbene 40 s., partyen 15 s., ende de stede 5 s., niet.

Boeten van onredeliker claghe van 60 ℔, daer de boete of es 6 ℔., Minhere van Vlaendren dene helt, partyen ende de stede dander helt, niet.

Boeten van crachten van 6 ℔, daer Minhere van Vlaendren of sculdich es te hebbene dene helt, partyen dander helt, niet.

Somme, niet.

 

Calaengen van huis twiste van manslachte.

Willem de Wreede, Jan de Wreede, ghecalengiert van dat zij brochten van den levendelive ter doot enen Jan f. Pieters, uute Zeelant, bin der tijt dat wij uutewaren, also men seide, ende daer ghene partye achtervolghenden den vorseiden personen, pays ghemaect, ter bede van goeden lieden, omme 60 ℔.

 

Calaengen van twiste van 60 ℔, de boete te gane alsoot vorseit es.

Hannekin Boeye, contrà Andries de Leu, 12 ℔.

Willem Slove, contrà Pietere Joris, 36 ℔.

Jan van der Buerse, contrà Jan de Drieghere, 12 ℔.

Jan Santin, here Simoens Rijms cnape, contrà Amele van den Berghe, 20 ℔.

Gheraerd de Rode, contrà den clerc in de Wandelinghe, 8 ℔.

Heyne van Herentals, contrà Jan Parijsijs, dictus Pennaert.

Jacob van Poesele, contrà Jan Wisse, 14 ℔.

Pieter f. Hughen, contrà Pieter Weyte, 12 ℔.

Jan Muereel, 1 Vrylaet, contrà Hannin de Zamere, 30 ℔.

Lotin van Denremonde, contrà Matkin Outcorens, 20 ℔. 8 s.

Hubeert Hubijn, de taesscheslare, contrà Huwelijn de taeschemakere, 8 ℔.

Jan Ghy, contrà Stasin Wouters, 18 ℔,

Clays Telleboene, contrà Jan van der Moere, 12 ℔.

 

Calaengen van twiste van 11 ½ ℔, de boete te gane alsoot voorseit es.

Anthonis Dryapand, de lombaerd, contrà Barbele sMeesters, 6 ℔.

Dierwijf Duerf, contrà Barbele Jans, 4 ℔. 14 s.

Jan, f. Weytins sGraven, contrà Jans, f. Jans Wevers, 5 ℔.

Jacob Valke, contrà Ghine Cokermoes 4 ℔.

Gillis de Mey, contrà Ingelsche Griele, 6 ℔.

 

Calaengen van twiste van 3 ℔, de boete te gane alsoot vorseit es.

Pieter Aghedoren, contrà Bernaert Querdele, 3 ℔.

Johannes de Clerc van Sinte Niclaus Sestendeel, contrà Diederic Bruninc, 40 s.

Rijke Reingheer, contrà Godevaert, 1 smedecnape, 3 ℔.

Heyne Cootz, contrà Coppin Nonnekin 3 ℔.

Coppin Gheraertz, contrà Moenin Simoen, 3 ℔.

Somme, 350 ℔. 2 s.

 

Calaengen van diversen aventuren.

Jan van der Mere } ghecalengiert van dat zij sbaillius goed van Waes aneverden ter
Joris van der Mere } ghecalengiert van dat zij sbaillius goed van Waes aneverden ter
Willem de Groote } ghecalengiert van dat zij sbaillius goed van Waes aneverden ter

tijt, als te Brucghe verloren was, ende was bevon-

den in haerleder huus, pays daerof ghemaect, ter bede van goeden lieden, omme 72 ℔.

Jan Aloutz, dictus van Cloetinghen, ghecalengiert van dat hi een eerlijc areest tebrouken soude hebben, also men te Brucghe neghene wet ne doet; pays ghemaect, ter bede van goede lieden,omme 12 ℔.

Heinric Lam, de waermouzijer, ghecalengiert ommedat hi hemselven tlijf nam, ende verdranc in de veste van Brucghe, ommedat Lijsbette, sijn wijf, haer meshuserde met enen andren man, daeromme dattene de scoutheeten wilde doen justicijeren an enen boom, ende sijn goed ghearesteert; pays daerof ghemaect, ter bede van goede lieden, omme 30 ℔.

Gillis, Diedericx sGraven cnape, ghecalengiert ommedat hi woorden gheseit soude hebben contrarie Minhere ende der Stede, also men seide; pays daerof ghemaect, ter bede van goeden lieden, omme 18 ℔.

Boudin Weylaert, van den Vryen, ghecalengiert van dat hi cam bin der stede van Brucghe, alst verloren was, omme te sine een vry wevere te Brucghe daenof hi gaf 12 scilde van sinen ambachte, daeran dat Lippin de loddere deelde, dewelke Boudin ghejusticijert was, ontfaen van hem 48 ℔.

Kathelijne sRijken, ghecalengiert van dat zoe ballinc ghesijn soude hebben, omme twelke zoe in den Steen ghedaen was, ende men niet ne conste ghevinden van haren banne, also tpappier van den banne onghereet was; pays ghemaect van harer teliveranche omme 36 ℔.

Marie Hytincx, ghecalengiert van dat haer man gherooft soude hebben ende ghestolen Mins sheren goed ende juweelen van perlen ende andere juweelen, dewelke rumede uuter stede van Brucghe, omme twelke de vorseide Marie daerof in den Steen ghe-

daen was, ende men vant neghene juweelen over hare, noch in haer huus; pays ghemaect van harer teliveranche omme 30 ℔.

De vrauwe Cas, ghecalengiert van denselven, pays ghemaect omme 30 ℔.

Beatrijsse, Jans wijf van der Biest, stemmermans, ghecalengiert van dat zoe soude hebben goed in haer huus ghehouden, dat toebehoorde den here Boudinne den Vos; pays daerof ghemaect, ter bede van goeden lieden, omme 18 ℔.

Jan de Blaeuwere, f. Jans, de jonghe, ghecalengiert dat hi hadde onder hem 4 pieters, dewelke toebehoorden Willem f. Jans, 1 vleeschauwere van Dordrecht, dewelke ghejusticijert was te Brucghe contrarie Minhere, ontfaen 8 ℔.

Andries Bigoot, ghecalengiert van dat hi ser Jan Walkiers coren ghevoert soude hebben van den velde in der lieder husen ten bevelne van Lippin den loddere; pays daerof ghemaect, ter bede van goede lieden, omme 18 ℔.

Griele sBaerdmakers, ghecalengiert van dat zoe goed ghehouden soude hebben te haren bouf, ende haerselven derof berecht sonder consent van den Here, omme twelke zoe in den Steen ghedaen was; pays ghemaect van harer teliveranche, ter bede van goeden lieden, 6 ℔.

Pieter van den Steene, dictus Pieter Vuyde, ghecalengiert dat hi der heren visschen ende der lieder goed, selvere ende andere dinc ghestolen ende ghesmolten; pays derof ghemaect, ter bede van goeden lieden, omme 40 ℔.

Gillis van den Vachte, ghecalengiert van dat hi onder hem hadde 8 lakene toebehorende Jacob Heylboute, van Dixmude, dewelke Jacob gherumt es ende ghevloen in Middelbuerch, contrarie Min-

here, daenof dat de vorseide Gillis zom van dien ghelde sende in Middelbuerch den vorseiden Jacobpe, also men seide, ende daeromme dat hi in den Steen ghedaen was; pays ghemaect van ziere telveranche omme 120 ℔.

Hannin de Pottere, ghecalengiert van dat hi liep te Greveninghe, als Minhere tlant ghewonnen hadde, met eenen brieve dien hi brochte van Greveninghe an de Stede van Brucghe, als omme te telivereerne de serjanten die daer laghen, omme twelke hi in den Steen ghedaen was; pays ghemaect van ziere teliveranche omme 6 ℔.

Jan de Vrieze, 1 mersenijer, ghecalengiert van dat hi merse ghehouden soude hebben, twelke dat hem niet toebehorde; pays ghemaect, ter bede van goeden lieden, omme 6 ℔.

Martin Ferrant, 1 vulre, ghecalengiert van dat hi eenen caproen ghedreghen soude hebben van den deken van den cleinen neringhen van Ghent in der muetetijt, omme twelcke hi in den Steen ghedaen was; pays ghemaect, ter bede van goeden lieden, omme 18 ℔.

Pieter van Asebrouc ende Marie, sijn wijf, ghecalengiert van dat zij hadden ligghende goed ten grooten lombarden, twelke verloren was, zodat zij derovere ander goed aneverden, twelke dat hemleden niet toe ne behorde, ende daenof zij pays maecten jeghen de lombarden, daeromme dat zij beede in den Steen ghedaen waren; pays ghemaect van harleder teliveranche, ter bede van goede lieden, omme 18 ℔.

Willem de Wert, 1 backere van Brucghe, ghecalengiert van der tijt alst te Brucghe verloren was, so ontfinc hi in sijn huus sinen broedere, dewelke jeghen hem ghecocht soude hebben ghestolen goed,

dat gheroeft soude sijn, den Here toebehorende; pays derof ghemaect, ter bede van goeden lieden, omme 12 ℔.

Griele van Moerkerke, ghecalengiert van dat zoe ghinc ten grooten lombarden, dewelke calengierde ene selverinne rieme, die niet hare ne was, omme twelke zoe in den Steen ghedaen was; pays omme 10 ℔.

Item, ghecalengiert tambacht van den cordewaniers, van dat zij calengierden 4 parden toebehorende Pieterkins van den Dorne, sHeren cnape van der Sluus; pays ghemaect van diere calaenge omme 24 ℔.

Item, ontfaen van der rente van Boudin den Smet, 1 wevere van Brucghe, van 2 paijementen van erveliker ceinse, als van eenen huse staende in de Vulrestrate tusschen Jans van den Eede, of eene zijde, ende Jan van Oestkerke, de sceppere, of ander zijde, ontfaen derof 18 s.

Herman Minghelin, de wijntappere, ghecalengiert van dat hi onder hem ghehouden soude hebben goed, twelke dat hem niet toe en behorde, ende daenof hemselven here ghemaect; pays ghemaect van ziere teliveranche omme 40 ℔.

Katheline Volkerts, de houtbrekigghe, ghecalengiert van dat zoe onderhalf stal int Vleeschuus verhuerde, binnen Lippins tijden van Hartevelde, daeran dat zoe gheen recht en hadde, omme twelke zoe ghevaen was ende in den Steen ghedaen; pays ghemaect van harer teliveranche omme 300 ℔.

Jan Spanneboghe, ghecalengiert dat hi een cleet vant up tkercof Sijn-Gillis, twelke cleet toebehoorde Mervrauwen van Blaerfsvelt, also men seide, ende raepte de vorseide Jan tvorseide cleet up, omme twelke hi in den Steen ghedaen was; pays ghemaect van ziere teliveranche omme 12 ℔.

Clays de Bouvere, ghecalengiert ommedat hi ghealijert soude hebben met eenen Jan van Aere, enen capitain contrarie Minhere, omme twelke hi in den Steen ghedaen was; pays ghemaect van ziere teliveranche omme 6 ℔.

Item, ghecalengiert 8 corenmeters, ommedat zij ontfinghen ghelt, de weuke van eenen haerleder gheselle, die sinen dienst niet ne dede, sonder den Here te kennene te ghevene, omme twelke zij in den Steen ghedaen waren; pays ghemaect van haerleder teliveranche omme 20 ℔.

Gillis Pancouke, de mersenijer, ghecalengiert van dat hi worden gheseit soude hebben, die contrarie Minen heere ghesijn souden hebben, also men seide, omme twelke hi in den Steen ghedaen was; pays ghemaect van ziere teliveranche omme 12 ℔.

Katheline Tantz, 1 zweverswijf, ghecalengiert van den maenre here Matheeus van den Scathille, dewelke Katheline in den Steen ghedaen was; ontfaen van den vorseiden maenre, twelke dat hi van hare ontfanghen hadde, ende dat hem niet toe ne behorde, omme 18 ℔.

Jan Walghe, scipman, ghecalengiert van dat hi met sinen scepe soude hebben ghecommen zelende up 1 cogghescip, daer lieden uute bedorven, twelke bi sinen sculden toeghecommen soude hebben, also men seide; pays ghemaect van der mesdaet, mithsdat men niet claerlijke bevinden mochte dat bi sinen sculden toequam, ende het in Brabant gheviel, omme 40 ℔.

Pieter Roege, ghecalengiert van dat onder hem vonden was 2 ℔ groten, dewelke toebehorde Janne Mergaerde, dictus Cnollekin, van der Vischmaerct, dewelke ghejusticijert was, contrarie Minhere, ontfaen daerof 12 ℔.

Pieter van den Bongaerde, van Mosscheroen, ghecalengiert van dat hi der heren molne ghehouden soude hebben contrarie hemleden bin der tijt dat Minhere uute moeste wesen, omme twelke hi ghevanghen was; pays ghemaect van ziere teliveranche omme 90 ℔.

Joos de Clerc, ghecalengiert van dat hi hem sere meshuserde in de muetetijt, also men seide, omme twelke hi in den Steen ghedaen was; pays ghemaect van ziere teliveranche omme 24 ℔.

Joncvrauwe Celie, Daneels wijf van Poperinghe, ghecalengiert van dat zoe te Ghent ghinc sonder consent ende orlof van den capitain noch bailliu ende scoutheten, omme twelke zoe in den Steen ghedaen was; pays ghemaect van harer teliveranche, ter bede van goede lieden, omme 120 ℔.

Alard Mentin, de jonghe, 1 wevere, ghecalengiert van eenen gheruchte, dat hi nu in de Paesschedaghe brieve ghedreghen soude hebben an Pieter van den Bussche, contrarie Minhere, omme twelke hi in den Steen ghedaen was, sodat men gheene waerhede derof ne conste gheweten; omme twelke ic hebbene ghelaten verborghen met goede souffissante lieden, altoos den vorseiden Alard weder in te bringhene, up eene mijse van goede, updat hi hierof bevonden worde; pays ghemaect omme 48 ℔.

Zoetin sCarpers, ghecalengiert van dat zoe sculdich was eenen Lauwers Boele, lijfcoucbackere van Ghent, viant Mins sheren van Vlaendren, dewelke scult ic te mi waertz ghetrocken hebbe als over verbuert, ontfaen derof 8 ℔. 8 s.

Jan f. Henricx, ghecalengiert van dat hi te Ghent zoude hebben gheploghen te gane contrarie Mijnhere, daeromme dat hi ghevanghen was ende in den Steen ghedaen; pays ghemaect van ziere teli-

veranche, mithsdat ment niet claerlijke up hem bevinden ne mochte, omme 7 ℔ 4 s.

Willem Rijkeman, ghecalengiert alsdat hi soude hebben ghesijn Pieters Winters scharwettere, omme twelke hi in den Steen ghedaen was; ende men conste niet bevinden dat hi eenich upsettere gheweist hadde, contrarie Minhere, anders danne datter emmere een wesen moeste uute dien ambachte, twelke hem viel bi lote; pays ghemaect van ziere teliveranche omme 120 ℔.

Item, ontfaen van ser Jans Walkiers cnape, dewelke vremdeman was ende starf bastart, van den goedekinne dat achter hem bleven es, 6 ℔.

Heyne van der Cruse, ghecalengiert goedekin dat naer hem bleven es, dewelke vremdeman was ende start bastart, twelke goedekin ic in de name van Minen gheduchten here hebt ofghelaten losen der wedewe van Henricke vorseit, mithsdat zoe blijft in tlast van der scult ende van der uutinghe, ontfaen derof 24 ℔.

Clays Martins, 1 wevere van Ypre, ghecalengiert ommedat hi vlo ende rumede uuter stede van Ypre, ende quam in Brucghe ten tijden als tpas te Comene ghewonnen was, daeromme hi in den Steen ghedaen was; pays ghemaect van ziere teliveranche, miths brieven die die van Ypre senden, orcondende dat 1 goed cnape ware, ende dat hi daer ghecomposeert hadde jeghen Minhere van der heltschede van sinen goede, als van verbuerten van dat hi trac uute sinen ghiselscepe; ontfaen van hem 144 ℔.

Item, Cateline van Nevele, de waermoesvercopigghe, ghecalengiert van dat onder hare vonden was een schaertere, die toebehorde Jan de Coc, de Rode, dewelke vremdeman was ende bastart, so dat 1 capellaen van Sinte Jacobs broehte den scout-

heten den vorseiden schaertere in handen, daeromme de vorseide Katheline ghevaen was, ommedat zoe ne selve niet ne brochte; pays ghemaect van harer teliveranche omme 4 ℔. 16 s.

Roeger van den Walle, van Molenbeke, ghecalengiert van dat hi metten capitain van Curtrike, in tijden van mueten, den tiendenpenninc ghegadert soude hebben van denghonen die met Minheere uute waren; pays van ziere meshusance, ter bede van goeden lieden, omme 100 ℔.

Willem van Bijsteert, ghecalengiert dat hi in tijden van mueten ghecocht soude hebben tienden ende ander goed, dat toebehoorde den heeren met Minhere vuutzijnde jeghen den capitain van Ghent; pays van ziere meshusance, ter bede van goede lieden, omme 72 ℔.

De joncvrauwe sVrientz, ghecalengiert van dat zoe goed loochende, dat toebehoorde Pieters Winters wive; pays derof ghemaect, ter bede van goeden lieden, omme 240 ℔.

Hannekin de Vlaendonc, ghecalengiert van dat hi Boudin Willaertz wive, swevers, soude hebben gheholpen nemen, hem twalefstere, vuut harer buerse 5 ℔ grooten, ten tijden dat de stede den coninc upghegheven was, daerof dat hi hadde tsinen deele enen ouden scilt; pays ghemaect van der mesdaet, ter bede van goeden lieden, omme 12 ℔.

Item, ontfaen van ghelde dat Raessette toebehoorde 18 ℔.

Clays Pontstrate, ghecalengiert van dat hi vor Oudenarde de baniere van Dentergheem ghedreghen soude hebben, contrarie Minhere, daeromme dat hi ghevaen was ende in den Steen ghedaen; pays ghemaect, mithsdat men niet claerlijke up hem bevinden en mochte, omme 36 ℔.

Een man ende sijn wijf, ghecalengiert van dat zij in haer huus ghehouden hadden enen man van sculden, ende hemselven here ghemaect; pays van haerleder mesdaet omme 12 ℔.

Maes, f. Jans Roelmoetz, ghecalengiert ende ghevanghen van dat hi een wijf begoten soude hebben met dranke, in felheden; pays van ziere teliveranche omme 10 ℔.

Gheraerd van der Roede, ghecalengiert van dat hi een vierendeel ende een achtendeel van eenen huus, Minen here toebehorende bi der doot van enen man ghejusticijert, beseten heift ende derin ghewoent sonder orlof van den Here, twelke huus staet an sConincx brucghe, ten Cordewaghene; pays ghemaect van ziere mesdaet omme 40 ℔.

Item, ontfaen van denselven te Mins sheren bouf, van der huushuere, 18 ℔.

Jan Clinke, ghecalengiert goedekin dat naer hem bleven es, dewelke vremdeman was ende bastart, twelke goedekin ic in de name van Mineu gheduchten here hebt ofghelaten losen der wedewen van Janne vorseit, mithsdat zoe bliven sal in tlast van der scult ende van der uutinghe, omme 12 ℔.

France de Clocluudere, van dat hi in Oudenarde ghescat was ende met ziere scattinghe ontghinc ende quam te Brucghe, ontfaen van hem 12 ℔.

Venant Verkin, ghecalengiert van dat hi sinen rom ghehouden sonde hebben, dat hi te Rosebeke was, contrarie Minhere; pays derof ghemaect, mithsdat ment niet claerlijke bevinden mochte dat hiere gheweist hadde, omme 40 ℔.

Boudin Ritsschaert, ghecalengiert van dat hem een coopman goed ghegheven soude hebben te voerne te sekren steden, twelke hi niet ne voerde daert hem bevolen was, omme twelke hi ghevanghen was ende

in den Steen ghedaen; pays van ziere teliveranche omme 6 ℔.

Marie, f. Jans van der Lanterne, ghecalengiert van dat zoe een gordel ghehaelt soude hebben ten Lombarden, dat hare niet ne was, daeromme dat zoe ghevaen was ende in den Steen ghedaen; pays van harer teliveranche, ter bede van goeden lieden, omme 24 ℔.

Jan Cappaerd, ghecalengiert ende ghevanghen van mueten, also men seide; pays van ziere teliveranche omme 144 ℔.

Olivier Clamerin, muelnare, ghecalengiert van dat hi ghesleghen soude hebben met enen candelare Heinric Herentalz, muelnare, in felheden; pays derof ghemaect omme 18 ℔.

Willem van Steelant, ghecalengiert dat hi ende sin joncwijf goed gheaneverd soude hebben in tijden van mueten, dat hare niet en was; pays derof ghemaect, ter bede van goeden lieden, omme 48 ℔.

Aghate, uxor Ghiselin Oliviers, ghecalengiert goedekin dat naer haer bleef, dewelke vremdewijf was ende bastart, van denwelken goede ic hebt ofghelaten losen in de name van Minhere omme 18 ℔.

Diederic van den Pitte, ghecalengiert dat hi een part, dat Lippins slodders was, gheaneverd soude hebben ende wechghegheven sconincx serjant, twelke part ic calengierde te Mins sheren bouf, ende hebbe den vorseiden Diederic derof ghelaten composeren omme 100 vranken, valent 187 ℔ 10 s.

Clays Juedemare, ghecalengiert dat hi goed gheaneverd soude hebben over huushuere, ende hemselven here derof ghemaect; pays omme 18 ℔.

De voghede van Lauwers sCocx stiefkindere, ghecalengiert van dat zij gheaneverd souden hebben ter

kinder bouf, sonder orlof van den Here, goed dat ghemeene lach met Lauwerse den Coc, die doot bleef te Rosebeke; pays van haerleder meshusance, ter bede van goeden lieden, omme 36 ℔.

Willem van den Berghe, van Haeltere, ghecalengiert dat hi plach te Ghent te ghane ende hemleden te soustineerne contrarie Minhere, daeromme dat hi ghevaen was; pays van ziere teliveranche omme 54 ℔.

Lauwers Bossinc, ghecalengiert goedekin dat hachter hem bleven es, dewelke vremdeman was ende bastart, twelke goedekin ic hebt ofghelaten losen der weduwe van Lauwerse vorseit in de name van Minen gheduchten here, mithsdat zoe sal bliven in tlast van der scult ende van den uutinghe, omme 12 ℔.

Jan Raven, scipman, ghecalengiert van dat hi in tijden van mueten plach te vaerne ende te keerne met sinen scepe, daermede dat hi sostineerde Mins sheren vianden met goede dat hi overbrochte, omme twelke hi ende sin scip ghearesteert was; pays van der teliveranche omme 24 ℔.

Daneel Berech, van Maldigheem, ghecalengiert van dat hi berucht was dat hi, in tijden van mueten, bin Lippin slodders tijden, soude hebben ghedaen vaen, omme de doot van eenen kinde van Janne Spieringhe, van Maldigheem, daeromme dat hi ghevanghen was ende in den Steen ghedaen; pays ghemaect van ziere teliveranche omme 40 ℔.

Jan Ghildolf, ballinc uuten lande van Vlaendren bi der Wet van Brucghe, ghecalengiert dat hi, binnen tijden van mueten, binnen Brucghe ghecommen soude hebben, sinen banne ghedurende, daeran dat hi sijn goed verbuert heift; pays derof ghemaect omme 100 ℔.

Pieter Wils, ghecalengiert dat hi, bin tijden van

mueten, ghecocht soude hebben lood ende tin; pays derof ghemaect, ter bede van goeden lieden, mitzdat up hem niet gheprouft ne stond, omme 12 ℔.

Lauwerkin de Vos, ghecalengiert dat hi 1 mes ghetrocken soude hebben up Kerstiaen den Coc; pays omme 6 ℔.

Jan Goederijc, ghecalengiert van dat hi, in tijden van mueten, goed ghecocht soude hebben, Mins sheren vrienden toebehorende, also men seide; pays omme 24 ℔.

Jacob de Witte, de scarslijpere, ghecalengiert van dat hi, in der muetetijt, ghewisselt soude hebben sine scalen omme ser Rijquaertz van der Berst scalen, die daer ghevlucht waren, also men seide, omme twelke hi in den Steen ghedaen was; pays ghemaect van ziere teliveranche omme 72 ℔.

Pieter Adoerne, ghecalengiert van dat hi 1 mes trac up Pietren den Speghelmakere; pays derof ghemaect omme 30 ℔.

Diederic Pappaert, ghecalengiert van dat hi berucht soude wesen ende bedreghen in de poortersneringhe, also men seide, alsdat hi quaet soude hebben ghesijn in der muetetijt, daenof ic hebbene ghelaten composeren miths goede bortucht, die ic derof ontfaen hebbe, den vorseiden Diederic altoos vor oghen te bringhene, updatz noot ware, bi goede cnapen; pays omme 40 ℔.

Pieter Goedtijt, ghecalengiert dat hi een scarwettere gheweist hadde in der muetetijt, contrarie Minheere, also men seide; twelke men niet claerlijke bevinden ne mochte, ende daenof ic goeden souffissanten sekre hebbe van goeden lieden, den vorseiden Pietren altoos vor oghen te bringhene, updatz noot es; pays ghemaect, ter bede van goeden lieden, omme 60 ℔.

Somme, 3252 ℔ 16 s.

Dit sin deghone die tapten in de Brucghemarct van den jare 82, daenof van den eersten kelnare es 3 ℔, ende van den andren 20 s. ende behoort al Minhere toe.

Eerst, Jan van der Eesinne, in den Roden hout, 3 ℔.

Item, van der joncvrauwe ten Bochoute, 3 ℔.

Pieter Bulz cnape, ten Drien moneken, 3 ℔.

Willem Tsjockeel, in Cuelne, 3 ℔.

Iman, ten Drien terninghen, 3 ℔.

Lauwers de Coninc, ter Spinnette, 3 ℔.

Willem f. Jans, ter Belle, 3 ℔.

Heinric van Bonnen, ten Selvere, 3 ℔.

Symoen Leeus wedewe, in de stove an de plaetssche Mambeert, 3 ℔.

De joncvrauwe sBaerbiers, in de corte Vlamincstrate, 3 ℔.

De sotte Gheerkin, vor tNazaret. 3 ℔.

Michiel Bataelge, in Potshooft, 3 ℔.

De joncvrauwe die woent ten Paerdekinne, 3 ℔.

Roeger de Grave, over de Vlamincbrucghe, 3 ℔.

Jan de Vos, in den Vacht, 3 ℔.

Herman Minghelin, ter Munte, 3 ℔.

Anthonis, 1 Lombaerd, in tHol, 3 ℔.

Jan Craes, in de Scoude, 3 ℔,

 

Dit sijn de voorhoofde van den moste daernaer volghende van denselven jare, daenof dat elc voorhooft es 3 ℔, ende behcort al Minhere toe.

Jacob van den Berghe, over Sinte Marie brucghe, 3 ℔.

Heinric van der Borne, vor Slijpen, 3 ℔.

Jan van der Heyde, 1 Oesterlinc, vor de Haghe, 3 ℔.

Brune Seyaert, 1 Oesterlinc, vor Dinant, 3 ℔.

Conincxhof, 1 Oesterlinc, vor den Grooten zwane, 3 ℔.

Item, vor de Crane, 3 ℔.

Jan Craes, vor den Paeu, 3 ℔.

Jan Steylin, 1 wijntappere, vor Winendale, 3 ℔.

Lodewijc, in Cranebuerch, 3 ℔.

Lauwers de Coninc, ter Spinnette, 3 ℔.

De vrauwe die woent in den Olifant, in de Steenstrate, vor den Grant, 3 ℔.

De wedewe Spierincx, an sCaermers brucghe, 3 ℔.

I man van der Sluus, vor den Kersboom, an de oude Molnebrucghe, 3 ℔.

De joncvrauwe van Bochout, in Bochout, 3 ℔.

Jan Huerel, vor den Vijfhouc, 3 ℔.

Inghel de Bottelgier, de wijntappere, vor de Wissele, 3 ℔.

Item, vor de Naelde, an tSant, 3 ℔.

Somme, 105 ℔.

 

Boeten van cueren, daer Minhere van Vlaendren of sculdich es te hebbene de 2 deele ende de Stede tdarde: niet.

Boeten van denghonen, die vremt bier ghebrocht hebben binnen der stede in Oesterschen tonnen over Oesterbier, daenof de boete es 50 ℔: niet.

Van wine te tappene boven der cuere, de boete 50 ℔: niet.

Van wine te tappene sonder baniere ende openduere, de boete 50 ℔: niet.

Van te verzittene van enen vate vor enen andren eer dat uute was tote up 1 sestere, de boete 50 ℔: niet.

Van caberetten, die meer wijns halen danne 4 stoop te gadere, de boete 10 ℔: niet.

Van taverniers, die miede ende aelsoene ghegheven hebben in caberetten omme haren wijn te haelne, de boete 10 ℔: niet.

Boeten van denghonen die leenen boven 2 d. tpond, de boete 50 ℔: niet.

Boeten van denghonen die makelaerdie ghedaen hebben ende ghene makelaers sijn, daenof de boete es 50 ℔, daer Minhere van Vlaendren of sculdich es te hebbene tdarde, de Stede tdarde, de deken ende hoofman van den makelaers tdarde: niet.

Man die met andren wive huus ende hof houdt danne met sinen ghetrauweden wive, de boete 10 ℔, daer Minhere van Vlaendren of sculdich es te hebbene 2 deele ende de Stede tdarde: niet.

Wive die met andren man huus ende hof houdt danne met haren ghetrauweden man, de boete 10 ℔: niet.

Boeten van deken ende van vinders, daer Minhere van Vlaendren of sculdich es te hebbene tdarde, de deken ende vinders tdarde: niet.

Somme: niet.

Somme van al Scoutheeten ontfanghe, 3707 ℔ 18 s.

Somme van al des baillius ende scouthetens ontfanghe: 4986 ℔ 3 s.

 

Uutgheven bi den bailliu van Brucghe binnen der vorseider tijd.

Eerst, van sbaillius wedden, 80 ℔.

Item, den clerc van der vierscare, van zinen wedden van 1 jare, 20 ℔.

Item, over zine cleederen van 1 jare, 25 ℔.

Item, den dunherder, van zinen wedden, 3 ℔ 6 s. 8 d.

Item, den dienstman, van sinen wedden, niet.

Item, Mijnheren capellaen te Brucghe, van den terminen van sente Jans messe ende medewintere laetst verleden, alsoet blijct bi sinen letteren van acquit, 15 ℔.

Item, den capellaen van Sinte Bazelis, om was, 26 s.

Item, den scoelkindren van Sinte Donaes, 5 s.

Somme van desen wedden, 144 ℔ 17 s. 8 d.

 

Uutghegheven bi den rewart van Dixmude.

Van den costen Jan Heinrix, van Dunkerke, van dat hi was ghejustichijert, mitsdat hi verlijede dat in een gheloop hi slouch Minen here den borchgrave van Vuerne; van costen van der justicie, 4 ℔.

Item, van dat Jan de Vriese ghelet was te Ricele met 3 knapen, ten beveilne van Minen here, 3 daghen onderweghe zijnde, omdat hi qualike gaen mochte, te costen ghedaen, 52 s.

Jan ver Grielen sone, van Ghent, omdat hi alomme medeghesijn heeft contrarie Minen heere, ghejustichijert, te coste 4 ℔.

Item, Pieterkin Aernouds, van Ghent, dierghelike ghejustichijert, te coste 4 ℔.

Item, Hannekin de Mets, ute Vuerneambacht, ghejustichijert, omdat hi halp dootslaen Hannekin den Corenlozen, ende ooc alomme contrarie ghesijn heeft Minen heere, te coste 4 ℔.

Item, Pieter Ghers, van Roesselare, ghejusticihijrt van meuten, te coste 4 ℔.

Item, Jan van der Linde, van Thoroud, ghejustichijert van meuten, te coste 4 ℔.

Item, Coenraed van den Houte, ghejustichijert van gheliken, 4 ℔.

Belikin Bouseel, van Colscamp, omdat zoe ten 3 stonden botre ende caes drouch binnen Ghend, om hemleden soustenance te doene, te coste ghedaen van haren hoire of te snidene, 40 s.

Somme, 32 ℔ 12 s.

Uutgheven van der baillie van Blankenberghe ende Oosthende.

Hannin van Thoroud, ghejusticijert te Blankenberghe metter galghe, van dieften, coste, metdat hi 2 waerf ghepijnt was, 4 ℔ 16 s.

Pieroot de Wale, ghejusticijert metten zwerde ende metten rade, coste 5 ℔ 8 s.

Item, enen bode die 9 vaerden liep van Blankenberghe-te-Brughe met mosselen te Mijns heren bouf in de Vastene, van elker vaert 5 s., loopt 45 s.

Item, so quam 1 scip tOosthende van ute Vrieselant, den 12ste dach van April, gheladen met 32 paerden, een osse, met vleken, met botren, met rocghen ende met andere goede, dwelke scip an Vlaendrenzide ghevanghen was van den Normannen ende ghevoert banderzide Calais; daer quamen dInghelsche so machtich dat zij tscip den Normans derute vloen, ende zom van den sciplieden, ende leedem vor hem ghevanghen de meester van den scepe ende zom de coplieden; sodatter an tscip nemmeer bleef, den scepe toebehorende, dan 1 scipman, 2 pagen, 2 oude coopliede ende 1 cnape met hem, ende waren al gherooft, ende was weder in desen pointe van den Inghelsche ghejaecht tote Oosthende; dwelke scip ende tgoed de bailliu arresterde te Mijns heeren bouf ende te elcx rechte, ende mannende tscip met meester ende scipman van Oestende, ende zeilder mede, om tbehout van den scepe ende van den goede, an de caye van Lombardien, ende dede daer de paerde updoen ende tgoed ende scip wel verwaren; daer verteert de liede ende de paerde ter maeltijd, 8 ℔.

Item, so reet de bailliu staphans van Damme te Rissele, om te wetene Mijns heeren wille van den paerden, goede ende scepe; daer was hem be-

volen bi Mijns heeren rade, de paerde Minen heere te bringhene ende tgoet te bescrivene, ende tscipt (sic) te legghene ende tgoed, daer wel verwaert ware te elx mans rechte; ute 3 daghe, verteert 3 ℔ 12 s.

Item, so voeren de paerde maendaechs havonts tOestende, ende waren daer tot svrindachs nuchtens, verteerde de liede ende paerde te Riquard Jan f. Willem, gherekent bi den cooplieden ende bi haren werd van den Damme, 34 ℔.

Item, tOestende vanden paerden te doen beslane, 3 ℔ 12 d.

Item, svridachs nuchtins, om timbijt van den cnechten die de paerden achterwaerden, 12 s.

Item, savonts te Dixmude verteert met haren werd van den Damme, 9 ℔ 4 s.

Item, sanderdachs ter maeltijd tYpre verteert, met beslane, 6 ℔ 7 s.

Item, van costen van den bailliu van der tijd dat hi van den cooplieden schiet tote hij weder thuus quam, dat was 4 daghe, loopt 6 ℔.

Item, ghegheven, ten beveilne van Gillis van der Biest ende van Reynier Kempen, 4 cnechten van Oesthende, 4 vranke, valent 7 ℔ 10 s.

Somme, 90 ℔ 15 s.

 

Date bi den bailliu vanden Outschen.

Gherolf van den Ecke, ghejustichijert, die lyede dat hij zijn haerscat ute Mijns heeren littiere, ende zeide: ‘Hier plach de Grave sijn hoeft ute te stekene’, 20 s.

Gillis de Decker, ghejustichijert, die meende de littiere van Beverhoutsvelt tote Ghend, ende daer dede hi van den lakenen caproene maken ter feeste van zier zuster, daer zoe huwede, 20 s.

Clays Smeits wijf, ten Dale ghedolven ten beveilne van Mijns heeren brieven, dewelke 6 jaer ghebannen was, coste van der justichie 3 ℔.

Somme, 5 ℔.

Somme van al sbaillius uutghevene, 273 ℔. 4 s. 8 d.

 

Uuteghegeven bi Gillis Spierinc, scoutheten, van den costen die ghedaen sijn an de Love bin deser tijt dat wij uutewaren, dat Gillis Hawe mithsgaders sine medepleghers dede breken an de vanghenesse bachten ende an tvorscide huus.

Eerst, Jacob van Biervliet, temmerman, van dat hi wrochte an tvorseide huus 5 daghen, te 10 s. sdaechs, comt 50 s.

Item, van eenen cnape, die den vorseiden Jacoppe halp halen de stoffe, ende den tun scone te makene, ende de steendere te gaderne, van 4 daghen, te 4 s. sdaechs, comt 16 s.

Item, van eenen schedelhoute, 8 s.

Item, van 6 tienvouthoute, 15 s.

Item, van 4 sparhouten, 12 s.

Item, van 2 Rijnssche wijnvaren, daermede de vorseide tun gheloken was, 20 s.

Item, van 10 paer gheclovenre barderen, die an tvorseide werc ghedaen waren, 32 s.

Item, van al dese vorseide stoffe te bringhene in de Love, 3 s.

Item, ghenomen up de Reye, up Steenhauwersdijc, eere wese toebehorende, 2 groote planken ende 1 groot stic houtz, coste 3 ℔.

Item, ghegheven Willem Snauwaerde, die tpraijel halp maken in de Love, ten bevelne van Minhere den Souvrain ende andere, van 3 daghen, te 6 grooten sdaechs, comt 18 s.

Item, ghegheven van naghelen, sloten ende leden, yserinne banden, crammen, ende andere yserinwerc, dat an de vorseide Love ende vanghenesse ghewrocht ende ghemaect was, 4 ℔. 10 s.

Item, so rekent de scoutheeten van den ghevanghenen, die hi heift ghemoeten houden in de Love, die daer brocht hebben ghesijn ter menigher stont, bi daghe ende bi nachte, bi Minhere den Souvrain, den bailliu van Brucghe, de bailliu van den Houtsschen, ende van den berijders van buten ende van binnen, ende die ten poorten ghestaen hebben, van haerleder costen van eetene ende van drinkene, ende vele moeijenessen dat menre mede ghehadt heift, mithsdat men se niet houden ne mochte in den Steen, omme alle manieren van diveersen lieden diere toeghinghen ende scolierden ende examinerden daervoren, eerre de Here enighe kennessen voren of ghecrighen conste, twelke niet behoorlijc gheweist hadde dat men se daer ghelaten soude hebben, dewelke sijn sichtent gejusticijert; daenof hi rekent van haren costen, miths lumiere ende andere diversen costen, 66 ℔, 10 s.

Somme, 82 ℔ 14 s.

 

Uuteghegheven van den pensioene van den termine van 13 daghe nu laest verleden.

Eerst, den clerc van der vierscare, 5 ℔.

Item, amman ende wetscepenen, 3 ℔.

Item, de pape van der galghe, 40 s.

Item, de Backere, de hanghedief, 4 ℔.

Item, ghegheven den vorseiden hanghedief eenen froc van ziere Brucghemaerct, 3 ℔.

Item, omme te ghebiedene de vorseide Brucghemaerct, 5 s.

Item, te costen ghedaen van justicijen, niet; de bailliu van Brucghe rekenet selve.

Somme, 17 ℔, 5 s.

 

Somme van al scoutheten uutghevene, 99 ℔ 19 s.

 

Somme van al den beeden uutghevene, 373 ℔ 3 s. 8 d.

Ende dontfanc draeght, 4986 ℔ 3 s.

Aldus blijft hi sculdich, 4612 ℔ 19 s. 4 d.

 

Op den rug: Compte Guillame Slijp, bailliu de Bruges, fait à Lille le 4o jour de May, l'an 1383.

 

Rol-Rekening nr 1293.

Brugge.
B. 1383-1384 (4 Mei-2 Maart).

Rekeninghe Willems Slijps, baillius van Brucghe, van den lande van den Vryen ende van dat daertoe behoort, van ontfanghene ende uteghevene van der voorseider baillie, beghinnende den 4on dach in Meye int jaer 1383, ende gheduerende toten andren van Maerte, int zelve jaer daernaervolghende. Ghedaen te Rijssele ten vorseiden daghe(1).

 

Date van den bailliu van Brucghe binnen der vorseider tijt.

Eerst, van sbaillius wedden binnen den termine van deser rekeninghen, te 240 ℔ sjaers, loopt 204 ℔.

Item, den clerc van der vierscare, van sinen wedden, 6 ℔ 13 s. 4 d.

Item, van noch 1 termine, 6 ℔ 13 s. 4 d.

Item, den vorseiden clerc, van sinen cleedren, van 2 terminen, 24 ℔.

Item, den dunherder, van sinen wedden, van 2 terminen, telken 3 ℔ 6 s. 8 d., loopt 6 ℔ 13 s. 4 d.

Item, den dienstman, van sinen wedden, 4 ℔ 13 s.

Item, Mins heeren capellaen te Brucghe, van 2 terminen, sinte Jans messe ende medewinter, telken 7 ℔ 10 s., loopt 15 ℔.

Item, den capellaen van Sinte Baselis, van wasse 26 s.

Item, den scoolmeester van Sinte Donaes, 5 s.

Somme van desen wedden, 269 ℔ 4 s.

Item(1), betaelt Jhanen van der Sausserien, ten beveilne van Mins gheduchts heren brieven, 164 ℔ 14 s.

Item, van 69 ghemete merschen te Male te doen mayene ende up te winnene, tghemet 24 s., loopt 82 ℔ 16 s.

Item, den capellanen van Sinte Baselis van 4 voeder hoys, die zij jaerlijx hebben up Mins heren mersche te Male, van elken voeder 30 s., loopt 6 ℔.

Item, betaelt.. van eenen paerde jeghen hem ghecocht, dat Mijnhere dede gheven Willemin den messagier, also blijct bi sinen brieven, 19 franke, valent 35 ℔ 3 s. 6 d.

Item, ghegheven Herman den Coninc den 20on dach van Ouste bi beveilne van Mins heren brieven, also blijct bi sinen lettren van quitancen, 24 ℔.

Item(2), ghegheven Janne van Widebrouc, valkenere, die te Brucghe langhe ziec lach, in hofsceden, ten beveilne van Minen here, ter relacie van den Moelnere, 8 ℔.

Item, dierghelike van costen ghedaen in zine herberghe, 12 ℔.

Item, sinen meester diene ghenas, 12 ℔.

Item, den costen ghedaen bi Minen heere den Hase, den bailliu van den Watre ende den bailliu

van Brucghe: Int eerste 100 ende 6 serjanten ghesend int slot van Biervliet, ghepurret den 10en dach van October, elken van 17 daghen, te 6 grooten sdaechs; ende van desen serjanten waren de 23 scotters, ende hadden elc 7 grooten sdaechs, loopt al 47 ℔ 2 d. grooten; derof de bailliu van Brucghe betaelde de helt ende de bailliu van den Watre dander, comt up den bailliu 23 ℔ 10 s. 1 d. grooten, valent in parisise 282 ℔ 12 d.(1)

Item(2), over de coste van den bailliu van Brucghe, den vijfsten dach van October ghereden ter Sluus met 16 paerden, mitsdat men zeide dat de viande utewaren ende soude hebben ghereden met Minen heere den Haze ende metten bailliu van den Watre te Biervliet, om tsloot te visiterne; doe bleef hi snavents ter Sluus bi Minen heere den Haze, mits der mare van den viande, ende snachts was hi omboden van dien van Brucghe, ende keerde weder te Brucghe; ende daernaer, den 12en dach van October, trac de bailliu ter Sluus, ende van daer met Minen here den Haze ende de bailliu van den Watre te Biervliet, om tvorseide slot te visiterne ende over te ziene tghebrec; bleven daer 2 nachte met 73 paerden, want zij sterc moesten riden om de viande, die utewaren; ende noch, over de coste van denselven Minen here den Haze, den bailliu van den Watre ende mi terselver stede, om tvorseide sloot te visiterne ende tghebrec van den capitainen, ende avis te hebbene up de soustenance van den serjanten, ute met 63 paerden, eenen nach; vertert tallen desen voiagen, 246 ℔ 2 s. parisis, derof

de bailliu betaelt heeft deene helt ende de bailliu van den Watre dander, comt sbaillius deel 123 ℔ 12 d.(1).

Item, betaelt ten beveilne van Minen heere, bi sinen brieven, den capitainen van Biervliet, om dbehoud ende verwaernesse van sinen slote, om daermede te betaelne de serjante licghende int tvorseide slot, alsoot clarlike blijct bi haren lettren van quitancen, die de bailliu overgheft, lopen 2493 ℔ 16 s. Hierjeghen heeft hi ontfaen van dien van den Oost-Vryen, van der pointinghe ghepoint om tvorseide slot: Eerst, van Ysendike ambocht, 559 ℔; item, van Oostborch ambocht, 172 ℔; item, van Ardenborch ambocht, 547 ℔ 4 s.; item, van Moerkerke ambocht, 280 ℔ 8 s; Somme van den ontfanghe, 1558 ℔ 12 s. parisis; dus heeft de bailliu meer uteghegheven dan outfaen van desen, 935 ℔ 4 s.

Item, ghegheven van 1 tersel ende 1 blaetkine ghevaen up Mins heren lecghen, 5 ℔.

Item, betaelt den Backer, van 53 justicien, daerof de namen ende toenamen bescriven staen up den ric, 56 ℔ 10 s.

Item, ten beveilne van Minen here, van also blijct bi den brieve, Mer Robbrecht Maerscalx om 3 buckelsche lakene, te Mins gheduchts heren serourse bouf, elc 10 ℔ 16 s.; item, van cleenen costen 26 s., loopt 33 ℔.

Item, van costen ghedaen bi Minen here den Haze, ten beveilne van Minen heere, om de visitacie van der stede van Damme, 11 ℔.(2).

Item, Maes de Ketelare, ghejusticijert metten zwerde tYsendike, die ghevoert was ter Sluus voor Mijnheere den capitain, wederbrocht tYsendike, van costen van al, 7 ℔ 11 s.

Item, eenen valkenere ghegheven in hofsceden, ten beveilne van Mins heren brieven, 8 ℔ 16 s.

Item, Wouter Maes, alsoot biljct bi Mijns heren lettren, van paerden, van netten ende andere diverse costen, 25 ℔ 2 s.

Item, Lammin van der Molen, ghesend tSinte Omaers, metter informacie van Juffroit Lommelin, utezijnde 8 daghe, up den tijt dat Minhere, daer God de ziele of hebben moete, cranc lach, ute 6 daghe, vertert 6 ℔.

Item, de bailliu ghesend, ten beveilne van den Maerscalc van Bourgongne ende van den here van Sempi, te Dixmude bi nachte, met 31 paerden, om 1 vrede te nemene tusschen Mer Montefr. van Eessine ende Mer Bonden de Crane, vertert 7 ℔ 10 s.

Item, Franse den Brauwer, ghesend tSinte Omaers ten beveilne van Mins heeren Rade, als Mijnheere lach in zijn uterste, metter informacie van Jacop Daens ende Arnoud den Wilden, ute 8 daghe met 1 huerpaerde, mitsdat hem bevolen was daer te blivene, vertert 9 ℔ 12 s.

Item, den hanghman, ghesend van Brucghe te Dixmude, om Sanders te justicierne, van costen, van maste ende wiele, 3 ℔.

Somme,... (sic).

 

Date bi den Reward van Dixmude.

Eerst(1), van 8 coen, die ghecocht waren te Dixmude ende ghedreven tSinte Omaers, ten beveilne van Minen heere, te zinen pourveancen bouf, van den eersten cope ende van costen van drivene, 99 ℔ 16 s.

Item, van costen om tweed, bovenverclaerst, te vercopene tSinte Omaers, ende tYppre te ridene, ende van lijfcope, 7 ℔.

Item, Masekin Boort, van der Berst, ghejusticijert, contrarie Minen heere, van der justicie, 4 ℔.

Somme,... (sic).

 

Date van der baillie van Blankeberghe ende Oostende.

Jan Bollaert, ghejusticijert van dieften ende contrarie, etc.,

Coppin Robin, ghejusticijert van rove ende dieften,

Pieter Bouden, f.J. Pieters, omdat hi dootstac binnen statuten Pieter van den Zande,

Heine de Beste ghejusticijert, van mueten, te costen van desen, 15 ℔ 12 s.

Somme, 1643 ℔ 18 s. 6 d.(1)

Somme van al sbaillius uteghevene, 1913 ℔ 9 s. 6 d.(2).

 

Vuuteghegheven van den costen, die de vorseide scoutheten ghedaen heift binnen den vorseiden termin ghedurende.

Eerst, ghegheven van 2 vederieren te makene an de camere van der offissie, boven ende beneden, die die van Ghent braken in de muetetijt, als zij te Brucghe quamen, 3 ℔ 8 s.

Item(3), ghegheven omme ene nieuwe cricke, ommedat men waende dat men cortz ghedinct soude hebben, dewelke coste 6 ℔.

Item, ghegheven Joos den Cuelnare, scrinewerkere, van enen contoire, staende in de vorseide camere mithsgaders 4 banken, der offissie toebehorende, 6 ℔.

Item, ghegheven den smet, die de slote maecte an vorseide contoir in tween steden, ende an de camere, boven ende beneden, van der offissie, 4 ℔.

Item, ghegheven van sloten te makene, ten tijden als de vorseide scoutheten quam in de Love te wonene, die hi een ghedeel vant tebroken ende sere onghereet, ende van 2 groote sloten ende 2 crammen te makene an den tuin bachten, ende slot van der grooter poorte voren of te doene ende weder an te settene, coste al 12 ℔.

Item, ghegheven 2 cnapen, die paveerden de zale boven up de Love ende vermaecte den hert, daenof de 2 cnapen hadden elc 8 grooten sdaechs, van 7 daghen, comt 5 ℔ 12 s.

Item, van haren cnape, die hemleden diende 7 daghen, te 4 s. daechs, comt 28 s.

Item, van haren costen ghedaen met monde van den vorseiden 3 cnapen, van den vorseiden 7 daghen, elc 6 s. sdaechs, comt 18 s., maect 6 ℔ 6 s.

Item, ghesent Michiel Basijn an Minhere, ten tijden als hi lach te Atrecht, met 2 ghuldinne lakene also de brief verclaerst, die Min gheduchte here gheliefde te sendene an sinen scoutheten ende Jan de Brune, ende met vele niemaren, daermede hi ghelast was van den bailliu ende van den scoutheten, te wetene wat men doen soude van den ghiselen die altemet uute Ghent quamen, of men se in sloten ontfanghen soude, ende van vele andre pointen, daermede hi ooc ghelast was van den scoutheten, van enighe pointen die die van Brucghe abuseeirden, daeromme Minhere bevalne te blivene, ende seide dat hi sinen scoutheten ondboden hadde omme met hem

te sprekene ende metter Wet, die daer was; daerof de vorseide Michiel uutewas 18 daghen, met enen cnape ende met 2 paerden, te 24 grooten sdaechs, ghedaen van costen van sinen monde ende van sinen paerden, mithsgaders sinen cnape, comt 21 ℔ 12 s.

Item(1), so rekent de vorseide scoutheten van costen van den personen, die in de Love brocht hebben ghesijn, die men niet in den Steen leeden ne wilde, die buten ghevanghen waren ende binnen, omme de redene dat niet behoorlijc ne ware dattere elker mallic toegaen soude, eerdat men se examineirde ende dat se scoutheten moeste houden eer hiere cortinghe of conste ghecrighen, ghelijke de namen verclaersen in een cedulkin, twelke dat de scoutheten hier overgheift, comt 26 ℔ 12 s.

Somme,... (sic).

 

Vuuteghegheven van pensioene van 2 terminen, nu laest verleden, datz te wetene van der heligher crucen daghe in Septembre ende van 13 daghe daernaervolghende.

Eerst, den clerc van der vierscare, 10 ℔.

Item, amman ende wetscepenen, 6 ℔.

Item, de pape van der galghe, 4 ℔.

Item, den Backere, den hanghedief(2), 8 ℔.

Item, ghegheven den vorseiden Backere van costen van justicijen ghedaen, daer de namen of bescreven sijn an dander zijde 34 ℔ 15 s.(3)

Somme, 587 ℔ 15 s.

Somme van al den vuutghevene vorseit.

2500 ℔ 17 s. 6 d.(1)

Et le recepte monte, 7247 ℔ 4 s.

Ensi appert qu'il doivent, 4746 ℔ 6 s. 6 d.

Ensi appert qu'il doit à tout ses escouthates et soubs-baillius, 369 ℔ 7 s. 6 d.(2)

De ce avoit il payét à Jehan de Namur pour pluisseurs parties de draps achatées pour Monsigneur, sicomme par 1 cédulle des maistres d'ostel appert, 613 ℔ 17 s. 6 d.

Demeure qu'il doivent, 4132 ℔ 9 s.(3).

 

Op den rug: Justiche ghedaen bin der stede van Brugghe bi Maes van Sconeveld, scoutheten.

Eerst, Boudin de Dobbelare, gheslept

Pieter Warrin, van der Sluus, Andries Trabels, famuli France Ackermans, } cum wiele.
Pieter Lieve, van der Goude, } cum wiele.
Roeland Verdeboud, temmerman, van der Nieuwerpoort, } cum wiele.
Pieter Garre, scoenmakere, van der Nieuwerpoort, } cum zwerde.
Coppin Stasin, van der Nieuwerpoort. } cum zwerde.
Thomaes Stratins   } beede Inghelsche } cum zwerde.
Robin Agry,   } beede Inghelsche } cum zwerde.
Jan Kerstaens, dictus Lonis, wevere, van Brucghe, } cum zwerde.
Jacob f. Coolz, stroydeckere ende scepene van der Nieuwerpoort, } cum zwerde.
Maes Heppin, } cum zwerde.

Lamsin Maes, }cum zwerde.
Paselin Reynoud, }cum zwerde.
Arnoud Gheerkins, }cum zwerde.
Pieter van den Riede, }cum zwerde.
Paselin Gheerkins, van Santvoorde, }cum zwerde.
Jan van Atrecht, Pieters pape van den Bussche, }cum zwerde.
Clais van der Elst, van Langhemaerc. }cum zwerde.
Diederic Snouc, }cum zwerde.
Jooskin Stalpaert, Pieters Winters page, }cum zwerde.
Pieter van der Praet, } cum wiele, bi wette.
Hannin van den Berghe, } cum wiele, bi wette.
Pieter Bueydeman, } cum wiele, bi wette.
Hannin Vranke,  
Clays f. Eeveraerdz, cum galghe.  

 

Justicien per bailliu.

Gillis Botsaert. Hannekin Haghelin.
Pieterkin Everboud. Jacop Ghijs.
Coppin de Corenlose. Pieter Calf.
Pieter Storem. Pieter Scampe.
Pieter de Ghelre. Jacop Kiekin.
Biec Kilman. Andries van Nieukerke.
Quentin f. Pauwels. Jacop Convent.
Willekin Everaerd. Jan de Mast.
2 Inghelschen. Willekin Brand.
Wouter de Walsche. Hannin Maes.
Hannekin Wouter Arnouts. Willecoc Brec.
Hannekin Paresijs. Clais Wouter Colin.
Sente Roedolf. Jan Kiexkin.
Dankaert f. Domaes. Heyne Feynaert.
Hannekin Balde. Hannin van Ghiseghem.
Hannekin Martin. Andries Reynaud.

Coppin Valke. Danin van den Voorde.
Pieter de Kerstine. Raes de Coninc.
Fierin van Gommaringhen. Hannin de Moenc.
Aristoteles van Lo. Gillekin de Hofsche.
Hannin van Lauwe. Coppin Zwanke.
Pieter Quaetbeke. Jan Bargaingne.
Heyne van Berghen. Pieter f. Jans.
Arnout de Cordewanier. Jan de Duutsche.
Boudaert de Smet. Heine van den Werve.
Jan van der Leye. Sanders f. Daens.
Ruebin de Smit.  

 

Compte Willames Slijp, bailli de Bruges, fait à Lille te 2e jour de Mars, l'an -83.

 

Rol-Rekening, nr 1296.

Brugge(1).
C. 1384. (2 Maart-19 September).

Date van den bailliu van Brucghe binnen den vorseiden tijt.

 

Eerst, van sbaillius wedden binnen den termine van deser rekeninghe, 121 ℔ 6 s. 8 d

Item, den clerc van der vierscare, van sinen wedden, 6 ℔ 13 s. 4 d.

Item, den vorseiden clerc, van sinen cleederen, 12 ℔.

Item, den dunheerdre, van sinen wedden, 3 ℔ 6 s. 8 d.

Item, den dienstman, van sinen wedden, van 4 ℔ 13 s. parisis sjaers, niet, te deser rekeninghe, want tpaiement valt Dertiendaghe.

Item, Mijns heeren cappellaen te Brucghe, van zier capelnie, van den termine van sinte Jans messe, 7 ℔ 10 s.

Ende es te wetene dat tander paiement valt van alsovelen te medewinter.

Item, den cappellaen van Sinte Baselis, van wasse.

Item, den scoolmeester van Sinte Donaes.

Somme van desen wedden, 150 ℔ 16 s. 8 d.

 

Item, om de coste ghedaen te Biervliet, om de monstre tontfane van Minen heere den Hase, van 20 glavien onder hem licghende te Biervliet, ten beveilne van den tresorier bi den bailliu van Brucghe verteert, 9 ℔ 15 s.

Item, Gheerkin le Brauwer(1), den 15en dach van Aprijl, ten beveilne van Mer Colaert van den Clite ende Minen heere den deken van Sinte Donaes van Brucghe, te Rijssele an Minen gheduchten heere om zekeren zaken verteert, 3 daghen utezijnde, 3 ℔ 12 s.

Item, om coste ghedaen te Biervliet bi den bailliu van den Oudschen, den l6sten dach van Aprijl, om den monstre te nemene van den saudonijers, van 2 daghe, verteert 3 ℔ 8 s.

Item, een bode ghesend tSinte Omaers ten beveilne van den Maerscalc ende Mer Olivier van Jussy metten niemaren dat Mijns gheduchts heeren vrienden ende goewillicghe de stede van Oudenaerde ghewonnen hadden tsinen bouf, 4 ℔.

Item, Zegher de Hertoghe, ghesend ten beveilne van den vorseiden Maerscalc ende van Mer Oliviere, mettenselven niemaren van Oudenaerde, 12 ℔.

Item, Franse de Brauwere, ghesend te Parijs bi den beveilne van den Maerscalc van Bourgogne, den 24en dach van Meye, ute 9 daghe, verteert, alsoot blijct bij sinen lettren van quitanche, 22 ℔ 4 s.

Item, Claikin de Moelnare, ghesend te Parijs den 28en dach van Meye an Minen gheduchten heere, mits zekeren maren van Inghelant ende 1 lettre in latine, besloten in eene andere, ute 11 daghe met 1 huerpaerde, verteert 19 ℔ 8 s.

Item, Stierkin, ghesent den 14en dach van Wedemaent ter Sluus, ten beveilne van den Maerscalc, 12 s.

Item, Gheerkin de Brauwere, ghesend den 12en dach van Wedemaent te Rijssele an Mijns gheduchts heeren Raed, om discoord van den eslic van der Abdie van Vuerne, ute 3 daghe met 1 huerpaerde, verteert 4 ℔ 3 s.

Item, Gheerkin vorseit, ghesend te Rijssele den 20en dach van Wedemaent an Mijns gheduchts heeren Raed, om te laten blikene de dachvaert van Oost-Eclo bij Mer Symoene van Brugdam ende dien van Ghent, ute 3 daghe met 1 huerpaerde, verteert 58 s.

Item, ghesend eenen agustin te Middelborch om te verheesschene zekere maren van den Inghelschen, den 20en dach van Wedemaend, hem ghegheven 3 ℔ 8 s.

Item, den Backere, van 16 justicien ghedaen, daerof de namen staen up den ricghe van deser rekeninghe, 22 ℔ 16 s.

Item, Gheerkin de Brauwere, ghesend te Rijssle an Mijns gheduchts heeren Raed met den niemaren van den Spijen ende van den Keyser ende van den Inghelschen, ute 3 daghe met eenen huerpaerde, verteert 3 ℔ 2 s.

Item, van den costen van den bailliu, ghesend te Biervliet den 12en dach van Hoymaend, ten beveilne van den Maerscalc, om tontfane den monstre van den lieden van wapenen daer licghende, ute 2 daghe, verteert 7 ℔ 18 s.

Item, den bailliu van den Outschen, ghesend

te Biervliet den 22en dach van Hoymaent, om tontfane de revue van Mijns sheeren sHasen lieden, verteert 4 ℔ 4 s.

Item, Claikin de Moelnare, ghesent te Minen heere den 20en dach van Hoymaend te Parijs metten niemaren van Mer Raes van Hersele, die te Ghent dootghesleghen was, ute 7 daghe met eenen huerpaerde, verteert 11 ℔ 8 s.

Item, dezelve te Camerike, ende van danen Minen heere volghende tAtrecht, metten niemaren van Doinse ende van der vlote van Deurp-Mude ende Plain-Mude, ute 7 daghe met eenen huerpaerde. verteert 11 ℔.

Item, om coste ghedaen bi den bailliu ende 7 manne van leene, ghesend den 27en dach van Hoymaent te Namen, ten beveilne van Minen gheduchten heere, alsoot blijct bi sinen commissien, ute 11 daghe met 18 paerden, daerof 9 heurpaerden, te 8 groeten elc huerpaert sdaechs, om de ontervenessen van den grave van Namen van der stede van der Sluus, daerin hi ervede Mer Willem van Namen, sinen oudsten zone, verteert 180 ℔ 17 s.(1)

Item, betaelt Martin den Clerc, Jan Christiaen, doude, ende Janne, zine zone, van te lecghene te voghelen up Mijns heeren lecghen, elken 5 ℔ 12 s., loopt 16 ℔ 16 s.

Item, Gheerkin de Brouwere, ghesend te Buenen den 28en dach van Hoymaent an Minen gheduchten heere, metten niemaren van den niewen capitain van Ghent ende andere maren, begrepen in eene cedule, ute vijf daghe, verteert met 1 huerpaerde, 8 ℔ 9 s.

Item, Claikin de Moelnare, ghesend te Buenen den 19en dach van Ouste metten niemaren van Arnoude f. Jans, van dat hi gheld wilde hebben van dien van IV Ambachten, ende ooc van den Inghelschen te Middelborch, ute 7 daghe met 1 huerpaerde, verteert 11 ℔ 4 s.

Item, Gheerkin vorseit, ghesend den 8en dach van Ouste te Buenen an Minen gheduchten heere metten niemaren van der Wet van Ghent, ende dassisen te hoghene, ende van derpillage van Winghene, ute 7 daghe met 1 huerpaerde, verteert 11 ℔ 12 s.

Item, 1 bode ghesend te Greveninghe, ute 4 daghe, vertert 30 s.(1)

Item, Lievin Stoppelare, ghesent te Buenen metter andwoorde van den niewen capitain van Ghent up 2 lettren die hem secretelike ghesend waren bi tween wiven bi den bailliu van Brucghe, ute 5 daghe, vertert 8 ℔.

Somme:...

Somme van al sbaillius date, 535 ℔ 8 d.

 

Vuuteghegheven van diveersen casten die de vorseide scoutheeten heift ghemoeten betalen.

Eerst, ghesent Hannekin le Sevauchueur du Roy, bi bevelne van Minheere den Maerscalc van Bourgongne, te Rijssele omme zekre zaken Minheere van Bourgongne touchierende, uutesijnde, met eenen huerpaerde, 2 daghen, te 8 groeten sdaechs, twelke hi hebben moeste ommedat sijn paert te Brucghe staerf, ende was tvorseide paert ghehuert jeghen Gheraerd van Hommere, dewelke kent bi ziere lettre, hierover ghegheven, dat hi ontfanghen

heift van sinen paerde van den vorseiden 7 daghen, te 8 grooten sdaechs, 56 s.

Item, ghegheven eenen man die den vloer in de zale paveeirde in de Love, ende de cokene vermaecte, die welnaer met allen verberrent hadde derin sijnde, 2 daghen met sinen cnape coste, met stoffen van calcke ende van teghelen, ende ten bevelne van Jan den Brunen ende andre, 28 s.

Item, omme te ghebiedene de Waerhede, dat men heet Wanymet, met 2 taflen ende 4 ghesellen, waren te costen nuchtens ende snaventz, 6 ℔ 12 s.

Item, omme te ghebiedene de Waerhede van coopman ende makelaers, met 2 taflen ende 4 ghesellen, waren te costen nuchtens ende snavontz, 5 ℔ 16 s.

Item, omme te ghebiedene de Waerhede, die men heet de Duerghinghe Waerhede, met 4 taflen ende 12 ghesellen, waren te costen nuchtens ende snavontz, 12 ℔.

Item, ghesent Clays uuten Brouke ende Jan van der Heyde, coedrivers, te Alrecht, als er Minneere van Bourgongne was, ende Minvrauwe van Vlaendren, sijn wijf, met eere coe ende met eenen calve, die Minheere en Mervrauwen te Brucghe gheprosenteeirt waren, hemleden ghegheven 3 ghuldinne, also de cedulle verclaerst bi Prote Baropel, meestere van der Camere van Minheere van Bourgongne, hierover ghegheven, maken 5 ℔ 2 s.

Item, ghesent Zegher de messagier, dictus Grootters, bi bevelne van Mins sheren Raed, Minheere van Ghistele, den Maerscalc, ende andre die doe te Brucghe waren, omme te latene wetene Minheere van Bourgongne ende van Vlaendren de maren van Oudenaerde, dat weder ghewonnen was, dewelke vorseide Zeghere uuttewas met eenen huerpaerde

31 daghen, ende mithsdat hi eldre was in Brabant in de bederve van Minhere, te 10 s. sdaechs, ghelijke de cedulle hierover ghegheven verclaerst, 15 ℔ 10 s.

Somme, 49 ℔ 4 s.

 

Vuutteghegheven van den pensioene van den termine van der heligher crucen daghe in Meye, nu laest verleden, datz int jaer 84.

Eerst, den clerc van der vierscare, 5 ℔.

Item, amman ende wetscepenen, 3 ℔.

Item, de pape van der galghe, 40 s.

Item, den Backere, den hanghedief, 4 ℔.

Item, omme den vorseiden Backere, van sinen froc, die men hem jaerlicx pleicht te ghevene te ziere Brucghemaerct, 3 ℔.

Item, ghegheven den amman, omme de Brucghemaerct te ghebiedene, 5 s.

Item, te costen ghedaen van justicien, daer de namen of bescreven zijn an dander zijde, 12 ℔ 15 s.

Somme, 30 ℔.

 

Somme van al scoutheeten vuutghevene 79 ℔ 4 s.

Somme van al den uutghevene, 614 ℔ 4 s. 8 d.

Ende dontfanc loopt 2214 ℔ 2 s. 6 d.

Aldus bliven zij sculdich 1599 ℔ 17 s. 10 d.

De ce leur rabat on dou rest dou eompte de l'escouthète, de son compte rendu sus à Lille à ce compte, lesquels il presta à feu Monsigneur de Flandres par mandement de lui rendus et quass... à ces comptes, 180 ℔.

Item, lesquels il bailla a Frèremeneur, voiturier, pour aucunes provanches qu'il mena à Monsigneur à Lille, 5 ℔ 8 s.

Rest qu'il doivent, 1414 ℔ 9 s. 11 d.

Op den rug: Compte Willame Slijp, bailliu de Bruges, et Thomas de Scoonvelt, escoutète, fait à Lille le 19o jour de Septembre l'an 84.

 

Justice ghedaen in de stede van Brucghe.

Heyne, f. Gillis sCarpers, cum wiele.
Hannekin de Coc, dictus Salemoen, cum wiele.
Pieraerd le Bastart de Compengy, cum galghe.
Herman Eeversberech, de Oesterlinc, cum zwerde.
Michiel de Grijse, ghejusticijeert an enen boom.

 

Justicien ghedaen bi den bailliu van Brucghe.

Hannin Coesin.
Diederic Gheel.
Clais Foc.
Roelkin de Necker.
Pieter Quaethane.
Matthijs f. Michiels.
Jan Matthijs, dictus Ratkin.
Riquaert f. Gheilen, de bastaert.
Bouden f. Jans Priems.
Jhennekin Tommelin.
Willem Brant.
Jan de Mast.
Willem de Coc.
Hanin Stuerkin.
Hanin Bruneel.
Hannin Witbroot.

 

Rol-Rekening, nr 1297.


Vorige Volgende

Over dit hoofdstuk/artikel

plaatsen


datums