Cronyke van Vlaenderen. Deel 2
(1900)–Jean Froissart–
Auteursrecht onbekend
[pagina 38]
| |||||||||||||||||||
IV. Baljuws van Deinze.A. 1379 (9 Mei-19 September).Rekeninghe Pieter Hugaerds, balliu van Doinse ende datter toebehoord, van dat hi ontfaen heift sint dat hi rekende, dat was den 9sten dach in Meye in tjaer 79 tote den 19sten daghe in Septembre in tselve jaer. Ghedaen te Risele. Eerst, ontfaen van cuerboeten in Doinse, uten welken scepenen heffen terde, ende van den andren tweedeelen parcheneres terde. Eerst, van boeten die cueriers van den ramen ende van den ghetauwen overgaven, ontfaen te Mijns heeren bouf 3 ℔.
| |||||||||||||||||||
[pagina 39]
| |||||||||||||||||||
Fierin Sijs, ghewijst in de boete van 3 ℔, omdat hi qualic mat laken dat hi vercochte, dat comt Mijns heeren deel 26 s. 8 d. Somme van den cuerboeten vorseid, 7 ℔ 13 s. 4 d.
Ontfaen van boeten van twiste, uten welken parcheneres heffen terde. Jan Lotin, ghewijst in de boete van 60 ℔, omdat hi slouch Dierinc van den Aste metter vuust, daerof pais ghemaect ter bede van Minen heere van Halewine ende Woutere, sinen sone, om 12 ℔, dat comt Mijns heeren deel 8 ℔. Dierin van den Aste, ghewijst in de boete van 3 ℔, omdat hi Janne Lotin slouch metter vuust, dat comt Mijns heeren deel 40 s. Willem de Maegh, ghewijst in de boete van 3 ℔, omdat hi slouch Boidine van Odonc metter vuust, dat comt Mijns, heeren deel 40 s. Somme van desen parchelen 12 ℔.
In Peteghem, van overboeten niet. Ontfaen van dat Minen heere gheheel toebehoord. Eerst, Gillis Minfin berucht van dieften ende dat hi ghestolen goet cochte jeghen der lieder mesniede, daerof ghemaect pais ende compositie voor vonnesse om 90 ℔, ontfaen 90 ℔. Item, van 5 vierendeel lants, die Diederic van den Aste vercochte Daneele van Overbeke, twelke galt 9 ib groeten, daerof ontfaen van maercghelde 6 ℔ 15 s. Somme, van desen parchelen, 96 ℔ 15 s.
In Dronghine, in Astine, niet.
Somme van al den ontfanghe vorseid, 116 ℔ 8 s. 4 d. | |||||||||||||||||||
[pagina 40]
| |||||||||||||||||||
Dit es d Uutgheven van den balliu vorseid binnen vorseiden termine. Eerst, van sinen wedden, 6 ℔ 13 s. 4 d. Item,Ga naar voetnoot(1) van scepenencosten van Peteghem, dat sij bewettichden Hannekine van der Straten, denwelken sij wijsden te banne 50 jaer uten lande van Vlaenderen van dieften, up de galge, daerof betaelt van costen 3 ℔ 7 s. Item, van paerdehuren, daermede men voer over ende weder tusschen Ghend ende Doinse, als Mijnheere daer was, 24 s. Item, van eere paerdhuren, daermede men voer tusschen Ghend ende Doinsen ende tusschen Ghend ende Clessenaer, van 14 daghen, 4 ℔ 4 s. Somme van den uutghevene, 12 ℔ 16 d. Ende dontfaen comt, 116 ℔ 8 s. 4 d. Aldus blijft de balliu tachter 104 ℔ 7 s.
Op den rug: Hannekin van der Straten, ghebannen 50 jaer uten lande van Vlaendren, van dieften, up de galge.
Op den rug: Compte Pieter Hughaert, bailliu de Doinze, fait à Luie le 9e jour de Janvier l'an -79.
Rol-Rekening nr 1480. | |||||||||||||||||||
[pagina 41]
| |||||||||||||||||||
Deinze.
|
| Fransois Degel | } elc ghewijst in de boete van 10 s. omdat haer brood te lettel wough, dat comt Mijns heeren deel 13 s. 4 d. |
| Gillis Snellaerd | } elc ghewijst in de boete van 10 s. omdat haer brood te lettel wough, dat comt Mijns heeren deel 13 s. 4 d. |
| Jan van Melden | } elc ghewijst in de boete van 10 s. omdat haer brood te lettel wough, dat comt Mijns heeren deel 13 s. 4 d. |
Somme, 43 s. 4 d.
Ontfaen van boeten van twijste, waerof parcheneres heffen terde.
Willem van den Cnocke, bedreghen dat hi stac Gillise van der Crayen met eenen messe, daerof pays ghemaect om 10 ℔, dat comt Mijns heeren deel 6 ℔ 13 s. 4 d.
Jan van Olbeke, de jonghe, bedreghen dat hi stac Gillis den Hond met eenen messe, waerof hi dede inhibitie, dewelke de balliu vervolghede soverre dat hi de inhibitie renuncierde, ende composeirde jeghen den vorseiden balliu om 11 ℔, dat comt Mijns heeren deel 7 ℔ 6 s. 8 d.
Jan de Caes, de jonghe, berucht dat hi stac Willem den Maegh met eenen messe, daerof ghecomposeirt om 7 ℔, dat comt Mijns heeren deel 4 ℔ 13 s. 4 d.
Somme, 18 ℔ 13 s. 4 d.
In Peteghem, ontfaen van cuerboeten, waerof scepenen heffen terde.
| Jan de Camerlinc | } elc ghewijst in de boete van 20 s. omdat sij bier vercochten dat spenninx niet weert was, dat comt Mijns heeren deel 40 s. |
| Gillis Mintin | } elc ghewijst in de boete van 20 s. omdat sij bier vercochten dat spenninx niet weert was, dat comt Mijns heeren deel 40 s. |
| Clais van Materne | } elc ghewijst in de boete van 20 s. omdat sij bier vercochten dat spenninx niet weert was, dat comt Mijns heeren deel 40 s. |
Somme, 40 s.
Ontfaen van boeten van twiste, twelke Minen heere van Vlaendren gheheel toebehoord.
Laurens de Camerline, ghewijst in de boete van 3 ℔, omdat hi slouch Martin den Saghere metter vuust, daerof ghecomposeirt, om 40 s.
Daneel van der Bauweeden, ghewijst in de boete van 3 ℔, omdat hi slouch Gillis den Waghenare metter vuust, daerof ghecomposeirt om 30 s.
Item, van eenen halven buunre lants, dat Gillis Mintin vercochte Janne den Verwere, daerof ontfaen van maereghelde 3 ℔ 12 d.
Item, van Oliviere Cabeliauwe, van eenen halven coope van eenen leene dat hem verstaerf van jonfrouwen Celien van den Cnocke, daerof ontfaen 5 ℔.
Somme, 11 ℔ 11 s.
Somme van al den ontfanghe, 34 ℔ 7 s. 8 d.
In Dronghine. In Astine, niet.
Wasselin de Muelnare brochte van live ter dood, eenen Pieter Tafferneele binnen der vryheden van Doynse, welke Wasselin dede inhibitie van den fayte, twelke do balliu soverre heift vervollecht dat hem sine crune lettere es afghewonnen, sodat Wasselin ende sine vriende daerof gherne composeren souden, bi also dat ghetermineirt ware van der calaengen die de balliu van Nevele dertoe ghedaen heift met sinen onrechte, daerof Mijnheere van Pouke es ghestelt commissaris om te besoukene, om twelke de balliu coste ghedaen heift om te vervolghene 12 ℔ parisis, ende begheerd daeraf verwaert te sine bi wien dat de compositie van den vorseiden fayte ghedaen sal werden.
Dit es d Undgheven van den balliu vorseid binnen vorseiden termine.
Eerst, van sinen wedden, 6 ℔ 13 s, 4 d.
Aldus blijft de balliu tachter, 27 ℔ 14 s. 4 d.
Op den rug: Dese sijn tachter haere boeten.
Willem van Wambeke, in 60 ℔, omdat hi slouch Jan Caesmanne metter vuust.
Boudin van der Meere, in 3 ℔, omdat hi een mes trac up Pieteren den Hond.
Willem Poelare, in 60 ℔, omdat hi stac Willem Renauts met eenen messe.
Willem Renauts, in 3 ℔, omdat hi stac up Willem Poelaren met eenen messe.
Compte Olivier de le Steene, bailliu de Doinze, le 7e jour de May l'an -80.
Rol-Rekening, nr 1481.
Deinze.
C. 1380-1381 (20 Juni-14 Januari).
Rekeninghe Jhans Personaren, balliu van Doynze ende datter toebehoort, van dat hij ontfaen heift van der vorseide balgien sident dat hij ghestelt ende gheordineirt was, dat was den 20sten daghe in Wedemaent in tjaer -80 tote den 14sten daghe in Laumaende int jaer -80. Ghedaen te Male.
Ontfaen van cuerboeten in Doinse, waerof scepenen heffen terde, ende uten andren tweedeelen parcheneres terde.
Eerst, van boeten die cueriers van den ramen ende van den ghetauwen overgaven, niet.
Jan de Laet, Daneel van der Kerken, Jan Neemgheer, Jan Liebaert, Yde sAmmans, elc ghewijst in de boete van 20 s., omdat sij ackerscade ghedaen hebben binnen der outswaerhede (sic), Mijns heeren deel, 44 s, 5 d.
Michiel de Witte, Jacop Beyaerd, elc ghewijst in de boete van 10 s., omdat sij multerden boven den 16 vate, Mijns heeren deel, 8 s. 3 d.
Clays van Eyne, Boudin van Oodonc, Heinric van den Damme, Zegher Baerd, Ghiselin Plume, Clays dEghel, elc ghewijst in de boete van 10 s.,
omdat sij int tweesch bliesen, dat sij vercochten, Mijns heeren deel, 26 s. 8 d.
Item, van nachsgane ende van verbodenen wapenen, niet.
Item, Heinric den Pottraeyere, ontfaen van dat hi achter hem liet doe hi in Ghent ghinc, 5 ℔.
Item, van Casine van den Stappen, uutghesed, van dat hi den onderballiu ende Lodewijc van den Steene slouch.
Somme van den cuerboeten vorseid, 8 ℔, 19 s. 4 d.
Ontfaen van boeten van twisten, uten welken parcheneres heffen terde.
Coppin Canfin, ghewijst in de boete van 60 ℔, omdat hij slouch Janne den Hudevettre, portere te Doinse, Mijns heeren deel, 60 ℔.
Item, Jan Oolbeke, ghewijst in de boete van 3 ℔, omdat hij slouch Janne den Hudevettre ende up hem stac, Mijns heeren deel, 2 ℔.
Item, tgoet van den bostaerden ende van den besten hoofde, een huus staende in de cattestrate met eenen ghetauwe, dat ic niet vercopen can.
Item, van den besten hoofde van Pieters joncwive van Varisele, 1 roc, ontfaen te Mijns heeren bouf, 12 s.
Item, van Catelinen Wittewronghels, van eere coe, ontfaen te Mijns heeren bouf, 6 ℔.
Item, van Pieter Bonnins kindren tween bostaerdekine, vercocht 2 halfvierendeel van tween husen, 8 scilde, ontfaen te Mijns heeren bouf, 4 ℔ 16 s.
Item, van eenen man die compositie maecte jeghen den balliu om 24 ℔, omdat hij jeghen scepenenvonnesse seide, omdats de balliu dachte te messene, Mijns heeren deel, 10 ℔ 13 s. 4 d.
Item, Jan den Waghenaere, ghevaen te Doinse,
omdat hij contrarie hadde ghesijn Minen heere van Vlaendren, dewelke Mijnher Segher van Ghend utedede, ende composeirde jeghen hem om 25 ℔, groten, waerof, uten beveelne van den Ontfanghere van Vlaendren, so hebbic ontfaen te Mijns heeren bouf 21 ℔ groten, draegt 252 ℔.
Somme van desen parcheelen, 316 ℔ 16 d.
Ontfaen in Peteghem van cuerboeten, utenwelken scepenen heffen terde.
Jan de Camerlinc, Jan de Curte, Laurens de Camerlinc, Gillis Mintin, elc ghewijst in de boete van 20 s., omdat sij tweerande bier vercochten, Mijns heeren deel, 53 s. 4 d.
Renaud de Raven, ghewijst in de boete van 20 s. omdat hij anderlieden gaste gheroupen heift, die in andren herberghen gaen souden, Mijns heeren deel, 13 s. 4 d.
Willem Mesdach, Arend Mesdach, Joos dAmman, elc ghewijst in de boete van 20 s., omdat sij ackerscade deden, Mijns heeren deel 40 s.
Somme van desen cuerboeten vorseid, 5 ℔ 6 s. 8 d.
Ontfaen van boeten van twiste in Peteghem, twelke Minen heere al toebehoort.
Heinric Wieric, Jan van der Duust, Jan van Haelst, Jan van der Leyen, elc ghewijst in de boete van 20 s., omdat sij ackerscade ghedaen hebben, ontfaen te Mijns heeren bouf, 4 ℔.
Item, Laureins van den Cnocke, ghewijst in de boete van 3 ℔, omdat hij slouch Arend Mesdaghe met eere pede, ontfaen te Mijns heeren bouf, 3 ℔.
Item, van Jan den Serdere van dat bij bostaerd was, ontfaen boven costen te Mijns heeren bouf, 3 ℔ 12 s.
Item, van Pieteren Moreele, van den besten hoofde, een meerie, vercocht 4 ℔ 16 s.
Item, van Clemmen Alaerds, van den besten hoofde ende bostaerdighe was, van ghelde dat men haer sculdich was, ende van eere scrine ende van vlasse, ontfaen te Mijns heeren bouf, 4 ℔ 4 s.
Somme van desen parcheelen 19 ℔ 12 s.
In Dronghine, in Astine, niet.
Somme van al sballius ontfanghe vorseid, 349 ℔ 19 s. 4 d.
Dit es d Uudgheven van den balliu binnen vorseiden termine.
Eerst, de wedden van den bailliu vorseid, 13 ℔ 12 s. 8 d.
Item, ghegheven Gillis Vinken, den ontfanghere, 21 ℔ groten, uten beveelne van Heinric Lippins, Ontfanghere van Vlaendren, om twerc mede te doen makene te Doinze datter es ghemaect, draegt 252 ℔ parisis.
Item, om eenen sporeware, die ic cochte jeghen Olivier Huugs, bi den beveelne van Mijns heeren zeghele, denwelke die van Ghent mi namen, cost 7 ℔ 4 s.
Item, van Heinen den Neve, omdat hi den onderballiu van Doynze slouch, te vervolghene te Ghend om wet te hebbene, bi den bezeghelte van Minen heere van Vlaendren, van costen 5 ℔.
Item, 4 meeutenaers die ute Ghend quamen, die ic vinc ende den Shuvereyn leverde int theere, te coste van vanghenessen ende costen, 4 ℔ 6 s.
Item, van 2 meeutenaers die ic vinc, ende deen den onderballiu antvast hadde om te stekene, van
dat ic se hilt ghevaen om te verhaelne voor Mijnheeren, van coste van vanghenessen ende te doen doodene bi nachte, bi den beveelne van Minen her Ghildolve van den Gruuthuse ende van den Maerscalken, te coste 3 ℔, van vanghenessen 2 ℔, somme 5 ℔.
Item, van 64 ℔ vademen hoofdreepen ten paeuweliounen van Minen gheduchten heere van Vlaendren, bi beveelne van Mijns heeren camerlinghe, 4 ℔, 16 s.
Item, betaelt vor Minen heere van Sweveghem, doe hi reuwaert ghemaect was ende tHoudenaerde reet met vele perden, 4 ℔. (Doorgehaald.)
Item, betaelt voor Minen heer van Aelwine, doe hi was ghesend van Minen heere van Vlaendren tHoudenaerde waert, van wine die sij dronken up hare parde, 40 s.
Item, van Lammekine den Zomer, die ic vinc buten Peteghem ende ballinc was van mordaden, ende voerdene Minen heere den Shouverein in theere, van dat hi verterde in de vanghenesse, 24 s.
Item, 12 scepe, die te Doinze laghen, ende Mijn gheducht heere van Vlaendren beval mi dat ic de vorseide scepe soude doen bringhen te Dronghine, waerof Mijn heere van den Gruuthuse sendde den hoofdman van der Sluus, hem 18ster, die 6 scepe voor hemlieden voerden, ende icke dander 6 scepe deden bringhen, waerof dat 18 liede van eere nacht hebben 6 groten, elc over pine ende over de coste, draegt 5 ℔ 8 s.
Item, van reepen, de scepe mede te doe voerne ende te treckene, 48 s.
Item, de groote blide van Curtrike, mi coste te doen ladene den pijnners, 20 s.
Item, Mijn gheducht heere van Vlaendren beval Salaerde ende mi, dat wij hechouten souden sijn tusschen Doynze ende den heere, omdat men seide
dat die van Ghend te Doynze waert quamen, 10 s., 2 cnechten die wij over de Leye senden te Ghend waert te gane, ende 40 s. doet dach was, die wij verteerden, want wij coude ende hongher hadden; somme 50 s.
Item, mijn knecht verteerde 1 franke, doe theere uptebroken was ende ic van Minen here sciet, ende hi mi beval an beede de reuwaerde, te Houdenarde ende te Dendermonde, dat sij niet upbreken souden voor hij hem goede maere sende, somms 36 s.
Item, ic uteleide bi maninghen van scepenen in de Oustwaerhede, onverlet staende van den fugitiven die Minen gherechten heere van Vlaendren contrarie ghesijn hebben, ende dede bannen Clayse van der Brugghen, hem vierden, van onnutscepe, want hi halp mijn goet nemen ende halp vermoorderen minen rechtzweere, dwelke mi coste, om ovesch te sine jeghen die ter waerhede ghinghen, 40 s.
Item, 40 mudde colen, mede te smedene, betaelt 11 ℔ par.
Somme van den uutghevene, 321 ℔ 4 s. 8 d.
Ende dontfaen es, 349 ℔ 19 s. 4 d.
Dus blijft de balliu tachter, 28 ℔ 14 s. 8 d. (P. au Receveur).
Werde heeren, weit dat, doe de serjante camen ligghen te Doynze, so cam ic in Daneels van Walebeke huns met 2 scepenen, ende oversach dat hij al sijn goet ghevlucht hadde, sonder huusalame; ende weit, werde heeren, dat de serjante, a1so sij in al de huse liepen, ende vonden over Leye een lade, die sij up hadden begonnen breken; ende doe verhoordic dat se Daneele vorseit toebehoorde, twelke ic bescudde ende leydse in behouder hand te Mijns gheduchs heeren bouf; ende te Heinrics Mathijs vandic 2 sacke met cussinen ende cleedren, twelke ic met
2 scepenen beval in de name van Minen heere dat men se niet soude laten wechdraghen, enware bi den beveelne van mi, in de name van Minen heere van Vlaendren. Voort, te Diederix van den Aste laecht vul serjante, ende al uteghestorven was; ende mi brochte Maelbranke eenen brief van den Ontfanghere, dat ic de deelsliede soude laten deelen, die binnen Doynze waren, twelke ic dede, ende was in de stede van Minen gheduchten heere van Vlaendren over een wijf die binnen Ghend was; welke deelsgoet ic niet vercoopen can, want Mijnheere Jan van Aluwine nam een wullijn laken, ende tromenant niet sovele wert ne was datter bleef; ende 2 vette coeye van Daneel van Walebeke, die de rewaert nam, want ict niet beletten mochte.
Voort, ic vinc Gillis van der Duust ende Boudin van Odonc, van dat sij contrarie hebben ghesijn Minen heere, waerof ic boorchtocht hebbe van 100 ℔ groten, wet ende vonnesse te ghenietene te Mijns heeren wille. Ende voort heift Gosijn van der Wedaghen, mitsgader goeder soffisanter borchtocht, zeker ghedaen van 100 ℔ gro., eist dat men vinden mach bi besouke dat sijn vader of hij ghewapent hebben ghesijn jeghen haren gherechten heere, welke vader dood bleef in de reyse van Dixmude.
Op den rug: Compte Jehan de Personare, bailliu da Doinze, fait à Male, le 14e jour de Janvier, l'an-80.
Rol-Rekening, nr 1482.