Cronyke van Vlaenderen. Deel 2

[p. 33]

III. Baljuws der Oudburg.

A. 1379 (8 Mei-18 September).

Dit es de rekeninghe Symoens van den Winckele, vander baillgien der Ouderborch, van dat hij achterst rekende sondaechs na der helegher crusen dach in Meye tote sondaechs na der helegher crusen dach in September int jaer -79. Ghedaen te Risele den 9^sten dach in Laumaent daernaestvolghende.

In eerste.

Van Janne den Smet, ommedat hij wonde Roegere Scadevoet, daeraf de boete es 3 ℔, ontfaen 3 ℔.

Van Jan den Clerc, die men heet Torreman, ommedat hij bedreghen was voer Mijns heeren mannen van Vlaendren in de jaerwaerhede ter Bornt dat hij ghedaen soude hebben eenen quaden eet voer scepenen van Sleidinghen, midsdat een mate cnape was, pays omme 15 ℔.

Van Neude den Necker, Gillijsse den Necker, Jan den Necker, ghebroedre, Gilisse Platine ende Jan den Necker, Jans zone, ommedat sij bedreghen waren voer Mijns heeren mannen van Vlaendren in de jaerwaerhede ter Bornt dat sij sloughen Arende

[p. 34]

Brouke ende maecten ane hem lopende bloet in evele ende in felleden up theerscap van Sente Baefs, ende omberecht te voren van ceneghen heere, omme ouden wanconst ende boven den gheroupenen verde Mijns heeren van Vlaendren, van denwelken vijf personen vorseid de drie waren portren van Ghend, pays omme 100 ende 50 ℔.

Van Rase van den Gavere, ommedat hij ghecalengiert was in den Casteel te Ghend, van dat hij der mannen vonnesse soude hebben wederseit, daer hij dinghende van sculde jeghen Jacoppe den Meester, pays omme 10 ℔.

Somme van den exploten, 178 ℔.

Van maercghelde, niet.

Van den besten hoefden.

Van Grielen tSomers, van eenen smallen bedde, 3 ℔.

Van Zomerghem, niet.

Van tiendenpenninghe van leenghoede.

Eenen scouteetdome, ligghende in de prochie van Assenede, dat Jacop Brecht houdende was teenen leene van Mijn heere van Vlaendren, dwelc hij vercochte Woutere Brecht omme 200 ende 40 ℔, daer Wouter vorseid toecomen es wettelike bij openen brieven van Minen vorseiden heere, ontfaen van tiendepenninghe, 24 ℔.

Somme, 27 ℔.

Somme van al den ontfancghe, 205 ℔.

Op den rug: Dit es d Uutgheven van den bailliu vorseid van der vorseide baillgien binnen der vorseider rekeninghen.

[p. 35]

Int eerste.

Van der jaerwaerheden ghedaen in de Bornt, beseten met achte van Mijns heeren mannen van Vlaendren, ende met scepenen van Sleydinghen, te coste ghedaen, 10 ℔ 5 s.

Van der jaerwaerheden van Verlijenbeke, beseten met zesse mannen Mijns heeren van Vlaendren, te coste ghedaen, 6 ℔.

Van reepen ende van laerde ende dat ter pinencameren toebehoort, 40 s.

Van examinasien, 44 s.

Somme van den uutghevene, 20 ℔ 9 s.

Ende dontfaen ghedraghet, 205 ℔.

Aldus blijft hij sculdich, 144 ℔ 11 s.

Op den rug: Compte Symon de le Wincle, bailliu de Gand, fait à Lille le 9^e jour de Janvier. Vicubourg, 379.

Rol-Rekening, n^r 1763.

[p. 36]

Oudburg.
B. 1381-1382 (n.s.) (4 Januari-12 Januari).

Rekeninghe Jacomaerts van den Houke, bailliu van der Ouderbuerch, van al dat hij ontfaen heeft van den proffiten ende exploiten van der vorseide baillie zidert der rekeninghe ghedaen te Male sondaechs naer Dartiendach int jaer -80 tote den 12^sten daghe van Laumaent int jaer -80 ende een. Ghedaen te Brucghe.

Eerst, ontfaen van mortemeynen.

Van der doot van Jhanne van der Lenden, in Loo, van 1 coe, 40 s.

Van der doot Heinric den Lantmetere, in Loo, van 1 coe, 48 s.

Van der doot van Arnoude van den Damme, in Meyghem, van 1 bedde, 36 s.

Jhans Kimpen hoir, ghecalaengiert van 1 besten hoefde, pais om 30 s.

Van der doot van Jhanne van den Berblocke, in Vinct, van 1 coe, 3 ℔.

Van der doot van Heinric van Reyneghem, van 1 coe, 35 s.

Summe van desen, 12 ℔. 9 s.

[p. 37]

Item, heift de bailliu vorseit ghecalaengiert Raes goet van der Baerle, beede erve ende kateyle, omdat hij contrarie Onsen gheduchten heere doot bleef te Nevele.

Item, tvierdendeel van den goede daer Mergriete Coudekuekens in Loo ute verstaerf, ghecalaengiert omdat Lippine Coudekuekene, f. Heinrics zone, die in Ghend van Loo, contrarie Onsen gheduchten heere ghetruct was, verstorven was.

Ende van den roerenden kateylen van desen 2 calaengen, so ne mochte de vorseide bailliu niet ghebruken, bidat hem de marscalc, Mijn heere van Pouke, verboot.

Ende es te wetene dat erve, enighe huuse ende groeyende hout vele, verbuert staen bin der vorseide baillie, daerof dat de lieden contrarie sijn Onsen gheduchten heere, twelke de vorseide bailliu ter kennessen bringhen sal ende overgheven, als men de vorseide baillie beriden mach ende antyeren.

Op den rug: Compte Jakemart de le Houke, bailliu, de l'Ouderborch, fait à Bruges, le 9^e jour de Janvier l'an -81.

Rol-Rekening, n^r 1764.