|
| |
| |
| |
II. Baljuws van Gent.
A. 1379-1380 (18 December-7 Mei.)
Dit es de rekeninghe Jans van Heyle, van Ysendike, hoghebaillius van Ghend, vanden exployten van ziere bailgien, van dat hij ontfanghen ende uteghegheven heeft zident dat hij bailliu ghestelt ende ghemaect was, dat was, naer tinhouden van ziere commissien, den 18sten dach van December int jaer Ons Heeren 1379 toten 7sten daghe van Meye int jaer Ons Heeren 1380.
Ontfangh van ghewijsden boeten van 60 ℔, ende daeraf heeft de stede van Ghend 3 ℔.
Int eerste, van dat Raesse van den Voorde ghewijst was in de boete van 60 ℔, ommedat hij ghewijst was te gane in sAmmans up deselve boete daer hij in ghezecht was metten Heere ende metter Wet ende niet derin vonden, pais ghemaect ende deraf ontfaen 15 ℔.
Ontfaen van boeten van 60 ℔, van denghenen die vervielen ten hiechdaghe.
Int eerste, van dat Jan de Tolneere, Daneels sone,
| |
| |
verviel ten hiechtdaghe van der wonden ende van der doot van Boudin Zoeten met 1 messe, pais ghemaect ende deraf ontfaen 60 ℔.
Van dat Arent de Smet, Willem Smeeds sone, verviel ten hiechtdaghe van eere wonden die up hem leide Jan Frubel met eenen ghepinden stave, pais ter bede van Bussaerde van Munte omme 12 ℔.
Van dat Gillis van der Muelen verviel ten hiechtdaghe van eere wonde die up hem leide Jan de Mulre metter vust ende datter in was, pais omme 15 ℔.
Van dat Hughe Makeries verviel ten hiechtdaghe van der wonden ende van der doot die up hem leide Pieter Martins met 1 messe, pais ommedat een ghemate cnape was, die lettel goeds hadde, ende deraf ontfaen 12 ℔.
Van dat Arent van Pueders verviel ten hiechtdaghe van der wonden ende van der doot van Roeger van der Heuselt, met 1 zwerde, ghecomposeert ende deraf ontfaen 60 ℔.
Van Gheeraert Freyt ende van Pieter den Brunen van dat Raesse de Ruese up elken 1 wonde leide met 1 ghepinden stave, pais van beeden ende deraf ontfaen 12 ℔.
Van dat Jan Parijs verviel ten hiechtdaghe van eere wonde die up hem leide Jan van den Berghe metter vust ende datter in was, ontfaen deraf 10 ℔.
Van dat Jan Raes, Gillis cnape was van Beveren, verviel ten hiechtdaghe van eere wonden die up hem leide Jan Blandin met 1 messe, pais ter bede van Pieter Boudins, ende derof ontfaen 12 ℔.
Somme 208 ℔.
Ontfaen van calaengen die ghevielen ten hiechtdaghe, daer partien niet af en vollechden te wette, midsdat zij verzoendt waren, ende, ommedatter de bailliu negheen proeve af en hadde, so ontfingh hijre
| |
| |
af tmeeste dat hijre uteghecrighen mochte, also hiernaer van elken man verclaert staet.
Int eerste, van Loenis van der Haghe, van eere wonden die up hem leide Arent Coelins met 1 messe, ontfaen 28 s.
Van Jacop den Bake, van eere wonden die up hem leide Boudin Dalf metter vust ende datter in was, ontfaen 3 ℔.
Van Boudin Dalf, van eere wonden die up hem leide Diederic van Spanghen met 1 messe, ontfaen 44 s.
Van Willem van Zele, van eere wonden die up hem leide Jan Parijs met 1 zwerde, ontfaen 40 s.
Van Arent van den Damme, Gillis van den Damme ende van Janne van Crombrugghe, van dat up Arende vorseid 1 wonde gheleit was van Pietren den Temmerman met 1 zweerde, ende up elken van den andren 1 wonde gheleit van Pietren den Scoemakere met 1 stave, ghecomposeert van hem drien omme 24 ℔.
Van Janne Parijs, van eere wonden die up hem leide Willem van Zele met 1 zwerde, ontfaen 48 s.
Van Woutre van der Beke, van eere wonden die up hem leide Jan Vaenkin met 1 stave, ontfaen 6 ℔.
Van Zegher Vriend, van eere wonden die up hem leide Jan Freyt met 1 stave, ontfaen 6 ℔.
Van Jan Vaenkin, van eere wonden die up hem leide Wouter van der Beke met 1 messe, ontfaen 36 s.
Van Hannin van der Sluus, van eere wonden die up hem leide Meere van der Piphanien met 1 messe, ontfaen 34 s.
Van Janne Bouters, van 1 wonden die up hem leide Zegher de Beere met 1 messe, ontfaen 40 s.
Van Ywein ser Denijs, van eere wonden die up
| |
| |
hem leide Vrancke van den Brouke met 1 zwerde, ontfaen 44 s.
Van Pietren van Heurne, van eere wonden die up hem leide Kalle van Heetvelde metter vust ende datter in was, ontfaen 24 s.
Van Jacop Pauwels, Boudin Goethals ende Gheerolf Corthals, van dat Jan Beecman up elken 1 wonde leide met eenen ghepinden stave, pais omme 18 ℔.
Van Raessen den Clerc, Boudin den Clerc ende van Janne den Clerc, van dat Jan Boemgaert up elken eene wonde leide, up Raessen vorseid met 1 glavien, up Boudine met 1 stichte ende up Janne met 1 ghepinden stave, pais van hem drien, ende der (sic) ontfaen 30 ℔.
Van Reynout Coenen, van eere wonden die up hem leide Diederic van Heethacker met 1 stave, pais omme 6 ℔.
Van Wouter Fraye, van eere wonden die up hem leide Gillis van Heetvelde met 1 piken, ontfaen 6 ℔.
Van Heinricke van der Elst, van eere wonden die up hem leide Pieter de Temmerman met 1 stave, ontfaen 6 ℔.
Van Janne den Temmerman, Willem Mourman, Pietren den Scoemakere, Heinric Oebrechts, Coppin den Ruddre ende van Heinricke den Zomer, van dat Arent van den Damme up elken 1 wonde leide met 1 stave, vermaect over hem allen ende deraf ontfaen 60 ℔.
Van Gillis van der Egghen, van eere wonden die up hem leide Symoen Parijs met eere giavien, ontfaen 6 ℔.
Van Janne van Diepenbeke, van 1 wonden die up hem leide Trude van der Donct met 1 messe, ontfaen 40 s.
Van Gillis Ruumcoten, van eere wonden die up hem leide Lievin de Pape metter vust ende datter [...]n was, ontfaen 3 ℔.
| |
| |
Van Willem van den Damme, van eere wonden die up hem leide Joes Penneman met 1 messe, ontfaen 40 s.
Somme 194 ℔ 18 s.
| Van vinders boeten |
} |
| Van twiste |
} niet ontfaen binnen deser rekenninghen. |
| Van wapinen te treckene of te draghene |
} |
Somme van al den ontfanghe binnen Ghend, 402 ℔ 18 s.
Dit es de rekeninghe van Gillis Vincken, baillius van der castellerien van der Ouderborgh ende van Zomerghem ambocht binnen den vorseiden termine.
Ontfangh van den exployten in dOudeborgh.
Int eerste, van dat Jan Hildebrant ghecalengiert was van twiste, daeraf dat de boete es 3 ℔, waer zoe gewijst, pais omme 36 s.
Van dat Willekin Lammins ghecalengiert was van twiste, pais ommedat hij onder sine jare was om 28 s.
Van Janne Hillaert, van eere boeten van 20 s. ontfaen 20 s.
Van Janne van den Hecke, van gheliker boeten, ontfaen 18 s.
Van Jan Tierin, van gheliker boeten, ontfaen 17 s.
Van dat Mergriete, Jans Smeeds dochter, ghecalengiert was van den derdendeele van eenen scoolscatte van 100 ℔ parisis, alsdat zoe ghelooft hadde voort te gane in wetteliken huweleke met Willem van den Hackere, ende hierboven wechghinc met Janne Scucten, pais van den derdendeele, ende deraf ontfaen 6 ℔.
Somme van den exployten in dOudeborgh. 11 ℔ 19 s.
| |
| |
Van coepe in dOudeborgh, daer men gheeft van 100 ℔ zesse van marcghelde, niet ontfaen binnen deser rekeninghen.
Van den besten hoofde in dOudeborgh.
Int eerste, van Arents wive uten Wulghen, van 1 coe, 3 ℔.
Van Willem Lucifer, van eere coe, 42 s.
Van Janne Mortier, van eere verzen, 42 s.
Somme van den besten hoofde in dOudeborgh 7 ℔ 43.
Somme van al den ontfanghe in dOudeborgh 19 ℔ 3 s.
Exployte in Zomerghem ambocht.
Int eerste, van dat Jan Hughe ghecalengiert was van twiste, daerof dat de boete es 3 ℔, waert zoe ghewijst, pais van der calange vor waerhede omme 36 s.
Van Alaerde den Clerc, van gheliken ontfaen 30 s.
Van Willem van der Sluus, van gheliken ontfaen 40 s.
Somme van den exployten in Zomerghem ambocht 5 ℔ 6 s.
Van cope in Zomerghem ambocht, daer men gheeft van marcghelde van 100 ℔ zesse.
Int eerste, van dat Willem Lammins vercochte Claise Loeken omtrent 100 roeden erven, ghalt 5 ℔ 8 s., ontfaen 6 s.
Item, van dat deselve Willem vercochte Heinricke Valken 400 roeden erven, ghalt 30 ℔, ontfaen 36 s.
Van dat broeder Heinric de Paeu vercochte Willem den Vedelare 5 ghemete lands, golden 96 ℔, ontfaen 5 ℔ 10 s.
| |
| |
Van dat Jan Bloume vercochte een lettel erven, ontfaen 11 s.
Van dat Ghiselin van der Wedaghe vercochte Clayse den Keyser omtrent 3 bunre erven, ghalt 42 ℔ par., ontfaen 46 s.
Van dat Lippin Gansterman vercochte 48 s. par. tsjaers ten live van Zegheren van der Donct, ontfaen, boven dats de capelaen hadde diere recht an hadde, 6 s.
Van dat Jan Arnouds vercochte here Ghelloete den Amman 5 ghemete lands, golden 60 ℔ par., ontfaen 3 ℔ 10 s.
Van dat Jan de Crane vercochte een cleen lijfrentkin Willemme Willems sone, ontfaen 16 s.
Somme van coope in Zomerghem ambocht, 15 ℔ 12 d.
Van den besten hoofde in Zomerghem ambocht Van Wouter den Vlieghere van eere versen, ontfaen 56 s.
Somme van den besten hoofde in Zomerghem ambocht, 56 s.
Somme van al Zomerghem ambocht, 23 ℔ 3 s.
Ontfaen van den tiendepenninghe van den leenen.
Van dat Hoste van Pradelus vercochte een leengoed Janne Loenis, ligghende te Woest-Wincle, groot 19 ghemete lands, ende 4 viverkins, twelke bleef staende in sheeren handen ende galt 44 ℔ gro, ontfaen van tiendepenninghe 52 ℔ 16 s.
Somme van tiendepenninghe van leene, 52 ℔ 16 s.
Somme van al der Ouderborgh ende van Zomerghem ambocht, metten tiendepenninghe van den leene, 95 ℔ 2 s.
| |
| |
Dit es de rekeninghe Jan Brijssincs, baillius van den Vier Ambochten, binnen den vorseiden termine, ende hieraf so heeft de borghgrave van Ghend terde van dat scepenenvonnesse toebehort.
In Hulster ambocht.
Int eerste, van dat Jan de Waghenare ghewijst was in eene peyne van 6 grooten sdaeghs, van Bâmesse toten 7sten dach van Maerte, deen heelt den Here ende dander heelt Michiels f. Boudins.
Item, deselve Jan de Waghenare, ghewijst in eene peyne van 6 grooten sdaeghs, van Bâmesse tote zestien daghe in Maerte, deen heelt Mijns heeren ende dander heelt Jan Brunbaerds.
Item, noch deselve Jan de Waghenare, ghewijst in eene peyne van eere viertalen ghersten sdaeghs zident 8 daghe naer Bâmesse toten zevenden daghe in Maerte, jeghen Pieter f. Willems, deen heelt Mijns heeren; ende dese vorseide Jan woende up der moencken pachtland ende hadde lettel goeds; doe waren den bailliu ghewijst scatters te sinen goede, ende daer so waren ghescat twee oedeleke meerien, 1 cachtelkin, 1 oedeleke coe, graen ende coeren up tvelt; doe so quamen de vriende van Janne, ende maecten van al desen vorseiden peynen een verdingh jeghen den bailliu omme 36 ℔., comt Mijns heeren deel 24 ℔.
Van dat Jan van den Waerde ghewijst was in eene peyne van 3 ℔ jeghen Janne f. Heinrics, deen heelt Mijns heeren, ontfaen deen heelt 30 s., comt Mijns heeren deel 20 s.
Van dat Gillis van..... (sic) ghecalengiert was van twiste, van wonden ende van verdebraken up Janne van den Croeghe, pais ghemaect, ommedat de claghere ghestilt was, ende dat de
| |
| |
bailliu niet ne wiste te proevene ende het een ghemate cnape was, omme 31 ℔, comt Mijns heeren deel 20 ℔ 13 s. 4 d.
Van dat Jan de Buc ghewijst was in 20 s. van twiste up Pietren den Bosschere, ontfaen 20 s., comt Mijns heeren deel 13 s. 4 d.
Van Pietren den Bosschere, van dat hij twiste up Janne den Buc, ontfaen 13 s. 4 d.
Van dat Pieter van der Dormen ghewijst was in de peyne van 3 ℔ jeghen Michiele f. Boudins, deen heelt Mijns heeren, ontfaen 30 s., comt Mijns heren deel 20 s.
Van dat Boudin van Cruninghen ghewijst was in 10 ℔ van saysinen te brekene, midsdat sijn goed wettelic ghesaysiert was te Aernoud Baex bouf, ontfaen 10 ℔, comt Mijns heeren deel 6 ℔ 13 s. 4 d.
Van dat Willem f. Adaems ghewijst was in de boete van 24 s. van overhornissen, ontfaen 24 s. comt Mijns heeren deel 16 s.
Van Willem den Calewen van gheliker boeten ontfaen 16 s.
Van dat Gheenkin de Buc ende Hannekin de Buc ghecalengiert waren van twiste ende van huussoukinghen bij daghe, daer de boete van den eersten af ware 10 ℔, updat zoe ghewijst ware, ende van den andren 5 ℔, waer zoe ghewijst, ende ommedat twee scoliere waren, ende in de scole ghevallen soude sijn jeghen Heinkine den Gheend, so liet er de bailliu pais af maken omme 6 ℔, comt Mijns heren deel 4 ℔.
Van dat Marie Poels ghewijst was in twiste ende in wonden jeghen Kallen Buux, daer een wijf maer alf boete af en ghelt, dat comt 30 s.; ende vort was se ghecalengiert van huussoukinghe bij daghe, daer af es de boete van 1 wive 5 ℔, waer zoe ghewijst, pais van beeden omme 4 ℔., comt Mijns heeren deel 53 s. 4 d.
| |
| |
Van dat Willem f. Pieter Adaems ghewijst was in de boete van 24 s., van overhornissen, ontfaen Mijns heren deel 16 s.
Van dat Mergriete, Jan Joes wijf, ende Hannin ende Everdey, hare kindre, twee scoliere, ghecalengiert waren van twiste ende van verdebraken up Pieter Inghel, ende ommedat Pieter Inghel niet claghen ne wilde, pais omme 28 ℔, comt Mijns heeren deel 18 ℔ 13 s. 4 d.
Van Heinricke Daen ende van Hughen Moers ghecalengiert van huussoukinghe bij daghe, daer de boete af es 10 ℔, waer zoe ghewijst up Danckaert f. Jan Baex, pais, ommedat partien nieten vollechden, omme 6 ℔, comt Mijns heeren deel 4 ℔.
Somme in Hulster ambocht, 86 ℔ 8 s.
In Axel ambocht.
Int eerste, van dat Hughe Borts ghewijst was in eene peyne van 3 noblen jeghen Hughen f. Huughs, deen heelt Mijns heeren, ontfaen van Mijns heeren rechte 3 ℔ 17 s.
Van dat Willem Cleene ghewijst was in overhornisse, daer de boete af es 24 s., ontfaen 16 s.
Van dat Jan f. Andries ghewijst was in 40 s. van messe te treckene up Jan f. Clais, ontfaen van Mijns heeren deele 26 s. 8 d.
Van dat Pieter Abbout ghewijst was in 20 s. van twiste jeghen Hughen den Zolre, ontfaen van Mijns heren deele 13 s. 4 d.
Van Hughen den Zolre, van gheliken twiste up Pieter Abbout, ontfaen 13 s. 4 d.
Van dat Everdey Maes ghecalengiert was van eere peynen van 20 ℔ par. jeghen Hughen f. Huughs, pais, ommedat Hughe niet claghen ne wilde, omme 9 ℔, comt Mijns heeren deel 6 ℔.
| |
| |
Van dat Jan de Busere ghewijst was in 20 s, van twiste up Tallin den Ronde, ontfaen van Mijns heeren deele 13 s. 4 d.
Van Tallin den Ronden, van twiste ende mes te treckene up Janne den Busere, Jacop Hals ende up Coppin Cortbeen, daer de boete es van elken 40 s., pais omme 5 ℔, comt Mijns heeren deel 3 ℔ 6 s. 8 d.
Van dat Jan f. Jacops ghewijst was in twiste jeghen Jan den Mour bij Pieters tide van den Voorde, ende daer calengierdene Pieter vorseid van verdebraken, ende leeddene daerover ghevaen; doe vollechden hem maghe ende vriende omme te verborghene, ende Pieter lietene verborghen, dat hij incommen soude, so wanneer dat hij ter vierscaren ghedaeght worde up 1 peyne van 400 ℔ par.; ende, eer de bailliu hem dede daghen, slouch hij eenen man doot, ende, als scepenen verniewet waren, so dedene de bailliu indaghen; daer so quamen sine vriende, ende hiesschen den bailliu met eenen taelman dat hij den vorseiden Jan f. Jacops na der keure van den lande sculdich ware te doene gheleets, mids hij vulverdich ware van desen vorseiden verdebrake te wette te commene, ende, worde hij hieraf quiteghewijst, dattene de bailliu weder soude doen in behoudere hand van allen vianden; ende, eer de bailliu ter vierscaren quam, so dede hij vanghen de borghen, die so ghemate waren dat zij de peyne niet en hadden gheconnen ghelden, hadde zoe ghewijst gheweest; ende, omme de ghematichede van den borghen, ter bede van Mer Philipse van Axele ende van andren goeden lieden diere derlic omme baden, so liet de bailliu jeghen hem deraf composeren omme 144 ℔, comt Mijns heeren deel 96 ℔.
Van dat Jacop f. Clais ghecalengiert was van huussoukinghe bij daghe up Willem Royssant, daer
| |
| |
de boete af es 10 ℔, waer zoe ghewijst, pais ommedat Willem ghestilt was, omme 4 ℔, comt Mijns heeren deel 53 ℔ 5 d.
Van dat Jacop Hals ghewijst was in 3 ℔ van wonden up Tallin den Ronden, ontfaen van Mijns heeren deele 40 s.
Van dat Clais f. Huughs ghecalengiert was van huussoukinghe bij nachte up Pletren den Riken, pais, ommedat Pieter niet claghen ne wilde, omme 18 ℔., comt Mijns heeren deel 12 ℔.
Van dat Olivier Elwoud ghecalengiert was van huussoukinghe bij daghe up Heinric Vriende, daer de de boete af es 10 ℔., waer zoe ghewijst, pais omme 6 ℔, comt Mijns heeren deel 4 ℔.
Van dat Pauwels van der Hee ghecalengiert was dat hij een panchier gheaneveerdt soude hebben, dat toebehoorde Pieter Elwoude, ende ommedat Pieter niet claghen ne wilde, ghecomposeert de calange omme 32 ℔., comt Mijns heeren deel 21 ℔ 6 s. 8 d.
Van dat Heinric Ayman ghewijst was in eene peyne van 6 ℔ jeghen Hughen den Vogheleere, deen heelt Mijns heeren, ontfaen Mijns heeren deel 40 s.
Van dat Everdey f. Clais ghewijst was in 10 ℔ van crachte jeghen Clais Boemgaerde, pais omme 8 ℔., comt Mijns heeren deel 5 ℔ 6 s. 8 d.
Van dat Pioter Scolle ghecalengiert was van twiste ende van wouden jeghen Jan f. Arents, pais omme 3 ℔. comt Mijns heeren deel 40 s.
Somme in Axel ambocht, 164 ℔ 13 s.
In Hasseneder ambocht.
Int eerste, van dat Pieter Moen ghecalengiert was van crachte jeghen Pieter Smocken, ende ommedat Pieter niet claghen ne wilde, ghecomposeert omme 9 ℔, comt Mijns heeren deel 6 ℔.
| |
| |
Van dat Pieter Modde ghecalengiert was van messe te treckene up Pieter Moenins, pais vor vonnesse omme 24 s., comt Mijns heeren deel 16 s.
Van dat Hughe f. Pieters ghewijst was in 20 s. van twiste up Kallen Martins, ontfaen van Mijns heeren deele 15 s. 4 d.
Van dat Boudin f. Pieter Huughs sone ghevanghen was, ommedat hij hadde te Brugghe dootghesleghen Janne den Duutschen, daeraf dat hij verzoendt hadde, also hij betoeghde met eenen tsaertre bezeghelt met scepenenzeghele van Brugghe, pais omme 30 ℔, comt Mijns heeren deel 20 ℔.
Van dat Andries de Mets ghecalengiert was van huussoukinghe bij daghe up Jacop den Leister, pais, ommedat partien niet claghen en wilden, omme 7 ℔, comt Mijns heeren deel 4 ℔ 13 s. 4 d.
Van dat Jan Walraven ghewijst was in 3 ℔. van wonden up Jan Snoere, ontfaen van Mijns heeren deele 40 s.
Van dat Jan Modde ghecalengiert was van scepenen te wedersegghene, daer de boete af es 10 ℔, waer zoe ghewijst, pais omme 6 ℔, comt Mijns heeren deel 4 ℔.
Van dat Hughe de Wale ghewijst was in 3 ℔ up Lauwereins ser Lauwereins sone, ontfaen van Mijns heeren deele 40 s.
Van dat Maes Lijssen sone ghecalengiert was van dat hij Pieter Lijssen soons wijf ghesleghen soude hebben binnen haren huus, ende, ommedat de vrauwe niet claghen ne wilde, pais omme 9 ℔, comt Mijns heeren deel 6 ℔.
Van dat Jacop Buse ghecalengiert was van crachte up Boudin Moene, daer de boete af es 5 ℔, waer zoe ghewijst, pais van der calange, ommedat partien niet claghen ne wilden, omme 3 ℔, comt Mijns heeren deel, 40 s.
| |
| |
Van dat Maes de Moer ghewijst was in 3 ℔. van Jan Roelande, ontfaen Mijns heeren deel 40 s.
Somme in Hasseneder ambocht, 50 ℔. 2 s. 8 d.
In Bochouter ambocht.
Int eerste, van dat Jan Heinrics ghecalengiert was, ommedat hij quam ridende up eene meerie in eenen hoep van coebeesten, daer hem de meerie ontweldichde ende viel up de hoorne van eere coe, daer hij hem seere quitste; de man, dies de coe was, dit vernemende, loechende der coe, ende de heere drouch se an hem te Mijns heeren bouf; doe so verdinghese de man jeghen den bailliu omme 4 scilde, al ontfaen Mijns heeren bouf 4 ℔ 16 s.
Van dat Jan de Pratre ghecalengiert was van wonden, daeraf dat de boete es 3 ℔, waer zoe ghewijst, pais omme 40 s., comt Mijns heeren deel 26 s. 8 d.
Van dat Hughe Weyts sone ghewijst was in 3 ℔ van twiste up Pieter Wilraven, ontfaen Mijns heeren deel 13 s. 4 d.
Van dat Joeskin de Moenc ghewijst was in 20 s., comt Mijns heeren deel 13 s. 4 d.
Van dat Aechte Willem Buekels ghecalengiert was van scepenenvonnesse te ghemoetene, pais omme 40 s., comt Mijns heeren deel 26 s. 7 d.
Somme in Bochouter ambocht 8 ℔ 16 s.
Somme van al den Vier Ambachten, 309 ℔ 19 s. 8 d.
Dit es de rekeninghe Raes Wits, baillius van Hulst, van Axele ende van Hughersluus binnen den vorseiden termine.
Ontvangh in Hulst, ende es al Mijns heeren.
Eerst ghewijsde boete van 25 s. van leeliker tale te
| |
| |
sprekene deen jeghen den andren, daeraf ghebuert Minen heere 10 s., den scouthete 5 s. ende der poert 10 s.
Int eerste, van dat Pieter Bollekin leelike tale ghaf Maes Lijfcoeps wive, ontfaen 10 s.
Van Maes Lijfcoeps wive up Pietre Bollekine, ontfaen 10 s.
Van Wo. Joes up Hannine van Binnen, ontfaen 10 s.
Van Hannin van Binnen up Wo. Joes, ontfaen 10 s.
Van Paeu Joes up Hannin van Binnen, ontfaen 10 s.
Van Hannin van Binnen up Paeu Joes, ontfaen 10 s.
Ontfaen van ghewijsden boeten van 3 ℔ van te twistene metter vust, daeraf ghebuert Minen heere 37 s., den claghere 15 s., der poert 5 s. ende den scouthete 3 s.
Van Hughe Bollekin, van dat hij twiste metter vust up Maes Lijfcoeps wijf, ontfaen 37 s.
Van Jacop Keer up Willem Bonen ontfaen 37 s.
Van dat Pieter Bollekin ghecalengiert was dat hij ter orden soude hebben ghesleghen Maes Lijcoeps wijf met eenen stocke, daer de boete af es 11 ½ ℔, waert zoe ghewijst, daerof soude Minen heere toebehoren 10 ℔, den claghere 15 s. ende der poert 15 s., pais ghemaect vor vonnesse ende deraf ontfaen 8 ℔.
Van dat Heinric Kinne ghetwist soude hebben up Pietren van den Velde, pais ghemaect bi goeden lieden vor vonnesse, midsdats de bailliu negheene proeve en hadde, omme 5 ℔.
Van dat Jan de Hollandre f. Andries ghecalengiert was dat hij ter Loo ghetwist soude hebben up eenen man van Kieldrecht, ende, ommedat ment niet wel gheproeven ne conste, so liet de bailliu jeghen hem pais maken, ter bede van scepenen, omme 5 ℔.
Van dat Wouter van den Clinghe ghecalengiert was, dat hij ghetwist soude hebben up Everbouds Graven zuster met eenen stocke sonder ter erden te
| |
| |
slane, daer de boete af es 10 ℔, alst bevonden es, pais ghemaect vor vonnesse, ommedat ment niet wel gheproeven ne conste, ende derof ontfaen 6 ℔.
Van dat Clais van der Vorle ghecalengiert was dat hij ghetwist soude hebben met 1 stocke up Willem Scivinc, pais ghemaect vor vonnesse bij scepenen, mitsdat de bailliu crancke proeve hadde, ende deraf ontfaen 6 ℔.
Van dat Jan Buse ghetwist soude hebben up Janne Onghereet, pais ghemaect bij rade van scepenen, ommedat de bailliu flaeuwe proeve hadde, omme 4 ℔.
Ontfaen van calaengen van 60 ℔.
Van dat Jacob Trevel, ute Tsaeftinghen, ghecalengiert was dat hij ghetwist soude hebben up Janne Onghereet binnen sinen scepe bij den rabotte van Hulst, pais ghemaect bij rade van scepenen, ommedat quaet te proevene was, omme 18 ℔.
Van dat Jan Bonegods bedreghen was dat hij een mes ghetrocken soude hebben in felheden, daerof dat de boete es 60 ℔, pais ghemaect bij rade van scepenen, ommedat een ghemate cnape es ende het onnoeselic toequam, omme 28 ℔.
Van dat Jan van der Maelsteden ghewijst was in 15 ℔, ommedat hij eenen scepene quade woerde ghaf, daeraf ghebuert Minen heere 10 ℔, ende den scepene 5 ℔, ontfaen Mijns heeren deel 10 ℔.
Van dat Philips van Maerdonc bedreghen was van den waerdeerrers van den zoutsieders dat hij jeghen tvoerbod van der stede meer zoutszoet, dan hij vermochte te ziedene naer dordinanche diere upghemaect es bi den Heere ende bi der Wet, ende uten overeendraghene van den ghemeenen zoutzieders, daeraf dat tvoerbod draeght 10 ℔, deen heelt Mijns heeren ende dander heelt der poert, ontfaen Mijns heeren deel 5 ℔.
Somme in Hulst, 101 ℔ 14 s.
| |
| |
In Axele, ende daeraf eft de borghgrave van Ghend terde van dat scepenenvonnesse toebehort.
Ontfaen van ghewijsden boeten van 3 ℔ van te twistene metter vust, daeraf ghebuert Minen heere 20 s., den borghgrave 10 s., den claghere 15 s., der poert 5 s. ene en scouthete 10 s.
Int eerste, van dat Jan de Smet twiste metter vust up Janne den Clerc, ontfaen 20 s.
Van dat jonevrauwe Kateline van Steeland twiste metter vust up twee wijfs, ontfaen van beeden den twisten 40 s.
Van dat Pieter Daneels sone ghecalengiert was, dat hij ghetwist soude hebben up Janne Banaert, pais ghemaect ter bede van scepenen, ommedatter flauwe proeve toe was, omme 4 ℔., comt Mijns heeren deel 53 s. 4 d.
Van dat Jan Rubaert ghecalengiert was van te twistene up Betten Hyemans, pais vor vonnesse ommedat mens niet gheproeven ne conste, omme 5 ℔, comt Mijns heren deel 3 ℔ 6 s. 8 d.
Van dat Boudin van den Wale ghecalengiert was dat hij ghetwist soude hebben up Martine f. Willems, pais vor vonnesse ter bede van scepenen omme 6 ℔, comt Mijns heren deel 4 ℔.
Van dat Pieter Elout ghecalengiert was dat hij ghetwist soude hebben met eenen stocke up Janne den Ruddre, pais ghemaect, ommedat onproevelic was, omme 4 ℔., comt Mijns heren deel 53 s. 4 d.
Ontfaen van calaengen van 60 ℔.
Int eerste, van dat Pieter Heyvaert ghecalengiert was dat hij een broedmes ghetrocken soude hebben up Philipse den Busschere, pais ghemaect ter bede van scepenen, ommedat een ghemate cnape es ende bij onnoeselheden toequam, omme 35 ℔, comt Mijnheren deel 23 ℔ 6 s. 8 d.
| |
| |
Van dat Clais Huughs sone ghecalengiert was van huuszoukinghe te doene bi nachte, pais ommedat quaet te proevene was, omme 20 ℔, comt Mijns heeren deel 13 ℔ 6 s. 8 d.
Somme in Axele, 24 ℔ 6 s. 8 d.
In Hugersluus, niet ontfaen
Somme van Hulst ende van Axele, 154 ℔ 8 d.
| Int land van Waes |
} niet |
| In Ruplemonde |
} niet |
Somme van al den ontfangh vorseid 962 ℔ 4 d.
Dit es thuutgheven van den vorseiden bailliu van Ghend up sijn ontfangh binnen den vorseiden termine.
Omme de wedden van den vorseiden bailliu, 160 ℔ tsjaers, commen sine wedden binnen deser rekeninghe 53 ℔ 6 s. 8 d.
Omme de wedden van den viere serjanten die te Ghend Minen heere dienen, elken 7 ℔ 8 s. tsjaers, commen hare wedden binnen deser rekeninghe 9 ℔ 17 s. 4 d.
Omme de wedden van den steenwaerdere ende sportiers van den casteele te Ghend, elken 7 ℔ 8 s. tsjaers, commen hare wedden binnen deser rekeninghe 4 ℔ 18 s. 8 d.
Omme de wedden van Janne ser Lennoets, ervachtich clerc van den bloede te Ghend, 12 ℔. 4 s. tsjaers, commen sine wedden binnen deser rekeninghen 4 ℔ 16 d.
Somme van den wedden 72 ℔. 4 s.
Dit naervolghende sijn de coste van den hiechtdaghe, daer boven afgherekent es.
Int eerste, swoensdaeghs als men gheboot te rechte te stane achter de poert in alle de am- | |
| |
manscepe, daermet dat de heere ende de cnapen die den heere dienen ommeghinghen, ende met hemlieden scepenen dertoe ghedeputeert, de ammans ende de serjante van der stede, de clerke die ter officien behoren, ende de cnapen van der stede, te coste ghedaen snoenens ter maeltijd, 11 ℔.
Item sdonresdaeghs daernaestvolghende, als men gheboot te rechte te stane in wetteleken vierscaren deghene die buten vryhede van der stede woenen, te coste ghedaen ten imbite, 3 ℔ 6 s.
Item, tsaterdaeghs daernaer, als men hiechte, te coste ghedaen ter maeltijd, daer scepenen van der Keure waren, ende hare dieneeren ghemeenleken, ende alle deghene die ter officien behoren van sheeren alven, liepen de coste 27 ℔.
Item, ghegheven den boden te therghelde bij waerften, die met brieven commen sijn an Minen gheduchten here van sbaillius weghe, 6 ℔.
Item, omme stoffe gheorbort ter pijncameren ende den coc ghegheven van examinatie, 5 ℔.
Van justichen, daeraf dat namen ende toenamen ghescreven staen up den rugghe van deser rekeninghen, 7 ℔.
Somme, 59 ℔ 6 s.
Somme van den huutgheghevene binnen Ghend 131 ℔ 10 s.
Thuutgheven van den vorseiden bailliu van der Ouderborgh up sijn ontfangh binnen den vorseiden termine.
Int eerste, van dat de bailliu stelde te wette de doot van Alaerde van Lake bij scepenen van Zomerghem van moorde, ommedat tfayt bij nachte gheviel, dewelke vorseide scepenen niet so vroed en waren, weder dat zijt souden berechten van moorde
| |
| |
ofte van manslachte, utedien dat een cnape tfayt an hem drouch, die noch in wette hanght, sodat zijs namen hare beleed an Mijns heeren manne van Vlaenderen ten Casteele te Ghend, te coste ghedaen met scepenen, 6 ℔ 14 s.
Somme van den huutgheghevene in d'Onderborch 6 ℔ 14 s.
Thuutgheven van den vorseiden bailliu van den Vier Ambochten binnen deser rekeninghen.
Omme de wedden van den bailliu, also hij heeft 30 ℔ tsjaers, commen sine wedden binnen deser rekeninghen 10 ℔.
Somme 10 ℔.
Somme van al den huutgheven, 148 ℔ 4 s.
Ende dontfanghen ghedraecht, 962 ℔ 4 d.
Aldus blijft de bailliu sculdich 813 ℔ 16 s. 4 d.
Op den rug: Justiche ghedaen binnen Ghend binnen deser rekeninghen.
Jan de Goys ende sijn gheselle, Passchier de Castellein, ghejustichiert beede in den Casteel metten zwerde ende ghedolven;
Hannekin de Witte, ghejustichiert metten zwerde;
Ghegheven den coc van al, 6 ℔.
Den pape die harer drie biechte hoorde, 20 s.
Compte Jehan de Heile, bailliu, de Gand, fait à Lille le 7e jour de May l'an 80.
Rol-Rekening nr 1758.
| |
| |
| |
Baljuws van Gent.
B. 1380 (15 Juni-24 Augustus.)
Dit es de reikeninghe Inghelrams Ammans, bailliu van Ghend, als van den exploiten van der vorseide bailgie gheheiven zident den 15sten daghe van Weidemaent int jaer 80 tote den 24sten dach van Ouxte.
Eerst, ontfanghen ten ychtdaghe.
Marie, Boudens Moenecx dochter, ghecalengierd van ere wonde die up haer leide Marie sBackers met enen stocke, pais omme 3 ℔.
Lievijn van den Pitte, ghecalengierd van ere wonde die up hem leyde Lievijn de Peilere met enen stave, pais omme 4 ℔. 16 s.
Michiel de Conninc, ghecalengierd van ere wonde die up hem leide Jehan sher Ghisels met enen stave, pais omme 4 ℔. 16 s.
Beatrise, Jehans wijf van Pulaer, ghecalengierd van ere wonde die up haer leide Arent Robert met enen stave, pais omme 4 ℔.
Pieter de Bloc, van ere wonde ghecalengierd, die up hem leide Jehan de Vos met 1 messe, pais omme 3 ℔.
Jehan de Zuttere, ghecalengierd van ere wonde
| |
| |
die up hem leide Lievijn Ghelinghe met enen messe, pais omme 3 ℔.
Fierkijn van Meeren, ghecalengierd van ere wonde die up hem leide Reubijn Tac metter vust, ende datter in was, pais omme 40 s.
Jehan Bierman, ghecalengierd van ere wonde die up hem leide Inghel van Tournay met enen messe, pais omme 3 ℔.
Pieter de Costre, ghecalengierd van ere wonde die up hem leide Joos van Sprille met enen baselare, pais omme 40 s.
Willem Heuze, ghecalengierd van ere wonde die up hem leyde Marie van Lessine met 1 stave, pais omme 5 ℔.
Hughe Hercken, ghecalengierd van ere wonde die up hem leide Jehan van der Coloct met enen messe, pais omme 40 s.
Ghenijn de Muutere, ghecalengierd van ere wonde die up hem leyde Jehan de Mets metter vust ende datter in was, pais omme 48 s.
Ghenijn de Wercman, ghecalengierd van 1 wonde die up leide Lievijn de Lakenblekere met enen baselare, pais omme 36 s.
Zeigher de Bloc, ghecalengierd van ere wonde die up hem leide Daneel Diederijcx soene metter vust ende datter in was, pais omme 54 s.
Pieter Sanders ende Jacob Gheraerds, ghecalengierd van dat up elken ene wonde geleid was van Joos den Costere met enen messe, pais omme 3 ℔.
Wauter van Appelare, ghecalengierd van ere wonde die up hem leide Jehan Morael met enen drincstope, pais omme 40 s.
Wouter van Hedackere, ghecalengierd van ere wonde die up hem leide Maertijn Inghelkin met enen messe, pais omme 40 s.
| |
| |
Beukel Mande, ghecalengierd van ere wonde die up hem leide Jehan Alaerd met ere glavie, ende Arent de Haze ghecalengierd van ere wonde die up hem leide Beukel Mande met enen baselare, pais van beden omme 12 ℔.
Willem Valke, ghecalengierd van ere wonde die up hem leide Lievijn de Scrodere metter vust ende datter in was, pais omme 3 ℔.
Boudijn Woubrecht, ghecalengierd van ere wonde die up hem leide Wouter Oliviers soene met enen messe, pais omme 40 s.
Pieter uter Cruustraten was ghecalengierd van dat hij een mes trac up Maes den Touwere in felheiden, pais omme 3 ℔.
Franskijn van Meeren, ghecalengierd van dat hij een mes trac in felheiden up Maes van Haltere, pais omme 36 s.
Arent Bate, Jacob van Belzele ende Michiel Colijn, ghecalengierd elc van 11 ℔. van dat zij sloughen ter eerden Jacob Boudens, pais van al omme 6 ℔.
Arent Roboerds, Jehan van Leys ende Pieter Libbe waren ghecalengierd van dat sij hare wapene trocken, ende sloughen ende staken in felheiden up Jehans huus van Pulaer, dannof de boete ware 60 ℔. van elken, updat ghewijst wordde, pais van der vorseide calaenge omme 24 ℔.
Van Gheraerd den Smet, die verviel teenen ychtdaghe van der wondde ende van der doot van Lefkine van den Upstalle met enen messe, pais omme 24 ℔.
Van Jehan Brame, die verviel teenen ychtdaghe van 1 wonde, die up hem leide Pieter van den Coolhove met enen baselare, pais omme 6 ℔.
Van Pierkin Soys sonne, die verviel tenen ychtdaghe van den wonde ende van der doot van Jacob den Coopman met eenen mortierstocke, ende van
| |
| |
Pieter van Melle, die ooc verviel teenen ychtdaghe van 1 wonde van den vorseiden Jacoppe met enen hamere, pais van beden omme 36 ℔.
Gillis Valkaerd ende Zeigher de Vos vervielen tenen ychtdaghe, elc van ere wonde die up hemleden leide Jehan Creive met messen, pais omme 18 ℔.
Jacop Bailget verviel tenen ychtdaghe van ere wonde die up hem leide Wouter Monnac met enen messe, pais omme 20 ℔.
Leys Boudens was ghewijst in 60 ℔ ommedat hij niet ghinc in sAmmans, also hem ghewijst was bi scepenen van Ghedele van Ghend, pais omme 6 ℔.
Reynaud van Axpoele was ghewijst in 60 ℔ bi scepenen van Ghedele, ommedat hij niet ghinc in sAmmans, also hem ghewijst was bi scepenen vorseid, pais omme 16 ℔.
Van Zeigherkine van der Beike, die verviel tenen ychtdaghe van eere wondde, die up hem leide Symoen Parijs met 1 glavie, pais omme 8 ℔.
Van Griele van Brugghen, die ghecalengierd was van dat se berucht was van dat soo ghestolen soude hebben enen Linen van Oudenborgh, van denwelken een brief cam van der stelde van Brugghen, dat se de Wet hilde over een goed wijf, ende noyt arech van hare ne hoorden, pais ghelate maken omme de ducht dat soe quite ghegaen soude hebben na den vorseiden brieve, pais omme 24 ℔.
Cornelis Bosch, Gillis Joos, Daneel van Overmare ende Cornelis van der Gracht waren ghecalengierd met haestigher Wet dat zij brocht soude hebben van live ter doot Mathijs van der Varent ende Janne, sinen soenne, boven zoendinghe, dewelke Mathijs ende Jhan, sijn soennen, vrienden ware (sic) ende neghene poorteren; ende het ghevel buten, ende partien bleiven achter ende ne volghede niet hare claghe; do dochte
| |
| |
den bailliu dat hij tfait, tmaecsceip ende tsoendinc niet sonde hebben gheconnen gheproven, ende liet pais maken over tbeste 72 ℔.
Somme van al den ontfanghe, 332 ℔ 6 s.
Uutgheiven svorseids baillius van den vorseiden ontfanghe binnen der vorseide tijd.
Omme de wedden van den vorseiden bailliu bin deser rekeninghe, 53 ℔ 6 s. 8 d.
Omme justiche te doene van Arnekijn Tielins, die verwijst was bi scepenen vander Cuere van dieften, omme shanghemans dienst, repen ende hantscoen, 44 s.
Den pape diene biechte ende meideghinc ter justiche, 6 s.
Item, omme justiche te doene van Hannekijn van der Donct, die ballinc was uten lande van Vlaendren, metten wiele ghejustichierd, omme shanghemans dienst, repen ende hantscoen, 32 s.
Omme mast, wiel, scoren ende naghelen, 36 s.
Omme de pape diene biechte ende meideghinc ter justiche, 6 s.
Item, was de mast, daer de vorseide Hannekijn uplach, ontwee jeheuwen, ende, als dat de bailliu verstond, so beval hij den hangheman 1 niewe mast te copene ende weider twiel te rechtene; coste de mast, met den dienste van den hangheman ende van 2 personen diene halpen, 24 s.
Item, omme costen van den Here, van der Wet ende die hemlieden toebehoorden, ghedaen up den yechtdach, in diveerssen parcheelen, jeloopt 33 ℔ 17 s.
Item, omme diversse booden, die de vorseide bailliu zendde an Minen gheduchten here van allen diverssen maren, also hem Mijn gheduchte here
| |
| |
bevolen hadde, te Rysele, te Oudenarde, te Petighem ende eldere, dannof de parchelen verloren bleiven als de bailliu te Ghend utetrac, 32 ℔.
Somme van den uutgheivene, 126 ℔ 11 s. 8 d.
Ende tontfanc jeloopt, 332 ℔ 6 s.
Aldus blijft de bailliu sculdich te deser rekeninghe 205 ℔ 14 s. 4 d. (Paijet à Henri Lippin, receveur.)
Op den rug: Compte messire Inghelram den Amman, bailliu de Gand, pour le terme de Septembre, l'an 80, fait à Male le 14e jour de Janvier ensuivant.
Rol-Rekening, no 1757.
|
|
Auteursrecht onbekend