Logo DBNL
Spelen (1920)

Spelen

(1920)–Cornelis Everaert–rechtenstatus Auteursrecht onbekend

Vorige Volgende

aant.tSpel van eender Jubile.
Ao. 1534.

Ghejonsteghe, een vrauwe.
Minsaemheyt, een man.
Vriendscip, een man.
+ Ghejonsteghe een vrauwe.
 
Weist minnelic ghegroet
Minsaemheyt een man.
 
Gheestelic ende weerlic
Ghejonst.
 
Hier zynde versaemt
Minsaem.
 
Ter tafelen om heten
Ghejonst.
 
Wys ende vroet
Minsaem.
 
Ter doctrynen gheneerlic.
Ghejonst.
 
Weist minnelic ghegroet
Minsaem.
 
Gheestelic ende weerlic.
Ghejonst.
5
Gheluc ende spoet
Minsaem
 
Wient es begheerlic
Ghejonst.
 
Weynschic zoot betaemt
Minsaem.
 
Elcken hier gheseten.
Ghejonst.
 
Weist minnelic ghegroet
Minsaem.
 
Gheestelic ende weerlic
Ghejonst.
 
Hier zynde versaemt
Minsaem.
 
Ter tafelen om heten.
Ghejonst.
 
Vrienthoudeghe feesten/ naer myn vermeten
10
Maeckic onghespleten/ ter vruechden bequaemheyt.
 
Want jc heete Ghejonsteghe.+
Minsaem.
 
Ende jc Minsaemheyt
 
Die zonder bescaemheyt/ hu comme by
 
Waer dat et zy.
Ghejonst.
 
Daer wy niet en zyn/ jcke ende ghy
 
Daer en wort vry/ der vruechden aert
15
Niet gheopenbaert.
Minsaem.
 
Maer daer Ghejonsteghe [ende] Minsaemheyt paert
 
Wort verclaert/ de[r] vruechden accoort.
Ghejonst.
 
Deene brynct een droncxskin.
Minsaem.
 
Dander wachtet voort.
Ghejonst.
 
Sulc duer een loncxskin
Minsaem.
 
Helt an Venus boort.
 
Nyement hem en stoort/ maer naer vruechden spoort
20
Soot wel behoort.
Ghejonst.
 
Dats een waer woort.
 
Oost west zuudt noort/ daer men ons ziet
 
Alle zwaerheyt vliet.
Minsaem.
 
My en twyffels niet.
 
Tverghaeren dat duer ons beeden ghesciet
 
Gheen erruer en biet.
Ghejonst.
 
Jonste el niet/ dan vrienscepe bespiet.
Minsaem.
25
Minsaemheyt als spriet/ tsoethuenich riet
 
Van vrienscepe versaemt an elcken cant.
Ghejonst.
 
Jonste hoopt vrienscepe
Minsaem.
 
Jnder minsaemheyt bant
 
By redene want/ hier voor ooghen ghebleken+
 
Tverghaeren es Vrienscepe.+
Vriendscip een man.
 
Dats ommers waer.
Ghejonst.
 
Wien hooric daer spreken?
30
Comt voort ende laet uwen voet meten.
Vriendsc.
 
Jc bem Vriendscip die hu doet weten
 
Dat jc hier ooc moet hebben bestier.
Minsaem.
 
Wat Vriendscip? Zyt wel ghevonden hier
 
Met ghejonsteghe minsaemheyt te deser feeste.
Ghejonst.
35
Die hu verstaecke waere wel een beeste.
 
Want Vriendscip kent noot/ van cleen ende groot.
Vriendsc.
 
Vriendtscip hout Ghejonsticheyt tot jnde doot
 
Met Minsaemheyt ghepaert/ onder gheestelic weerlic.
Minsaem.
 
Ghejonsteghe seght my jc bems begheerlic
 
Jnt berechten hu bet/ dan den onbeknuften Wael quyt
 
Wat vergaderynghe es dit?
Ghejonst.
 
Een versuffte maeltyt
 
Soo men jn religioenen naer costume ende ze
 
Pleicht te houdene.
Vriendsc.
 
Dats quaelic verstaen.
Minsaem.
 
Hoe zoo?
Vriendsc.
 
Tes een jubyle
 
Een maeltyt van blyscepe jn dit convent
45
Van een religieus wel zynde bekent
 
Jn dienste diligent/ die jn zynen tyt
 
Vichtich jaer ghedreghen heift des oordens habyt
 
Gheheeten onvermyt/ binnen Brugsche bestel
 
Broeder Jan dont de clocke.+
Ghejonst.
 
Die kenic wel
50
Ende ghekent hebbe/ der jaeren onder half.
Minsaem.
 
Tes een goet bloet
Vriendsc.
 
Niet dan een calf.
 
Hy dede Godt boet/ die hem mesdede.
Ghejonst.
 
Om volc dat reysen wille vutter stede
 
Syn messe te hoorenne/ zoudicse raeden.
Minsaem.
55
Eshy zoo rasch?
Vriendsc.
 
Huut zyne paeden
 
En zoude hy niet ghaen/ om alde claeghers.
Ghejonst.
 
Wat goet jaer seghge?
Minsaem.
 
Vraeghet de jaeghers
 
Die haestich waeren/ om jnt velt te wesene
 
De welcke hem versochten/ om messe te lesene
60
Die hy ghedienstich viel/ als den milden.
 
Siende datse ter jacht wesen wilden
 
Ende datse ter haesticheyt/ waeren gheport
 
Om te lesene/ een messe cort
 
Soo lashy de passye/ van onsen Heere.
Vriendsc.
65
Dat greyde den jaeghers?
Ghejonst.
 
Niet al te zeere.
 
Maer zy en haddens anders/ te dier huere.
Vriendsc.
 
Hoe voerense?
Minsaem.
 
Se trocken duere
 
Legghende tghelt vp den houtaer/ hem laetende alleene.
Vriendsc.
 
Hy es zeer profyttich.+
Ghejonst.
 
Jae den waslic[h]tmaeckers.
Vriendsc.
 
Dats dat jc meene.
70
Sy mochten tzynder jubile/ wel den wyn scyncken.
Minsaem.
 
Hy es te ouerdaedich jn zyn wyn dryncken
 
Ghelyct hier voortyts/ wel es ghebleken.
 
Alst tclooster jn nooden was/ ruum zes weken
 
Vander quaeder siecte/ duer sdoots bestraelen
75
Een zyn vrient ghaf/ dat hy mochte haelen
 
Met eenen kerf/ te zynen verdoene
 
Alle daeghe tsy avende/ of noene
 
Een pynte wyns/ ofte oock twee
 
Totdat hy commen zoude/ vut zynen lee
80
Sonder zynen cost/ te zynen ghebruucke.
Vriendsc.
 
Doen mocht hy wyn dryncken/ byden buucke
 
Om te verdryuen/ de siecte vermostelic.
Ghejonst.
 
Hy vreesde te zyne/ zyn vrienden te costelic
 
Of zyn broeders mede te deelenne/ jnt ghemeene.
Vriendsc.
85
Hy dranck wel eene sdaechs?
Minsaem.
 
Jae of bin zes weken eene.
 
Noch scootter wyn ouere/ jnt verscael.
Vriendsc.
 
Jc hoore wel hy es/ zeere liberael.
 
Syn ghufheyt salhem/ therte ouerlooppen.
Ghejonst.
 
Tes te duchtene.
Minsaem.
 
Hy wilde cooppen
90
Om zyn jubilee/ wat dient dat ment hele
 
Drye scouderen.
Vriendsc.
 
Was dat niet vele?
 
Tsceeden vanden ghelde/ doet sulc veil ghepyns.
 
Dan verchde hy den dranc.+
Ghejonst.
 
Drye stooppen wyns
 
Om zyn vrienden te feistieren/ jnt generaele.
Minsaem.
95
Syn herte es te begheerlic/ dats tprincepaele
 
Tot goet ende tghelt./ Hy pryst tghewin.
Vriendsc.
 
Huut hem en comt gheen ghiericheyt.
Ghejonst.
 
Se blyfter jn.
 
De houdtheyt beghunt hem te verbuffene.
Vriendsc.
 
Waer omme?
Minsaem.
 
Hy beghunt te suffene
100
Soo cortelynghe ghebleken es voor cleen ende groot.
Vriendsc.
 
Wat dynghe suft hy?
Ghejonst.
 
Jae hy.
Vriendsc.
 
Hoe zoo?
Minsaem.
 
Daer hy was ghenoot
 
Tot vriends huse/ een zyn cousyn
 
Daer hy sochte vp tselue termyn
 
Synen bril ten secourse zyns ghesichten
105
Oock sochten mede/ beede zyn nichten
 
Niet wetende/ wat hy hadde onghereet
 
Ende vraeghende/ van zyn soucken tbesceet
 
Claechdy zyns brils/ verlies als een ruese ghaende
 
Die jnt soucken was vp zyn nuese staende.
110
Was dat niet een suffinghe bouen maeten?
Ghejonst.
 
Hy waendese ghelaeten/ hebben achter straeten
 
Of daer zy saeten/ dies socht hy den bril.
 
Eist niet suffynghe?
Vriendsc.
 
Dats cleen ghescil.
 
Al dynct hu dat suffynghe/ naer hu vermeten+
115
Hy en suft zoo niet/ wel moetget weten
 
Sonder zoorghe te draeghene/ jnden bemercke.
Minsaem.
 
Draecht hy zoorghe?
Vriendsc.
 
Jae hy.
Ghejonst.
 
Voor wyen?
Vriendsc.
 
Voorde kercke.
 
Want jnde absencie/ vanden costere
 
Leist hy menich/ deuoot pater nostere
120
Als den coster jn crasdunen/ es de gheblekene.
Minsaem.
 
Bedys heift hy Godt meer te sprekene
 
Dan ander broeders jnt belyden.
 
Maer seght ons weit ghy niet de tyden+
 
Van zynder houdtheyt/ et saysoen?
Vriendsc.
125
Van zynder houtheyt?
Ghejonst.
 
Jae.
Vriendsc.
 
Siet daer et carnacioen
 
Van zynder gheboorte/ tyt ende jaer+
 
Dompnus Joannes nunc Tonteclocke creatur.

Syn gheboorte. { Frater Joannes est/ Tonteclocke renatus. } 1466
Syn gheboorte. { Flagito Christe modo jubila profer ei. } 1466

130
Sacrificet sacrificium laudis.
Minsaem.
 
Ende van zyn profes?
Vriendsc.
 
Siet dat daer
 
Ordinis hinc diui Francisci culmina suxit.

Tjaer van zyn profes. { Frater Joannes terni nunc ordinis extat. } 1484
Tjaer van zyn profes. { Sancti Francisci jubila queso metat. } 1484

135
Quem reprobauerunt edificantes hic factus est jn caput anguli.+
Ghejonst.
 
Dits tjaer zyns priesterscip/ hier de bekende
 
Crux modo dux fuerat quo Tonteclocke sacerdos

Tjaer van zyn priesterscip. { Frater Joannes fit Tonteclocke sacerdos. } 1490
Tjaer van zyn priesterscip. { Mox deus extat ei jubila salua ferens } 1490

140
A solis ortu vsque ad occasum ex Sion species decoris eius.
Minsaem.
 
Dats zyn beghin
Vriendsc.
 
Ende dit zyn middele
 
[Hinc] huic pius decimi fit cultus in ordine lustri.

Tjaer van zynder jubile. { Frater Joannes denus stat in ordine lustris. } 1534+
Tjaer van zynder jubile. { Tonteclocke iuuent jubila celigenim. } 1534+

145
Thronus ejus sicut sol in conspectu meo et sicut luna.+
Ghejonst.
 
Ende dit voor zyn hende.
 
Jn voorme van oorlof nemen/ te desen tyden
 
Wil hy met zyn broeders ende vrienden verblyden
 
Ende hem ofsnyden/ van eerdschen bekuere.
 
Daer omme heift hy/ te deser huere
150
Syn jubile ghesticht/ net ghepeerelt
 
Om alle persoonen/ hier zynde ter weerelt
 
Waer tjeghens hy hem/ mach hebben mesghaen
 
Of persoonen tjeghens hem/ hebbende mesdaen
 
Remis te cryghene/ ende quitscel te gheuene
155
Hem offerende Christus/ de verheuene
 
Soo elc goet kerstene/ te doene es sculdich.
Minsaem.
 
Vrienscip weist my/ doch ghehuldich
 
Om andwoorde te gheuene/ dit es myn be.
 
Huut wat causen/ houdt men dese jubile
160
Ofte waer vut/ esse eerst ghesproten?
Vriendsc.
 
Jc salt hu segghen/ onverdroten.
 
Jubile naer de/ Latynsche nacie
 
Es jn onse tale/ een jaer van gracie
 
So Liuitici vyf ende twyntich staet ghescreuen.
165
Die vichtich jaer/ houdt waeren/ jnt leuen
 
Jnt houde testament/ van Ysrael+
 
Wat zy bedreuen hadden/ hoe quaet hoe fel
 
Alst jaer vichtich omme bedeech
 
Elc van zyn sonden/ absolucie ghecreech
170
Suuer ende reyn/ als van moeder gheboren.
Ghejonst.
 
Godt hadde den tyt van vichtich vercoren
 
Jnt houde testament/ om te doene ghenaede
 
Van alle sondeghen/ mesdade
 
Dies alle meinschen/ wierden verblyt.
Vriendsc.
175
Daer/ staet wanneer/ dat comt den tyt
 
Van vichtichste jaer/ wil niet verscieten
 
Soo zal hu lotynghe ghaen te nieten
 
Dats onbedwonghen/ te zyne/ van allen dienste
 
Ende van bedwanghe.
Minsaem.
 
De ghejngienste
180
Es den meinsche/ jn zyn vichtichste jaer
 
Van memorie/ ende kennesse claer
 
Om goet ende quaet/ te ondersceedene
 
Ende om hem/ van dier tyt te bereedene
 
Haest ende lichtelic/ met snellen keere
185
Om weder te keeren tot zynen Heere
 
So Liuitici vyfentwyntich/ doet vermaen.
Ghejonst.
 
Te rechte mach hy/ blyscepe ontfaen
 
Ende verblyden jn zynen gront
 
Die beleift heift tyt/ ende stont
190
Dat hy verwonnen heift/ naer den heesch
 
Den vyant de weerelt/ ende tvleesch.
 
Tes een victorye/ bouen victorien.
Vriendsc.
 
Tes een glorye/ bouen glorien
 
Stellende alle memorien/ ter gheruster ste.
Ghejonst.
195
Hier by heetment een jubile
 
Als eenich persoon/ zynen tyt vulbrocht heift
 
Tot sulc een hende/ dat hy bedocht leift
 
Om hem met elcken/ te stellen effene.
 
Tes teeken dat hy beghunt te beseffene+
200
Dat thende des tyts/ voor zynder dueren wort.
Minsaem.
 
Hier omme te deser/ hueren port
 
Desen religieus/ hier jeghenwoordich
 
Om met elcken hem/ te stellen accoordich
 
Jn dies hy hem jnt leuen/ heift mueghen mesghaen
205
An broeders/ an vrienden/ ofte ooc mesdaen
 
Bidt om remis ende quytscel/ te deser spacie
 
Verkiesende dit/ voor/ zyn jaer van gracie
 
Vergheuende al die hem/ oynt hyet mesdeden.
Vriendsc.
 
Van nu voort begheert hy/ te leuen jn vreden.
210
Dus bidt hy zyn broeders/ met jnnegher atente
 
Om bedienstich te wesene/ desen convente
 
So hy gheweist heift/ allomme/ jn Gods temple.
Ghejonst.
 
Ghy jonghers neimpt/ hier an exemple
 
Ende hu seluen/ als nv hier speghelt.
215
Weist jnt leuen/ hier zoo ghereghelt
 
Dat ghy thuwer houde/ hu dus gherust set
 
Hoe wel duer joncheyt/ hu noch lust bet.
 
Huwen tyt die naerst./ Zyt vp hu hoede.
Minsaem.
 
Ouerdynct et hende.
Vriendsc.
 
Doet als de vroede.
220
Syt altyts Gode/ biddende ende fleeuwich.
Ghejonst.
 
Tes hier cleen tyt.
Minsaem.
 
Maer den tyt eeuwich
 
Staet te wordene jn vruechden of verdriet.
Vriendsc.
 
Jn teeken van dien/ Gods priester ziet+
 
En wil zynen tyt niet/ te quiste legghen.
Ghejonst.
225
Wel machhy met den psalmiste segghen+
 
Heere die voor my/ gheleden smerte hept
 
Jn my doch een/ nyeu herte scept.
 
Huwen Heleghen Gheest/ niet en weert van my.
Minsaem.
 
Ghy muecht met Symioen/ wel spreken vry
230
Nu laet uwen dienaere/ heere lusten
 
Dat hy naer hu woort/ jn payse mach rusten
 
Vp der eerreden/ ende jn shemels throon.
Vriendsc.
 
Godt gheifs hem gracie.
Ghejonst.
 
Eerweerdich persoon
 
Met al hu vrienden/ hier jnt versaemen
235
Wilt danckelic nemen.
Minsaem.
 
Dat wy hier quaemen
 
Dede ghejonsteghe minsaemheyt/ jc moet belyden
Vriendsc.
 
Om vrienscip te voedene/ an allen zyden
 
Die tallen tyden/ moet meerssen jn vrede
 
Mids den Heleghen Gheest/ ende der Drye Santinnen bede.

†A†M†E†N†


Vorige Volgende

Over dit hoofdstuk/artikel

datums