Logo DBNL
Spelen (1920)

Spelen

(1920)–Cornelis Everaert–rechtenstatus Auteursrecht onbekend

Vorige Volgende

aant.tSpel vanden Berch.

Lustich van Herten.
Boerdelic Zin.
Duechdelic Voortstel, als een pilgrem.
+ Lustich van Herten.
 
Boerdelic Zin wilt ghy niet voort?
Boerdelic Zin.
 
Jaeic Lustich van Herten. Weist onghestoort.
Lustich
 
Trauwen jaeic./ Doet mynen wille.
Boerdel.
 
Noode bem jc met hu jn ghescille.
5
Want by hu ghecryghic alle vruecht.
 
Daer ghy Lustich van Herten niet zyn en muecht
 
Daer bem jc Boerdelic Zin lettel gheacht.
 
Om vruecht te bedryuen/ en hebbic gheen macht
 
Dach noch nacht/ als merancolye die zwaer es
10
Jnt herte eenpaer es.
Lustich
 
Ghy seght dat waer es.
 
Want Lustich van Herten om elcx beclyuen
 
Moet zyn daer men vruecht zal bedryuen.
 
Jc doe verstyuen/ elcx boerdelicx gheest
 
Van houdt jonck minst ende meest.
15
Jc bem den keest/ der melodye.
Boerdel.
 
Daer omme bem jc gheerne by uwer zye
 
Jn elcken tye/ wesende blye
 
Scuwende partye der jalousye/ of sulc voortstel.
 
Jc en gheerre niet el/ dan ghenouchghelicken rel
20
Vliende/ tghequel/ der nyders fel
 
Die altyts rebel
 
Zyn den wellusteghen tallen termyne
 
Met nydeghen fenyne.
Lustich
 
Scuut sulcke bruwyne.
 
Hoe muechge de pyne?/ Neimpt swaerheyts verdrach.+
25
Wat baetet ghetruert?
Boerdel.
 
Alst anders niet zyn en mach
 
Ten baet gheclach/ nacht noch dach.
 
Dus volghic altyts hu wesen eerbaer.
Lustich
 
Om dat hier zo lustich es zo commen wy naer.
 
Maer nyement en belghe hem jonc noch hout.
Boerdel.
30
Al vallen wy beede hier dus stout
 
Myn ghespelennede tsaemen ende jcke
 
Wy dienen te gaedere by goeden bescicke.
 
Want daer therte niet en lust van binnen
 
Daer en cunnen niet verfrayen de zinnen.
35
Dies jc huer volghe/ jn alder tyt.+
Duechdelic Voortstel als een pilgrem incommende al zynghende.
 
Wanneer my de doot crycht jn zyn beryt
 
So wort myn wandelen/ al ghedaen.
 
Helpt my Maria ghebenendyt.
 
Christus wilt my bystaen.
Pausa cleene.
Sprekende verwondert.
40
Onbeyt waer commic hier gheghaen?
 
Et dyncke my hier zynde buten alle drucke.+
 
Serteyn et wort juuste te mynen ghelucke.
 
Wat mach hier sculen? Twaere goet ghevraecht snel.
 
Dit scoone gheselscip/ my behaecht wel
45
Dat ic hier zye te deser wyle.
 
Jc hebbe ghewandelt zo meneghe myle
 
Duer doorppen duer steden/ te berghe te dale+
 
Maer noynt en quam jc jn eeneghe sale
 
Daer tvolc jnt generale/ was zo blyde van gheeste.
50
Serteyn et wort een sconyncx feeste
 
Zo my den zin thuucht om een versoetenesse.
 
Tes best biedic/ den conync groetenesse.
 
Et mochte lichte worden/ myn proffyt.
 
Mueghende conync/ die als nv ter tyt
55
Met hu ghesinde verblyt/ zonder resspyt
 
Biddic Maria ghebenendyt
 
Dat ghy by huer moet behoet zyn
 
Voor scade voor scande voor nyders nyt
 
Jn svyants spyt/ van sonden bevryt
60
Ende elcken die nv/ by hu ghevoet zyn
 
Van Gods weghe wilt duust waerf ghegroet zyn.
Lustich
 
Sal ons dat gheen quaet doen?
Boerdel.
 
Et zal seck goet zyn.
 
Jc maecte hem busscop/ haddic een myttere.
Lustich
 
Hy heift den aert van eenen blyttere.
65
Hy can zyn woorden te wel belegghen.
Boerdel.
 
Au vrient wilt ons doch segghen
 
Waer zyt ghy vp reyse? Waer ligghen de weghen?
Lustich
 
Weitge niet nyeus? Eist pays bedeghen?
 
Doet ons daer of een lettel besceet.
Duechd.
70
Jc hoordet segghen zo jc leet.+
 
Tes kerstenrycke pays duere dat meen jc.
Boerdel.
 
Weitger niet meer of?+
Duechd.
 
Seker neen jc.
 
Jc ghae mynen wech duere zonder beyden.
Lustich
 
Tes noch al tselue dat wy zeyden.
75
Een blyf rabaut een aerdich trawant
 
Ghelycker vele loopt/ achter tlandt.
 
Tscynt ofse gheweist hadden de weerelt duere.
 
Maer dhabytten halen zy ter huere
 
Jnde Auwaertsstraete sulc als hemlieden behaecht.
Boerdel.
80
Au vrient ons noch ghewaecht
 
De teekens die ghy draecht/ an uwen hoet
 
Van waer bryntghyse?
Duechd.
 
Van thelich bloet
 
Van onser Vrauwen/ van sinte Nyclaeus.
 
Jc hebbe te Roome/ ghesien den paeus.
85
Twonder zoudic quaelic cunnen verhandelen.
Lustich
 
Pilgrims die achter lande wandelen
 
Die pleghen te brynghene/ alzoo jc waene
 
Gordelkins van sinte Roozyaene
 
Ofte brieuekens van Virgenycken
90
Dien zy allomme gheerne bestrycken
 
An dhelichdommen tjeghens bescut van erghe.
 
En brynt ghy niet?+
Duechd.
 
Jae jc.
Boerdel.
 
Watte?
Duechd.
 
De ghelyckenesse van eenen berghe
 
Met my wyens/ duecht/ es bouen sommen.
 
Vp desen berch was/ ons weluaert ghewonnen
95
Ende den vyant ghebrocht jn zwaer verstooren.
Boerdel.
 
Wat berch es datte/ laet ons dat hooren
 
Die ghy jnt prysen zo hooghe verheffen wilt?
Duechd.
 
Synder ghelyckenesse en es niet diet beseffen wilt.
 
Want vp desen berch was gheplant redelic
100
Den wynghaert wiens druueken edelic
 
Alle meinschen es/ een medecyn.
Lustich
 
Eist eenen berch staende vp/ den Ryn
 
Daer den wyn/ groeyt by daghe by nachte?
Duechd.
 
Hy es al veil hoogher van machte.
105
Want vp desen berch/ was ghevochten
 
Den stryt waer by zy tonder gherochten
 
Smeinschens vyanden al teenen maele.
Boerdel.
 
Eist den berch van Roncheuaele
 
Daer Roelandt/ met zyne ghesellen
110
Der payhienen macht/ dede vellen
 
Mids Kaerle diese verslouch afgrysselic?+
Duechd.
 
Desen es bouen dien veil pryselic.
 
By dien en ghelyct hy niet een gheernaert.
Lustich
 
Eist den berch van sinte Beernaert
115
Of den Veernaert/ die onder weghe Roome staet?
Duechd.
 
Desen den dien te bouen ghaet.
 
Die comparacie duecht niet twee mytten.
Boerdel.
 
Al loghe hy dat icken saghe splytten
 
Zo en sallict hem by struffen niet ve[r]bien.
Lustich
120
Hy heuet scoon lieghen./ Wye salt ghaen bezien?
 
Dies eshy te stouter bin desen gheduene.
 
Hy es jnt cluchten wel ghewuene.
 
Want hy segghet stout ende onversaecht.
 
Hy ghaeter mede duere.
Boerdel.
 
Hem moet zyn ghevraecht
125
Naer zynen naeme hoe dat hy heet.
 
Want hy zyn woorden zo wel beleet
 
Tscynt een ruter an zynen rel.
 
Vrient hoe heet ghy?
Duechd.
 
Duechdelic Voortstel.
 
Myn naeme jn dyveersche plaetsen bekent es.
Lustich
130
Dats een naeme die excellent es.
 
Want duechdelic voortstel es Gode bequaeme.
 
Duechdelic voorstel es der sielen vraeme.
 
Et brynt den lichaeme/ jn allen rusten.+
Boerdel.
 
Jc biddu vrient macht hu lusten
135
Dat ghy ons secht/ zonder ontbeerren
 
Meer vanden berch/ tes ons begheerren
 
Die ghy met hu brynt/ ter goeder trauwen.
 
Wat berch eist?
Duechd.
 
Men mach gheen scoonder scauwen.
 
Bouen alle berghen/ gheue jcse prys.
Lustich
140
Esse le mon de saynt Denys?
 
Jc en verstae my niet/ an hu ghebrassele.
Boerdel.
 
Serteyn et wort den berch van Cassele.
 
Die en staet niet varre van hier.
Duechd.
 
Vp desen berch waeren/ ghebrocht vut dangier
145
Alle creatueren die Godt oynt maecte.
 
Et es den berch/ daer de vaders naer haecten
 
Die jnt voorbouch der hellen ghevanghen waeren.
 
By desen berch quaemen zy vut bezwaeren
 
Twelcke den vyant noch es bequelich.
Lustich
150
Benedicite es desen berch zo helich
 
So ghy ghewaecht jc wildet wel weten.
 
Wat berch ist?
Boerdel.
 
Den berch van Oliueten
 
Daer Christus vp zweette water ende bloet?
 
Ooc weende hy traenen die als een vloet
155
Liepen vut zyn ghebenendyde ooghen
 
Vut vreese ende ancxsten van tghedooghen
 
Der pynen die hem naecte zo by.+
Lustich
 
Et es den berch van Sinay
 
Daer Christus Moyses de gheboden gaf.
160
Ooc staeter sinte Kathelynen graf.
 
Die plaetse die es helich ghepresen.
Duechd.
 
Mynen berch es bouen dien vutghelesen.
 
Syn hoocheyt en ghelyct kercke noch thor.
Boerdel.
 
Eist den berch van Tabor
165
Daer Godt vanden/ necker vp was ghedreghen
 
Om thooghene hoe zy waeren gheleghen
 
Jnde weerelt alle regioenen van lande?
Duechd.
 
Noch eshy hoogher jnden verstande
 
Van weerdichede ende reuerencien.
170
Ten zouden begryppen gheene sciencien
 
Den berch metter vrucht te gheuene lof.
 
Alle berghen zyn maer een stof
 
Weerdich by desen berch te verhalene.
 
Want vp desen berch pynde te betalene
175
Den heere der heeren des smenschens zoene.
Lustich
 
So eist dan eenen berch van pardoene.
 
Dat hooric wel an hu vermonden.
Boerdel.
 
Byder doot al juuste ghevonden.
 
Jc mach my seluen wel versmaeden
180
Dat jcker zo langhe naer hebbe gheraden.
 
Te rechten mochtic wel wesen behaet.
 
Tes den berch die onder weghe Erdenburch staet+
 
Daer de lieden jnt ghaen jnt keeren
 
Eerde vp draeghen/ om een vermeeren.
185
Es die zo helich zo weerdich bysondere
 
Als ghy seght/ ten es gheen wondere
 
Dat ghyse pryst. Zy heues noot.
Duechd.
 
Och et es den berch/ daer Christus de doot
 
Voor ons smaecte an des crucen raeme
190
Daer hy gherect hync/ met zynen lichaeme
 
Ghecroont jnt hooft/ met doornen deerlic.
 
Om dat ghyse om scauwen zyt begheerlic
 
So sallicxse hu thooghen jn corter spacie.
 
Ziet hier den berch van contemplacien
195
Den berch daer Adams/ mesdaet gheboet was
 
Den berch daer ons bitterheyt/ gheheel versoet was.
 
Tusschen ons meinschen/ ende den Vadere
 
So wiert den pays/ vulcommen allegadere
 
Vast beseghelt naect/ ende bloot
200
Met zyn heleghe vyf wonden root
 
Die Christus zal thooghen elcke nacien
 
Den verdomde thuerlieder trybulacien
 
Den saleghen ter gracien/ naer sleeraers bethughen.
Lustich
 
O weerdich berch/ daert al vooren moet bughen
205
Dat jnden hemel es/ ende jnder eerden
 
Bouen alle berghen/ zyt ghy van weerden.
 
Want ons welvaeren/ vp hu ghebloeyt es.
Boerdel.
 
Mids den wyngaert dieder vp ghegroeyt es
 
Wiens zoete druuekin van savuere
210
Es ghegroeyt om elcken creathuere
 
Diese begheert/ met goeden atente.
 
Vut dese druve vloeyen de sacramenten.+
 
Lof vloeye hem toe jn allen stonden.
Duechd.
 
Hy hanght andt cruce/ met opene wonden
215
Met ghescuerden adren met gherecten leden.
 
Heer conync wilt jn hu herte besteden
 
Syn passye. Tsal hu baete ende proffyt zyn.
Lustich
 
Laet hu danckelic als nu ter tyt zyn
 
Ons slicht dicht. Wilt jnt beste keeren.
Boerdel.
220
Et es beghinnen thuwer eeren.
 
Ende nemet jn dancke voor teerste maecxsele.
Lustich
 
Al can jc lettel/ jc comme om leeren.
 
Jc hope te ghecryghen beter smaecxsele.
Boerdel.
 
Al en comt hy niet juuste ten gheraecxsele
225
Zoo jnt morael wel dienen zoude
 
Den factuer bidt jonc ende houde
 
Slaet jnde beste voude/ die van Yper slacht.
Duechd.
 
Wy bidden hem die ouer al heift macht
 
By sHelichs Gheest cracht/ ende de Drye Santinnen bede
230
Dat hy ons brynghe in deeuw[igh]e vrede.

†A†M†E†N†


Vorige Volgende