Spelen
(1920)–Cornelis Everaert–
Auteursrecht onbekend
[pagina 377]
| ||||||
aant.Een tafelspeilken vander beke.
| ||||||
[pagina 378]
| ||||||
| ||||||
[pagina 379]
| ||||||
Ga naar margenoot+ Cleen Vermueghen een personage ghecleedt als een landsman.
Tes een moeylic dync/ dit spitten dit deluen.
Nummermeer en esser ruste jnt lyf
Van snuchtens tylic/ tot snoens ten heluen.
Tes een moeylic dync/ dit spitten dit deluen.
5[regelnummer]
Jc wildic wiste/ jc moet ontweluen
My te gheneerren/ met eenich ander bedryf.
Tes een moeylic dync dit spitten deluen.
Nummermeer en esser ruste jnt lyf.
Jonsteghe Affexcie een persoonage ghecleedt als een landsvrauken met een corf.
Waer zytge man?
Cleen
Hier bem jc wyf.
10[regelnummer]
Pynt hu motyf/ my doen te verstaene.
Wat wilge segghen?
Jonst.
Wast niet gheseyt te ghaene
Omden [conync] te beghiften/ hooghe verheuen?
Cleen
Jae maer wat zouden wy den conync gheuen?
Berecht dat met corter arguwacie.
Jonst.
15[regelnummer]
Een present man.
Cleen
Maer wat presentacie
Soude hem best dienen/ wilt dat ghewaghen?
Jonst.
Laet ons hem eenen haselaere draeghen.
Als hy by noordscher haesticheyt wort verhit
Hy machgher jn clemmen.
Cleen
Daer of en eshy niet besmit.Ga naar margenoot+
20[regelnummer]
Den haselaere en deert hem lettel of niet.
Jonst.
Wat sullen wy hem draeghen?
Cleen
Dat selue beziet.
Wat zynder hoocheyt best mach betaemen.
Jonst.
Eenen spaerpot.
Cleen
Eenen spaerpot?
Jonst.
Jae/ anhoort myn raemen.
Gheen beter en weetic/ onder shemels troone.
25[regelnummer]
Den conync heift zeuen dochters scoone
Daer de sommeghe van persoone/ jc moet openbaeren
Groot worden om huwen.Ga naar voetnoot+
| ||||||
[pagina 380]
| ||||||
Cleen
Wats dan?
Jonst.
Hy mach den uwescat ghaeren
Jnden spaerspot/ tghelt stekende verstaet den cloot
Tjeghens dat hyse zal stellen.
Cleen
Dats al gheen noot.
30[regelnummer]
Den conync en es voor/ gheen quisteghelt bekent.
Jonst.
Wat zouden wy anders draeghen?
Cleen
Eenich ander present
Edel ende jent/ zonder eeneghe meshayngne.
Jonst.
Draeghen wy hem een appel van oraengnenGa naar margenoot+
Of appelen robeert/ ghestroyt met poere
35[regelnummer]
Of peerren jnden wyn/ wat maectge al voere
Ofte eenich present/ ghesproken mondelynghe
Sulc alsmen ten houcke vercoopt.
Cleen
Dats niet dan prondelynghe
Van dien zoudy hebben lettel ghemacx.
Jonst.
Laet ons hem draeghen/ wat ghebacx
40[regelnummer]
Lieuelic dienende te zynder tafelen
Ghewende sceuen/ of een platteel met wafelenGa naar voetnoot+
Ofte een vlaede/ laets die hem packen fyn.
Cleen
Wanneer eerre zo zoudese ghebacken zyn?
Want tes groot tyt/ dits claer beseuen
45[regelnummer]
Om hem te beghiftene.
Jonst.
Jc en wist hem wat gheuen
Anders dan jc hu hebbe/ vercombient.
Cleen
Gheen van al te sulcken houe dient.
Jn sulcke ghifte hy lettel verblyden zoude.
Jonst.
Gheift hem dan een juweel van goude
50[regelnummer]
Ofte hyet ghesmeit/ van fynen seluere.
Cleen
Soude dat betaemen/ eenen deluere
Sulcke ghifte te gheuene/ kir hoort wat rellynghe?
Al cochtic een juweel/ van vyf of zes scellynghe
Et zoude cleene zyn/ lettel zout weghen
55[regelnummer]
Ende jc Cleen Vermueghen/ en machger niet tjeghen.Ga naar margenoot+
Ooc al haddict onversweghen/ neimpt hier vp lettynghe
Sulc present en drouchghic niet.
Jonst.
Waer omme?
Cleen
Hy mochte my stellen te gheuen settynghe
Hedent of moorghen/ als hem hiet ghebraecke.
Ooc mochty waenen/ of jc vul ghelts staecke.
| ||||||
[pagina 381]
| ||||||
60[regelnummer]
Ghevroege dat niet/ jc en sach noynt bottere.
Jonst.
Man den conync/ dat es een scottere.
Weist myns woords ghe[en] bespottere/ al vallense bot.
Laet ons hem draeghen eenich ghescot
Dat hem best dient van boghen of scichten.
Cleen
65[regelnummer]
Wilt doch van sulcker talen zwichten.
Wat weitge wat hem dient lieue wyf?
Eeneghe begheerrense slac ander begheerrense styf.
De dyveerscheyt es menegherande/ van scotters en boghen.
En ghaeuen wy hem scichten/ die qualic vloghen
70[regelnummer]
Wat zouden wy anders cryghen dan blaemte?
Jonst.
Souct nv selue dan/ naer de betaemte
Eeneghe andre ghifte net ghepeerelt
Omden conync te gheuene.
Cleen
Jc en weet niet ter weerelt
Dat sconyncx hoocheyt wel betaemt fyn.
Jonst.
75[regelnummer]
Jc duchte man wy sullen bescaemt zyn
Eer wy gheraecken vut desen huse.
Wordet niet voor ons een groote confuseGa naar margenoot+
Dat wy zonder ghifte/ sullen moeten vertrecken?
Al sconyncx volc zal met ons ghecken
80[regelnummer]
Verghiften wy hem niet naer thoude pleghen.
Cleen
Ghy Jonsteghe Affexcie/ zytter wel toe gheneghen
Waer jcker Cleen Vermueghen toe ghevroomt.
Jonst.
Jc hebbe zo veil presentacien ghenoomt.
Maer gheen en esser thuwen behaghe.
85[regelnummer]
Jc wildic hier niet commen/ en waere van daghe.
Van scaemten touteren my de leden.
Cleen
Wyf jc biddu/ weist doch te vreden
En laet hu zo naer/ niet ghaen de saken.
Eer wy van hier ghaen/ jc hoept te maken.
90[regelnummer]
Vp beter provysie/ sallict verstant legghen.
Beraedtsamich Advys/ een personage ghehab[y]tuweirt als een medecyn ofte apotycaris.
Proficiat.
Cleen
Wat zal die calant segghen?
Niet meer van dien/ jc en verstaets een woort niet.
Beraedts.
Eerbaere notable/ hu en stoort niet
Al commic dus bottelic/ ongheroupen binnen.
95[regelnummer]
Jc doet vp stoutheyt/ wilt dit versinnen.
Want jn allen houen/ zyt dies wel wys
| ||||||
[pagina 382]
| ||||||
Mach men myns qualic deruen.
Cleen
Hoe heet ghy dan?
Jonst.
So comt ghy hier juuste wel te puente
100[regelnummer]
Om een questye/ die wy hebben onderlynghe.
Wy bidden hu elc van ons byzonderlynghe
Dat ghy ons beraeden wilt/ eer langhe pause.
Beraedts.
Verthoocht my de saecke van uwer cause
By wercken woorden/ ofte by ghescriften.
Cleen
105[regelnummer]
Wy zouden gheerne den conync beghiften
Met eeneghe presentacie/ hooghe van ghewelde
Van virtuten crachtich/ oncostelic van ghelde.
Dus weitge den ghequelde/ zynen druc te stelpene
Weist ons ghehuldich.
Beraedts.
Jc weedtge te helpene
110[regelnummer]
Omden conync te beghiftene naer zynen staet.
Weist zonder zoorghe.
Jonst.
Vruecht my bevaet.
Van blyscepe ghauic bycans/ eenen scaettere.
Cleen
Wat zultge ons doen hebben?
Beraedts.
Een duechdelic waettre
Wiens cracht passerende es/ allen gommen.
Jonst.
115[regelnummer]
Eist water ghemaect/ van cruden of blommen
Ghelyc lelye roozewater/ goet van kueren
Lauender damastwater/ zoet rieckende van ghueren?
Sulcke watren dienen wel/ jn sconyncx houen.Ga naar margenoot+
Beraedts.
Dit water ghaet die/ varre te bouen.
120[regelnummer]
Die dit water crycht/ te zynen verstyfue
Hy wort ghezuuert jn siele jn lyfue.
Men vynt gheen beter/ binnen sweerels ronde.
Jonst.
Hy can wel spelen met den monde.
Syn segghen en dynct me niet dan loelynghe.
Cleen
125[regelnummer]
Tes nasschawater naer myn ghevoelynghe
Dat men om vercoelynghe/ neimpt van binnen
Of goudtblommewater/ zo jc can verzinnen
Dat men neimpt alsmen/ by verscrickynghe verscrict.
Tzyn goede watren/ hoe mense wict.
130[regelnummer]
Se zyn wel weert/ te zyne ghepresen.
Beraedts.
Dit water es bouen alle watren gheresen.
Schelycx en vynt men/ jn gheen apoteke.
Jonst.
Waer vut eist ghegenereirt?
| ||||||
[pagina 383]
| ||||||
Beraedts.
Vut eender beke
Wiens duecht te vullen/ noynt en was ontwoluen.
Cleen
135[regelnummer]
Jc hebber nochtan jn myn leuen ghedoluen
Beken grachten/ al meer dan eenne
Daer water duervloeyt/ alzo jc meenne
Soet ende reenne/ hoort myn vermonden.
Maer noynt en hebbict/ zo crachtich bevonden
140[regelnummer]
So ghy hier ten stonden/ jnt prysen zyt moeyende.
Beraedts.
Huut dese beke/ zyn alle beken vloeyende
Daer duecht vut comt/ varre ende by.Ga naar margenoot+
Jonst.
Eist de Moerbeke?
Beraedts.
Wat neent vry.
Dexcellencie deser beke/ wat dient datment hele
145[regelnummer]
Strect bouen die.
Cleen
Men vynter zo vele
Alomme ligghende/ binnen slands begryp
Som cleene/ zom groot/ zom rechte/ zom lyp
Som hooghe zom neir/ zom wyt zom nauwe.
Jc weeter by naemen/ ontrent deser landauwe
150[regelnummer]
Daer men jn vloeyen ziet water claer
Maer gheen zo crachtich.
Jonst.
Man raeter naer.
Conge jnt raeden de leghere ghevynden
Hy en zalse niet loochghenen.
Beraedts.
Neen jc serteyn.
Cleen
Jc salsme bewynden.
Eist Diepenbeke/ jnde prochghye van Ronsele?
Beraedts.
155[regelnummer]
Neent voorwaer hoort/ myn vermonsele.
De diepte deser beke/ es zonder hendt.
Wat mer vut scept/ zes ouervloedich bekendt
Gheen tyt bittere/ maer altyts zoete.
Cleen
Tes de Liefbeke.
Beraedts.
Hoort by moet[e]
160[regelnummer]
Dese beke gheift medecynaele boete
Elcken die scuut der sonden loose treke.Ga naar margenoot+
Jonst.
Tes de beke loopende/ te Roosebeke.
Want ghemeenelic segghen Vlamynghen en Wale
Dat de rooze goet es ende medecynale
165[regelnummer]
Tjeghens alderande/ siecheden groot.
Cleen
Of eist de beke te Waterscoot
Of Crabbaertsbeke/ ter handt vp tvelt
Of Lembeke daer by/ wat ghy oock relt?
| ||||||
[pagina 384]
| ||||||
Jc en hoorde noynt/ datter/ sulc water vloot.
Beraedts.
Ten es noch die niet.
Jonst.
170[regelnummer]
Tes Bueterbeke byder doot
Buter Bouuerye poorte/ zo jc ghevroede.
Cleen
Waen alzo jcx myns bemoede
So eist Jabbeke/ Waechbeke/ ofte Rombeke
Cattebeke/ Ghaesbeke/ ofte Brombeke
175[regelnummer]
Ofte Aerlebeke buten Corterycke.
Jonst.
Ghy waert weert/ dat met vorte slycke
Hu bewierppen/ de quaede cnechten.
Cleen
Eist Leybeke of Steenbeke wilt my berechten
Pachtenbeke/ Wachbeke/ of Muelenbeke
180[regelnummer]
Hekelsbeke/ Rumbeke/ ofte Huelenbeke
Of Lompenbeke/ by Staectenvyuere?
Beraedts.
Ten es gheen van al.
Beraedts.
Jc liet hu beeden raeden tot moorghen
185[regelnummer]
Van sulcke beken/ hondert waerfuen viere.
Dese beke es van een ander manniere.
By dese en hebbense/ gheen ghelyckenesse.
Cleen
Wilt ons thooghen zonder bezwyckenesse
Ten alder naesten/ dat ment hycken mach
190[regelnummer]
Eeneghe beke die/ die ghelycken mach.
So mueghen wy tmotyf/ pynen te verstaene.
Beraedts.
De naeste dien jc weet/ dats de Jordaene
Daer de prinche Naaman/ naect onghefaelt
By Helyzeus raet/ jn es ghedaelt.
195[regelnummer]
Hy die besmit was/ met lazerien
Jnt wasschen des waters/ zomen mochte zien
Wierdt ghesont en ghaeue/ net ende scoone.
Maer noch en ghelycxse/ niet een boone
Tjeghens dese beke daer jc hu beede
Nv of gheseyt hebbe.
Cleen
Ghelycse noch dit niet?
Beraedts.
200[regelnummer]
Nichtemeer dan de zeede
By tminste grachtken/ mach zyn gheleken.
Jonst.
Jc en can duer tverwonderen nauwe spreken.
So ghy de beke pryst/ by uwe woorden
Van oosten ten westen/ van zuden ten noorden
205[regelnummer]
So en vondemen schelycx niet/ gheseyt vp trauwe.
Beraedts.
Wye tot dese beke ghaet/ met goeden berauweGa naar margenoot+
| ||||||
[pagina 385]
| ||||||
Eist man eist vrauwe/ hem ontcleedende naect
Van allen sonden heer hy/ van daer gheraect
Met een ghelooue dat blaect/ vierich en vast
210[regelnummer]
Hy wort besceermt/ tjeghens svyants ouerlast
Ende naermaels ghestelt/ jn deeuweghe vrede.
Cleen
Vrient jc gheift hu/ coopter appels mede.
Maer een bede/ eer wy vallen jn ghescille.
Wy sullens gheheel blyuen thuwen wille.
215[regelnummer]
Doet ons van dien water hebben sconyncx behouuen.
Beraedts.
Jc salt ghaen haelen/ wilt hier wat thouuen.
So muecht ghy jnt scauwen/ beter verstant vaeten.
Jonst.
Byder doot hy zal ons jnden brant laeten.
Je duchte wy sullen by hem beclucht zyn.
Cleen
220[regelnummer]
My es leedt dat jc hem/ niet en dede pandt laeten.
Jonst.
Byder doot hy zal ons/ jnden brant laeten.
Cleen
Vyndic hem hyeuwers/ by Ghans tantghaeten
Et mochte van hem/ noch wel besucht zyn.
Jonst.
Byder doot hy zal ons jnden brant laeten.
225[regelnummer]
Jc duchte wy sullen/ by hem beclucht zyn.
Beraedts.
Wilt beede te saemen zonder ducht zyn.
Siet hier generael/ groot ende cleene.
Dits dexcellente beke/ dien jc meene
Die ons vut weene/ al te saemen ghebrocht heift.Ga naar margenoot+
230[regelnummer]
Dits de beke die ons al tsaemen ghecocht heift
Ende besocht heift vrede ende ruste.
Dits de beke daer de vaders vut te drynckene luste.
Dits de beke die allen beken passeirt.
Dits de beke vut Marien ghegenereirt.
235[regelnummer]
Dits de beke naer der scriftueren ontsluten
Waer vut dat de sacramenten spruten.
By dese vloet es ghevonden der sonden ofstroopsele
Gheheeten et sacrament vanden heleghen doopsele
By welc wy naer sint Jans oorconden
240[regelnummer]
Ghecryghen quytsceldynghe vander eerfsonden
Dies dhelsche honden/ zyn zeere beroert.
Cleen
Ende mids dat ghy de naeme Vander Beke voert
So brynghen wy hu/ dese beke anhoort tbesceet
Vp dat ghy hu/ seluen naectelic ontcleet
245[regelnummer]
Van al hu sondelicke mesdaden.
Cunt ghy hu jn dese vloet/ zuueren baden
Ghy wort gheso[nder] dan Namans leden waeren.
Jonst.
Met Beraedsaemich Advys/ wilt hu paeren
| ||||||
[pagina 386]
| ||||||
Uwen biechtvader gheseyt/ met ryppen raede.
250[regelnummer]
Biecht hu jn tyts/ eert wort te spaede
Roupende ghenaede/ met grooter odtmoet.
So wort ghy naermaels/ met gracien ghevoet.
Oock crycht ghy spoet/ jn dit leuen wanckelic.
Cleen
Dese beke heer conync/ wilt nemen danckelic
255[regelnummer]
Die wy hu brynghen/ tot eenen presente.
Jc Cleen Vermueghen/ met ghewilleghen atente
Wilde wel datse waere veil betere.
Maer cleen vermueghen/ jc bems my vermetere
Mids benaute anhoort doch de concluseGa naar margenoot+
260[regelnummer]
Die hem daghelicx houden te mynen huse
Hebbe[n]t my belet/ als nv ten tyden.
Beraedts.
Wy bidden hu al tsaemen/ an allen zyden
Wilt lyden/ met ons simpel labueren.
Jonst.
Den eueraert volcht zyne nathuere.
265[regelnummer]
Schelycx doet elc meinsche hoe dyveersch van nacien.
Cleen
Scuut scimp begryp ofte sulcke blamacien.
Ons werck jn recriacien/ wilt verzinnen goet
Duer den Heleghen Gheest/ mids de Drye Santinnen zoet.
†A†M†E†N†
Hier moet voor een present zyn van een crusificx ende et moet ghemaect zyn hol et cruce ende men moet maken dat vut de vyf wonden looppen mueghen wyn ofte water sulc alsmen wil.
Ghestelt by my Cornelis Eueraert Ao. XVc ende twaelfue ende ghespeilt jn Januario den XXen dach voorden Aerdchiers. |
|