Spelen
(1920)–Cornelis Everaert–
Auteursrecht onbekend
[pagina 327]
| ||||||||||
aant.tSpel van Maria ghecompareirt byden Scepe.
| ||||||||||
[pagina 328]
| ||||||||||
| ||||||||||
[pagina 329]
| ||||||||||
Ga naar margenoot+ Vraghe.
Wat fantaseirt ghy?
Andwoorde.
Dats wel ghevraecht.
Daer sheeren zin toe draecht pyn jc te hyckene.
Vraghe
Wat es huerlieder motyf?
Andw.
Maria te ghelyckene
Tjeghens et scip/ fyguerlic scriftuerlic
5[regelnummer]
Daer de Wervichsche heeren/ toe zyn bekuerlic
Omde materye te hoorene met ryppen verstande.
Vraghe
De condicien der scepen zyn menegherande.
Maer om hu te helpene tot meerder besceets ziet
Hoe es scips naeme?
Andw.
Jc en weets niet.
10[regelnummer]
De quaerte en maect dies/ gheen specificacie.
Vraghe
De scepen zyn ghenaemt jn sweerels reygnacie
Menichsins jn dyveerssche contreyen.
Craecken barcken creueelen galeyen
Hulcken/ buchen/ ende galyooten
15[regelnummer]
Huen/ cogghen/ pleyten/ ende vischboodten
Binnelanders/ ende barcke Latyne goet
Dese seyllen jnder maryne vloet
Oost ende west varre ende naer.
Andw.
Daer esser ooc die jnden water claer
20[regelnummer]
Varende zyn zonder eenich hindere
Seyen/ scuten/ meerder ende mindere
Boodten/ ponten/ hier binnen slants
Twelc heeten al scepen.Ga naar margenoot+
Vraghe
Maer nochtans
Jn ghelyckenesse en zynse een slee niet
25[regelnummer]
By een scip/ dat jnde zee vliet
So by my ghenoemt es jn tvoorghetal.
Andw.
Tes een scip gheheeten dat ouer al
De zee beseylt jn allen wycken.
Vraghe
By sulc scip zoudemen Maria ghelycken
30[regelnummer]
Dat ter zee vaert/ diepe ende groot
Of by sulc middelbaer/ dat tjeghen stoot
| ||||||||||
[pagina 330]
| ||||||||||
Van tempeeste ter zee/ mach ghedueren
Of by eenich cleen dat de aventhueren
Der zee beseylt/ zuudt/ noorst/ oost west.
Andw.
35[regelnummer]
Tmiddelbaerste zoude my dyncken best
Om tverstant van dien den volcke te nopene.
Vraghe
Au ziet.
Andw.
Wat dynghe?
Vraghe
Den thooch ghaet opene.
Ooc zye jcker drie personagen die zonder cesseren
Tscip neerstelic allomme vysenteren
40[regelnummer]
An allen canten van binnen ende buten.
Andw.
Se sullen den volcke/ de materye ontsluten.
Dus laet ons pooghen stille te zwyghene.
Vraghe
Eer wy ons voughen om tverstant te cryghene
Laet ons pynen te nyghene/ met reuerencie.
45[regelnummer]
Eerweerdeghe notable met dylegencie
Biet audyencie/ eer wy beghunnen.
Want voor onse prologhe wy hu dit junnen.Ga naar margenoot+
Behendich Voortstel als een scipman.
Morael Besouck of scips wercken gheviele
Thuwen onderstande teerste es den kiele
50[regelnummer]
Vanden scepe als princepael fondament.
Want al dat den scepe es ontrent
Neimpt vasticheyt anden kiel als princepael stye.
Morael Besouck als een weerlic priester.
Dat ghelyckic treyne lichaeme van Marye
An wiens lichaeme/ vut liefden puer
55[regelnummer]
Godt vast ghemaect heift jnt eeuwich gheduer
Alle duechden/ want hyse versint heift.
Scriftuerlicke Beleedynghe een vrauwe gheestelic.
Den conync zyn coneghinne bemint heift
Bouen alle vrauwen staeter ghescreuen.
Behend.
Anden kiel moeten zyn twee steuenGa naar voetnoot+
60[regelnummer]
Waer of de voorste/ breict doende ghesceet
De baeren swaters/ troer dachterste becleet
| ||||||||||
[pagina 331]
| ||||||||||
Elc ouerhende staende/ an elc hende een.
Want zonder steuen en zoude tscip gheen
Fatsoen hebben/ tot elcx bevroedynghe.
Morael
65[regelnummer]
Deen steue heeten wy huers voorbehoedynghe.
Want Godt heifse so ghepreserueirt bewaert
Dat gheen vyandich beroer/ vploopic aert
An huer als scip mochte vestich beclyuen
Maer braecken en scuerden/ neffens scips dryuen
70[regelnummer]
Dies et vaeren mach/ naer alle nacien.
Scrift.
Tzyn scoone ende groote preseruacien
Daer zou niet en was/ ghepreserueirt alleenlic.
Maer meest alle preseruacien ghemeenelicGa naar margenoot+
Voort alle verlossynghe[n] jnt houde testament
75[regelnummer]
Syn ter eeren van Maria zeer reuerent
Ghesciet seght sinte Beernaerdyn zedelic.
Morael
Dander steue es huer helicheyt edelic
Als Maria lichaemelic was gheheel bevaen.
Scrift.
Dies wiertse Gods tabernakel zeer zaen
80[regelnummer]
Dewelcke hy ghehelicht heift zonder beswycken.
Behend.
De steuens van bouen tjeghens twycken
Syn gheclist alsmen tscip te wercke lecht.
Ende an elcke steue wort ghehecht
Duer beede zyden/ een ryeme ofte bant
85[regelnummer]
Waer an et werck/ neimpt zynen stant
Den welcken bandt wort of ghesleghen
Wanneer twerck styuicheyt heift ghecreghen.
Want van bouen/ beghuntmen eerst te werckene.
Morael
Schelycx als was Anna by bemerckene
90[regelnummer]
Eerfsondich gheboren/ ende heift dit scip beclist.
Nochtans es dien bandt an huer ghemist
Maer was met huer voorders zoorchfuldichede
Ghevest/ die Godt/ jnt beghiften of dede.
Dies was zou zonder erfsonde ghebenendyt.
Scrift.
95[regelnummer]
Onghevyoleirt gheheel/ ende zuuer ghy zyt.
Want noynt en es smitte jn hu ghebleken.
Behend.
Anden kiel ligghen de zandtstreken
Om een verstercken tjeghens alderhande stoot.
Morael
Dat beteekent tvulmaect/ ghelooue groot
100[regelnummer]
Dat staende bleef jn Maria vercoren
Doen dappostelen duer twyffelen hadden verlorenGa naar margenoot+
So bleef tghelooue jnt herte van Maria gheprent.
Scrift.
Tghelooue seght Paulus eist tfondament
| ||||||||||
[pagina 332]
| ||||||||||
Daer men alle duechden by beclyft.
105[regelnummer]
Want twaere onmueghelic/ zo hy scryft
Dat eenich meinsche/ blende crepele of dooue
Gode behaghen zoude/ zonder ghelooue.
Want tghelooue doet alle gracien ontfanghen.
Behend.
Anden scepe behouuen/ menichte van wranghen
110[regelnummer]
Allomme jnt ronde ligghende of staende.
Morael
Dit zyn wy ten verstande slaende
Vande menichfuldeghe/ gracien van duechden
Die Maria als juecht der juechden
Jnwendich vutwendich/ hebben verchiert.
Scrift.
115[regelnummer]
Heronimus jn zyn sermoen alegiert
Veil meinschen/ hebben gracien by deel.
Maer ghy Maria/ hebt vulmaect gheheel
Gracie ghehadt/ naer Gabriels woort.
Behend.
Jnt neirste van den scepe moet wesen voort
120[regelnummer]
Tcoolzwijn/ waer jn dat stantvast
Tneirste hende jn rust vanden mast
Vp trechte middele vanden kiele goet.
Morael
Dit legghen wy toe de siele zoet
Van Maria die by Christus ghewelt
125[regelnummer]
Jnt middel huers lichaeme wiert ghestelt
Daer den mast jn ruste van lydene groot
Doen Christus andt cruce hync naect ende bloot
Alzo huer Symeon hadde beledenGa naar margenoot+
Scrift.
Segghende uwe siele wort hu duersneden
130[regelnummer]
Met den zweerde van rauwen moeder divyn
Tot onser salicheyt.
Behend.
Nu moeter zyn
De weeghers binnen/ ande zyden beede
Die de wranghen tot eenen becleede
Alomme verchieren tot scips bate.
Morael
135[regelnummer]
Dat beteekent de viereghe caritate
Die Maria hadde binnen jnwendich
Tot Godt ende huer heuenmeinsche behendich
Jonste draghende met herten met zinnen.
Wel mach zou segghen/ jc quelle van minnen
140[regelnummer]
Metter Cantycke als donghegriefde.
Scrift.
Veil watren en mueghen de caritate dats liefde
Niet vutte doen by gheender cracht
Datter ghescreuen staet.
Behend.
Nu worter ghescacht
| ||||||||||
[pagina 333]
| ||||||||||
Binnen den scepe om styfuicheyt te gheuene
145[regelnummer]
Dyveerssche balcken ten minsten zeuene
Elc met twee knyen van maten gheleyt.
Morael
Dit mach zyn Maria te baten gheseyt
De zeuen ghiften vanden Heleghen Gheest.
Deerste balcke tjeghens alderhande tempeest
150[regelnummer]
Wy een zuuer vreese toe pluchten
Met de knyen verstyft van zoorghe [ende] duchten.
Dese verstyuen altyts vreese voorwaer.
Scrift.
Een zuuer vreese/ hadde Maria eenpaer
Seght Albeertus/ met grooter vulveerdicheyt
155[regelnummer]
Soorghende duchtende/ ofse Gods weerdicheytGa naar margenoot+
Eenichsins jnwendich/ jn huer verquiste.
Dies zou wel segghen mach met den psalmiste
Heleghe vreese Gods jnder eeuwicheyt blyft.
Behend.
De tweeste balcke ons stercheyt verstyft
160[regelnummer]
Met twee knyen hebbende ter fortificacie.
Morael
Tdeene es twederstaen/ van eerdsche ocupacie.
Tdander jn lyden/ hadde Maria stercheyt.
Scrift.
Myn stercte ende lof/ twelc my greyt
Es den heere/ daer myn behout an staet.
Behend.
165[regelnummer]
De derde balcke mach heeten/ goeden raet
Ooc met twee knyen/ daer jnne ghewrocht.
Morael
Alle die an Maria raet hebben ghesocht
Maria heifse te beradene gheweist ghesint
Met troost ende confoort.
Scrift.
Maria heift bemint
170[regelnummer]
Naer der ewangelien raet/ hueren vyant als vrient.
Behend.
De balcke die jnde rechte middel dient
Twelc es de vierste/ waer an den mast
Princepael an rust/ met zes knyen vast
Drye an elcke zyde/ om een vervromen.
Morael
175[regelnummer]
Ghedoochsaemheyt/ ghestadicheyt/ wy die nomen
Goethede ontfaermichede/ goederthierhede
Ende ghematichede./ By dese verchierhede
Es de balcke van verstannesse/ in Maria gheplant
Scrift.
Waer an den mast nam hueren stantGa naar margenoot+
180[regelnummer]
Van lydene twelc jn Maria vast lach.
Want zoo een scip qualic zonder mast mach
So en can zonder lyden wilt hier vp achten
Den meinsche qualic leuen.
Behend.
Twee zytcrachten
| ||||||||||
[pagina 334]
| ||||||||||
Synder ande zyden/ ghecnocht sterckelic
185[regelnummer]
Daer de mastbalcke jn es ghewrocht merckelic.
Want an dese balcke licht/ gheheel tscips crachticheyt.
Morael
Deene es rechtuaerdicheyt
Scrift.
Ende dander waerachticheyt
De welcke noynt van Maria en scieden.
Behend.
De vyfste balcke/ wilt bedieden
190[regelnummer]
Die ooc verstyft es ter nootsake
Morael
Hier by verstaen wy de goddelicke smake
Verstyft met kennesse ende ghevoelen.
Scrift.
Noynt en mochte jn Maria vercoelen
De goddelicke smake ghebenendyt.
195[regelnummer]
Dus machse segghen/ tot ons sondaers zonder resspyt
Wiens smake hier es jn sonden ghegrouft
Hoe zoete es den heere/ comt ziet ende prouft
Soete int bidden/ zoets jnt contempleren.
Behend.
Jc bidde hu tsaemen/ wilt exsponeren
200[regelnummer]
De naeme der seste balcke zonder ghescillichede
Met huer verstyfuen.Ga naar margenoot+
Morael
De goetwillichede
De welke verstyft es/ met dienste ende eere.
Scrift.
Maria was Christus bedienstich zeere
Hueren zuene met ghewillegher jntencie
205[regelnummer]
Hem eerende louende/ met reuerencie
Jn zyn gheboorte vp beede huer knyen
Als huer heere ende Godt.
Behend.
O moederlic jngien
Myn herte jnt hooren/ moet verjolysen.
Vrienden bemindt/ wilt my bewyssen
210[regelnummer]
De zeuenste balcke met huer verstyfsele.
Morael
Wysheyt heet dese om een beclyfsele
Verstyft met hoede/ ende verkies van wercke.
Hoede van monde der sondeghe zwercke
Van woorden te sprekene/ onnut vyleinich
215[regelnummer]
Verkies van wercke/ te wetene serteynich
Tquaede te latene/ tgoede te kiesene.
Scrift.
Dese ghifte hilt Maria/ zonder te verliesene.
Want wysheyt/ zo Macrobius alegiert
Es eene duecht die alle duechden bestiert.
220[regelnummer]
Wyselic beleede/ jn alder stondt
Maria de woorden/ van hueren mondt
Daer menich meinsche onredelic jn leift.
| ||||||||||
[pagina 335]
| ||||||||||
Want Maria heift selue daert al voor beift
De vpperste wysheyt Gods zuene blydelic
225[regelnummer]
Selue ghedreghen.
Behend.
Jc bems belydelicGa naar margenoot+
Dies wy Maria dancken ende louen.
Maer jnt ronde vanden scepe buten bouen
Ligghen drye berchouten eenen voet versceeden
Deen bouen den andren/ de welcke bereeden
230[regelnummer]
Tscips princepael byndtsele dat de cracht biet.
Morael
Hier by verstaen wy de groote macht ziet
Daer Maria mede ghebonden/ was menichfuldich
Van de godelicke magesteyt dryevuldich
Waer by ons commen es groote verhueghentheyt.
Scrift.
235[regelnummer]
Den vader bandtse met zynder mueghentheyt.
Den zuene vulmaect tonser jolysheyt
Bandt huer met zyn goddelicke wysheyt
Ende den Heleghen Gheest/ met zyn goddelicke goetheyt.
Behend.
Dese berchoutten ende balcken naer myn bevroetheyl
240[regelnummer]
Midsgaders de knyen daer wy of coutten
Syn jn elc andren vast/ met yseren boutten
Om te wederstaene alderande stuericheyt.
Morael
Hier by verstaen wy de gheduericheyt
Die jn Maria als duecht bethooghelic
245[regelnummer]
Bouen alle creathueren/ gheweist heift hooghelic
Gheduerich verstyft snel.
Scrift.
Jngnacius scryft wel
Dat Maria gheduerich was tallen termyne
Jn paciencie van lydene aermoede en pyne
Sonder claghen verduldich blyuende altyts.
Behend.
250[regelnummer]
Van buten den scepe/ worden plancken matsysGa naar margenoot+
Menichfuldich ghesleghen/ om tscips beluucken
Die bouen ende ondere twater duucken
Wederstaende twater/ jn tscip te commene.
Morael
Dit mueghen wy pynen jnwendich te sommene
255[regelnummer]
Dat Maria jn vromer/ gheduerynghe
Wederstaen heift/ de menichfuldeghe bekuerynghe
Vanden vyant/ waer by dat Eua verbrac
Gods ghebodt.
Scrift.
Den heere die sprack
Tot den serpente/ jc zal zonder swichten
260[regelnummer]
Tusschen hu ende der vrauwe een oorloghe stichten
Die hu thooft zal breken ende tcrachtich pleghen
| ||||||||||
[pagina 336]
| ||||||||||
Gheheel benemen.
Behend.
An worden ghesleghen
De plancken met naghelen/ die duere ghaen
An beede de zyden.
Morael
Dit wy verstaen
265[regelnummer]
Vasticheyt/ want gheen/ eerdsche belasticheyt
En hadde Maria/ maer de puer vasticheytGa naar voetnoot+
Was te wederstaene tquaede te anveerdene tgoede.
Scrift.
Dies heifse den heere/ met blyden moede
Ghesien aenschyn an aenschyn thueren greye.
Behend.
270[regelnummer]
Nu esser den ouerloop/ daer thueren vermeye
Die jnt scip zyn vp ghaen ende wandelen.
Morael
Dit wy by huer voorsienicheyt handelen.
Want waer den meinsche keert of ghaetGa naar margenoot+
Hy behoort voorsienich te zyne jn al zyn daet.
275[regelnummer]
Dies Maria voorsienicheyt jn huer herte leyde.
Scrift.
Naer tgroeten des hynghels doen hy huer zeyde
Datse vrucht ontfanghen zoude ende baerssen
Maria hoorende shyngels verclaerssen
Vraechde hoet ghescien zoude vreesende bedroch
280[regelnummer]
Vut een voorsienicheyt.
Behend.
Jnden ouerloop noch
Syn vyf ghaeten/ waer duere alderhande goet
Men den scepe vut ende jnne doet.
Want et rust onder den ouerloop binnen.
Morael
Dese ghaeten beteekenen de vyf zinnen
285[regelnummer]
Van Maria Gods moeder jngyenich
Waer duere alderhande duechden voorsienich
Jn huer herte jnwendich heift besteit.
Scrift.
Maria jn duechden was vulmaect disscreit
Van dat huer moeder huer ontfync
290[regelnummer]
So datse Jan Baptisten te bouen ghync
Ende alle creathueren jn sweerels rip
Jn duechden ende helicheyt.
Behend.
Nu esser jnt scip
De caepstande/ met welcken engiene
Men scip laet ende lost/ tallen ghesciene
295[regelnummer]
Doende tgoet vut ende jn/ met netten appeerte.
| ||||||||||
[pagina 337]
| ||||||||||
Altyts begheerrende was/ smeinschen ontladen
Van Adams mesdaet/ ende sondeghe quaele.
Scrift.
300[regelnummer]
Wel machse segghen met Christus ten avenmaele
Met grooter begheerten/ hebbic langhe begheert
Huwe salicheyt. Want my heift ghedeert
Tusschen Godt ende den meinsche/ donvredeghe vermetynghe.
Behend.
Jnt voorhende vanden scepe/ es de betynghe
305[regelnummer]
Daer twee ghaeten tjeghen staen/ gheheeten de grepe
Duer welc twee tauwen commen daermen den scepe
Om stille ligghen/ mede byndt ende meert
An tghuent dat vroom es.
Morael
O moeder gheheert
Wat verstaet hem dit anders/ dan tvereenen
310[regelnummer]
Van hu ende uwen zuene/ ende tmeenen
Vande twee ghaeten de affexcie ende jonsten
Waer duere de banden eerst beghonsten
Van accoorde ende payse/ dat nv eendrachtich es.
Scrift.
Want hy my groot ghemaect heift diet machtich es.
315[regelnummer]
Siet vutte dien sullen my heetten salich
Alle generacien.
Behend.
Nu staetter ghalich
Duer den voorsteuen/ aerdich ghewrocht
Tdraecx hooft met een knye/ voorsien duercnocht
Ten scepewaert jn met den steerte gheheel
320[regelnummer]
Waer vp ghemaect staet tvoorcasteel
Vanden scepe lustich jnt anscauwen.
Morael
Dit beteekent Maria/ vrauwe der vrauwenGa naar margenoot+
Dat ghy verwonnen hebt gheheel ende al
Tserpent dat Adam/ brochte jnden val
325[regelnummer]
Wiens macht licht onder hu ghegrondeirt
Waer vp hu Godt/ heift ghefondeirt
Als een casteel lustich vroom van victorye.
Scrift.
Dheleghe kercke synght thuwer memorye
Jn grooter glorye/ met devocien duerviert
330[regelnummer]
Schoone zyt ghy ende zeere verchiert
Dochtere/ van Jherusalem
Wonderlic als een casteel/ dat jn hem
Volc van wapene es gheordoneirt.
Behend.
Tscip an beeden zyden/ es ghestoffeirt
335[regelnummer]
Met staende setteboorden/ ghaende vut ende jn
Tusschen tvoorcasteel ende tverdeck.
Morael
Meer noch min
| ||||||||||
[pagina 338]
| ||||||||||
Wy de hulpe ende secours toe scryuen dy
Maria/ die tot elcx/ verstyuen vry
Huut ende jn ghaende es/ menichfuldich wyt.
340[regelnummer]
Die hu anroupen ghy ghehuldich zyt
So jnt Apocalips wel staet gheseyt
Scrift.
Siet jc comme myns verbeyt
Thuwen secoursse tjeghens svyants calaengne.
Behend.
Nu esser jnt achterste de compaengne
345[regelnummer]
Daer die vanden scepe/ jn behoethede
Ruste jn nemen.
Scrift.
Jeronimus seght wilt ghy wicken
Goetheyt es eene duecht dit ghevroet snel
350[regelnummer]
Die ander proffyt ende ghewilleghelic doet wel
So voor ons/ die waeren/ svyants proye
Maria ghedaen heift.
Behend.
Voort esser de coye
Die jnde compaengne/ ofte onder tverdeck staet
Daer den stierman/ jn zyn vertreck ghaet
355[regelnummer]
Ligghen of sitten/ naer zyn sins lusticheyt.
Morael
Dit verstaet hem der zinnen gherusticheyt
Die Maria jn huer hadde onbevreest.
Scrift.
Vp wyen zal rusten/ mynen gheest
Dan vp den zin gherust Ysayas las.
Behend.
360[regelnummer]
Nu esser tnachthuus/ daer tcompas
Jn es ligghende daer den stierman naer vaert.
Morael
Eenicheyt van gheeste dit ons verclaert
Die Maria hadde vervult van gracien.
Tcompas ghelyckic de contemplacien
365[regelnummer]
Die Maria hadde tot Godt eenpaerlic.
Scrift.
Metter Cantycke mach zou wel segghen claerlic
Jc slaepe lichaemelic/ maer myn herte waect
Jnde contemplacien/ van mynen heere vulmaect.
Want myn contemplacie/ hem noynt en ontvoer.
Behend.
370[regelnummer]
An dachterste steue zo hanghet roer
Daermen tscip mede dwynt/ nemes ghoom vroet
Ghelyc men een peert/ met den thoom doetGa naar margenoot+
Keerende wendende zonder eeneghen ghescille.
Morael
Dit verstaen wy van Maria de vterste wille
375[regelnummer]
Die zou Godt als stierman met vulder ghewelt
Vander eeuwicheyt jnde zyne heift ghesteltGa naar voetnoot+
| ||||||||||
[pagina 339]
| ||||||||||
Segghende met den psalmiste verheuen
Scrift.
Jnt beghinsels des boucxs es van my ghescreuen
Dat jc uwen wille zoude vulbrynghen.
380[regelnummer]
O myn Godt dat hebbic willen ghehynghen.
Ende uwe wet hebbic zonder smerte
Gheheel jnt middel van mynder herten.
Huwen wille moete altyts jn my ghescieden.
Behend.
Et roer heift een helmstock om bedieden
385[regelnummer]
Met een partrysghat waer jn naer zede
Den calterstock steict/ daer den stierman mede
Et scip bestiert/ ende et roer doet wycken.
Morael
Den helmstock met tpartrysghat mach ghelycken
De vryheyt der wille van Gode ghegheuen
390[regelnummer]
Elcke creathuere/ die Maria jnt leuen
Ghehadt heift als wy zonder deferencie.
Scrift.
Den calterstock verstaet hem de obediencie
Die Maria drouch tot Gode vierich.
Want zo den stierman troer es regierich
395[regelnummer]
Met den calterstock tsy cort of lanc
Alzo hilt de obedyencie jn huer bedwanc
De wille van Maria/ jnde wille ons heeren.
Want allsse huer zoude/ ten consente keeren
Sprac tot den hynghel obedient
400[regelnummer]
Siet hier Gods dierne/ met vulder consent.
My ghesciede naer hu woort/ zonder verlaet fyn.Ga naar margenoot+
Behend.
Alst tscip ghetimmert es tmoet ghecalfaet zyn
Met werck ofte most/ om te wesene dichtich.
Ofte andersins zo zoude/ twater lichtich
405[regelnummer]
Tscip vervullen ende verlasten.
Morael
Dit mueghen wy tonsen verstande tasten
Et huwelic van huer/ tjeghens ketters ghedeer.Ga naar voetnoot+
Scrift.
Thuwelic van Maria/ was tgheweer
Tjeghens alderhande watren/ der eresye
410[regelnummer]
Daer de belofte der zuuerheyt/ die Marye
Gode vp ghedreghen hadde bleef bedect
Waer of de kennesse vulmaect perfect
Alle eretycken/ ende ketters ghebreict.
Behend.
Et scip ouer al moet zyn ghepeict
415[regelnummer]
Twelc pec niet vesten en can by gheenen bestiere
Ten zy by hitticheyt/ vanden viere.
| ||||||||||
[pagina 340]
| ||||||||||
Dan machment oorbooren/ tot scips behoedicheyt.
Morael
Dit bewyst ons de odmoedicheyt
Die ant scip Maria/ hooghe van staete
420[regelnummer]
Ghevest es duer de viereghe caritate
Die zou tot Godt drouch/ net ghepeerelt.
Scrift.
Naest Christus gheen odmoedegher ter weerelt.
Die vercoren was shemels coneghinne serteyn
Vrauwe der weerelt van eeuweghen beghinne reyn
425[regelnummer]
Ghebiedeghe der hellen/ tallen termyne
Heift huer vernedert minder te zyne
Dan de scamelste dienstbode/ om hu behoet.
Behend.
Noch moet et scip worden gheroet
Daer gheen water an en vest te gheender huere.
430[regelnummer]
Dies vaeret veil te snelder duereGa naar margenoot+
Gheen corrupcie an treckende/ maer blyuende wit.
Morael
De zuuerheyt van Maria beteekent dit
Die zou hadde jnt ghedueren eruelic
Bouen alle zuuerheyt/ der creathueren steruelic
435[regelnummer]
Blynckende jn zuuerheyt/ bouen lof claer
Der hynghelen zuuerheyt/ jnt hemelsche hof maer
Naest de goddelicke zuuerheyt vutghelesen milde.
Scrift.
Christus die van Maria/ gheboren wesen wilde
Jnden hemel hebbende eenen vader onsteruelic
440[regelnummer]
Onbesmit ende zuuer zo moest hy verweruelic
Jnder eerden een zuuer/ moeder vynden.
Want Christus en hadde hem/ niet willen bewynden
Meinsche te wordene/ ten hadde bewesen
De zuuerheyt ende huer/ odmoet ghepresen.
445[regelnummer]
Anders waeren wy bleuen met sonden belast waen
Seght sinte Beernaert.
Behend.
Nu moeter de mast staen
Jnden middel vanden scepe/ daermen onghedraelt
Met den rae/ tseyl lancx vppe haelt
Jn wat scip et zy creveel of buche.
Morael
450[regelnummer]
Dat ghelyckic et weerde heleghe cruche
Daer de leuende Gods zuene van Maria ontfanghen
Als zeyl om ons salicheyt was an ghehanghen
Jn allendegher pyne ende groote smerte.
Scrift.
De mast des lydens/ stont jn huer herte
455[regelnummer]
Van hueren zuene/ te dier spacien
Dat al hadden alle/ de martirisacien
By een gheweist/ vp sweerels dycken
| ||||||||||
[pagina 341]
| ||||||||||
Sy en mochten tlyden/ niet ghelycken
Dat Maria leedt/ zwaer ende onsochte.
460[regelnummer]
Dies zou ten rechten wel segghen mochteGa naar margenoot+
Hoort jc bidde hu/ alderhande volc
Ansiet myn droufheyt/ onder shemels ghewolc
Wat tempeest jc lyde jn sweerels zee.
Behend.
O bittren rauwe.
Morael
O weemoedich wee.
465[regelnummer]
Therte wort ghedwee/ duer tvermaenen.
Pausa cleene.
Hier scuuft men den thooch waer jn staende moet zyn een cruceficxs ende Maria moet daer onder sitten met beede de aermen opene ende an elcke vynder hebbende coorden ghelyc an de mast staet van een scip drucklic ghepareirt ghelyc een Maria vande zeuen ween.
Scrift.
Ansiet hier tscip/ jnde zee van traenen
Met den mast van lydene ende tseyl coluerich
Van Christus lichaeme/ purperich zoetghuerich
Tjeghens tempeest gheduerich/ van victorye goet.
470[regelnummer]
Dus es Maria/ tscip der glorye zoet
Daer de mast des crucen jn rust/ onghenoost.
Bekend.
Lof hu scip Maria/ ons alder troost.
Morael
Lof hu scip Maria/ waer by wy behoet zijn.
Scrift.
Lof bouen lof noort west zuut oost.
475[regelnummer]
Als scip van elcken/ muecht ghy ghegroet zyn.
Sluut den tooch.
Behend.
Nu esser de pompe die jnt scip moet zyn
Om twater vut te pompene dat van bouen comt.
Morael
Christus torment twelc ons om louen somt
Dede twater der traenen/ vut huer ooghen leken.
Scrift.
480[regelnummer]
Dyueersche tauwen anden mast ghebreken
Met weuelynghe daer men vp ende neder ghaet
Twelc hem de twaelf apostelen verstaetGa naar margenoot+
Ende huerlieder artyckelen ons ghegheuen
De welcke met Christus/ wandelden jnt leuen
485[regelnummer]
Die als mast/ hemlieden ghaf leerynghe diere.
Behend.
Wat bedieden de hanckers?
Morael
De ewangelisten viere
Die dit scip Maria/ jn elcken lande ziet
Bekent ghemaect hebben.
Scrift.
Tonsen verstande niet
| ||||||||||
[pagina 342]
| ||||||||||
En thuucht de quaerte/ van tghewant te sprekene
490[regelnummer]
Des scips/ maer te zyne de ghelekene
Maria byden scepe zo wy ghedaen hebben.
Behend.
Neimpt jn dancke wies wy bestaen hebben
Maria ter eeren/ ende hu tsaemen ghemeene
Byden Heleghen Gheest/ die groot en cleene
495[regelnummer]
Brynghen wille binder glorien troone
Byde Drye Santinnen/ jnder victorien croone.
†A†M†E†N†
|
| |||||||||