Spelen
(1920)–Cornelis Everaert–
Auteursrecht onbekend
[pagina 317]
| ||||||||||
aant.Esbatement vanden visscher. | ||||||||||
[pagina 318]
| ||||||||||
| ||||||||||
[pagina 319]
| ||||||||||
Ga naar margenoot+ De Man.
Suer broot/ salich broot.
tWyf.
Ten mach anders wesen niet.
Man
Diet pacientich beaerbeyt tsynder noot.
Wyf
Suer broot salich broot.
Man
5[regelnummer]
Sy moetent beslaeuen cleen ende groot
Die visschen willen jn desen vliet.
Wyf
Suer broot salich broot.
Man
Ten mach anders wesen niet.
Met Godt zynse gheresen ziet/ jc wilt bethooghen.
Wyf
10[regelnummer]
Wye? De visschers?
Man
Jae et blyct voor ooghen.
Want sinte Pieter thooft der kereken
Wast niet een visscher om claer bemercken
Met sint Andries zynen broeder
Sint Jacop de meerder/ ende Marien behoeder
15[regelnummer]
Den heleghen sint Jan ewangeliste?
Wyf
Daer of serteyn jc niet en wiste.
Waerent ooc visschers/ jn huerlieder tyt?
Man
Trauwen warent niet?/ Alsse Christus ghebenendyt
Riep warense noch met den nette besich.Ga naar margenoot+
Wyf
20[regelnummer]
Esmen dat jn onsen wette lesich
So willict ten rechten/ wel gheloouen.
Man
Waenge dat jc hu wil met lueghenen verdoouen?
Tes waerachtich waer/ my wel versindt.
Wyf
So zyn de visschers met Godt wel bemindt.
Man
25[regelnummer]
Scriftuere doet blycken.
Wyf
Man zonder beswycken
Tes best dat wy ons om visschen voughen.
Mueghelic wy sullen Godt te bet ghenoughen
Naer dat hy de visschers zo vut vercoren heift.
Man
30[regelnummer]
Hy es quaet om helpen/ die den moet verloren gheift.
Wel hem die hem vp Godt betraut.
Wyf
Man zoomen ziet ende anscaut
Tweder es lustich claer ende zoet.
Et zoude my dyncken wesen goet.
35[regelnummer]
Dat wy budtkins vynghen et waere proffyt.
Man
Kir lieue wyf doch daer of vermyt.
Wyf
Dat wy budtkins vynghen twaere proffyt.
| ||||||||||
[pagina 320]
| ||||||||||
Man
Jc bems te vreden/ als nu ter tyt.
Maer cleen winnynghe/ zal ons dies ghenaecken.Ga naar margenoot+
Wyf
40[regelnummer]
Dat wy budtkins vynghen/ twaere proffyt.
Mueghelic winnynghe zal vp ons daken.
Cont ghy moorghen jn tyts ter maerdt gheraken
Verwytsme enge van elc budt niet een grootken hebt.Ga naar voetnoot+
Man
Nu met corten woorden/ jnt boodtkin stept.
45[regelnummer]
Uwes raedts te doene wordic een ghenietere.
Godt hebs deel/ ende myn heere sinte Pietere.Ga naar voetnoot+
Dits van lande ghesteken/ jn Gods beuelen.
Hier moet zyn de manniere ghemaect van een cleen sceipken.
Wyf
Benedicite zietme tvisch ligghen spelen.
Wy sullen nv budtkens vanghen by hooppen.
50[regelnummer]
Siet waer ghunder een gheernaert comt ghelooppen
Achter een cabeljaeu diese voor huer jaecht.
Man
Wat comt ghunder?
Wyf
Tes een crabbe die draecht
Een rochghe vp den hals/ wat vreimder gheveerte.
Siet hoe vast houdtseze/ byden steerte.
55[regelnummer]
De rochghe en can huer keeren noch wenden.
Man
Ghunder ligghen mussels by groote benden.
Twaere best dat jcse/ om vanghen voere.
Wyf
De zee dynctme ouer al jn stranghen roere.
Tvisch houdt bruloft ofte keermesse serteyn.
Man
60[regelnummer]
Tesser al met vreuchden/ groot ende cleyn.
Tscynt datse ter baeren looppen om prys.
Wyf
Siet/ ziet/ ghunder/ een budt ende een pladys
Die ghejaecht zyn van eenen hondt.Ga naar margenoot+
Man
Siet dan ghunder./ Een woester goet rondt
65[regelnummer]
Wil eenen scelvisch dooghen vut steken.
Wyf
Tscynt dat de tonghe/ ten besten wil spreken
Om tsaemen met accoorde te verlyckene.
Jc en can my niet/ versaden van kyckene.
Jc sate hier al de nacht zonder te verlanghene.
Man
70[regelnummer]
Wy moesten peynsen/ om budtkins te vanghene
Souden wy moorghen/ gheraken ter vente.
Wyf
Jc consenteirt met blyden atente.
Veil budtkens te vooren/ jc ghunder sach.
Hier moet ghemaect zyn een rommelynghe als een dunderslach.
| ||||||||||
[pagina 321]
| ||||||||||
Man
Wat hooric daer?
Wyf
Een dunderslach
75[regelnummer]
Alzoo my dochte/ met fellen oreeste.
Man
Godt wil ons besceermen/ van tempeeste.
Den Heleghen Gheeste/ wil draeghen ons vaene.
Wyf
De zeede beghunt zo rude te ghaene.
O Godt van omme te slaene/ ons sceipkin behoet.
Man
80[regelnummer]
Staet ons by weerdich/ helich bloet.
Jc zalhu eeuwich dienen/ met herten vlugghe.
Wyf
O sinte Michiel/ buten Brugghe
Wilt doch beede ons sielen bewaeren.
Jc zye ghunder commen twee felle baeren.
85[regelnummer]
Tscynt ofse ons/ jnde zee eruen willen.Ga naar margenoot+
Man
Wy moeten ons bereeden/ zoo wy steruen willen.
De doot duchtich comt ons bestoken.
Wyf
Haddic doch eerst myn biechte ghesproken
Jc waerts te gheruster jn myn doot.
Man
90[regelnummer]
Elc es een biechtvaer jn duterste noot.
Dit moetge gheloouen zonder bedriechte.
Jn noode mach elc hooren biechte
Om te beteren der sonden ghebreken.
Wyf
So laet ons dan ons biechte spreken
95[regelnummer]
Tjeghens elc anderen vp een cort.
Want ons noot nv daer toe port
Vp dat wy cryghen der hellen jnducie.
Man
Knyelt neder dat hu Godt gheue absolucie.
Als ghy hu biechte sult hebben ghedaen
100[regelnummer]
So sallic ooc te biechten ghaen
Ende tjeghens hu/ myn quaet vermonden.
Dus seght eerst tgrosse van uwe sonden
Dat hu Godt zyn gracie wil gheuen.
Wyf
Jc gheue my besculdich man./ Eens hebbic bedreuen
105[regelnummer]
Doen ghy thuus quaemt/ wel by drancke
Ondersteldic hu den wech/ met eenen bancke
Daer ghy ouer vielt twee quaede scenen
Om dat jc zoude hu dronckescip ontwenen.
Wat jc daer jn mesdede/ dats my leedt.
Man
110[regelnummer]
Ende voort?
Wyf
Anhooret tbesceet.Ga naar margenoot+
Vp de selue tyt vp de selue vaert
Doen ghy dus droncke te bedde waert
Binnen dat ghy laecht/ jn slaeps verduusteren
| ||||||||||
[pagina 322]
| ||||||||||
Te wylen ghynghic/ hu buerse pluusteren
115[regelnummer]
Daer jc een dobbel stuuer/ vut nam.
Tsanderdaechs maect jc van hu een ghuut gram
My ghelatende zonder ontbeerren.
Doen ghynct ghy van erheyt vloucken zweerren.
Maer jc en ruste niet/ voor jc hu wech jouch.
Man
120[regelnummer]
Ghy moet hu wachten sulc onghevouch
Huwen man meer te beradene.
Et mochte pooghen/ ons beeden te scadene.
Want by sulcke felheyt/ vaet myn ontcnooppen
Soudic vp een huere/ al tmyne verlooppen
125[regelnummer]
Dies ons naecken mochte/ groot verdriet.
Wyf
Ey jc sals my wachten.
Man
Ende voort verstaet tbediet
Onthoudet woort van mynen bevelene
Ghy moet hu wachten van meer te stelene
Tghelt vut myn buerse/ vaet myn ghebriefte.
130[regelnummer]
Want tes gherekent simpel diefte
Voor Gods ooghen/ ghesproken plat.
Eist daer mede al?
Wyf
Daer es noch wat
Twelc my alder meest/ doet verswaeren.
Man
Ghy moet hu sonden al openbaeren
135[regelnummer]
Of anders en doocht hu biechte niet.Ga naar margenoot+
Wyf
Ey ey ey.
Man
Wilt ghy scuwen svyants bedriechte ziet
De biechte en mach niet zyn ghespleten.
Wyf
Sulge die sonde moeten weten?
Noynt en ghesciede my meerder blaemen.
Man
140[regelnummer]
Seghse vry zonder scaemen.
Jc beloue hu jn svyants spyt
Nummermeer en doe jcx hu verwyt.
Want seghgese niet ghy blyft verloren
Ende versteken vut Gods rycke verrcoren.
145[regelnummer]
Dus en wilt hu biechte niet wesen spennelic.
Wyf
Lieue man hu es wel kennelic
Dat wy thuus hebben drye zuenen
Waer of den houdtsten es de ghuenen
Die hu ende my alleene behoort.
Man
150[regelnummer]
Ende dander?
Wyf
Verstaet myn woort
Dander daer naer/ jn biechten gheseyt
| ||||||||||
[pagina 323]
| ||||||||||
Es myn scnaepens kynt jnder waerheyt.
Jc biddu willet jnt beste verstaen.
Man
Ende den derden?
Wyf
Behoort mynen capelaen.
155[regelnummer]
Nu weitge van myn biechte/ et rechte slodt.
Man
Huwen capelaen?Ga naar margenoot+
Wyf
Jaet zoo helpt my Godt.
De rechte waerheyt/ hebbic hu ontloken.
Man
Hadget niet jn biechten ghesproken
Hier gheseyt met goeden motyfue
160[regelnummer]
Jc hadge gherooft vanden lyfue.
Maer nv laetict/ om der biechten wille.Ga naar voetnoot+
Wyf
Tes seker waer/ wel lieue gille.
Sout ghy hu tmywaerts/ met sulker nyt spoen?
Ghy beloofdet my ghy en zouds my gheen verwyt doen.
165[regelnummer]
Godt zoudtge plaghe[n] engeme hyet mesdeit.
Man
Trauwen jc kent jc bem ghevreit.
Jc houdeme ghepayt als ten tyden.
Wyf
Nu wilt hu sonden ooc belyden
Ende seghtme hu quaet naect ende bloot styf.
Man
170[regelnummer]
Tempeest es ouer./ Ten es gheen noot wyf
Dat jc tjeghens hu ontlaste my.
Wy zyn ooc/ den lande vaste by.
So wel zoudic my noch eens verclaeren
Voor mynen pastuer.
Wyf
Hebbic zoo ghevaeren
175[regelnummer]
Nu ghy zyt wetende de secreten myn
Dat jc niet en mach weten de secreten dyn?
Dit mach my wel spytten jnt ouerlegghen.
Maer non forche men mach/ gheen biechte versegghen
Vp spaeus verwatenesse/ ofte ban.
180[regelnummer]
Jc weddic vp myn hoede worde/ zo jc best can.Ga naar margenoot+
En hy my onghenouchte wil doen den baers
Jc salhem vry wel doen waenen waers.
Al weet hy myn biechte/ jc en achs een gruus.
Man
Godt danck wy zyn ommers by huus
185[regelnummer]
Daer wy te wuennenne zyn ghewuene.Ga naar voetnoot+
Hier moeten commen drie cnechkens al hynckel den vaer wellecomme heeten.
| ||||||||||
[pagina 324]
| ||||||||||
Den eersten Zuene
Wellecomme vaer.
Den tweesten Zuene.
Goeden dach vaere.
Man
Wech ghy hoerekynt.
By hu zoudic druck raepen licht.
Den derden Zuene.
190[regelnummer]
Dach vaer.
Man
Hefge ghy paepenwicht.
Van hu zo steictme puer de walghe.
Wyf
Kir et doet dat men hu byden balghe
An een ghalghe/ moet jnden wynt cnoopen.
Waeromme smytget?
Man
Laetet hoerekynt loopen.
195[regelnummer]
Sendet binnen spapen/ beweluen.
Wyf
Wel en eist al niet vanden seluen?
Elc kynt comt hu vut vrienscepe thouuenGa naar margenoot+
Ende ghy sceltse en smytse./ Godt moetge bedrouuen.
Wat hebben hu de kynders mesdaen?
Man
200[regelnummer]
Sent uwen cnaepe ende ca[pe]laen
Elc et zyne dat hem behoort.
Wyf
Besiet waer mede dat ghy comt voort.
Tsyn alhu kynders wel lieue ketyf.
Man
Myn kynders?
Wyf
Jae.
Man
Wel lieue wyf.
205[regelnummer]
Payt een ander met sulc een clucht.
Wyf
Jc segghe waer.
Man
En hebt gheen ducht
Dat jc hu ghelooue/ een hynckel luus.
Wyf
Tsyn al hu kynders.
Man
Dits ommers abuus.
En beleidt ghy niet/ by goeden besceede
210[regelnummer]
Doen wy waeren/ vp de zeede
Jn biechten? Hoe cunger tjeghen stuenen?
Seytge niet man/ jc hebbe drye zuenen
| ||||||||||
[pagina 325]
| ||||||||||
Daer doutste of behoort hu ende my.
Dander behoort myn cnaepe./ Voort zeyt ghy
215[regelnummer]
Den derden behoort mynen capelaen.Ga naar margenoot+
Deidt ghy my dit niet jn biechten verstaen?
Dit en cunge loochghenen varre noch naer.
Wyf
So ghy seght man/ tes seker waer.
Jc kenne dat jct hu zoo verleet.
220[regelnummer]
Nochtans zo zynt hu kynders ghereedt
Verstonge mynder meenynghe advys.
Man
Synt myn kinders?
Wyf
Jaet.
Man
So maect me dat wys
Dat jct te rechten gheloouen mach.
Wyf
Dat sallic doen/ zonder verdrach
225[regelnummer]
Jn dien ghy my gheuet audiencie.
Jc weet wel ghy gheuen sult sentencie
Dat waerachtich wort myn bediet.
Man
Myn daghen en hoordic vreimder liet.
Seght vp. Laet hooren hu motyf.
Wyf
230[regelnummer]
Ghy zyt myn man/ ende jc hu wyf.
Jc hebbe hu/ ende ghy my ghetraut.
Dus es ons houdtste zuene/ alst naut
Huwe ende myn duer shuwelicx bant.
Man
Daer of hebbic goet verstant.
235[regelnummer]
Wy en zyn van dien/ jn gheenen twiste.
Tes van dander twee hoerekynders dat jc gheerne wiste
Hoe ghy wilt datse my bestaen.
Want ghyse by uwen cnaepe ende capelaenGa naar margenoot+
Hebt ghehadt naer hu selfs belyden.
Wyf
240[regelnummer]
Jc salt hu segghen zonder vermyden.
Wilter naer hooren wel lieue vrient.
Noynt en wassic van te vooren ghedient
Dan sichtent dat jc hu te manne nam.
Ende noynt jc met hyemende ter zee en quam
245[regelnummer]
Dan met hu te gheender hueren
Daer ghy ghedaen hebt al tlabueren
Van roeyen van stieren/ ende dier ghelycke.
Ende waer jc met hu ghae jn eeneghen wycke
Altoos ghaet ghy vooren/ ende jc comme achtere.
250[regelnummer]
By desen dienst/ zonder scande of lachtere
Syt ghy myn cnaepe/ mids welcken dan
Hu dit kynt behoort/ wel lieue man.
| ||||||||||
[pagina 326]
| ||||||||||
Verstaet te vullen mynder meenynghe woort doch
Man
Wat au?
Wyf
Ontbeyt hoort noch
255[regelnummer]
Sichtent dat jc by hu hebbe gheslaepen
En wassic te biechte voor costers noch paepen
Dan tjeghens myn prochghyepape ende hu.
Dus hebt ghy gheweist/ ter tyt van nv
Myn capelaen./ Aldus by desen
260[regelnummer]
So moet dit ooc hu kyndt wesen.
Nu weit ghy mynder meenynghe concluus.
Man
So doende zoudic commen thuus.
By dien zoudic worden ghevreidt.
Wyf
Tonrechte ghy de kynders mesdeidt
265[regelnummer]
Die hu vut blyscepe quaemen tjeghen.Ga naar margenoot+
Man
Jc waende dat ghy [hu] hadt mesdreghen.
By dien wierdic tot gramscepe gheport.
Waer jn dat jc hu hebbe/ ghedaen te cort
Dat willic betren/ naer myn begheerren.
Wyf
270[regelnummer]
Alsicker om peynse/ tmach my wel deerren
Dat ghy my betrauwen zout sulc een cleynicheyt.
Soudic doen sulc een onreynicheyt?
My zoude ghescien der scanden ancleuenesse.
Man
Wyfueken zyt te vreden/ jc bidge vergheuenesse.
275[regelnummer]
Ghy en sult my niet meer jn sulc gheclach vynden.
Wyf
Daer by moetense/ een ommeslach vynden
Vrauwen die becommert zyn met sulc ghebrec.
Of zy zouden vp der quaeder bec
Haestelic ryden zonder veil delays.
280[regelnummer]
Een lueghen gheloghen om thebbene pays
Es beter dan metter waerheyt te houdene ghekyf.
Man
Wye dat ghy zyt man ofte wyf
Esser tusschen hulieden hyet secreits ghebuert
Syt te vreden ende niet en puert
285[regelnummer]
Jn elc anders mesdaet groot noch cleene.
Leift met payse tsaemen ghemeene
Ende dect elc anders eere daer ghy muecht.
Wyf
So salhu ghescieden voorspoet ende duecht
Ende de eeuweghe vruecht naer dit leuen
290[regelnummer]
De welcke vruecht hulieden wil gheuen
Den Heleghen Gheest/ jn wiens vruecht playsantelic
De Drye Santinnen tryonpheren tryonphantelic.
†A†M†E†N† |
|