Spelen
(1920)–Cornelis Everaert–
Auteursrecht onbekend
[pagina 283]
| ||||||||
aant.Esbatement van Aerm jnde Buerse.
| ||||||||
[pagina 284]
| ||||||||
| ||||||||
[pagina 285]
| ||||||||
Ga naar margenoot+ Esbatement.
Sulc Ghemeene Man.
Noynt man en zach den tyt dus besnoot zyn.
Winnynghe moet sieck/ ofte teeneghaer doot zyn.
Eer verspaert dan ghewonnen/ dit men mercken moet.
Mynen staet moet minderen. Ze dynctme te groot zyn.
5[regelnummer]
Aerm jnde Buerse doet niet jnden poot zyn
Mynen cnaepe/ dies hy nv verpercken moet.
Maer by zinnen/ men alle dynck wercken moet.
Dus willic hem roupen/ als een vulleester fier.
Cnaepe waer zytge?
Aerm jnde Buerse.
Meester hier.
10[regelnummer]
Tusschen ons tweester scier/ jc weilde versteken moet.
Sulc
Niet hebben wel spaeren/ by ghebreken doet.
Dat wordic ghewaere/ byden soberen tyt groot.
Dus cnaepe neimpt oorlof/ zouct hu proffyt bloot.
Met my hebt ghy te langghe/ ghewuent ziet.
Aerm
15[regelnummer]
Hoe zoo?
Sulc
Jc segghu en stuent niet.
Neimpt pack en zack/ zouct sochter of strangher man
Ende maect hu duere.
Aerm
Waer omme?
Sulc
Ghy en staet my niet langher an.
Aerm jnde Buerse ghy doet my ghequelscip vaten.
Jc moet by hu zo menich/ goet gheselscip latenGa naar margenoot+
20[regelnummer]
Daer jc voorspoet plochte te vercheynsene by.
Aerm
Jae ofte achterdeel/ dats te peynsene vry.
Sulc Ghemeene Man zoude wel een coopkin cooppen
Ende met den lyfue/ een loopkin looppen
Onder Venus dieren/ hier ende daer. Maer
25[regelnummer]
Jc Aerm jnde Buerse/ volghem eenpaer naer
Twelc hem van ghuf heyt/ spennen doet.
Jc bem hu proffyttich/ dit ghy kennen moet.
Men mocht hu zynghen/ of openbaerich lesen.
Sulc
Waer jn?
Aerm
Jc hebbe hu gheleert spaerich wesen.
30[regelnummer]
Maer wanneer Sulc Ghemeen Man/ bedeghen wort
Aerm jnde Buerse/ om versteken gheneghen wort.
Men zoutme niet verghen/ voorde wet vroet.
| ||||||||
[pagina 286]
| ||||||||
Sulc
Aerm jnde Buerse hu onghelet spoet.
Verhuust of jc zalhu zonder bezwyc vloucken.
Aerm
35[regelnummer]
Wistic dienst.
Sulc
Ghy muecht Elckerlyc zoucken.
Dat zoudic hu raeden/ als de ghevrienste waen.Ga naar voetnoot+
Aerm jnde Buerse moet/ Elkerlyc te dienste staen.
Dat heift oynt gheweist/ ende noch blyuen zal.
Aerm
Nu Godt weet oft my/ beclyuen zal.
40[regelnummer]
Sulc Ghemeen Man adieu/ jc sceede van hu hier.
Mochtic Elckerlyc vynden/ ter tyt van nu schier
Dat waere my rechs/ jnde clyncke slaende.Ga naar margenoot+
Hy comt hier juuste/ zo my dyncke ghaende.
Hem te sprekene my/ te deser huere dient.
45[regelnummer]
Elckerlyc hoe staet?
Elckerlyc.
Wel ter kuere vrient.
Tot goede ruters zoudic my/ als de ghevrienste vellen.
Aerm.
Elckerlyc/ jc zoude my gheerne/ thuwen dienste stellen.
Want den tyt myns leuens moet om slaeuen staen.
Elck.
Scaemel ghesellen/ en zyn gheen graeuen waen.
50[regelnummer]
Sulc ghilde die nv/ jn sweerels ghewat es
Sober jnt habyt wiens buerse dat plat es
Moetet hardt hebben/ tes te bemoedene snel.
Aerm
Elckerlyc by redene/ tes te ghevroedene wel.
Sulc stelt hem ten dienste/ houdt ende jonc vry
55[regelnummer]
Die van grooten gheslachte/ ende vut goeden tronc zy
Vreessende of jc by hem/ als donvoorsienste quaeme.
Elck.
Nu of jc hu te mynen/ dienste naeme
Vp dat wy de cousse trecken te beene an
Hebt ghy hyement ghedient?
Aerm
Sulc Ghemeene Man
60[regelnummer]
Hebbic gheweist een poose subgect.
Tes redene dat men hu/ de gloose ontdect.
Den spaereghen zin/ dede ons beeden sceeden.
Elck.
Nu jc moet hu/ zonder mesleeden breeden
Sout ghy my dienen/ weist te binnen ghisselicGa naar margenoot+
65[regelnummer]
Jc Elckerlic bem daghelicx van zinnen misselic
Onghestadich wanckelbaer/ jn al myn wercken meest
Hier eenen flauwen/ daer eenen stercken gheest
| ||||||||
[pagina 287]
| ||||||||
Somtyts ooc om eenen te ghevoughene snel.
Aerm
Huwe woorden beghunnen my te ghenoughene wel.
70[regelnummer]
Tes pryselic die hue[r]lieder/ condicien segghen.
Elck.
Jc wil hu vooren/ zonder malicien legghen
Myn meenynghe en dient niet onsticx ghespleten.
Wanneer jc bem met goede quicx gheseten
Jn taveerne ofte eldere/ om spelen dryncken
75[regelnummer]
Gheerne laet jc tnat/ binder kelen zyncken.
Alst wel smaect/ dan doet my verhuechghende zyn.
Aerm
Costet niet jc zout ooc wel muechghende zyn.
De waerheyt my niet te helene staet.
Elck.
Als my den zin tot spelene slaet
80[regelnummer]
Jc weet my jn als/ te gheneerrene edelic.
Ooc zoudic my waenen/ te verweerrene redelic.
So mochtich gheparthuert/ te sulcker plaetsen zyn
Om scieten/ baerre looppen/ ofte om caetsen fyn
Clossen/ dobbelen/ verkeeren fluusschen.
Aerm
85[regelnummer]
Elckerlyc/ die van joncx leeren tuusschen
Al waert datse jn winnynghe/ of verlies torden
Jnt vuthende moetic/ huerlieder verkies worden.
My seluen en maeckic niet zouckachtich vry.
Elck.
Altemets dat jc ooc douckachtich zy.
90[regelnummer]
Somtyts met vrauwen/ omden gheest te verfrayeneGa naar margenoot+
Pleghic jnt stoue meest te labayene.
Dit en mocht ghy nyeuwers/ voor scande roeren.
Aerm
Waent ghy dat jc zoude ten drooghe lande voeren
Een hanckerkin ofte een coppelkin drayen.
95[regelnummer]
Neen jc al zaghic/ een stoppelkin mayen
By Venus amoureuse/ dieren jent.
My en roucx wye hem/ tot sulc anthieren went.
De sommeghe by my/ hem dies vermyden moeten.
Elck.
Ghy zout ooc naer my/ by tyden moeten
100[regelnummer]
Wachten ende zyen/ alssic by droncken date
Hyeuwers jn Bacus/ speloncken zate.
Want den dranc doet/ de zinnen cranc besetten.
Aerm
Dat zoudic hu wel eer lanc beletten.
Jc zoude hu doen vermyden tmout
105[regelnummer]
Dat ghy by tdryncken/ niet lichte verblyden zout
Mocht ghy my by hu/ cleenen tyt ghezien.
Elck.
Elckerlyc moet somtyts/ naer proffyt bespien
Om scommers snootheyt te stelpene snel.
Aerm
Jc weet my jn als/ te behelpene wel.
| ||||||||
[pagina 288]
| ||||||||
110[regelnummer]
Sulc Ghemeene Man/ jc macht openbaeren coen
Dedic tjeghens zynen danc/ spaeren doen.
Al acht hy my als/ een onweert vlas
Jc leerde hem wat/ den pennync weert was.
So zoudic hu ooc/ dat jc by hu bleue ziet.
Elck.
115[regelnummer]
Waert dat jc Elckerlyc/ bedreue hietGa naar margenoot+
Dat de sulcke niet en behoufde de wete van dien
Dat zout ghy moeten als/ de secrete anzien.
Want Elckerlyc/ nv hem ter weerelt broosch heift.
Ten zal hu niet scaden vp dat ghy hoosch leift.
120[regelnummer]
Want jc wil my voor tmesvallen dwynghen
Der benauten.
Aerm
Jn allen dynghen
Soude hem Elckerlyc met cloucken keere
By mynen toedoene/ lichtelic zoucken zeere.
Want alle suptylheyt/ doe jc anthieren man.
125[regelnummer]
Al viel Elckerlyc/ die nyeuwicheyt verzieren can
Duer den wasdom/ jn sghufheyts milde scyn
Jc zout hem beletten.
Elck.
So moetge een ghilde zyn.
Maer zout ghy uwen/ dienst tmywaerts bequaeme legghen
Ghy moest my eerst/ uwen naeme segghen.
130[regelnummer]
Men behoortse te wetene/ wye vrauwe of man dient.
Aerm
Aerm jnde Buerse.
Elck.
Aerm jnde Buerse?
Aerm
Jae.
Elck.
Ghy en staet my nie[t] an vrient.
Aerm jnde Buerse/ die met hu ghequelt leift
Selden of lettele/ dat hy ghelt heift
Twelc es een plaghe/ bouen plaghen zwaer.
Aerm
135[regelnummer]
Sallic hu dien?Ga naar margenoot+
Elck.
Vraechter ouer acht daghen naer.
Jae ouer zeuen jaer ghy noch jn tyts comt.
Aerm jnde Buerse/ lettele proffyts somt.
Ghy doet Elckerlyc/ menich hardt stuenekin stuenen.
Tes een aerm clooster daer gheen mueneken wuenen
140[regelnummer]
Van Cruusbroerkins die van elc/ zyn begheert fyn.
Aerm
Waeromme Cruusbroers?
Elck.
Omme datse lief ende weert zyn
Ende Elckerlyc bystaen moetict al clappen.
Se doen wel theerren/ ende ghy doet smal pappen.
Se maecken elc vroylic/ maer ghy elcx vruecht cort.
| ||||||||
[pagina 289]
| ||||||||
Aerm
145[regelnummer]
Tscynt of jc waere van alder duecht vort.
Jc worde ghescuut/ ghelyc vermoste thiende.
Elckerlyc/ of jc hu omden coste diende
Sout ghy my blyuen/ een verstekere vast?
Berecht my datte.
Elck.
Jae jc sekere ghast.
150[regelnummer]
Want Aerm jnde Buerse lettel voordeel doet.
Jc biddu slaet elders/ hu tanneel bloet.
Want Elckerlyc met hu/ niet beclyuen can.
Aerm
Machic met hu/ niet blyuen dan
Dat zal my jnwendich/ veil meshaken junnen.
Elck.
155[regelnummer]
Wat zoude Elckerlyc met hu maken cunnen?
Waer ghy hu Aerm jnde Buerse parende zyt
Elckerlycx herte/ dat ghy bezwaerende zyt.
Gheen duecht en es jn hu ghebleken hiet.
Aerm
Hoe zoo?Ga naar margenoot+
Elck.
Duer ghebreken ziet
160[regelnummer]
Doet Aerm jnde Buerse/ tmagher jnt vette hooppen
Sueren lueren/ daghelicx te wette looppen.
Sulc die ter miltheyt/ hebben verwec desen
Moeten by Aerm jnde Buerse/ vinnich ende vrec wesen.
Tworden corliaens/ die te zyne liberael plaghen.
165[regelnummer]
Dies de aerme lieden/ princepael claghen
Dat Elckerlyc/ van hemlieden/ behindert leift.
Aerm jnde Buerse/ aelmoessene/ vermindert heift.
Sy en mueghen niet leuen/ als de proffytrommers.
Aerm
Es dat myn scult?
Elck.
Ghy hebt den wyt ommers.
170[regelnummer]
Ende noch seghtmen/ by hu bedryf naect
Dat ghy tusschen Elckerlyc/ ghekyf maect.
Man ende wyf/ als de onbesuusten stuenen
So dat zy elc andren/ met vuusten cluenen
By uwen toedoene/ dies ghy versteken zyt.
Aerm
175[regelnummer]
My wondert dat ghy my sulcke ghebreken wyt.
Want man ende wyf niet coene gheneghen
By tyden dat wel te doene pleghen
Daer jc niet en comme/ wyen weilde steict.
Elck.
Jc segghe ghelyc als dongheilde spreict
180[regelnummer]
Ghy en dient my niet. Ten baet gheen anlegghen.
Aerm
Wel wat sallic/ van desen man segghen?
Nootdienst es met Elckerlyc onweert.
Nochtans hoe ghy/ zonder bezwyc onbeert
| ||||||||
[pagina 290]
| ||||||||
Aerm jnde Buerse/ waer hu salich man.Ga naar margenoot+
Elck.
185[regelnummer]
By wat condicien? Syt dat verhalich dan.
Want die als Aerm jnde Buerse hooch of leech ghaet
Es gherekent als een scaduwe/ die ande weech staet.
Aerm jnde Buerse/ men allomme voorby wyst.
Aerm
Jc bem lettel weert alzo ghy my pryst.
190[regelnummer]
Maer hoe cleene/ ghy myn macht acht
Nochtans by tyden/ altemets myn cracht scacht
Tot Elckerlycx proffyt/ zonder veil ghescals waen.
Al ziet ghy my/ als een scaemel hals staen
Sonder my zouder meer/ jn sonden leuen.
Elck.
195[regelnummer]
Hoe zoo?
Aerm
Ghy sulles oorconde gheuen.
Want diet Ghebruuc Couuer/ duer tvoordeellen hooppen
Siet men meest/ jn stouen jn boordeelen looppen
Ende met Venus dieren danssen rellen.
Eeneghe oock groote/ canssen stellen
200[regelnummer]
Ende andre als onghetiste koeykins
Looppen vut den hueren/ ghelyc quistegoeykins
Dier sochte an commen/ ende licht of sceeden.
Elck.
Jc moet ommers sulcx volcx lof breeden.
Want tzyn lieden van voordeele/ ende proffytte fyn.
Aerm
205[regelnummer]
Hoe langhe ghedueret?
Elck.
Tot dat zyt quytte zyn
Maer al eist dat huerlieder goet/ vermindert zyGa naar margenoot+
Wien worter bescaet/ ofte behindert by
Dan zy diet naermaels deruen moeten?
Aerm
Maer alssy jn sachterdeels eruen wroeten
210[regelnummer]
Ende mense van sculden/ niet eenen voet vry laet?
Elck.
So moetense hebben/ van datter by staet
Ende hemlieden thuwen accoo[r]dene sommen.
Aerm
By Lo alsse onder/ myn oordene commen
Van alder ghufheyt/ dat jcse spennen can.
Elck.
215[regelnummer]
By dien moet ghy/ wel kennen dan
Dat hu Elckerlyc binnen sweerels kielen vliet.
Aerm
Jae maer ten es tproffyt der sielen niet
Die by rycdom hem ghuf/ vp sweerels baerm scryuen.Ga naar voetnoot+
Elck.
Sal daeromme Elckerlyc heuen aerm blyuen?
220[regelnummer]
My wondert hoe dat ghy/ muecht tghepyn dyncken.Ga naar voetnoot+
Wye zoude daghelix/ tbier ende wyn dryncken?
| ||||||||
[pagina 291]
| ||||||||
Meest elc hu vloucken/ duer donbaten zouden.
Hoe zoude Elckerlyc alle dynghen jn staten houden
Bleift ghy by Elckerlyc/ met hu verlack quaet?
Aerm
225[regelnummer]
Jc ghelooft meest Elckerlyc/ meneghen back scaet
Van de sulcke die tot drynckene hem gheerne vitten.
Se zouden wel daghen lanc jn taveerne sitten
Vp datse mochten van my verlost wesen.
Elck.
Men heifter ghevonden die heere voor cost presenGa naar margenoot+
230[regelnummer]
Wyen wasdom quam/ met vullen stroome toe.
Twasser al bueter/ tot den boome doe.
Maer nv als wasdom/ ende neerrynghe smalt
Ende Aerm jnde Buerse/ thuerlieder deerrynghe valt
Sy moeten hemlieden/ teenen andre ghanghe keeren
Aerm
235[regelnummer]
By Lo soberheyt by bedwanghe leeren
Duer tderuen van ghelde/ ofte ghereedt scat.
Elck.
Tzoude Elckerlyc worden/ ten minsten leedt dat
Aerm jnde Buerse/ by hem eenpaer bleue.
Dus souct elders vrecht/ jc seght hu claer neue.
240[regelnummer]
Huwen dienst en can my/ sekere niet an staen.
Aerm
Als my Elckerlyc versteict/ waer sallic dan ghaen?
My dyncke dat Elckerlyc/ naer my[n] vercleenen staet.
Elck.
En weit ghy daer toe/ gheenen raet?
Wildet ghy ghy zout wel/ elcx ghekyf vlien.
Aerm
245[regelnummer]
By wat condicien?
Elck.
Ghy mocht naer een wyf zien
An wien/ dat waere/ te behuwene wat.
Aerm
Ten waere niet/ te scuwene dat.
Maer noode zoudic/ met dante of sletere bremen.
Elck.
Rycquaerts dochtere/ wilge betere nemen
250[regelnummer]
Die men Couvre van Gebruuckynghe heet?
Alsmense binnen uwe beluuckynghe weetGa naar margenoot+
Dan sult ghy met Elckerlyc lief ende weert zyn.
Aerm
Se soude wel van my begheert zyn.
Maer hoe gheraecker an my onbekeuen scryft?
Elck.
255[regelnummer]
Ongheheescht dickent/ onghegheuen blyft.
Aerm jnde Buersse ghy moest onverbloot zyn.
Aerm
An theesschen en zal/ gheenen noot zyn.
Waer jc by huer ende wy jn ghecout resen
Myn woorden sullen thuerwaerts wel stout wesen.
260[regelnummer]
Maer eer jc den zin/ thuerwaerts vp tnissche losse
Eist een fraye moncke?
Elck.
Tes een frissche prosse
| ||||||||
[pagina 292]
| ||||||||
Voor hu ende Elckerlyc een begheerlic dreel.
Aerm
Ofse my versteict?
Elck.
Dat wierde een deerlic deel
Soude Aerm jnde Buerse/ huer bekueren niet.
Aerm
265[regelnummer]
Jc ghae tot huer wat cannic/ verbueren ziet
Ende ghelaten my seluen/ jn sulcken ghebaere stout
Als of myn goet honder[t] jaer/ waere hout.
Gheloofseme/ jc salse becluchten zaen.
Elck.
Daer vooren en hebbic gheen duchten waen.
270[regelnummer]
Ghecrycht ghy tmeyssen ghy sult te sochter leuen.Ga naar margenoot+
Aerm
Wilde my Rycquaert/ zyn dochter gheuen
Jc wierde met Elckerlyc/ als een nyeu man.
Elck.
Dat wierde waer.
Aerm
Nu Elckerlyc adyeu dan.
Want men seght wient mede ghaet/ ofte sneift ziet
275[regelnummer]
Die niet en aventhuert/ hy en heift niet.
Dus wordic van huer/ niet verscuwet cort
Peynst dat Aerm jnde Buersse/ ghehuwet wort.
Maer keeric weder/ weist myns verstekere niet
Elck.
Aerm jnde Buersse/ jc en wilhu sekere niet.
280[regelnummer]
Pynt elders te blyuene/ west ofte oost waen.
Want an my en salhu gheenen troost staen.
Pausa.
Couuer Ghebruuckynghe.
Nu machic de zinnekins/ naer mynen heesch legghen
Ende daghelicx staet vp/ wel ghemint vleesch segghen.
Want jc hebbe vryers by hooppen groot
285[regelnummer]
Die spaede ende vrouch/ achter my looppen bloot
Om dat jc jn Rycquaerts/ beluuckynghe beete
Ende om dat jc/ Couuer Ghebruuckynghe heete.
Et wil my al hebben/ dat lepel lecken mach.
Jc waene men om tlancxste/ noynt zo trecken zach
290[regelnummer]
Als om my/ want jc Elckerlyc bekueren moet.
De sulcke om my groote/ labueren doet.
Ruetelaers die om drayen/ drooghaerts queerne pleghen.
Maer zy en hebben my niet al die my gheerne creghen.
Die my ghemist machem/ als cranc dancker rommen.
295[regelnummer]
Hola jc zye hier noch/ een jancker commen.
Serteyn hij hadde noch wel mueghen slaepen waen.
Want hy dynctme zeer qualic metten scaepen staen.Ga naar margenoot+
An zyn habyt hy hem/ ende elcken snoo dient.
Aerm
Godt groethu vrauken
| ||||||||
[pagina 293]
| ||||||||
Couuer
Ende jou alzoo vrient.
300[regelnummer]
Hu hooscheyt en treckic/ te mynder somme niet.
Aerm
Om duecht ende eere/ jc tot hu comme ziet
Mochte myn wesen ghepresen/ met hu voordan staen
Couuer
Jn duechden met eeren machmen alle dync an ghaen.
Dus seght my hu meenynghe onghespleten coen.
Aerm
Scoon blomme / jc salt hu gheerne te weten doen.
Dus wilt my vry/ thuwen beclyue scauwen.
Jc zoudu gheerne/ te wyfue trauwen.
Want myn zinnen zyn vp hu ghesleghen fyn.
Couuer
Jc zoude ooc wel/ om huwen gheneghen zyn
310[regelnummer]
Mochtic leuen met eeren/ ende goede daghen.
Aerm
Daer ouer en zoudge niet / zo jc bemoede claghen.
Jc bem bekent ghelyc als die thiende vut polders gheuen.
Couuer
Jc moeste weildic ghehouden zyn.
Aerm
Ghelyc carpers vp solders leuen.
My ghebreict van als/ zo jc moet ghestelt nyghen.
315[regelnummer]
Maer mochtic hu lief/ jn myn bewelt cryghen
Jc wierde verlost vut myn desroy zaen.Ga naar margenoot+
Couuer
Jc zoude moeten/ al heuen moy ghaen.
Ooc en zoudic willen van gheender zoorghe hooren.
Aerm
Daer zoudic hu wel/ stellen boorghe vooren.
320[regelnummer]
Want zo ghy zien muecht/ by cleenen proffytte
So ghedoe jc selue met eenen habytte.
Met Pouers cleedynghe/ houdic my ghepayt fyn
Die van menegherande lapkins ghenayt zyn.
Dus ghaense heuen moy/ die van mynde[r] ghyse weten.
Couuer
325[regelnummer]
Jc moeste ooc daghelicx/ goede spyse heten.
Kiecxskins partryskins/ zouden my te snoode zyn.
Dan moestic dryncken/ witten of roode wyn.
Want jc bem wonderlic van maghe theer.
Aerm
Jc zoude doen thuwen behaghe meer.
330[regelnummer]
Myn jonste zoude thuwaerts / vut hitten waerm nyppen.
Couuer
Hoe dat?
Aerm
Jc zoudge jnden aerm gryppen
Ende leeren hu spelen/ sulc een toerken mede
Ghelyc hu vaerken/ hu moerken dede.
Ghy zout hu/ jnt labuer verhueghen cluchtich.
Couuer
335[regelnummer]
Jc en zouder niet tjeghens/ mueghen duchtich.
Jc bem van nathueren/ veil te cranck waen.
Aerm
Men zieter nochtans/ niet vele of manck ghaen.
Als zyt gheprouft hebben/ [sy] om de reste spoen.Ga naar margenoot+
| ||||||||
[pagina 294]
| ||||||||
Couuer
Jc zoude ghelyc als andre myn beste doen.
340[regelnummer]
Maer jc zoude/ ooc langhe willen slaepen.
Aerm
Daer of en zouden wy gheen ghescillen raepen
Mocht ghy binnen/ mynder traepe staen.
Couuer
Dan willic allomme/ met een cnaepe ghaen.
Want myn afcomste/ en es niet cleene dynct.
Aerm
345[regelnummer]
Hu moerkin louch nochtans/ doen ghy alleene ghynct.
Hu bespreken zoude een/ vut zynen broucksac jaghen.
Couuer
Wye zoude mynen preicstoel/ ende boucksac draghen?
Jcke?/ Et waere voor hu een scande groot.
Aerm
Et ghaet al buten/ mynen verstande bloot.
350[regelnummer]
En vreest niet/ wy sullen dies gheen ghekyf hebben.
Couuer
Dan moestic ooc/ een frisch joncwyf hebben
Die aerdich conste coken/ ende spyse bereeden
Ende een cameriere/ die met wyse beleeden
Thuus regierde/ ende myns ghade sloughe
355[regelnummer]
Ende die de zoorghe/ vrouch en spade droughe
Om alle dynghen te bescickene snel.
Aerm
Dese pointkens staen my al te wickene wel.
Couuer Ghebruuckynghe / of jc hu daer vp vast waere
Jc zoude van al/ wel draeghen last care.
360[regelnummer]
Tes goet de meenynghe voorden verstandelen huten.
Couuer
Tsomers tyden/ zoudic willen wandelen buten
Om ons goehynghen/ allomme te beziene ziet.Ga naar margenoot+
Aerm
Dat en zoude hu faylgieren te ghesciene niet.
Want alsmen jn maerte ziet/ der zunne[n] rysen
365[regelnummer]
Dan moetic allomme/ beghunnen bysen
Ende myn rentiers/ subtylic besprynghen ziet.
Want zy en zouden my/ jn langghe brynghen niet.
An hemlieden jc meest/ duer ghebreckelicx noods wende.
Couuer
Waer es uwen leghere?
Aerm
Te Broodshende
370[regelnummer]
Te Bystiervelt te Royghem/ ende tHuutkercke.
Maer alssic sober myn trybuut mercke
Ende myn tanden/ by honghere om jueckene staen
Ende jc dan moet ter Couder Kueckene ghaen
Dan moetic my/ jn sCommers Zoorghen eruen.
Couuer
375[regelnummer]
Syn hu jncommen zo cleene?
Aerm
Al moestic moorghen steruen
So zoudic/ al mocht menich pachter baten
Veil scoon ghoehynghe achter laten
Myn rede vry voor gheen abuus slaet
| ||||||||
[pagina 295]
| ||||||||
Ghelyc tgoet ter Weilde/ dat byder Sluus staet
380[regelnummer]
Tgoet ter Lucht/ Roosieres/ en Scoonhoue.
Wat holpt dat jc mynen/ persoon loue?
Jc en zeydu de naemen vanden parcheelen ziet
Tusschen dit ende moorghen/ vp dhonderste deelen niet
Dien jc zal laten oost west zuudt noort lanc.
Couuer
385[regelnummer]
Ghenomen ons bruloft/ zoude hebben voortghanc
Souden wy tsaemen/ ouer eert ghaen/ of bequaeme heten
Wy moesten elc anders naeme weten.
Dus laetse ons/ om segghen nauwe spoen.Ga naar margenoot+
Aerm
Twort tyts ghenouch/ als wy ondertrauwe doen.
390[regelnummer]
Dan sullense wy den pastuer/ naerden betaeme raemen.
Couuer
Hoe zoudge willen hu naeme scaemen?
Of vreestge of men hu hyet/ mochte legghen an?
Aerm
Neen jc.
Couuer
So wiltse segghen dan
Vp dat ghy hier zonder zoorghe/ muecht vry crebben.
Aerm
395[regelnummer]
Jc heete Aerm jnde Buersse.
Couuer
Aerm jnde Buersse?
Aerm
Jae.
Couuer
En wilt ghy my hebben?
Wech/ wech/ van hier/ te deser huere vliet.
Aerm
Waer omme?
Couuer
Ghy en zyt myn partuere niet.
Dies lichtelic duere sciet/ weist onbescaemt fyn.
Sout ghy my cryghen/ ghy moest vernaemt zyn.
400[regelnummer]
Anders zoudic hu/ eenpaerlic veeten man.
Aerm
Hoe zoudic moeten/ heeten dan
Vp dat jc vulquaeme hu lieue begheerrynghe?
Couuer
Wierdet pays ende gherieue neerryngheGa naar margenoot+
Et zoude wel dienen/ thuwer vraemen weit
405[regelnummer]
Dat ghy hu Wasdom naemen deit.
Want Wasdom mids de baten stout
Couuer Handelynghe/ altyts jn staten hout
Daer Aerm jnde Buersse jnt verdrieten scynt
Couuer Ghebruuckynghe te nieten brynct.
410[regelnummer]
Aerm jnde Buersse men/ cleene tallen gheduene acht.
Aerm
Aerm jnde Buersse den verloren zuene slacht
Die niet en weet/ noch niet te gheuene heift.
Alomme dat hy als de verdreuene sneift.
Elckerlyc scuut hem/ als vorte sleteren quaet.
Couuer
415[regelnummer]
Doet hu vernaemen/ gheenen beteren raet
| ||||||||
[pagina 296]
| ||||||||
Ende laet hu mynen belastene greyen.
Aerm
So moetic dan tot jnde vastene beyen
Naer dat jc hoore uwe termen al
Tot dat den busscop/ de lieden vermen zal.
420[regelnummer]
Dan doe jc my vernaemen/ zonder veil delays cort.
Want jc hope dat et eer lanc pays wort
Ende dattet neerrynghe wort/ naer myn berommen wyt.
Maer waer bevaeric?
Couuer
Van daer ghy commen zyt.
Wilt hu daer te logyste/ neder spien.
Aerm
425[regelnummer]
Adieu Couuer Ghebruuckynghe/ tot weder zien.
Jc vertrecke/ maer al salt myn rebben scillen
Elckerlyc en zal my/ niet hebben willen.
Waer sallic alder best/ mueghen dan ghaen?Ga naar margenoot+
By Lo Sulc Ghemeene Man/ moet weder an staen.
430[regelnummer]
Hoe zoudic mueghen jn beter cot hutten?
Sulc Ghemeene Man moet allomme den bot scutten.
Maer et wort/ te zynder deerrynghe cort.
Want jc hopet eer lanc pays/ ende neerrynghe wort.
Dus looppic daer/ met leden snel schier.
435[regelnummer]
Eerweerdeghe notable/ ons simpel voorstel hierGa naar voetnoot+
Wilt danckelic nemen/ vut jonsten reene.
Lydt metter fantasye/ van consten cleene
Thuwer eeren ghedaen/ jn ghedeurnsche vrede goet
By Aerm jnde Buersse/ der Veurnsche stede zoet.
†A†M†E†N†
so reine verclaert. Jc comme om leeren. Dit voorscreuen esbatement ende dit naeruolghende spel van Maria was ghestelt by my Cornelis Eueraert om de ghilde vander stede van Veurne die men heet Aerm jnde Buersse de welcke beede ghespeilt waeren binder stede van Ypre naer den thuundach xvc ende neghenentwyntich ende wiert met spel van Maria ghewonnen den derden prys van eeren.Ga naar voetnoot+ |
|