Spelen
(1920)–Cornelis Everaert–
Auteursrecht onbekend
[pagina 233]
| ||||||
aant.Esbatement van Boerdelic Pleghen ende Ghenoughelic Voortstel.
| ||||||
[pagina 234]
| ||||||
| ||||||
[pagina 235]
| ||||||
Ga naar margenoot+ Tydelicke Vredelicheyt de moeder.
Au Boerdelic Pleghen ende Ghenoughelic Voortstel
Rasschelic staet vp anhoort myn woort snel.
Slaepereghe gheesten wilt ontsprynghen zaen.
Boerdelic Pleghen als twee jnnocenten ghecleedt ligghende ten bedde.Ga naar voetnoot+
De cockuutten moeten eerst zynghen waen.
Tydel.
5[regelnummer]
Slaepereghe gheesten wilt ontsprynghen zaen.
Ghenoughelic Voortstel.
Twaere noot lietmen tslaepen voor alle dynghen staen.
Twyf doet ons met hueren bleetene gru.
Tydel.
Slaepereghe gheesten wilt ontsprynghen zaen.
Doet dat jc pyne te heetene hu.
Boerdel.
10[regelnummer]
Alder eerst beghunnen wy te zweetene nu.
Jnt ligghen wy ghemac gheuoelen plat.
Tydel.
Licht vaste. Jc salge vercoelen wat
Met desen watere rieckende zuerachtich.
Ghen.
Wat helpe/ helpe.
Boerdel.
Weist niet zoo stuerachtich.
15[regelnummer]
Hu ghyeten doet ons lyden/ pyne zwaere.
Ghen.
Tdynctme riecken/ oft stelle oryne waere.
Anthiert ghy ons dus/ ligghende jnt zweet nat?Ga naar margenoot+
Tydel.
Jc coelge om datge wat te heet hat.
Want hitte doet de meneghe hem flau draeghen.
Boerdel.
20[regelnummer]
Men zoude ons lichte met sulc een dau jaeghen
Vanden bedde/ zonder te draelene lanc.
Tydel.
Rasschelic om te behaelene danc
Staet vp./ Bereedt hu naer mynen sermoene cort.
Ghen.
Seght ons watter te doene wort.
25[regelnummer]
Danck es altyts te ghenyetene serteyn.
Hoe mach mense cryghen?
Tydel.
Met scietene reyn
Ende met rethorycke/ als de quaerten thooghen claer.
Boerdel.
By Lode daer willic my pooghen naer.
Want al mochtic/ een bloeyende distelle winnen
30[regelnummer]
Jc en liets niet.
Tydel.
Te Ghistele binnen
| ||||||
[pagina 236]
| ||||||
Mach sulc prys verdienen/ vp myn beghoomen let.
Ende om daer te ghaene willic my thoomen net.
Haelt my eenen cam om den crooc te byndene.
Ghen.
Jc salder my pynen/ ooc te vyndene.
35[regelnummer]
Want tot vruechden/ jc den zin ghestrect hebbe.
Tydel.
Jc Vredelicheyt hu daer toe ghewect hebbeGa naar margenoot+
Om tvolc te verblydene/ by ende breedt hier.
Boerdel.
Siet hier eenen cam. Maect hu ghereedt fier
Hier brynght hy eenen cam daer men wulle mede camt.
Ende stelt hu tuutten te cnechten waert.
Tydel.
40[regelnummer]
Ghy hebt van zotheden den rechten aert.
Jc beghunne jn uwen ghedrullene te grammene.
Boerdel.
Eist niet eenen cam?
Tydel.
Jaet om wulle te cammene.
Maecken dusdaeneghe cammen/ der vrauwen haer claer?
Boerdel.
Cammen zyn cammen/ wat vraeghic daer naer?
45[regelnummer]
Ghy beghunt my/ jn abusen te wranghene.
Tydel.
Jc meende eenen cam om lusen te vanghene.
Altyts zyt ghy ter botheyt gheneghen hiet.
Ghen.
Tes de condicie van Boerdelic Pleghen ziet.Ga naar voetnoot+
My wondert dat ghy hu op den cnecht stoort.
Boerdel.
50[regelnummer]
Hoe zalmen prys winnen? Ons berecht voort.
Naer de wete van dien/ jc langghe ghebeyt hebbe.
Tydel.
Ghelyckerwys als jc hu gheseyt hebbe.
Wilt naer myn woorden/ ghade ende bemerck slaen.Ga naar margenoot+
Ghen.
Maer hoe salt moeten jn zyn werck ghaen?
55[regelnummer]
Maect my tbesceet/ te mynen greye vroet.
Tydel.
So wye voor zynen scietdach jntreye doet
Reynst scotterlicxst/ ende ghenoughelic apeert
Sal hebben een scaele/ jent voughelic weert
Vier onchen siluers/ zonder delay fyn
60[regelnummer]
Voor danck ende prys.
Boerdel.
Dat zal fray zyn.
So doende zoude my/ den gheest verwecken.
Tydel.
Jc zalhu breeder den keest ontdecken.
Wye jn een lot/ vier de cortste maten sciet
Binnen zestien scoten/ tzynder baten ziet
65[regelnummer]
Sal winnen vier scaelen van seluere vry
Weir hy ambochsman ofte deluere zy
Weghende twyntich onchen ghewichten goet.
Ghen.
Hoordic niet segghen datmer dichten moet?
| ||||||
[pagina 237]
| ||||||
Seght ons de waerheyt zonder helen al.
Tydel.
70[regelnummer]
So wye een esbatement spelen zal
Ghenouchghelicxst met blyden zinnen
Boerdelicxst/ mach te dien tyden winnen
Scimp vylonie/ met corten verhale verdreuen
Minst ghezien zal worden een scale ghegheuen
75[regelnummer]
Van vyf onchen seluers/ onbescaet hoort
Jn loone van pryse
Tydel.
Daer zyn noch andre/ vrauwepryssen
Seluer/ die met scieten/ om winnen worden.
Boerdel.
80[regelnummer]
Jc zoudeme wel vut de zinnen ghorden
Ende lichtelic met vpsette kyfuen
Moestic achter by belette blyfuen.
Myn gebet zoudic vpt cromme spreken.
Tydel.
Boerdelic Pleghen moet hem allomme steken
85[regelnummer]
Daer Ghenoughelicheyt/ hyet te doene raet.
Vruecht gheen tyt jn saysoene staet
Ghenouchghelic Voortstel/ moet dordona[n]che gheuen
Twelc doet Boerdelic Pleghen jn playsanche leuen
Die by my Vredelicheyt tsaemen nv jn roere zyn.
Boerdel.
90[regelnummer]
Au Ghenoughelic Voortstel/ broere myn
Ten scietspele willic my bereeden ghaen.
Maer hoe hem een aerdchier moet cleeden waen
De wete waere my goet ghewaecht snel.
Wat moet hy an doen?
Ghen.
Dats ghevraecht wel.
95[regelnummer]
Jc en hoorde noynt van gheen sottere lesen.
Boerdelic Pleghen wil nv een scottere wesen
Niet wetende hoe hem een aerdchier acoutreren moet.
Tzoude sulcke nunnen verstorberen tbloet.
Wetende zoudent huer abdessen claeghen.
Boerdel.
100[regelnummer]
Synt al coken die langghe messen draeghenGa naar margenoot+
Of meesters die hem tot sconstens atentene biet?
Ghen.
Hu waere betre te esbatementene ziet.
Daer cunt ghy hu best mede behelpen man.
Boerdel.
Tscieten en es te verjentene niet.
Ghen.
105[regelnummer]
Hu waere betere te esbatementene ziet.
Boerdel.
Jonste tscieten my jn te prentene riet
Dies jc my van scietens gheneghen niet stelpen can.
Ghen.
Hu waere betere te esba[te]mentene ziet.
| ||||||
[pagina 238]
| ||||||
Daer cunt ghy hu best mede behelpen man.
Boerdel.
110[regelnummer]
Jae/ jae/ maect my van cotrys welpen dan.
Huwe woorden doen my/ als de botte quelen.
Sallic altoos meenge/ jnt sotte spelen?
Ghy zout my maken van zinnen ghestoort fel.
Ghen.
Tes Boerdelicx Pleghen.
Boerdel.
Ende Ghenoughelic Voortstel
115[regelnummer]
Mach men alzo wel als jcke scicken
Te esbatementene.
Ghen.
Te dien sticke wicken
Meest uwe condicien/ dan om scieten ziet.
Rethorycke en can hu verdrieten niet.
Tes wonder dat ghy an tscietens vermeten cleift.Ga naar margenoot+
Boerdel.
120[regelnummer]
Jc wil scieten coste dat gheten heift.
Want de zinnen naer prys met hitte vlieten.
Ghen.
Ghy moet jnt middel van twitte scieten
Wilt ghy om prys hu seluen snel spoen.
Boerdel.
Jnt witte scieten dat sallic wel doen.
125[regelnummer]
Missic byndt my/ met vortte coorden.
Ghen.
Boerdelic Pleghen/ met corte woorden
Ghereeden wy ons zonder verdrieten ghilde
Of onser elc om prys scieten wilde.
Tes tyt. Naer mynen berommen hoort.
Tydel.
130[regelnummer]
Nu laet zien wye scotterlixst zal commen voort
Ghenoughelic Voortstel ofte Boerdelic Pleghen.
Deen es appeert/ dander loerdelic tjeghen
Deene es bedect ende dander ongheveynst ghaet.
Boerdel.
Nu waere goet van my ghepeynst jaet
135[regelnummer]
Om te wetene/ met engienen vroet
Wat eenen aerdchier al dienen moet
Om te scietene als al/ dese mannen.
Eerst moestic een boghe met een pese spannen
Soudic scieten naer torren of platte kercken.
140[regelnummer]
Waer halic dien?/ Laet me datte mercken.
Van dien wildic wel hebben tbesceet plat.
Hola byder doot jc weet wat.
Jc zye hier een boghe van houden tyden staen.
Die willic prouuen zonder vermyden zaen
145[regelnummer]
Ofse wel naer mynder handt past.Ga naar margenoot+
Hebbic ooc niet wel een goet verstandt vast?
Jc en wilde gheen beter zonder spot hebben.
Dats waer nv moestic oock ghescot hebben.
| ||||||
[pagina 239]
| ||||||
Dat vyndic hier juuste te mynen greye ziet.
150[regelnummer]
Tes best eer jc langghere/ beye hiet
Dat jct steke jn myn rieme achter ende vooren fyn.
So machic een scotter achter ende vooren zyn
Waert jn myn rieme ghesteken al.
My wondert of my hiet meer ghebreken zal.
155[regelnummer]
Au jaet een handtscoe/ byder doot noch.
Siet waer jcse vynde te mynder noot doch.
Men zoude met beter/ wel braemen snyden.
Die niet bet en mach moet naer tbetaemen lyden.
Dat onghereedt es/ es quaet om trecken by.
160[regelnummer]
Jc doese best an/ en laet niet ghecken vry.
Tes voordeel een man die de vyngheren bedect heift.Ga naar voetnoot+
Ghen.
Tydelicke Vredelicheyt/ die my ghewect heiftGa naar voetnoot+
Ghenoughelic Voortstel/ zonder vermyden fier
Soude gheerne tvolc an allen zyden hier
165[regelnummer]
Verblyden schier/ met Boerdelic Pleghen jent
Tot wien al myn zins gheneghen went
Om zyn vreuchdelicke boodsen/ die jnt verhueghen vloeden.
Boerdel.
Nu willic naer myn vermueghen spoeden
Om myn ryeme te ghordene/ met leden snel waen.
170[regelnummer]
Noynt en sachghic ghescot zo wel staen
Alst tmyne nv doet/ zo jc ghemercken can.
Tes best doe jc voor alle wercken an
Mynen scietlap ende prouuen/ zonder verdrieten snel
Of jc om prys zoude cunnen scieten wel.Ga naar margenoot+
175[regelnummer]
Adieu dits wech rasch onvertraecht fyn.
Ghen.
Kir ziet waer mede dat wy gheplaecht zyn.
Myn herte dynctme duer tghelach breken.
Wye weet datmen tghescot zo mach steken
Jnde ryeme jnt ronde omme ghaen.
180[regelnummer]
Van lachghene moetic als de cromme staen.
Want by verwaentheyt/ hy met sulc gheveert pryct
Ghelyc eenen paeu/ die naer zynen steert kyct.
Sy[n] zotheyt zeer quaet/ te benemene zy.
Boerdel.
Jc waene nv wel te bremene vry.
185[regelnummer]
Want jc bem aerdich ghemonteirt fyn.
Jc en mochte niet bet ghestoffeirt zyn
Dan jc nv bem zo elcken zien mach.
| ||||||
[pagina 240]
| ||||||
Ghenoughelic Voortstel endt ghescien mach
Jc berouppe hu te scietene een partuere cnecht.
Ghen.
190[regelnummer]
Ghy zyt ghestelt tot sulcken labuere recht
Als een diet noynt en heift gheleert waen.
Boerdel.
Waeromme?
Ghen.
Tdynctme al verkeert staen
Handtscoe scietlap/ by sulc ghescien plat
Als of ghy noynt boghe ghesien hadt
195[regelnummer]
Ghelyc sulc simple die te arie ghaet.
Boerdel.
Hoe zoo?
Ghen.
Om dat al contrarie stae[t]Ga naar margenoot+
Hu gheweer men ziet openbaer dit.
Den handtscoe behoord hier den scietlap daer vit.
Met den handtscoe pleichmen naer zede te treckene.
Boerdel.
200[regelnummer]
Wat wistic daer of?
Ghen.
Twaere mede te gheckene
Voor alle dese lieden/ die hier versaemt zyn
Boerdel.
Tes nu al claer alzoot betaemt fyn.
Jn vruechden moetic duer ditte vlieten.
Hoe sallic nv jnt witte scieten
205[regelnummer]
Wel twee of drie reysen jn elc lot.
Ghen.
Ghunder ziet staet eenen melcpot
Vul melcx tot bouen ghemeten toe
Daer willen wy naer scieten om te weten hoe
Dat wy zouden scieten ten doele snel.
210[regelnummer]
Jc mach ommers toe. Jc ghevoele wel
Dat my dit ghescot zal behouuen fray.
Boerdel.
Jc moet myn ghescot ooc prouuen. Way
Desen pyl en wil jnde pese vesten niet.
Al doe jc myn alder besten ziet
215[regelnummer]
Jc en canse jnde handt ghehouden nauwe.
Ghen.
Eist niet myn eerste/ ontvouden trauwe?
De sulcke die niet en weet tpleghen hoe
Daer eshy altoos gheerne/ gheneghen toe.
Tes quaet om spreken de stomme leeren.Ga naar margenoot+
220[regelnummer]
Aerm dwelm ghy moetse omme keeren.
Beziet waert hu dan lieghen can.
Boerdel.
So salse contrarie vlieghen dan.
De vueghels vlieghen metten vlercken vooren.
Ghen.
Wilt ziet om bemercken spooren
225[regelnummer]
Ende wilt vp dese scote achten zaen.
Boerdel.
De steerten nochtans bachten staen
| ||||||
[pagina 241]
| ||||||
Van allen vueghelen/ naerden ghemeenen cloot.
Ghen.
Dat en es den pyl/ gheenen noot
Anders te vlieghene/ dan hy duere sciet.
Boerdel.
230[regelnummer]
Den pyl tjeghens nathuere vliet
Alsmen vut den boghe zo vlieghen doet.
Den steert ziet of jcker omme lieghen moet
Vliecht vooren thooft achter/ neimpt de vlucht zyn
Contrarie de vueghe[le]n/ die jnde lucht zyn.
235[regelnummer]
Beziet dan of jc can by ghevoel spreken.
Ghen.
Hoe zoudense anders jnden doel steken?
Hu arguwacie es/ met allen bot jaet.
Boerdel.
Als spreeuwe of mussche jn eenich pot ghaet
Vliechser niet jn met den hoofde vooren?
240[regelnummer]
Waent ghy my als de verdoofde stooren?
Eist anders conget weder segghen?
Tydel.
Tsa laet de questye ter neder legghen.Ga naar margenoot+
Jc Vredelicheyt van gheveynsder list vry
En wil niet dat hier/ eeneghen twist zy.
245[regelnummer]
Tes best dat elc sgramscips straetken scuut.
Ghen.
Boerdelic Pleghen ziet daer hu maetkin vut
Naest den middel om een ghewet cnipken.
Boerdel.
Jc en coerder niet vooren/ een vet snipken
Al waert een net lipken/ van goude fyn.
250[regelnummer]
Way tmoeste al neder/ ghehouden zyn.
Alte hooghe vutter scoten vloocht.
Ghen.
Tsa gheselle uwer toten thoocht.
Eenen cnip/ moet ghy van my ontfaen doch.
Tsa es de weddynghe/ ghedaen noch
255[regelnummer]
Naest twitte jc noch eens scieten zal.
Boerdel.
Sciet vry jc salt ghenieten al.
Jc en vreese hu niet en hynckel haer man.
Ghen.
Dats ziet vooren.
Boerdel.
Datsser naer dan.
Jnt scieten te verhittene zo beghin jc.Ga naar voetnoot+
260[regelnummer]
Tes te cort.Ga naar voetnoot+
Ghen.
By Lo zo win jc.
Dien cnip moet ghy van my ontfaende zyn.
Boerdel.
Alle weddynghe vut/ wilt verstaende zyn.
Wy willen ons van scietene stelpen snel.Ga naar margenoot+
| ||||||
[pagina 242]
| ||||||
Want jc en cans my niet juuste behelpen wel.
265[regelnummer]
Et maect my puer eenen ve[r]doofden zin.Ga naar voetnoot+
Wat jc scieter metten hoofde jn
Al brekic twitte jc en achs een stroo niet.Ga naar voetnoot+
Doeter naer.Ga naar voetnoot+
Ghen.
Neen neen alzoo niet.
Sulc scieten en staet my jnden zin niet.
Boerdel.
270[regelnummer]
Een man dier jnde middel jn sciet
Es te prysene zoo jc versinnen can.
Ghen.
Soo sult ghy voor my prys winnen dan.
De lieden selden van sulc scieten verhoort hebben.
Jc waende zoudge jnden pot versmoort hebben
275[regelnummer]
Als my hu hooft dochte worden nat ziet.
Boerdel.
Dats cleen sake.
Ghen.
Neen neen ten es dat niet.
Met den boghe te scietene/ es myn gheneerren vrient.
Boerdel.
Rethorycke naer myn begheerren dient.
Huer moetic herte/ ende toe scryuen bloet.
Tydel.
280[regelnummer]
Soo elcx zin es hy blyuen moet.
De complexcie der meinschen menegherande zyn
Byden welcken naerden verstande myn
De gheneghentheden van dyveersscher vloghe zyn.Ga naar margenoot+
Boerdel.
Jc beminne rethorycke
Ghen.
Ende jc den boghe fyn
285[regelnummer]
Die by mynen toedoene/ nu hier gheheert es.
Boerdel.
Den boghe ter eeren/ by my vruecht vermeert es
Mids hu die my daer toe treckende was.
Ghen.
Tydelicke Vredelicheyt/ ons beeden weckende wasGa naar voetnoot+
Om te commene te deser feesten schier.
Tydel.
290[regelnummer]
Wilt danckelic nemen minste metten meesten hierGa naar voetnoot+
Den aredt ghedaen met vlugscher zede
Byden aerdchiers der Brugscher stede.
†A†M†E†N† |
|