Spelen
(1920)–Cornelis Everaert–
Auteursrecht onbekend
[pagina 117]
| ||||||||||
aant.tSpel dat ghespeilt was voor de Aragoenoysen.
| ||||||||||
[pagina 118]
| ||||||||||
| ||||||||||
[pagina 119]
| ||||||||||
Ga naar margenoot+ Prologhe.Ter eeren der hoogher victorie scoone
Onsen keyser ghebuert byder Gods gracie
Vp den conync vander Vrancxsche croone
Ende ter eeren vande Araghoensche nacie
5[regelnummer]
So bidden wy nv te deser spacie
An Menichte van Volcke om audiencie
Dat zy anhooren ons slichte colacie
Die wy meenen te doene [jn] elcx presencie.
Swyghende muecht ghy verstaen ons jntencie.
| ||||||||||
tSpel volcht hier naer.Ga naar margenoot+
Menichte van Volcke een personage ghecleet als een poorter sittende vp eenen stoel becleet met tapyttse.
10[regelnummer]
Eensdeels verblydic.
Den Hemel een mans personage ghecleet jnt blaeuwe naer de lucht [des] hemels.
Tbehoort wel te zyne.
Menichte
Andersins zo lydic.
De Eerde een vrauwelicke personage ghecleet jnt zwarte thamelic.Ga naar voetnoot+
Hoe muechge de pyne?
Want te desen termyne/ alst blyct jnt scyne
Verhuecht elcx herte/ zin ende memorie
Der blyder tydynghe.
Menichte
Gode zy ghedanct der victorye
15[regelnummer]
Die hy mynen keyser/ Kaerle ghegheuen heift
Van wien dat men ouer lanc ghescreuen heift
Dat hy de Turcken noch crancken zoude.
Hemel
Menichte van Volcke/ Gode dancken zoude
Met rechten tusschen my/ Hemel ende Eerde
20[regelnummer]
Met alder reuerencie/ met alder weerde
Ende hem verblyden noch bouen ditte.
Menichte
Tusschen Hemel ende Eerde/ zo jc nv sitte
Bem jc verdrouft/ jnschelycx verblyt.
Der victorien danckic Godt ghebenendyt
| ||||||||||
[pagina 120]
| ||||||||||
25[regelnummer]
Van mynen keyser/ net jnt behaghen.
Andersins deert my/ de nederlaghen
Des Vrancx sconyncx dus zynde gherynghelt.
Dus es de vruecht/ met drucke ghemynghelt
Van my als nv/ Menichte van VolckeGa naar margenoot+
30[regelnummer]
Tusschen Hemel ende Eerde onder de wolcke
Van Hopen ende Duchten/ dit vry versint.
Eerde
Menichte van Volcke dat zynen heere bemint
Jn zyn weluaren salhem verhueghen
Ende jn zyn jeghenspoet/ verdrouuen mueghen.
35[regelnummer]
Tes recht want et nathuere ghebiet.
Hemel
Menichte van Volcke alzo men ziet
Tusschen Hemel ende Eerde/ hier gheseten
Jn skeysers landen/ jn een blyde vermeten
Bedryft allomme tryomphe/ ende feeste
40[regelnummer]
Met grooter vreuchde minste ende meesteGa naar voetnoot+
Ter causen van zynder scoonder victorie.
Eerde
Ter contrarie omde neirlaghe ende mortorye
Die den Vrancxschen/ conync nv heift serteyn
Voor Pauyen der stede/ ghehadt jnt pleynGa naar voetnoot+
45[regelnummer]
Es Menichte van Volcke bevaen met rauwen
Tusschen Hemel ende Eerde/ jnde Vrancxsche landauwe
Die nv ghevallen es jn jeghenspoet.
Menichte
O edel lelie scoon blomme zoet
Menichte van Volcke moet hu beclaghen
50[regelnummer]
Dat al hu blommen/ net jnt behaghen
Als nv met hu/ om quelen staen
Jn een ander landauwe/ tmach my veruelen waen.
Tusschen Hemel ende Eerde/ jnt Vrancxsche landt
Hemel
Es Menich bedrouft.Ga naar margenoot+
Menichte
Ende an desen kandt
55[regelnummer]
Jn al skeysers landen/ net ghepeerelt
Die hem ancleuen/ jn dese weerelt
Tusschen Hemel ende Eerde/ an allen zyden
Siet men Menichte van Volcke verblyden
Duer de victorie/ die byder Gods gracie
60[regelnummer]
Onsen keyser ghesciet es.
Eerde
De Aragoensche nacie
Om Gode te louene met/ dancbaerhede
Hebben gheordoneirt/ binder Brugscher stede
| ||||||||||
[pagina 121]
| ||||||||||
Goddelicke diensten/ solempnelic ende scoone
Ten loue van Gode.
Hemel
Ende om elcken persoone
65[regelnummer]
Te verblydene binden Brugsche wycke
Begheeren zy by quaerte van rethorycke
Te hebbene/ een fyguerlic bediet
Ten naesten dat dese victorye es ghesciet
Te ghelyckene/ zoot vooren verhaelt staet
70[regelnummer]
By eender fyguere.
Menichte
Twaere quaet ghedraelt jaet.
Jc Menichte van Volcke die my gheneerre
Met rethorycke/ ten goeden begheerre
Der edelder nacie/ zo willic my rysen
Tusschen Hemel ende Eerde/ om datse bewysen
75[regelnummer]
De Brugsche stede dese/ eere groot.
Tusschen Hemel ende Eerde/ met snellen keere blootGa naar margenoot+
Willic ghaen roeren/ Jnwendich Verstant
Met Scriftuerlicke Accoordancie/ de vrauwe playsant.
Pausa.
Jnwendich Verstant/ wilt hu nv moeyen
80[regelnummer]
Tusschen Hemel ende Eerde laet rethorycke vloyen
Van skeysers victorye by eeneghe fyguere
Met Accoordancie van Scriftuere
Tusschen Hemel ende Eerde nv zynde ghebuert
Voor de Aragoensche heeren/ die onghetruert
85[regelnummer]
An Menichte van Volcke/ daer of doen ve[r]souck.
Jnwendich Verstant een personage als een weerlic doctuer eerlic ghehabytuweirt.
Kaerle onsen keyser/ van moede clouck
Naer de doot zyns grootheers Max[i]miliaen
Heift ghesonden/ vut een goet vermaen
Ten secourse van eendrachticheyt/ ende trooste van payse
90[regelnummer]
Syn abasaduers ten Vrancxschen palayse
Huut eerbaerheden zijns persoons edelic
Om kerstenrycke/ te stellene vredelic
Begheerrende sconyncx/ eendrachtichede.
Scriftuerlicke Accoordanchye een vrauwelicke personage chierlic toe ghemaect vp zyn anthycsche.
Ghelyc Dauidt anden conync Anon dede
95[regelnummer]
Huut een goederthierheyt zyn dienaers zandt
| ||||||||||
[pagina 122]
| ||||||||||
Om hem te troostene/ by redene wandt
Naas/ zyn vader ouerleden was
Dies Anon vp Dauidt zeere tonvreden was
Ga naar margenoot+ Huut den raede ende/ jngheuen van zyne lieden
100[regelnummer]
Segghende datse Dauidt/ sant om bespieden
Syn landt/ dat nemende tzynder vyolencie.Ga naar margenoot+
Menichte
Den Vrancxschen conynck jnde presencie
Van skeysers abasaduers/ by quaeden raede
Was woorden sprekende van ouerdaede
105[regelnummer]
Segghende/ vut een hooch corage
Dat de keyserlicke magesteit/ hem omage
Noch zoude doen/ tzynder onweerde.
Scrift.
Den conync Anon/ vut een houeerde
So jnden tweeden bouck/ der Conynghen staet
110[regelnummer]
Jnt thienste cappittel/ dede zonder ve[r]laet
Ga naar margenoot+ Dauids volc of sceerren/ half den baert.
Ende huerlieder cleederen/ tot der middewaert
Dede hy of snyden/ ten seluen stonden
Ende heifse zo Dauidt thuus ghesonden
115[regelnummer]
Ten spytte van hem/ zo hy mochte zien.
Jnwend.
Den Vrancxschen conync/ ter ghelycke van dien
Heift doen ontsegghen/ met hooghen moede
Kaerle onsen keyser/ van lande van goede.
Ende zijn abasaduers/ edele gheboren
120[regelnummer]
Al en heifthyse cleet/ noch baert ghescoren
Nochtan hebbense verdreghen/ woorden vyleynich.
Eerde
Ten washem gheen eere.
Eerde
Die sulcke grootsheyt/ jnt leuen anthieren
125[regelnummer]
Godt bryn[c]tse jnt hende tot neir beseffen.
Scrift.
Qui se exaltat humiliabitur.
Daer staet zo wye hem sal verheffen
Hy wort vernedert tes Gods woort.
Menichte.
Den Vrancxschen conync/ vut moede ghestoort
Heift zyn armeye/ met zinnen beroert
130[regelnummer]
Vp ghestelt/ ende oorloghe ghevoert
Vp skeysers landen an elcken kant
Niet jeghenstaende/ dat hy erue ende lant
Van Kaerle onthout met foortsich ghewelt.
Dies hebbic Menichte van Volcke gheweist ghequelt
135[regelnummer]
Maer jc hope et wort nv eer lane hende.
Scrift.
Duer dat den conync Anon/ met zyn vole bekende
| ||||||||||
[pagina 123]
| ||||||||||
Datse Dauidt hadden onghelyc bewesen
Ga naar margenoot+ Stelden capeteynen vp/ vut ghelesen
Met eenendertich duust niet om vercloucken
140[regelnummer]
Die Dauidt met oorloghe/ ghynghen besoucken
Hem wanende te doene/ groot bescaden.
Maer Dauidt voorsienich/ clouc van daden
Om zyn volc te bescuddene/ voor ghedeer
Heift doen vergaderen/ een groot eer
145[regelnummer]
Ende beualse/ als capeteyn ende behoeder
Joab/ met/ Abisay/ zynen broeder
Om den conync Anon te bestrydene.
Jnwend.
Kaerle onsen keyser om zyn landen te bevrydene
Heift den herthoghe van Borbon/ capiteyn generael
Van zyn heer ghemaect/ met den edelen vassaelGa naar margenoot+
Le markys de Pisscade clouc jnt vechten
De welcke clouckelic/ met hueren cnechten
Den Vrancxschen conync/ hebben beleghen
Ende vromelic jn zyn he[e]r ghesleghen
155[regelnummer]
Groote moort doende/ onder de Fransoyssen.
Scrift.
Ghelyc/ Joab ende Abisay de Anonnoyssen
Bevechtende waren in twee batailgen
Met sulcker cracht/ als vrome kailgenGa naar voetnoot+
Dat huer vyanden moesten/ nemen vlucht
Menichte
160[regelnummer]
Schelycx dese twee heeren zonder ducht
Borbon ende Pisscade/ huer vyanden bespronghen
Met twee batailgen/ ende hebben bedwonghen
Den Vrancxschen conync/ jn sulcker noot
Met al zyn heeren/ cleen ende groot
165[regelnummer]
Dat zy lieden moesten vp gheuen
Of zy hadder al ghelaten tleuen
Ghelyc Anon doen moeste/ naerder historye.
Hemel
Lof
Eerde
Eere
Hemel
Prys
Jnwend.
170[regelnummer]
Menichte van Volcke/ nv ten stonden
Tusschen Hemel ende Eerde hu verblyt.
Danct Godt almachtich ghebenendyt
Vander scoonder victorye hu toe ghecommen.
| ||||||||||
[pagina 124]
| ||||||||||
Eerde
Vp de scoonheyt der lelye/ bouen alle blommen
175[regelnummer]
Jnt Vrancxsche pryeel/ wylen rosierich
Es gheuallen een ruwyne putertierich.
Jn langghe zo scadelic/ sachmen ghebueren.
Hemel
Ghewelt en mach niet eeuwich ghedueren
Alsmense by foortsen wil anthieren.
Aresto[te]lus phi[l]o[so]ph[us]
180[regelnummer]
De philosophe seght/ in gheender mannieren
En hilt ouerdaet langghe stede.
Menichte
SVrancx conyncx/ ouerdaet vul onvrede
Tusschen hemel ende eerde/ van grooter disscoort
Heift den almuechghende/ Godt verstoort.
185[regelnummer]
Dies es Gods plaghe vp hem ghedaelt.
Scrift.
So een doet/ zo wort hy betaelt
Ende zo een leift/ zo salhy steruen.
et reddet vnicuique secundum opera sua
De rechtuaerdeghe en laet Godt niet bederuen
Maer eshem by/ jn elcker spacie
190[regelnummer]
Ende eshem bewarende voor trybulacie
Van jeghenspoet hem altyts bewachtende.
Jnwend.
Kaerle jnt segghen mach Dauidt zyn slachtende
Heere myns vyants zweert/ hebt ghy ghekeert
Ende hem jnde oorloghe ghelaten verseert.
195[regelnummer]
Sonder hulpe secours/ ofte troostGa naar margenoot+
Jnden dach myns trybulacie/ hebbic ghegloost
Hu an te rouppene/ met bede jnnich.
Ghy hebt my verhoort/ vut liefden minnich.
Gheen heere en es/ uwer ghelycke
200[regelnummer]
Van sulcken ghewercke/ zo alst blycke.
Want wonderlicke groot/ es uwe macht.
Scrift.
Den Vrancxschen conync/ wel Anon slacht
Die van Joab sterckelic/ was beleyt
In Rabath der stede/ daer hy vechtender feyt
205[regelnummer]
Met al den zynen/ jn wiert ghevanghen.
Menichte
Den herthoghe van Borbon heift jn bedwanghen
Den Vrancxschen conync ghehouden dwynelic
Ende hem bevochten met coragen fynelic
Jnt pleyn voorde stede/ van Pauyen.
210[regelnummer]
Le markys de Pisscade/ et edele engyen
Heift hem by ghestaen/ met sulcker ghewelt
Datse behouden hebben/ stryt ende velt.
Dies moet Godt/ der victorye/ lof ontfaen.
Jnwend.
Ende de edele heeren/ prys beghaen
215[regelnummer]
Van allen meinschen/ jn sweerels rynck.
| ||||||||||
[pagina 125]
| ||||||||||
Hemel
Le vyche Roy/ de Napels vynck
Den Vrancxschen conync hooch van moede.
Ende al zyn heeren/ van edelen bloede
By skeysers capeteynen/ jnt generaleGa naar margenoot+
220[regelnummer]
Wierden ghevanghen/ alteenenmale
Dier by ghetale/ vele waeren.
Eerde
So Menichte van Volcke et verclaeren
Daer of by ghescriften weet.
Jnwend.
De goddelicke gracie/ es ghespreet
225[regelnummer]
Vp onsen keyser/ jn zyn wercken ghehuldich.
Scrift.
Heere jn hu cracht/ zal [hy] verblyden menichvuldich
Psalm 20
Ende vp hu salicheyt/ salhy grootelic verheffen.
De begheerte hebt ghy hem doen beseffen
Van zynder herten/ ende wille goetheytGa naar voetnoot+
230[regelnummer]
Jn benedicxcien vul/ van alder zoetheyt
Ende hebt vp zyn hooft/ ghestelt de croone
Vul ghesteenten/ der victoryen scoone.
Syn blyscepe wort groot jn uwe salicheyt.
Glorye/ ende eere/ met corter verhalicheyt
235[regelnummer]
Sult ghy hem thooghen/ jn tyden der tyden
Ende jn hu aenschyn doen verblyden.
Want den conync stelt vp hu zyn betrauwen.
Hemel
Menichte van Volcke mannen ende vrauwen
Dauid 46 ende 24
Thoocht blydscepe/ slaet van vruechden hu handen.
Gheift Godt lof/ jn verheffynghe huus voys verstanden.
Want den heere es hooghe ende vreeselicken groot.
Conync ouer al de weerelt/ eshy bloot
De welcke ghestelt heift/ onder Kaerlens subgecxcie
Den Vrancxschen conync/ met al zyn protecxcie.
245[regelnummer]
Lof vloye hem toe/ van eeuwe teeuwen.Ga naar margenoot+
Eerde
Saerns vromicheyt/ mids de crachten der leeuwen
Wille Godt bewaren tallen saysoene.
Jnwend.
Wye zoudse behindren by eeneghen doene
Die huer betrauwen/ stellen vp Godt?
250[regelnummer]
Ten es nyement ter weerelt zo wys zo bodt
Die Godt mindt/ vreest ende ontsiet
Hy en salhem/ jnder eeuwicheyt laten niet
Maer altoos by zyn/ jn al zyn weghen.
Scrift.
Of ons Godt mede wil/ wye zal ons tjeghen
255[regelnummer]
Es ons dapostel/ vooren leggende.
| ||||||||||
[pagina 126]
| ||||||||||
Nyemende/ of hy wilde zijn segghende
Die in Godt ghetroost/ en mach niet verghaen.
Menichte
Ghelyc Kaerle onsen keyser heift ghedaen
Om wysselicken voortghanc/ jn al zyn wercken
260[regelnummer]
Heift processie doen draghen jn alle kercken
Alle weke jn grooter bekente
Met den heleghen sacramente
Om alle zyn saken/ te beleedene wysselic.
Hemel
Die Godt es eerende/ es wel prysselic
Want tot alder duecht/ zyn herte drayt.
Eerde
265[regelnummer]
Ter contrarye/ die quaetheyt zayt
Proverbiorum 21
Es quaetheyt mayende/ ten dyueersschen termyne.Ga naar margenoot+
Hemel
Die rechuaerdicheyt volcht/ ende ten fyne
Ontfaermicheyt thoocht/ zonder begheuen
270[regelnummer]
Hy vynt rechtuaerdicheyt/ ende tleuen
Ende blyscepe/ jnder eeuwicheyt hier naer.
Jnwend.
O Vrancx conync een medepylaer
Der helegher kercke van onsen ghelooue
Hoe muecht ghy gheuallen zyn in desen verdooue
275[regelnummer]
Dat ghy buten redene dus verduustert zyt
Ende om een handt vul eerden onghemuustert stryt
Twelc ghy onrechtuaerdich/ zyt besittende.
Jc claechs Godt/ dat ghy dus zyt verhittende.
Want kerstenrycke worter by vercort.
Menichte
280[regelnummer]
Dit my inwendich tot droufheyt port
Al bem jc beghort/ eens sdeels met vruechden
Om de vyctorye myns skeysers vul duechden.
Jnt ouerdyncken ken can my niet dwynghen
Jc en moet de vruecht met droufheyt mynghen
285[regelnummer]
Ende de droufheyt/ met vruechden jnder ghelycke.
Hier met blyscepe/ ende jnt Vrancxsche rycke
Es Menichte van Volcke/ met drucke gheladen
Tusschen Hemel ende Eerde omde scaden
Ende scande ghebuert/ der Vrancxsche landauwe.
Eerde
290[regelnummer]
Den herthoghe van Borbon als capeteyn van trauwe
Naer de victorye/ niet langghe ghebeyt
Heift ghesonden/ ande keyserlicke magesteyt
Twee edele vassalen metter tydynghe
Twelc onsen keyser wort een verblydynghe
295[regelnummer]
Wanneer hy weten zal trechte verstant.Ga naar margenoot+
Hemel
Joab anden conync Dauidt zant
Doen hy Anon hadde te zynen wille.
| ||||||||||
[pagina 127]
| ||||||||||
Dauidt niet langghe/ en lettede stille
Naer dat hy Joabs/ tydynghe vernam
300[regelnummer]
Met grooter cracht/ naer Anon quam
Dien hy vynck/ met grooter vromen.
Scrift.
De croone van Anon/ wiert ghenomen
Ende Dauidt/ vp zyn hooft ghestelt
Jn teeken dat hy ouerhandt ende ghewelt
305[regelnummer]
Hadde ouer Anon ende de zyne
De welcke Dauidt ontfync/ in vyctoryen scyne
So men elc fyguerlic/ hier zal thooghen.
Pausa fyguere.
Hier moet staen Anon jnt arnasch met de croone vp thooft ende Dauidt ooc jnt arnasch ende men sal de croone nemen van Anons hoofde ende stellense vp thooft van Dauidt.
Jnwend.
Menichte van Volcke/ ansiet voor ooghen
Hoe deene daelt/ ende dander ryst.
Scrift.
310[regelnummer]
Dese fyguere den Vrancxschen conync bewyst.
Want zo Anon/ Dauidt vercleende
Die el niet dan duecht en meende
By zyne dienaers die hy zant
So heift den conync vut Vrancxsche lant
315[regelnummer]
Onsen keyser vercleent/ ende ooc bescaet.
Salich es den man/ die den raet
Der quaeder meinschen niet en ghelooft.
Hemel
Ghelyc Anon was van zyn hooft
Syn croone ghenomen/ jn elcx presencie
320[regelnummer]
Alzo es nv gebrocht/ ter obedyencieGa naar voetnoot+
De Vransche croone/ den keyser voorwaer.Ga naar margenoot+
Eerde
Ten es gheen edelheyt tjeghens trecht te stekene.Ga naar voetnoot+
325[regelnummer]
Godt helpt altoos de rechtuaerdeghe.Ga naar voetnoot+
Menichte
O lusteghe landauwe reyn ende aerdeghe
Roosier bequaeme vruchtbaer bekent
Et wort te duchtene/ ghy wort ghescent
Of ghy ne moet ter obediencie keeren.
330[regelnummer]
Ghy hebt gheweist een pryeel van eeren
Maer al hu blommen/ hebt ghy verloren
Tusschen Hemel ende Eerde / O landt vercoren
| ||||||||||
[pagina 128]
| ||||||||||
Vut medelyden/ jc hu beclaghen moet
Dies jc jnwendich jnt herte draghen moet
335[regelnummer]
Druck ende blyscepe/ onder een.
Scrift.
Maect nv met Jeremyas gheween
Menichte van Volcke jnt Vrancxsche rycke.
Claecht weent/ jnder ghelycke
Ghelyc als de heleghe prophete dede.
340[regelnummer]
Hu secours es varre./ Jnder ghelycke mede
So es benomen al uwen troost.
Jnwend.
Menichte van Volcke noort/ west/ zuudt/ oost
Die onder saerns edele vlercken rusten
Hu nv verblyt. Tmach hu wel lusten
345[regelnummer]
Te verblydene/ an allen zyden.
Verblyt/ verblyt/ als nv ten tyden
Want uwe vyanden/ zyn ghecranct.
Noynt scoonder victorye.Ga naar margenoot+
Eerde
Den heere bedanct
Met vieregher deuocien/ jn jnnigher stemmen.
350[regelnummer]
Wilt van deen duecht/ jn dander clemmen.
Tperseuereren wort Gode bequaeme.
Scrift.
Verblyt anderwaerf verblyt naerden betaeme
Seght sinte Pauwels/ hu ghedachten duechdelic.
Den heere es by hu/ zyt dies vruechdelic.
355[regelnummer]
En wilt van bedynghen/ niet cesseren
Maer altyts jn duechden contynuweren
Vp dat ghy blyuen muecht/ den heere behaghelic.
Syt Gode louende/ ende prosessye draghelic.
Byden ewangeliste/ wy jn deser vouden lesenGa naar voetnoot+
360[regelnummer]
De vulstandeghe sullen behouden wesen
Jae die hem/ tot duechden zyn gheuende.
Eerde
Ende die onghestichtich/ zyn leuende
En hebben ter weerelt gheen ghedueren
Ghelyc men zien mach/ by fygueren
365[regelnummer]
Anden Vrancxschen conync onghereghelt.
Hemel
So wye hem an een ander speghelt
Men pleicht te segghene hy speghelt hem sochte.
Jnwend.
Menichte van Volcke/ die jn hu ghedochte
Half drouue half blyde/ jnt herte zyt
370[regelnummer]
Ten es gheen wonder/ jc kent jc lyt.
Want waer elc zy/ by nachte by daghe
| ||||||||||
[pagina 129]
| ||||||||||
Tes recht dat hy zynen prinche dragheGa naar margenoot+
Goetherteghe jonsticheyt/ by nathuere.
Dus daer den heere es/ jn doluere
375[regelnummer]
Dondersaten hebben/ cause te bedrouuene.
Eerde
Tusschen Hemel ende Eerde/ staet hu te prouuene
O Vrancxsche landauwe een ampereghe zuericheyt.
Dit heift ghedaen de wreede stuericheyt
Van uwen conync hooghe van moede.
Hemel
380[regelnummer]
Ter contraryen byden/ edele van bloede
Kaerle onsen keyser/ vul alder goetheyt
Es ons gheluct/ der victoryen zoetheyt
Dies zyn wy jn vruechden ouervloedich.
Eerde
Deene es houeerdich
Hemel
Ende dander odmoedich.
385[regelnummer]
Dies eshy voorspoedich tryonpherende.
Jnwend.
Kaerle wort noch dommenerende
Inde weerelt hoochst/ ende alder meest.
Scrift.
Huwen naeme wort noch ghevreest
Vanden volcke datter ghescreuen staet.
390[regelnummer]
Ende van allen conynghen/ wort verheuen jaet
Huwe glorye/ bouen alle gloryen hooghe.
Jnwend.
Dat Anons croone by bethooghe
Dauidt was ghestelt/ vp thooftGa naar margenoot+
Ne beteekent el niet/ my dies ghelooft
395[regelnummer]
Dan dat den Vrancxschen conync coene
Den keyser behoort omage te doene
Ofte ommers met hem/ te hebbene eendrachticheyt.
Menichte
Serteyn dat es/ seker waerachticheyt.
Kerstenrycke zouder zeere mede stercken.
400[regelnummer]
SHelicx Gheest gracie/ wilder jn wercken
Ende brynghen/ jnder duechden grepen goet.
Eerde
Tes wel ghecommen./ Naer dat ghescepen stoet
An beede de zyden/ vanden heeren groot
Menichte van Volcke/ hadder ghebleuen doot
405[regelnummer]
Die noch te lyfue zyn/ ende leuen.
Hemel
Oorloghe wort hopic/ eer lanc verdreuen
Van tusschen ons beeden/ Hemel ende Eerde.
Dies payselicke eendrachticheyt/ hooghe van weerde
Eer lanc ghevonden wort/ by wysen rade.
Scrift.
410[regelnummer]
Daer staet doet duecht/ keert hu van quade
Versouct pays tot ghyse verwerft.
Jnwend.
Ghy simpel van gheeste die pays nv derft
| ||||||||||
[pagina 130]
| ||||||||||
Ende bedrouft zyt/ duer tgroot benauwen
En vreest niet. Jn een/ compassieus anscauwen
415[regelnummer]
Thuwen vervoorderen/ staet Godt by hu.
Scrift.
Anons croone/ teender/ fyguere nvGa naar margenoot+
Beteekent ons de hoocheyt/ ende dommenacie
Van tydelicke eere/ daer darguwacie
Van dese twee heeren/ of es ghebuert
420[regelnummer]
Dat Menichte van Volcke nv betruert
Ende betrueren zal/ een langghe stont.
Menichte
O abymeghe begheerte zonder gront
Altyts begheerich/ nummermeer versadich
Die Menichte van Volcke/ zo bescadich
425[regelnummer]
Hebt gheweist zo langhe termynen
Pays ende weluaren/ heift moeten verdwynen
Duer tnydich disscoort/ vut hu gesproten
De eerde verachtert/ ende de zeede ghesloten
Ende coopmanscepe/ jn allen houcken verjaecht.
Jnwend.
430[regelnummer]
Godt de onredelicke/ begheerte plaecht
Vanden Vrancxschen conync/ ghelyc alst blyct
Om dat hy onsen keyser veronghelyct
In tghuent dat hem van rechs behoort.
Al heift hem den conync/ somtyts ghespoort
435[regelnummer]
Hy en conste hem ghedeerren/ te gheender tyt.
Menichte
Dies zy Godt almachtich ghebenendyt
Dat hy onsen keyser/ zo vercoren heift.
Gheen edelder onder/ de zunne gheboren leift.
Hy bemindt hem als Dauidt/ zonder ficxcien.
Scrift.
440[regelnummer]
Hy ontfaet vanden heere benedicxcien
Ende ontfaermicheyt/ an den salichmaker zynen Godt.
Jnwend.
Daer staet ghescreuen jn Gods ghebodtGa naar margenoot+
Bouen Hemel ende Eerde/ met al hu zinnen
Sult ghy uwen heere/ ende Godt beminnen.
445[regelnummer]
Ende tusschen Hemel ende Eerde/ uwen naesten
Sult ghy weder keeren/ met haesten
Hebt ghy hyet van hem ontkeert.
Hemel
Den almuechghende Godt/ zy gheheert
Van deser victorye vutnemende scoone.
450[regelnummer]
Dat den Vrancxschen conync/ jn persoone
Mede es ghevanghen/ tes een lief ghehoor.
Jc hope hy zal ons doen/ restoor
Van payse weluaren/ ende neerrynghe.
Eerde
O Menichte van Volcke/ dat met goeder begheerrynghe
| ||||||||||
[pagina 131]
| ||||||||||
455[regelnummer]
Langhe naer goede tydynghe/ ghehaect heift
Dit es den dach/ die Godt ghemaect heift.
Wilt om verblyden hu hooft vp heffen
Ten es hu niet mueghelic/ om beseffen
Van deser victorye/ de vulle duecht.
Scrift.
460[regelnummer]
Dit es den dach/ die ons verhuecht.
Wilt nv met Dauidt/ danssen sprynghen.
Flueyt/ harpt/ luudt/ wilt vroylic synghen.
Om verchierynghe/ van vierynghe/ doet atenten.
Speilt spelen morael/ ende esbatementen
465[regelnummer]
Ende laet uwe consteghe/ aerten vloeyen.
Ten zal Menichte van Volcke niet vernoeyen.
Wy hopen eer lanck/ een goede bevredynghe.
Scrift.
Perseuereirt/ altyts in bedynghe.Ga naar margenoot+
Doet neerstelic/ jn caritate labuer.
470[regelnummer]
So zalhu Gods gracie/ jn een gheduer
Byblyuich wesen jn een voorspoedicheyt.
Hemel
Volcht Gods dienst met odmoedicheyt.
Vergheift elc anderen/ ranckuerich nyt.
Eerde
Menichte van Volcke tes nv den tyt
475[regelnummer]
Van grooter gracie ende helicheyt.
Menichte
Wye zoude hebben des tyts veruelicheyt
Dan die allendich/ jn drucke wroeten
Ende grootelyc lyden/ by onghelucke moeten?
Dies jc ter compassye/ my seluen dwyne.
Scrift.
480[regelnummer]
Menichte van Volcke tbehoort te zyne.
Tes Gods doctryne/ hy gheues beuel.
Doet ghy hier/ uwen vyant wel
Tsal proffytteren/ naer de doot.
Menichte
So jc eerst waerf thoochde mynen noot
485[regelnummer]
Verblyt/ verdrouft/ dat jc blyue
Tusschen Hemel ende Eerde/ binden lyue
Tot jc hoore van payse gheduerich.
Jnwend.
Tusschen Hemel ende Eerde/ ziet men labuerich
Menichte van Volcke zonder vermyden
490[regelnummer]
Deene jn vruechden/ dander jn lyden
Duer dese victorye/ vul scoonder zeghen.
Hemel
Deene ghaetse mede.Ga naar margenoot+
Eerde
Ende dander tjeghen.
Tes sweerels pleghen/ ouer langhe jaeren.
Scrift.
Te mate salmen verblyden/ ofte mesbaeren
495[regelnummer]
Naer dat Fortune/ huer wiel laet drayen.
| ||||||||||
[pagina 132]
| ||||||||||
Jnwend.
Laet ons nv vruecht allomme zayen
Ende verfrayen met blyden moede.
Menichte
Ghy Aragoensche eeren/ nemet jnt goede
De cleene conste/ simpelic ghewrocht.
Hemel
500[regelnummer]
Jc comme om leeren/ jc slachte de vroede.
Eerde
Ghy Aragoensche heeren nemet jnt goede.
Jnwend.
Godt verleene ons pays met voorspoede
Die wy ouer langhen tyt/ hebben ghesocht.
Scrift.
Ghy Aragoensche heeren/ nemet jnt goede
505[regelnummer]
De cleene conste simpelic ghewrocht
Duer sHelichs Gheest gracie/ jn wiens liefde ghecnocht
Dat zyn gherocht/ binnen shemels pleyn
De heleghe Drie Santinnen reyn.
†A†M†E†N† |
|