Den kerstelicken ridder

Een seer profijtelijck boecxken, seer nudt ende oorbaerlijck wesende voor allen Christen gheloovighe menschen

De xxij. reghel.

MEn sal altijt vreesen die onwillicheyt der penitentien, want diet wel overleyt so is dz het

[p. 84]

der leste des quaets, door welck so veel menschen weynich warachtelijcken, ende met gantscher hert en schouwen ende haer af houden van sonden. Bysonder is die onwillicheyt der penitentien seer periculoos den genen die haer sonden verlangen ende vertrecken tot dat eynde haers levens. Ende oock het is lichtelijcken in sonden te vallen, maer daer weder wt te comen ende op rijsen dat is swaer ende grooten arbeydt. Daerom wilt u wel bedencken eer dat ghy inde put der sonden valt, hoe qualijcken datter wt is te comen.