die sevende pine die hi sach
Doe sie vandaer over ghecomen weren. so sach hi een vuerich rat voer hem dat wonderlike groet [...] was. ende al beslagen mit gluyenden yseren hake Die ene helfte vanden rade stont opwert in die lucht. ende die ander helfte stont nederwerts in die eerde Ende ene vlamme stinkende van swevelvuere. quam uuter eerden op om lanc den rade ende verbrande onsalichlic. die ghene die anden rade hengen ¶ Die duvelen segheden toe den ridder: Dese pine [...] die dese liden moetstu oec liden. ten si dattu weeder keren willest. mer du salst iersten sien dat si liden. hier omme staken die duvelen an beiden siden ameyden. tusschen die speken vanden rade. ende si dedent soe gruweliken seer dreyen. soe dat men niet sien en conde den enen vanden anderen ondergaen. Vanden ghenen die
Auteursrecht onbekend