Tondalus' visioen en St. Patricius' vagevuur (2 delen)
(1914-1917)–H.J.E. Endepols, René Verdeyen–
Auteursrecht onbekend
[Folio 12a]
| |
Dus lieten die duvelen dat huus. ende mit gheroepe ende mit groten gheruchte trecten si den ridder mit hem Ende doe si uut gengen. soe sceyden sommighe van hem. ende sommighe trecten den ridder lange. doer een woeste lantscap. Die eerde was swartende dat lanscap was donker. ende hi en sach der niet anders in. dan [...] die duvels dene treckeden. Mer daer weyede een bernende wint. dien men nauwe horen mochte. Mer nochtant mit sijnre scherpheit scheen hi sijn herte doer boeren Ende si trectene toe dien eynde wert daer die sonne to mid somer op gaet Ende doe si daer ghecomen waren. alse int eynde der welt. soe kierden si hem ter rechter siden wert of Ende si trecten doer een wide dal teghent sudene. dat was toe dier stat wert daer die sonne op gaet to midde winter Ende doe siderwerts hem keerden. so begonde hi te horene onselighe roepinge ende screyingen. alse van alle den volke der werlt. Ende hoe hi daer naerre quam. soe hi claerliker hoerde hore weningen. Ende ten lesten vermits der duvelen sle\pinge | |
[Folio 12b]
| |
quam die ridder in een alte [...] langen widen velt. dat van onsalicheiden ende droefheiden vol was Die ridder en konde dat eynde van desen velde niet gesien. om dattet alte lanc was. Want dit velt was vol van mannen. ende van wiven. ende van jongen ende den buuc ter eerden ghekiert hadden die doer hande ende voeten weren ghesleghen. Het scheen dattese die eerde van droefheiden aten Ende sommighe tijt riepen si al [...] weinende. Spaer spaer. oft ontferme ontferme onser. mer daer en was niement die sparen. of ontfermen conde Ende het scheen dat die duvelen onder hem ende over hem liepen. ende en rusteden niet te slane mit vleghelen die .. altoe hart waren. Ende die duvels segheden toe den ridder: Du salte dese pine die du siest lyden ten si dattu onsen raet doeste. dat is dattu van dinen willen oflates. ende kierest weder. ende woltu dit doen. soe soelen wi di vredelic onghesericht weder toe der | |
[Folio 13a]
| |
poerten leyden daer du in quemest. ende laten di en wech gaen. Ende doe hi dit versmade soe legheden siene neder op die eerde. ende begondene. mit naghelen te doer slane. alse die anderen waren [...] ende doe hi ane riep den namen jhesu cristi. soe en mochtent sies niet doen. |
|