hadden alle menschen ende alle beesten vander werlt. vander see. ende van der locht. mit al haerre machte te samen gheruchte ghemaket si en hadden gheen meerre gheruchte moghen maken. Ende en had hi mitter cracht goeds niet beschermen gheweest hi had mit dien gheruchte uut sinen sinne gheweesen Siet na den anxte van dusdanen horen. so volghede daer na een anxteliker ansiene vanden duvelen. Want sienlic begonde int huus te comen ene ontellike veelheit van duvelen van eyseliker formen. Ende schaterende ende spottende begonden se ne te grueten. ende alse bi lastere hem te seggene. Die ander menschen die ons dienen. en comen niet tot ons dan na der doet. Hier om sin wi di schuldich meerren loen te gheven dattu onse gheselscap. der du eernstelic [...] ghedient hevest woldest dus seer eren. dattu den dach dijnre doet niet en woldes dus seer eren. dattu den dach dijnre doet niet en woldes verbeiden. mer dattudi levendich ons leveren woldes dijn lijf ende dijn siel te samen. Dit hebste ghedaen omme meerre loen tontfaene. Hier omme salste [...]
Auteursrecht onbekend