Die vijfde pijne
Si leydenten daer over opt derde velt vol ongevals. Dit velt was oec vol van mannen ende van wijven jonc ende alt die so in derde laghen genagelt mit blickenden yseren negelen / so datmen vanden hoefde totten teen niet eynen vinger en hed gesat op eyn stat Dese in consten niet geruepen mer alse halve dode lude lieten si hoer stemmen uut gaen Dese schenen naect gelijc den anderen ende mit eynen bornenden calden winde ende mit [der] duvelen geeselen woerden si gepijnt Dese tormenten, seiden die quade geesten, moetstu lijden op dattu niet en wils wieder keren ende als hi versmade hoer dreyginghe so wolden sijne negelen Ende hi aenriep den name jhesu cristi en si en consten hem niet gedoen
Auteursrecht onbekend