DOe sij luttel voert ghingen soe sagen sij sommyge menschen die dese ziele becande onder welc dat waren kantaber. ende donatus die coninghen. Ende doe [die ziele dese sach] soe verwonderde hoer die ziel ende sechde. Wat ist [here] dat ic sie Dese manne waren in hoeren leven herde wreet ende onderlinge viande Ende myt wat
[Folio 158c]
[fol. 158c]
verdiensten sijn sij hier gecomen. of hoe sijn sij vriende gheworden Die engel antwoerde ende sechde. Voer hoerre doot hadden sij berouwenisse van deser viantschap Ende hier om en rekent men sij niet ter mysdaet want die koninc konthaber quellede lange Ende hi lovede monnick te werden blef hij te live Ende die ander was manich jaer gevangen. Ende al dat hi had gaf hi den armen. Ende hier om gheduert sijn gherechticheit in ewicheit Mer du salste al dit vertellen den ghenen die leven. Ende sij ghingen voerwarts
Auteursrecht onbekend