Alsi aldus daer was quaem tot hoer sinte Ryudanus die confessoer ende gruetse mit groter blijtscap ende ommhelsese mit ghewarigher caritaten ende seide eyn veers dat david seet Dominus custodiat introitum tuum et exitum tuum ex hoc nunc et usque in seculum. Dats te segghen [...] Onse heer huede uwen inganck ende uwen uutganck van nu tot ewelijc Ic bin, seit hi, Rudanus u patroen, daer men u sculdich
[Folio 27a]
[fol. 27a]
es te graven te mijnre kirken Doe stoent hi en seide nummeer Die ziele sach omm hoer / ende sachte sinte patericius den apostel van hijrlant mit eynre groter scharen van busscopen / onder wilke scaer dat si sach .iiij. busscopen die si kinden Dat was deyn celestinus derste busscop van arthimaken Ende dander was melachias sijn voersaet die te romen quam ende waert vanden paus Innocencius legaet ende erdschbusscop gecoren / ende die al dat hi ghecrijghen mochte deylde den armen Dese stichte oec .Liiij. hoeve onder hem van monnichen, canonnken ende van nonnen dien hi allen hoer noetdruft versach ende selven niet en behielt Daer sach hi oec Lugerdmensen den buscop die svoerseits Malachias / brueder was ende die minnre was der williger armoeden Ende oec sach si [N]emian den busscop van clananen, eynen sympelen man ende ghematen die voer allen den anderen blicte in wijsheiden ende in reynicheitden Deze vier busscop kendesse Ende neven hoem stoent eyn sitten wonderlic ghesiert doer nyeman op en sat, willic sitten was eyns malachias brueder die noch niet verscheiden en was vanden lichame Ende also dziele [...] hijr in dus glorierde / quam hoer ingel die hoer suetelijc toe sprack ende seide
Auteursrecht onbekend