Mestreechter spraok, doe zeute taol!

[p. 187]

Georges van den Boorn (1911 - God wèt wienie)

Dao stoont 'nen awwe kestaanjeleboum...

Dao stoont 'nen awwe kestaanjeleboum
in 't vreugjaorszonneleech,
heer stoont dao wie in 'ne sjoenen droum
langs den awwen Treechterweeg.

Zien blajer waore pas veers oontloke,
dat deech er veur de Paose eder jaor,
z'n blomme had 'r rechop gestoke
wie keersen op d'n altaor.

Heer zaog euver 't bleujend Limbörg roond,
'r heel zoeväöl vaan zie land,
heer greep ziech vas in deen awwe groond,
'r waor lang al drin geplant.

'r Moot zörrege tot 'r ziech veerdig maak,
mèt de broonk moot dat werrek zien gedoon,
daan mote z'n tek zien wie e kèrrekedaak
boe 't rösaltaor oonder kint stoon.

Meh wie de meizon sjigkde häör ierste leech
euver de berreg op 't nievelig veld,

[p. 188]

 

toen vele de sjeut, toen vele de sleeg,

 

alles daverde vaan 't geweld.

 

 

 

Toen is d'n Doed door eus land gegoon,

 

dee heel z'n groete broonk,

 

heer reep mennige vajer en mennige zoon,

 

ze waore nog sterrek en joongk.

 

 

 

En oonder d'n awwe kestaanjeleboum

 

in 't vreugjaorszonneleech

 

veel 'ne Limbörgse jong, dee z'n pliech had gedoon,

 

langs deen awwen Treechterweeg

 

 

 

Heer laog tösse blomme die bleuiden in 't roond,

 

'r voolt 't mèt zeukende hand,

 

heer greep ziech nog vas in deen awwe groond,

 

'r heel toch zoeväöl vaan zie land.

 

 

 

En boven 'm stónd de kestaanjeleboum,

 

wie 'ne luuchter mèt keerskes, mèt leech,

 

'r stónd dao wie in 'ne stèllen droum

 

langs deen awwen Treechterweeg

 

 

 

De kestaanjeleboum moot weer bleuje goon,

 

alles is e jaor al geleie,

 

veur de broonk mote z'n keerskes weer veerdig stoon,

 

daan zölle väöl lui komme bei-je.

Uit een onuitgegeven Schets der Maastrichtse dialektletterkunde:

Als men een vergelijking maakt tussen het oude en het jonge geslacht der dialektschrijvers, dan komen iemand de bekende regels uit Vondels Rommelpot van 't Hanekot in de gedachte:

Maken 't jonge Hanen beter
Als 't oude hok veurheen?

Noch een bevestigend ja, noch een ontkennend neen zijn het passende antwoord hierop....