Mestreechter spraok, doe zeute taol!
(1943)–H.J.E. Endepols–
Auteursrecht onbekend
[pagina 27]
| |
II. De ierste zwallebers.Ludovic, Pascal Delruelle (1735-1807)Verwiet tösse Naoberse en MaogGa naar voetnoot1)
Naoberse
Bistoe weer dao, posteur,
Doe tieretèje slódder,
Kums veur mien kelderdeur
Mèt diene voule modder?
Kom nog ins boere prop,
Vlaak veur mien vinster kere,
Iech slaon diech oppe kop
En zal dien trèkmöts smere!
Maog
Wee hètstoe boere prop?
Doe bis, verdöld, begazje!
Begin en slaag mer op!
Höbstoe ins die koerazje,
Dan krijg dien kakedoe
Ouch fris get op zien oere.
Doe lielike Baboe,
Doe kins vrij nog gein boere!
Naoberse
Doe asterante tes!
Iech zal diech goon aonklaoge,
Want tat deistiech espres,
Allein um miech te plaoge
Is alles sjoen gesjrób
En den drek opgelaoje,
Dan kumste miene stóp
Met sliek en.... begaoje!
| |
[pagina 28]
| |
Maog
En wat kan iech daoveur?
Deen drek, dee kump van bove.
Iech bring 'm neet veur dien deur,
Dat zuuste, sjelen ove!
Steit 't diech neet aon, ziepoet,
Dan kónste häöm jao slókke;
Of num 'm in diene sjoet:
De hoofstiech mer te bókke!
Naoberse
Doe onbesjeemde bies,
Wat wèlste miech doen vrete?
't Is beter es weike kies,
Deestoe lang bis vergete!
Euver eine maond of zès
Kaomstoe hei mèt aw lómpe,
De kooi.... en de mès
Hóng diech nog aon dien klómpe!
Maog
En wat beeldstoe diech in?
Bliksem, zouwste neet zwere
'n Prinses of ein graovin,
Die väöl heet te vertere!
En wat höbst' al gehad?
Die vaar dee waos van boete,
Dien moor kaom nao de stad
Mèt kukes en mèt sjroete!
Naoberse
't Raak diech neet liel'k geziech,
Doe stijve boerepommel!
Wat iech höb, das van miech,
Doe asteranten drommel!
Boeveur kumstoe nao Treeg,
Es veur dien pans te völle?
Aon hoes vraotste anders neet
Es kies en roggeknölle!
|
|