Het oude Nederlandsche lied. Deel 1

[p. 871]

240.
Claes molenaer en sijn minnekijn.

1.
Claes molenaer en sijn minnekijn
si saten te samen al inden wijn,
van minnen wast dat si spraken.

2.
‘Och Heyle, wel lieve Heyle mijn,
die valsche tonghen die wroeghen mijn,
ic sorghe si sullen mi dooden.’

3.
Een corte wijle en was daer niet lanck,
daer werden boden om Claes molenaer gesant,
dat hi voor die heeren soude comen.

4.
Als Claes molenaer voor die heren quam,
die heeren ghinghen in rade staen;
hoe wee was hem te moede.

5.
‘Claes molenaer, een sake die wi u vraghen:
die bonte cleederen die ghi draghet,
moechdijse wel draghen met eeren?’

6.
- ‘Dese bonte cleyderen die ic draghe,
die gaf mi een so schoone maghet;
si salder mi veel gheven meere.’

7.
Si gaven hem penninghen in zijn hant:
‘Claes molenaer, ghi moet rumen tlant,
Bruynswijck moet ghi nu laten.’

[p. 872]

 

8.

 

- ‘Adieu Bruynswijck, adieu mijn lant!

 

Adieu mijns herten een vergulden pant!

 

Ic come daer noch tavont slapen?’

9.
Die valsche tonghen verhoorden dat,
si volchden Claes molenaer tot op sinen stap
ende brochten hem tsavonts gevangen.

10.
Als hi te Bruynswijck binnen quam,
hoe weenden die vrouwen, hoe loegen de mans,
hoe wee was hem te moede!

11.
Mer weet ghi wat Claes molenaer sprac,
als hi daer voor die heeren tradt,
met sinen lachenden monde?

12.
‘Heer schoutet, ghi hebt drie dochterkijn:
ghi meynt datse alle drie maechden zijn,
mer lacen, si en zijn gheen van allen.

13.
‘Die eene dat is mijn minnekijn,
die ander draecht van mi een kindekijn,
ende bi die derde hebbe ic geslapen.’

14.
- ‘Heer schoutet, en treckes u niet an!
hi spreect als een verwesen man,
hi en weet niet wat hi clappet.’

15.
Mer weet ghi wat Claes molenaer sprac
als hi al op die leeder tradt
met sinen verbonden ooghen?

16.
‘In alle Bruyningen en staet niet een huys,
daer en gaet een ionge Claes molenaer wt
oft een vrou molenarinne.’

17.
- ‘Claes molenaer, nu laet u clappen staen;
En dede u clappen, ghi wares ontgaen,
mer nu moet ghi ymmers hangen.’

1, 1. t.: minneken. - 2, 2. t.: wroeghen mi. - 6, 2. t.: schoonen. - 9, 1. t.: tonghe. - 12, 1 en 14, 1. t.: Heer Schoutert. - 13, 1. minnekin. - 15, 2. leeder = ladder. - 17, 2. = zonder uw klappen.

[p. 873]

Tekst.

Antw. lb., 1544, nr. 15, bl. 20, ‘een nyeu liedeken van Claes molenaer’, hierboven weergegeven; - Hoffmann v.F., Niederl. Volksldr., nr. 55, bl. 135. - Aangeh. door Dr. Kalff, Het lied in de M.E., bl. 412, 425. In het Haerlemsch oudt lb., Haerlem by Vincent Casteleyn, z.j., vindt men een ander lied, ook eene andere geschiedenis, onder denzelfden titel ‘van Claes Molenaer’, die door Dr. Kalff, bl. 190, wordt vermeld.

Melodie.

Een dev. en̄ prof. boecxken, Antw. 1539, nr. 161, uitg. D.F. Scheurleer, bl. 192, voor het geestelijk lied: ‘In vruechden is alle die werelt wijt’. Scheurleer, bl. 317, stelt vast, dat de wijs van ‘Claes Molenaer’ meermalen in 17^de-eeuwsche liederboeken wordt voorgeschreven, o.a. in Dit is een schoon suyverlijck boecxken, Amst. Corn. Claesz., z.j.; bl. 56 v^o, bij de vergeestelijking van ‘Het daget inden oosten’. Erk u. Böhme, Deutscher Liederhort, II, nr. 250, bl. 42, deelen de eerste strophe van ons lied mede met de zangwijs, naar Een dev. en̄ prof. boecxken.