Het oude Nederlandsche lied. Deel 1

[p. 400]

94.
Tyrannich werc vol archs gedronghen.

1.
Tyrannich werc vol archs gedronghen,
mi en twifelt niet noeyt erger quaet;
dat ic oyt was van Venus ionghen,
dat maect mijn herte al desperaet.
Ick hebbe u verloren, mijn toeverlaet,
ic en weet niet hoet gaet;
alleen so blijve ic boelken inder noot,
want trouwe is nu ter werelt doot.

2.
Alle mijnen druck moet ic nu ontbinden,
hoe wel mi tvermaen is herde leedt;
gheenen troost en can ic aen u ghevinden,
elders te soecken dat waer mi onghereedt.

[p. 401]

 

Noyt scherper snede mijn herte doorsneet,

 

och, noeyt spere so wreet,

 

si heeft mijn herte heel doorvloghen,

 

ter eeren van u so wil ict gedoogen.

3.
Gheen dinc ter werelt en dunct mi so fel,
dat mijn ionc herte also seere deert,
als dat si met een ander bedrijft haer spel,
die mijn ionc herte also seer begeert.
Het is mijnder herten een snijdende sweert,
och, ic bens onweert;
dat ic die alderliefste moet wezen schu,
des sterve ic thien duysentich dooden nu.

4.
Wee mi dat ic oeyt was gheboren!
ter droever tijt ic die werelt aensach;
dat ic moet derven die ic heb wtvercoren,
dat is mijnder herten een swaer geclach.
Ic mach wel roepen: o wy, o wach!
ende bedrijven geclach;
coemt doot, haelt mi wten verdwijne,
want langer te leven is mijnder herten pijne.

5.
Schoon lief, als ic van deser werelt sal sceiden,
ende ghi met eenen anderen doet u gevoech,
segt doch eens: ‘God wil zyn siele geleyden.’
Hebbe ic also vele, tis mi genoech.
Die noeyt dat pack van minnen en droech
oft en trock die ploech
der ialousien in swaer verdriet,
ic rade u voor tbeste, sidyer niet en coemter niet.

1, 3. t.: Venus discipels jonghen. - 2, 2. herde, bijgev. - 2, 8. t.: ter eeren van u, schoon lief, enz. - 3, 7. t.: schou.

Tekst.

Antw. lb., nr. 153, bl. 228, ‘een oudt liedeken’. Aangeh. door Dr. Kalff, Het lied in de M.E., bl. 316. Aangeh. als wijs: Refereynen ende liedekens van diversche rhetoricienen, Brussel, 1563, bl. 113 v^o (‘O Tyrannich werck’, enz.), voor: ‘Den nacht is voorby / den dach licht schoone’; - Coornhert, Lb. 1575, Byvoeghsel, nr. 37, voor; ‘In ziel en lijf bestaat die hele mensche’; - Veelderhande

[p. 402]

liedekens, Amst. bij Corn. Claesz 1599, bl. 235 v^o en 349 v^o, voor: ‘Och Godt almachtich, Vader van hierboven’ (zie Dr. Wieder, De Schrift. liedekens, 's-Grav. 1900, Regist. nr. 612), en ‘Wilt niet vreesen, ghy Christen verheven’.

Melodie.

Souterl., Antw. 1540, Ps. 41, ‘Recht als een hart langt nae een fonteyne’, - ‘nae die wise: Tyrannich werc vol archs ghedronghen’, hierboven weergegeven; - I. Fruytiers, Ecclesiasticus, Antw. 1565, nr. 10, bl. 27, voor: ‘Neemt den tijdt waer.’