Spiegelboeck
(1600)–Jacob Duym–
AuteursrechtvrijOncuysschen vvil. Tghebots verachting.
Oncuysschen wil.
VVaer is hy nu, den vuylen druyt?
Den necker moet, hem bedroeven.
Tghebots vera.
Deirlijck sit ick, nu by de bruyt.
Oncuysschen wil.
VVaer is hy nu, den vuylen druyt?
Tghebots vera.
| |
[Folio R2r]
| |
Neef tis claer tant, al lachende uyt,
Ghy sullet eer, lang beproeven.
Oncuysschen wil.
VVaer is hy nu, den vuylen druyt?
Den necker moet, hem bedroeven.
Tghebots vera.
Ba, ba ick coem u by, niet lang en sal ick toeven,
VVel neef hoe hebben vvy't, nu hier aldus verkerft?
Oncuysschen wil.
Dit coemt al door u toe, tis van u al gheerft,
Ghy zijt vveirt dat ghy sterft, levendich in u schoenen.
Tghebots vera.
Tcoemt al door u toe dat, ghy een out vvijf met soenen,
Den oncuysschen vvil heeft, hem tot het vverck ghestout.
Oncuysschen wil.
Ghy zijt het selfs die hem, in sonden menichfout,
En by de hoeren hout, en doet 'tghebot verachten.
Tghebots vera.
Ick en passer niet op, hy sals hem nu vvel vvachten,
Maer segt my in vvat gat, sullen nu vlieden,, vvy.
Oncuysschen wil.
Hier yevvers onder 'tvolck, onder dees lieden,, vry,
Daer isser veel die ons, al stil houvven in eeren.
Tghebots vera.
Neen gaen vvy naer 'tgroot Hof, onder de groote Heeren,
Daer te verkeeren, is, van al 'tvolck gheacht,, meest.
Oncuysschen wil.
Ick oncuysschen vvil bin, daer een groot gheacht,, gheest,
En dan ghy zijt daer oock, een cleyn Prinsken verheven.
Tghebots vera.
Laghen vvy in de gracht, sy souden de hant gheven
Om ons te helpen, des, gheef ick tot haer mijn stem.
Oncuysschen wil.
Maer vvat hebt ghy daer doch?
| |
[Folio R2v]
| |
Tghebots vera.
Mijn pack en mijn vuyl hem.
Oncuysschen wil.
Tvvaer beter croonen om, onder vveghen te teiren.
Tghebots vera.
Svvijcht vvy sullen ons vry, vvel vveten te gheneiren,
Panem propter Deum, de hant over de door.
Oncuysschen wil.
Somtijts int gasthuys oock, ick en sorch nieuvvers voor,
Daer hebbender voor ons, veel haren cost ghecreghen.
Tghebots vera.
VVy sullen doen ghelijck, al ons medebroeders pleghen,
Neef ghy cont emmers vvel, neighen en stuypen,, fray.
Oncuysschen wil.
Gaen vvy door tis tijt vvy, moetent vercruypen,, vvay,
Als schelmen moeten vvy, nu vant vendel gaen scheyden.
Tghebots vera.
Gaen vvy dan door tis tijt, vvy en moghen niet beyden,
VVy vertrecken als tvvee, die 'theel hebben verbrot.
Oncuysschen wil.
Vaert vvel Locria de, schoone stadt dat is 'tslot,
En oock ghy vrouvven schoon, vaert vvel ghy schoone moncken.
Tghebots vera.
Vaert vvel ghy soeten vvijn, die vvy so dicvvils droncken,
Hoe gheeren so schoncken, vvy dien by een schoon dier.
Oncuysschen wil.
Die keirs is uyt, dus gaen, vvy met neerstich bestier,
Gaen in.
In een ander ghevvest, vreucht soecken t'onser baten,
VVant hoe't is d'exter can, haer huppelen niet laten.
|
|