De eerste uytcoemst vande tvveede gheschiedenis.
Den Mayer. De Borghemeester. Eersten Raet. Tvveeden Raet. Andere Raden.
De Raetscamer gaet op.
Eervveerdighen Raet een, saeck moet ick hier voort bringen,
Ny ghy al zijt vergaert, vvant sy treft sonderlinghen,
Dat is Cimon die ick, ghevanghen heb onlancks,
VVat raet isser voor hem, vvy crijghen luttel dancks,
Mits dat hy so veel cost, en so seer veel is schuldich,
De clacht van 'tghemeyn volck, is groot en menichvuldich,
Dat hy niet en vveet op, te bringhen, dats den noot,
En daer hy borch voor is, is ghestorven de doot,
| |
Zijnen vader die leyt, daer nu boven der aerden,
Daer en is gants gheen goet, dat vvy souden aenvaerden,
En nochtans moet 'trecht van, Athenen zijn bevvaert,
Dat is die men bevint, met penninghen besvvaert
Die tghemeynte aengaen, moet die terstont betalen,
So hy oock niet en can, salmen dan sulcx verhalen,
Eerst aen zijn haef en goet, en int lest aen zijn lijf,
VVat raet isser met hem, en met zijn stout bedrijf,
VVy en moghen gants niet, te buyten gaen ons vvetten,
VVaerder noch eenighen raet, oft vvist hy borch te setten,
Maer neen hy voorvvaer niet, hy blijft gants inden last.
Tis vvel claer een svvaer saeck, en daer dient op ghepast,
Het vvaer te deiren sou, desen man om hals comen,
Die hem in dit stuck heeft, ghedraghen als den vromen,
Nochtans is hy voorvvaer, ghebleven 'svaders borch.
Laet ghy hem los en vry, voor oploop ick dan sorch,
Tschamel ghemeynt sal daer, al te seer teghen spreken,
Om dat' van haer ghelt is, sy sullent vvillen vvreken,
Dus en vveet ick met hem, ter vverelt gheenen raet.
Oploop moet verhoet zijn, dat vvaer het archste quaet,
Beter sterft den borch dan, dat hy ons brengt int lyen.
Zijn saken staen vvel slecht, niemant can hem bevryen,
Die borch blijft dat hy sterft, dat is d'uyterste Recht.
Het behoort so te zijn, nochtans schijnet vvel slecht,
Dattet kint voor den vaer, sal moeten de doot sterven.
Noch vveet ick raet laet ons, hem liever doen bederven
Door grooten honghers noot, en uytersten dorst fel,
So en hooren vvy van, niemant eenich ghequel,
Inden kercker sal hy, so al stil doot terstont,, zijn.
| |
Dus heer Mayer dit dunct, my vvel den besten vont,, zijn,
Believet u niet dat, hy sulcx nu stelt te vverck.
Volbringt dan sulcx, bevelt doch vvel sterck,
Draghet vonnis als van, ons allen uytghesproken.
Seer noode soud' ick het, ghebot vanden Raet croken
Ick hoop te doen als ick, tot noch toe heb ghedaen.
VVy laten dan de saeck, tweemael op u staen,
Biddende dat ghy haer, haest vvilt en eynde drijven,
Tgaet Rechters vvel als, sy by haer vvetten blijven.
|
|
Auteursrechtvrij