Spiegelboeck

[Den Spieghel der Liefden]

[fol. G3v]

	{ Praetor, in duytsch Mayer, oft Baillu.
	{ Miltiades een stock out man.
	{ Cimon een bedaecht man.
	{ De Borgemeester.
	{ Stadts Bode.
De namen der gener die haer dit Spel zijn moeyende.	{ Eersten Raedt.
	{ Tvveeden Raedt.
	{ Andere Raden.
	{ Ghevangenis bevvaerder, ofte Steenvvachter.
	{ Drye Crijschlieden vvachters.
	{ Cimona een jonghe vrou, Cimons dochter.

[fol. G4r]

De Poeet oft Dichtstelder seyt de Voorreden, oft soment plach te heeten de Prologhe, inhoudende 'tverstant vande gheheele Tragi-comedie, ghestelt in overander dicht van derthien syllaben.

Valerius genaemt, de grootste ons verclaert,, claer,
Dat Miltiades tot, Athenen binnen der stadt,
Schuldich bevonden is, daerom vvert hy besvvaert,, svvaer,
Der gemeynten gelt heeft, hy seer lang onder gehadt,
Des hy ghevanghen vvort, nu seer out zijnde bedaecht,
VVaer door hy raecte in, eenen heel soberen staet,
Vanden Mayer vvort hy, eerst daechs totter doot beclaecht,
Maer Cimon de soon treet, stoutelijck voor des stadts Raet,
Versoekende van haer, zijn vaers vryheyt ootmoedich,
Hy blijft borch voor zijn lijf, en de schult na rechts pleghen:
Des de Raet siende daer, zijn groote liefde goedich,
Volbrachten zijn versoeck, sy lieten haer bevvegen,
Maer de vader sterft haest, en Cimon blijft inden noot,

[fol. G4v]

 

En soo hy cleyn macht had, quam hy in grooter schanden,

 

Hy vvort na recht int lest, deerlijck vervvesen terdoot,

 

Dat hy van honger groot, in seer droevige banden,

 

Sonder voetsel oft spijs, moest daer stervende vergaen,

 

Tvonnis vvas vanden Raet, tegens hem uyt ghesproken:

 

Maer een stout stuck heeft zijn, dochter Cimona

 

So sy hem eten noch, drincken en mocht koken,

 

Gaf sy hem de borst die, sy haer kint heeft ontogen:

 

Dit heeft so lang gheduert, tot den vvachter sulcx bevont,

 

Hy sach dat de vaer heeft, 'sdochters borsten gesogen,

 

Des vvort sy by den vaer, gevangen tot dier stont:

 

Den Raet vernamt seer haest, men dede haer de clachten,

 

Maer uyt genade bloot, liet en sy haer los en vry,

 

Sulck liefde sachmen daer, den Raet grootelijc achten,

 

Sy keeren beyden na, huys, seer vrolijck ende bly,

 

Dit vvort u hier van ons, speelvvijs openbaer vertoont,

 

Sulcke liefde vvas vveert, dat sy heerlijck vvort beloont.