|
| |
Vande derde Gheschiedenis, de tweede uytcomst.
Capiteyn Herrogeir, Capiteyn Logier, Capiteyn Lambert, Een der Soldaten.
Herrogeir comt uijt met Capiteijn Lambert.
IC vind heel goet t'gheen dat sijn Excellenci schrijft,
En my vervvondert seer: vvaer dat het Crijchs-volck blijft
dat ick ontboden heb, my begint te verlangen.
Ik hoop sy hebben den brief van my al ontfanghen.
Tis nu juyst den tijd claer, dat d'uer verstreken is:
dat sy hier moesten ziin, dat vveet ick voor ghevvis:
Sy comen deen voor endander naer uijt.
Soud' ick bedroghen ziin, soud' yemand my verlaten:
Capiteyn Logier comt met sesthien fray Soldaten
uyt t'vaendel van Graeff Phlips: en ginder comt Frevel
Met sesthien gasten cloeck: dit past voorvvaer heel vvel:
T'hert in miin lijff begint te dincken om te vechten.
t'Ziin (soo ick vvel vveet) al fray beproefde knechten,
Van heusden comen, sy, van miin heer van Famael.
| |
| |
Daer comt t'held met 'volck' van miin heer van Lier temael,
En tvvintich vier van miin, die ziin al onder vveghen,
Herrogeir geeft de soldaten de hand.
VVillecom miin broeders cloeck, den last nu eerst gecregen,
Van d'Excellenci selfs vvord u gheopenbaert,
hy vveet dat niemand van u al sy selfs en spaert:
Als den nood sulcx vereyscht, des bid hy u eendrachtich,
Dat elck hem een held toon', als ghy oock ziit vvarachtich:
Int Zvvartenberghs Veir leyt een schip met torff ghereet,
Daer moeten vvy al in: tis bequaem, soo ick vveet
Om tseventich van ons behendich in te borghen,
De saeckt is claer heel goet, vvilt nerghens doch voor sorghen
VVant desen torf vvord opt Bredaes Casteel vervvacht,
VVat hebben vvy te doen, dan s'nacht ter middernacht
Al de vvacht-plaetsen snel, en cloeckliick t'overloopen,
Een hondert die daer ziin, oft vvy moetent becoopen,
het voordeel is voor ons, vvy hebben goede kans,
Als Leeuvven moeten vvy ons toonen, cloeck als mans,
Sijn Excellenci selfs sal onder t'Casteel vvesen,
Graeff Hohenloo, Graeff Phlips, veel heeren vvaert gepresen,
Iustinus van Nassau, Veer, Famael, en noch meer,
Verlanghen als vvy doen, jae ommers vvel soo seer,
Die sullen by ons ziin, als vvy het stuck aengrijpen.
Ick hoor vvel vvat dat is, het salder vvel hart nijpen,
Maer comeraf vvat vvil, het stuck staet my vvel aen.
En tvvijfelt oock niet oft vvy sullen eer begaen,
Te meer dat dees stad is van't huys van Nassau comen,
t'Land vvord met haer ghedient, en als sy is ghenomen,
Is Braband open heel, tis eenen voet int Land.
| |
| |
VVy moeten naer t'schip toe, den tiid is voor de hand.
vvat seght ghylieden dan miin lieve trou ghesellen,
Ick hoop vvy moghen ons hert vvel vast op u stellen,
Dat ghy ons bystaen sult, met u lijf, en u bloed,
Ick ken u over langh, oock ken ick u ghemoed,
En hoe ghy u noch meer voortijden hebt ghedraghen:
Zijt ghy dan al ghereed, om t'lijf met ons te vvaghen?
Seght sulcx al vrij rond uyt, maer die vreest het dangier,
Die vertreck vveer te rug', en gae in tijds van hier,
Maer zijt ghy cloeck ghesint, vvilt u lijf by't ons setten,
Ghy vvord verbetert haest, vvilt op u stuck vvel letten,
Ghy vvord verhooght, gheacht, als Crijchslie goet befaemt.
vvy hopen ons in als te draghen alst betaemt,
Als goed Crijchslie ghebeurt, daer Hoplie ons voortreden,
Die volghen vvy al naer, vvy vvaghen t'lijf als reden,
De letste druppel bloets is voor t'Land en den dinst.
Gaen vvy te samen dan, soo vvel de meest als minst,
Ick sal u cloeck voor gaen, de Heer ons gheleyden,, sal,
Den tijd is nu al hier, dat men ons verbeyden,, sal.
Gaen in.
|
|
Auteursrechtvrij