|
| |
Vande derde Gheschiedenis, de eerste uytcomst.
Graeff Mauritz, Capiteyn Lambert.
Sijn Excellencie comt alleen uijt.
DEes saeck van Breda my nu doch al te seer quelt,
Sy is mits koud', en ijs, te seer lang uyt ghestelt,
Tis vreemd dat daer geen Prins, hoe sterck, hoe rijck van landen
En is, oft God heeft al sijn saken in sijn handen,
Niet dan alst hem belieft, en gheschiet daer doch yet,
VVat men ter handen treckt, hoe seer dat een verdriet:
Hy is Heer boven al, het moet hem eerst believen,
Ick heb van ghister nacht ghesonden een met brieven,
Dat sy haer houden reed' al teghen dijnsdagh s'nacht,
Maer s'vvinters felle kou, soo snelliick baert haer cracht,
| |
[Folio Diijv]
[fol. Diijv]
| |
dat ick sorgh dat te seer voor ons vvel mocht gaen vriesen,
des vvy d'aenbieding' en niet dan tijd en verliesen,
d'vverck dient daer om ghehaest, eer t'vvater vvord te hert,
De pagie comt uijt.
Dat hy hier com' by my, hy moet hem vrij vvat spoeyen,
De page loopt in.
Hy sal hem met dees saeck met allen gheeren moeyen,
Hy doet seer gheeren dienst, en is seer trou van raet,
Als hy maer van crijch hoort sijn hert int lijf op gaet,
Hy heeft sulcx vvel ghetoont op veel verscheyden plecken,
Capiteijn Lambert comt uijt.
Capiteyn ghy moet ras op staende voet vertrecken,
Op de Schants van Noord-ddam, daer vind ghy Herrogier:
Draecht hem dees brieven met, daer ick u aff sprack schier,
Saegh' ick vvel gheeren nu van eenen dagh vervroeghen,
Staet Herrogier vvel by, en vvilt u by hem voeghen:
Ghy moet in dit stuck ziin den tvveeden van persoon,
Naest hem: alst ghedaen is, vervvacht dan oock den loon
Die een Soldaet toe comt, d'vvelck tsuer vveer sal versoeten.
Ick ben voorvvaer bly dat ick den dagh magh ontmoeten,
Om d'Excellenci eens ghetrouvven dienst te doen,
Ick ken Herrogier vvel, het is een Crijchs-man koen,
Ick sal hem oock bystaen als trouvve broeders horen.
Reyst dan nu terstond heen, laet geenen tijd verloren,
Ick sal my metter vaert oock maken op de been,
vvant inden Clunder ist volck nu schier al by een,
vvy sullen op den tijd, en onsen dagh vvel passen.
| |
| |
Soo neem ick oorloff Heer met vlijt sal ick my rassen,
Om naer te comen vvel, den last en bevel dat,
Vertrect met eerbiedinghe.
Ick beveel God de saeck, ick moet naer dat ick kan
Miin besten altijd doen, en my heel vaerdigh houvven,
Tis Godes vverck, ten is gheen menschen te betrouvven.
Gaen in.
|
|
Auteursrechtvrij