|
| |
Vande derde Gheschiedenis, de tweede uytcomst.
Spaenschen-Raed, Bloed-dorst, Inqusitie.
Spaenschen Raed en Bloed-dorst comen uijt.
HA, Ha, Ha, nu gaet den vvaghen voort,
Ick hoop t'sal nu claer eens vvel lucken.
VVat schuylter doch, ist vveer brand, of moort.
Ha, ha ha, nu gaet den vvaghen voort,
| |
| |
Men vvacht nu niet dan naer Paspoort.
Danst erghens een blind paert op crucken?
Ha, ha, nu gaet den vvaghen voort,
Ick hoop t'sal nu claer eens vvel lucken,
Men sal hem rucken vvech, en brenghen om den hals.
Maer segt doch uyt, vvie doch?
Den Prins, seer loos en vals,
Den meesten vyand die vvy hebben op der aerden.
Leeft hy die sulcken last soud' vvillen eens aenvaerden?
och 'tvvaer voor ons seer goet, vvaer hy maer slechts al deur.
Laet sorghen varen nu, vlied allen svvaer ghetreur,
vvy sullen eer yet lang, hoop ick, gaen fray feest hauvven,
Segt uyt, hoe staet de saeck, vvilt sulcx eens claer ontfauvven.
Een Borgoingnon seer cloeck heeft aengenomen d'last,
Den Oraingnisschen Prins vvord haest van hem verrast,
Ick hoop t'sal veur hem haest den lesten dagh eens vvesen.
Diet doet vvord van ons als een heylich Sant ghepresen,
vvaer hy slechts dood, t'vvaer veur ons een gevvenste saeck.
Ick vvoud' dat geschied vvaer, vvant ick daer seer nae haeck,
Hoe soud' ick met sijn bloed, den dorst gheheel versaden.
| |
[Folio Eiijr]
[fol. Eiijr]
| |
VVist d'Inquisici dit, die daer seer is beladen,
Die anders niet en vvenscht, die anders niet en soeckt.
Inquisitie comt uijt en murmureert tegen sij self.
vvel, ginder comt hy, siet hoe dat hy tiert en vloeckt,
Hy siet so bitter, t'schiint dat hy't al sal op eten.
Och, vvaer doch desen Prins vvegh, och vvaer hy verbeten,
helpt al, vvat helpen mach, is daer nu gheen raet.
Maer siet doch hoe hy raest, en heel mistrootich staet,
Tis meer dan tiid dat vvy hem dit stuck gaen belijden.
Mijn vrienden, als ick u sie so moet ick verblijden,
Ghy beyde ziit alleen al miinen vvaerdsten troost.
vveest vroliick dan, ghy comt hier heel vvel te propoost,
vvy hopen eer yet lang, Alleluya te singhen.
Als ghy so spreeckt soud my t'hert in miin lijf opspringhen.
Maer segt my het verstand, vvat daer van de saeck,, is.
Als ghy meynt dat ick slaep, ick noch al cloeck vvaeck,, fris,
T'spel is op rollen, jaet, t'sal nu haest al tieren vvel.
Ho miinen Bloed-dorst sal ick nu haest bestieren,, vvel,
Het zeyl staet inden top, tis nu claer al voor vvind.
| |
[Folio Eiijv]
[fol. Eiijv]
| |
Ghy seght ons al vvel veel maer de saeck heel ontbint,
De Prins al van Oraengnen moeter blijven,
Svviight, is daer yemand die hem derven soud ontlijven,
Dat vvaer voor ons een held, ey segt doch, vvie salt doen;
TIs Baltazar Gerards, een Borgoingnon seer koen,
VVy sullen hem in sijn daed van vers seer vvel stercken.
O Spaenschen Raed ghy vveet al looflick stil te vverken,
Ghy hebter onder u die t'stuck seer vvel verstaen,
Die goet Borgoingnons zijn, en ons ziin toe ghedaen,
Dan het is al goet volck, tis vvaert dat vvy haer prijsen,
Maer desen voghel liet hy hem vvel ondervvijsen,
Is het sijns dings oock vvel, ist verstand niet te grof.
Neen, hy is cloeck ghenoech, hy heeft den voet int Hoff,
Alst tijd is en stond, sal hy op den haspel passen.
Miin handen hoop ick vvel haest in sijn bloed te vvassen,
Macht slechts ghelucken, ick sal toonen miinen aert.
daer vvord noch een, noch geen, van de Lutheraens gespaert,
Heel Holland, Zeeland oock, sal ick haer less' vvel leeren.
Och vvaren slechts van kant, al de inlandsche Heeren,
VVy souden voorvvaer vvel haest meester zijn van 't Land.
| |
| |
VVaer desen Prins slechts dood, tvvaer al quint voor de hand
Ick Inquisici soud' in svvang gaen op veel plaetsen,
Al der Rebellen spel, soud' loopen haest op schaetsen,
VVy vvaren Heeren, die nu sitten inden hoeck.
Maer ick tvvijfel niet den held draeght hem heel cloeck,
Ick sal verlanghen seer al naer den dagh van morghen.
Soo't ons vvel gaet, hoe sal ick branden, en vveer vvorghen,
By duysent sal ick haer vveer setten op een rat.
Van het vergoten bloed hoop ick te vvorden sad,
Men moet haer leeren den Romeynschen Paus verachten.
Laet ons vertrecken, dan gaen vvy ons kans vervvachten,
T'hert dat is half met sorgh, half met hoop oock vermingt.
Hy is Sot die vreught voor d'overvvinning' singt,
De Hoogh vermeters stoud ghemeynlick al dvvasen,, ziin,
Gaen vvy dan, en laet ons van vers al stijf blasen,, fijn.
|
|
Auteursrechtvrij