lovende een uytnemende somme ghelts aen den ghenen die sulcke een Tyrnnische, jae meer als Barbarische moord aenden voorsz Heere Prince souden begaen hebben, toesegghende noch daer en bouen groote titelen van Edeldom aen den ghenen die de moord soude doen, O onversadelijcken bloed-dorst, vvaer aen dat vvel te sien vvas, vvat hert dat sy de arme bedroefde Landen vvaren toedraghende, ende hoe sy met voorraet dachten, als sy den Herder oft het Hooft vvech hadden, dat sy als dan met ons souden omgaen als den VVolff doet met de verlatene schapen, dan dien Almachtigen God die een heersscher is bouen alle de Tyrannen, en heeft ons daer om niet verloren ghelaten, al ist dat sy haer vvreetheyd ende moordadicheyd in als soo veel hebben te vveghe ghebracht alst haer is mogelijc gevveest. Sy hebben den voornoemde Prince eerst tot Antvverpen door eenen Ainnastro, die den ban door sijnen Dienaer dede te vverck stellen, moordadelijck door sijnen hals ende kaken gheschoten, den vvelcken den goeden God soo vvonderbaerlijc noch dat mael ghespaert heeft, soo dat hy van dien scheut noch is ghenesen gevveest, maer daer met haren bloed-dorst noch niet versadicht zijnde, hebben eyntlijck int jaer 1584, eenen God-vergetende Borgoingnon, met name Balthasar Gerards gevonden, die niet gerust en heeft voor dat hy den voornoemden Heere Prince moordadelijck in sijn eyghen Sale doorschoten heeft: O eerloos vverck vanden Coninc van Spaingnen begaen, die desen die hem so lange een trou Prince vvas ghevveest, en die dese sijn Nederlanden geeren in alle rust met vrijheyd der conscientien ende onderhoudinghe harer
Auteursrechtvrij